رواية جواز قرايب الفصل السابع 7 - بقلم السيد محمد

خلى بالك من نفسك يا ساره. خلى بالك منها يا بابا. وصدقوني أنا مظلوم والله مظلوم. ادعيلي يا ساره ربنا يفكها عليا. أنا مصدقاك يا سلطان وصدقني مش هسيبك غير لما أخرجك منها وأعرف اللي عمل كده وياخد عقابه. رجعت ساره البيت هي وبابا، وساره كانت زعلانه جدا وهي بتعيط. عن إذنك يا بابا أنا هدخل المكتب بتاعي شوية عاوزة أذاكر القضية شوية. اتفضلي يا بنتي ربنا يوفقك وتقدر تظهري براءته.

دخلت ساره مكتبها وهي زعلانه ودموعها على خدودها. فعلاً هي ملهاش غير سلطان. قعدت تفكر لو هي فضلت كده ويئست وضعفت هتخسر القضية. وتخسر سلطان للأبد. مسحت ساره دموعها وجابت أوراق القضية على المكتب، وقعدت تطلع على أوراق القضية وجابت ملف كامل لإسلام. وكان بيحب الستات جدا والشرب ومكنش الشاب الطموح قوي. فكرت ساره تجيب رجله إزاي. وسط التفكير… جرس الباب، ترررن ترررن ترررن. فتحت ساره الباب. سما ادخلي يا سما.

إيه اللي حصل يا ساره وسلطان ماله، حصله إيه، محبوس ليه، ممكن تفهميني أنا قلقانه جدا عليه. مريم وهي فيها حبة الغيرة على سلطان من سما حكتلها كل اللي حصل. آه الكلب. إسلام والله لو شوفته لأكله بسناني. طب إيه. هتعملي إيه يا ساره. بصي يا سما هو بيحب الستات وبيدوب قدامهم وبيعشقهم زي عنيه. إنتي ممكن تعملي أي حاجة علشان خاطر سلطان صح. ثواني إنتي بتبصيلي كده ليه يا ساره وناوية على إيه. منتي اللي هتبقي الطُعم.

هيهيهي. إزاي مش فاهمة. إسلام مش بيعرفك إنتي وعمره مشافك ومش بيعرف إنك قريبة سلطان يعني مش هيشك في أي حاجة. وكمان إنتي حلوة قوي ممكن نستدرج اللي اسمه إسلام ده. ونسجل له. ومتخافيش مش هيلمسك. هنحط منوم في الويسكى أو أي حاجة من اللي بيشربه. مش هعرف أنجح في القضية من غيرك يا سما. لو كنتي بتحبي سلطان فعلاً وهو زي أخوكي. ساعديني.

ظهرت علامات التوتر والقلق والخوف على سما. بس افتكرت قد إيه ساره محامية شاطرة وإن الخطه اللي حطتها ساره ذكية جدا. سما، أكيد هساعدك. متشكرة متشكرة جدا جدا يا سما. روحي إنتي دلوقتي وتعاليلي بكرة الساعة 8 كده. اشمعنى. هفهمك بكرة. تاني يوم بليل. جات سما. ها. فهيميني. سما بالله عليكي مش عاوزاكي تخافي ولا تتوتري علشان أي غلطة كل حاجة هتبوظ. اسمعي اللي هقولهولك ونفذيه بالحرف الواحد. حاضر يا ساره.

على بيخرج دلوقتي بيركب عربيته وبيروح ديسكو. إحنا هنستدرجه قبل ما يروح ومتخافيش أنا هبقى قريبة منك. مشيوا ساره وسما علشان ينفذوا الخطة اللي عملوها. وشافوا إسلام وهو طالع من العمارة بتاعته وهيركب عربيته. واتحرك. قامت سما رمت نفسها قدام العربية وهي ماشية براحة. سما ااه ااه الحقوني. أوبا إيه الجمال والحلاوة دي. مش تحاسب يا بني آدم إنت. احممم. طب لو عاوزة ترتاحي من الخبطة دي. أنا بيتي قريب من هنا. بس تقعد بأدبك.

دا أنا الأدب كله. شكلها ليلتنا عنب والله. القمر اسمه إيه. اسمي فله. طبعا مرضيتش تقوله على اسمها الحقيقي علشان ميشكش. فله دا شكل ليلتنا كلها فله. يلا بينا يا جميل. سما راحت مع إسلام شقته. مش يلا بقى. اممم. لا أنا عاوزة أشرب الأول. دي شكلها هتبقى ليلة قمر وهنطلع القمر. إسلام جاب الويسكى. سما: إيه دا فين التلج. شكلك صاحبة مزاج ودماغك عالية جدا هروح أجيبه.

راح يجيب التلج. وسما حطت المخدر في الويسكى زي ما ساره قالتلها بالظبط. فضل إسلام. يشرب وسما تعمل كأنها بتشرب. قولي بق. إيه. آه بعرف. سمعت إنك عملت في مدير الشركة مقلب وخدت الورق ولبستهاله. دا إنتي شكلك درستيني يا لئيمة إنتي. ههييييي أمال إيه أنا عيني عليك من زمان يا بني. ماشي يا ستي وعموماً آه أنا عملت فيه كل ده. دا طلع مغفل قوي مش عارف إنني عملت نسخة تانية من المفاتيح. ها وبعدين.

وبعدين. روووحت بليل وخدت الورق وسبت بصماته على الخزنة. يا خبيث. دا أنا أعجبك قوي. مش يلا بقى. استنى بس إنت هتعمل إيه.