رواية جنون العشق الفصل التاسع 9 - بقلم ايمان شوقي

بعد فتره في قصر الصياد وصل زين وهمس. اول ما وصلوا لقوا الكل واقف مستنيهم. الجد: حصل إيه؟ همس كويسه؟ زين: أيوا يا جدو هي كويسه، متقلقش. نوارة: داده سميحة، اعملي الأكل وحطيه لزين وهمس. سميحة: حاضر. سيف: اقعدوا احكولي كل حاجة. قص زين وهمس كل ما حدث. أدهم: آه يا ولاد، الحمد لله إنكم لحقتوها. حمدلله على سلامتك يا هموس، أهم حاجة خلي بالك من رعد بقى. همس: الله يسلمك، ده في عيني. الجد: الحمد لله إنهم اتحبسوا.

زين: لو مكانوش اتحبسوا كنت اتعاملت معاهم. ريناد: حمدلله على سلامتك يا وحش. فرح: لولولي، هبقى عمه يا أخواتي. فهد: ولا لما زين عرف قال هبقى أم؟ شكل الصدمة نسّته. دادة سميحة: الأكل جهز. زين بحنية: يلا يا حبيبتي عشان تاكلي. همس بابتسامة: حاضر. زين كان بياكل همس بإيد. الكل كان مبسوط من تغيير زين. زين: كلي عشان مزعلكيش. همس: حاضر يا بابا، باكل أهو. بعد فتره. همس: أنا خلصت والله، يلا بقى كمل أكل ونطلع عشان تعبانة.

زين: ماشي، يلا يا حبيبتي. زين: عاوزين حاجة؟ الجد: لا يا حبيبي، خلي بالك من مراتك وكلم الممرضة تجيلها. زين: حاضر. زين شال همس وطلعها فوق. في الأوضة. زين: حاسة إنك تعبانة أو أي حاجة؟ همس: لا، أنا كويسة. زين: كنت خايف عليكي أوي، حقك عليا. همس: يا حبيبي أنا كويسة طول ما أنت جنبي. همس: يلا بقى عاوزة أنام، هتخليني أرغي طول اليوم كده؟ زين خدها في حضنه وغفوا في ثبات عميق. تاني يوم.

زين صحي قبل همس، أخد شاور وصلى فرضه ولبس بدلة باللون الأسود. زين: همسس قومي يلا عشان تفطري. همس بنوم: والنبي سيبني شوية. زين: لا يلا عشان امتحاناتك بعد أسبوع ولازم تذاكري. همس: أوف، حاضر. قامت خدت شاور ولبست الإسدال وصلت، وراحت بدلت هدومها لبنطلون أسود وتيشيرت أبيض واسع ورفعت شعرها كحكة فوضوية، بس كانت قمر كعادتها. نزلوا تحت وكان الكل قاعد. سلموا على الكل وقعدوا. الجد: هتروح الشركة النهارده يا زين؟

زين: أيوا عشان الصفقة بتاعت عيلة زيدان، عشان هنبني. أدهم: إنت إزاي هتمضي والبنود بتاعتهم متغيرة؟ وإزاي مصنع يتبني في 6 شهور؟ زين: بنود إيه اللي اتغيرت؟ واتغيرت إمتى دي؟ أدهم: كنت براجع امبارح الورق، لقيت بنود غير اللي كاتبينها وبنود استغربتها أوي، وإنت كمان ماضي. زين: أنا الفترة اللي فاتت كنت في إجازة، إزاي ماضيت؟

همس: آسفة إني بتدخل، بس طالما هما غيروا البنود يبقى الصفقة دي ملعوب فيها، وإنتوا كده لازم تضمنوا حتى 80% من الأرباح ومتدفعوش حاجة، وحطوا أرباح ليكم الضعف بدل ما تخسروا خالص يكون ليكم ربح حتى لو بسيط، وغيروا البنود وراجعوا ورا الصفقة دي، وحوار المصنع يتبني في مدة قصيرة كده يبقى كانوا هيلعبوا عليكم. سيف: أيوا كلامك مظبوط، بس لو طلع إنهم غيروا البنود عادية.

همس: بص يا بابا، لو هما كان قصدهم خير مكانوش غيروا البنود، وكانوا لو غيروا هيبقى واحد أو اتنين، ده نقول اوكي، لاكن كده باين إنه لعب أوي. زين بابتسامة من ذكائها: أيوا عندك حق، بس أنا فعلاً مكنتش واخد بالي من حكاية البنود دي وإنهم ممكن يلعبوا على المكشوف كده، بس عادي، دي صفقة مش هتفرق معانا.

