رواية جرح الماضي الفصل السادس 6 - بقلم هاجر محمد

حور: هو ممكن متقوليش لحد منهم إني حامل! الدكتورة بعدم فهم: طب ليه مش عايزاهم يعرفوا! مش ده جوزك؟ حور: لا! بس يعني افهميني، مش حابة أعرف حد، ممكن تساعديني؟ الدكتورة بابتسامة: حاضر، بس لازم تعرفيهم قريب. حور: تمام، شكراً. سارة: حور بقيتي كويسة؟ حور: آه. الدكتورة: هو حصل معاها مضاعفات لأنها مأكلتش، فلازم تهتم بالأكل كويس. سارة: بقولها كدا ومش بترضي... *** خارج أوضة الدكتورة. كان يزن ومهند قاعدين مستنيين حور وسارة.

مهند: مش فاهم، يعني ليه جايين عند دكتورة نساء! يزن: عادي، بتحصل كتير، مش شرط يكون اللي بتفكر فيه. مهند: لا، الموضوع ده مش داخل دماغي، طب ليه اتأخروا؟ يزن: غمض عينه وافتكر لما حور أغمي عليها وحاول يفوقها لكن مفاقتش، فجابها المستشفى. قطع شروده صوت حور. حور: يزن، شكراً ليك. يزن بابتسامة: العفو، بس إنتي كويسة؟ حور: آه. يزن: هو أنا ممكن أعرف ليه حولّوكي هنا؟ يعني إزاي عند دكتورة نساء؟

حور توترت وقالت: عادي، مش عارفة برضه، حتى الدكتورة قالتلي إنه مكنش ينفع أكون هنا، بس خلاص مفيش مشكلة. يزن: آه، طب تعالي، هوصلك. *** مر 3 شهور وعلاقة حور ويزن اتطورت أكتر. وحور كانت بتحاول تبعد عن يزن الأيام دي علشان ميتكررش اللي حصل معاها تاني. أما مهند وسارة لسه بيتخانقوا مع بعض كتير. ومهند رغم كل خلافاتهم عرف إنه مهتم بسارة وحابب يقولها على شعوره، بس خايف إنها تفهمه غلط.

وميرا وتميم مكنوش بيتكلموا كتير. وميرا متدايقه للي حصل مع حور وبتتمنى تشوف حور في يوم من الأيام وتعتذر لها. *** في منزل تميم. ميرا: إنتي مش هتقوليلي كل يوم نفس الكلام؟ سعاد بغيظ: مش عارفة والله إنتي إيه يا بت إنتي، مش عارفة تجيبي حتة ولد. ميرا بضيق: دي حاجة من عند ربنا، هو أنا هجيبها عافية. سعاد: وهوا مش يمكن تكوني مريضة؟ ميرا بصدمة: إنتي إيه بالظبط ياشيخة! حرام عليكي، كفاية إنك قتلتي حفيدك بنفسك!

وبتقولي هاتولي حفيد دا يمكن ربنا مش عايز كدا علشان يعرفك إنك غلطانة، صدقيني ربنا مش هيسامحكم. سعاد: إنتي بتعلي صوتك عليا يا كلبة إنتي، إنتي مفكرة نفسك مين علشان اتجوزتي ابني؟ دانا لولا إن جوزتهولك مكنتيش هتطوليهم. ميرا كتمت دموعها ودخلت أوضتها بسرعة. هي متدايقه. *** في منزل عم سارة. سارة: ليه بتبعدي عنه يا حور وإنتي عارفة إنه بيحبك. حور بدموع: خايفة يا سارة، خايفة، مش عايزة يحصل معايا زي اللي حصل من 3 شهور.

سارة: بس إنتي عارفة إن يزن مش زي أي حد، إنتي عارفة إن يزن هيهتم بيكي وهيحبك. حور: لا يا سارة، أنا مش هدمر حياته علشاني! أنا لازم أبعد، أنا هسافر. سارة: إنتي بتقولي إيه؟ هتسافري فيه؟ حور عيطت وقالت: أرجوكي بلاش كلام تاني، أنا خلاص قررت إني هبعد عن يزن ومش هشوفه تاني. *** عند يزن ومهند. يزن: مش عارفة هيا مش بتكلمني بقالها أسبوع ليه، مش بترد على مكالماتي ولا بقت بتشوفني.

مهند: اهدي شوية، أكيد في حاجة مهمة علشان كدا مش بتعرف تكلمك. يزن: لا، أكيد في حاجة فعلاً وأنا لازم أعرف ليه خايفه بعدت عني الفترة دي. *** في منزل سارة. أخذت حور شنطتها هي وسارة علشان قرروا هيبعدوا عن هنا. لسة حور بتفتح الباب لقت يزن قدامها. حور: يزن! يزن: حور، إنتي متجوزة؟ حور: أنا...