رواية جواز قرايب الفصل الرابع 4 - بقلم السيد محمد

روحت فعلا فتحت الباب لقيت الدليفري وخدت الأكل وحاسبته. "سارة تعالي اتفضحي." "نعم." "كلي يعني." "أمال قلة الذوق دي وتعالي اتفضحي." "طب تعالي بدل ما أجيبك من شعرك." "متقدرش.. وتعالي هنا، انت بتعمل إيه؟ "هاكل معاكي." "كلك السلعة؟ مين اللي طالب الأكل؟ "مين اللي حاسب على الأكل؟ "خلاص، أقنعتني وهتاكل بس كل براحة عشان انت طفس." "غصب عنك على فكرة، هاكل." "طب كل وانت ساكت." فضلنا ناكل وأنا عمال أبص في عينيها قوي.

"انت بتبص ليه كده؟ "أصلك حلويتي قوي وبقيتي ملبن." "من يومي وأنا حلوة يا ولا." أكلنا وخلصنا. "سارة." "نعنفسي أشوف الطبطبة اللي قال عليها حسين الجسمي." "لأ مفيش طبطبة، فيه مرمطة تحب تشوف." "وأيدك لتوحشك بقا؟ "متجوز عبده موتة أنا؟ "لأ متجوز جون سينا يا خفيف." "أمال لو مكنتيش بتحبيني كنتي عملتي فيا إيه؟ "مين ضحك عليك وفهمك كده؟ "حسيت وكل أفعالك بتقول كده." "سلطان." "نعم." "انت بتحبني؟ "ها...

"تمم.. مش هتلمسني غير لما تحبني." "يا شيخة الحب هيجي بالعشرة.. بصي هو أنا بحبك والله بس فاهمة، عارفه زي اختك، أشطا خليني اختك بقا ومش هتلمسني يا سلطان." "مين قال إنك أختي؟ والله ميحصل.. يعني تبقي قمر كده واختي لأ طبعًا." "انت بق زي أخويا ها يلا بقا." "يعني أنا متجوزك عشان نبقى أخوات؟ لو عمك عرف إننا لسه مدخلناش هيجي يرمينا من الشباك." "يرميك انت، أنا مالي." "طب يرضيكي يرميني وأموت؟ "آه." "طب انتي

عارفة المثل اللي بيقول: اللي بيكسف من بنت عمه.. ميجبش منها عيال." "آه.. ماله؟ "أنا مش مكسوف.. أنا نفسي أستفرد يا رايق." "متتكلمش يا رايق عشان بتدايق." "هو أنا متجوز مجرم." "مش معقول يعني يوم الصباحية خلص اهو." "بطل كلمة أستفرد دي عشان مزعلكش." "نفسي أتحرش بيك يا رايق." "أحترم نفسك." "أحترم نفسي.. دا أنا مش متربي.. وبعدين يعني ليه محسساني إني شقطك في شقة مفروشة؟ "طب بطل الكلام دا." "ليه متجوزتش مثلا؟

نور دا كان عليها شفايف ولا بسنت كانت كرباج ولا بسملة كانت وتكة." "والله انت ما عندك دم.. وأنا غلطانة إني قاعدة معاك أصلا." جت تقوم قومت شديتها ليا. "والله مفيه أحلى منك.. أنا بهزر بس بلطف الجو." "طيب ماش.. لطفتي!! .. ابعد بقا." "على فكرة لو قولتي ابعد تاني هخونك.. أي يبت متهدي كده.. ف إيه يا رايق؟ "فيه قلة أدب وسفالة." "هو كده قلة أدب وسفالة!! طب أنا عاوز قبلة." "القبلة في الاتجاه ده." "ظريفة.. لا القبلة التانية."

