رواية جرح الأيهم الفصل الثامن والعشرون 28 - بقلم أيلان

خصوصاً أنا عندي أنياب ضغطت بهن على إصبعه لمن عضّيته بكل قوتي. رفع راسه و ضحك متجاهل وجع إصبعه. -بس أنتِ ما تعرفين ويامن اندكيتي. مُلاذ: ويامن اندكيت؟ وي جلب اندكيت؟ تقابل يرادلها علم الذرة. خزرني و ضربني راشدي. نداريت اله و ابتسمت. مُلاذ: تعرف روحك جلب. رجع ضربني مرة ثانية. تعلمت ما أبين الهم ضعفي أو أسكت. ظليت استفزه لا بد يجزع و يروح. مُلاذ: شبيك؟ زادت جرعة الجلابيه يمك؟ صرخ بـ وجهي. -اششش و لاااا حسسسك.

شالت ملامحي. دحگتله من فوق لـ جوه. مُلاذ: دَ ولّي. دحگت لـ الواقفين. واحد يدور بوجهه و الثاني يطبك شفته. الثالث يسوي روحه ما منتبه و الرابع ضحك. دحگتله، أشرت بـ راسي اله. مُلاذ: جاي يضحكون عليك. اندَار دحگلهم عاگد حواجبه. وقفوا كلهم بـ استقامة ملامحهم جامدة. لكن شفايفهم اللي تبتسم لا إرادي تفضحهم. عاط بيهم، راح عليهم، گتلهم شبعهم بوكسيات. مُلاذ: اضرب ذاك أبو شوارب، مبين غثيث. اندَار دحگلي معصب، اجاني بسرعة.

-صافيناز وين؟ مُلاذ: و قزرقط، لا تصيح. انهال عليه بالضرب، اتسودن. طلع جكارة ورثها و أنا أدحگله، تذكرت أيهم. اتصلت بي لمن رادوا يخطفوني و ما أعرف إذا رد. أشر الهم يفتحون الحبال. ركضوا بسرعة فتحوهن. فتحوا إيديّ، ظليت أدحگ مستغربة. -أنتَ لزم إيدها لـ ورا و أنتَ ثبّتها. دحگت ما فاهمة. واحد جر إيدي لـ ورا. الثاني ظل مثبتني من أكتافي بكل قوته. رفعت عيني لـ رئيسهم، جر إيدي الثانية. رفع رادني، طفى الجكارة بـ إيدي.

من أول ما جر إيدي لحد ما طفى الجكارة. أنا أدحك بـ عيونه، ما رمشت حتى. عيوني جمرن من الألم. بس مو مثل أول جوية. عقد حواجبه مستغرب هدوئي. أموت و لا أطلع وجعي كدامه. و أخليه يتلذذ بـ منظري. كتمت كل حس. يشمر إيدي من إيده و ظل يدحگلي. بعدني أريد أفلت روحي منهم. جروا إيديه شدوها بسرعة. و شدوني بـ الكرسي مرة ثانية. -صافينااااز وين؟ مُلاذ: سايكو دايكو؟ -احجيييي. مُلاذ: منيه صافيناز؟ -لا تسوين نفسج ما تعرفييييه.

مُلاذ: زين خل نگول أعرفها. أنتَ منين عرفت أنا أعرفها؟ -ههههههه تفكرين كيكي ما رح يحجي؟ مُلاذ: يااااا أبو كذلة كرومي. الغسل، أنا هم گلت هو خنثى. اجا عليه جر وجهي بـ إيده. لزم فكي ضغط عليه. -صافيناز وين؟ مُلاذ: اگلك مكانها؟ -أي. مُلاذ: تعال أشاورك. عقد حواجبه قرب أذانه مني. مُلاذ: بـ جيبي. حجيتها و فوراً ضربت صفحة راسه بـ گصتي. لزم راسه متوجع مني. اتخبل اجاني يركض. مُلاذ: انگلب ثور. دفع كرسيي طحت ع الگاع.

ضربني على وجهي وكف، كام يرفس بطني. غمضت عيوني حيل، صكيت أسناني متوجعة. يضربني و يصيح "احجي". أتردد بـ داخلي. "نادي عليا مظهر العجائب تجده عوناً لك في النوائب كل هم وغم سينجلي بـ ولايتك يا علي يا علي يا علي" دائماً أمي تذكره بـ أي شي يصير بيها. ابتعد عني و هو يزفر أنفاسه بـ عصبية. تركني و طلع من المكان بسرعة. شي واحد خفت منه، خفت يغتصبني. بـ هذيج المرة هربت لأن كان عندي تلفون و كدرت أتصل و كنت ما مربوطة.

هسه شلون رح أهرب؟ شلون رح أطلع من هالماكان؟ هتان: كعدت بدلت ملابسي، وكفت أخلي مكياجي. نزلت جوه، أريد أتريك. عاينت لـ أيمن و لـ أمي. جريت كرسي و كعدت. هتان: ماما وين بابا؟ شنو رجع سافر؟ التفتت إلي أمي و هي تصب الجاي. زتت راسها بـ قبول. أمي: أي، رجع سافر. قوست شفتي و هزيت راسي بـ قبول. اجا أيمن لـ يمي كرص خدودي. أيمن: هتانو. هتان: أيمن. أيمن: شني ولج منين جايبه كل هالنمش؟ هتان: من السوق. أيمن: تحشش عود الفاهية.

