رواية جوازة في شهر الفصل العشرون 20 - بقلم رحمة نجح

ليل. ادم انتا بتكلم مين. ادم. بتوتر. ها. ليل. بشك. هو ايه اللي ها لما دخلت انتا قفلت الفون ليه. ادم. لازم اسافر بكره. ليل باستغراب. ده اللي هو ازاي كده وبردو مين كان بيكلمك. ادم. تبع الشغل. ليل بهدوء. تمام يا آدم تصبح علي خير. لتتركه ليل وتذهب نحو الفراش. ادم. يادي النيله دي زعلت. ليقوم ادم من جلسته ويتوجه إليها ويجلس علي السرير بجانبها. ادم. وحضرتك ناويه تنامي زعلانه يعني. ليل.

ادم. بغضب وهو يقربها منه ليصبح وجهها مقابل لوجهه ويردف "ليل اكتر حاجه بتعصبني لما اكلم حد وميردش عليا". ليل. ما انتا مش شايف انتا بتعمل ايه يعني. ادم. لا بصراحه مش شايف الاتصال تبع الشغل عشان المفروض اني هسافر بكره وانتي هتكوني معايا معرفش مالك بقا. ليل. يعني لو انا بكلم حد واول ما انتا تدخل اقفل انتا هتعمل ايه. ادم. في حاجه اسمها ثقه ودي اللي بتبني اي علاقه. ليل. واثقه فيك لابعد الحدود والله بس الموقف عصبني.

ادم وهو يداعب أنفها بأنفه ويردف "ما عاش اللي يعصبك". ليل بخجل من حركته تلك "طب احم طفي النور عشان عايزه انام". ادم بتسليه. مفيش نور هيطفي. ليل. هي غلاسه وخلاص يعني. ادم بضحك. بيقولوا كده. ليل. بجد تعبانه عايزه انام. ادم بنظرة عاشق. سلامة تعبك.

كادت ليل أن ترد عليه ولكن اسكتها ادم بقبلته لها حاولت ليل ابعاده ولكن لم يتحرك انش واحد عنها ليغرقوا في بحور عشقهم امتلكها ادم قلبا وقالبا لتصبح عشقه الاول والاخير وما هوالحب الا صخره يتحطم عليها كبرياء وغرور كل منهما ليصبح الاثنان عاشقان بجنون لبعضهم.

صباح يوم جديد كانت ليل مازالت نائمه وهذا الادم يتأملها بحب وعشق يزداد يوم بعد يوم فهو ولاول مره يعشق هكذا احبها بطريقه لا يوصفها كلمات فهي أصبحت عشقه الاول والاخير وأمانه فهو يشعر معها بالأمان والطمأنينة رغم تقلب مزاجها الذي يجعله يجن أحيانا ولكن يحبها بكل ما بها. استيقظت ليل لتجد ادم ينظر لها بحب. ليل بخضه. ايه ده. ادم بضحك. في ايه. ليل. في حد يصحي حد كده. ادم. هو انا صحيتك ولا جيت جمبك اصلا.

ليل. لما تصحا وتلاقي حد واقف في وشك كده يبقا ايه. ادم بضحك. يبقا حب. ليل بضحك. احم لقد تم تثبيتي بنجاح. ادم بضحك. طب الحمد لله. ليل. ها بقا ناوي تعمل ايه في السفريه دي. ادم. المفروض انك تقومي تلبسي وتجهزي الشنط عشان نمشي. ليل. شنط ايه بس انا مش هسيب ماما لوحدها هاتها معانا. ادم. من قبل ما تقولي اصلا قولتلها بس هي رفضت وانا عارف اني دماغها ايه ماشاء الله يابس. ليل. يعني هتقعد فين. ادم. عند خالتي. ليل. اممم ماشي.

