رواية جنون العشق الفصل الخامس 5 - بقلم ايمان شوقي

قصر الصياد: الجد: اطلعي يا همس اندهي زين. همس: حاضر يا جدو. طلعت همس ملاقتش زين، لسه جايه تخرج سمعت صوت باب الحمام. زين بخبث: أي بتدوري على مين؟ همس: جدو بيقولك انزل علشان نفطر. يلا. زين قرب منها ومسك إيديها وقربها منه: امم، قوليلي بقى كنتي واقفة مع أدهم الصبح بتعملي إيه؟ همس براءة: عملنا فطار وكنا بنهزر، حتى أبيه فهد نزل وقعدنا نهزر مع بعض.

زين بعصبية: انتي هنا، مراتي يعني تهزري معايا أنا وبس. وكلامك مع زين وفهد وأسد بحدود، وإلا هعاقبك. همس بدموع: حاضر، بس أنا بعتبرهم إخواتي، بس حاضر مش هزر غير معاك بس. انت أصلًا عصبي. زين بهدوء: تعالي اقعدي وهفهمك. بصي يا همس، انتي صغيرة، يعني الفرق بينا 10 سنين. همس: بس عمر السن ما كان عقبة في حياة حد، طالما أنا بحبك يبقى خلاص. زين باستيعاب: امم، قولتي بتحبيني؟

همس: آه، حبيتك من أول مرة شوفتك فيها، ولما دافعت عني قدام بابا. زين: أنا منكرش إن حاجة اتحركت ناحيتك، بس أنا مريت بحاجات كتيرة، وأولها إني ما أثقش في أي حد، بس جوايا شعور إنك غير البنات كلهم. همس: أنا عمر ما كان في دماغي السن ولا أي حاجة، وادي لنفسك فرصة واديني فرصة لبعض، يمكن ربنا جعلنا من نصيب بعض، لأن أنا وانت محتاجين بعض، على الأقل نبقى صحاب على ما أتأكد من حبنا لبعض.

زين بابتسامة: وأنا موافق نكون صحاب لحد ما نتعود على بعض. زين حضن همس. الباب فتح، كانت فرح. همس: احم، أنا نازلة يلا يا فرح، وانت يا زين البس وانزل علشان تفطر. كل ده وفرح واقفة فاتحة بوقها ومصدومة. نزلت همس وفرح، وكل ده فرح مش مصدقة. نزلو تحت. نوارة: أومال فين زين؟ انتي ده كله فوق بتناديه؟ فرح بهزار: ده أنا طلعت لاقيت أبيه زين حاضنها وهما في وضع رومانسي، أول مرة أشوفه كدا، وشكلي قطعت عليهم اللحظة.

(وش همس احمر وقعدت تاكل بهدووء) أدهم: بطلي هزار يا أختي، كلنا عارفين إن زين مش هيعمل كدا. الجد: بص لهمس وعرف إن الكلام اللي بتقوله فرح حقيقة، وضحك هو وسيف عليها. سيف بضحك: ابقي خبطي بعد كدا الباب. نزل زين ولقى همس قاعدة جمب أدهم، وفيه كرسي جمبها فاضي. زين بصوت واطي لا يسمعه غير همس، ولكن ابتسم فهد لأنه سمع بيقول إيه بسبب خبرته. زين: اقعدي على الكرسي التاني، وإلا هعاقبك، وما أدراك عقابي بقى.

همس بابتسامة: احم، تعالي اقعد هنا يا زين. (ابتسموا الكل عليه وقعدوا يفطروا) ولكن فاجأهم زين. زين: إن شاء الله هعمل الفرح بعد بكرة. نارين: بس يا أبيه، إحنا محتاجين حاجات كتير، عمر ما هنعرف نجهز أي حاجة في يومين. فهد: آه يا زين، يومين صغيرين أوي. الجد: لا مش صغيرين. انتي يا نادين انتي وفرح خدوا أدهم معاكم، جيبوا البدل والفساتين بتاعتكم، وزين ياخد مراته ويروح يجيب الفستان والبدلة.