"ألعب بعيد يا شاطر.. وبعدين انت مش بتحبني.. بتحب فيا شكلي بس." "لأ سارة.. هو أنا قذر للدرجاتي في نظرك؟ "مش قصدي أنا بس ع... "خلاص يا سارة متقوليش." بعدتها عني وطلعت برا قعدت في الكنبة. "سلطان متزعلش مني." "أنا.. بصي يا سارة.. لو الحب هو الأمان يبقى بحبك.. لو الحب يعني أطمن يبقى بحبك.. لو الحب أنتي أتمنى أشوفك ومشوفش غيرك يبقى بحبك.. لو الحب إني بخاف عليكي ومش عاوز دموعك تنزل يبقى أنا محبتش غيرك." "انت بتحبني بجد؟

"بغلة أنا بحب حتة بغلة." "بطل رخامة.. طب قولها تاني." "بحبك وربي بحبببببك." "وانا كمان بحبك أوي.. تعرف يا سلطان أنا لو بحب حد بعد بابا الله يرحمه يبقي انت." "وانا هحاول أعوضك لو بجزء صغير عن عمي الله يرحمه." "بعشقك يا سلطان ومش عاوزاك تبعد عني." "قاعد على قلبك يا سارة، أنا مش عارف إزاي كل الفترة دي محبتكيش." فجأة سارة حضنتني جامد وكانت مبسوطة أوي. "هي دي الضحكة اللي بتحلي وشك يا سارة." "بقولك يا سلطان."

"قولي يا بنت عمي." "حان الآن موعد الاستفراد يا رايق." "إيه دا ف إيه.. لو قربتي مني هصوت." "أهدي ياض كده هتلم علينا الناس." "وهلم عليك أمة لا إله إلا الله لو قربتي تاني." "هه.. كنت عاوز إيه من شوية؟ "قبلة مثلا." "لأ صليت الحمد لله." "ههه بطل رخامة." "هههه ياني." "حبيبي بالبونط العريض.. غالي وأقرب من وريد.. حالتي تتشخص جنون بيقولي أنا بيك مريض." "ها وايه تاني؟

"آه ولقيت الطبطبة.. وأقوى لو منتاش بعيد.. ضحكتك فيها كهربا." "خلاص بق." "لأ بجد شابوه يوسف الشريف." "يوسف الشريف!! ما علينا." "مفيش شوية ساسبنس أو فيلنج كده." "أحترم نفسك." "رجعنا لـ أحترم نفسك تاني." "سلطان الله." "الله.. أيوه بق." *بعد أسبوع* *من الصبح* صحيت لقيتها في حضني وكانت فرحانة أوي وأنا الصراحة كنت فرحان جدا.. معقولة الإنسانة اللي أحبها تبقى أفضل صديقة ليا. "يسطا أحلى صباح عليك."

"ليه بتأكديلي إني متجوز واحد صاحبي ليه؟ "هه.. عاوزالك في موضوع بس بليل." "خير." "بليل." "تمام أشطا شكلها فيها كهربا تاني." "اتلم، ، هروح أحضر الفطار." "ها.. رشوة يعني.. أشطا أنا بقبل." سارة راحت تعمل الفطار، ، ، ، وقعدنا على الفطار. "إيه رأيك في ليلة امبارح؟ "سلطان بتكسف الله 🙈." فطرنا وسارة كانت محضرة فطار حلو أوي وعملت الغدا حلو أوي بردو. *بليل* "قوليلي." "انت نازل شغلك بكرة صح؟ "صح." "عاوزة أطلب منك طلب." "اطلبي."

"عاوزة أرجع الشغل." "نعم يختيييي." "ف إيه يا سلطان.. انت عارف إني محامية شاطرة.. وناس كتير تعرفني.. وقضايا كتير مأجلاها عشان الجواز." "مفيش كلام من داا.. مش محتاج فلوس الحمد لله والحالة ماشية كويس أوي." "أنا مش بقول عشان الفلوس.. دا كياني." "لأ يعني لأ." "ماش يا سلطان شكرا." دخلت نامت وهي زعلانة جدا والدموع في عينها.. عشان كنت بزعق وأنا بتكلم. *الصبح*