رواية جواز قرايب الفصل الثامن 8 - بقلم السيد محمد

استني بس انتا هتعمل ايه طب اشرب اشرب الأول بس فضل يشرب لحد ما تأثير المخدر اشتغل وفعلا نام. سما سابته وطبعًا كله الكلام كان متسجل. وسما نزلت ومعاها التسجيل. وساره كانت مستنياها تحت. ها يا سما طمنيني عملتي إيه كله تمام يا كبيرة وادي التسجيل أهو. ساره سمعت التسجيل وفرحت قوي. أنا مش عارف أشكرك إزاي يا سما. جميلك ده عمري ما أنساه. ساره كانت فرحانة قوي علشان دليل براءة سلطان معاها. ساره من الفرحة فضلت تتنطط.

الهاتف اللي مسجلين عليه وقع منها على الأرض. نزلت علشان تجيبه لقيته جاب شاشة. يالهوي يالهوي الحقي يا سما. الفون جاب شاشة. وريني كده يا ساره. آه ده فعلاً جاب شاشة هنعمل إيه دلوقتي. مش عارفة ده النطق بالحكم بكرة. يعني لو ملحقناش نصلح الفون مش هنعرف نطلع التسجيل ده وكأننا ما عملناش حاجة يا سما. إحنا لازم نتصرف ونصلحه حتى لو هندفع فيه ألف. المهم يتصلح. خلاص يلا بينا على أقرب سنتر نصلحه بس يارب نلاقي حد فاتح.

ركبوا العربية وفضلوا يدوروا على محل تلفونات علشان يصلحوا الفون. بعد شوية لقوا واحد فاتح. دخلو عليه السنتر. السلام عليكم ورحمة الله وبركاته. وعليكم السلام اتفضلوا. حضرتك الفون ده وقع مني وجاب شاشة وعاوزه أصلحه ضروري دلوقتي وهديك اللي انت عاوزه. وريني كده يا مدام. اتفضل. تليفونك نوعيته آيفون والشاشة بتاعته مش بتبقى متوفرة وكمان غالية. يعني إيه. يعني والله ما عندي الشاشة بتاعته. حضرتك ممكن تسبيه وتيجي تاخديه كمان يومين.

علشان لسه هبعت أجيب الشاشة من الشركة نفسها. وهيكلف عليكم خمس آلاف جنيه. لأ أنا عاوزة دلوقتي ضروري. ومستعدة أدفع ألفين. آسف والله كان نفسي أخدمك. خرجت ساره وسما وركبوا العربية وفضلوا يدوروا على محل تاني. وهوب لقوا واحد تاني فاتح. دخلو عليه. السلام عليكم. وعليكم السلام ورحمة الله وبركاته اتفضلوا. حضرتك الفون ده عاوزين نصلحه. الفون عاوز شاشة. وشاشته سعرها غالي ومش متوفرة. بص هدفع لك اللي انت عاوزه بس تصلحه.

طب بص أنا هكلم واحد مندوب دلوقتي يارب ألاقي معاه. الوو. لو سمحت ألاقي معاك شاشة آيفون للفون اللي هبعتلك صورته على الواتس. بعت له صورة الفون على الواتس. آه موجود عندي هجبهالك الصبح ان شاء الله. لو ينفع دلوقتي. لأ والله يا غالي أنا في مشوار وإن شاء الله الصبح الساعة سبعة هتكون عندك. طب لو جابها الصبح هياخد كتير على ما يتصلح ولا إيه. ساعة بالكتير. تمام خالص بس ياريت تستعجله اللي يخليك. ركبت ساره وسما العربية وروحوا.

في البيت. آآآآه أنا تعبت قوي يا سما ومش قادرة. متخافيش يا ساره. سبيها على الله. لو لا قدر الله سلطان حصله حاجة أنا ممكن أروح فيها. بعد الشر إن شاء الله هيطلع بريء. أنا روحي فيه يا سما مقدرش أعيش من غيره. أنا فتحت عيني عليه هو سندي في الدنيا دي بعد وفاة أبويا. ربنا يفك كربه يا رب. يلا ننام دلوقتي والصبح يحلها ربنا. تصبحين على خير يا ساره. وإنتي من أهله يا سما. في الصباح. سما سما سما اصحي يا بنتي اصحي. فيه إيه مين.

يلا علشان نلحق المحكمة والراجل اللي هيصلح الفون. صباح الخير يا ساره. صباح الفل. سما عاوزاكي انتي تروحي للراجل اللي هيصلح الفون. وأنا هروح على المحكمة علشان أحاول أعطل الحكم شوية. وهتواصل معاكي على الفون وربنا يسترها بقى. حاضر يا ساره. في المحكمة. نادي يا بني على القضية رقم 73. القضية رقم 73 والمتهم فيها سلطان محمد وحدان بسرقة أوراق الشركة. القاضي: انت سرقت ورق الشركة ليه يا سلطان ووديته فين.

والله يا سيادة القاضي ما سرقت حاجة أنا مظلوم أنا مظلوم. ده اللي ثبت عندنا بالورق يا سلطان. سلطان وقف في صمت وبيعيط. وقفت ساره قدام القاضي. سيدي القاضي أنا المحامية ساره أحمد وهدان. الحاضرة عن المتهم سلطان محمد وحدان. في محل الموبايلات. ها يا أستاذ قدامك كتير. لأ خلاص هانت أهي كلها عشر دقايق. طب يلا بالله عليك إحنا كده مش هنلحق. خلاص أهو هقفله وتقدري تستلميه. خمس دقايق واستلمت سما الفون والحمد لله اشتغل وكله تمام.

وركبت سما التاكسي وطلعت على المحكمة. في المحكمة. اتفضلي يا سيادة المحامية. سيدي القاضي،،، السادة المستشارين إن موكلي بريء كل البراءة من القضية المنسوبة إليه. موكلي كان موجود داخل شقته وقت الجريمة. والقضية مضمونة ببراءة موكلي. بس حضرتك الورق اللي قدامي بيقول إن بصمات موكلك هي اللي على الخزنة. القاضي نده إسلام. أستاذ إسلام كنت في لما حصلت السرقة في الشركة. ده سؤال. كنت في البيت طبعًا. متعرفش مين اللي عمل كده.

لأ والله معرفش. تمام ممكن سيدي القاضي نمد القضية نص ساعة بس وهتكون براءة سلطان موجودة. بعد مداولة القاضي مع المستشارين. قررنا بمد الجلسة نص ساعة بعد طلب محامية المتهم. ساره مسكت واتصلت على سما. انتي فين يا سما. أنا في التاكسي قدامي عشر دقايق. ساره اتجهت على سلطان. متخافش يا حبيبي أنا هسيبك وإن شاء الله هنلحق. انتوا عملتوا إيه وإيه اللي هيظهر بعد نص ساعة. وفين سما بنت خالي ليه محضرتش الجلسة.

هتفهم كل حاجة بعدين بس يارب نلحق. القاضي: محكمة. النص ساعة خلصت يا مدام والحكم بعد المداولة. ساره بترن على سما وسما مبتردش. ازداد التوتر والقلق عند ساره وووو. محكمة. حكمت المحكمة حضوريًا على المتهم سلطان محمد وحدان في القضية رقم 73 بسرقة أوراق الشركة بالسجن.