ضحكت و هو ضربني ع راسي ضربة خفيفة. اندَاريت قمت أكرص بـ إيده. هتان: لا تضربني. أيمن: اش ولج اخوج الجبير. هتان: ننننن أكبر مني بـ سنة بس. أيمن: هم أخوج الجبير. قلصت عيوني أدحگله. التفتنا على دخولية أيهم الحارقة الغارقة. هتان: حريييييييق. أيمن: ناااااااار. ضحك أيهم. أيهم: انجبوا و كعدوا راحة. هتان: أيمن تلاحگلنا. أيمن: ما أكدر النار وصلتنـ. دحگنا لـ أيهم اللي يضحك. ضحكنا على ضحكته. رن تلفونه.

طلع التلفون من جيبه دحگله، صفن ثواني. أيهم: شهالمصباح الحلو. طلع من يمنا بسرعة. عقدنا حواجبنا ندحگله. راح وكف بـ الحديقة. رحنا وراه ندحگله يحجي بـ التلفون. لـ ثواني نزل التلفون دحگله و رجع لـ أذنه. صوته مو واضح شنو يحجي. تقريب الـ ٣ دقايق التفتت لـ البيت. التلفون على أذنه. أيهم: الوووو، تسمعينيييي الوووو. دحگناله مستغربين. ركض اخذ سويج السيارة. طلع يركض من يمنا لحگه أيهم وراه يركض. ما افتهمت. طلعت وراهم دحگت.

وكف أيمن أيهم بسرعة. أيمن: شكووو؟ أيهم: وخر أيمن. صعد أيهم بـ السيارة. أيمن ركب بـ الصدر بسرعة. انداريت دحگت لـ أمي. وضعها مثل وضعي، هم مستغربة و ما فاهمة. هتان: شكو؟ أمي: يا رب خير. حجتها بـ قلق و هي تفرك رجله. رحت يمها لزمت ايدها أهديها. هتان: اهدئي ان شاء الله ماكو شي. يمكن تخص شغل أيهم، لا تخافين. فيروز: واكفة أنظف المطبخ، أغسل المواعين. رحت لـ غرفة مُلاذ نكثت جربايتها. فتحت كنتورها دحگتله.

فيروز: أخيراً سفطت كنتورها. سديت باب الكنتور و وكفت أنظف غرفته. الميت حمرها و مكياجها المتشطر على الميز. التفتت على أثر صوت دكة الباب العالية. لبست شالي و عباتي و الدك مستمر. استغربت دك الباب القوي، منو هذا؟ ركضت بسرعة ع الباب فتحتها. دحگت لـ الدكتور أيهم بـ صفه و ولد. دخلت غادة دخل وراها زوجها. فيروز: خيركم خاله شكو؟ دحگت لـ غادة تبجي و عيونها مورمة. فيروز: غااده؟ شكو؟؟ أيهم: خاله مُلاذ وين؟ فيروز: بالشغل.

أيهم: شنوو بالشغل؟!! فيروز: غير طلعت الصبح. أيهم: ما رجعت لـ هنا؟؟ فيروز: لا؟ شصااااير؟ شبيها مُلاذ؟ غادة شبيها بتي؟ غطت غادة وجهها تبجي نزلت لـ الگاع. كيت على رجليه أريدهم يحجون. تركوا البيت و طلعوا ركض. كل شي ما افتهمت. اتخبلت عقل ما ظل بـ راسي. كعدت كدام غادة، هزيتها كل قوتي. فيروز: ولج احجييييي ولج غااااااده. بتيييي شبيها غاده احجي. مسحت دموعها رجعن نزلن. بجت و هي كاعدة بـ الباب، باهر يمها يهديها.

اندَاريت اله حجيت متخبله و أبجي. فيروز: ولكمممم احجوووو شبيها مُلاذ. شصااااااار شبيها بتي؟ باهر: خاله بس اهدئي فدوة أروحلك. عطت بـ. فيروز: احجييييي. باهر: مُلاذ متصلة بـ أيهم. سامع صوتها تصرخ و منغلق الاتصال. حالياً جاي نحاول نوصل الها و نلكاها. اتيبست بـ مكاني، نظراتي جمدت عليه. الخايفة منه صار روحي راحت. بـ لحظتها صارت عيوني تشوش. الدنيا صارت سودة گدامي. ملاك: طلعت من المدرسة وكفت أنتظر سلطان.

درت بـ عيوني لگيته جاي من الطريق الثاني. بـ إيده كاسات، لمن شافني سرع خطواته نحوي. أنطاني كاسة، اخذتها من عنده. سلطان: خو ما تاخرت عليج؟ ملاك: لا، شنو هاي؟ سلطان: گهوة حارة، ضوكيها تحبيها؟ اخذت كمعه منها. ملاك: طيبة كلش. ابتسم و هز راسه بـ قبول. سلطان: نروح؟ ملاك: يلا. ظلينا نمشي نحو سيارته. تحمحم و احنا نمشي التفتت دحگتله. سلطان: ملاك. ملاك: امم. سلطان: أنتِ تعرفين بـ الحجاب مو؟ هزيت راسي بـ قبول. ملاك: أعرف.

سلطان: شنو نظرتج عنه؟ ملاك: كلش حلو بنات هواي يلبسنه و يانـ. ماما گلتلي البسه بس نسيت ما اتعودت. أريد أجربه بس من مُلاذ تطلع أگللها تشتريلي. ابتسم سلطان و عيونه تلمع. سلطان: أشتريلج هسه منا؟ ملاك: شنو؟ سلطان: حجاب. ملاك: بس ما أعرف البسه. سلطان: أنا البسج. ملاك: تعرف؟ سلطان: يعني حسب. ما شفت أمي شلون تلفه. هزيت راسي بـ قبول فرحانة. صعدنا السيارة اكو محل على طريقنا. دخلناله أنا و سلطان ظل يجرب الشالات عليه.

