رواية جوزي ظابط الفصل الرابع 4 - بقلم فتاة بالخمار تجملت

مالك ي ساره انطقي. يزن قاطع النفس ومش عارفه اعمل إيه. وديته المستشفى وبقالهم ربع ساعه جوا ومش عارفه أعمل. ي هناء الحقيني ونبي أنا لوحدي ابني بيضيع مني. طب اهدي يا ساره ونبي. طب هركب وهجيلك متقلقيش. وفورًا محمود راح حجز قطر سريع وف ساعتين كنا عندها إحنا التلاتة. مدام ساره يزن ماله؟ ممكن تهدي هيبقا كويس. افتحوا باب الأوضة ده. محمود اهدى هيخرجونا برا. يا ست هما مش معبرين أبونا ليه؟ في إيه فالواد جوا؟

انتوا يبشررر. أنا دكتور زي زيكم وأوديكم ف داهية. افتحوا الباب ده. ساره ونبي فوقي ابنك هيكون بخير. وعشان أفوقها فتحت شنطتي لقيت برفان رشتلها منه. فاقت وبقت تصرخ ع خروج الدكتور وقالها. للأسف الشديد ابن حضرتك جاله نزيف داخلي وحاولنا بكل الطرق ننقذه بس ربنا يعوض عليكي. شد حيلك. خالد ومحمود قعدوا وأنا بحلقت وأنا مش عارفه الدموع بتنزل إزاي. وساره تترج فيا وتقولي. هناء أنا ابني هيخرج صح؟ هما بيهزروا عشان آخد بالي منه صح؟

يا يزززززززززن رد عليا. وفضلت ترزع ع الباب وأنا ماسكاها وبقرأ في قرآن بصوت عالي وبعيط.

ونزلنا أنا ومحمود وأنا بترعش وهو طبعًا ساندني. مكنتش قادرة أقف وبنعيط بصراحة. محدش يتوقع اللي حصل ده أبدًا. وخلصنا تصاريح الدفن بس للأسف الليل ليل وعاوزين نروح. بس ساره قاعدة ف التلاجة مع ابنها ومحدش قادر يخرجها. وللأسف محدش عرف يسيبها ف الحالة دي. ونمنا ف الاستراحة. وعلى الساعة ٧ الصبح وفضلنا ساعة ونتحرك. قولتلها أنا هروح أجيب لنا لبس غير ده عشان مينفعش نقضي اليوم بملل. وطبعًا روحت أنا ومحمود وخالد سافر عشان جاتله

قضية مستعجلة. وعزاها وكله تمام. دخلت باب العمارة وظابط ورايا ولقيته بيديني ورقة بحضور جلسة بكرة الساعة ٩ ف محكمة الأسرة. ودخلت غيرت ومحمود رجعني المستشفى. كان طلقيها جه وشادين قدام المستشفى. طبعًا قعدنا نهدي فيهم بس للأسف مفيش فايدة. موقف وحش ع الاتنين. واحد مش عايش مع ابنه وفجأة يسمع خبر وفاته. وواحدة ملهاش ف الدنيا غير ابنها وراح منها غفلة. يارب م يكتبها على حد. وعدى يوم متعب جدًا جدًا. وبليل ساره نامت ودخلت أوضتي

وفوني رن ومحمود بيتصل.

نمتي ي قمري؟ لا ي محمود لسا أهو داخلة أوضتي بعد ما نيمت ساره. حالتها صعبة أوي متسبهاش يا هناء. لا طبعًا بتقول إيه يا بني دي أختي. ربنا يصبرها يارب. يارب ي هناء. يارب. طب بقولك. إيه؟ ممكن أعزمك ع الغدا بكرة؟ اشمعنى يعني؟ عادي حاسس إن هنسمع أخبار حلوة. بس إنت عارف ظروف ساره وكده. عارف. بس يا هناء نفسي نتكلم شوية ع انفراد. يعني في كلام كتير مش بعرف أعبر لك عنه في وجود طرف تالت. إيه بس الكلام الكبير ده؟

باذن الله يطلع النهار ويعدلها ربنا. ماشي يا قمر تصبحي على خير. وانت من أهله باي. باي. وصحيت كانت ٨ ودخلت أعرف ساره إني نازلة. ساره أخُش؟ اه أنا صاحية خشي. إيه يحبيبتي صباح الخير. منمتيش ولا إيه؟ أنام إيه؟ نمت ساعتين وحلمت بيزن يا هناء. وحضنتني وعيطت. ي حبيبتي راح للأحسن مني ومنك ومن باباه. ويا عالم ما أفرض كان جاله مرض وحش وفضل راقد مكنش هيبقا ف إيدك حاجة تعملهاله وهو بيتوجع. بس دا ابني يا هناء. عارفه يعني إيه؟

عارفه طبعًا. ادعيله وباذن الله ربنا يعوض عليكي. ياااارب. إنتي راحة فين؟ في جلسة الساعة ٩ ف محكمة الأسرة. رايحاها. لوحدك كده؟ لا ما محمود هيوصلني. ماشي خدي بالك من نفسك. حاضر. وإنتي كمان. وأنا هخلص وأجي جري عشان العزا والناس. لا لا أنا نزلت استوري أنا العزا ف الفون. مش قادرة أقابل أي حد. أنام. ماشي يا حبيبتي باي. باي. ونزلت لقيت محمود ف العربية. صباح الخير. كل ده داخلة تصحي ساره؟

يووه. طب قول صباح النور. دي مقابلة. أطلع. مش طالع إيه ده كله؟ في إيه يا محمود؟ صاحي تقول يا شر اشتر. الله إنزل يعني. بس لو أعرف إن الأسود فيكي قمر كده. هموتلك كل يوم حد. احم. أخلص. أخلص دي كلمة تتقال. طيييب. وبصراحة كنت مبسوطة. حسيت إنه خايف كده عليا وقلق. وقطع حبل أفكاري. إنتي يبت. هااا. عاوزة تاكلي إيه؟ هو لسا خلصنا مشاورنا. منا بسالك يتشااؤم عشان نحجز. لا نخلص بس مشاورنا. عشان نلحق العزا يبنتي.

لا ساره قالت مش هتقعد ف عزا. اوبا. يعني براحتنا. أخلص بقا مانت فايق كده ع الصبح. ومفوقش لي يعني؟ معااايا قمرااايه. وسكت ومعرفتش أرد عليه. ووصلنا المحكمة وطلعنا ودخل حسام وف عينه غل وشر. والقاضي قالي قولي والله العظيم هقول الحق. قولتله والله العظيم هقول الحق. قالي... وشوية أسئلة كتير. وراح قال كنتي طالبة الطلاق والمحكمة...