أدهم بسعادة: أخيرًا هنفرح، حاضر يا جدو، هاخدهم ونروح. الجد: وانت يا فهد روح مع أسد وغرام بقى، وشوفوا مصمم الحفلات، كلموه ويجي هنا في الجنينة هنعمل الفرح هنا. فهد: حاضر يا جدو، كل اللي تطلبه. الجد بابتسامة: عقبالكم كلكم. وانتي يا نوارة شوفي الخدم يظبطوا القصر وأوض الضيوف، الأكل، وكلمي الطباخ يجي. نوارة: حاضر يا بابا، هعمل كل حاجة طلبتها.

زين: أنا هكلم الواد أسد يجي هو وماما مها وغرام يقعدوا معانا اليومين دول ويتعرفوا على همس. همس: طيب، هو بابا هيجي هو وطنط نسرين وسمر؟ الجد: هكلمهم، هما كدا كدا جايين دلوقتي يشوفوكِ. همس بدموع: ماشي يا جدو، أنا هطلع ألبس على ما يجوا. طلعت همس ودخلت الحمام وقعدت تعيط. الجد: قوم يا زين، اطلع شوفها. زين: حاضر يا جدو، هطلع وهنلبس وهخرجها ونجيب الفستان والبدلة. الجد بابتسامة: ربنا معاكم يا حبيبي. زين باس إيده: يارب يا جدو.

زين طلع ومر عليها في الأوضة ملقاهاش، بس سمع صوت عياطها في الحمام. زين خبط على الباب. همس وهي تزيل دموعها: حاضر جاية. (طلعت همس لقت زين قاعد على السرير) زين: تعالي يا همس اقعدي جنبي. همس: حاضر. زين: ليه كنتي بتعيطي؟ تحت وطلعتي على طول. همس ببكاء: مش عاوزة أشوفهم، هما دايما مش بيحبوني، وأبويا اللي قتل أمي. زين: اهدي بس وتحكيلي كل حاجة. كانوا بيعملوا إيه وإزاي أبوكي اللي قتل عمتو، مع إن كانوا بيقولوا إنها ماتت طبيعي.

همس وهي تزيل دموعها: هحكيلك. *فلاش باك* منار: إزاي يا يحي عايز تتجوز عليا؟ ده أنا بعت الدنيا كلها عشانك. يحي بعصبية وهو يمسكها من شعرها: نعممم يا روح أمك، أنا ما ضربتكيش على إيدك وهتجوز يعني هتجوز، عاوزه تخبطي راسك في الحيطة اخبطي وطقي مش ناقصك. منار بعياط وصوت عالي: أنا اللي سبت أهلي وحذروني وقالولي إنك عاوز فلوسي ومش عاوزني، وصدقتهم، ولما خدت كل حاجة وبعد 16 سنة عاوز ترميني وتتجوز عليا.

يحي: بقولك إيه، مش ناقصك وهتجوز يعني هتجوز. منار: مش هتتجوز يا يحي، يبقى طلقني. يحي: مفيش طلاق، عاوزني أطلقك يبقى اتنازلي عن البيت ده والفلوس اللي في البنك، ويلا هاتي فلوس علشان طالع أروح اجيب مراتي الجديدة. منار: يعني أنت متجوزني عشان الفلوس وبس؟ أنا بقى مش هديك. يحي بعصبية شدتها من إيديها وحبسها في أوضة ضلمة. منار: افتح يا يحي الباب. يحي: مش فاتح. همس بعياط: والنبي يا بابا افتح الباب لماما.

يحي شدها من شعرها ودخلها الأوضة مع أمها وقفل الباب وخرج. نرجع من الفلاش باك. كانت همس بتعيط وهي بتحكي، وزين واخدها في حضنه. زين: كملي يا همس، وأنا والله هاخدلك حقك انتي وعمتو. همس: حاضر. *نرجع تاني للفلاش باك* منار بوهن: يا همس، أنا مش عارفة هعيش قد إيه، بس انتي خلي بالك من نفسك، وعاوزاكي تبقي دكتورة، وأوصلي السن القانوني ودوري على جدك وقوليله يسامحني.

