رواية جرح الأيهم الفصل الثاني والعشرون 22 - بقلم أيلان

ما اتوقع عندك اعز من عائلتك. فيروز ذات الخصر النحيف والعيون البراقة. يتجمعون عليها ٣ من المتجوعين او ٤؟ يمكن اكثر. المتجوعين هواي ههههههه. مُلاذ بنتك الصغيرة اللطيفة اممم. ممكن يصير بيها مثل فيروز وممكن نزوجه. ممكن نبيعها او نربيها على انها بنتي هههه. واتخيل تصير هي تقتل بدالي هههههههه. الصغيرة اترك الخيال الك عن اللي يصير بيها. ٥ سنين ما تكمل وتتعلم على القتل والدم هههه.

اختار إلياس عائلتك او الولد. خلينا لك ذكرى لطيفة بالظرف تكدر تحتفظ بيها. انقطع الصوت. دحگنا انا وجسار لبعض. الحيرة تاخذ حيز من تفكيرنا. جسار: الولد منو؟ مُلاذ: عيد الكلام. عاده جسار مرة ومرتين وثلاثة واحنا نستمع ونحلل وانا ينعصر قلبي كل ما اسمع كلامه وتهديده بأمي وملاك. مُلاذ: الولد منو؟ شنو علاقته بأبوووي! جسار: مادري مُلاذ بس هذا التسجيل راح يساعدنا ورح يساعدنا هواي هم.

مُلاذ: عن طريقه راح أكدر أفتح القضية مرة ثانية. بس يبقى كل شي مجهول وخصوصاً اللي قتل أبوك من أهلنا. شلون راح نلكاه؟ شلون راح نعرفه؟ جسار: ما اعرف. عقلي راح ينفجر. الولد منو؟ ما ذكره الكم أبوكم أبد؟ مُلاذ: لا أبد. أصلاً كنت على طول يمهم هو وأمي وما ذكر لها أي ولد ولا جاب طاري لهيج موضوع. شوف جسار الچتال مادام كان يريد الولد معناها الولد مهم له ويعرف شي وأبويه حماه منه. لأن ماكو أي تفسير ثاني ومستحيل أبويه يأذي شخص.

جسار: زين شنو ممكن يعرف؟ مُلاذ: الچتال قاتل. ممكن الولد شهد على جريمة أو أي شي ثاني يخص الچتال. أو ممكن الولد قريب لشخص. الچتال يريد ياذي كل شي. جاي أتوقع وكل الاحتمالات جاي أخليها كدامي. جسار: شلون راح نوصل للـ چتال؟ شلوووون! مُلاذ: اللي بالسجن اللي خطفوني. بس هم يكدرون يوصلونا للـ چتال. جسار: مو كتي ما يعترفون عليه؟ مُلاذ: زلة لسان منهم توصلني لكل شي. قاطع كلامي اتصال سلطان عليه. ذكرت هم متصلين عليه هواي.

مُلاذ: شبي سلطان؟ جسار: شبي؟ مُلاذ: هو مو بالبيت؟ جسار: لا. رديت على الاتصال بسرعة. مُلاذ: سلطان؟ سلطان: مُلاذ ويييينج وييينج. هاي المرة الألف اللي اتصل بيها عليج. مُلاذ: شصااااير شكو؟؟ سلطان: ملاك مدري شصار بيها. تعااال. واسكندر الجلب ابن الجلب يرمي ببابكم. مُلاذ: شنوووو؟ ليييش؟

نزلت من سيارة جسار بسرعة وجسار نزل وراي. رحت لسيارتي صعدت وأنا أحاجي سلطان وهو يستعجلني. يقول هم بالبيت. صعد وياي جسار. شخطت السيارة من الكاع ورحت للبيت. اتصل على أمي ما تجاوب. رجعت اتصلت على سلطان يقول أمي هم متخربطة. خابرت على اسكندر أريد أفهم هذا الحيوان شبي. ما جاوب عليه. ذبيت التلفون من إيدي. وصلت للبيت نزلت أركض. حتى بيبان السيارة عفتهن مفتوحات. أدحگ للباب مزرفة تزرف بالطلقات. الجوارين متجمهرين كدام بابنا والباب مفتوحة.

صاح بيهم جسار وطلعهم. دخلت للبيت. رحت على أمي دحگتلها كاعدة على الفراش ووجهها مخطوف أصفر. رجعت دحگت من الجهة الثانية ملاك متمددة وسلطان يضربها راجديات خفيفة حتى تصحى وهي صافنة بالسگف وتدحك. احتاريت. رحت لأمي. مُلاذ: يمه بيج شي؟ يوجعج شي؟ حاچيني دحگيلي. هزت راسها برفض. قالت بروح رايحة: شوفي أختي.

أخذت كاسة مي شربتها وغسلت وجهها. انداريت رحت لملاك. كعدت ع الكاع رجليه ما تعينني. أضرب ع خدها راجديات وأحاول أصحيه. ما تصحى. گمت بسرعة أدور على قلم. درت علبة الأقلام لكيت وأخذت. خليته على أظفر إصبع ملاك بإصبعها الإبهام وأضغط بالقلم. إذا تأذت بهاي المنطقة ممكن تصحى بس ما صحت. اتخبلت متت من الخوف عليها وأمي من جهة تعيط وتبجي.