ادم وهو يقبل عينيها ويقول. صباح النور عليكي يا قمري. ليل بابتسامه. صباح النور يا حبيبي. ادم. هقوم اخد دوش بسرعه تمام. ليل. تعالي هنا احنا مسافرين فين وشغل ايه ده. ادم. أولا مؤتمر وفين دي بقا هتعرفي لما نوصل. ليل. لما نشوف اخرتها معاك ايه. بعد ساعتين. كانت ليل انتهت من تجهيز الشنط الخاصه بهم وانتهت من ملابسها هي الأخري. ادم. خلصتي. ليل. اه يالا خلاص. ادم بحب. شكلك حلو اوي. ليل بخجل. شكرا.

ادم. شكرا ايه انا بعزمك علي شاي. ليل بضحك. اه ونخلص بقا عشان نمشي هي الطياره معادها أمته. ادم. كمان ساعتين. ليل. طب يالا يالا. وعلي الجهه الأخري كانت تجلس يامور مع عامر يتحدثون في أحد المطاعم. عامر. بصي بقا يا ستي. يامور. يانعم. عامر. الجواز. يامور. ماله. عامر. كمان شهر. يامور. كمان شهر ايه هي اي حكايتك انتا وصحابك في الشهر ده. عامر برفعه حاجب. في اعتراض.

يامور. احم هو حد يقدر يعترض يا باشا بس ايه شهر ده بتشتري تلاجه وكمان غير جامعتي اللي انا لسه اول سنه فيها دي. عامر. ما هو انتي هتكملي في عش الزوجية. يامور. مش مستريحالك. عامر بضحك. بصي اهم حاجه الثقه. يامور بضحك. بقول كده بردو. عامر. طب ايه. يامور. ايه. عامر. لا مخلص قولتي ايه الجواز كمان شهر اشطا. يامور بضحك. هو ايه اللي اشطا يابني ربنا يهديك. عامر. ما هو هيهديني علي ايديك. يامور. ياولا.

عامر. خلاص علي بركه الله الفرح كمان شهر. يامور بضحك. انا هسكت احسن. بعد مرور الكثير من الساعات كان قد وصل ادم وليل الي وجهتهم والتي كانت جزر المالديف كما كانت تحلم بها ليل فهي تمنت أن تأتي الي هنا مع من أحبه قلبها وها هي بالفعل متواجدة مع ذالك الادم ولكن للاسف وجودهم هنا ما هو إلا شغل لادم كما تعلم هي فهي الي الان لم تعلم مخطط ادم لهذه السفريه. ليل. بنبهار. المكان هنا حلو جدا. ادم. فعلا.

ليل. بس يا خساره شغلك هيمنعنا. ادم. هو الاستيعاب بطئ ولا ايه. ليل. استيعاب ايه. ادم. لا ولا حاجه يالا نمشي. اخذها ادم نحو الفندق الذي سوف يقيمون به عدة أيام. ما أن وصلت ليل الي هذا الفندق حتا نظرت ل ادم بصدمه فكان المكان أكثر من رائع بيت ويحيطه المياه من جميع الجهات. ليل بنهار. ايه ده. ادم. اللي هنقعد فيه. ليل بزهول. هو ده كده فندق نهار اسوح. ادم. ده المكان الخاص بالأدم. ليل بضحك. ايوه يا آدم يا جامد انتا.

يمر اليوم عليهم وسط فرح ليل بهذا المكان وذالك الأدم الذي كلما راي ابتسامتها يفرح لأجلها أكثر ومشغباته لها التي كادت أن تجن ليل ولكن لم تنكر أنه يضحكها بهذا الافعال. يأتي اليوم التالي عليهم في جزر المالديف كانت ليل هي التي استيقظت هذه المره وتنظر لادم ولكن ما جعلها تنصدم عندما قام ادم فجاءه وطبع قبله خفيفه علي شفتيها. ليل بخضه. ايه ده يا ادم. ادم ببراة مصطنعه. Öpücük ( قبله)

ليل. والله علي اساس اني لما تقولي بالتركي يعني انتا كده عداك العيب. ادم. اه يا روحي ويالا قومي عشان نبدا اليوم. ليل. حبيبي انتا مش عندك شغل. ادم. لا. ليل. ازاي. ادم. مش بقولك الاستيعاب بطئ بصي يا ستي نظرا لظروف جوازنا معملناش شهر حصل فهو ده شهر العسل بقا والمكالمه كانت تبع السفريه أنها خلاص جهزت كل حاجه. ليل بزهول. احلف. ادم بضحك. والله يا مجنونه. لتقوم ليل وتحتضنه بقوه ليحاصر ادم خصرها بيده. ليل بحب. يخليك ليا.