ابتسامة واسعة على شفتي اخذت واحد و لبسته. دحگت لـ روحي بـ المراية المخليها صاحب المحل. طلع الشال يجنن عليه. ملاك: هذا خل نشتريه حلو. سلطان: هاهيه. رحنا واشترينا، طلعنا من المحل. كفني سلطان گلي ابدي البسه من هسه. ملاك: لا مو هسه البسه. بعدين حتى من البسه ما يطلع شعري و البسه عدل و مرتب. هز راسه بـ قبول. اتجهنا لـ السيارة، گلت و احنا نمشي. ملاك: من نرجع أنطيك الفلوس. اندَار سلطان دحگلي بـ طرف عينه. سلطان: ما أجاووج.

سكتت و حكيت كصتي. ظلينا بـ هذا الهدوء لحد ما وصلنا. نزلت بعدني توني نازلة، عقدت حواجبي مستغربة سيارات صافه بـ بابنا. نزل سلطان مستغرب مثلي. تقدمت بسرعة دخلت لـ البيت. دحگت ملتمين كلهم بـ الصالة. عمي احمد و محمد و عمتي منار و نور و اسكندر. جسار، عزيز. دحگت لـ عمتي و نور، عيونهن مورمات. ملاك: شكو؟ رفعن راسهن شافني كامن ركضن عليها. جن الي بسرعة احتضنني لـ صدرهن ما فاهم. ملاك: شكووو؟ دخلت لـ الغرفة دحگت لـ أمي.

كاعدة ع الجرباية تون و دمعتها على خدها. يمها خالة جنات و من الجهه الثانية غادة. لازمات ايديها يفركن بيهن، يهدأنها. ملاك: شكووو؟ دحگتلي أمي يلي عيونها ذبلانة من كثر البجي. بجت اكثر، جسمها يهتز. التفتت دحگت بوجههم. عطت بيهم و أنا أسألهم شصاير. ملاك: وين مُلاذ؟ شكووووو؟ حجت الي نور يلي صار، اتهسترت تخبلت. قمت أبجي و أعايط، نور و غادة يهدن بيه. كله بسببي أنا خليتها تروح لـ هناك. غادة: قهرني حال أهل مُلاذ.

متت بـ دمي و بس أبجي ما أكدر أسكت. و أنا أتذكرها الصبح خابرتني. من بعدها أتصل بينا أيهم يريد يندل بيتها. استغربت، وصفت اله مكانهم ما عرف. اجا اخذني أنا و باهر، دليته بـ بيتهم. لمن سولفلنا معصب بـ السيارة. أول شي اجا بـ بالي مُلاذ تاذت و صارلها شي. و لمن عرفت من جسار كل شي اتخبلت اكثر. لـ العصر احنا خابرنا الكل و تواصلنا و ضرغام. أيهم راح لـ طريق المزرعة يشوف سيارته. باهر و أيمن لحگوه. رفعت تلفوني اتصلت بي، ما جاوبني.

اتصلت اكثر من مرة يلا جاوب. غادة: وييييينك انت؟؟ باهر: ها عيني التلفون ما جان يمي. ما تحملت بجيت. غادة: ما لگيتو شي باهر؟ باهر: لگينا سيارتها ع الطريق. بس أيهم ما خلانا نلمس أي شي. و هسه اتصل بـ ضابط ما أعرف شنو. اخذوا سيارتها و جاي يدورونها و أيهم لحگهم. انتوا ما عرفتوا شي؟؟ غادة: جسار سولف عن تهديدات واصلة. باهر: تهديدات شنوو؟ غادة: جسار يگول مهددين مُلاذ. و مخلين قناصين ع أهلها. گايله لـ ضرغام و متصرف بالموضوع.

سوده عليه كل هذا صاير بيها و ما ندري. باهر: اوكفي هسه جايين و نفتهم منكم. خل اخابر أيهم. سد الاتصال مني. خلال ساعة اندك باب البيت. طلعت فتحت الباب دخلوا أيهم و باهر و أيمن. باهر: صيحيلنا جسار. غادة: خو ادخلوا. باهر: لا يابه عيب أهل بيناتهم. غادة: ادخلوا عادي. هي اتصلت بـ أيهم ليش؟ عبرنا أيهم و دخل بسرعة. رحنا وراه، دحگت لـ اسكندر الموسع عيونه. و جسار واكف يحاجي أيهم.

جسار: شوكت اتصلت عليك بس فهمني. صار لي من الصبح منتظرك تجيي. أيهم: أنت الفهمني يا تهديدات؟؟ جسار: گايليلها اخذتي بنية من عدنا و مخليلها ورد و بي بطاقة مال تهـ... بعده جاي يحجي قاطعهم اسكندر. لمن گام وكف وهو يحجي. اسكندر: اوكف اوكف. أنت شتسوي هنا و تفتر بين نسوانه؟ دحگله أيهم. دخلوا باهر و أيمن. أيمن: يابه شني السالفه؟ نفتر بين نسوانكم شني؟ جايين احنا علمود البنت نعرفها و خوش انسانه. خطية واگعة بـ مصيبة نريد نساعد.

اسكندر: ما نريد منكم لا مساعده و لا شي احنا نلكاها. اندَار أيهم اله خزره. كز على سنونه. أيهم: أنت اسكت. وين تلكاها بـ كعدتك هاي؟ اسكندر: ليش أنت التلكاها؟ أيهم: الگاها و غصباً ع اكبر شارب. أنت ابقى اتختل و سد حلكك. گبت بيناتهم صار مصايح و هوسة. أيمن و باهر و جسار لازمين أيهم. و ذولاك لازمين اسكندر. اسكندر: شنووووو علاقتك بيها و تتصل بيك؟ و لو احنا تعودنا ع سوالفها مال *****. وسعنا عيوننا مصدومين.