سلطان: ولج الدكتووور مدري وين صار. بالبداية كانت تجاوبني وتحاجيني. هسه سكتت ما تتحرك. اشتعل أبوك اسكندر.

ظلينا نحاول نصحي ملاك. أخذت مي غسلت وجهها. خليت راسي على گلبها ينبض. رجعت أخذت القلم حفرت إصبعها حفر بس أريد تحس عليه وتصحى. بعد محاولات فجأة صدر صوت شهقتها. رفعنا راسنا دحگلنالها وأنا لزمت بإيدها وسلطان يمها. أمي لزمت بمشايتها وقامت اجتنا. ظلت صافنة علينا ومتألمة من إصبعها. اجت أمي يمها وضمتها لصدرها وتبجي من خوفها على ملاك. حتى أنفاسها كتمتها. عقل ما ظل براسي. كاعدة ع الكاع وصافنة. ملاك بدت تتذكر تدريجياً وكامت تبجي.

بلحظتها التفتنا على صوت أيهم اللي يصدر من الصالة. أيهم: سلطان. كام سلطان وأمي عدلت شالها وضمت ملاك لصدرها أكثر. دخل أيهم هو وسلطان. دحگلنا وسلم علينا. راح لملاك يشوفها ويفحصها. سلطان: دكتور ظلت صافنة بالسگف لفترة طويلة ومُلاذ گوه لمن خلتها تصحى. دحگلي أيهم. رجع عيونه على ملاك. أيهم: شلون صحيتيها؟ مُلاذ: ضغطت بالقلم على إصبعها. بالبداية ما صحت بعدين ظليت أضغط أكثر لمن صحت ورا فترة طويلة يعني. أيهم: زين سويتي.

رجع يسأل ملاك إذا هي تحس نفسها زينة. يحرك بإصبعه السبابة كدام عينها وهي تتبع إصبعه وتدحگله. لمن يسألها مرة تجاوبه مرة تصفن وتظل ساكتة. إحنا نكللها تجاوبه ونحاول وياها وترجع تجاوب. بعد فترة تركها وأشر لي. گمنا أنا وسلطان وجسار وراه. وكف بباب الغرفة ويدحگلنا.

أيهم: البنية مارّة بصدمة. وهسه اللي صار وياها كانت تسمعكم وتحس بيكم بس عقلها ما يستجيب. بالأيام القادمة يمكن راح تشوفوها تصفن هوايا وحتى تتقوقع على نفسها. لأن واضح اللي مارّة مو سهل وجاي يأخذ حيز من تفكيرها ويفوق حجم عقلها وعمرها. وأنتم لازم تساعدونها حتى تكدر تتخطى ولو شوية من صدمتها. هزينا راسنا بقبول. أيهم: أكدر أسأل شنو الخافت منه هيج؟ مُلاذ: تخاف من صوت الرمي والطلقات. عگد حواجبه أيهم. تنقل نظره بيناتنا مستغرب.

جسار: اسكندر اللي تعاركت وياه بالمستشفى. نفسه جاي يرمي ببابهم. سلطان: أخ الله لو أكمشه.

كز على سنونه أيهم بعصبية وبانت عظمة فكه وهو يضغط بأسنان. ما سأل ليش أو شنو السبب. ودعنا وراد يطلع. وصلنا للباب. باللحظة اللي راد يطلع بيها أيهم دخل اسكندر وراه دخل أبوه. أنا وأيهم وجسار وسلطان واقفين. اسكندر كله تراب ومبين ذاك وينه سكران. بعدني أريد أروح أتعارك ويا ما شفت غير جسار وسلطان وأيهم فُوكاه وأبوه يصيح يريد يفكهم منه. واسكندر يهدد ويتوعد. شبعوه كتل. أخ أيهم شكك هدومه وسلطان يصم إيده ويركعه بوكسيات. جسار يرفس

بي ودخل عزيز وكملت. حتى عزيز يضوج من اسكندر. نزل عليه صلخه راجديات. عمو أحمد واقف ويدگ على صلعته. قلت آخذ المقسوم. نزعت حذائي ورحت على اسكندر. ضربت على رجليه بالحذاء. رجعت ضربت إيديه كل قوتي وخرمشت وجهه. وخرو عنه شاله جسار من ياخته. كطفه بره بالشارع وأبوه يركض وراه. سدوا الباب. رجعوا دخلوا جوه حتى أيهم وياهم. يدخلون يدخل وياهم يطلعون يطلع وياهم. تكول عايش ويانا مو رجال غريب.

أنطيتهم مي. كعدوا واستراحوا شوية ويشربون مي وأنا كعدت كدامهم. واسكندر أخذه أبو وراحوا. اتذكرت اللي صار ومنظرهم. ما تحملت گمت أضحك وهمَ شافوني أضحك كاموا يضحكون. عزيز: طبيت عليكم عود أجيت أفض. أريد أشوف شكو. شفتكم تكتلونه. گمت گتلته وياكم ههههههههههه. ضحكت ضحك. حجيت وأنا أضحك گوه أحجي. مُلاذ: عود بعدني أريد أحجي وأرزله. بعدني... هههه... بعدني ما فاتحة حلكي. التميتو عليّ هههههههههه.

