رواية جنة الرسلان الفصل الثاني 2 - بقلم نور الشمس

صحيت زينة بفرحة وسعادة لأنها سوف تذهب القاهرة وستذهب لأحد المولات لمشاهدة الفيلم، وسوف تحضر مجموعة من الملابس. جريت زينة بسرعة إلى الحمام وأخذت دشاً منعشاً وتوضأت وخرجت تصلي فروضها بخشوع تام. بعد ذلك توجهت إلى الدولاب وأخذت ملابس عبارة عن بنطلون باللون الكافيه من القماش، وبدي باللون الكافيه، وبليزر باللون الأبيض، وتركت لشعرها الحرية خلف ظهرها، وعملت مكياج هادئ جداً ورشت عطرها وخرجت تجري. زينة بفرحة: مامي مامي مامي.

لميس بابتسامة: صباح العسل حبيبي مامي. زينة بابتسامة: صباح الورد لولي، يلا بقى علشان نلحق الطيارة. لميس: اتفضلي يا قلب لولي. سحبت زينة الشنطة الخاصة بها وسحبت لميس الشنطة الخاصة بها وغادرا المنزل للتوجه إلى القاهرة. في المطار. أنهت لميس الأوراق المطلوبة ومسكت يد ابنتها وتوجهتا إلى الطائرة. بعد مرور ساعة كانتا يخرجان من مطار القاهرة ووجدا في انتظارهما روتانا. روتانا بفرحة: جو جو وحشتيني أوي.

زينة بابتسامة: وأنتي أكتر روتانا سينما. روتانا بغيظ: بت اتعدلي علشان ما أسحبش العرض. زينة بكلمة: أنتي وحشة روتانا خليجية. لميس بضحك: ههههههههههه، يلا يا قردة منك ليها اختي حبيبتي وحشتني. روتانا: اختك موجودة، بلاش تقلقي، ومجهزة كل حاجة للعيد. الحارس باحترام: آنسة روتانا الشنط في العربية، اتفضلي نمشي. روتانا بمشاكسة: نمشي ولا نركب؟ الحارس بغيظ: يلا يا روتانا زمان. ضحكت زينة بشدة على تعابير وجه روتانا المتغاظ.

في قصر المغربي. وصلت السيارات إلى القصر ونزل الجميع منها وتوجه النساء إلى الداخل. زينة بفرحة: نونا. هنا بفرحة: زوزو وحشتني أوي أوي يا قلبي. حضنت هنا زينة بكل حنان وحب وأخذت تقبلها. لميس بغيظ: في إيه يا هنا؟ هو أنا كنت بايتة في حضنك؟ هنا بضحك: ههههههههههه، بصراحة أنا لما بشوف زوزو بنسى الدنيا كلها. زينة بابتسامة: حبيبتي يا نونا. هنا بحنان: أنا عملتلك شوية أكل إنما إيه جامدين علشان تتغذي كده.

لميس: على أساس إني حرمتها من الأكل. هنا بارف: هو العك اللي بتعمليه ده اسمه أكل؟ لميس بغيظ: على فكرة يا هنا أنا لسه عملاها رقاق باللحمة وكان جميل، اسأليها. زينة بابتسامة: الملح كتير ومعجن ومالوش طعم الرقاق خالص بصراحة. هنا بحب: يا روحي أنا عارفة إنك بتعشقي الرقاق علشان كده عملته ليكي بإيدي، والله رفضت أي حد من الخدم يساعدوني، كله اللي أكل زوزو حبيبتي. رسلان بابتسامة: حمد الله على السلامة يا لولي.

لميس بابتسامة: الله يسلمك يا رسلان، وحشتني أوي. رسلان بابتسامة: وأنتي أكتر، كل سنة وأنتي طيبة. لميس بابتسامة: وأنت طيب يا كينج. رسلان بابتسامة: حمد الله على السلامة زينة. زينة بابتسامة: الله يسلمك يا أبيه. رسلان بابتسامة: هااا لميتي كام عيدية؟ زينة بابتسامة: بعد مقلب نونا وقلب روتانا موسيقي هيبقي مبلغ حلو هجيب بيه هدوم جديدة للجامعة، إنما بعد مقلبك أنت هجيب لاب توب وفون جديد.

