رواية جرح الأيهم الفصل الخامس والثلاثون 35 - بقلم أيلان

-شلون خرجت سيارتج و وصلت للـ #### و سحگت شخص و عبرتو انتِ بـ البيت كاعده؟ ما معقوله السيارة تتحرك وحدها لان لسا ما اتطورنا بـ العراق لـ هاي الدرجة عگدت حواجبي مستغربة كلامه. مُلاذ: شلون ما فهمت؟؟ -انتِ مو عندج سيارة بـ اسمج؟ مُلاذ: اي؟ -ساحگه شخص و عابرة و هالشخص اتوفى! انفتحت العگدج يلي بين حواجبي و رخت عيوني، وجهي بهت مصدومة. -فـ هسه رجاءاً بلا تمثيليات اكثراعتزفي بـ جريمتج و گولي السبب!

مُلاذ: انت متخييل كبر الاتهاماتيلي جاي تتهمني بيها!! -لعد شلووون طلعت سيارتج!!! فتحت جنطتي طلعت السويج منها. مُلاذ: ووو شلون السويج عندي هنا و السيارة بـ غير مكان! اتقدمت خليت ايديه على الميز. حجيت و انا اكد على كل حرف اگولهمُلاذ: اتوقع تعرف انا محامية. اتعرضت من قبل لـ تهديدات هواي و انرمى عليه اكثر من مره من طرف عصابات. خطفوني ايضاً و ما اكتفوا بـ هالش. تكدر تتوقع واحد منهم اخذ سيارتي! كام من مكانه ضرب على الطاولة.

-هووووياتج و رخصة سلاحج طلعن النا من داخل السيارة! ضربت بـ حدة ع الطاولك اقوى. -لو مو ضابط محد يكدر يتعالى عليه و يتهمني بـ شي باطل! مُلاذ: لان انا مخليتهم و شمدريني تنباك سيارتي! -شلون يبوكوها و المفتاح عندج! مُلاذ: اتوقع حضرتك لازم تكون سامع بـ شي اسمه سرقة سيارات لـ كونك ضابط و من الممكن تواجهك هيج حالات. -التزمي حدج بـ الكلام وياي!

مُلاذ: ملتزمه حدي و بـ كوني محامية و مثل ما تشوف ما عندي اي شخص هنا جاي ادافع عن نفسي. مُلاذ: لان الشي التحجي عنه حضرتكو الاتهامات الباطلة يلي تتهمني بيها ممكن تخسرني سنين من حياتي و بسبب تهمة انا لا بيها و لا عليهاا! مُلاذ: هسه يلا عرفت منك هذا الموضوع. ما ادري سيارتي انسرقت و لا ادري بـ اي شي. جنت بـ البيت وي امي و اختي و نايمه. فوكاها اجيتوا الي و حاولتوا تدخلون بيتي و تكسرون بابه بدون اذن من النقابه.

-ست مُلاذ الي مات طفللل بعده عمره ٥ سنين. مُلاذ: و انا هيج مخبلة اروح اكتل طفل؟؟ عدكم ادله كافيه على وجودي بـ ذيج السيارة؟ شاهدتوا كاميرات مراقبة او اي شي يوصلكم الى انو انا يلي قتلت الطفل؟ دقايق اندكت الباب، دحگت لـ الشرطي. دخل شاور الضابط، هز راسه الضابط. -خلي يدخل. اتقدم لـ داخل الغرفة. اخر شخص توقعت اشوفهمُلاذ: أيهم؟ دخل بسرعة لـ المكتب اجاني و بـ ايده الكانولا. أيهم: شكو شصااير؟ مُلاذ: ما صاير.

أيهم: شتسوين بـ المركز مُلاذ؟ -انت شنو تقرب منها؟ أيهم: خطيبها. عكد حواجبة الضابط يدحك بـ وجهي. دحگت لـ أيهم و هزيت راسي بـ معنى "اي". رجع نظره الضابط على أيهم. اتقدمت يم أيهم سألت بـ صوت ناصي. مُلاذ: انت منيين تعرف؟ أيهم: أيمن گلي. مُلاذ: أيمن منين يعرف؟ أيهم: بعدين مُلاذ. رجع يحاجي الضابط و يصر يطلعوني من. ارفض الضابط و گال قبل ما يحصلون دليل ما اطلع منا. عصب أيهم كلش. انطرقت الباب التفتت دحگت. دخل ضرغام بسرعه.

حجا الضابط الكدامي بـ استغراب. -الـ #### ضرغام؟ اتفضل صاير شي؟ ضرغام: انا اعرف الست مُلاذ معرفة شخصية. ممكن تفهمني شصاير و ليش هي هنا؟ -لگينا سيارتها بـ منطقة #### داعمة طفل و مكملة طريقها و عن طريق بلاغ توصلنا لـ السيارة. توصلنا لـ الهويات و رخصة سلاح. لَكن السلاح ماكومُلاذ: زين اذا ساحگه الجاهل و شاردة خل نگول انا هيج مخبله و ما عندي عقل. ليش حتى اترك هويتي و سلاحي؟ ليش حتى اترك سياارتي المسجله بـ اسمي!

سكت الضابط محتار. وكف ضرغام يحجي وياهو عن العداوات يلي عندي وي الناس. أيهم و ضرغام ثنينهم يحجون ثرموا راسه. دكت باب المكتب. -ادخل. انفتح الباب دخل شرطي. دك التحيه لـ ضرغام و الضابط الثاني. -سيدي طلبتني. -حققوا الي وي جيران بيت الست مُلاذ و شوفوا اذا اكو كاميرات مراقبة. حاولوا تتبعون اثر السيارة و منين جاية و اسألوا الجيران اذا شافوا شي. اكدوا الهم على السيارة. شافوا احد يمها كدامها. شخص واكف قريب من بيتها.

-امرك سيدي. دك التحية و طلع. مُلاذ: ما اعرف شلون جاي تفكرني انا! رجع ضرغام يحجي وي الضابط و يسولف اله ع الاشخاص يلي يتبعوني. الضابط اقتنع لَكن يريد يعرف منو يلي كان بـ سيارتي! انا اساساً مصدومة. سيارتي منو يفتحها و شلون يفتحها. السويج عندي بـ جنطتي! طلعت الشمس و انا بـ المركز كاعدة. أيهم يريد يطلعوني منا و يحاجي الضابط. گله هو هم انخطف وياي بـ مرة. رجع. وكف أيهم يمي يحاجيني. فهمته. رجعت لـ البيت و ما طلعت بعد.

كز على اسنانه بـ عصبية. راد يتعارك وي الضابط و يطلعوني. بس ما خليته منعته و هو كاعد على اعصابة. انطرق باب المكتب سمح الضابط بـ الدخول. فتح باب المكتب شرطي و اتقدم لـ الضابط. دگلهم تحيه. -سيدي لگينا تسجيل فيديو اجانا شخص هسه و واحد من الجوارين شايف اشخاص يم السيارة حوالي الساعه ثمانية و نص. -دخل الشخص بسرعة و جيب تسجيل الفيديوالشرطي طلع ينفذ اوامر الضابط. كمت من مكاني، صفكت ايد بـ ايد انتظر.

ضرغام وكف يهدي بينا انا و أيهم و يصبرنا. رحت و رجعت بـ مكاني انتظر. انفتح الباب دخل الشرطي و وياه جيرانا ابو رُسل. مُلاذ: ابو رُسل؟ -مُلاذ شبيج بويه شتسوين هنا؟ مُلاذ: سارقين سيارتي و داعمين طفل بيها. وسع عيونه مصدوم. اشر اله الضابط يكعد و يحجي شنو شاف. حاوطناه انا و أيهم و ضرغام. ابو رُسل: و الله يا بوية طلعت بـ الليل. اريد اذب الزبل تكرمون. شفت ثنين يم سيارة البنوه مُلاذ يتلفتون. لمن شافوني خلو و راحوا.