قمنا نتلاطم، حتى اهله عاطوا بي. طفر أيهم عليه شبع كتل و الصياح صار أعلى. طلعن البنات مخترعات و دموعنا على خده. جروا أيهم جر من فوك اسكندر و طلعوه. لحقتهم ركض، جسار حجى لـ أيهم كلشي. أيهم: يااااا بننننننيه غير افتهم. جسار: شمدريييني أنا يا بنييييه! اتقدمت مشيت بـ خطوات سريعة. وكفت يمهم و أنا أفرك ايد بـ ايد. گلت و أنا مخلية احتمال هـ الاسم. غاده: صافيناز. التفتوا ثنينهم دحگولي. بـ نفس اللحظة، نطق أيهم مستغرب.

أيهم: صافيناز؟ غاده: يلي كانت وياها بـ نفس المكان. لمن انخطفوا كانو ثنينهم بـ نفس المكان. أيهم: شعليهاا هي؟ غاده: لمن خطفوها باعوها لـ شخص مهووس و هذا كان يحبها و ياذيها و ياذي روحه. بعدين اطلق النار عليها و لگيتها مُلاذ. شردتها من المكان الي هي كانت بي. و صافيناز گالت أكيد هسه هو يدور عليها. اتقدم أيهم بسرعة لـ السيارة. أيهم: وين بيتهاا؟ غاده: لازم أدليكم ما تندلوه هيج. باهر: تعالي ويانا. صعدوا جسار و أيمن بـ سيارة.

و أنا و باهر و أيهم بـ سيارة، أدليهم بـ البيت. أيهم خبلنا يسوق طاير بين السما و الگاع. باهر و أيمن يتصل بي يتعاركون وياه، خبلنا. وصلنا لـ بيتها نزلنا بسرعة. دكيت الباب عليهم، انفتح الباب طلعلي ابوها. -أهلين بنتي. غاده: هلو عمو صافي موجودة؟ -أي موجودة صاير شي؟ غاده: عمو كلش نحتاجها ضروري. لازم نحاجيها بـ شغله تخص صديقتنا. -اتفضلي اتفضلي يابا. رح أناديها و انتوا ادخلوا البيت.

دخلنا ودانا لـ الاستقبال، ظلينا منتظرين صافيناز. فتحت الباب دخلت لـ الاستقبال، دحگتلنا بـ استغراب. صافيناز: شو صاير؟ قمت الها بسرعة، سولفت الها مختصر. ظلت ترجف و تبجي روحها راحت. اتخبلت من عرفت هالشي بسببها. رغم هي مالها أي علاقة بـ الموضوع. أيمن: يابه بس اهدي و سولفيلنا. انهارت تبجي، دحگت لـ أيهم عيون حمر. و عروگ كصته ناطة عاط بيها. أيهم: احجي عاد وكت بجي؟؟ أيمن: شبيك أيهم ع كيفك. فرك وجهه متنرفز.

صافيناز حجت الهم عن خطفها و بيعها. و شنو يلي صار و ذكرت الهم مواصفاته و اسمه. لـ يا أماكن يروح و شنو لگت عنه. صار المغرب و هي تحجي النا كل شي عنه. بعد ما اخذ أيهم معلومات كافية كام بسرعة. طلعت وراه هو و باهر. طلبت من جسار و أيمن يبقون يم صافيناز. بقوا جوه يهدئون بيها، وكفت بـ باب الشارع. باهر لازم أيهم و أيهم يريد يعبره يروح لـ السيارة. يتدافعون بـ نص الشارع. باهر يحاول يمنع أيهم يروح لـ السيارة.

باهر: ياااااابه شبييييك تخبلت؟!! أيهم: وخرررر بااااااااااهرباهر: شعليييك بيها يمعووود ننطي خبر لـ اهلها و يروحون! أيهم: وخرررر عني لا أحرك والديك. باهر: أنتتتت شعليييييك شدخلك بيهاا. شنووو تروح لـ مجرميييين سـ... قبل لا يكمل باهر. عاط أيهم أعصابه تنتفض. أيهم: احبهاااااا ياااااا نقمممة الله احبهاااااا. روحي بيهااا لو أعرف أموت ارووووحلها. اتصنم باهر بـ مكانه مصدوم. حالي ما يختلف عن حالته، بلعت ريگي.

دحگت لـ جسار و أيمن و صافيناز. الواكفين، سمعوا كلامه. دفع أيهم باهر عنه، صعد سيارته. ركض باهر وراه يريد يصعد ويا. حرك و طلع ع الطريق. ظلينا واحد يدحك بـ وجهه الثاني. غاده: مين رح يلگاهم؟ أيمن: يلگاهم. صافيناز: كيف؟ أيمن: إذا خلاهم بـ راسه. لو يطيرون لـ سابع سما يلحگهم. و الاخ يحبهه طلع مهمد صلوات. خوش صدمة اكلنا. اتذكرت كلام هتان لمن حجت عن بنية يحبها أيهم. عادت ذكرياتي لـ وقت يجي يغني بـ الكلية.

بديت اربط شوية شوية، كل مرة انصدم اكثر. صافيناز خبلتني تريد تروح تسلم روحها للخاطف. أيمن: شني أنتِ مسوية هذا فد حل؟ صافيناز: كيييف بدها تطلع. هو بدياااني هي شو ذنـ... أيمن: لا بدُياج ولا بدُجيا. لا تخوطين بـ صف الاستكان. حيوان مريض نفسي يا ذنب بعد؟ ظلت ساكته تدحك بـ وجه أيمن. عيونها انملت دموع. أيمن: عليمن تبجين ي حظي علييمن؟ صافيناز: رح يقتلها بـ سببي.

