رواية جنون حنين الفصل السابع 7 - بقلم نور محمد

في مكتب مروان "مازن واقف وماسك راسه اللي بقت كلها دم. هبه واقفه فوق الكرسي علشان هو أطول منها." هبه بتحذير: بقولك إيه ابعد عني.. أحسن أشلفطلك وشك الحلو ده.. انت لسه متعرفش مين هي.. هبه مرزوق. مازن بألم: أكتر من اللي عملتيه ده يا مفترية.. ده أنا دماغي بقت كلها دم بسببك. هبه ببرود: تستاهل علشان أنت قليل الأدب.. ومسكت إيدي كمان.. ودي نتيجة اللي يلعب مع هبه مرزوق يا كوتش.

مازن: يا مجنونة أنا كنت بساعدك بس.. ده أنتِ كنتِ حتقعي على وشك لولا.. إني لحقتك قبل ما تقعي. هبه: هي أنا طلبت منك المساعدة يا سي مازن.. أنا عارفة حركات المسلسلات دي كويس.. يا بابا مش عليا أنا. مازن بضيق: على فكرة أنا أقدر.. دلوقتي أقدم فيكي بلاغ.. سب وتعدي بالضرب في مكتب ظابط كمان. هبه: أنت بتهددني كمان.. ما أنا حقدم فيك بلاغ تحرش هنا في مكتب ظابط كمان.. وبقى نتقابل في المحاكم يا سي مازن.

مازن: بقى كده.. طيب والله لأعرفك يا مجنونة.. مين مازن محمود.. تعالي هنا بقى. هبه وهي تجري منه: الحقوني يا حكومة.. عاوز يضربني في حمايتكم.. يا حكومة يا شاويش.. الحقني يا شوشو. مازن بضحك: ههههه بس يا مجنونة يخرب بيتك حنتسجن كلنا فعلاً هنا. دخل الشاويش: في إيه يا آنسة مالك؟ هبه استخبت خلفه: الحقني يا شوشو.. عاوز يضربني.. وأنت موجود.

مازن بضحك: ههههه معلش يا شاويش دي مجنونة متخدش عليها.. عندك علبة إسعاف أولية.. رأسي بتنزف زي ما أنت شايف. الشاويش: مين عمل كده فيك يا مازن بيه.. أنا حجبلك علبة الإسعاف فوراً. "نظر مازن بخبث لهبه لتنظر له هبه بخوف." هبه بخوف: خدني معاك يا شوشو.. قصدي يا شاويش.. عند صحبتي حنين والنبي. الشاويش: ماشي تعالي يا آنسة. مازن: استني يا مجنونة أروح معاكي.. يووه دي مشت.. مجنونة أوي زي صحبتها.. بس شرسة وعجبتني. في الزنزانة

عند حنين ومروان دخلت هبه: الله.. الله.. بقى أنا خايفة على الهانم.. وهي بتضحك مع الظابط بتاعها هنا. حنين: بت يا هبه.. أنتِ إزاي جيتي هنا لوحدك. دخل مازن: لا هي جت معايا أنا. مروان بصدمة: مازن مين عمل كده فيك.. رأسك مالها كده. مازن بخبث لهبه: لا مفيش.. أصل كان في قطة مجنونة هجمت عليا وعملت فيا كده. هبه بعصبية لمازن: احترم نفسك لو سمحت.

مازن بمكر: الله هو أنا بتكلم عليكي أنتِ.. أنا بتكلم عن قطتي المجنونة بس." وهو بيغمز ليها " حنين بشك: فيه إيه يا هبه ها.. قولتلي حصل إيه مع مازن بصراحة. هبه بخوف: وأنا أعرف منين الله.. مش هو قال قطة أهو قدامكم. مروان: تمام يلا نخرج من هنا. خارج القسم حنين: هبه قولي الحقيقة أنتِ عملتي كده.. في مازن صح. هبه: بصراحة أيوه.. هو استفزني أنا أعمل إيه. حنين: الله عليكي.. تربيتي يا بت.. هو يستاهل بعيونه الخضرة دي.

هبه: اسكتي بقى يا حنين والله صعب عليا بعدين.. بصراحة هو مز طحن.. بس قليل الأدب كمان. حنين بغمزة: إيه رأيك نربيه زي حسن كده. في مكتب مروان مروان: ما تهدى يا ابني شوية.. علشان أعرف أضمضلك الجرح ده بقى. مازن: آآآه.. براحة يا عم.. أنا حروح لدكتور أحسن.. سيبني بقى. مروان بشك: مازن.. قول الحقيقة هبه اللي عملت كده.. فيك صح.

مازن بألم: بصراحة أيوه.. أنا كنت بس بساعدها المجنونة دي.. وهي فكرتني بقرب منها.. وضربتني زي ما أنت شايف كده. مروان بضحك: هههههه.. تستاهل علشان قولتلك بطل حركاتك دي.. ودي طفلة لسه يا ابني.. مينفعش معاها الحركات دي. مازن بخبث: بس مزة.. ومجنونة كمان.. وبصراحة عجبتني أوي.. تساعدني أقرب منها يا ميرو.. إنشاء الله يخلي لك عيالك يا رب.