-هذا الحجي يا ساعه؟ ابو رُسل: ثمانية و نص بـ الليل تقريب. -زين ما شفت شي بعد؟ ابو رُسل: لا دخلت لـ البيت. على بالي ناس عاديين. -شلون جان شكلهم و هيأتهم؟ ابو رُسل: لابسين اسود و شفقات و ضخمين ثنينهم. اندار الضابط اشر لـ الشرطي. -جيب تسجيل الفيديو. حاب الشرطي تلفون. التفتت لـ أيهم دحگتله همس. مُلاذ: هذا مو تلفون أيمن؟ أيهم: اي بعدين افهمج. شغل الفيديو يلي بـ التلفونات.

تقدمنا انا و ضرغام و أيهم بسرعه نشوف. سيارتي و بيتنا صايرين بـ طرف التصوير. اجوا اثنين بـ التصوير وكفو يم سيارتي ظلوا هيج على حالهم. يتلفتون و يدحگون، اتقدموا على السيارة. ابتعدوا بسرعة منتفضين متراجعين بـ خطواتهم. لمن انفتحت باب بيت ابو رُسل. طلع ابو رُسل فعلاً يذب الزبل. دحگلهم و دحگوله الحراميه. داروا وجههم، مشوا كم خطوه. دخل ابو رُسل لـ بيته. كم دقيقة رجعوا ثنيناتهم سوية.

اندار الشخص الثاني وكف يم السيارة. هواي ظل يم السيارة لحد ما انفتحت بابها. صعدوا ثنينهم يركضون و بقوا بـ سيارتي. ظلوا هواي كاعدين ما اعرف شيسوون. بس سيارتي اشتغلت! و طلعوا بيها. ظلّت صافنه و ادحك و هم حركوا و طلعوا! الاثنين جان مضموم وجههم. وكفت افرك كصتي بـ وجع. رفعت عيني دحگت لـ الضابط. ظل يحاجيني و يتعذر من عندي. أيهم: گلنالك موو هيه. لو هسه ظالين على اتهامك هذا جان روحت سنين من حياتها !!

-ما جنت اعرف و لازم اتأكد! أيهم: و تتأكد بـ اتهامها؟ -ما اتهمتها! سكتت ما جاوبته اي شي بقيت ساكته. و أيهم يحجي بـ عصبيه هدئه ضرغام. گلتله اريد سيارتي بيها سلاحي جوه الكشن. شنو هوياتي و غراضي كلها. ضرغام: رح اجيبهن الج و اجي. مُلاذ: تمام. انطا الضابط التلفون لـ الشرطي و طلب يحي صاحب التلفون. بس گال الشرطي رفض يدخل صاحب التلفون و گال "انا جنت هناك صدفة استغربت الوضع وصورت". عكد حواجبه الضابط.

ضرغام گله المهم لگينا دليل. مو مُلاذ الي ساقت السيارة. طلع ضرغام اتشكرت ابو رُسل و راح. درت عيني لـ الضابط الكاعد و صافن. رجعت عيني على أيهم الواكف يمي. تدنيت لـ يمه گلت بـ صوت ناصي. مُلاذ: انت شلون دخلت لـ هنا؟ شلون الضابط سمح الك تبقى ويانا؟ أيهم: لحيت عليهم صارلي ساعه اتعارك برا. خليتهم يدخلوني گلتلهم خطيبها و عدها قلباذا خافت تطيح عليكم و بـ مسؤوليتكم اليصير بيها.

أيهم: اجا ضرغام شافني گلتله لان هو يعرفج و گللهم اي فعلاً عدها قلب و تتخربط. جبرهم خلاهم يدخلوني گلي شويه و اجيكو انه دخلت. الجلاب خلوني افاول عليج. ضمت شفتي حصرتني الضحكه. يدخل نفسه لـ هنا بـ كل الطرق. اجاني ضرغام انطاني غراض. سألت عن الطفل الي اتوفى. -بعده ما سلمناه لـ اهله. لزمت گلبي بـ وجع. حسيت بسببي مات. بس حتى يذبون تهمة بـ راسي. قتلوا اي شخص يطلع كدامهم. مُلاذ: اريد اروح لـ دفنته. -رح نتابع وياهم و ابلغ.

جهزيت راسي بـ قبول. مُلاذ: اعتذر الي من اهله. أيهم: مُلاذ مالج ذنب. رفعت عيوني دحگتله بـ نظرة ذبلانه. هزيت راسي بـ رفض. مُلاذ: رادو يذبوها بـ راسي. قتلوا اي شخص يطلع كدامهم. ضغط بـ فكة الفوك على فكة الجوه. أيهم: تعالي وياي. اتعذر من عندي الضابط مره ثانية. طلعت مناك طلع ورانا ضرغام. اتحمدلي بـ السلامة. ضرغام: خليني اوصلج؟ لان سيارتج رح تبقى محجوزه. أيهم: لا انه اوصلها.

دحگلنا ضرغام بـ نظره. ضجت كلش من نظرته ما عرفت اعبر عنها. رجع نظره عليه هز راسه بـ قبول. ضرغام: وين ما ترتاح مُلاذ خل تروح. مو شرط وياي، عادي. مُلاذ: هسه اتصل بـ جساريووو نسيت تلفوني اخذوه مني. خلوه عد هذا الضابط. ضرغام: خل اخذه و اجي. مُلاذ: تمام. راح يشوف تلفوني بقينا ثواني ننتظر. اخذ ضرغام تلفوني و اجاني. مُلاذ: شكراً ضرغام تعبتك وياي.

ضرغام: لا عيني شنو السالفه. اي شي تحتاجين بلغيني. رح ارجع الحماية و ما اشيلهم مره ثانية ابد. مُلاذ: شمدريني تجيني المصايب. بس لمن نشيل الحماية من كدام البيت. انا لان الملثم سجنوه گلت خل نشيلهم. ضرغام: حتى لو سجنا الملثم اعداءج هواي و محد يتجرء يقترب من البيت. لمن يشوفون كدامه حماية. مُلاذ: صحيح من الافضل نخليهم بعد. ضرغام: اي. مُلاذ: يلا انا خل اروح تعبتك وياي. ضرغام: لا يمعودة ما صار شي. انداريت لـ أيهم واكف وراي.

مُلاذ: انت امشي كدامي ابو المصايب. أيهم: منو ابو المصايب هنا؟ مُلاذ: انت شتسوووي جاي لـ هنا و أيمن منين يعرف و فوكاها انت مريض! أيهم: و انتِ ليش ما خابرتيني. مُلاذ: وين الحك اخابرك. گوه يلا خلوني اخابر ضرغام. أيهم: امشي خل نطلع. رح انفجر ذوله الجلاب يعاينول. مشينا كم خطوه. التفتت على صوت الضابط. -ست مُلاذ. مُلاذ: نعم؟ -جنازة ابنهم و دفنتة رح تصير الساعه ٨ الصبح. مُلاذ: بعد ساعتين؟

-اي نعم و اعذريني مره ثانية. رح نحاول نلگا يلي سرقوا سيارتج. مُلاذ: تمام، عنوان اهل الطفل وين؟ گلي عنوانهم و شوكت يطلعونه. هزيت راسي بـ قبول عرفت منطقتهم بسرعة لان قريبه من منطقتنا. طلعت من المركز. اتصلت بـ امي طمنتها عليه. تبجي و مفرفحه گلتلها ارجع بس خل تنتظرني. سديت الاتصال منها التفتت لـ أيهم. مُلاذ: امشي خل اوصلك لـ بيتك. أيهم: شني؟ مُلاذ: ما تكدر تسوق. شلون اجيت و وصلت لـ هنا مادري. بـ سيارتمن اجيت اصلاً؟

أيهم: اخذت سيارة واحد من الحراساسمعيني ماكو توصليني لـ بيتي. نروح انه وياج وين ما ترحين. ردت احجي رفع اصبعه بـ وجهي و هو مدنك يدحگلي، كمل كلامه. أيهم: و انتِ ما تنطقين حرف. مُلاذ: أيهم انت مريض. مالك روحه وياي لـ اي مكان. أيهم: لا تخبليني لا تطلعيني عن طورياروح وياج عسى ما لـ جهنم. و هسه بـ الطريق تفهميني شكو و شصايرامشي يلا كدامي بسرعة لـ السيارة. غمضت عيوني بـ نفاذ صبر. طلعت ادور ع السيارة اليگول عنها.