ادم. ويخليكي يا حبيبي. ليل. وهي تبتعد عنه. "هو انا ليه بحب كلمه حبيبي اكتر من حبيبتي لما بتقولهالي". ادم بضحك. صحبه مزاج. ليل. وجهه نظر بردو. لتقوم ليل لكي تغير ملابسها ولكن لم تجد الحقيبه. ليل. ادم هو العامل امبارح مجبش الشنط. ادم بخبث. لا جبهم. ليل. اومال هي فين. ادم. عندك هناك اهيه. لتذهب ليل نحو الشنطه وتقول. " بس دي مش شنتطي". ادم بمرح. لا هي دي حلوه. ليل. مش مستريحالك يابن مها. ادم بضحك. ولا انا.

لتفتح ليل تلك الحقيبه وتنظر الي ما بها حتا شهقت بخجل فكان جميع الملابس التي بداخل تلك الحقيبه عباره عن ملابس قصيره جدا لا تستر شيئا ويوجد كثير من هوت شورت القصير. ليل بخجل. ادم ايه القرف ده. ادم. وهو يقوم ويقف بجانبها ويأخذ القطعه التي بيديها. " ده قرف ". ليل. فين شنتطي اللي انا محضراها. ادم بضحك. سافرت. ليل. ادم متعصبنيش. ادم بلا مبالاه. هي دي الهدوم اللي موجوده. ليل. وانا مش هلبس الحاجات دي.

ادم ويمثل الحزن. براحتك. ليل. بغيظ. ماشي يا آدم. ليتركها ادم ويخرج. ليل. ايه ده هو انا عشان ملبستش الحاجات الهبله دي هيزعل اووف بقا. لتخرج له وتقول. " ادم انتا زعلت ". ادم. بتمثيل. هزعل من ايه. ليل. ما هما قصيرين اوي بصراحه يعني. ادم بخبث. اه قولي بقا انك مش عايزه تلبسيهم عشان مش هيبقوا حلوين عليكي زيي البنات. ليل بغيظ. نعم يا خويا مين دول اللي مش هيبقوا حلوين عليها.

ادم. اصل بصي الهدوم دي ازواق وعلي حسب الجسم بقا بس شكلي فعلا اخترتهم غلط مش هيليقوا عليكي. ليل.بغيظ. بقا كده. لتقوم ليل من جلستها وتتجه الي الغرفه مره اخري نظر ادم اللي طفها بضحك فهو يعلم أن ليل عنيده وان قال لها أن هذا الملابس تبدو غير لائقه بها سوف ترتديها وغير ذالك فبكلماته تلك استفز أنوثتها. ليل. يعني هو فاكر أنها مش حلوه عليا طب ماشي يا آدم ليل الانصاري هتوريك لتخرج من تلك الحقيبه هوت شورت اسود وعليه ما يسمي

(توب) يظهر طول ذراعها البيضاء ثم اتجهت الي المرأة وهي تضع احمر شفاه من اللون الاحمر القاتم ثم فعلت شعرها علي شكل كعكه متمرده وبعض الخصل تنزل علي وجهها تعطيها مظهر جذاب لمن يراها من الواضح انها تسعي لكي تتجن هذا الادم.

