رواية جنة في قلب صعيدي الفصل الثالث 3 - بقلم يسرا محمد

انت فين؟ انا ف البلد. خير، صوتك ماله ياصاحبي؟ تعبان قوي يامازن. فيك إيه يامروان؟ جلجتني عليك. انت فين؟ أنا ف القاهرة. وانا مسافة السكة وهكون عندك. ملوش لزوم، أنا هكون كويس. انا أكده ولا أكده لازم أجي عشان أخلص كام حاجة كده لزوم المشروع الجديد. وانا مستنيك.

مازن ومروان أصدقاء منذ الطفولة وجيران، والديهم كانوا بمثابة الإخوة، ولكن فرقتهم الحياة عندما ظهر طموح والد مروان بأن يوسع عمله ويفتتح شركة استيراد وتصدير كبيرة في القاهرة. وبعد وفاة والد مروان، تحمل هو مسؤولية كل شيء وأكمل مجهود والده وزادت شهرة الشركة وأصبح من حيتان السوق، ولكن يساندُه صديق عمره مازن. فرق السن بينهم ليس بالكثير، ولكن دائمًا مروان يعتبر مازن أخاه الصغير، وفي وقت الشدة يعتبره الكبير ليكون سنده في الحياة. مروان ظل قدوة مازن حتى أصبح نسخة مصغرة منه، ولكن يختلفون في شدتهم، فمازن في بعض الأوقات يأخذ الحياة بسهولة، ولكن مروان دائمًا يأخذها على محمل الجد.

عودة مرة أخرى إلى صعيد مصر. نورتينا يابتي. ده نورك ياماما الحجة. يارب تكون المندرة عجبتك يابتي. والله هي مش جد المجام، لاكن دي بس عقبال ما يجهزوا لك الأوضة. لا ياماما الحجة، كتر خيرك. أنا هنا هكون مرتاحة أكتر عشان كمان أعرف أخلص شغلي براحتي ومحسش إني تقيلة على حد. باه إيه ديه يابتي؟ تقيلة إيه؟ ديه حديث ماسخ. لاكن أنا معوزاش أغصبك على حاجة، خليكي على راحتك يابتي. المكان هنا كمان هيريحك. شكراً ياماما الحجة.

هفوتك دلوقتي وهبعتلك أم عمار بالوكل. تسلميلي يارب ياماما الحجة. خرجت الحجة فريدة وظلت جنه جالسة لا تعلم ماذا يخبئ لها القدر، ولكن كل ما تعلمه أن الله لا يفعل شيئًا إلا وكان خيرًا لها، فسلمت أمرها له ودعت ربها أن يجعل في خطأها الخير. ظلت تبحث عن الحمام حتى وجدته بعد دقائق. يالهوي! الواحد عايز دش يفوقه من تعب المشوار والبهدلة دي. ده إيه ياختي ده؟ عم عفريتو اللي بره ده؟

شكله كده مش هيجيبها لبر معايا وشكل المشروع كله هيضرب. لا استحملي ي جنه، المشروع ده اللي هيرجع يوقفك على رجليكي مرة تانية. مش هيكون أصعب من اللي شوفتيه في حياتك. ده ميجيش ذرة من التعب اللي فات، اجمدي. دخلت جنه لتنعم بحمام دافئ في جو الصعيد الهادئ، ولكنها لا تعلم أنه هدوء ما قبل العاصفة، عاصفة ستقلب كيانها. عاد مازن لمنزله ولكن لا يوجد أي صوت أو وجود لأي مخلوق، فعلم مكان والدته المفضل فذهب إلى المطبخ. احم. يامازن.

أيوه يابني. فين أبويا ياحجة؟ قال رايح يطل على العمال يابني. قال إن المهندسة الجديدة طلبت تبدأ شغل من الصبح ولازم يكون هو مجهز الناس اللي هتساعدها. وهي مستعجلة على إيه ديه؟ كأنها هتخلص المشروع في يومين. هيا ناسيه إن المشروع ده ممكن ياخد منها شهور. هي مغلطتش يابني، البنية جاية في شغل وعايزة تشوفه. مجاتش تفسح هنا. ماشي ياما. عايزك تجهزيلي هدومي عشان أسافر مصر ع الليل كده. باه ليه يابني المشوار المفاجئ ده؟

شغل ياما. المهم إني هروح أشوف أبويا فين عشان أعرفه إني مسافر. بعد إذنك ياما. إذنك معاك يابني. ربنا يوقفلك أولاد الحلال في طريقك يارب ويجعل الخير قدامك ديما. خرج مازن من باب المنزل ولكن استوقفه جسد نحيل خبط به. آخ يادماغي! إيه ده؟ مش تحاسب يابني آدم أنت؟ إيه ده؟ دي بطن ولا خرسانة دي؟ أعوذ بالله منك. إيه ده... إيه ديه؟ راديو واتفتح يابتي؟ اكتمي يخربيت مطنك. اديني فرصة أتكلم.

فهمت برأسها خوفًا ورهبة منه، فأبعد يده عن فمها ورجع خطوتين للخلف لكي يعطيها المساحة لتأخذ نفسها مرة أخرى. أولاً، أنا أكيد ما كانش قصدي إني أخبط فيكي. انتي اللي ماشية مش على بعضك كده وبتجري ومعبصتيش قدامك. يالهوي! فكرتني. الحقني وحياة عيالك ياشيخ. في جوه هناك حاجة بتعمل صوت وأنا خوفت وطلعت أجري. حاض عيالي إيه ديه؟ عيال مين دول؟ أنا معنديش عيال ومش متجوز من أصله. يأخي أنا مالي أنا؟ في إيه ولا إيه؟

روح أجري شوف إيه هناك بيعمل أصوات كده. بِت انتي متدوشنيش على المسا. إيه روح أجري ديه؟ بتكلمي عيل في الشارع؟ أظهرت سلاحها الضعيف ووجهته أمام عينيه ويدها الأخرى على خصرها لتشوح بإصبعها الصغير. هيا مين دي اللي بت؟ اااانت! انت إزاي تكلمني كده أصلاً؟ أنا البشمهندسة جنه. على آخر الزمن يتقالي بت؟ انت دانت ليلتك مش فايتة. برقت عيناه من هذه اللقطة الشرسه الضعيفة، فهي بمجرد فتح فمها لا يستطيع إسكاته.

إني معرفش. أمي كانت بتدعيلي ولا بتدعي عليا ديه؟ خير ديه ياما. الله يسامحك. انت بتقول إيه؟ أوعا تكون بتشتم. عارف لو بتشت... شششش. ارحميني. إنتي مين زجك عليا؟ ها؟ جدامي خلينا نشوف فيه إيه في المندرة. خليني أغور من قدامك. أعوذو بالله. جنه ذهبت أمامه وعندما دخلت المندرة صرخت بأعلى صوتها.