اشرلي لـ وحدة من السيارات. فتح قفلها، دحگت لـ تلفونه يدك. سد الاتصال عاقج ملامحهمُلاذ: أيهم خل اسوق انا. أيهم: امشي اصعدي بـ مكانج مُلاذ. مُلاذ: خل اسوق ما تكدر! أيهم: مُلاذ ثانيتين اذا ظليتي بعدتذكرين الحرام الجنت اخاف منه؟ هسه اسوي حلال. امشي اصعدي. خزرته رحت صعدت بـ الصدرو صعد هو يسوق. أيهم: احجي. مُلاذ: شحجي؟ أيهم: شصاير؟ سولفت اله الصار. و الشرطه و الطفل و كل شي. أيهم: ما عدكم طرمه انتوا؟

ما تكدرين تدخلين سيارتج بيها؟؟ مُلاذ: ما ادخلها لـ البيت. لازم افتح الباب كلها يلا ادخلها. أيهم: و اذا مُلاذ و اذا؟ مُلاذ: شمدريني رح تنباك سيارتي. أيهم: هذا السلاح شنو؟ مُلاذ: طلعت رخصة اله احتاجه وياي. أيهم: ضمممي زين مو حاطته بـ السيارة. مُلاذ: جنت مخليته جوه الكشن؟ أيهم: لا ضمي بـ بيتج. مُلاذ: وين رايح انت؟ أيهم: غير لـ اهل الطفل؟ مُلاذ: ماااا اخذك وياي گلت. أيهم: سدي حلگج اش. مُلاذ: لا بالله.

أيهم: مُلاذ لا تسودنينيروحه وحدج ما ترحين. مُلاذ: دحك لـ حالي و ملابسياريد ارجع لـ البيت ابدل. وراي سوالف هواي و انت تعبااان. أيهم: هسه انه ارجعج. مُلاذ: أيهم انت تعبااان. أيهم: مو تعبان لا تلحين. مُلاذ: انت منين تعرف انا بـ المركز. أيمن اصلاً منين يعرف؟ أيهم: يعرف بعد. تجيت ايدي ع الباب. سندت كصتي على اصابعي. مُلاذ: مو غريبه خليته يراقبني. أيهم: شلووون اعوفج هيج؟؟ انه ما اكدر اطلع و بس أيمن اكدر اگلهم.

مُلاذ: و شنوو ذنبه؟ شنو ذنبه الولدمخلي الي حارس و كاعد بالحر و البردأيهم انت صاحي على افعالك. شوف رجلك گوه تدوس عليها. أيهم: سم مابيه. مُلاذ: التصوير من يم أيمن مو؟ أيهم: اي مستغرب و مصورهم. مُلاذ: ما لحگهم؟ أيهم: لحگهم بس بعدين. لمن شايفين واحد يلحكهم مسرعين سيارتهم و طابين بـ طريق هندس ظلمه. هو أيمن گال بحيث ما لگالهم اثرم. مُلاذ: بالله صار شي لـ الولد من ورايسوو اله شي أيهم شلووون تخاطر بـ اخوك.

أيهم: ما مخاااطر خليته حتى يراقبجو ما ندمان لان شفتي هسه الصااار. ظلينا طول الطريق نتعارك. صحته مو زينه و جاي الي. على ساعه يصير بي شي و يوكع! لحد ما وصلت لـ البيت نزلت دكيت الباب. محد فتحلي الباب عرفت امي يم خاله جنات. دورت بـ جنطتي ما لگيت المفتاح. عضيت اصبعي متنزفزه كمت اكمز بـ مكاني. أيهم: شكو؟ مُلاذ: ماكو شي. أيهم: انزل؟ مُلاذ: لا ظل بـ السيارة.

دحگت لـ الباب بلعت ريك. يرح اترزل من أيهم بس عادي. جلبت بـ المحجر و اتشلبيت على الباب. أيهم: ويييين وين؟؟؟؟ نزل من السياره يركض عليهم. مُلاذ: ما عندي مفتاح. أيهم: ولج انزلييي رح تتكسرين. مُلاذ: ما يصيرلي شي. گلتها و طفرت. طحت بـ الگاع، خليت ايديه كدامي. سمعت أيهم يصيح وراي. أيهم: ولج مُلااااذ غضب الله. كمت اريد افتح الباب. دحگتله يدحگلي من فوك الباب و خازرني. مُلاذ: ها رح تطفر؟ عض اصبعه حيل.

أيهم: الفووووصه شلون تطفرين؟ مُلاذ: متعوده انزل خل افتح الك الباب. أيهم: بسرعه يلا. مُلاذ: اوكف خل اجيب المفتاح. رحت جبت المفتاح فتحت اله الباب، اتقدم عليه بسرعه. أيهم: خو ما تاذيتي عاينيليمُلاذ: لا اصلاً خليت ايديه كدامي. رفعتهن راويتهن اله مجرحات و مشخطات، طالع دم قليل. أيهم: تعاي تعاي نغسلهنامج وين؟ مُلاذ: بـ بيت خالة جنات. أيهم: تعاليدخلنا لـ المطبخ فتح المي. أيهم: مدي ايديج. مُلاذ: ايدك الكانولا!

أيهم: ما يصيرلها شيمُلاذ: اوكف انا اغسلهن. غسلتهن رحت اخذت كلنس نشفتهن. انداريت لـ أيهم. مُلاذ: خل ابدل و اجيك. أيهم: اوكفي اول شي خل نلف ايديجيظلن ينزفن و يوجعنج هيج. مُلاذ: ماكو داعي. أيهم: مُلاذ هلكتي گلبيمن اگلج شي لا تعانديني و تخليني الحمُلاذ: لان ماكو داعي. أيهم: اكو داعي انا اشوف اكو داعيعدكم شاش؟ مُلاذ: لا. أيهم: زين وصله اي شي. مُلاذ: ما ادري اوكف اشوف. دحگت لـ ايديه رجعن ينزفندخلت الغرفة مالتي.

أيهم: عادي ادخل؟ مُلاذ: صاير مؤدب ما عرفتكمنو جان يطب عليه من الشباك. أيهم: انه من يومي مؤدباتقدم يدور وياي على شي نشد بي ايديدحك لـ بطانيته يلي مخليتها على فراشيابتسم و دحگلي. أيهم: تتغطين بيها؟ مُلاذ: ردت انطيكياها بس نسيتها. أيهم: و گمتي تتغطين بيها؟ مُلاذ: لـ .. لان بارده يعني. اتقدم عليه انسفطت بـ الكنتور. مُلاذ: استهدي بـ الرحمان. أيهم: ههههههه، بطانيتي. شتسوين على فراشج؟ مُلاذ: شتسوي ما تسوي هيج بطانية.

أيهم: يعني ما مخليتها يمج لان مني؟ مُلاذ: يمه اختنكت وخررر أيهم. أيهم: شمسويلج فوصه بيناتنا خطوتين. مُلاذ: هم اختنكت. أيهم: مو انا مثل ابن عمج الفيلم. مُلاذ: منو؟ أيهم: اسكندر. مُلاذ: عيع لا تجيب طاريه. أيهم: عفيه عفيه بس تسمعين اسمهمو بس تكولين عيع حتى زو*اع زو*عيمُلاذ: تلقائياً من اسمع بـ احد يحبنييصير عندي غثيان يعني مو بس اسكندر. أيهم: شكد فوصه. عيبت عليه و نزلت بـ الكنتور. ادور الي على وصله لكيت تشيرت شكيته.