ضربت على رجلي وأنا أضحك. رجعت ظهري لورا. جسار: دخيلي ابن النعال. روط على گلبي كتلني أريد أفُخ گلبي. گالها وهو يضحك ووجهه أحمر. سلطان يدگ على رجله ويضحك. رفع إيديه خطية مجرحة گد ما ضرب اسكندر. أيهم ساكت ويدحگلنا ويضحك. اندار له جسار. جسار: زين أنا أريد أفهم. إحنا لايع جبدنا منه. إنت شبيك؟ ههههههههههه. لو واحد غيرك يفاك. دحگ لي أيهم بنظرة. رجع دحگ لجسار بسرعة.

أيهم: هي بيها مفاكك. گضيته گتلته وياكم. أنا هم گلبي يروص منه. لعب روحي. عزيز اتمدد بالكاع من الضحك. اللي يشوفه يكول هذا ما يعرف اسكندر ولا عبالك أخوه. گال وهو يأشر عليه. عزيز: ملكة الجنان. وهوه ضحكتيني. دحگت له مبتسمة وهو يحجي ويضحك. يحرك بإيديه يشرح حركاتي. عزيز: أدحگلها حذائها وهي و تكتـ... ما گدر يكمل. غمض عيونه. ضحك حيل وجسمه يهتز. سلطان: ولك عرس وجابه العباس. لـ هاي التلفزيون القديم.

شلت الكوشة شمرته بيه. لزمها وهو يضحك ويدحك لي. گام أيهم وكف يحجي وهو يعدل ياخة قميصه الأسود. أيهم: يلا أنا أترخص. سلطان: جان ظليت شوية بعد دكتور. أيهم: لا كافي أكشن اليوم هههههه. ضحك سلطان وكاموا يودعونه. گمت وراهم وصلوا للباب وهم يتسالمون ويا. صعد سيارته. رفع إيده يودعنا. شغلها وراح. دخلت ل البيت فتت الصالة. دحگت تارك بـ مكانه تلفونه. دخلو الولد وراي. اخذت تلفونه ودحگتلهم. رفعت التلفون. مُلاذ: هذا مالتكم؟

هزوا راسهم برفض. سلطان: لج مال دكتوور هذا نساهم. مُلاذ: بس لااا راح؟؟؟ جسار: أي راح. مُلاذ: اهووو خرب حظي. خل الحگه أنطي تلفونه. جسار: عوفي أنا أوديه. مُلاذ: لا هسه أودي بسرعة وأرجع.

أخذت سويجي وطلعت. صعدت سيارتي ورحت من الطريق اللي راح منه. ظليت أشغل اللايتات وأدحك بالطريق وأركز. الدنيا ظلمة وكوه أشوف سرعة سيارتي. أخيراً لگيت سيارته گدامي. لأن هذا الطريق مستقيم ولا بي فروع. دگيت له هورن ورمشت له بالأضواء. وصلة سيارتي يم سيارته كلش. نزلت الجامة وأشرت له. نزل جامته يدحگ لي. وكف سيارته على صفحة وكفت سيارتي وراه. نزل من السيارة ينتظرني. وأنا هم نزلت. توجهت اله وهو واقف ويدحگ لي. كالعادة إيديه بجيبه. ابتسامة علت ثغره. وصلت لـ گدامه. نزل راسه دحگ لي.

أيهم: ها شو لاحگتني؟ مُلاذ: طبعاً دكتور. بس أنت تلحگني؟ اتوسعت ابتسامته. رفعت تلفونه وهزيته بإيدي. دحگ له ورجع دحگ لي. مُلاذ: نسيت تلفونك دكتور. قدم لي إيده. نزلت التلفون خليته بـ إيده. قلص عيونه وقال بهدوء. أيهم: خاف حاطت لي شي بي. رفعت رجليه وخليت إيديه ورا ظهري. ابتسمت أحجي وأنا أتدأهر وياه. گلت بهمس. مُلاذ: أي دكتور خليت لك بالبطارية سم. يطلع من سماعات التلفون انتبه ولبس كمامة. الشيطان اللي بداخلي يريد يقتلك.

رفعت إيديه وخليتهن من جهتين راسي ورفعت إصبعي بمعنى "شيطان". يدحگ لي مبتسم. ضحك بصوت عالي. يدنك لي وسوا مثل حركتي وقال. أيهم: أنا هم. قصده هو هم شيطان. ابتسمت وضحكت وهو يدحگ لي. مُلاذ: انتبه دكتور لا يبوكونك. بعدين تصير فلوسك حرام. أيهم: أييي يبيعون تلفوني وياخذون فلوس ويشترون مخدرات بفلوس تلفووني مو؟ مُلاذ: صحيح دكتور. حفظت درسك. أيهم: جا شون إذا مدرستي لَـذه. مُلاذ: دكتور منين جبت هاللقب. بس أبوي كان يصيحني بها.

