رواية جوازة صعيدي الفصل السابع عشر 17 - بقلم رحمة محمد

أدهم من وراه: كويس بقى إنك عارف كده. فادي: إنت بتعمل إيه هنا؟ وإنت كمان معاهم. يونس: أومال إنت كنت فاكر إيه؟ أدهم يعرف كل حاجة ومن زمان، بس مكنش حد فينا بيعمل حاجة لأن أمي كانت رافضة. مش أكتر من وهو عمل كده بس عشان إلى كانوا وراه من رجالتك اللي إنت باعتهم، بس عشان يتأكدوا إنه داخل عندي على آخره ويعمل اللي في دماغك طبعًا، بأن واحد فينا يقتل التاني، بس معلش بقى حظ أوفر المرة القادمة.

فادي: مش مهم، أنا بقى اللي هقتلكم انتوا الاتنين. والفيلا حواليها حراسة كتير يعني محدش هيحس بحاجة. أدهم: معلش، أصله على نياته، ميعرفش إننا خريجين شرطة. لأ، وأي صعايدة كمان. وفي أقل من ثانية كان البوليس مالي المكان وأخدوا فادي. قاسم: شكراً يا يونس، لولا وقفتك معايا أنا وهنا مكنتش أعرف هعمل إيه. *** فلاش باك. يونس: قاسم باشا بنفسه في الصعيد؟ لأ، ده أكيد معجزة اللي جابتك دي.

قاسم: هههههه، هي تقريبًا كده، بس إنت عارف الدنيا والمشاغل، الحمد لله على كل حال. يونس: مالك يا صاحبي؟ شكلك مش مريحني. قاسم: حافظني إنت، هههههه. متقولش، متجوز؟ يونس: إنت ناسي إني فضلت أربع سنين الكلية في مصر، وإنك أكتر حد ساعدني هناك أنا وأدهم. احكي بقى في إيه؟

قاسم: عمي مات من كام يوم يا يونس. وفادي حاله اللي عمال يتقلب. تعرف أنا عرفت إن سبب مشاكل شركتي كلها كانت بسبب فادي وكام موظف من الحسابات، وأنا قربت أعلن إفلاسي، مع إن كل ده بتعبي. وفادي شايف إني أتزوج هنا لأن عمي كتب كل حاجة ليها، ولما أتزوجها هخليها تتنازل. بس المشكلة في اللي عايز يعمله فيها ده، عايز يكسرها وهي مراتي، وإلا هيضيعني أكتر من اللي أنا فيه ده، غير شغله اللي مش فاهمه.

يونس: اهدي يا صاحبي. وقالي هساعدك إزاي؟ قاسم: أول حاجة هبعت هنا على بابك، هنا أهو برضو خالها. وطبعًا مدام نادية هتقوم بالواجب، ووقتها هنا هتبقى في بيتك وحمايتك يا صاحبي. وطبعًا نظرًا لعرقك الصعيدي وإنك محترم، فهتتجوزها لأن مفيش حل تاني تقدر تقعد بيه معاك وفي بيتك. يونس: وأنا موافق يا صاحبي على اللي إنت عاوزه. باك.

أدهم: بس يا عم، الفيلم العربي ده هيتفضل إني أبويا يعرف إن طنط فاطمة قتلت خالي وهي بتدافع عن نفسها، مش زي ما أمي حكت أبدًا. يونس: لأ، خلي الموضوع ده بعدين. أمي رفضت ومن زمان ومعرفش السبب، والموضوع ده يخصها قبلنا كلنا. قاسم: يلا يا هنا عشان ترجعي معايا على بيتك، لأن جود زمانها بتطلع دخان من ودانها بسببي.