رواية جنون دكتور وفتاة الجامعة الفصل الثاني 2 - بقلم كريمة تيتو

الووووو الحقيييييي أمك يا نور. في إيه يا أمي مالها؟ أنا الصبح شفتها كويسة. ركضت من المدرج بأقصى سرعة والكل باصص عليها، والدكتور مستغرب وبيقول: "مالها العقربة دي بتعيط وبتركض ليه؟ نور: إنت فين؟ مؤمن: إحنا في مستشفى الندى. نور: حاضر حاضر، أنا جاية بسرعة. وصلت نور المستشفى ولقيت أبوها وأخوها وخالاتها وعمامها وأهلها كلهم. حضنت أبوها وبعياط: ماما مالها يا بابا؟ في إيه يا بابا؟

أبوها: متخافيش يابنتي، هي في غيبوبة وهتبقى كويسة إن شاء الله. في صباح اليوم الثاني من الجامعة، حضر جميع الطلاب ما عدا نور. وكان الدكتور مستغرب إن نور ليه مجاتش قبل المحاضرة، لأنه قالها: "لو اتأخرتي تاني مش هدخلك." قعد يفكر ويقول: "ممكن تكون اتأخرت وخايفة تيجي، أنا غبي ياريت ما قولت لها كدا." بعد خمس دقائق، بص في الساعة وبرضه مش جات. صديقة نور موجودة بين الطالبات.

الدكتور بدأ في الشرح وفي نفس الوقت قلقان، مهو بقى اللي خد عقله. بعد ما خلص الشرح والكل طالع، نادى على ساندي صديقة نور. الدكتور: ساندي. ساندي: نعم يا دكتور. الدكتور: غريب صحبتك مجاتش النهاردة ليه. ساندي: يولا يولا، وقعنا ولا إيه؟ الدكتور: احترمي نفسك، أنا بسألك عشان هي مشيت بتعيط بعد المكالمة اللي اتكلمتها. ساندي: أصل أمها تعبانة وفي غيبوبة. الدكتور: بجد، ألف سلامة. مكنتش أعرف. طب ممكن رقمها أطمن على أمها؟

ساندي: لا طبعاً، مينفعش يا دكتور غير بأمرها هي. الدكتور: أوك يا ساندي، ابقي كلميها انتي وطمنيني على أمها وعليها. مشيت ساندي وروحت البيت، رنت على نور. ساندي: الو. نور: الو. ساندي: إيه أخبارك؟ طمنيني على ماما. نور: ماما مش فاقت يا ساندي. ساندي: إن شاء الله تقوم بسلامة. ابقي طمنيني عليها، وصحيح الدكتور كان بيسأل عليكي. نور: .................... ردت وقالت إيه؟