مروان بضحك: عيالي هم فين دول يا مجنون.. بقولك ابعد عنها دي مجنونة زي صحبتها.. وحتتعبك أوي.. وكمان طفلة يا مازن فاهم يعني إيه.. متقربش منها تمام. مازن: خلاص أنا بهزر بس.. وكمل في سره.. أنا بقى دخلت دماغي ومش حأسيبها.. بعد اللي عملته في دماغي ده.. آآآه يا بنت المجنونة أما أشوفك تاني بس. في منزل حنين "كانت تلك المجنونة تجلس في غرفتها وهي تسمع الأغنية الجديدة (يا عارف لأحمد سعد)

حنين بتفاعل: غيابك عليا طال فعلاً يا ظابط.. من كام ساعة دول.. بس متقلقش أنا حشوفك بكرة.. أكيد وحشك مش كده يا قُرة عيني مستقبلاً.." وهي تمسك صورته في فونها وتحدثه كشخص حقيقي " دخلت حنان: أنتِ يازفتة بتعملي إيه.. والصوت عالي كده ليه. حنين: لو سمحتي يا ماما.. أنا في حالة عاطفية رومانسية.. ومش عاوزة أضيعها دلوقتي. حنان: حالة عاطفية رومانسية في السن ده يا مجنونة.. قومي يازفتة حضري معايا العشاء.. علشان باباكي على وصول.

حنين: عشاء إيه يا ماما.. أنا أخري الاندومي.. وأنتِ عارفة كده كويس.. بقى عشاء إيه اللي أعمله دلوقتي. حنان: أمآل حتتجوزي إزاي يا آخرة صبري.. حتأكلي جوزك اندومي بس يا هبلة. حنين: متشلش هم يا حنون.. الظابط بيحب الاندومي كمان زيي وحناكل اندومي سوى العمر كله. حنان بضيق: الظابط تاني يا حنين.. قومي قدامي يا مجنونة أحسن أقومك بشبشب يا بت.

حنين: ماما لو سمحتي محدش يقوله الظابط غيري أنا.. وكمان أنا بهزر معاكي يا حنون.. أنا حأقوم أعمل العشاء.. والفطار وغداء بكرة كمان بس بلاش الشبشب والنبي. حنان بخيبة أمل: ربنا يعوض عليا في جنانك ده يا بنت بطني والله. في اليوم التالي حنين: يا ماما أنا حروح الدرس دلوقتي.. وحأتأخر علشان حنذاكر أنا وهبه سوى في بيتهم. حنان: وهي متجيش تذاكر هنا معاكي ليه ها.

حنين بسخرية: علشان مامتها مش بتضرب بناتها بشبشب يا حنون.. وسلآم بقى حأتأخر كده. حنان بغضب: بقى كده يازفتة.. طب تعالي هنا بقى. حنين بخوف: خلاص.. خلاص يا حنون يا عسل بهزر معاكي يا قلبي.. ده أنتِ الحتة الشمال جنب الظابط كده. حنان: ههههه.. عاوزة تاكلي بعقلي حلاوة يا بت.. ماشي بس متتأخريش أوي علشان باباكي ميزعلش. حنين بابتسامة: حاضر يا ست الكل. بعد ساعتين أمام القسم

حنين: أنا أهو يا قُرة عيني.. أكيد وحشك مش كده يا ظابط.. بينا بقى نبدأ الشغل. داخل مكتب مروان -أنا جيت أهو زي ما طلبت.. علشان محدش حيقدر يحل المشكلة دي غيرك. مروان: متخافيش أنا معاكي يا سمر.. مش حأسيبك.. واعتبري الموضوع اتحل خلاص يا حبيبتي. سمر: ربنا يخليك ليا يا حبيبي.. ودخلت حنين: الله.. الله.. إيه جو العشق الممنوع ده.. يا ظابط.. بقى بتخوني في وضح النهار وفي مكتبك كمان.

سمر بضيق: أنتِ مين يا آنسة.. وإيه الكلام اللي بتقوليه ده.. مين دي يا مروان. حنين: استني.. استني كده.. أنتِ حامل كمان.. إمتى لحقت تعمل هذه الجريمة من ورايا يا ظابط. مروان بغضب: حنييين.. الزمييي حدودك.. واعرفي بتكلمي ميين. حنين بخوف: بقى بتتعصب عليا.. علشان دي هي مين دي أصلاً.. انطقي أنتِ مين يا بت أحسن آجي أشلفطلك وشك ده. مروان بغضب أكبر: حنييين اطلعي فوورا.. مش عاوز أشوفك قدامي دلوقتي فاهمة.

حنين بدموع: بقى كده يا ظابط.. حاضر مش حتشوف وشي تاني.. ووالله يا بت لأستناكي بره يا خطافة الرجالة. مروان بعصبية: حنييين بررره فووورا. خرجت حنين بغضب ودموع. سمر: هي مين دي يا أبي.. ومالها كده متعصبة عليا.. انتو مرتبطين يعني. مروان: لا.. متأخديش في بالك.. دي واحدة مجنونة بس.. وأنا عاوزك دلوقتي ترجعي بيتك ومتروحيش عند ماما علشان تعبانة ومش ناقصة.. وأنا ححل الموضوع مع الزفت جوزك ده.. متخافيش.

سمر: حاضر يا أبي.. أنا حأمشي دلوقتي.. علشان تعبانة من الحمل وكده. مروان: تمام.. آجي أوصلك يا حبيبتي طيب. سمر: لا شكراً يا حبيبي.. خلي بالك من نفسك. خارج القسم

حنين: بقى أنا حنين أحمد.. يتعمل معايا كده.. بذمتكم يا ناس أنا حد يخوني كده.. ده أنا أقول للقمر تعال واقعد مكانك.. وخفة دم تلاقي وشقاوة تلاقي.. ده أنا فتاة أحلام شباب مصر كلهم.. الظابط يعمل معايا كده.. ماشي أنت اللي بدأت وأنا حنهي يا ظابط وحتشوف بعدين.. ما أنا حجوز ظابط يعني حجوز ظابط. اليوم التالي في القسم • اتبع فصول الرواية ""