لتخرج له بهذا الطاله الخاطفه للأنفاس نظر ادم لها بصدمه فكانت تبدو بهذا الملابس حوريه بحق فهو ولاول مره يراها ترتدي مثل هذا الاشياء وهو الذي كان يقول لها أنه ستبدو غير لائقه بها من الواضح أنه سيدفع ثمن هذا الكلمه الان. ادم. ايه ده؟ ليل. بخجل تحاول إخفائه بعد أن رأت نظراته لها. "إيه؟ ادم. "إيه انتي يا شيخة؟ ليل. بسخرية. "غير لائقة بيا، صح؟ ادم وهو يقترب منها. "مين الأهبل اللي يقول كده؟ ليل بضحك. "انتَ." ادم.

"ما هو أنا فعلاً أهبل إني قلت كده، بس إيه البطل ده؟ ليل وهي ترفع سبابتها في وجهه. "لم نفسك." ادم. "لا، هو بعد المنظر ده مفيش حد هيلم نفسه فينا." ليحملها آدم وسط تذمرها ويتجه بها نحو المياه ويبحر بها. ليل. "آدم نزلني." ادم بضحك. "مبتعرفيش تعومي ولا إيه؟ ليل. بخبث. "احم، آه مبعرفش." ادم بخبث. "حلو ده، هيفيدنا كتير." ليل. "هيفيدك في إيه؟ ادم بوقاحة. "هتبوسيني ولا أسيبك تغرقي." ليل. "تصدق بالله، مها معرفتش تربي."

ادم بضحك. "ما هي عارفة ده." ليل. "والله؟ ادم. "والله، يلا عشان وقتي ثمين." ليل. بخبث. "طب غمض عينك." ليظن آدم أنها تخجل منه بالفعل. أغمض عينه لتنسحب ليل من أسفل يديه وتبحر. ادم بغيظ. "يابنت بتستغفليني؟ ليل. بضحك. "آه، عشان تبطل قلة أدب." ادم. "بقى كده، طب تعالي." ليحاول آدم إمساكها، ولكن كانت ليل تعوم بمهارة. في نهاية المطاف أمسكها آدم. ادم. "مسكتك." ليل. بمزاجي. "على فكرة." ادم. "يابت." ليل بضحك. "آه بمزاجي."

ادم بضحك. "ماشي يا ستي." عندما كانت ليل تنظر له بنصر لأنها ربحت عليه وفلتت نفسها منه سابقاً، يفاجئها آدم بقبلته له. ادم. "لما بعوز حاجة بعملها." ليل وهو تنظر لأسفل. "ما هو انت قليل الأدب." ادم بضحك. "قليل الأدب آه." يمر اليوم عليهم ويأتي الليل. ادم. "ليل قومي البسي الفستان اللي جوه." ليل. "فستان إيه وليه؟ ادم. "هنخرج." ليل. بفرحة. "أشطا." لتدلف ليل إلى الغرفة وتنظر إلى الفستان بصدمة ثم تخرج له. ليل. "إيه ده يا آدم؟

ادم. "فستان." ليل. "هلبس فستان كب وأخرج بيه يا آدم وأنا محجبة." ادم بسخرية. "على أساس إني لو حد هيشوفك بيه غيري هخليكي تلبسيه، صح؟ هو غباء وخلاص يا حبيبتي." ليل بحده مضحكة. "متغلطش." ادم. بضحك. "حاضر، روحي البسي بقى."

لتدلف ليل إلى الغرفة مرة أخرى، ثم ارتدت هذا الفستان الذي كان أكثر من رائع عليها. كان باللون الفيروزي، مفتوح من جهة واحدة من بداية الفخذ حتى نهايته، ومن النوع الكب. ثم وضعت قليل من مساحيق التجميل التي زادتها جمال فوق جمالها، وفعلت شعرها على شكل ذيل حصان، وخرجت له بهذه الهيئة الرائعة. ادم. "يخربيتك، إيه ده؟ ليل. "الفستان اللي انت جايبه." ادم. "ماهو فعلاً اللي أنا جايبه، لكن عليكي حاجة تانية." ليل بضحك.

"وانت كمان شكلك حلو." ادم. "أنا حلو في كل حالاتي أصلاً." ليل. "حوش بس، الغرور بيقع منك." ادم بضحك. "حاضر، المرة الجاية."