همس: تبقى غلطان لو معملتش الصفقة دي، إنت ممكن تعملها بس توقعهم يغيروا البنود إنت كمان، وخلي بالك ممكن يكون حد من اللي عندك له يد في اللي حصل، لأن استحالة ورق الصفقة يتلعب فيه وإمضتك استحالة تكون مزورة. فهد: أيوا لازم نشوف مين اللي في الشركة مش مظبوط، لأن كمان آخر صفقة ضاعت مننا مع إنها كانت مضمونة. زين بتفكير: إن كان كده يبقى هي جو على روحها، يلا أنا هقوم بقى أروح وهحاول ما أتأخرش. الجد: ربنا معاكم يا رب.

نوارة: هتعملوا إيه بقى يا بنات؟ ريناد: أبدًا، هنقوم نذاكر، والست همس فاتها حاجات هنشرحهالها عشان خلاص ده الامتحان كمان يومين. فرح: أيوا يلا، إحنا هنقوم، يلا يا هانز قبل ما أبو لهب يجي. الجد: أبو لهب مين؟ همس بضحك: ده مستر الماث، راجل غريب أوي يا جدو. الجد: قوموا يلا إنتوا وهي على فوق. طلعت همس وفرح وريناد أوضة فرح عشان يذاكروا. همس: يالهوتي، إحنا هنسقط يا بت منك ليها، حد قالنا نخش ثانوية.

ريناد بضحك: ده كان آخرنا صنايع قسم خراطيم. فرح: يالهوتي، أنا صغيرة على الهم ده يا عياااال. همس: يلا بس اهدوا واذكروا، واللي ربنا كاتبه هيحصل إن شاء الله.

مهما كان مجموعك أي، طالما إنت اجتهدت وعملت اللي عليك، يبقى اتأكد إن ده خير ليك، وإن ربنا شايلك الأحسن. الثانوية مش نهاية العالم، آه هي مستقبلك، بس حياتك أهم من ده كله. في الفترة دي محتاج إنك تقرب من ربنا، لأن بجد عمره ما هيخذلك، وإن هو الوحيد اللي قادر يغير كل حاجة للأحسن، بس ثق فيه وثق في نفسك، ومتسمعش لأي حد يحبطك، ولا لأي كلمة تزعلك وتدمر حياتك. في منزل أسد. أسد: أنا هقوم يا ماما لزين الشركة عشان ورانا شغل كتير.

الأم بابتسامة: ماشي يا حبيبي، خلي بالك من نفسك. غرام: ممكن يا أبيه أسد أروح لهمس والبنات؟ عاوزة أقعد معاهم. أسد: حاضر، تعالي يلا. غرام: تسلملي يا بيه، يلا بينا. أسد مسك إيد غرام ومشوا. يا رب أسد في حياتنا، ده أنا أخويا مبيرضاش يمشي معايا في الشارع. في العربية بتاعة أسد. أسد: إلا قوليلي ريناد عاملة إيه؟ غرام بضحك: كويسة، بس بتسأل ليه؟ أسد: عادي بسأل. غرام بغمزة: على فكرة هي كمان واقعة زيك كده، بس البعيد مبيفهمش.

أسد: واقعة إزاي يا ستي دي مبطقنيش، وبعدين مين اللي مبيفهمش يا بت؟ غرام: لا اسمع مني بس، هي تخلص ثانوي وقولها وهتشوف رد فعلها. أسد بتنهيدة: لا يا غرام، أنا كبير أوي وهي لسه صغيرة يعتبر، أنا اللي مربيها، وميجيش أكسر صاحبي والبيت اللي اتربيت فيه وأبص على حد موجود فيه.

غرام بجدية: لا يا أسد، إنت غلطان، هما مبيفكروش كده، حتى أبيه وين أكبر من همس بعشر سنين، وهما يعرفوا في الأصول. الكلام ده يكون لو هما مش عارفينك، بس صدقني قول لأبيه فهد وهو هيوافق. أسد: تفتكري بجد يا غرام؟ غرام بابتسامة: أيوا يا أبيه، وبعدين إنت مخوّنتهمش، بالعكس إنت محافظ عليها من نفسك. أسد: تسلمي بجد، ارتحت أوي لما سمعت الكلام ده. غرام: أيوا، أنا عاوزة بقى شوكولاتة. أسد: انزلي يا غرام، إحنا وصلنا، إنتي بت مادية أوي.

