رواية جرح الماضي الفصل الأول 1 - بقلم هاجر محمد

حور: انت اتجننت؟ انت فاهم بتقول إيه؟ تميم بخنق: بقول انتي طالق! مش عارف انتي معندكيش دم، طلقتك ولسه واقفة. حور اتراكمت الدموع في عينها ومسكت شنطتها وقالت: انت مخسرتنيش وبس، انت خسرت أكتر حاجة كل واحد بيتمناها. أنا حامل يا تميم. تميم بلهفة: انتي إيه؟ حور: مبقاش يخصك. أخدت شنطتها واتجهت ناحية الباب لتروح. تميم وقف قدامها: انتي حامل! إزاي؟ وليه مقولتيش لي؟ حور: إزاي؟

انت واحد مريض نفسي فعلاً، وإصلاً مبقاش ليك حق تسألني أصلاً. دايماً كويس إن عرفتك على حقيقتك. ابعد خليني أروح. *** سارة: يا حبيبتي ده واحد ميستحقكيش. أنا أصلاً مكنتش بطيقه. حور بعياط: طلقني بكل برود، والسبب معرفش ليه. كنت كويسة معاه وحبيته من قلبي. سارة: خلاص بقى متعيطيش. وحياتي عندك، ولا إيه؟ نسيتي إن صحبتك؟ *** في بيت تميم. أم تميم (سعاد) : كويس إنك طلقتها يا ابني.

تميم بحزن: طلقتها عشانك يا ماما، وإنتي عارفة إني بحبها. انتي السبب. سعاد بغل: متزعلش. أصلاً دي واحدة معندهاش تربية. بقالكوا سنتين مع بعض ومش عارفة تجيب ليك ولد. تميم بصوت عالي: خلاص يا ماما بقى. خلاص كفاية. كفاية. فضلتِ تقولي كده لحد ما نهيت كل حاجة في الوقت الغلط. حور حامل يا ماما. سعاد بصدمة: دي أكيد كذابة يا ابني. متصدقهاش، أو هتلاقيها مش حامل منك. تميم بضيق: يا ماما انتي إيه بالظبط؟ ليه مش بتهتمي بابنك؟

ليه مش فاهماني؟ سعاد: خلاص هنروح ونجبرها تيجي تعيش معانا وناخد ابنها، وبعدين نطرده. تميم: حور مش هبلة ومستحيل تسيب ابنها، أنا عارفها. سعاد بتمثيل: خلاص أنا عندي حل لكل ده. تميم: إيه؟ سعاد: هنجبرها تنزل الولد ده. تميم: مستحيل. سعاد: يا ابني صدقني دي مصلحتك. نورهان قالت هتتجوزك، وبعدين انتوا الاتنين هتجيبوا ولاد. لكن البت دي مش مهمة. تميم: لا. سعاد: هقتل نفسي يا تميم لو متجوزتش نورهان. تميم: يا ماما حرام عليكي.

سعاد: قولت إيه؟ تميم: مهي مش فارقة معاكي. اعملي اللي عايزاه. *** في بيت سارة. حور: أنا هروح أجيب هدومي لأن لسه مجبتهاش. سارة: أجي معاكي؟ حور: لا، أنا هروح لوحدي. سارة: متأكدة؟ حور: آه. *** في بيت تميم. حور دقت الباب. طلعت سعاد وفتحت لها وبصت لها من فوق لتحت: أهلاً. حور بضيق: جاية آخد هدومي. سعاد: كويس إنك جيتي بنفسك، أصل أنا كنت جايلك. حور: عايزة إيه؟ سعاد: ابن مين ده؟ حور: انتي مجنونة؟ إزاي تقوليلي كده أصلاً؟

سعاد: أنا عارفة إنه مش ابن تميم يا كذابة. انتي هتنزلي الولد ده. حور: وانتي مفكرة انتي وابنك إن أنا لعبة في إيدك؟ سعاد: هتنزليه. يلا ودلوقتي هتروحي تنزليه. حور: مستحيل. سعاد مسكت إيدها بقوة وقالت: يلا. حور: سيبيني. سعاد شدتها من شعرها وقالت: همشي معايا فاهمة؟ حور بدموع: سيبيني. قطع كلامها تميم. تميم: ماما بتعملي إيه؟ سيبيها. سعاد: اسكت انت.

حور بعدت بعد صعوبات وهي بتعيط بقهر، مش عارفة هتهرب من العالم دي إزاي. لقت سعاد بتتكلم مع تميم، راحت نازلة على السلم بسرعة. سعاد انتبهت ليها وقالت: يلهوي دي هربت. نزلت وراها. حور منتبهتش، قدامها لقت حد ضربها على دماغها. ووقت بصت بشوشوه لقت…