رواية جنون العشق الفصل الحادي عشر 11 - بقلم ايمان شوقي

في صباح يوم جديد تستيقظ همس الساعة السادسة صباحًا. تدلف إلى الحمام لتنعم بشاور دافئ، وتخرج مرتديةً أسدال الصلاة وتصلي فرضها. بعد الانتهاء، تذهب إلى غرفة الملابس وتبدل ملابسها إلى تيشيرت باللون الأسود وبنطلون أبيض وكوتش أسود، وتترك شعرها. همس: يا زين قوم يلا، عاوزة أروح أشوف البنات. زين: صباح الجمال. همس بابتسامة: صباح الفل. يلا قوم خد شاور والهدوم طلعتهالك، ويلا علشان نفطر قبل ما أروح الامتحان.

زين: حاضر ياحبيبتي، مش عاوزك تقلقي، وحلي وخير إن شاء الله. همس: يلا الحمد لله. أنا هروح لفرح وريناد بقا. زين: ماشي ياحبيبتي. *** في أوضة فرح: فرح: اهددددي بقا ياريناد، اللي هيتكتب يتكتب. ريناد: يالهوي يالهوي، دي آخر سنة لينا. دخلت عليهم همس. همس: يا عيا. فرح: تعالي ياختي، باقي 3 ساعات. همس بهدوء: خلاص بقا، اللي اتذاكر اتذاكر، مش ناقصين وجع دماغ. ريناد: هو لازم أروح الامتحان؟ فرح: لا خليكي جمب أمك، استني أسد.

ريناد: اسكتي هتفضحيني، أبو اللي يقولك حاجة. همس: خلاص بقاا، وقوموا علشان ناكل. نزلوا تحت لاقوا الكل مستنيهم وقاعدين ع السفره. الجد: صباح الخير يابنات. همس: صباح الخير يا جدو. زين: كلي كويس يا همس علشان الدوا. همس: حاضر. أدهم: انتوا محسسني إنكم رايحين تحاربوا، ده أنا لما كنت في 3 كنت بصحي قبل الامتحان بنص ساعة وأتفاجئ باسم المادة.

ريناد: ماهو انت علشان فاشل يا أدهم، مانت شايف أبيه زين مهندس قد الدنيا، أكيد مكانش بينام. سيف بضحك: هههههه، لا ده كان مقضي الثانوي كله نوم، بس لما كان بيذاكر كان بيذاكر جامد. زين: ما خلاص بقا يابابا، هو لازم فضيحة. الجد: وصلهم معاك يا زين، ولما يرجعوا هيرجعوا مع السواق. زين: لا يا جدو هرجعهم أنا علشان تبقي متطمن عليهم. الجد: ماشي ياحبيبي. همس: يلا بقا علشان منتأخرش. تبسم زين وقام ومشي.

في العربية، زين وهمس قدام، وريناد وفرح ورا. زين: الكلام ليكم انتوا الـ 3، وبالأخص انتي يا همس، مش عاوز واحدة تتكلم مع واحد. خلصوا امتحان وآنوا عليا، وأنا على الساعة 1 هبقى هنا قدام المدرسة. وركزوا وحلوا اللي عارفينوا، دي مش نهاية العالم يعني. همس وريناد وفرح: حاضر. زين لهمس: وانتي لو عرفت أي حاجة حصلت مش هرحمك. وخلي بالك من نفسك ومن اللي في بطنك. همس: حاضر يا عمري. زين: خدي دول، خليهم معاكي لو احتاجتي أي حاجة.

همس: مش مهم، أنا مش محتاجة حاجة. زين: انزلي ومتقاوحيش معايا. همس: حاضر. نزلوا هما الـ 3 ودخلوا المدرسة. وزين اتصل بأسد. زين: انت فين يا عم؟ أسد: الناس بتقول صباح الخير أو حاجة، انت بادئها كده. زين: يا عم دول بتوع العيال الفافي، المهم انت فين؟ أسد: لسه طالع اهو من البيت. زين: تمام، تعالي ف الكافيه ده، وهرن على أمين وفهد وأدهم، وقالوا اسم الكافيه. أسد: تمام، مسافة السكة. *** في مكان أول مرة نروحوه في أوروبا.

