رواية جوازة صعيدي الفصل الثامن عشر 18 - بقلم رحمة محمد

يونس: تروح معاك فين؟ انت ناسي انها مراتي ولا إيه؟ قاسم: أيوه بس خلاص، انت اتجوزتها لهدف وخلاص اتحقق، فهطلقها حسب اتفاقنا. يونس: آآآه بس أنا مش عايز أطلق. هنا أنا حابب إنها تديني فرصة، وإننا نكون زوجين عاديين. قاسم: أيوه يا يونس، بس انت كده بتخون الأمانة يا صاحبي. هنا: يا عم أمانة مين؟ صلي على النبي كده. قال أمانة قال. وانت يا خويا ساعة عايز تديني فرصة ومش عارف؟ إيه يا عم؟ خلص. ده انت فظيع يا أخويا.

قاسم: هههههه. يلا حلال عليك بقى. الحمد لله يارب هخلص من نسخة. جود: 🤨🤨 ليه؟ وهو انت ناوي تخلص من النسخة التانية ولا حاجة؟ قاسم: انتي جيتي امتى؟ جود: ده كل اللي يهمك؟ هبقى أقولك بعدين يا قاسم بيه. أصل أنا خلاص نويت، والنية لله، أسافر بقى وأكمل دراستي برا. هنا: لا متقوليش. جود، هتسافري تكملي تعليمك برا؟ يونس: هههههه. لا طلعوا نسختين فعلاً. جود: بقولك إيه يا هنون؟ ما تاخدي جوزك، ومع السلامة يا حبيبتي. ده إيه الوقعة دي؟

هنا: أكيد هروح معاه. اومال هفضل معاكي يعني وأفضل سنجل بائس؟ لا يا عم بطلنا الشغلانة دي. يونس: بس يا بت، رغي وقدامي. هنا: حاضر يا قره عيني. *** زينب: طيب هتفضلي كدا لحد امتى؟ بتحبيه وهو ميعرفش إنك عايشة؟ بتفضلي تقلبي في الفيس بتاعه وتتفرجي على صوره؟ ده انتي اللايك مش بتعمليه عشان تلفتي نظره. نادى: أعمل إيه؟ شوف هو فين وأنا فين يا زينب؟ اللي يبص للي أعلى منه رقبته تتكسر. وأنا كنت بعمل كل حاجة عشان ألمحه، بس...

زينب: بس اللي انتي بتعمليه ده حرام. إنك تتجاسري عليه دي حاجة مترضيش ربنا. لأن حتى لو حصل نصيب وقتها ربنا مش هيبارك في جوازكم ولا حبكم ده. نادى: عندك حق. أنا خلاص مش هعمل كدا تاني. كفاية. زينب: بالظبط. وتتعلمي تغضي بصرك زي ما ربنا أمر. نادى: حاضر. هغض بصري ومش هعمل أي حاجة ألفت بيها نظره أبداً أبداً. بس يارب ما يشوف ولا بنت في الدنيا غيري، ويجي ويتجوزني ويحبني. إن شاء يا أدهم يا ابن نادية.

أدهم: والله وأدهم ابن نادية ما بيحب غيرك يا شيخة.