لياخذها آدم نحو ذلك المكان الذي جهزوه لها خصيصاً، والذي ما أن رأته ليل حتى شهقت بصدمة من روعته. كان المكان يوجد به الكثير من مصابيح الإنارة توجد على الأرض، ويوجد لهم مكان للجلوس عبارة عن ركنة دائرية الشكل، ويوجد حولهم كثير من الأشجار التي كانت تعطي للمكان جمالاً خاصاً. وهذا البحر التي أمامهم كان يبدو رائعاً في الليل، يبدو أن كل شيء رائع اليوم. ليل. "آدم بجد المكان حلو جدا." ادم. "نحن نعمل على إبهارك، حلوتي."

لياخذها آدم ويجلسوا، ثم صدح صوت موسيقى هادئة جداً من حولهم. ادم. "نرقص." ليل. بحب. "نرقص." ليرقصوا على هذه الموسيقى الهادئة. كانت ليل تشعر أنها في قمة السعادة مع ذاك آدم، فهو دائماً يسعى لأجل سعادتها. وحقاً كما قال لها سابقاً، سيشعرها بحبه لها من أفعاله. وجدت حبها معه، بل وجدت نفسها، فأصبحت تعشقه.

يمر شهراً كاملاً، كان بالنسبة لـ ليل وآدم أجمل أيام حياتهم. قضوا وسط حبهم وشغفهم لبعض. ولم يكن آدم لينزل، ولكن سبب عامر اضطر أن ينزل هو وملاذه إلى مصر لكي يحضروا فرحهم، فعامر بلغ آدم أنه يجب عليه أن ينزل لأن فرحه بعد يوماً واحداً من الآن. وآدم بالطبع لم يترك صديق طفولته، وغير ذلك، يا مور لم يكن لها أحد، فهو يعتبر آدم شقيقها.

في مصر، وبالتحديد فيلا آدم، كان جميعهم يجلسون منتظرين وصول آدم وليل من جزر المالديف. دلفوا عليهم الاثنان وهم سعداء ويشبكون يدهم في بعض. عامر. "أيوه بقا، على الناس اللي قضت شهر العسل وسيبنا هنا. أشوف لون إيه اللي يليق لأوضة النوم." ادم بضحك. "أنا عارف إني هاخد عين منك أصلاً." اتجه آدم إلى والدته، أخذ يقبل يديها ثم أعلي رأسها وهو يقول لها: "وحشتيني يا أمي." الأم. "وانت كمان وحشتني أوي يا قلبي." ليل.

"وسع كده بقا، عايزة أحضنها أنا كمان." الأم. "آه وسع يالا." ليبتعد آدم عن أمه بصدمة وهو يراها تحتضن ليل بشدة وتقبلها. ادم. "إيه ده؟ هو أنا اتنسيت ولا إيه؟ الأم بضحك. "هي اللي باقية ليا." ادم. "بقى كده، ماشي ماشي، ابقي خليها تنفعك وشوفي مين هيغسلك السجاد في العيد بقا." الأم. بضحك. "خلاص متزعلش، ربنا يخليكوا ليا انتوا الاتنين." ادم. "ويخليكي ليا. وانت يا أستاذ عامر انت ويا مور مش عارفين تصبروا شوية؟ عامر بغمزة وضحك.

"كنت انت صبرت." ادم. "احم، وجهة نظر تحترم بردو." يامور. "جماعة، هو أنا فعلاً هتجوز من الكائن ده بكرة؟ عامر بغيظ. "كائن إيه يا كلب البحر انتي؟ يامور بضحك. "يخليك ليا يا مدلعني." ادم بضحك. "الله عليكم بجد." وأثناء ما كانوا يضحكون بشدة، تشعر ليل بدوار يحتل رأسها ثم تقع مغشياً عليها.