اختفت ابتسامته تدريجياً. وعلى اثر اختفاء ابتسامته اختفت ابتسامتي وياه. عگدت حواجبي وأنا أدحگه. لحظات وضحك. حسيتها ضحكة مزيفة بس غلست. أيهم: ليش ما جابوه واحد من الولد. أو ما اعرف كان انتظرتي لـ باجر. هسه دنيا ليل. مُلاذ: انساه الصبح وباجر ما أطلع من البيت. لازم أبقى وي أمي وملاك وأفتهم شبيهم. أيهم: مُلاذ. مُلاذ: اممم؟ أيهم: اسكندر ليش رمى ببابكم؟

مُلاذ: هذا حديثاً آخر نفسك. ما اعرف. باجر أعرف ليش رمى ببابنا وأطلع خبالي. هسه لازمة نفسي وأحاول أهدي روحي علمود أمي وملاك. أيهم: انتبهي منه. مُلاذ: بدون ما تگلي. أيهم: وين تلفونج؟ مُلاذ: شتسوي بي؟ أيهم: انطيني يا بس دقيقة. مُلاذ: غير أفهم شنو تسوي بي؟ أيهم: انطيني يا وتفهمين. طلعت تلفوني من جيبي أنطيته. أشر لي افتح الرمز. أخذته فتحت الرمز وهو كتب رقمه. رفعت حاجبي. مُلاذ: عسى ما شر جنك رقمتني؟ أيهم: أي رقمتج.

مُلاذ: اممم يحتاج لهالموضوع گله. أيهم: ها رح تكضيني تكتليني؟ مُلاذ: جا شعبالك دكتور. ترا أنا زينة وياك ما شايف من عدي شي بعد. أيهم: هذا كله وما شايف؟ مُلاذ: أي والله دكتور. أيهم: شسوي حتى أشوف؟ مُلاذ: إذا لحيت وياي تشوف. أيهم: من عيوني. ما طلبتي شي. قلصت عيوني. درت وجهي رايدة أروح. صاح وراي. أيهم: مُلاذ. وكفت مكاني ودرت وجهي. اجاني يمشي بهداوة. اللي يشوفه يكول الشارع مسجل باسمه وهو يمشي بثقة.

أيهم: خل أشوف شنو تسميني؟ طلعت تلفوني دحگت لرقمه. صفنت لدقائق أگض بشفتي أفكر باسم ما أريد أسمي بإسمه. رفعت راسي دحگته. ابتسامة ظاهرة أسناني. نزلت راسي أكتب اسمه وهو منتظر. خلصت كتابة وانطيته رقمي كتبه يمه. أتصل عليّ وظهر اسمه. ضحكت بصوت عالي وهو مستغرب ويدحگ لي. رفعت تلفوني راويته. دحگ للـ اسم وسع عيونه وضحك بصدمة. أيهم: ام سوادي!! درت وجهي عنه أضحك وهو يضحك بصدمة وياي. حصرت ضحكتي واندريت له. أيهم: دشوفي شراح أسميج.

طوّكت شفتي حاصرة ضحكتي وأدحگ لوجهه وهو يضحك. ما تحملت ورجعت ضحكت. أيهم: دكي عليّ. دگيت على رقمه. دار لي التلفون. على صوت ضحكتي لمن شفت كاتب "سوادي". مُلاذ: هسه يعني أنت ام سواديو أنا سوادي بنفسه. هز راسه يضحك. ضحكة أخيرة. ابتعدت عنه وأنا أسويله "باي". سوالي نفس الشي. صعدت بالسيارة. رجعت للبيت وهكذا مر اليوم.

ثاني يوم بقيت يم أمي وملاك. اللي عرفته من عزيز اسكندر سكران وبلا سبب جاي يرمي ببابنا. سلطان بوقتها كان يمنا وجاي ينال. لمن جاي اسكندر وداك الباب طالع هو لاسكندر. اسكندر عباله سلطان جاي لي وظال يرمي. ماخذ سلطان السلاح من اسكندر وكاتله. اسكندر ضابط نص ستاو وياهو اللي جا وكتله. سلطان مخابر لأبو اسكندر. بعدين سلطان سامع صوت صياح وكان هذا الصوت صوت ملاك. الخ...

جزعت من العرك وي اسكندر لعبت نفسي. كل يوميه جاي لي لو سكران لو مدري شبي ويدور سوالف من جوا الكاع وأنا ما أريدهم. ألف مرة من نتعارك نبهتهم وگلتلهم ما أريد أشوفهم ولا أريد يتعدون من كدامي. بس الحجي يدخل من هاي الأذان يطلع من الثانية. ظليت على تواصلي وي نور وعمتي منار. رغم اتقبلت وفاة أمه لكن ما نستها وبقت تبجي عليها. وأساساً محد نساها محد يكدر ينسى أمه. ومحد يكدر ينسى أحن إنسان عليه.

وكالعادة اتعاركت وي اسكندر ورحت اشتكيت عليه وكل شي ما صار له. طلع منها مثل الشعرة من العجين. التفتت لـ ملاك اللي كاعدة يمي. ابتسمت أدحگلها كاعدة هادئة. رجعت عيني على أمي گمت صفكت بإيديه حتى أجذب انتباههم إلي. مُلاذ: كومن بدلن خل نطلع. فيروز: وين؟ مُلاذ: كومي فيروز نطلع ونشوف. رحت عليها وكفتها. رادت تلزم بالمشاية. ما خليتها وخرت المشاية عنها. مُلاذ: لا فيروز يلا تعالي لي بلا مشاية. لزمت بإيديه تهز راسها برفض.

فيروز: ما أكدر مُلاذ ما أكدر بلا مشاية. مُلاذ: لا تكدرين تگولين هيج. لأن اتعودتي ع المشاية. شوفي رح تمشين. وخرت عنها بسرعة وفلتت إيديه مني. رفعت إيديه أشير لها تجيني. "تعالي". ظلت واگفة بصعوبة وتنزل راسها تدحك لرجليها برعب خايفة توگع. وملاك مبتسمة وتدحگلنا. مُلاذ: يلا فيروز. صفق ملاك.

