رواية جواز صعيدي الفصل السابع 7 - بقلم نادية محمود

كانت أول كلمة تطلع من سليم بعد ما بدأ يفوّق. الكل التفتوا حواليه. سليم بتعب: شـ.. ـوق أنـ.. ـتي زيـ.. ـنة. شوق بدموع: امم. سليم لف رأسه ناحية إيمان. سليم: إيمان يـ حبيبتي أنتي زينة. إيمان بدموع: زينة ي خوي طول ما أنت في ضهري هفضل زينة بس إنت تقوم لي. محسن بسره: يااااه يـ محسن علي اللي كنت هسويه، كنت هظلم بنتك وابنك. سامحني ي بني سامحني. فتحيّة بدموع: كيفك ي ولدي… أكده تخضني عليك. سليم قام عشان يتعدل.

شوق قربت منه ومسكته عدلته. سليم: أنا عايز أمشي من إهنه. مالك: مش هينفع أنت لسه طالع من العملية. سليم: أنا زين اهو… وانتوا عارفين زين إني مابحبش قعدة المستشفيات. وبدأ يفك الكانولا وبيحاول ينزل. الكل بيحاولوا يحوشوه وهو برضوا مصمم. وقرروا ينادوا على الدكتور. الدكتور: أنت بتعمل إيه، أقل حاجة تقعد معانا أسبوع. سليم: أسبوع أمـ ـك، أنا هطلع النهارده قبل بكرة.

مالك: خلاص يـ دكتور ممكن تعين لينا ممرضة تهتم بيه لحد ما يتحسن… وهنوفر كل حاجة في البيت. الدكتور: براحتكم… بس مش هينفع يطلع قبل بكرة. مالك: خلاص بكرة تعمل لنا إذن الخروج. *** في مصر. مروان: أنتي لازم تهربي من هنا النهارده قبل بكرة. رهف: أهرب؟! أنت بتقول إيه يـ مروان. مروان: ادخلي أوضتك حطي مكانك مخدات وغطيها ولمي حاجاتك يلااا بسرعة. وفعلاً رهف سمعت كلام مروان. وضعت المخدات بوضع النوم وجهزت شنطة الضهر بتاعتها.

ولقت الباب بيخبط. مروان: خدي النقاب ده البسيه عشان محدش يشوفك. رهف: وصلت لـ نقاب، لا بقا انت لازم تفهمني. مروان حكى لـ رهف كل اللي سمعه. وهي كدا فهمت مقصده لما سمعتها بتقول "أهم حاجة المبلغ يكون حلو دي فلقة قمر". رهف: طب يلا نمشي من هنا. مروان: مش هينفع أجي معاكي، لازم أفضل عشان مش يشكوا. وانتي تنزلي تركبي قطر… قطعهم خبط الباب. مروان: هشوف مين وانتي تلبسي وتنزلي من سلم المطبخ. مروان: أيوا يا بابا. أشرف: فين أختك.

مروان: نايمة أصلها جت تعبانة من الدرس. أشرف: طب وسع أشوفها أنت واقف على الباب كدا ليه. مروان: لا يـ بابا بقولك تعبانة كدا ممكن تصحى وانت عارف لما بتصحى مش بتعرف تنام تاني. أشرف: طيب. -رهف ماشية مش عارفة راحة فين. كل اللي تعرفه إن مروان قالها تركب القطر. وأخيراً وصلت على المحطة وكان القطر بيتحرك. جريت عشان تلحقه. لقت شخص واقف نادت عشان يساعدها. الشخص انتبه لها ومدلها إيده وسحبها لجوه. رهف: شكراً لحضرتك.

الشخص: على إيه بس. راحت قاعدة جمب ناس وهي مرعوبة. الدنيا كانت ليل والوقت متأخر. قررت تنام لحد ما القطر يوصل. بعد 5 ساعات. _قومي ي بتي… دي أخر وجهة للقطر. رهف بنوم: نعم. _دي أخر محطة أنزلي يلا. رهف نزلت ومش عارفة هي وصلت فين. وكان الصباح بدأ في الظهور. طلعت الفون ترن على مروان لقته فاصل. قررت تواجه مصيرها بنفسها. وبدأت تمشي في الشوارع لحد ما لقت مكان فيه زحمة. قعدت في جنب. *** في الصعيد. الدكتور كتب لـ سليم على خروج.

واتعين ليه ممرضة تهتم بيه وبعلاجه. في سرايا. مايا (الممرضة) : على مهلك يـ سليم بيه خليني أساعدك عشان تنام. شوق بصوت منخفض: اللهي تنام عليكي حيطة يـ بعيدة. سليم سمعها وابتسم. مايا: بتقولي حاجة يـ مدام. شوق: بقول كتر ألف خيرك هنتعبك معانا. مايا بصت لـ سليم بهيام وإعجاب. مايا: سليم بيه فداه أي حاجة أهم حاجة صحته. شوق: اااه صحته برضه. مايا بإستغراب: اومال إيه يـ مدام. شوق: ولا حاجة يروح قلب المدام. (بهمس)

انتي عايزة حد ياخدك علقة مظبوطة. سهى: أنت كويس يـ سليم… عامل إيه دلوقت. شوق بهمس: ألعب… أهي كملت. شوق: أنا هخرج أشم هوا بدل ما أجيبهم من شعرهم يـ ماما. فتحيّة بضحك: طيب ي بتي خلي بالك من روحك. شوق: بس انتي خلي بالك من ابنك ليتشقط عيني عينك كده. فتحيّة بضحك: اهدي لتولعي. شوق: وانتي كمان ماشي. *** عند رهف في الليل. غلبها النوم ونامت على الرصيف. وبعد شوية قامت على صوت حواليها. كانوا شوية شباب سكرانين.

رهف بخوف: انتوا مين. واحد: تعالي وأنا أقولك. رهف خافت ورجعت لورا. واحد تاني: مش تخافي ي قطة هريحك في المبلغ. وجه يمسك إيدها. قامت ضرباه بالكف وجريت. اتعصب عليها وجريوا وراها. وهي فضلت تجري بأقصى سرعة مش عارفة بتروح فين المهم إنها تتخبى منهم. واستخبت ورا شجرة بعد ما تعبت من الجري. فجأة حد شدها من إيدها وكتم بقها بإيده.