رواية جواز حب وجواز مصلحة الفصل الأول 1 - بقلم دودا حوده

ميار: أميرة يلا شوية، لازم أروح لماما أكلها. أميرة: دي لو مامتك مش هتعملي كده. ميار: أنتي عارفة إن ماما متوفية وحماتي بحبها جداً والله. أميرة: أنتي بنت أصول يا ميار. ميار: أي الدراما دي؟ يلا بينا. أميرة: استني هنا، هو أنا هاجي معاكي؟ ميار: اعمليهم عليا يا بنت، ده أنتي هتموتي وتشوفي محمد. أميرة: أنا خالص. ميار: يابت طيب يلا. أميرة: أنا عمري ما شفت جوزك بس حاسة إن نفس شخصية محمد، صح أخو صح؟

ميار: خلاص والله، أنا بحس إن محمد حنية الدنيا فيه. أميرة: ليه هو عماد مش حنين؟ ميار: مش عارفة، ساعات بحس إنه متجوزني بس عشان خاطر أنا يتيمة مليش أهل، وساعات أحس إنه بيحبني. أميرة: هو أنتي ليه يا ميار مش بتسافري معاه؟ ميار: هو مش عايز، بيقولي المصاريف هناك غالية. أميرة: حبيبتي ربنا يجيبه بالسلامة ويسعدك. ميار: وبجد يخليكي ليا، أنا بحس إنك طيبة أوي وبتحبيني من قلبك.

أميرة: لا خالص، أنا عرفاكي بس عشان أعرف أدخل بيتكم وأشوف محمد. ميار: آه يا واطية. أميرة: هههههههههههه بهزر والله يابنتي، يلا بينا. ميار: يلا يا حبيبتي، هنعمل غدا إيه انهارده؟ أميرة: مش عارفة، تعالي ونشوف حماتي عايزة إيه. ميار: الله حماتي، طيب يا ستي والله ده أنا أفرح لما تكوني سلفتي. أميرة: حبيبتي والله. وفي بيت أم عماد كانت بتكلمه في التلفون. عماد: والله وأنتي وحشاني أوي يا ماما.

الأم: وأنت كمان، أخس عليك يا عماد بقالك 3 سنين منزلتش مرة. عماد: أعمل إيه يا أمي، غصب عني والله. الأم: يابني مراتك ليها حق عليك برضه. عماد: مهو أنا مش بحب أنزل عشانها. الأم: برضه يا عماد، مانت اتجوزت اللي بتحبها، ميار ليها حق برضه إنها تقعد معاك. عماد: أنا نازل الأسبوع الجاي يا ماما. الأم: بتتكلم بجد؟ عماد: أيوه يا حبيبتي، خدي جيجي عايزة تسلم عليكي. الأم: إيه يا محمد عايز أخوك، خد أخوك أهو.

عماد: ماما يا ماما ينفع كده؟ بصوت واطي. محمد: بدبسني، ماشي، الو، أيوه يا عماد وحشني. عماد: وأنت كمان، أخبارك إيه يا حبيبي؟ محمد: ناقصنا نشوفك. عماد: خلاص الأسبوع الجاي، فين ماما؟ محمد: محمد، أصل ميار جت وبتفتح ليها. عماد: آه، طيب سلام بقي. محمد: مش هتكلم مراتك؟ عماد: لا بعدين بقي، وقفل السكة. الأم: قالك لأ صح؟ محمد: والله العظيم حرام عليكي، أنتي ظالمة البت دي أوي. الأم: عايزني أعمل إيه يعني؟

محمد: مكنش ينفع إنه يتجوز واحدة مش بيحبها. الأم: كانت صعبة عليا إن ملهاش حد، وقولت يمكن يحبها بعد الجواز. محمد: ابنك اتجوزها مصلحة عشان يبيع بيت أبوها ويسافر ويتجوز اللي بيحبها. الأم: طيب وطي صوتك، ميار طالعة. ودخلت ميار. ميار: مساء الخير يا ماما. الأم: حبيبتي مساء الخير، تعالي. أميرة: مساء الخير. الأم: تعالي يا أميرة، إيه ده كله؟ ميار: أميرة قالت لازم نعمل محشي عشان محمد بيحبه. أميرة: لا طبعاً، أنا قولت كلنا بنحبه.

الأم: هههههههههههه ماشي، عندي ليكي خبر حلو. ميار: متقوليش عماد هيكلمني. الأم: لأ، جاي الأسبوع الجاي. ميار: جاي فين؟ هنا مصر؟ بتتكلمي بجد؟ الأم: آه والله، واتصل وكان زعلان، كان نفسه يكلمك بس تليفونك كان مقفول. ميار: لا أكيد شبكة، بس يا خسارة، ده صوته وحشني أوي. محمد: أنا قائم أنام. أميرة: والأكل؟ محمد: بطلت أكل محشي ني، لما الأكل يخلص صحني يا ماما. الأم: حاضر. وفي شقة عماد. جيجي: برضه أمك ما كانتش عايزة تكلمني صح؟

عماد: لا يا روحي، والله ميار كانت طالعة وهي قفلت عشان أنا مش عايز أكلمها. جيجي: أنا عارفة إن أمك مش بتحبني من أيام الجامعة. عماد: ليه بتقولي كده بس؟ جيجي: مراتك رسمت عليها دور الحنية ودور البنت الوفية، وهي مش بتحبني. عماد: حبيبتي، أوعدك إني هاتصل بالليل، وأكيد هتكلمك بس ميار تروح الشقة. جيجي: لا، هو أنا ما قلتلكش، أنا نازلة مصر معاك. عماد: نازلة فين يا جيجي؟ أنا شهر بالكثير وهارجع.

جيجي: أنا هنزل معاك، ومراتك لازم تعرف إنك متجوز. عماد: جي جي، أنتي اتجننتي صح؟ جيجي: لا والله، باتكلم بجد، ولو ما عملتش كده، هطلقك، اختار مراتك تعرف ولا أنا أطلق.