غرام: هو في أحلى من الشوكولاتة يا عم. أسد: آه، إنتي طبعًا. غرام: حبيبي حبيبي، أنا عارفة طبعًا. أسد: يخربيت برود أمك، امشي يابت من هنا. في الشركه. دلف كلاً من زين وأدهم وفهد إلى الشركة. زين للسكرتيرة: يامي، هتجيلي القهوة وورق الصفقة وتعالي. مي بمياعة: حاضر يا مستر زين. بعد عشر دقائق. مي: اتفضل يا مستر زين الورق والقهوة. زين: اتفضلي اقعدي، عاوزك. مي قعدت: نعم يا مستر، محتاج حاجة؟

زين: أيوا، صفقة النهاردة مش عاوزها، ألغي الصفقة والاجتماع. مي بتوتر: ليه؟ دي صفقة كويسة لينا وللشركة، وغير إن شركات زيدان المنافسة لينا. زين اتأكد من شكوكه وإن مي هي السبب في كل حاجة. زين: تمام يا مي، الاجتماع والصفقة هيتعملوا، راجعتي البنود؟ مي: أيوا طبعًا مظبوطة. زين: تمام، قومي يلا وابقي روحي للصرافة، ليكي مفاجأة هناك. مي بابتسامة: تمام يا مستر.

زين رن على فهد: بعد ربع ساعة الاجتماع هيبدأ، مش عاوزين أي مشاكل، ومحدش يبين إننا عرفنا حاجة خالص. فهد: تمام، وأدهم وأسد جم كمان. زين: تمام، سلام. في غرفة الاجتماعات. زين: الصفقة هتكمل، بس لسه مكملناش كلامنا. عمر زيدان: ليه؟ مش كل حاجة تمام؟ نمضي وخلاص. أسد: قبل الإمضاء، إحنا الربح لينا 70% وإنتوا 30%. يونس زيدان بصوت عالي: ليه؟ إن شاء الله.

أدهم: أولاً، دي صوتك وإنت هنا، ثانيًا، إحنا ميهمناش أي صفقة معاكم، وغير إن اسم شركاتكم بقى في الأرض، يعني ميشرفناش نشتغل معاكم. زين: وغير إن البنود متغيرة وإنتوا غيرتوها بنسبة 70 ليكم بس، لما تيجوا تعملوا الشويتين دول يبقى مش علينا. يونس: تمام، خلاص موافقين على نسبة 70 ليك. أسد: تمام، فين الورق. مضى أسد وفهد وزين وأدهم.

زين: الاجتماع انتهى، والمصنع هيخلص بعد سنتين إن شاء الله، وهيبقى تحت إشرافنا، مش هيتبني على 6 شهور زي ما كان مكتوب. يونس: اللي تشوفوه يا زين بيه. زين: تمام، وإنتي يا مي زي ما قولتلك الصبح. مي بابتسامة: تمام يا مستر. يا عيني متعرفش إن فيه خازوق جايلها. خرجوا كلهم. مي خرجت، وقفها زين. زين: تعالي لمكتبي. في المكتب. زين: إنتي مطرودة، واحمدي ربنا بقى إني استكفيت بكده عشان خاطر أبوكي. مي: ليه؟ هو أنا عملت حاجة؟

زين: مفكرة إني أهبل يا روح أمك ومش عارف اللي بتخطط له ده كله؟ مي: والله هما اللي عرضوا عليا وادوني فلوس كتير على كده. زين: برا. وندي بقيت مرتبك من الصرافة، تسلمي كل الورق لأدهم برا. مي بدموع: تمام يا مستر. خرج زين من الشركة وراح للقصر. دخل ملقاش همس. زين: السلام عليكم. الجميع: وعليكم السلام. زين: أومال فين همس يا فرح؟ فرح: كانت بتذاكر فوق، مرضيتش تيجي.

زين: ماشي يا حبيبتي، أنا هطلع أشوفها عشان دواها، وأنا كلمتلها ممرضة هتجيلها من بكرة. الجد: تمام يا حبيبي، اطلع شوف مراتك. طلع زين، أول ما دخل اتفاجئ إن همس نايمة على المكتب. غير هدومه وراح يصحيها. زين بضحك: همسس قومي. همس: يالهوي، أنا عاوزة أنام. زين: لا يا حبيبتي، يلا عشان تاكلي وتاخدي الدوا، ولو خليتك كده رقبتك هتتلوح. همس: حاضر. زين: يلا يا حبيبتي. دخلت غسلت وشها وغيرت هدومها لفستان قصير وطلعت.

زين بغضب: خشي غيري عشان مزعلكيش. همس: ماله؟ حلو أهو. زين: يااا همس، خشي مش عاوز أزعلك ومش عاوز أجبرك على الحجاب، عاوزك تلبسيه عن اقتناع. همس: حاضر. زين: شاطرة يلا، ادخلي قدامي عشان تاكلي. سميحة: فيه واحد كبير ومعاه مراته عاوزينكم تحت. الجد: مقلتلكيش اسمه إيه؟ سميحة: لا، قالي اسمه......... فرح: أكيد لااا. (نقفل البارت على كده)