همس بعياط: متقوليش كدا يا ماما، أنتِ هتخليكي معايا، ولما نطلع من هنا هندور على جدو سوا ونقعد معاه. منار بابتسامة: أشهد أن لا إله إلا الله وأن محمد رسول الله. همس بصويت وعياط: اصحي يا ماما، اصحي والنبي، أنتِ أكيد صاحية وبتهزري معايا، يامااااماااا متسيبنيش لوحديييي. يحي: بطليييي نواح بقى على الصبح. همس: افتح يا بابا الباب، أنا ما متتي. يحي فتح الباب وبص، لقاها قاطعة النفس. يحي: أهي جت من عند ربنا وماتت، وهتجوز براحتي.

همس بعياط: يا بابا ماما ماتت، تتجوز إيه؟ وديها المستشفى، ممكن تكون لسه صاحية. يحي: مش موديها حاجة، واقطمي علشان متحصليهاش. همس قعدت تعيط، وبعد فترة ودوا منار المشرحة وطلعت ماتت بسبب سكتة قلبية وهي عندها الكانسر، حالة متأخرة. همس: كل ده بسببك أنااا، مش هرحمك يا يحي، وهجيب حقها. (كانت ساعتها يحي عمل العزا والناس مشيوا ودفنوها، وراك جاب مراته) نسرين: شوفي البت قليلة الأدب بتعمل إيه.

سمر: دي معفنة وقليلة الأدب، وأهو أمها ماتت وهتعيش في جحيمنا. يحي: نورتوا بيتكم، يلا يا سمر يا حبيبتي روحي اختاري أوضة. سمر: هقعد يا بابا في أوضة همس، هي واسعة وحلوة. همس: لا، دي أوضتي، محدش قاعد فيها. نسرين ببرأة مصطنعة: خلاص يا سمر، خلي أختك تقعد فيها، مش فارقة، انتوا واحد. يحي: لا يا زفتة، روحي غوري، روّقي الأوضة اللي مقفولة واقعدي فيها، ولو كلمة تانية هتباتي في البلكونة. همس بعياط: حاضر. *نرجع من الفلاش باك*

زين: والله هجيب لك حقك وحق عمتو، بس متعيطيش تاني، مش عاوز دموعك تنزل. همس: حاضر. زين: وانتي ليه مجيتيش؟ همس: لا يا عم، جيت وانت طردتني، انت وبنت كانت معاك. زين: أنا؟ همس: آه، ساعتها جيتلك وقولتلك إني عاوزة أشوف جدو أحمد، وانت مشيتني وقولتلي مش ناقصين شحاتة، والبت المسهوكة اللي كانت معاك زعقتلي وشدتني من شعري وطلعتني برا. زين بضحك: المسهوكة. همس: الله، أنت بتضحك؟ زين بغمزة: آه، مع اللي بحبهم. بس.

همس: يلا ننزل، أنت بحالات، ساعات بتبقى حلو وعسل، وساعات بتبقى عصبي وعسل برضو. زين: عارف يا همس إني جيت عليكي، بس أنا مريت بظروف صعبة، هبقى أحكيهالك بعدين. همس: أشطا يا قمر أنت. زين: والله انتي اللي قمر، يلا قومي البسي، وعشان ننزل نشوف يحي ومراته. همس: ماشي، يلا، بس مش عاوزاك تتكلم مع سمر. زين: سمر مين يا ستي، استغفر الله العظيم، دي عاملة زي ألبومة، هو حد يبصلها. ضحكت همس وقامت تلبس.

_في مكان أول مرة نروح له في نيويورك. مجهول: زين هيتجوز؟ ناديم: وهتعملي إيه؟ مجهول: عاوزين نكسر. ناديم: هقولك. ………………….. مجهول: دماغك سم. ناديم: عارفة يروحي، احجزلي أول تذكرة لمصر. مجهول: حاضر. وبدأ يمشي إيده على جسمها*وفعلوا ما حرمه الله*.