رواية جواز حب وجواز مصلحة الفصل الثالث 3 - بقلم دودا حوده

محمد: لا فوق لنفسك كده، مينفعش دي مرات أخوك برضه، بس هو مش بيحبها برضه، مينفعش دي محرمة عليك زي أختك بالظبط، يعني هوانا كنت قولت هتجوزها، يارب أعمل إيه بس مش عارف أشوف حد غيرها. الباب خبط. محمد: ادخل. ميار: محمد صاحي؟ محمد: آه، تعالي. ميار: لا أنا عايزة أخرج، ينفع تخرجني؟ محمد: إنتي تأمري طبعًا، ثواني هلبس. ميار: تمام، وهتصل بأميرة. محمد: أمي مش بتخاف تقعد لوحدها. ميار: وأنا قولت كده.

محمد: مش إنتي متصلة بيها تيجي تقعد معاها؟ ميار: محمد، اتعدل. محمد: أنا مش باجي بالأسلوب ده خالص. ميار: عارفة، بس برضه لازم تقعد تتكلم معاها. محمد: ميار، قولي الحقيقة، إنتي واخدة فلوس علشان المصلحة دي تتم؟ ميار: والله، طيب يلا قوم. محمد: حرام عليكي. ميار: ها، هتلبس ولا لأ؟ محمد: معقول تقولي كلمة وأقولك لأ. وفعلاً خرجوا. ميار: أنا هجيب حاجة من هنا وجاية. محمد: خليكي إنتي. ميار: لا، اقعد مع أميرة.

أميرة: هو إنت مالك يا محمد متغير ليه؟ محمد: إزاي يعني؟ هو أنا كنت بتعامل بأسلوب ودلوقتي بأسلوب تاني؟ أميرة: هو أنا ليه بحس إن أسلوبك معايا وحش؟ محمد: أميرة، إنتي عارفة إن ميار وعماد اتجوزوا إزاي؟ أميرة: آه، ميار قالت لي كل حاجة. محمد: عماد مش بيحب ميار وهربان من البلد لأنه مش عارف يحبها، وجوازة فاشلة دفعت تمنها ميار. أميرة: خلاص يا محمد، فهمت قصدك. محمد: أنا مش عايز أزعلك والله، بس عايز اختارك بقلبي.

أميرة: تمام يا محمد. محمد: أكيد مش عايزة أكد عليكي إن ميار متعرفش بالموضوع ده. أميرة: على فكرة ميار عارفة إن عماد مش بيحبها، بس بتحاول تداري. محمد: بس أنا مش عايزها تتوجع. أميرة: واضح إنك بتحبها أوي. محمد: نعم؟ أميرة: زي اختك يعني. محمد: هي أحن من أختي عليا أنا وماما، تصدقي مش عارف لما عماد يرجع البيت هيكون عامل إيه من غيرها. أميرة: ممكن نروح بقي؟ محمد: لما تيجي ميار، وروحوا البيت. أميرة: أنا مروحة.

محمد: مش قبل ما نتغدى معانا. أميرة: بجد؟ ميار: يلا بينا، ادخلي. ودخلوا، كانت أم عماد بتصلي وخلصت صلاة. الأم: إنتوا جيتوا؟ ميار: آه يا حبيبتي، هدخل أعمل الأكل. محمد: وأنا تعبان جدًا، هنام شوية عقبال ما تخلصوا. ودخلت ميار المطبخ. ميار: إيه ده يا ماما؟ معندكيش فراخ ولا لحمة؟ الأم: وأنا أعرف يا ميار؟ مانتي اللي مسؤولة عن كل حاجة. أميرة: طيب، أروح أشتري. ميار: لا، اعملي البامية والرز عقبال ما أروح الشقة أجيب.

أميرة: ماشي يا حبيبتي. ومشيت ميار. الأم: بكرة تبقي معانا هنا، والله لعملك زي ميار بالظبط. أميرة: بس أنا مش في دماغ محمد. الأم: لا، هو بس مش بيفكر في الجواز دلوقتي. أميرة: والله أنا مش عارفة أقولك ولا لأ. الأم: خير، في إيه؟ أميرة: لا، مش هينفع. الأم: ما تتكلمي على طول يا بنتي. أميرة: والله يا ماما أنا خايفة جدًا، محمد نظراته لميار غريبة، وانهاردة قالي إن عماد مش بيحبها وإنها متستهلش كده. الأم: إنتي بتقولي إيه؟