رسلان بضحك: ههههههههههه، يعني أنا هتقلب في حدود كام؟ زينة بتفكير: اممممممم، يعني في حدود ٢٠ أو ٢٥. لميس: جنينة صح؟ روتانا بسخرية: أنتي طيبة أوي، ألف يا لولي، ألف الصغير هيقلب الكينج، يعني ده أقل واجب. لميس: لا طبعاً مينفعش. رسلان بابتسامة: مليكيش دعوة أنتي يا لولي، طلبات الصغير أوامر. زينة بفرحة: شكراً يا أبيه رسلان. روتانا بغيظ: يا سلام، إشمعنى هي؟ أنا بردو طلبت منك طلب وقلت.

رسلان بابتسامة: يا مفترية، هي طلبت لاب توب وفون بس، أنتي طلبتي عربية غير الأجهزة الغريبة اللي خدتيها من المصنع. روتانا: ديه نكرة وديه نكرة، هتتغير العربية ولا أقتلك زينة. زينة بغيظ: يا سلام يا ختي، تقتليني ليه كمان يا مفترية؟ أنتي لسه مغيره العربية، عايزة تغيريها تاني ليه؟ روتانا بغيظ: مليكيش دعوة يا رخمة، كمان لقيت واحدة أحلى. زينة: أبيه نفض ليها وحلق لها، ديه عبيطة أصلاً.

رسلان بابتسامة: تصدقي صح، أنا هنفض ليها وحلق لها حاضر. هنا: بس حاجات إيه اللي خدتها من المصنع؟ رسلان: معرفش والله، مكبرات صوت وحاجات زي كده. هنا: ليه هتشتغلي بتاعة دي جي؟ روتانا بسخرية: لا هشتغل رقاصة. زينة بفرحة: نونا أنا جعانة، هو أنتي مش هتاكليني؟ هنا بحنان: حالا يا روحي، اطلعي بدلي هدومك ونزلي يكون الأكل جاهز. زينة بابتسامة: إشطا، تعالي معايا روتو. روتانا: إشطا، يلا. صعد البنات إلى الأعلى ونظرت لميس لرسلان.

رسلان بابتسامة: قومي يا لولي، بدلي هدومك ونزلي علشان ناكل مع بعض. لميس: ماشي يا كينج، لينا قاعدة. رسلان بابتسامة: حبيبتي يا لولي. في جناح روتانا. دخلت زينة بسرعة إلى الجناح وخلفها روتانا. زينة بفرحة: فين الحاجة روتو؟ روتانا ببرود: حاجة إيه؟ زوزو؟ زينة بغيظ: بت بلاش برود معايا. روتانا بتحريك حواجبها: براحتي يا صغننة. زينة بزعل: يعني هتزعليني منك وإحنا في العيد؟ روتانا بسخرية: أدائك أوفر بصراحة.

زينة بزعل: شكراً روتو، مش عايزة حاجة منك. روتانا بحنان: بطلي عبط، الحاجات اللي أنتي طلبتيها موجودة وتحت أمرك، وأحدث نوع كمان. زينة بفرحة: بجد روتو؟ هااااااااااااااا أنا فرحانة أوي أوي. روتانا بحنان: مبروك يا حبيبتي، بس في مشكلة. زينة: مشكلة إيه يا بومة؟ روتانا: هتسافري بالحاجات ديه إزاي؟ وإصلاً أمك هتقول إيه؟ زينة بابتسامة: عيب عليكي يا معلم، الحاجات ديه هتسافر بيوم سفري وهتوصل بعد سفري بيومين. روتانا: إزاي؟

شركة شحن؟ زينة بابتسامة: توتوتوتوتوتو، أبيه مازن هو اللي هياخد الحاجات وهيوديها ليا. روتانا بسخرية: وبيقولوا عليكي طيبة وكيوت، ده أنتي إبليس يتعلم منك. زينة بابتسامة فخر: يا بنتي زمان إبليس مجمع عياله كلهم وبيقولهم اتعلموا يا عيال من الخبرة. روتانا بسخرية: أنتي لسه 19 سنة، أمال لما تبقي 30 أو 40 سنة هتعملي إيه؟

زينة بابتسامة: هيبقي اسمي علامة مسجلة في جميع البيوت والقنوات الفضائية، هيبقي اسم زينة الرفاعي من أكبر الإعلاميات في الشرق الأوسط والعالم كله. روتانا بابتسامة: يا رب يا حبيبتي. زينة بفرحة: يلا بقى وريني الحاجات. روتانا بابتسامة: تعالي حبيبتي. توجهت روتانا وخلفها زينة إلى مكان الأجهزة ووقفت زينة تشاهد كل شيء بفرحة واسعة. زينة بفرحة: تعرفي روتو، النهاردة أول حلقة بث مباشر. روتانا بابتسامة: الله عليكي يا عسل.

