رواية جنون حنين الفصل الثامن 8 - بقلم نور محمد

اقبل يادمن لو سمحت بسرعه خارج القسم حنين: بقى أنا حنين أحمد.. يتعمل معايا كده.. بزمتكم يا ناس أنا حد يخوني كده.. ده أنا أقول للقمر تعال واقعد مكانك.. وخفة دم تلاقي، وشقاوة تلاقي.. ده أنا فتاة أحلام شباب مصر كلهم.. ظابط يعمل معايا كده.. ماشي، أنت اللي بدأت وأنا حنهي يا ظابط وحتشوف بعدين.. ما أنا حتجوز ظابط يعني حتجوز ظابط. اليوم التالي في القسم حنين: والنبي بقى يا شاويش لتساعدني.. وأنا حديلك اللي عاوزه والله. الشاويش:

يأنسة دي أمور شخصية.. أنا مقدرش أدهالك كده. حنين: طيب اعتبرها خدمة لأختك الصغيرة والنبي.. أنا عاوزة عنوان بيته بس.. ومتخافش والله محدش حيعرف أبدا وعد. الشاويش: طيب أنا عاوز 100 جنيه.. وحقولك. حنين: نعم!! ليه إن شاء الله.. أنا طلبت عنوان وزير الداخلية ولا إيه. الشاويش: ده اللي عندي.. لو لا معطلعش. حنين: خلاص.. خلاص أنا معايا 50 بس دلوقتي.. وحجيبلك الباقي بعدين.. يخرب بيت الظلم. الشاويش: تمام كده.. عنوانه في ****.

حنين: تمام أوي.. إنشاء الله يسترك يا رب يا شاويش. لاحقًا في منزل حنين حنين: أنا رجعت يا حنون قلبي.. فين الأكل بقى. حنان: بقى جايه بدري عشان بطنك بس.. إنتي إيه يا بنتي خفي شوية.. ده انتي كلظتي أوي الفترة دي. حنين: خدي بالك يا حنون.. أنا إن تخنت ملبن وإن خسيت غزال.. آه. حنان: طيب يا غزال يا شارد إنتي.. تعالي حضري معايا السفرة.. زمان باباكي على وصول. حنين: حاضر.. مانا خدامة الأسياد هنا. حنان:

بت قدامي.. أحسن أطلع عليكي الأسياد فعلاً. في تاني يوم في منزل حنين برضو حنين: ماما أنا حخرج أشوف هبة.. عشان تعبانة.. عاوزة حاجة يا ست الكل. حنان: إيه كل شوية خروج كده.. وهبة تعبت من إمتى بقى.. مانا عارفة حوراتك يا حنين.. حتروحي فين النهار ده بقى. حنين: من يومك كاشفاني يا حنون والله.. بصراحة عندي مراجعة في السنتر.. وخوفت أقولك متصدقيش بس. حنان:

مراجعة قلتلي بقى.. ومن إمتى روحك على التعليم كده أوي.. ده انتي مطلعة عيني عشان المدرسة بس. حنين: لا مانا قررت.. أبقى خلاص شاطرة عشان.. تتفخري بيا قدام زميلاتك في المدرسة.. يا حنون قلبي. حنان: هههههه اتفخري إيه دي.. جبتيها منين دي.. ده أنا بعلم فيكي أصول اللغة العربية من صغرك.. عشان تيجي دلوقتي وتقوليلي تتفخري يابت الهبلة. حنين: يووه بقى يا ماما.. مش وقته الدرس ده.. أنا حأتأخر على السنتر كده. حنان:

خلاص غوري.. بس متتأخريش زي كل يوم.. تمام يابت حنان. حنين: تمام يا حنون قلبي.. سلام بقى أشوفك.. في فرحي قريب أوي يا رب. حنان: ربنا يعوض عليا عوض الصابرين.. بقى فيكي. بعد ساعة أمام فلة صغيرة جميلة للغاية حنين: والنبي بقى يا عمو.. والله مش حطول أنا جوه.. لازم أقابل طنط ماما ظابط ضروري.. أرجوك. البواب: آسف يابنتي ممنوع.. دي أوامر مروان بيه كده.. مش مسموح حد يدخل الفلة غريب. حنين:

بس أنا مش غريبة.. والله ظابط يعرفني أوي كمان. البواب: طيب استني أكلمه.. وبعدها أدخلك. "واخد الفون يكلمه قاطعته حنين بسرعة" حنين: لا لا مالهوش لزوم تكلمه.. أنا قولته بس هو أكيد نسي يقولك بس.. والنبي عشر دقايق بس هما.. الموضوع مهم حياة أو موت. البواب: خلاص ادخلي.. بس عشر دقايق. بسرعة.. عشان صعبتي عليا بس. حنين: إن شاء الله يسترك يا رب يا عمو.. وتفرح بفراخك احم قصدي عيالك. وفي نفس الوقت في منزل هبة صديقة حنين هبة:

يعني إيه يا بابا عايز تجوزني.. دلوقتي وتخلص مني.. ده أنا لسه مكملتش الثانوي حتى. أبوها: أنا عاوز مصلحتك بس يا بنتي.. وحسن ده شاب كويس.. ومقتدر وبيشاري وبيحبك كمان.. ومن زمان عاوزك مني. هبة: بس أنا لو آخر راجل في الدنيا.. حسن ده مش عاوزاه يا بابا. أبوها: هبه صوتك ميعلاش عليا تاني.. عشان معدش تربيتك من أول وجديد.. وأنا اللي أقوله يتنفذ بس من غير اعتراض فاهمة. هبة:

أنا آسفة يا بابا مقصدش أعلي صوتي عليك.. بس ارجوك مش عاوزة أجوز دلوقتي.. وخصوصا من اللي اسمه حسن ده.. أنا مبطيقوش خالص. أبوها: أنا قولت اللي عندي.. وكلمت حسن كمان وحددت معاد.. وإنتي مش حتخرجي من البيت غير.. وإنتي مخطوبة لحسن فاهمة. هبة: حاضر يا بابا.. بس أنا برضو مش حوافق عليه أبدا. "وسبته ودخلت أوضتها تعيط على حالها ده" دخلت مامتها بعد ما سمعت اللي حصل بره بخزن عليها:

اهدي يا حبيبتي.. إن شاء الله خير بس منقدرش.. نقول لباباكي لا دلوقتي.. إنتي عارفة طبعه صعب إزاي. هبة: ماما أنا لو جت السما على الأرض.. مش حتجوز اللي اسمه حسن ده أنا بقولك أهو. مامتها: إن شاء الله خير.. وأنا معاكي متقلقيش يا حبيبتي. داخل الفلة مروان عند حنين حنين: يا طنط ماما ظابط فينـك. زينب: فيه إيه؟!! مين إنتي يابتي.. وبتعملي هنا إيه!! حنين: الحقيني يا طنط.. أنا محتاجاكي أوي بموضوع.. بخصوص ظابط ابن حضرتك. زينب:

مروان ماله حصـله حاجة!! .. ولا إيه انطقي حصله إيه!! حنين: لا هو كويس متقلقيش.. بس أنا اللي مش كويسة بسببه يا طنط والله. زينب: طيب تعالي معايا ياحبيبتي.. احكيلي عملك إيه بس.. عشان تعيطي كده. حنين: حـ حاضر. "وأخدتها زينب إلى الصالون عشان يتكلموا سوا" حنين: بس يا طنط.. هو ده اللي حصل.. يرضيكي بقى اللي عملوه فيا.. ده أنا حتى بنت كيوت وأمورة أوي.. على البهدلة دي. وفي الخارج وصل مروان عند الفلة

"نزل من عربيته وهو تعبان أوي من الشغل" مروان: إزيك يا عم رمضان.. عامل إيه النهار ده. رمضان: أنا.. أنا كويس يا بني الحمد لله.. وانت. مروان: فيه إيه يا عم رمضان.. مش على بعضك كده ليه.. حصل حاجة في غيابي يعني. رمضان: لا مفيش.. بس.. بس حصل. مروان: حصل إيه انطق.. ماما كويسة طيب ولا إيه. رمضان: لا الهانم كويسة خالص.. بس بصراحة فيه بنت جت تعيط هنا من شوية.. عاوزة الهانم وأنا شفقت عليها بس.. وخلتها تشوفها أنا آسف. مروان:

انت إزاي تعمل كده.. من غير ما تقولي حتى.. مش أنا منبه عليك متدخلش حد غريب.. يا عم رمضان. رمضان: أنا.. أنا آسف يابني.. بس صعبت عليا أوي.. فدخلتها هي دلوقتي دخلت.. من شوية بس. مروان: ماشي يا عم رمضان.. أنا حتصرف معاك بعدين.. ابعد خليني أشوف مين دي.. الأول. "ودخل بسرعة مروان الفلة وهو خايف على مامته" وفي الصالون جوه زينب: بس.. بس يابنتي.. خلاص حنحلها متخافيش.. إن شاء الله خير أنا معاكي. حنين:

شكرا أوي يا طنط.. أنا مش عارفة أقولك إيه بجد. "ويدخل عليهم مروان فجأة بغضب" مروان: حنين.. إنتي جيتي إزاي.. وبتعملي إيه هنا انطقي. حنين: شفتي.. شفتي يا طنط.. أهو قال حنين بلسانه قدامك.. يعني يعرفني زي ما قولتلك.. والاعتراف سيد الأدلة مش كده يا ظابط. مروان: أنا سألتك سؤال.. بتعملي إيه هنا عند ماما.. انطقي أحسن لك. حنين: بصي يا طنط.. بيهددني قدامك كمان.. ومش عامل اعتبار لحضرتك حتى. زينب:

مروان احترم نفسك.. وشوف بتعلي صوتك قدام مين.. أنا مامتك ولا انت نسيت. مروان: أنا مقصدش والله يا ماما.. بس انتي متعرفيش مين المجنونة دي.. دي مكان ما بتكون لازم يحصل مصيبة.. صدقيني. حنين: اهئ.. اهئ.. سمعتي يا طنط بيقول عليا إيه.. قدامك وأنا حبيبته.. عاوز يرميني بعد ما ضحك عليا.. بحبه الوهم.. أهئ.. أهئ. مروان: ضحكت عليكي بإيه يا أختي.. وأنا قولتلك إمتى.. يا حنين إني بحبك أصلا. حنين:

سمعتي يا طنط.. أهو ظهر الحق.. وقال بلسانه كمان إنه بيحبني.. عشان تصدقيني بس. زينب: زي ما ضحكت عليها.. ووعدتها إنك تتجوزها.. حتتجوزها يا مروان فاهم. مروان: وأنا وعدتها إمتى بس.. يا ماما دي كذابة والله بس متصدقيهاش.. "ثم نظر إلى حنين بغضب".. وإنتي.. لو مقولتيش الحقيقة فوراً يا حنين.. أنا حدخلك الحجز.. ومش حطلعك زي المرة اللي فاتت.. فاهمة انطقي فوراً. حنين:

سمعتي يا طنط.. عاوز يحبسني كمان.. بعد ما أخدني لحم ورماني عضم.. بس أنا مش خايفة غير على ابنه.. بس يبقى في الآخر رد سجون.. بسبب باباه. مروان وزينب: ابنه؟!!! حنين: اه ابنه.. ما أنا بعد ما قولته على ابنه.. حطني في الحجز يا طنط.. وطلعت منه جيت هنا على طول.. عشان تلحقيني منه أنا أهلي صعيدة وعندهم.. الثأر أو العار وممكن يقتلوني.. لو عرفوا أنا في حماية.. أهل الحكومة هنا آه. زينب:

لا وأنا طبعاً ميرضنيش.. إن حفيدي يحصل فيه كده يا بنتي.. هو غلط وحيصلح غلطه ده.. وإيده فوق قفاه كمان.. ولا إيه يا مروان باشا. مروان: لا والله كده كتير.. هي كبرتها أوي أوي.. أنا حتى مقربتش منها بالغلط.. حتى.. عشان يحصل كده.. ووالله حأربيكي على الكذب ده يا حنين يا كلب. زينب:

مروان الزم حدودك.. مفيش بنت حتقول كده على نفسها أبدا.. وبعدين أنا قولت اللي عندي.. وإنت حتتجوزها.. يعني حتتجوزها.. وكمان يوم الجمعة الجاي حنطلبها من أهلها.. وده القرار الأخير. مروان: بقى كده يا ماما.. بتلوي دراعي ماشي زي ما تحبي.. "ثم نظر إلى حنين التي تختبئ خلف أمه بخوف وأكمل".. وإنتي يا حنين.. والله أنا حعرفك إزاي.. تكذبي الكذبة دي كويس.. أنا لا إنتي يا مجنونة.. وحنشوف.

"وخرج وهو خلاص حيفرقع منها ومن مصايبها اللي مش بتخلص دي" خرجت حنين من خلف مامته بخوف ليسا منه: ياااه.. الحمد لله مشي.. ده أنا قلبي وقع مني والله من الخوف.. شوية كمان وكونت حعترف بكل حاجة من نظرته دي.. أنا مش عارفة قدرت أعمل كده إزاي.. بس مش زودتها.. شوية يا طنط كده عليه. زينب:

لا متخافيش يا حبيبتي.. إنتي كنتي ممثلة شاطرة أوي.. وأنا عارفة ابني مروان طبعه صعب.. وأنا ياما حاولت معاه.. عشان يجوز بس هو رافض ده.. بس بعد اللي قولتيلي.. كان لازم أتصرف برضو. فلاش باق قبل حضور مروان