مجهول 1: يحي دلوقتي اتمسك، لازم نشوف حل، لا نطلعه ولا نخلص عليه. مجهول 2: مش مهم، ارشيه وخلاص. مجهول 1: عرضنا عليه فلوس بس هو رافض خالص. مجهول 2: خلاص، خلصوا، مش مهم. مجهول 1: هما هيسيبونا في حالنا بعد ما ده يحصل؟ مجهول 2: أيوا، مش هيقدروا يمسكوا علينا أي حاجة، ولو ده حصل مش هنرحمهم. مجهول 1: تمام، اللي انت عاوزه، هحاول أخلص اللي انت عاوزه. مجهول 2: تمام، في أسرع وقت، مش عاوزين غلطات. *** في الكافيه اتجمع الشباب.

أمين: ياه، متجمعناش كده من سنتين تقريبًا. زين: يلا الحمد لله، اهو اتجمعنا تاني. أسد: اومال انت مجمعنا لي صحيح؟ زين: طبعًا أمين عاوز يسافر تاني. أمين: أيوا، أقعد لي، طالما أنا جيت عملت اللي عليا وشغلي وكل حاجة بره، والشركة اللي هنا مش شغالة بقالها فترة. زين: لا، ماهو إحنا هنرجع الشراكة تاني. فهد: والله فكرة حلوة، وغير شركاته بره كويسة. أمين: طبعًا، أنا معنديش مانع، بس إزاي هفضي اللي هناك إزاي؟

زين: لا، ماهو اللي بره هتبقى موجودة وهنضمها لاسمنا، وهنعمل كذا فرع في كذا محافظة. أدهم: وكده التمويل هنا هيزيد وهنا هيزيد. زين: بالظبط كده. أمين: والشركات اللي بره هنعمل فيها إيه؟ زين: أكيد رحيم هيديرها وهيعلي باله منهم، وإحنا هنبقى بين الاتنين. أسد: طب كويس كده. زين: عملت مصيبة إيه يا أخويا؟ أسد: لا، أنا عاوز أتجوّز. فهد: مين اللي أمها داعية عليها، قصدي دعيا لها؟ زين بعصبية: بس يلا لأحسن أقوملك، كمل يا أسد.

أسد: أنا بحب ريناد، وطالب إيديها في الحلال. أنا عارف إني كبير عليها، بس فعلاً مش بإيدي أحبها. أنا شفتها كبرت قدام عيني وجنبي، فحبيتها، ومن زمان والله عمري ما كلمتها ولا عملت أي حاجة. والرأي رأيكم انتو أخواتها، والرأي الأخير لريناد. أسد بص لـ فهد. فهد كان قاعد ومتكلمش، ففهم أسد إن فهد رافض. أسد بحزن: خلاص يا فهد، أنا همشي خالص من البلد، اعتبرني محكيتش أي حاجة. فهد: انت عبيط يلا ولا مجنون؟

جااي وتطلب إيد أختي ومفكرني هقبلك ده؟ ده أنا أسلمهالك بإيدي وأنا واثق إنك مش هتفرط فيها، لأنها بنتي قبل ما تكون أختي. وأنا عن نفسي موافق، والرأي لسه لـ زين وأدهم، هما أخواتها برضو. والرأي الأخير لريناد. زين: أنا موافق، مش هلاقي أحسن من أسد لأختي. أدهم: وأنا معنديش مانع، بس تزعلها في يوم مش هتبقى موجود. أمين: ألف مبروك يا صاحبي. الكل باركوا له. فهد: هستناك يا أسد بعد امتحانات ريناد تيجي.

أسد بفرحة: مش مصدق فعلاً إنكم موافقين. زين: ألف مبروك يا صاحبي، ولسه الرأي رأيها. أنا هقوم بقا أروح ليهم علشان طالعين دلوقتي من الامتحان.