أيهم خلا كلنس على ايدي و لفها بـ قطعة التشيرتمُلاذ: يلا دكتور اتوكل برا خل ابدل. أيهم: اتوكلتطلع هو لـ برا. و انا بدلت ملابسي لبست اسود. لميت شعري، رحت لـ غرفة امي طلعتلي شال. لبسته دحگت لـ وجهي بـ المراية. أيهم: خلصتي؟ وكف لمن دحگلي لابسه الشالأيهم: ليش لبستي؟ مُلاذ: غير رايحين لـ فاتحة. أيهم: الشال يلوگلجهزيت راسي بـ قبولطلعت من الغرفة لحگني. طلعنا من البيت قفلت الباب.

صعدت وياه بـ السيارة، هم دك تلفونهمُلاذ: تلفونك يدك. أيهم: اعرف. مُلاذ: ليش ما ترد؟ أيهم: لينا الجاي تدك. رفعت حواجبي بـ استغراب. مُلاذ: وين اكو وحدة تدك بـ السبعه الصبح؟ أيهم: لينا هاي الوحده. مُلاذ: تمام. درت وجهي ساكته، تلفونه ظل يدك. كل شوية يرفع تلفونه يسد الاتصالمُلاذ: احضرها اذا متجاوب! أيهم: تدك من ارقام اخواتههو هنه درزن حتى هذا الرقم حظرتهو هسه رح تدك من رقم ثاني. اريد اغير خطي بس ما صحتلي فرصة.

مُلاذ: تمام. سكتت، درت وجهي لـ الجامهاتصلت بيه امي جاوبتها و حاجيتهاگلتلها شوية و اخذها من بيت خالة جنات. سديت الاتصال منها. أيهم: من گلي أيمن انتِ بـ المركزاتسودنت عقل ما ظال بـ راسيمُلاذ: مو اول مره عادي. أيهم: شلون يعني؟

مُلاذ: من جنت صغيرةجان لازم ندفع ايجار جنت ثالث متوسطفـ رجعت من الدوام لگيت ابو البيت طارد اميلان اتاخرنا بـ الايجار طردنا من البيتمُلاذ: اتعاركت ويا شمرت حجار بـ بابه صارت مشكلة جبيرة و غلط و تجاوز. اخذتلي حجاره من الشارع و رجعت لـ البيتمُلاذ: طفرت الباب لان مقفول كسرتلك الجام شلتلي توثية خربت بيها البيت خراب. اشتكى عليه و اخذوني لـ المركز. الحقق وياي ضرغام جان. كم ساعه و طلعت من المركز.

أيهم: شفت فوصات هواي بـ حياتيبس مثل فواصتج ما شفت. من صغرج قردة و فوصه. مُلاذ: انت الفوصه شلون اسكت عن حقي. أيهم: لا تسكتين عيني لا تسكتين حشى. وصلنا لـ منطقة اهل الولد. عرفتهم اهله لمن شفت يطلعون بـ تابوت من البيت. من الواضح جابو جثته لـ البيت و طلعوا يصرخون وراه. انعصر گلبي، بلعت ريگي ادحگلهموكف أيهم السيارة، عبست شفتي الرجفت بـ هزيمه كدام هذا المنظر. شعور ضيق حاوط گلبي.

خلو الجثه على سيارة و الناس صعدواغطيت وجهي يلي احترك من القهر بـ ايديةگلت لـ أيهم نلحكهم، لحكناهم. بـ الطريق ما حسيت على روحي غفيت. فزيت على طسة، دحگت لـ الطريقالتفتت لـ أيهم دحگتلهمُلاذ: ما وصلنا؟ أيهم: قربنا نوصل. مُلاذ: خليني اسوق بدالك. أيهم: نامي عيني. مُلاذ: لا ماريد. أيهم: نامي لَـذه. مُلاذ: ما اريد انام. أيهم: عوفي السواقة انه جاي اسوق.

سكتت ادري بي ما يخليني اسوقلو ظليت احجي منا لـ باجر. وكفت السيارات الكدامنه. وكفنا وياهم نزلوا كلهم يدفنونهما ردتهم يشوفوني و لا يعرفوني. بس حسيت الطفل مات بسببي. و هذا اصعب شعور احس بي. دخلوه لـ المكبره يدفنوهاتعقبناهم بـ خطواتنا وكفنا بعيدظلينا واكفين ندحگلهم يدفنونهو گلبي ينعصر، سمعت حس أيهم ورايگال بـ صوت هامس يـهدأني. أيهم: اهدئي وجهج انطعن احمر. مُلاذ: مات من وراي. أيهم: مالج ذنب.

مُلاذ: لو ماكو اشخاص معادينيجان هسه هالطفل عايش. اذيتي و ضرري وصلت حتى لـ الغربه. أيهم: ضررج نفع و اذيتج علاج الهم. مالج علاقه و لا الج دخل. تشمين گفى ايدج قابل؟ شمدريج؟ مُلاذ: ما ادري أيهم. كلش متاذيه من هالموقف. أيهم: عسى اذيتج بيه و لا بيجمُلاذ: اسم الله. أيهم: امين لَـذه امين.من اشوفج متاذيه يحترك دمي. انه الاخاف عليج من الـ اخذوله الجلاب يردون يسجنونجمُلاذ: ما يدرون حقهم.

أيهم: بس مو بدون لا يفهموج يتهموجمُلاذ: ما مهتمه لو يحطوني يموتوني هسه. ما اهتم بعد تعبت اظل احافظ على حياتيهمي و مهمومي هسه حياة اهلي. أيهم: شحده اليوصل لـ حياتجامرده مرد و حق هو الله.

سكتتا ثيناتنا و ظلينا واكفينو أيهم واكف وراي يهدي بيه. لان فعلاً كل جسمي احتر و حسيت گبت بي نار. ظلينا ننتظر هيج اسمع بجيهم و صياحهمالدنيا انگلبت گلاب يمهم و ام الطفل تدك على صدرها مقهوره. رفعها ابوه و ظلوا هيج هواي. لحد ما بدء المكان يفرغ و الكل راحوا. اتقدمت لـ يم الكبر ما اعرف شسويانطاني أيهم مي ورد. أيهم: اشتريته بـ الطريق.

هزيت راسي بـ قبول خليت على گبر الطفلوكفنا نقراله الفاتحه، اترحمنا على روحه الطاهرهكعدت يم الگبر اعتذرت منه مات بسببي. ظليت كم دقيقة هيج كاعده، رفعت عيني لـ أيهم. أيهم: نروح؟

هزيت راسي بـ قبول، گمنا رجعنا. وكف أيهم بـ الطريق اشترالي اكلو هاي كله هو مريض و يفتر و يروح ويجيما اقبل بس هو ما يسمعني. جريت نفس بـ تعب و ذبيته. اجا أيهم انطاني اكل وصلنا لـ بيت خالة جنات. وصيته يدير باله على نفسههز راسه بـ قبول و هو هم وصاني و راح.

دكيت باب البيت، اتصلت بـ اميطلعت الي تركض فتحت الباب. تتطمن عليه و تشوفني، تبجي. ملاك اجت وراها ازداد نحيبهن و بجيهندخلت لـ داخل بيت خالة جنات. دحگت لـ جسار و سلطان كاعدين. من شافوني وكفوا يسألون عن الصاير. حجيت الهم كل شي بس ماذكرت أيهم. ظلوا متنرفزين و معصبين ع الموضوع. رجعنا جسار لـ بيتنا و مر اليوم، امي كل شويه تسألني. تعب عقلي من التفكير. رجع ضرغام الحماية كدام بابنا.