ملاك گامت تصفق تشجع أمي. ابتسمت أمي تدحك لها وتمشي بثگل. گوه تخطي الخطوة وأنا أشير لها. ابـتعدت أكثر ورجلها بدت تتعود رغم ثقلها. لحد ما وصلت إلي وذبت نفسها عليه هلكانة. مُلاذ: عفييييييه فيروووووز. صفكلها أنا وملاك وهي تضحك بتعب. أخذتها كعدتها ع الكنفة. أشرت لملاك تروح تبدل وبقيت أنا أمرغ بكعب رجل أمي لأن تتعب. مُلاذ: شوفي گدرتي تمشين. فيروز: بس أتعب. مُلاذ: تتعودين فوفو. ويخف التعب تدريجياً.

هزت راسها بقبول. اجت ملاك مبدلة. گمت أنا هم بدلت وأخذتهم وطلعنا. فريتهم وتونست. أخذتهم لمطعم أكلنا ورجعنا للبيت. حسيت براحة لمن شفت الضحكة على وجه ملاك وأمي هم جانت مرتاحة بالطلعة. هذا الشي يغنيني عن الطلعة بكاملها. ابتسمت أدحگلهم وصفيت السيارة. نزلنا ودخلنا للبيت. بدلوا وناموا. كعدت أنا بغرفتي ما أنام هواي. لأن بعدني أتحلم والكوابيس تلاحقني من كل صوب بس أقل من ذيج الفترة. نمت. كعدت حسيتها رمشة عين. دگ المنبه. مطيت روحي وفتحت عيوني. درت وجهي بين الكاعدة والنايمة. لمحت شيركزت. عبالي حلم طلع صدك. ركزت عاگده حواجبي. صرخت بصوت مو عالي. گعدت على حيلي. گبل كممت حلكي وموسعة عيوني مصدومة.

مُلاذ: ولك أنت شتسوي هناااااا؟! أيهم: ام سوادي بعد. مُلاذ: ولك أيهم شتسوووي بغرفتي؟ شجابك منين دخلت منين اجيت صخام الصخمني. خرطت خدودي وگمت أفرك عيوني. مُلاذ: يا رب حلم يا رب حلم. أيهم: الله طلعتي تحلمين بيه؟ مُلاذ: ولك. دورت بعيوني. جريت ساعة المنبه ورفعتها بإيدي. مُلاذ: أفشخك بهاي هسه منيييين دخلت؟؟؟ أشر لي بعيونه ع الشباك. دحگت للشباك مسدود. رجعت دحگت له. رفع إيده بيها خاشوگه.

مُلاذ: يا ربي دخيلك اخلص من اسكندر. يطلع لي هذا. ولكم وين أنطي وجهي. أيهم: شبيج فضحتينا گابل شسويت؟ مُلاذ: شني شسويت شتسوي بعد؟ داخل عليّ لغرفتي وأنا نايمة مخبل أنت؟ أيهم: اتأدبي ولج. أنا ام سوادي ما اسمح لج. جيتك قبل ساعتين اجيت طفرت حايطكم. مُلاذ: شتسوووي جاي شتريد؟ أيهم: اجيت أكعدج. أريد أروح وياج للجهال. مُلاذ: ولك يا جهال؟ أيهم: جهاليم. مُلاذ: ها؟ أيهم: يا جهال يعني ذوله التكضيهم تنطيهم أكل.

مُلاذ: يابه بيش الساعة؟ أيهم: بالعشرة. مُلاذ: شنووو؟ مو وقته تلفوني بالسبعة! أيهم: أي أنا أجلت المنبه. مُلاذ: ولك لييييييييييش؟ أيهم: گلت خطيه تنام. مُلاذ: خطاك بين وعزرائيل. أمشي كوم وخر عني. فلتت أعصابي. أيهم: مو صوجج وعلّي. ديلا أنا أنتظرج برا. گام من كل عقله فتح الشباك. گمت وراه أدحك له. طفر الشباك. اتشلّب ع الحايط. طفر الحايط وراح. تخصرت أدحك وراه.

مُلاذ: لا المشكلة بيه أنا مخبلة وشكو مخبل يجيني غير هيج ماكو تفسير. درت وجهي أهز بإيدي. ورحت أبـدل وهو يتصل. مُلاذ: رح أجـي اصبرررلي.

لبست تشيرت أسود نص ردن وفوقه قميص أسود وبنطرون كابوي بس واسع أكبر من قياسي. خليت أمي تصغر الخصر. نثرت شعري على متوني. لبست مناظر. يرفعهن خليتهن على شعري. أخذت جنطتي وطلعت. دحگت له واقف بعيد عن الباب بمسافة. شلت الحراس من گدام الباب من فترة لأن أمي طلبت مني وكالت ماكو شي والوضع أمان طول ما هم موجودين. من شلتهم رجعت لي المصايب. مُلاذ: أيهم أنت خبل لو خبل؟ أيهم: خبل. مُلاذ: منيييين تندل غرفتي؟

أيهم: ما أدري. دورت بالجامات وكفت شوية سويت قالبا. طلعت العشرة على شباكج وهمزين ما غلطت. ظليت ساكتة وصافنة. فتح لي باب السيارة. أيهم: اتفضلي ستي. مُلاذ: أروح بسيارتي. أيهم: ليش؟ مُلاذ: عندي شغل.

