رواية جوازة مؤجله الفصل الأول 1 - بقلم دنيا ثروت

أي دم اللي على سريرك ده يابت؟ انتي لسه بنت بنوت؟ إيه الهباب ده؟ ريتال بصت على الدم: لا ياماما، ده تلاقيه ألوان كنت برسم بيها ولا حاجة. خديجة: ألوان بروح أمك؟ أنا أعرف الدم بنظرة. الدم ده منين يابنت؟ ريتال: وفيها إيه ياما؟ ما أنا متجوزة. خديجة: آه، فاكراني عبيطة ومش عارفة إن جوزك مش بيدخل على نسوان؟ ريتال: عادي، اتعالج ودخل. يخصك في إيه بقى؟ دخل عليهم بكل جبروت: في إيه يا حماتير؟

ريتال: الحق بقى، بتقول إيه عليا يا زين؟ آسر: بتقول إيه؟ خديجة: إنت مدخلتش على بنتي سنة ونص وكنت هتطلقها. كلها شهرين ولا بتتعالج ولا إيه؟ الدم ده منين بقى؟ آسر: إيه اللي منين دي؟ مراتي ولا مش واخده بالك يا مرات عمي؟ خديجة بتبصلها بقرف وهي واقفة ونزلت. زين بجمود: هي إيه اللي دخلها هنا؟ ريتال بخوف: معرفش يازين. ولما شافت الدم معرفتش أقول أي حاجة غير كده. زين: طيب تعالي الحمام غيريلي على الجرح. في أوضة تانية.

نيڤين: إنتي عارفة يا أمي إن مستنية الشهرين دول يعدوا بفارغ الصبر. صباح: ياعين أمك؟ يعني عايزة تتجوزي راجل مش راجل؟ نيڤين: أمي، زين سيد الرجالة. مسمحش تتكلمي عليه وحش. صباح: بقولك إيه يا بت بطني؟ إنتي وزين متربيين مع بعض وهو شايفك أخته. أنا بقى مش هسيبك تضيعي نفسك مع واحد بيتجوز كل سنتين وكل واحدة فيهم بتخرج بنت بنوت. *** كانت بتغيرله على الجرح في الحمام.

زين وهو بيبص في عينها: لو أمك كانت عرفت إن الدم ده بسبب السكينة اللي إنتي اديتهالي كانت هتعمل إيه؟ ريتال: زين، ممكن أسألك سؤال؟ زين: ها. ريتال: إنت مدخلتش على كل اللي اتجوزتهم لي بمزاجك ولا... قبل ما تكمل جملتها تلقت صفعة قوية.