فزيت ثاني يوم الصبح على صوت اتصال. رفعت تلفوني دحگت الاتصال من أيهم. رديت عليه مستغربه. مُلاذ: الو أيهم؟ أيهم: ها لَـذه اگلجمُلاذ: ها گول؟ أيهم: امج و اختج وين؟ مُلاذ: نايمات ليش؟ أيهم: افتحيلي الباب اركضي. مُلاذ: شنو شكو؟ أيهم: اركضي ولج تعاليلي. گمت ركض ركض. طلعت اتخنس فتحت الباب دحگتلهمُلاذ: شكوو؟ أيهم: بدلي ملابسج و تعاليمُلاذ: شكو؟ أيهم: امشي ولج لَـذه امشي. مُلاذ: غير افتهم.

أيهم: خل اروح وياج لـ المكتب مالتجمُلاذ: غالقته اليوم ماكدر اروحما عندي سيارة. أيمن: ولج خالي ديلا مو انشتلت هنامديت راسي دحگت لـ أيمن. بـ ظهره جنطة لابس كاسكيته و مناظرو أيهم مثل حاله. مُلاذ: اتخبلتوا بـ ثمانية الصبح جايينيشبيك أيهم انعديت من لينا؟ أيهم: خايبه انه ما انعدي بس من الجلابولج امشي اتحضري شلعتي لـ گلبيمُلاذ: اهووو.

دخلت ركض لـ البيت غسلت و بدلت ملابسي. دحگت لـ تلفوني أيهم يتصل عليهعفت شعري مفتوح طلعت اركضمُلاذ: شبيك خبلتني؟ أيهم: ديلااا، شالج وين؟ مُلاذ: انا يمتى البس شال؟ أيهم: جا و البارحه؟ مُلاذ: غير علمود الفاتحه. أيهم: جا استغفرالله يا ربي. رب العالمين بس بـ الفاتحه موجود. مُلاذ: انت اسكت ما عليك. بس لو تسكت انا بخير. أيهم: فوصه ام شعر ام براطم. خزرته صعدنا بـ سيارتهاتوجهنا لـ المكتب مالتيمُلاذ: غير افتهم شتريدون؟

أيهم: نريد نشد كاميرات مراقبة. مُلاذ: هلووو منين عندي كاميرات مراقبة؟ أيهم: أيمن يشتغل بـ الكاميرات. فـ يعرف بـ هاي السوالف هو يسويها. مُلاذ: أيهم تتصرف من كيفك. التفتت دحگلي، رفع مناظره خزرنيرفعت مناظري انا هم خزرته. درنا وجهنا لـ ايمن، لمن صار فلاش علينادحگنا لـ أيمن يصور بينا. مُلاذ: خيييير؟ أيمن: حلوين حبيتكم. أيهم: انجب. مُلاذ: احذفها. أيمن: مو صوجكم ولو.

حذف الصوره و نزلنا. اتصلت بـ صافي تجي لـ المكتب. فتحت باب المكتب و دخلت. وكفوا أيمن و أيهم يشتغلون بـ الكاميراتسطروا راسي بس يتعاركون. خلال ربع ساعه اجت صافيناز.

أيمن واكف ع الكرسي اندار دحك لـ صافزدخلت و هي مبتسمه صفن أيمن. و انا و أيهم صفننا على صفنتهم. واحد يدحك لـ الثاني ما اتحملت اضمها بـ گلبيمُلاذ: يلا أيمن طيح من الكرسي. خل صافيناز تلزمك و تلتقي عيونكم و تظلون واحد صافن بـ وجهه الثاني. يشوف كم رمش عنده كم شعرايك بـ وجهه. انا و أيهم نصوركم، بس سوي حركتك بطيئه. خوش مسلسل تركي يصير و ننشرهاذا عجب الناس نستفاد بـ راسكم بعد. ضحك أيهم. و أيمن اتحمحم اندار يكمل شغله.

صافيناز طفرت تسوي جاي اسرع تغليسهاتصلت بيه امي تسأل عني وينگلتلها انا بـ المكتب رحت بـ تكسيشد أيمن الكاميرات و كمل. طلع من الشقه نزل شد وحده برا المكتب و وصلهن بـ التلفزيون يلي بـ المكتب. فحصناهن و كعدت اشوف بـ الكاميرات. خوش مركبهن و مسويهن. كعدوا هو و أيهم. فحطانين. قدمت الهم كاسات مي، كعدت كدامهم. مُلاذ: يول انتوا شمالكم حتى ما گلتولي؟ أيهم: ادري بيج تظلين تلوجين على گلبيو ما تقبلين و تتغرغرين عليه.

مُلاذ: تغرغرين شني؟ أيهم: يعني تصيرين مغروره. مُلاذ: و الله انت المتغرغر. أيهم: انتِ. مُلاذ: انت. أيهم: و الله انتِمُلاذ: و العباس انت. أيهم: و داعة امي انتِمُلاذ: و داعة امي و ابوي ثنينهم انت. أيمن: ثنيناتكم. اندارينا لـ أيمن ثنيناتنا خزرناهرفع ايديه بـ استسلام. أيمن: جذب انهضحكت و تشكرتهم. ردت انطيهم فلوس ما قبلوا ابد. جريت صافيناز من المطبخ. حاصره روحها بـ المطبخ مستحيه. كعدتها ع القنفه يلي يمي.

مُلاذ: اعرفكم على صافيناز. أيمن: و هل يخفى القمر؟ گلنا انا و أيهم بـ صوت واحد -هلووو. أيمن: شبيكم حرام احجي حجاية و عابتدحگت لـ صافيناز صارت حمره. صافيناز: اي قمر تقصد مُلاذ؟ اي هي قمر فعلاً. أيمن: لا واضح الموضوع رح اعنس. أيهم: ولك المره تعنس انت تصير زگرتي. مُلاذ: زگرتي شني؟ أيهم: الما يتزوج يسمو زگرتي. يظل دايح ماكو باب يلفيمُلاذ: ها يعني مثل المطلق. الي عمره بـ الثلاثين. عض اصبعه.

أيهم: ولج مُلاذ ولجضحكت جسمي يهتزاحب ابسمره و اضوجه. أيمن: شلونج صافي؟ صافيناز: منيحه و انت؟ أيمن: انا كمان منيح. صافيناز: بتعرف تحكي سوري؟ أيمن: اي شو لَكن؟ بس انتوا بتعرفوا تحكوا عرائيف. حطت من الضحك لمن گال "عرائي". دحگت لـ أيهم يضحك و يدحك لـ أيمن. ضحكته ظاهره اسنانه درت عيني لـ صافيمبتسمه، حاصرتها الضحكه. أيمن: لك شو بنت عمي انبلع لسانك؟

صافيناز: لا ابن عمي شوفة عينك عم احكياخذت بطل مي فتحته و شربت. و انا اشرب گال أيمن. أيمن: يلهوي لك شوف الصوت بـ السوريمش مثل صوتي ملغماط. ما اتحملت غصيت بـ المي. رشّيته كله بـ وجهه أيمن الكاعد مقابيلي. حطيت ايدي على حلكي مصدومة. أيمن انترس مي، اعتلى صوت الضحك. دحگت لـ أيهم نزل بـ الگاع يضحك فحطان. بحيث وجهه صار احمر من الضحكو انا على ضحكته اضحك. مصدومة.

أيمن صافن ما مستوعب. اندارت لـ صافي مغطيه وجهها و تضحك. تحاول تسكت بس هزة جسمها تفضحها. أيمن: انه صوجي صرت خير. و اجيت اشدلكم كاميرات خرب شرفياذا صرت بعد خوش رجال. أيهم: يا يمه ههههههههههههههخل يفيدك السوري لك الملغماط.