هز راسه بقبول. رحت أنا لسيارتي. وهو صعد بسيارته. رحنا للأطفال. أنطيتهم أكل جبته وياي الهم وفلوس. أخذوها مني مبتسمين ويتشكرون. عودتهم يقرون الفاتحة لأبويه وبيبي. بحيث حتى بدون ما أجيب الهم يقرون الفاتحة ويترحمون على أرواحهم. ولمن يبيعون شي يكولون للأشخاص اللي يبيعون الهم يقرون الفاتحة. عودتهم على هواي أشياء وعلمتهم هواي أشياء. مثل مشمش بالضبط. علمتهم يحترمون المقابل إذا محترمهم ويتشكرون الشخص إذا قدم الهم شي. يحمدون

الله ويشكرونه على كل شي. علمتهم بنفس الوقت ما يكتمون بداخلهم ويعبرون عن حزنهم وفرحهم ويشوفون أصغر الأشياء اللي سووها انتصار عظيم. علمتهم يفكرون قبل لا يتخذون قرار. ورجعتهم للمدرسة ودوم كنت أروح لمكانهم وين عايشين هم أتطمن عليهم. لمن يتمرضون ويفقدون بعض ويگولون للياروح للمريض بيهم وأشتري له أدوية وعلاج. كانوا سبب حتى أتعلم على ضرب الإبر وتشكيل الكانولات. اتعلقوا بي لأبعد حد. حتى بعضهم صاروا يصيحون لي "ماما". وهالكلمة

تنغز گلبي لأن تحمل مسؤولية كبيرة. خفت أعوفهم بيوم وأكون أكبر خيبة الهم بالحياة. لذلك تمسكت بيهم وتمسكوا بيه.

ثالث يوم من وفاة بيبي لگيت نفسي يمهم وأطلب منهم يدعون لـ بيبي بالرحمة. لأن دعاء الأطفال المظلومين والبريين مستجاب. مثل ما گالوا "الأطفال أحباب الله". فما بالك بالأطفال المتروكين بالشارع والأذى بداخلهم يفوق كل شي. قاطع تفكيري أيهم اللي يمد الهم الألعاب ويوزعها عليهم. والولد أنطاهم سيارات. فرحانين والفرحة مالية گلوبهم وعيونهم. صاح طفل صغير ضحك. رضوان: لك تؤبررررني شو حبيتك. أيهم: ولك أنت اللي تؤبرني.

راح رضوان يضحك باس أيهم. ابتسامة ظاهرة أسناني وأنا أدحگلهم. عفناهم ورحنا نمشي للسيارات. أيهم: تدرين بالمستشفى اكو رجال كبير. يعني حجي خطية صار له هواي يمنا ومريض تعبان حاله كلش. دوم يسولف لي عن حبه للجهال. مُلاذ: يعني أنت هم عندك أصدقاء بالمستشفى؟ أيهم: يووووه شكثر. خصوصاً هذا الحجي. صار له سنين يمي بالمستشفى وأنا أعالجه. يوصل للموت وبفضل رب العالمين يرد للحياة. متعلق بي وأحبه أكثر من روحي حتى أحسه أبوي.

مُلاذ: الله يحفظه ويخليه. أيهم: آمين الله يسمع منج. وصلنا للسيارة. رفع إيده يودعني. سويت نفس الشي وصعدت. الصبح أشتغل بمحل ورد أبيع. وبالليل أشتغل بمطعم. مرات أقدم أكل مرات أغسل الماعين. اتوجهت ناحية محل الورد. وأنا رايحة باتجاهه اجاني اتصال. رفعت تلفوني دحگت لرقم ضرغام. رديت على الاتصال. مُلاذ: هلو ضرغام. ضرغام: هلا مُلاذ. مُلاذ: هلو گول. ضرغام: أريد أنطيج شغلة. تگدرين تجين لـ ####. مُلاذ: شغليش؟ ضرغام: تعالي وشوفين.

عگدت حواجبي مستغربة. بعد تفكير دام لـ ثواني جاوبت: تمام. سديت الاتصال. رحت للمكان اللي گال له. نزلت دحگت نفسها الحديقة وبنفس المكان گاعد هوَ. سلمت عليه وگففت گدامه. مُلاذ: أي گلت رايد تنطيني شي؟ هز راسه بقبول مبتسم. ضرغام: صراحة هواي فكرت. إذا أنطيج شغلتج لو أبقيها عندي وأحتفظ بيها.

ظليت أدحگه عاگده حواجبي وأغلي من جواي أموت من هالنظرات. ابتسم ودخل إيده بجيبه. طلع من جيبه شغلة وظل صام إيده وظامها لحد ما فتحها. وأنا ظهر بعيوني الاندهاش لمن شفتها. "كلادة الرصاصة". اخذتها بسرعة. مُلاذ: وين لگيتهاااا؟ ضرغام: لمن جنتو مخطوفين وخابرتيني لگيت هاي الگلاادة واگعة. عرفتها مالتج. اخذتها ظليت ضامها عندي. وهسه اجيت أنطيها الج يعني لصاحبتها. ابتسمت فرحانة بعودة گلاادتي. رفعت راسي دحگته: شكراً. ضرغام: العفو.