أيمن: عمي شو خل اطلع. هاي سوت عندي جالي. و انتوا كلكم ساكتين و صافنين. اروح الحگ أيهم أشرف لي. طلع و عافنا. باهر: كومي يلا خل نروح. كمت لـ يمه، حجيت بـ صوت ناصي. غاده: رح أبقى يم صافيناز. شوف حالها خطية شلون أعوفها؟ باهر: يمعودة لا يروحون يهدون ع البيت. لو يسوون الج شي؟ غاده: لا تخاف ما يصير شي ان شاء الله. باهر: تمام اجيج بعد شويه. هزيت راسي بـ قبول. طلع جسار، اتبعه باهر وكفنا بـ الباب.

باهر: انتبهي لـ نفسج. أي شي يصير خابريني. هزيت راسي بـ قبول. باس كصتي، راح صعد وي جسار. سديت الباب، دخلت يم صافيناز. فحطت من البجي، تلوم بـ روحه. تخابرني مناك نور تگلي ملاك اتخبلت و تصيح "من وراي أنا خليتها تروح". خالة فيروز بس تبجي و گوه مخليها تنام. بـ الأدوية و الإبر يلا نايمة و البيت محروك. ذبيت نَفسي گلبي يوجعني صديقة روحي. مرت بـ كل هذا و ما ظهرت النا. مُلاذ: المكان بدأ يصير أظلم.

فتحوا الحبال من الكرسي و خلوني نايمة ع الگاع. عادت بـ ذاكرتي المشاهد لمن خطفوني. ظليت ساكنة بـ مكاني و راكدة. أدحك لـ كل المكان و أحاول أسوي خطة هروب. ياستوعبت تدريجياً كل اللي جاي يصير وياي. عشت أشكال وألوان من الأشياء و بعدني أعيش. شلون رح ينتهي بيه المطاف مقتولة بـ يا طريقة؟ مرت فترة طويلة كـ العادة ما عرفت أقدره. لـكن على الأغلب مرت يومين. يدخل رئيسهم يسألني ما أجوبه. يدفر بطني و يظل يضربني و أنا أغلط عليه.

لحد ما يطلع و هو مأيس. يدخل رئيسهم سألني أكثر من مرة. ما حصل جواب. رفعت عيني دحگتله. قمت من مكاني كعدت ع حيلي. شعري نازل ع وجهي. دحگت لـ الـ سجينة تلهب من ناره. أبلعت ريگي، رجعت لـ ورا. أزحف. أنضربت بـ عمود وراي، أتقدم الرئيس. -صافيناز وين؟ مُلاذ: ما أعرف صافيناز. رفع السجينة خلاها ع رقبتي. غمضت عيوني صرخت بـ صوت مكتوم. جسمي اشتعل نار أنفاسي ترتفع و تنخفض. ما گدرت أقاوم، أغمى عليه. فزيت مرة ثانية دحگت الدنيا ليل.

ظليت ع الگاع صافنة و منتهية. دحگت لـ رئيس هذي العصابة دخل يمشي بـ هدوء. دحگتله خازرته. -يلا سولفيلي وين صافيناز؟ مُلاذ: گلتلك بـ جيبي ما صدكت. -الظاهر الكتل ما يفيد وياك. مُلاذ: جؤ كل شي ما يفيد وياي. -بس الدكتور يفيد. دحگت بـ وجهه مصدومة. دَرت بـ عيوني، دحگتلهم دخلوا أيهم. ردت أكعد عدل، تأذيت كلش. مُلاذ: أنت شتسووي هنا؟ دحگلي أيهم مربطين ايديه. بسرعة فلت روحه من عدهم. ركض الي، كعد كدامي. أيهم: مُلاذ!!!

نزل نظره ع رقبتي. وسع عيونه بـ صدمة رفع عينه الي. مُلاذ: شنو تسوي هنااا؟ شجاااابك؟ دحك بـ عيوني عيونه خبطن دم صارن. ظل هادء لزموه الحراس كعدوه كدامي بـ مسافة. ايديه مشدودة لـ ورا، شدو رجلين أيهم. الرئيس بيناتنا كاعد ع كرسي بس بـ المگلوب. -عبالج الدكتور رح من ايدينا؟ لا لا غلطانة هواي استخفيتي بينه. مُلاذ: حيوان ما عندك شغله و عمله. أيهم: اوافقج الرأي. عقد حواجبه يدحگلنا احتار يضرب.

اذا يتدنى يم أيهم يضربه أيهم گله يموته بـ گاعه. اتقدم اخذ أيهم من مكانه خلا كدامي. كاعد ع ركبه يدحك بـ عيوني. أدحك لـ المسرحية الي تصير. التفتت الرئيس لـ الحراس. -لمن اخذتوا اجد وراه جان لو شافكم؟ -لا سيدي. -فتشوه زين؟ -نعم سيدي فتشناه. ابتسم بـ شر، طلع سلاحه من خصره. سحب أقسام، خلا السلاح بـ راس أيهم. بلعت ريگي عيني ع أيهم، صاكة أسناني. -وين مكان صافيناز؟ مُلاذ: ما أعرف. -مكااااان صافيناز وييين؟

كزيت ع أسناني و صرخت بـ. مُلاذ: ما أعرف. نزلت عيني لـ أيهم گلبي ينبض بـ خوف. شيسوي هنا شجابه لـ هنا! -أخير مرة مكان صافيناز؟ دحگت لـ أيهم، بلعت ريگي. غمض عيونه بـ معنى "لا تحجين". هزيت راسي بـ رفض، وجهي صار نار. مُلاذ: عوفه هو ماله علاقه. أيهم: مُلاذ. ضغط بـ إصبعه ع الزناد. تدريجياً حسيت السلاح رح ينفجر. عطت بسرعة استوقفهم. مُلاذ: اوكف اوووكف. دار عيونه دحگلي.