گالها و ضحك بـ صوت عاليفضحنا فضيحه بـ صوت ضحكتهاعتذرت من أيمن، هو هم كام يضحكاستسلم لـ الامر الواقع. كامت صافي جابت اله منشفه. دلته ع الحمام حتى يغسل وجههلميت ايديه غميت روحي شكد عيببس ما كدرت اكمل شرب المي من گال هيجنبرة صوت و طريقته بـ الكلام ضحكتني. ٣ دقايق لا أيمن و لا صافيدحگنا انا و أيهم واحد لـ الثانيمُلاذ: هذا اخوك شسوه لـ البنية؟

أيهم: يلعبون ختيلانضحكت شمرته بـ المندررجع هو هم شمرني. شلت المندر گمت اله لازمه المندر. مُلاذ: اخنكك و اخلص منك شتگول؟ أيهم: لا ولج يروحون يسجنونج. مُلاذ: ههههه شكد حنون يعني عادي اخنكك. أيهم: بدون مندر انتِ خانكتني. مُلاذ: شقصدك ها شقصدك؟ أيهم: قصدي اراويجيا من نتزوج. شلت المندر ضربتهمُلاذ: تادب ما اتزوجك. أيهم: طلاك و تطلكت شنو عذرج بعد؟ مُلاذ: ما اتزوج مطلقين مو گلتلك. أيهم: انجبي. مُلاذ: انت انجب.

أيهم: اكوم اطيح حظج فوصهمُلاذ: و الله حلوه هاي يگلي انجبيو ما يقبل ارد عليه بـ نفس الشي. أيهم: فواصتج يوم عن يوم تزيدتعبتيني ولج لَـذه. مُلاذ: اكلك اخوك و صافيناز فد مره اختفوا شو؟ أيهم: نختفي مثلهم؟ مُلاذ: أيهم ولي بطل تسربتعود هاي انت مريض؟ أيهم: وجهج يداويني فوصتي. مُلاذ: ما عدك اخوات انت. أيهم: عدي بس انه مستهترمُلاذ: رحم الله امرء عرف نفسه. أيهم: اگوملج فوصهمُلاذ: حرام ما تكدر تسويلي شي. أيهم: اممم بـ رأيج؟

مُلاذ: أيمن و صافي مااااكوطفرنا انا وياهه من الغرفةندور على أيمن و صافي. لگينا صافي بـ المطبخ و أيمن بـ الحمام. مُلاذ: وين اختفيتوا؟ صافي صافنه ع الطباخندستها نزت دحگتلي. مُلاذ: شبلاچ؟ صافيناز: شو؟ مُلاذ: شبيج؟ صافيناز: ما فيني شي. عقدت حواجبي. سمعت أيهم يصيحلي. رحت اله دحگتله واكف يم الباب. أيهم: يلا انه رح اروح تعالي ويايمُلاذ: جان بقيتوا بعد شويردت اطلعلكم كيكه مال امي؟

أيهم: بعدين لذتي. خابرتني هتان هسه أبيل يبجي. ردت اسوي كاميرات بـ بيتج هم. بس ما عندي وكت و الله. مُلاذ: لا عادي، شوكت ترحع لـ شغلك؟ أيهم: بعدها اجازتي مسويها هوايو انه ما اتحمل كعدت البيت، يومين و اردمُلاذ: بس بعدك مريض؟ أيهم: وين بعدني مريضعشرين يوم غيبوبه التئمت جروحي و الكسورو هاي صارلي شكد صحيت و علاجات. زين كل شي مابيه مداري روحيمُلاذ: علمودك انا.

أيهم: اعرف مُلاذي. يلا تعالي خل نوصلجمُلاذ: لا روح ارجع وي سايق صافيناز. أيهم: لَـذه تعالي اوصلج. ما امن عليج يم اي احد. مُلاذ: لا ارجع وي سايق صافي روح. رفع تلفونه لمن اجا اله اتصال من هتان. أيهم: بس تنتبهين على نفسجمُلاذ: تمام انت هم انتبهه. هز راسه بـ قبول و طلع. دخلت لـ يم صافي صفنت على صفنتهامُلاذ: ها بشري ولد بنية؟

رفعت عينها دحگتلي صافنهعفتها و دخلت لـ مكاني كعدتطلعت اوراق الشغل و القضايابديت اشوفها و اشوف شـنو عندي اليومرفعت عيني، فزيت على صوت صافيدخلت تكمز و تصيح. صافيناز: قلي بحبببببببكمُلاذ: شني؟ كمزت كعدت ع الكرسي اليميصافيناز: أيمن قلي احبج. وسعت عيوني مصدومةوخرت الاوراق من كدامي. مُلاذ: شنووو؟ شلون؟ شوكت ولج؟ صافيناز: لما كنت اعطيه منشفه بـ الحماماخذها مني، قلي "اريد احاجيج"قلتلو "اي قول" قام قلي "انتِ مرتاحه معي؟

"قلتلو "ما فهمت" قلي "شو رأيك فيي؟ " ماعرفت شو احكي قلتلو زَلمِه لطيف و كثير حبابقام قلي "احبج" قلبي قام يسوي دق دق دقضحكت على وصفها تشرح بسرعهو مركزه نظرها على مكان واحد. مُلاذ: انتِ شنو جاوبتي؟؟ صافيناز: تركتو و طلعت ما بعرف شو احكيمُلاذ: انتِ تحبي لو شني؟ صافيناز: التقينا كم مره و مره كنت خارجه انتِ ما بتعرفي بـ هي القصة. مُلاذ: شنو احجي؟

صافيناز: كانت عم تمطر و انا داخله الشارع كنت عم اتسوق. ركضت لما بلشت مطر اتغطيت بـ شيلما رفعت عيني لاقيتو أيمن مغطيني بـ سترتوو يركض فيي و يفتح المظله. مُلاذ: ولج صاااافي و ضامه عني؟؟؟؟ صافيناز: كنت حاستو موقف عاديمُلاذ: و بعد ؟؟؟

صافيناز: مره شافني عم احكي مع ولد في الشارعكان صاحب الاسواق لان عندو طفلع الاقل هو بيجيب الاغراض لـ هون. شافني احكي معو عصب. قلي هذا العراق مش سوريا. و هنيك تحكي مع مين ما بدك. بس هون ما بيصير هالشي و تخانقت معومُلاذ: و الله لو يدري بـ اخوه، اي كملي؟ صافيناز: اجاني بعد يومين اعتذرليمُلاذ: غيرها من مواقف؟ صافيناز: في عرس غادهقلي طالعة كلش حلوه. كلش كثير ما؟ رفعت حواجبي و ضحكتمُلاذ: هااااي شنو كل هذا ضامته عني؟

صافيناز: ما بعرف كنت خايفه احكيو بطلع عم اتوهم و يكون ما عندو شي معيمُلاذ: هذا كله و تتوهمين. لو ما تتوهمين شلون؟ ضحكت و ضمت وجههاكامت ترافس بـ مكانها ابتسمت على منظرهارجعت لـ البيت وياها السايق وصلنا. نور: رفعت عيني لـ باب الغرفة يلي مقفوله عليه من اسبوع، تلفوني مسحوباندار القفل انفتحت الباب، دخلت عمتي. منارس: نور حبيبتي. رفعت عيني دحگتلابـ نظرات خالية من كل شعور. اجت لـ يمي كعدت جايبتلي اكلمنارس: ليش ما ماكله اكلج؟

نور: ما اشتهي. بجت عمتي ضمتني لـ صدرهاما تتحمل تشوف منظري. و وجهي يلي كله كدمات بلا ما تبجي. منارس: عمه دحگيلي. شيوجعج گليلي شسويلج؟ نور: گلبي يوجعني. گلتها و نزلت دموعي. رفعت راسي مسحتهننور: ما جذبت مُلاذ لمن گالت الي يسكت عن حقه ينداس عليه. سكتت شكد عن حقي. شوفة عينج عمري 28 سنه و بعدني انضرب مثل الطفلة. مسحت عمتي دموعها مقهورهرجعت ضمتني لـ صدرها. اتذكرت يلي صار بـ ذاك اليوم. فزيت على صيحة ابوي بـ عصبية.