هزيت راسي وهو رجع گال. ضرغام: مُلاذ. مُلاذ: اممم. ضرغام: أنا بكل وقت حاولت هواي حاولت. بلع ريگه وكمل يدحگلي بارتباك. ضرغام: حاولت أنسى أول لقاء بيننا. حاولت أنسى تخبطاتج وأنتِ صغيرة. حاولت أتجاهل قوتج والمسؤولية اللي تحمليها على ظهرچ. بس ما گدرت. ما گدرت أبد. انتظرتج هواي. انتظرتج تتخرجين. انتظرتج تستقرين... غمضت عيوني بانزعاج من هالموضوع وهو كمل كلامه يشرح مشاعره. ضرغام: ردت أسأل عدنا فرصة؟ هزيت راسي برفض.

مُلاذ: وأتمنى ما يتكرر هالموضوع. صداقتنا أنا وياك كانت حلوة. ماريدها تخرب. ضرغام: خلينا نحاول؟ هزيت راسي رافضة. شددت إيدي على گلاادتي. مُلاذ: شكراً. أتمنالك الأحسن مني.

تركته ومشيت وهو ظل بمكانه. شفت المشاعر والمعاناة بنور. شفت الحب من طرف واحد شيسوي بالبشر. لذلك ما گدرت أغضب منه. المشاعر مو بإيد الإنسان. ولا ردت أفشله. اكتفيت بالرفض ورحت. وصلت للمحل اشتغلت. وبالليل رحت للمطعم. وهكذا مر أسبوع كامل. بيوم گمت نظفت الغرفة. وقبلها كنت منظفة البيت كله بمساعدة ملاك. أمي بدت تمشي بلا مشاية بس مو مسافات طويلة. فتحت شباك الغرفة للتهوية. اتمددت على جربايتي أفكر بموضوع الكاسيت. سجلت الصوت بتلفوني. مخلية التلفون على المخده يم أذني وأستمع للتسجيل. أعيده بي وأسمع أدور ثغرة. صحيح صوت الرجال بس اكو أصوات يمها. أصوات حجي على أصوات طقطقة وأصوات عزف وصوته من بينهن.

وأنا أسمع وأركز. گمّزت من مكاني لمن طفر أيهم من الشباك. ينكث بإيده وملابسه. دحگت له گعد بالكاع وانتچى على الحايط. فوگ راسه الشباك. معلگ الجگارة بحلگه. اللي يشوفه يكول غرفته مو غرفتي. -انت شنو من بشر ما تگلي؟ يعني أنا أفتح الشباك حتى تتهوى الغرفة وانت تطفر من عنده عليّ و بغرفتي! أيهم: الله شگد حلو. أتمنى تريد لها. نوب أشرع الشبابيك وأگابلهن. ليل نهار. مُلاذ: ترضى واحد يدخل ع اختك هيج؟ أيهم: أشگ حلگهم.

مُلاذ: لعد شلون تقبل تدخل عليّ؟ -أشگ حلكه اللي يدخل عليج. بس أنا مسموح لي. خزرته: أيهم. تنهد ودحگ لي: جرحهم. مُلاذ: والله كتلتني بهالجرح. هسه يا ليتني لو صدك مسويت لك شي حتى ما أعرفك ولا تعرفني. أيهم: مسويت لي بس أنتِ ما تدرين. ولا يهمج نتعرف. مُلاذ: دگوم اطلع منين ما اجيت. ما أريد أتعرف. -عيب بابا تطردين خطاري. شايف أمي إذا اجت وشافتك. تطرد خطاري وتطردني ويا. -صدك؟ -والله. عبالي راح يضوج ويطلع.

شو هذا گلي: ديلا وينها خل أصيحها. من كل عقله گام يريد يطلع من الغرفة يصيح أمي. گال بصوت عالي: خـا... گمّزت بسرعة تعلگت على ظهره. سحلته من ياخة قميصه. سديت حلكه بإيدي. مُلاذ: لككك شدتسوييي صدك تحجي!!! نزلت إيدي من حلكه وأنا صاعدة على ظهره. أيهم: غير تكولين تطردج ويا خطاري؟ -أي؟ أيهم: أي هاهي أنا رايدها من الله. نفرفر الشوارع أنا وياج وأغني الج. جويا محلاها من طردة.

نزلت من ظهره انبطحت ع الگاع. إيديه على راسي. أدحگ للبلاء الأسود اللي گدامي. -انت شلون دخلت الطب؟ أصلاً شلون صرت دكتور. -قسمتي العوجه دخلتني طب وصرت دكتور. لو رايح تربية وتعليم أشرف لي. -انت! تربية وتعليم؟ -أي نعم. أنا شبيّني ناقصني إيد رجل عين. -حتى الطلاب بعد ميحضرون الدرس ويرسب الصف كله ويسدون المدرسة. -ليش بويه شني شمسويلهم؟ گابل أكرصهم لو جلب وأمشي وأعضّض. -وعود تصير مدرس شنو؟ -عربي. گمت على حيلي گنبصت أدحگه.

مُلاذ: أي والحسن يلوك لك. گال بلهفة وفرح. أيهم: صدك؟ -أي والله بيك كل مواصفات مدرسين العرب. بيهم غثه وهم تتفلسف هواي وهم متنبلع. خزرني. أيهم: انجبي. -شهالميانة هااااي. فوك شينه گواة عينه لك بابا... بعدني ممكملة وقاطعني بابتسامة جانبية ونظرات مال أدبسزين. -سودة عباتي لو هيج البابا لو متنراد. خزرته: ولبابا تلطگ ع حلكك. ما گلتها بالمعنى الحرفي. -ولج الفوصة مو أكوم أزورچ. -لا تحومرني خاف دروح بابا...