زينة بفرحة: عايزين نجهز شوية أغاني جامدة علشان نشغلهم. روتانا بغمزة: عيب عليك يا برنس، أنا موجودة وهتلاقي كل حاجة عايزاها عربي وأجنبي. زينة بابتسامة: عايزة قديم وجديد، عايزة على كل ذوق. روتانا: إشطا، بلاش تقلقي، أنا هنزل ألبومات للأغاني القديمة عربي وأجنبي. زينة بفرحة: تمام، يلا بقى علشان ننزل. روتانا بحنان: ادخلي بدلي هدومك وتعالي.

جريت زينة بسرعة إلى الدولاب وأخذت ترنج منزلي باللون الأبيض مع الأحمر وبدلت ملابسها ونزل البنات إلى الأسفل. في الأسفل. نزل البنات إلى الأسفل حتى يتناولوا الطعام فوجدوا لميس تجلس ورسلان يضع رأسه على قدمها وهي تلعب في شعره. روتانا بصوت عالي: يا هناااااااااا يا هنااااااااااا الحقي يا هناااااااا. خرجت هنا بسرعة على صوت روتانا العالي. هنا بخضة: في إيه يا روتو؟ روتانا: في إيه؟

نزلت أنا والبنت الغلبانة ديه لقيت ابنك المحترم المبجل نايم على رجل أختك الحلوة، لا وكمان أختك الحلوة بتلعب في شعره. هنا بغيظ: ااااااااااااه يا بقرة. زينة بابتسامة: خلاص نونا سيبك منها، أنا جعانة. هنا بحنان: حاضر حبيبتي. وبغيظ: وأنتي يا بقرة تعالي ساعديني. روتانا بغيظ: وهتسيبي ابنك مع أختك؟ هنا ببرود: آه، مليكيش دعوة، ورايا على المطبخ. مشت هنا ونظرت روتانا بغيظ لرسلان ولميس وتوجهت خلف أمها.

جلست زينة على الكرسي تلعب بالفون. رسلان بابتسامة: بنوتي الحلو بيعمل إيه؟ زينة بابتسامة: ولا حاجة، بلعب لغاية خالتو ما تخلص الأكل. رسلان بابتسامة: يعني مثلاً مش متغاظة علشان أنا نايم على رجل ماما؟ زينة بابتسامة: لا عادي، ما هو أنا كمان مستغلة أمك في تجهيز الأكل اللي هاكله. رسلان بضحك: ههههههههههه، لا أصلي يا بنوتي. لميس بغيظ: أنت يا بيه سيبك منها وكلمني عدل. رسلان: عايزة إيه يا لميس؟

لميس: عايزة أشوفك عريس وتكون أسرة وشوف لك أحفاد. رسلان: لسه بدري. زينة بابتسامة: ليه يا أبيه؟ أنت فيك كل المواصفات اللي أي بنت تتمناها. رسلان بابتسامة: وأيه هي بقى يا ست زينة المواصفات ديه؟ زينة بابتسامة: وسيم ومحترم وابن ناس ورجل أعمال ناجح وهتقدر تسعد الإنسانة اللي هتدخل قلبك وحياتك علشان هتبقى مخلصة ليها وملكش في الغدر والخيانة وهتعيش الإنسانة ديه ملكة بجد لو حبيتها. رسلان: نسيتي إني غني ومعايا فلوس كتير.

زينة بحكمة: والله يا أبيه مش بالفلوس، ممكن تكون أغنى واحد في الدنيا بس أخلاقك زفت و شايف الست سلعة تبيع وتشتري فيها وتكون لنزواتك ورغباتك وبس، وممكن تكون غني بس بتتقي الله في كل حاجة وشايف الست تاج فوق راسك ولازم تحافظ عليه وتحميه، وممكن تكون فقير وبردو ظالم ومفتري بتأذي في خلق الله، وبردو فقير بس بتحافظ عليها. رسلان بابتسامة: كبرتي إمتى يا بنوتي؟ زينة بكلمة: أنا لسه صغننة يا أبيه.