-نورررررررررررررانهبطت بـ مكاني ما يناديني هيجالا اذا صاير شي و عصبي مني. رفعت عيني دحگتله لمن دخل الغرفهنور: بابـ... بعدني اريد احجي. اجا عليه جر شعري كل قوتهالا شويه ينكطع من جذوره! اتمنيت من بعد هاليوم ميته. و لا اعيش و اشوف الشفته! ضربني راشدي طحت بـ الگاعانهال عليه بـ الضرب و انا اصرخ بـ وجع. احمد: گايله لـ اركااااان يخطبج. ولج اليووووم اجنزج على ايدي. شعندج ويا بنت الكلب شعندج وياااا؟

رفسني بـ بطني رفسات متتاليهبجيت بـ حرگه اتوسل بي ما فاهمة شكواحمد: كلام امج صحييييح كله صحيحانا صووووجي ما صدگتها. گلتلي هالحيوووانه عدها علاقه بس ما صدكتاليوم اربيج خاف ما ربيتج ذيج السنين كلهاكتلني ضربني ضرب. كسر كل جسمي بي. دخلت عمتي تدك و تلطم. تريد تفكني من ايده ما يعوفني. جنزني جنازه بـ ايده و طلع. من بعدها فقدت وعيي.

لمن صحيت لگيت نفسي ع الفراشو عمتي نايمة يمي، فكي يوجعنيعيوني وحده مفتوحه و الثاني تاذينيفزت عمتي لمن اتحركت اناكامت تتطمن عليه، خايفة. عزيز يتعارك وي ابوي يجيبلي اكل. لمن اكل و اخلص ابوي يطلع الاكل من خشمييدخل عليه يكتلني كتل ينهيني على ايده. لمن اجا اسكندر شاف الوضع هيج، استغربحجا اله ابوي جنت بـ واحد صرت بـ اثنين. هو و ابوي ثنينهم يكتلوني. اخذوا تلفوني، اخذوا تلفون عمتي. حتى ما تتصل بـ احد. هددوا عزيز اذا اتصل بـ

واحديطلعوني منا جنازه. طبعاً ورا كل الصار امي على شنو و من شنو انتقامها هذا ما اعرفاجاني شخص يخطبني. بلا ما يسألوني وافقوا عليه. ما اعرفه حتى و انا رايحة لـ المدرسة. اليشتغل بيها شايفنياتدمرت احوالي. و ما سمعنا خبر من اركان. ما ادري اصلاً شصار و شكو؟؟

حاولت بـ كل الطرق اتصل بـ مُلاذ. الوحيدة الي اتنقذني منا بس ماكو. نزلت دموعي و انا استذكر كل الصار. رفعت عيني لمن دخل عزيز الغرفة. دحك لـ اكلي الباقي على الميز. رجع دحگلي. عزيز: نور اكلي. نور: بس اكل يكتلني. عزيز: خل يكتلج و يشوف شسوي بياكلي نور غديتي جلد و عظمنور: عزيز الله يخليك. گمت بـ صعوبة من مكانيرحت اله اتوسل بينور: عزيز بس مُلاذ تكدر تساعدنيابوس ايدك گللها حاجيها.

بجيت بـ حرگه اتوسل بياهتز صدره الي احتضنني الهبجى على بجيي. عزيز: ادمرهم دمار خليهم يصبروليشديت على تشريته بـ ايديضميت وجهي اكثر بـ صدرة و بجيت. مُلاذ: اتصل على نور ما تجاوب. اتصل على عمتي منارس هم ماكو. عزيز ما يجاوبني، استغربت شصاير؟ ما عندي سيارة اروح الهم بيها. و لا عندي وسيلة اتواصل وياهم. عمي اصلاً ما احاجي. عفت الموضوع و كعدت و سكتتولو استغربت عدم ردهم المفاجئ.

انطرق باب البيت. اخيراً اجا الشخص يلي جنت ننتظرةگمت طلعت انا لـ الباب فتحتها. ابتسمت، دحگت لـ غاده. رفعت الاكياس يلي بـ ايدها فرحانه. غاده: اناااا اجيت. مُلاذ: كلللل الهلا. ضحكت بـ فرح و گالت. غاده: و شوفي منو جبت وياي تراراررااا. طلعت من وراها صافي و هتان. وسعت عيوني و ضحكت بـ فرح. رحبت بيهن دخلن كلهن لـ جوا. سلمن على خالة جنات و امي و ملاك. كعدت غاده بـ الگاعبسطت بـ المشتريات مالتها.

غاده: جبت طنننن اشياء لـ ابنيييي. ضحكنا وياها فرحانين على فرحتهاگابلناها وكعدنا طلعت من العلاليك ملابسخلتهن كدامنا و اخذيه مال جهال تخبلادحگلهم و مكزكزه على الملابس الجايبتهم. غاده: و جبت لـ مُلاذ و ملاك همينو ذني السرسورات اشتريتلهن و هنه اشترنضحكن صافيناز و هتان. مُلاذ: دخيلك ربي شجايبتلي؟

طلعت علاكه انطتها لـ ملاكجايبه بيها بجامة وردية تجنن. و جايبه هم وياها ماشات و طوك و بنطرون لـ ملاك. غاده نعتبرها من العائلةامي تستحي منها لمن تجيب النا شيبس انا وياها ما نستحي من بعض. من الصغر جنا نشتري لـ بعض و نتقاسم كل شي بيناتنا. انطتني علاكه. طلعت من عدها فستان سمائيرداناته خيوط بس كلش حلو. مو فستان اعراس لا فستان لطيف. مُلاذ: ولج من شوكت انا البس فساتين.

غاده: هسه رح تلبسين يلا البسيمُلاذ: ما احب الفساتين ولجهو شكله يخبل كلش حلو رح اخلي عندي اكيد. غاده: لاااااع البسي. مُلاذ: مااا اريد ولج صلوخ نزاعي هذااا. غاده: مُلاذ حبابه البسييهتان: اي احس الفساتين حلوه عليجبـ عرس غاده ما لابسه فستان جنتيابد ما شايفيج بـ الفستان. هزيت راسي بـ رفض ما قابله. صافيناز: الله يخليكِ مُلاذ البسيملاك: اي مُلاذ حبابه. مُلاذ: لا تلحن لا يعني لااا.

غاده: ما عجبج و الله ما عجبج. مو لان ما تلبسين فساتين بس لان ماعجبججيبي خل ارجعهمُلاذ: ولج و الله حلو بس ما احب البس فساتينزعلت غاده مني و تگول ما عجبني فـ ما البسهما يفهمون السبب الحقيقي. الما يخليني البس هيجطنكرت غاده و الكل يگلولي "شيصير اذا لبستي؟ جنات: يلا البسي يمه هو فستان. ليش تكسرين بـ خاطر غاده؟ رفعت حواجبي قوست شفتيهزيت راسي بـ قبول. اخذته من ايد غاده و رحت لـ الغرفة البسه.

هتان: كلنا كاعدين منتظرين مُلاذ تلبس الفستانحسب ما فهمت ابد ما تلبس فساتيناتخيلنا شگلها بـ الفستان الازرقالي خصره مخصر و بي لاستيكو يوصل تحت الركبه بـ شوية. لونه السمائي وي بياض بشرتها"رح يطلع شكلها يجنن". اردفت هالجمله و انا اتخيل شكلها.

بيانفتح باب الغرفة اتحمسنا لـ خروج مُلاذ. لَكن الي شفنا و الي صار. عاكس كل توقعاتنا و خيالنا يلي رسمناه. دحگت لـ مُلاذ يلي على رجليها خطوطو كدمات جبيره لَكن لونها مو غامق. رفعت عيني دحگت لـ ايديها. يلي عباره عن جويات و خطوط على طولهنزندها يلي بي اثر قوي و واضح لـ الضربةرجعت عيني على رگبتها. يلي مخطوط عليها اثر جوية. شهكت بـ غصتي، دموعي ملت عيني. حولت نظري على كل الكاعدينفاتحين حلوكهم و عيونهم يدحگون لـ مُلاذ. نزلت دموعهم على منظر جسمها و دموعيدحگت لـ وجهها الصارم الخالي من التعابيرلَكن عيونها المتحجره بيها الدموع، تشرح حالهاگالت بـ صوت يرجف و هي تضحك.