هم رجع قاطعني بنظرة مبتسم. أيهم: ي عيون البابا. -يمه راح أنجلط. كوم اطلع كوووم. -دولي مالي خلك متعنيلج من ال#### وجايلج وتطرديني. -انت شنو من بشر. -إنسان. -تافهه. -سخيفة. -ام سوادي. -سوادي. -سافل. خزرني وكام بسرعة. دحگت له بـ استغراب. دور بعيونه دحگ ع جربايتي. سحل اللحاف ولزمني لفني بي. أريد أصرخ ما أكدر خاف تجي أمي. -لك أيييييييهم شدتسوي؟ أيهم: عود على بالج ما أقدر أكضج لأن حرام.

لفني لف باللحاف وصرت على بطني. وگام گعد على ظهري. -لك البغللللللللللللللل. -العرمة السافلة الفوصة ام شعر. -اخخخ يمه ظهري لكك كسرته. كسروك أن شاء الله كوووم. -لا تدعين. انجبي. عادي أداوي. -داواك سبع جناين كون. كوم يالمخبل كوم. زاد ثگله. حسّيته متمدد على ظهري. -لك وخر عني شدتسوي؟ دحگت للمراية بـ صفي لكيته متمدد على ظهره. يعني صاير ظهره ع ظهري ومتمدد. عبالك جرباية وأنا مطحولة طحل.

-يلا العبي بيه شناوهزيت راسي متوعدتله. نَفسي يلهث. صرخت بصوت عالي: حراااااااااامي. سمعنا صوت ربضة بالبيت. ما شفت غير ترابه ورا. گبل شبخ الشباك وطفر. اندار عليّ سوالي حركة بمعنى "نعلعلاج" وهز بإيده بمعنى "اصبريلي". انفتحت باب الغرفة وهو اختفى. دحگت ورا أضحك. انداريت لگيت ملاك. بإيدها ماسحة شوكت لحگت ما أدري. ملاك: وين الحرامي؟؟؟ مُلاذ: اخ يمه مشمش طلعت حلمانه. تعاي بشرفج افتحي رولة اللحاف.

ركضت عليه وتفتح باللحاف. گعدت على حيلي لازمة بـ ظهري وأدحگ للشباك وحاصرة ضحكتي. مُلاذ: مين لحگتي تجيبين الماسحة؟ ملاك: مادري لگيتها گدامي. أنا قررت ما أخاف نوب أصير قوية. مُلاذ: عفيه مشمش. بعدني جاي أحجي. صارت صوت طگه عالي من برا. صرخت ملاك مخترعة واختلت بـ ظهري. هزيت إيدي وملاك لازمة بـ ملابسي. مُلاذ: عود هاي صارت قوية.

اجت أمي وكفت بالباب تدحگلنا وخايفة. تصيح "شكو" مخترعة. خطية تمشي گوه توصل النا. وعَ ما توصل خرطانه روحها ورايحة ووجهها أصفر. أشرت لها ماكو شي. گمت أشوف شكو. طلعت للطرمة لگيت الگلوب مال طرمة طاگ. صحّت لملاك اجت شافت الگلوب. ملاك: يا وأنا اخترعت. ما تسوه الخرعة. مُلاذ: دمشي جيبي لي الدرج. راحت جابت لي الدرج وجبت گلوب جديد. خليتها تسده وصعدت. وخرت الگلوب القديم وشديت الگلوب الجديد. مُلاذ: افتحي الضوه.

انفتح الضوه ورجعت الطرمة تضوي. مُلاذ: اشتغل.

نزلت ودخلت الدرج ودخلت أحاول أنام لحد ما حل الصبح. وأنا بعدني ما نايمة. دگ المنبه. اليـوم عندي مقابلة وي محامي علمود أتدرب يمه. نفسه اتدربوا يمه غادة وباهر وكان خوش محامي. گمت غسلت وبدلت ملابسي. واتوجهت بطريقي للمحامي. كان اسمه "هيثم". التقيت بي وكان اكو متدربين ثانيين. قبلوني أنا من بينهم بعد ما سألونا عدة أسئلة وكان اكو إجراءات ثانية طبعاً. وحددت مدة تدريبي يمه. رجعت هلكانة من التعب ورجليه تصيح الغوث. نزعت كعبي بالباب وفتحت شعري. دخلت واتمددت على الفراش أنفخ بضجر.

بعد مرور أسبوعين. أمشي مستقيمة بطريقي. وكفت گدام الباب فتحها الحارس. دخلت دحگت للغرفة وجدرانه. نزلت عيني عليه. حاط راسه ع الطاولة. اتقدمت وكفت گدامه خليت جنطتي ع الطاولة. ابتسمت بطرف شفتي و ندهت اسمه. مُلاذ: أركان؟ رفع راسه بسرعة خلال لحظات. اتحولت تعابيره للاستغراب والصدمة. وسع عيونه قبل لا ينطق بأي شي. طلعت هويتي وخليتها گدامه. گلت. مُلاذ: وياك المحامية مُلاذ إلياس.