اتجه آدم إليها بصدمة وهو يحاول إفاقتها، ولكن لم تعطي ليل أي ردة فعل. لم يعلم آدم كيف يفيقها، وكان عقله توقف عن التفكير، ولم يتذكر شيئاً من الطب الذي درسه لمدة سنين. وكان توقف كل شيء وهو يراها هكذا بين يديه. ادم بخوف. "عامر كلم دكتورة ندى بسرعة." بالفعل أتت تلك الطبيبة بعد فترة زمنية قصيرة جداً. كان آدم قد حمل ليل واتجه بها نحو غرفتهم. بعد فترة، كانت فاقت ليل على يد تلك الطبيبة. ادم. "حبيبتي، انتي كويسة؟ ليل بتعب.

"آه كويسة، متقلقش." ندي. "مدام ليل، حضرتكوا متجوزين بقالكم قد إيه؟ ادم. "وده هيفيدك بإيه يعني؟ ندي. "معلش، بس شاكة في حاجة." ادم. "حوالي تلات شهور كده." ندي. "طب حضرتك تقدري تعملي الاختبار ده." ليل. "اختبار إيه؟ ندي. "ده اختبار حمل." ليل. بصدمة. "أنا حامل؟ ندي. "مقدرش أقولك آه ولا لا غير لما نشوف نتيجة الاختبار ونتأكد." بالفعل قامت ليل وسط فرحتها وفرحة آدم. بعد مدة، كانت تخرج ليل من المرحاض

وهي تحك رأسها وهي تقول: "لو جاب إشارة موجبة، مبقاش حامل، صح؟ ندي بابتسامة. "مبروك، المدام حامل. ياريت تبقي تيجي العيادة عشان نطمن على البيبي." ادم. بفرحة. "أحلفي." ندي بضحك. "آه والله." ليتجه آدم نحو ليل يحتضنها بشدة، يسعد أنها تحمل قطعة منه داخل بطنها. وبعد مرور شهور، سوف يأتي لهم نتيجة حبهم لبعض. ادم. بحب وفرحة. "مبروك يا عيوني." لتخرج الطبيبة من الغرفة وتنزل إلى الأسفل. الأم. بقلق. "هي عاملة إيه يا بنتي؟ ندي.

"المدام حامل." قالت جملتها ثم تركتهم يقفون بذهول. وما أن تداركت الأم حتى أطلقت زغروطة تدل عن مدى فرحها بهذا الطفل الذي سوف يملئ عليهم حياتهم. الأم بفرحة. "أنا هبقى تيتا." عامر. "وأنا خاله." يامور بضحك. "وأنا خالتو أو عمتو، أي حاجة مش فارقة." جميعهم يشعرون بالسعادة لأجل هذان العاشقان الذي بعد أن فرقهم القدر سابقاً، الآن أصبحوا أجمل عاشقان قد تراهما عيناك.

يمر اليوم عليهم بسلام، ويأتي يوم فرح عامر على يامور. أصرت يامور أن يكون كتب الكتاب يوم الفرح لا قبله. لم يعترض عامر على هذا، فيكفي أنها ستكون ملكه بعد عدة دقائق. في الفرح، كان آدم يجلس مع عامر على هذا الطاولة، والذي يفرق بينهم هو الشيخ الذي يضع منديل أبيض على أيديهم ويبدأ في مراسم الزواج. بعد فترة، كان المأذون يقول: "بارك الله لكما وبارك عليكما وجمع بينكما في خير."

هذه الكلمة التي أسعدتهم بشدة، ليقوم عامر وهو يحتضن يامور بفرحة عارمة. عامر بهمس. "مبروك عليكي أنا." يامور بضحك. "حتى في اللحظة دي مغرور." عامر بضحك. "معلش بقا، ده طبع." يامور بحب. "بحبك أوي." عامر. "بعشقك يا ميموري."

