رواية جنى ومازن الفصل الخامس 5 - بقلم الكاتبة المجهوله

لما دخلت جنى المطعم اتصدمت لما لقيت مامتها ومامت مازن وجيرانهم وناس كتيرة وكوشة صغيرة في نص القاعة وطربيزة عليها مأذون. لقت مامتها ومامت مازن شدوها ودخلوها غرفة نوم صغيرة. لقت فستان أبيض تحفة، لبسته وهي لسه مصدومة. خرجت لقت مازن لابس بدلة شيك وشكله وسيم وجميل. مازن راح مسكها من إيدها وهو كاتم ضحكته بالعافية على منظرها، وراحوا للمأذون. المأذون: موافقة يا عروسة. جنى: موافقة على إيه؟ المأذون: على جوازك من مازن. جنى

(من غير وعي) : آه آه. بعد مدة المأذون قال كلمته الشهيرة: "بارك الله لكما وبارك عليكما وجمع بينكما في خير". مازن شال جنى وخدها وهي لسه مش فايقة من كتر الصدمة. مازن بعد ما دخل الشقة نزلها وقال: مازن: مبروك عليا انتي يا جنوني. جنى: هوا إيه اللي حصل؟ مازن: بقيتي حبيبتي وروحي ومراتي وكل حاجة ليا. جنى: انت بتقول إيه؟ هوا في إيه يا جدعان حد يفهمني. مازن: أنا حبيتك وحبيت أعملك مفاجأة واتجوزتك بس كده. جنى: ياه يا جدع كل ده؟

والقصة دي اسمها إيه؟ مازن قعد يضحك عليها وعلى غباوتها وقال: مازن: اسمها معشوقتي ودي قصتنا يا حياتي. جنى سابته وطلعت تجري من قدامه ودخلت غرفة النوم، ولسه هتقفلها لقت مازن دخل. جنى: لا بقولك إيه اطلع بره. مازن: إيه يا موزة انتي نسيتي إنه النهاردة فرحنا ولا إيه؟ (وغَمَزلها) جنى (بكسوف) : لا بقولك إيه ابعد عني. مازن بدأ يقرب منها وهي ترجع لورا، خبطت في الحيط. مازن: جنى أنا بحبك أوي.

جنى سكتت من كتر الكسوف وهو قرب منها جامد وخدها في بوسة كبيرة تحمل كل معاني الحب، وجنى استجابت معاه. بعد شوية مازن بعد لما حس إنها لازم تاخد نفسها، ولسه هيقرب. جنى: أرجوك يا مازن أنا لسه مش جاهزة. مازن: تمام يا جنى أنا هسيبك براحتك مش هغضب عليكي عشان عارف إنك لسه في صدمة من اللي حصل. بس ممكن طلب؟ جنى: أكيد طبعاً. مازن: هتخليني أبو**س براحتي وكمان أحضن وأنام في حضنك. جنى اتكسفت وطلعت تجري على الحمام. بعد شوية جنى خلصت.

جنى: يخربيت غبائي نسيت آخد هدوم معاوية. وندهت لمازن عشان يجبلها هدوم. مازن (بيخبث) : ماشي يا حبيبتي من عيني. (وطلع لها هدوم) جنى بعد ما شافت الهدوم: إيه ده؟ هطلع بيه إزاي ده؟ وبعد شوية أخيراً طلعت، وأول ما مازن شافها اتصدم من جمالها وقرب منها. مازن: إيه الحلاوة دي؟

جنى اتكسفت ولسه هتجري من قدامه شدها في حضنه وبوسها. وبعد كده شالها وحطها على السرير وخدها في حضنه ب**تملك ونام. وجنى مصدومة بس فرحانة. بعد ما اتأكدت إنه نام، باس**ته وحضنته هي كمان ونامت. تاني يوم صحت جنى ولقت مازن حضنها وبي**بصلها. جنى: صباح النور. مازن: لا صباح النور مش بتتقال كده، وميل باس**ها. بتتقال كده. جنى (اتكسفت) : طب اوعى بقى خليني أقوم أحضر الفطار. مازن: أيوا أيوا اهربي اهربي. جنى ضحكت وقامت.

دخلت المطبخ وعملت الفطار وفطروا سوا. بعد كده مازن نادى على جنى. مازن: جوجو تعالي نشوف فيلم حلو. جنى: تمام وأنا هخش أعمل فشار وأجيب حاجة نشربها. (جابت جنى الحاجة وقعدوا يتفرجوا على الفيلم) مازن لقى تليفونه بيرن ولقاها السكرتيرة أمل. مازن رد وقال: في إيه يا أمل، انتي متعرفيش إنه النهاردة أول يوم في جوازي؟ أمل: معلش يا فندم بس لازم تيجي الشركة حالاً. مازن: حاضر. جنى: حاضر إيه؟ انت هتسبني وتمشي؟

مازن: معلش يا حبيبتي هروح أشوف فيه إيه وهاجي على طول. جنى: ماشي بس متعوقش. مازن: بو**شك صح؟ جنى: بتوحشني إيه؟ أنا بخاف أقعد لوحدي. مازن: ماشي مسيرك يا ملوخية تيجي تحت المخرطة. (وسابها ومش**ي) في الشركة مازن دخل مكتبه اتصدم من اللي شافه. مازن شاف ووووو.