أميرة: علشان كده مكنتش عايزة أقولك، بس والله ركزي معاهم شوية، أنا خايفة البيت ده يتخرب، أنا فعلًا بحبكم حتى لو مش هتجوز محمد. الأم: معقول يا ربي؟ ده كده الإخوات هيقتلوا بعض. أميرة: والله ما هتوصل لكده. وجت ميار. ميار: إنتي لسه قاعدة؟ محمد لو صحي هيكلنا، والاكل خلص. الأم: خلصتي يا ميار؟ ميار: آه، هصحي محمد. الأم: لا، أنا هصحي، خليكي. ميار: تمام، عقبال ما أحط الأكل. وعلى الأكل. أميرة: اتفضل يا محمد. محمد: إيه ده؟

هي الفرخة دي بورك واحد؟ ميار: لا، ماهي ماما خدت الورك التاني. محمد: طيب، خدي، أنا عارف إنك مش بتحبي الصدر. ميار: لا، أنا هاكل لحمة. محمد: لا والله، خدي. الأم: ما خالص، عملناها حكاية ليه؟ أي حد فيكم ياكل الورك. ميار: مالك يا ماما؟ إيه اللي مضايقك كده؟ الأم: ما فيش، يلا خلصوا الأكل. وبعد ما خلصوا، الأم فعلًا كانت مركزة مع محمد أوي، ولقيت كل نظراته لميار. الأم: مروحة إمتى يا ميار؟ ميار: إنتي عايزة حاجة تاني؟

الأم: لا، يلا قوموا علشان شغلكم بكرة. أميرة: تصبحي على خير يا ماما. الأم: إنتي من أهله، عرفي ماما إني هنيجي يوم الخميس نشرب معاها الشاي. محمد: نعم؟ ميار: معقول؟ ألف ألف مبروك. أميرة: طيب، هعرف ماما وأديكي الرد يا ماما، سلام. ومشيوا الاتنين. محمد: إنتي بتعملي إيه يا ماما؟ الأم: إنت بتحب مرات أخوك يا واد. محمد: إنتي بتقولي إيه يا ماما؟ الأم: بقولك اللي شيفاه بعيني يا ابن الجزمة. محمد: لا طبعًا، الكلام ده مش حقيقي.

الأم: افتكرني عامية؟ منا شيفاه كل حاجة قدامي. محمد: أنا بعزها زي أختي. الأم: اذبت ليا واتجوز أميرة. محمد: مبحبهاش. الأم: الحب بيجي بعد الجواز. محمد: تاني؟ عايزة تعملي عماد تاني؟ تجوزيني على مزاجك، وفي الآخر أنا أتجوز براحتي؟ الأم: لا، سيبك من الأسطوانة دي خالص، أنا قولت اللي عندي. محمد: وأنا مش هتجوز أميرة. الأم: طيب، تخطب أي واحدة؟ محمد: لا، مش هعمل كده. لازم تختار واحدة بعقل.

الأم: يوجع قلبك يا ثريا، ابنك عايز يموت. محمد: بعد الشر عنك يا أمي، بس أنا من حقي أختار اللي بحبها. الأم: أوعى، شيل إيدك من عليا، أه يا قلبي. ووقعت. محمد: أمي! وفي الشارع كانت ماشية أميرة وميار. ميار: ألف ألف مبروك. أميرة: مبروك على إيه؟ محمد مبيحبنيش. ميار: عمر ماما ما تقول الكلام ده إلا لو هو لمح ليها. أميرة: مش عارفة، حسيت من نظرته إنه مصدوم. ميار: يابت افرحي، متبقيش كده. وتلفون أميرة رن. محمد. أميرة: ده محمد.

ميار: وتقولي مش عايز؟ ماشي يا ستي، ردي. محمد: الو، أميرة، إنتي لسه مع ميار؟ أميرة: أيوه، إنت عايزها؟ محمد: تلفونها مقفول، وأمي وقعت، مش عارف مالها. أميرة: طيب، إحنا جاين. حماتك تعبانة. ميار: إيه؟ يلا نرجع. ورجعوا، وراحت المستشفى. الدكتور: عضلة القلب ضعيفة، وهي اتعرضت لصدمة. ميار: حبيبتي يا ماما، فوقي والنبي. محمد: أمي حبيبتي، فوقي الله يخليكي. الدكتور: لو سمحتوا اطلعوا برا. وخرجوا.

محمد: أول لما أمي هتفوق، هنيجي نخطبك يا أميرة. أميرة: ده مش وقته، وبعدين أنا مش موافقة. محمد: أرجوكي يا أميرة، أنا مش مستحمل. أميرة: يعني علشان خاطر مامتك بس؟ محمد: لا، أوعدك إني هحافظ عليكي وهديكي كل حب وحنان. أميرة: موافقة، بس بشرط.