ينتهي حفلهم وسط فرحة الجميع لهم. ولكن كانت ليل تنظر لآدم نظرات غيظ، فهو قال لها أن لا تتحرك من جلستها لأن حملها لسه في الأول وهو لا يريد خسارة أياً منهم. ولكن كانت تريد ليل أن تفرح مع صديقتها، ولكن ذاك آدم منعها. في اليوم التالي، سافر عامر ويامور إلى أنطاليا والتي توجد في تركيا، فيامور تعشق هذه البلدة حقاً، لذالك أخذها عامر لكي يقضوا شهر عسلهم.

بعد مرور خمس سنوات، كانت أنجبت ليل تؤام وهم كنان وميرال، الذي كان عمرهم أربع سنوات وعدة شهور. كان الاثنان عكس بعضهم. كانت ميرال تشبه ليل إلى حد كبير منها، فكانت تأخذ عينيها ولون بشرتها، ولكن كان شعرها باللون البندقي ويوجد به بعض الخصلات الذهبية عكس ليل. أما كنان فأخذ ملامح آدم، هذا الشعر الأسود، العيون البنية القاتمة، ولون بشرته البرونزية. ولكن كان الاثنان تؤام رائع، وهما الذي أتوا ليكتمل حب هذا العاشقان.

يامور التي تخرجت من جامعة التجارة بامتياز. فحقاً كما وعدها عامر أن يجعلها تنجح وهي في عش الزوجية، والتي أنجبت ولد واسمته تيم. كان مزيجاً بينهم هم الاثنان، فكان يأخذ عيون يامور البنية وبشرتها الخمريّة، وأخذ شعر عامر الذي كان باللون البني، وكان يبلغ من العمر ثلاث سنوات.

مازال كل عاشق منهم يعشق الآخر حد الجنون، ولكن لم تخلُ الحياة الزوجية من المشاكل، ولكن دائماً العشق يتغلب عليها. فعندما تعشق، سوف تتغلب على أي شيء في الحياة. في المساء، كانت ليل على وشك أن تجن من ذاك التؤام. ليل بصراخ. "بس بقا، جننتوني على العيال، على اللي عايزنهم." الأم. بضحك. "يابنتي اهدي، هما العيال كده." ليل بغيظ. "دول مش عيال، أنا قربت أتجنن منهم." الأم بضحك. "معلش استحملي." ليل.

"كنان، قسماً بالله لو قمتلك، انت حر. دول منظر عيال عندهم أربع سنين، دا انتوا فظاع." ميرال ببراة. "الله يا مامي، هو أنا عملت حاجة؟ ليل. "آه يا بت يا مسهوكه انتي، دا انتي مطلعة عيني." ميرال. "أنا يا مامي." ليل. "الصبر يا رب." ادم بضحك. "في إيه يا ليل؟ هو كل يوم ألاقيكي على نفس الموال؟ ليل. "بقولك إيه، حوش ولادك عني، أنا بقولك اهو." ل يجري هذا الطفلان نحو آدم ويحتضنوه بشدة وهم يقولون: "وحشتنا يا بابي."

لتنظر لهم ليل بصدمة. "والله انتي وهو، اااخ منكم، طالعين لأبوكم." ادم. "طب هو فيه أحلى من كده؟ ليل بضحك. "لا ياباشا، هو فيه أحلى منك بردو." ادم. "بحبك وانتي بقيتي ملبن كده." ليل بصدمة. أنا ملبن. آدم. آه. ليل. وبتقولها في وشي وقدام العيال؟ آدم. بت انتي تقلب مزاج برج الجوزاء ده مش عليا. ليل. خلاص انت قفوش كده ليه؟ آدم. يلا يا حبايبي عشان تناموا. كنان. بس احنا مش عايزين ننام دلوقتي.

ليل. معلش حبيبي وعشان نصحى بدري ونبقى شاطرين. كنان. وأصحى بدري ليه؟ إيه المفيد في كده؟ ليل. بس هقولك قصة تخليك تصحى بدري. كنان. قولي يا مامي. ليل. في عصفورين، واحد صحي بدري ولقى أكل ياكله، والتاني كان بيصحى متأخر وملقاش أكل. انت بقى تصحى بدري عشان تلاقي أكل حلو زيك كده. كنان. لا كده اللي بيصحى بدري بيتأكل، وأنا مش عايز أتأكل. ولما أصحى متأخر، أنا مش هتهون عليكي وهتاكليني. ليل. نهار أسود عليا، انت هتجنني يالا.