مُلاذ: منطقة #### كاعدة هي و ابوها. اسأل عنهم و رح تلگاهم. ابتسم بـ انتصار، تركني و طلع. دحگت لـ أيهم الي كدامي. طلعوا كلهم سمعته يگول لـ حراس يبقون بـ الباب. مُلاذ: شتسوي هنا شجابك؟ أيهم: لَـذه استعجلي كدامنا بس ٧ دقايق. عقدت حواجبي. مُلاذ: ٧ دقايق لـ شنو؟ أيهم: بعد هاي الـسبع دقايق رح ياكلون طن و حلم. مُلاذ: شلون؟ حاول يوكف من مكانه. رجليه مشدودة اجاني يكمز. أيهم: لييييش انطيتي العنوان؟

مُلاذ: كذبت عليهم هذا مو عنوان صافيناز. أيهم: أنتِ شگلتي؟ عدت اله العنوان الي انطيته، ضحك. وصل لـ يمي شمر روحه. مُلاذ: شتريد ولك وخر. أيهم: لَـذه و داعتج الا اكسر ايدين الاذا. مُلاذ: رح بعد وين تكسر ايديه. رح تظل بـ نفسك. أيهم: وين يروح مني؟ اسمعي لَـذه رح اصير وراج و اخلي حذائي كدام رجلج، رجلي اليمنى. انتبهي اليمنى مو اليسرى، نزعيها الحذاء و نزعيها الجواريب. مُلاذ: شنوووو باقي بس أنزعك حذائك. لا هاهيه كملت.

أيهم: انعل ابو الفواصة. ولج نزعيني الحذاء ضام من جوه موس. وسعت عيوني مصدومة. مُلاذ: ما أنلاميت من سميتك ام سوادي. خلا رجله بـ إيديه. حاولت أجر حذائه لحد ما طلعت. مُلاذ: دني رجلك ماااا الوح. أيهم: ولج يلااا. نزعته جاروبته. أيهم: طااااح الموس. طاح بالگاع وراج بالضبط. بعده بـ غلافه جديد. مُلاذ: شيسوي الموس بـ رجلك؟ أيهم: جبته وياي اعرفهم ذولة الـ****. اخذت الموس بـ ايدي، زحف أيهم لـ يمي. صار ظهره بـ ظهري.

أيهم: انطيني الموس. مُلاذ: وين ايديك؟ أيهم: هياته. مُلاذ: وينهن هياتهن؟ أيهم: ولج لَـذه ما أكدر ألمسهـ. مُلاذ: بيها جرب. أيهم: لا بس ما أريد المسها بالحرام. شمرت الموس بـ إيده. ظل لحظات يسوي بالموس ع الحبال. فتح ايدينه و رجليه، اندار فتح ايديه بسرعة. ابتسمت بـ فرح لزمت ايد بـ ايد. دحگت لـ رجلي المشدودة بـ سلسلة. جر أيهم السلسلة حاول يطلعها كمت أرافس. أيهم: مُلاذ رح أوكف يم الباب. اضرب ع الحايط حيل و صرخ.

مُلاذ: شنو ليش؟ أيهم: سوي الگلته. عقدت حواجبي ظليت بـ مكاني. اتقدم أيهم وكف ورا الباب. ضرب أيهم ضربات متتالية ع الحايط. صوتهن حيل عالي و أنا صرخت. أنفتح الباب دخلوا الحراس مستغربين. أيهم واكف ورا الباب و أنا أصرخ. هو وراهم دفر واحد بـ ظهره وكع يمي. و الثاني جر راسه ضربه بـ الحايط. ظليت أدحگله موسعة عيوني مصدومة. راد يكوم يلي يمي. رفعت ايدي ع راسه ضربته بـ الگاع. لحظات فزينا ع صوت الرمي. مُلاذ: شنو هذا الرمي؟

أيهم: مال دوريات و الضباط. اشتباك بينهم و بين الخاطفو. مُلاذ: رح تفهمني الصاير بس نطلع مو؟ اتقدم يدور المفاتيح بـ جيوبهم. لگا سلاحهم اخذها من عندهم. هز راسه بـ قبول. لگا مفتاح قفل السلسلة. اجاني يركض فتح سلسلة رجلي. قمت بـ صعوبة ايديه توجعني من الحبل. أفرك بيهن و مكان الجوية يحرگني. التفت الي أيهم، عيوني غوشن غمضتهن حيل. گوه مقاومة و واكفة ع رجليه. أيهم: لزمي بـ ملابسي. لزمت بـ ملابسه بسرعة. ظل يمشي و أمشي وراه.

وصلنا لـ الباب نريد نطلع. اجتنة طلقة تايهة طاحت بـ زند أيهم. مُلاذ: أيهم!!!! أيهم: اشش اهدي من نطلع نعالجها. هسه أنتِ ظلي هادئة تمام؟ مُلاذ: أيهـ..... بعدني أريد أحجي، دارت الدنيا. راسي صداع اشتد، فقدت وعيي. فتحت عيوني دحگت. فوگاي مسعفين دورت بـ عيوني. دحگت أيهم كاعد و يضمدون بـ جرحهم. مُلاذ: أيهم. دحگلي بسرعة قرب وجهه الي. أيهم: مُلاذي، ها شتحسين؟ يوجعج شي حاجيني؟ هسه رح نروح لـ المستشفى. هزيت راسي بـ رفض.