مُلاذ: سبب كافي ما يخليني البس فساتيندارت وجهه تروح. وسعنا عيوننا على ظهرهاكدمات بـ كدمات اثرها موجود و واضح كانت من سنين. ما اعرف حياتها و شصاير وياها. بس لمن شفت هيج، گامت دموعي تنهمر همر على خدي. دخلت غرفتها سدت الباب. حولت نظري على امها و اختها انهارن و الكل يبجي و مصدوم من منظرها. گالت غاده مصدومه. غاده: هسه فهمت ليش ما تلبس نص ردن كدامنا!

گالتها و غطت وجهها بجت. مسحت دموعي ايديه ترجف. دحگت لـ خاله فيروز. تريد تمسح دموعها ما تكدر. صافيناز بقت هادئه. و الدموع محصورة بـ عيونها. هتان: شصايرلها؟ حجت غاده تتغصغصغاده: جانن مخطوفات و هيج سوو بيها. هتان: منو خطفهن؟ غاده: ما نعرف. هتان: الله يحرگهم بـ نار جهنم كون امييين. حجيتها بـ حرگه گلبلمن شفت منظرها گلبي اتكطع. اتخيلت اكو مكانها و نفضت هالخيال بسرعةحتى الخيال مؤذي و ما اكدر اتحمل الاذيه هاي!

طول عمري جنت يم اميو طول الوقت باهر ويانا. بس أيهم و أيمن ما تنعرف اخبارهملذالك دائماً حسيت بـ الامان يمهم. و ان كان عداوة أيمن و ايهم. وي ابوي مسببتلي رعب بس ما يوم ضروني. قاطع تفكيري خروج مُلاذ من غرفتها. اجت مبتسمه علينا. مُلاذ: يلا ولج راويني بعد شجبتيضحكت غاده و دمعت. اتجول نظر مُلاذ على وجوهنامُلاذ: هوووب هوب شو تبجون؟ خيركم؟ منو مات؟ بلا بجي. يلا راويني انتِ النحسه. ضحكنا وياهاو كملت غاده تراوينا غراض الطفل.

مُلاذ: طلعت سيارتي من الحجز بـ مساعدة ضرغامگلي اخذوا البصمات منها و سمحوا الي اخذها. اخذتها و رجعت لـ شغلي و حياتي. اجا عاشور الشهر الي بيهه قُتل الامام الحسين (عليه افضل الصلاة و السلام)

انقتلوا اصحاب الحسين ايضاً. خالة جنات رادت تسوي قرايةو بـ طبيعة الحال احنا لازم نروحمثل كل سنه و نتواجد بـ القرايات. جانت بيبي الله يرحمها تسوي و نروحاو عنتي منارسبس هالسنه ما حصلنا خبر من عمتي منارساتصلت بـ عزيز لمن جاوبني. گلي "ما صاير شي " مبايل نور عطلانو عمتي مضيعة الشريحة. اتطمنت و عفتهم بـ راحتهم.

اتقدمت كدام المراية. لابسة عباية اسلامية سودة و شالي الاسود. احذت سويجي و جنطتيطلعت لـ امي التنتظرني بـ الصالةطلعنا من البيت صعدنا بـ السيارةشغلتها و طلعت بيهم لـ القراية. فيروز: مُلاذ امشي على كيفمُلاذ: يمه جاي امشي. فيروز: لا تسررررعين لا تسرعين. امشي بـ هداوة. مُلاذ: يمه شبيج. جاي امشي على الاربعين لا تخبلينيفيروز: سياررة سيارة دربالجطفيت السياره و وكفت. حطيت ايدي تحت خدي ساكته ادحگلهامُلاذ: وين السيارة يعني؟

وين السيارة يمه؟ السيارة بـ ذاك السايد. بس دحگي خاف انا عندي حول. و ما اشوف اعدل و عندي مشكلة انتِ دحگيظلت ساكته. فيروز: يلا يلاا مديتي لسانج. رح نتأخر على القراية. رجعت شغلت السيارة، استغفر بـ همسطبعاً امي ما تسكت كل شوي تصيح "ديربالج""على كيفج" "بـ هداي بـ هداي" "اجاج ذاك". وصلتهم للـ القراية لمن طلعت روحي. طبكت السيارة، نزلن امي و مشمشبقيت كاعده بـ مكاني. رجعت امي الي، دكت الجامه نزلتها. مُلاذ: ها.

فيروز: ما تنزلين؟ مُلاذ: لا ادخلوا انتوا. فيروز: انزليمُلاذ: يمه هسه ماكو محط رجل. ادخلن انا هنا انتظرجنفيروز: ولج قراية لـ الامام و انتِ ما تدخليين؟ مُلاذ: يمه لو فارغة ادخل. بس كومه ناس و خنكه. ادخلي انتِ و ديربالج على مشمش. انا انتظركم هنا، اعرف قراية الامامرح اشغل قصيدة هنا و اسمع.

فيروز: مُلاذ انزليظلت تلح عليه، اخير شي فتحت الباب. جرتني من ايدي نزلتني، دخلت وياهملگينا الملا بعدها ما قاريه بس موجوده. ماكو محط رجل فعلاً. دخلن امي و مشمش گوه من بين النسوانسلمن عليهم و كعدن بـ زوية محصوراتسلمت من الباب، ظليت واكفه بـ الباب. اششرتلي امي بـ عيونها بـ معنى ادخلي. هزيت راسي بـ رفض، اشرتلها باقية هنا.

بدت الملا تقرا قصائد. النسوان يبجن وينعن و يلطمنضعفت حيل كدام بجيهم و نعيهم. تمنيت ابجي مثلهم. فجأه الملا بدت تقرا قصيدة "وينك". اول ما سمعت كلماتها و عرفتها رح تقرا هالقصيدهتمنيت اروح اتوسلها ما تقراها. اكثر قصيدة توجع گلبي. "ويـنـك ... يـالـتـارك إبـقـلبي رمح ... وينكلـو أنـسـه يـسـألـنـي الـجـرح ... وينكخـلـتـنـي لـلـمـوت أنـتـظـر ... دنـيـه"

انداريت لكيت بنات ثنين واكفات وراي بـ الباب، طلعت بس اريد اطلع. ما اريد هاي الدمعه يلي بـ طرف عيني تنزل. لان اذا نزلت مره وحده بس مره. راح يتبعها انهيارات. من كل داخلي و اعرف رح اتدمر. اعرف نفسي اعرف شنو احاسيسيو شوكت لازم تطلع. شعور كتمته سنين اذا طلع هسه ابد. ما رح يكون هالشي بـ صالحيرفعت تلفوني لمن اجاني اتصال من رقم غريبقاطع تفكيري، عكدت حواجبي. ابتعدت لحد ما قل صوت الملا شويةرديت على الاتصال. مُلاذ: الو؟ الو؟

الو؟ ما جاوبني احد. مُلاذ: منو؟ دحگت لـ التلفون الاتصال مفتوحرجعت التلفون على اذاني. مُلاذ: الو؟ اجاني صوت يرجف. فوراً عرفت هذا الصوت. -مُلاذ. مُلاذ: نورر؟ الو نور وياي؟ نور: اي. سمعت صوتها تناشغ و تبجيمُلاذ: نور شصاير شبييج؟ نور: مُلاذ الحگيني ساعديني الله يخليجمُلاذ: شكووو فهميني! شبيج نور اسكندر سوالج شي؟ نور: مُلاذ انا مو بـ بيت اهلي. مُلاذ: لعد وين؟ رجف صوتها اكثر. و اتصادر لـ

مسامعي صوت بجيهانور: انا بـ بيت زوجي! وسعت عيوني مصدومةكملت كلامها تبجي. نور: زوجوني من شهر. بدون علم احد جبروني على هذا الزواجمُلاذ اخذت التلفون بدون ما يدري. ساعديني الله يخليج ابوس ايدج ساعدينيرح يموتني رح يكتلني بـ مكاني.