ميرال. سيبك منه يا مامي، أنا هطلع أنام. ليل. شوفت ميرال حلوة إزاي وهتنام بدري عشان الحضانه. ميرال. لا مش عشان الحضانه، عشان سيف قالي متناميش متأخر، وأنا بحب أسمع كلامه. ليل. مين سيف ده؟ ميرال. معايا في الحضانه، بس هو أكبر مني. ليل. آه دماغي ياما، شوفت تربيتك يا أستاذ آدم، خايفة من سيف يزعل، دي مش بتعملي أنا حساب كده. آدم. تربيتي. ليل. طب أنا هطلع أتخمد بقى عشان زهقت من عيالك وانت نيمهم. ميرال. هي زعلت يا بابي؟

آدم. لا يا روحي، يلا عشان ننام. ميرال. يلا. بعد فترة، كان آدم يدلف الغرفة على ليل ويجدها تقف أمام المرآة تتفحص نفسها بهذه الثوب الأسود الذي كان أكثر من رائع عليها. آدم. بتعملي إيه؟ ليل. هو أنا تخنت فعلاً يا آدم؟ آدم. انتي زعلتي عشان قولتلك ملبن؟ ليل. ما ده معناه إني تخنت. آدم. لا يا حبيبي، انتي قمر أصلاً. ليل. بجد يا آدم، اقولك وسع كده، أنا مبكلمكش أصلاً. آدم. يادي النيلة على تقلب المزاج.

ليل. انت مش كل يوم بتيجي متأخر وبتنام ومش بتقعد معايا خالص. آدم. يا قلبي والله بيبقى شغل. ليل. ولو. آدم. طب شغلي فيلم حلو لحد ما أغير، نقعد نتفرج عليه. ليل. بجد؟ آدم. اه يا قمري. ليدلف آدم إلى غرفة الملابس ويخرج بعد فترة وهو يلبس تريننج من اللون الأسود، يجد ليل تجلس على الأريكة وهي تمسك طبق من الفشار. آدم. اختارتي الفيلم؟ ليل. اه، استني أشغله. آدم. إيه ده؟ ليل. الجميلة والوحش. آدم. كرتون يا ليل؟ ليل. لا بقولك إيه؟

الكرتون ده أنا بحبه. آدم. خلاص طالما بتحبيه، نقعد نتفرج عليه. تجلس ليل في حضن آدم على الأريكة وهم يستمعون للفيلم. بعد فترة وقد انتهى الفيلم. ليل. تفتكر يا آدم، إن لو بيل هي اللي وحشة، هو هيحبها زي ما هي حبيته؟ آدم. اللي بيحب بيشوف عيوب اللي بيحبه مميزات يا ليل، مش بتفرق ساعتها إذا كانت الست أو الراجل، فهماني. ليل. فهماك. حبك ليا مش هيقل في يوم يا آدم.

آدم. ليل، انتي كنتي حلمي زمان ومازال الحلم ده موجود، ومعنى كده إنه "لن يكتمل حلمي بدونك"، انتي أساسه، أو بمعني أصح انتي أساس حياتي يا ليل. ليل. إذاً هذا هو الحب. هذا ما يجعل الحياة كالجنة. آدم. وانتي جنتي على الأرض يا ليل. ليل. لم أكن أعلم كيف أحب أو معنى العشق حتى أتيت أنت وعلمت لي أصوله، لتجعل قلبي متيماً بك، لم يعلم أحد سواك. أحببتك وكانك آخر الأشياء على وجه الأرض التي أحبها. "وكما

قال: وما الحب إلا صخرة يتحطم عليها كبرياء وغرور كل منهما ليجعل منهم عاشقان إلى حد الجنون".