مُلاذ: ليش نروح لـ المستشفى؟ أيهم: نعلگلج مغذيات. لأن صارلج هواي ما ماكلهم. مُلاذ: أيهم شلون لگيتني؟ أيهم: بعدين أسولفلج كل شي. هسه أنتِ ارتاحي. مختنقة كوه أتنفس، گلت لـ أيهم. علگولي اوكسجين، رجعت غمضت. ما گدرت أبقى مفتوحة عيوني اكثر. فتحت عيوني لگيت نفسي بـ المستشفى. الكل ملتمين يمي و أمي تبجي. أيهم واكف و متجتف لمن شافوني فتحت عيوني. أجو يركضون عليه، يسألون عن حالي. بلعت ريكي هزيتلهم راسي بـ معنى "أنا بخير".

اجت أمي تبوس بـ راسي و تحضن بيه لـ صدرها. صحت شويه كدرت أحاجيهم. ضرغام أساساً يعرف كل الصاير ما احتاج يعرف مني شي حتى. فيروز: بعد مستحيل تطلعين لـ مكان وحدج. ابتسمت، تك خدم. مُلاذ: ها تصيرين حماية الي فيروز؟ حجت و هي تبجي. فيروز: اش اش و لا كلمة. ظليت ساكتة، ملاك و أمي يبوسن بيه من الجهتين و ملزمات بيه. غادة تمسح ع شعري نور و عمتي يعدلن بـ مخدتي و بـ الغطى و كاعدات يميلـ الليل و ما خلوهم الولد يبقون.

بقت أمي و عمتي منار يمي و اخذوا الباقين. كل ما ادحك لـ أمي الگاها تبجي و تلوم روحه. بعد محاولات مني و أنا أشوفها تغفي و تفزا. اطلب منها تنام ما تقبل، أخيراً نامت. لـ الفجر ظليت أنا كاعدة لأن نمت هواي. دحگت لـ أيهم اللي دخل الغرفة. شاف عمتي و أمي نايمين گام يمشي بـ هدوء. وصل يمي وكعد قدم ظهره گال بـ همس. أيهم: ليش كاعدة؟ مُلاذ: نمت هواي. أنت شتسوي هنا؟ أيهم: جيت أشوفج. مُلاذ: إيدك شلون صارت؟ أيهم: تخبل كل شي ما بيه.

مُلاذ: أكيد؟ أيهم: أي. لَـذه. مُلاذ: ها. أيهم: تكدرين تقومين أريد أحاجيج. مُلاذ: وين؟ أيهم: لـ المكتب. مُلاذ: خاف يكعدون و ما يلكوني و يخافون. أيهم: لا تخافين نرجع بسرعة. هزيت راسي بـ قبول. اريد افتهم شجان يسوي بـ نفس المكان. قمت ع كيف و هو يحاول يساعدني. وخر الي المغذي، خليت رجليه ع الگاع. واكف كدامي رفعت عيوني دحگتله يدحگلي. بلعت ريگي نظراته حلوة تخرع. مُلاذ: ها نروح لو نظل صافنين؟

أيهم: أريد أصفن بيج كل عمري. بس هسه ما يسمح الوضع. أريد أرزلج. مُلاذ: ليش؟ أيهم: تعال. وكفت ع اطراف أصابيعي. مشيت بـ خفة و هو كدامي. فتحنا الباب، انجفلنا ع صوت عمتي. منار: وين رايحين؟ مُلاذ: ها عمه شسمه؟ أيهم: أريد أشوف نسبة دمها. خاف تحتاج بطالة دم وجهها أصفر. منار: بـ هالوقت؟ أيهم: أي أفضل. ضحكت عمتي بـ خفوت. ظليت عاكده حواجبي و أدحگلها. هزت راسها بـ قبول ما مقتنعة سمحت النا نروح. طلعت بسرعة من الغرفة أنا و أيهم.

مُلاذ: كله من وراك فضحتنا. أيهم: لَـذه ما تكدرين توكفين ع رجليج. مُلاذ: مابيه شي هسه نوصل مكتبك. أيهم: تسندين نفسج عليه؟ لزمت بـ ردانه و سندت روحي. وصلنا لـ مكتبه دخلنا و كعدنا. مُلاذ: بسرعة سولف شتسوي هناك؟ أيهم: أنتِ السولفي اول شنو سالفة التهديدات. ليش ما اجيتي و گلتيلي؟ مُلاذ: شنو يا تهديدات؟ أيهم: مُلااااذ. بلعت ريك، حكيت راسي. مُلاذ: احجيلي شتسوي هناك و احجي الك عن التهديدات.

أيهم: ورا ما يومين ندور علي. اجة اتصل بيه ضرغام ماخذ رقمي من زميلات. گلي اكو واحد يلحگني و يراقبني. سألته منين يعرف. گلي ع الحماية الي وراي. مبلغين ضرغام بـ شخص يراقبني بـ كل مكان. مبلغني لازم اخذ حذري لازم. حجالي عن التهديدات و عرفت من صافيناز الي صاير بيها و الي خطفج نفسه الي يريدها. انه ردتها من الله سوينا خطة انه و ضرغام. طلعت ع طريق فارغ خليت أيمن وراي. و ضرغام من جهه ثانية. شفتهم بدوا يسرعون عرفت صار وكتها. خليت موس بـ حذائي اعرف يشدون ايدينا قابل يخلونا هيج سفر. دحي. وكفوني ع الطريق نزلوني من السيارة. أنه هم سويت روحي ما أدري. لفخت هذا و ذاك راشدي، كتلتهم. كضوني غطوا وجهي و شدوا ايديه عود. هيج نجرين همَ أولاد الـ **** و جابوني الج.