رسلان بابتسامة: طبعاً هتفضلي بنوتي الصغننة. هنا بحنان: يلا حبيبتي، جهزتلك كل الأكل، يلا. زينة بفرحة: هااااااااااااااا هناكل. جريت زينة بسرعة إلى السفرة وضحك عليها الجميع. تناول الجميع الطعام وسط الضحك والهزار من زينة وروتانا ومشاکستهم لبعض. بعد فترة كان الجميع يجلسون يتحدثون ولكن انتفض رسلان بسرعة. هنا: في إيه يا رسلان؟ رسلان بابتسامة: مفيش حاجة ماما، لحظة واحدة. روتانا: رايح فين؟ رسلان: مليكيش دعوة يا روتانا زمان.

خرج رسلان وضحك الجميع على روتانا. روتانا بغيظ: الله يسامحك يا هنا، أنتي السبب، حد يسمي بنتة الوحيدة عليا اسم قناة تلفزيون ليه؟ هنا بضحك: ههههههههههه، والله كنت قاعدة مع أبوكي ونتفرج على التلفزيون وقال لي لو جت بنت هنسميها روتانا على اسم القناة ديه، وجيتي بنت وسميناكي. روتانا بغيظ: نييييييي. دخل رسلان وهو يحمل شنط وتوجه إلى زينة وابتسم. رسلان بابتسامة: اتفضلي يا بنوتي الصغننة طلباتك.

زينة بذهول: أنت بجد جبت ليا الفون واللاب توب؟ رسلان بابتسامة: اتفرجي، لو معجبكيش حاجة قولي لي وأنا أغيرهم. فتحت زينة بسرعة الشنط ووجدت أحدث فون ولاب توب فصرخت بسعادة وحضنت رسلان وقبلت خده. زينة بفرحة: شكراً شكراً يا أبيه، ربنا يخليك ليا. رسلان بحنان: ويخليكي ليا يا بنوتي. روتانا بغيظ: وأنا يا رسلان؟ رسلان بصدمة: يا مفترية، أنتي لسه جايبة نفس الحاجات قبل العيد بأسبوع. هنا بحنان: ربنا يخليك لينا يا رسلان.

لميس بابتسامة: بس رسلان الحاجات ديه غالية. رسلان بابتسامة: مليكيش دعوة لميس، أنا جايب لبنوتي، أنتي مالك. هنا بحنان: خدي يا زوزو. زينة بابتسامة: نعم نونا؟ هنا بحب: كل سنة وأنتي طيبة يا ست البنات، عديتك. زينة بابتسامة: شكراً نونا، وأنتي؟ رسلان بضحك: ههههههههههه، أنا إيه؟ زينة بابتسامة: بص أنا متعودة مع ميجو على كده. لفت بسرعة وسحبت المحفظة من جيبه وطلعت تجري. رسلان بصدمة: يا قردة. روتانا بضحك: ههههههههههه، أحسن أحسن.

زينة بابتسامة: تسلم لي يا كينج، هي ديه المحافظ ولا بلاش. روتانا: فيها كام؟ زينة بغمزة: فيها بالدولار يا موزة، وأنتي عارفة إن الدولار غالي يعني هنشهص. لميس بجدية: زينة كده عيب الفلوس. وبغمزة: هتتقسم علينا إحنا الثلاثة. رسلان بغيظ: نعم ثلاثة مين؟ المحفظة فيها كتير. زينة بضحك: ههههههههههه، دول كلهم حوالي ٤ أو ٥ آلاف دولار، يعني مش كتير، عيب في حقك يا كينج. روتانا: بت يا زوزو متنسيش الفيزا.

زينة بسخرية: علشان أنتي حمارة، دول فيز بس الباسورد مش معانا. رسلان بغيظ: بقي عايزين تقلبوني يا جذم؟ والله ما أنا سايبكم. جريت زينة بسرعة وخلفها روتانا وخلفهم رسلان وجلست هنا ولميس بجوار بعضهم البعض يضحكون بشدة على أفعال أطفالهم.