مُلاذ: بالله لو مسويلك شي؟ أيهم: سولفي سالفة التهديدات. لا تضيعيها بـ الحجي و الأسئلة. مُلاذ: هددوني بيكم أنت و أمي و ملاك. أيهم: ليش ما گلتيلي؟ مُلاذ: ليش اگلك؟ و شلون اگلك؟ أيهم: هسه أنتِ شايفة الحجي الي بگلبياذا أحجي ما تبقين دقيقة بعد يمي. أنتِ ما تخافين ع روحج؟ ما ترگدين ما تتوبين ما تكعدين بـ مكانج؟ مُلاذ: شسوي مثلاً؟ أيهم: الي ضربج الرئيس مو؟ مُلاذ: أي. أيهم: *****. مُلاذ: شسويتله؟

أيهم: خليت ايديه جوا التاير و دست عليهم. مُلاذ: شنوووو؟ شوووكت؟ أيهم: قبل شويه. مُلاذ: تحجي صدددك أنت؟ أيهم: أي. نعم. مُلاذ: شنووو اي نعم. منين لگيته أنت مو راح لـ صافيناز؟ أيهم: و أيمن المن مخلي يراقب؟ غير حتى من يطلع هالكلب يلزمه الي. ظليت موسعة عيوني و أدحگله. أيهم: الي يمسج اچوي بـ ناري. مُلاذ: أيهم شسووويت أيهم!! أيهم: يا بعد اهل و عشيرة أيهم. مُلاذ: أنت واعي لـ السويته؟ أيهم: كلش واعي، ما متندم قيد شعرة.

اتقدم وكف كدامي اريد أحجي ضيعت الحجي. صار وجهي كدام بطنه رفعت راسي دحگتله. أيهم: لَـذه. ظليت أدحگله. و هو كمل كلامه. أيهم: لـ هذا السبب گلتيلي ابتعد؟ ظليت أدحگله ساكتة. كنبص كعد كدامي. أيهم: ها؟ مُلاذ: أيهم لازم أروح. أيهم: ما ترحين مُلاذ هالمرة ما ترحين. جاوبيني لـ هذا السبب حتى لا أتأذى؟ مُلاذ: لا ماله علاقة. أيهم: بـ داعة ابوج. خزرته و عطت: أييييهم. أيهم: جَرحه، جاوبيني. بداعة ابوج احجي الصدك.

مُلاذ: وخر أيهم لااازم اروح. أيهم: جاوبيني و أتركج. قمت بسرعة ردت أطلع. اتقدم قفل الباب و وكف كدامي. أيهم: جاوبي كافي تشردين. واجهي روحج و واجهيني مرة وحدة. مُلاذ: أيهم افتح الباب. أيهم: ما رح ينفتح الباب الا بعد جواب. جانطيته ظهري لزمت بـ راسي. ضغطت عليه بـ ايديه، انداريت اله دحگتله. حجيت و أنا معصبة منهم. مُلاذ: أنت لييييش جاي تسوي بيه هيج؟ أيهم: شسوي؟ مُلاذ: أيهم عوفني.

أيهم: كافي تشردين مُلاذ. جاوبيني ع سؤالي و اطلعي منام. مُلاذ: ما عندي أي شي وياك. اي شخص بـ مكاني رح يخاف. أيهم: محد رح يخاف. ضربت رجلي بـ الگاع. عطت بي: أيهم كااافي. أيهم: جاوبي ليش گلتيلي ابتعد؟؟

مُلاذ: أنا مو روبوت أنا ممكن تصير عندي مشاعر. أنا أحس و أحتار و أتعب و أحاول و أبتعد. أنا مو حجارة و لا حايط حتى أكون جامدة. و طول الوقت لازم أكون مثل الصنم. لازم أتصرف بـ جدية و انتبه ع كل تصرف. تعبت أكون أنا الشخص الي يمنع الأغلاط. ما أريد أوووكع بـ غلط أيهم كافي تعبت. أنا انسانه حسو بيه لا تخليني بـ هاي الدائرة. لأن أكرهه الدوران بـ هاي الدائرة. و أرجع لـ نفس النقطة، نقطة الصفر. أنا أصلاً ما أعرف الحب و المشاعر

شنو. بـ عمري ما صار عندي شعور لـ شخص. إن كان كرهه أو حب أو أي شي ثاني. هدرت كل عمري علمود ملاك و أمي. و ما متندمة قيد شعرة. هذا الجان لازم يصير. و أفضل شي سويته من خليتهم محور حياتي. لا تجي هسه و تسألني عن شي أنا أجهله. و حتى لو عرفته ما رح اسمح لـ روحي. حتى لو ما تريد مرتك عندك ابن منها. مستحيل أبني سعادتي ع تعاسة شخص ثاني. مستحيل أخلي طفل يعيش شعور العائلة المتشتتة بسببي. و لا أريد أعيش هالشي وي أي شخص.

ظل ساند روحه ع الباب و يدحگلي. أيهم: ليش تصعبين الأشياء هلگد؟ مُلاذ: لأن الأشياء التحجي عنهامو سهلة لـ إنسانة مثلي. أنطي شعور و ثقة لـ شخص. هذا شي عظيم يمي، مستحيل أنطي لـ أي شخص. أيهم: شفتي غلط بدر من بـ يوم اتجاهج؟ لمسة ما المسج اخاف عليج من الحرام. مُلاذ: أنت تعرفني تعرف ماضيي شنو؟ أيهم: ماضييج كله بـ ذاكرتي و أعرفهم. مُلاذ: تعرف من خطفوني شصار بيه؟ و شنو السبب يلي خطفوني علمه؟

أيهم: راضي بيج بـ كل الأشكال و بـ ماضييج و حاضرج و مستقبلج. مُلاذ: تعرف أنا شنو عشت هناك؟ أيهم: مُلااااذ كافي لا تخبليني. ما جان ذنبج و لا الج علاقة. مُلاذ: رح تبقى تحب قاتلة؟ أيهم: شنو؟ مُلاذ: أنا قتلت شخص...