رواية جريح الصمت يا قلبي الفصل الثاني والثلاثون 32 - بقلم ضاقت أنفاسي

مساء الخير ... بالنسبه للبارت رح يكون قصير ...هذا الاسبوع ما تفرغت للكتابه كنت رح أكنسله بس تحاملت على نفسي وكتبت هذا البارت ... أتمنى ما احد يعلق البارت قصير  .... قراءة ممتعة 🌹

اسندت ظهرها على الجدار تريحه ..يا كثر ضيوفهم !!
منار مدت لها الحلا: حطيه بالثلاجة خليه يبرد..
هزت رأسها بهدوء ..تناولته ووضعته بالثلاجة..ناظرت الحوسه الي صارت بسبب الحلا ..لو اشتروه جاهز اريح لهم ..ما تدري منار كيف تفكر كل شيء لزوم تعمله بيدها وتضع بصمتها فيه...فيها تشابه بخزامى من هذي الناحيه كل شيء تطبخه بيدها!!
بدأت ترتب المكان والسكون يحيط فيها ومن الداخل تغلي غليان من كنان كيف قفل الجوال بوجهها..تصرفاته تقهر رفعت رأسها على صوت ام ماجد...تركت الي بيدها وتوجهت لها وبهدوء نطق: نعم خالتي!!
ام ماجد : وين الشاهي؟!
نطقت بهدوء: الحين أحضره ...رجعت للمطبخ جهزت الشاهي وأرسلته مع الشغاله!!
منار وهي تطلع الاغراض : رح اعمل عده اصناف من الحلا..صنف واحد ما يكفي
  بيلسان ما تدري هي نيتها سيئة ودوم تظن السوء فيها ...بس احساسها يقول لها إنها منار تزيد الحلا حتى تشغلها معها وتزيد عليها التنظيف !!
نطقت بهدوء بيلسان وهي تحس النعاس بدأ يداعب جفونها: انا طالعه أصلي العصر
منار وهي منشغله: الله يقبل
هزت رأسها بيلسان وتوجهت للجناح وهي تحس ظهرها تصلب وهي واقفه بالمطبخ !!
**
**
**
دخل ماجد الصالة وجلس جنب أمه ...بعد ما رد السلام...
ناظرت أم ماجد كنان الي دخل بعد ابوه وجلس قريب منهم بعد ما رد السلام
ماجد بهدوء: وعليكم السلام ..دوبك رجعت من الدوام؟!
كنان بهدوء هز رأسه: ايه
ماجد ابتسم له: الله يعطيك العافيه..التفت على امه وهو يسأل: وين ام هاني؟!
أم ماجد بهدوء : بعد الغداء اتصلت أم محمد رح يزورونا بعد المغرب ومن وقتها ومنار بالمطبخ متوهقه تجهز بالضيافه!!
ماجد رفع حاجب : لوحدها؟!
وين البنات يساعدونها؟!
ام ماجد مطت شفتها: يا جيل اليوم شغل نوم وكسل!!
بس يبلعون على الجاهز!!
ماجد ما عجبه الوضع...اتصل على رنا بعد عدة رنات ردت عليه..نطق بحزم: خلال ثواني تكونين انت واختك وسلام عندي بالصالة!!
قفل الخط وهو يناظر كنان الي بهدوء نطق: وين بيلسان
ام ماجد مطت شفتها: فوق بالجناح..احسها اليوم بما إنها معطله عن المدرسة صارت كسوله ويا دوب تتحرك
ماجد ضحك بخفه: يعني نرجعها للمدرسه ؟!
ام ماجد ابتسمت: ما هو كذا ..بس ما احب اشوف منار لوحدها بالمطبخ...
سكتت وهي تشوف رنا وديما وسلام  ...ماجد عقد حواجبه لما اقتربوا منه وهو ينطق بحده: وش تنتظرون حناء نحطه على كفوفكم؟!
ليه ما ساعدتم امكم على تجهيز الضيافه
رنا بتبرير: وربي رجعت من الدوام وما أشوف من التعب
قاطعتها ديما: وأنا مثلها
ناظر سلام وهو للحين معقد حواجبه: وليه ما ساعدتي خالتك؟!
بعدك للحين عروس!!
تضايقت سلام من كلامه وهو جالس يتريق عليها...بس شاطر عليها وبيلسان حاملها على كفوف الراحه ...يقهرها بتفريقه بالمعاملة... وبتبرير نطقت: يا عمي أنا رجعت من الدوام تعبانه ومو قادره أتحرك ..يعني حنا عندنا دوام وتعب ليه ما ساعدتها بيلسان جالسه لا شغل ولا مشغله!!
ام ماجد بانتقاد: بإمكانكم ارتحتم ساعه وبعدها نزلتم
ماجد بحده:ذول يبغون كل شيء جاهز قدامهم!!
سلام قاطعته بدفاع: مو كذا بس كل شخص وله ظروفه ليه ما تعتب على بيلسان طول اليوم بالجناح نايمه وحنا الي ندرس ونتعب تزعل علينا؟!
ماجد بنفس الحده: اتركي بيلسان على جنب ...كم مرة قلت لك لا تقارنين نفسك فيها .....بيلسان دوم مواقفه خالتها بالمطبخ حتى
قاطعته ام ماجد بصراحه: والله العتب اليوم على بيلسان المفروض ساعدتها بما انها معطله!!
راحت أيام زمان الكنه يدها بيد حماتها الحين يبغون خدم وحشم!!
يعني ما يصير تلوم سلام وتترك بيلسان كلهم زوجات عيالك !!
ماجد ناظر كنان بهدوء: اتصل ببيلسان خليها تنزل تساعدهم
هز رأسه بهدوء وهو يتصل عليها ...نفس الشيء ما ترد ...زم شفته بضيق من تصرفها: ما ترد
سلام نطقت بقوة: اكيد نايمه!!
ماجد أعطاها نظره حاده بعدها  نطق وهو ينادي على منار!!
لحظات طلعت منار من المطبخ وهي تنطق باستغراب من تجمع الثلاثة: هلا أبوو كنان!!
ماجد بجمود: كم مرة أقولك لا تشتغلين لوحدك ...خليهم يساعدونك
ختم كلامه وهو يؤشر على الثلاث!!
منار لانت ملامحها: يرجعون من الدراسه يبغون يرتاحون... وأنا متعوده على الشغل عادي
قاطعها كنان بضيق ما يحب يشوفها كذا تشتغل وتتعب: لا ما هو عادي ...اجلسي وخليهم يكملون عنك
منار برفض: مستحيل رح يفشلوني قدام الضيوف ما رح يتقنون ...اتركهم يرتاحوا ما ابغى تصيبني جلطه منهم  ... أنا وبيلسان نكمل
طلعت بيلسان من المطبخ ما تدري عن شيء ..نطقت بعفويه: خالتي الكيكه صار لونها ذهبي اطفيها؟!
ماجد توسعت ابتسامته لها ...استغرب لما قالت امه بالجناح يعرفها سنعه... اعطى سلام نظرات بمعنى شوفي السناعه : هلا هلا بالشيف الجديد!!
ابتسمت له بود: خالتي الي خلطتهم بس انا
قاطعتها منار بابتسامة: مع الايام رح تصيري افضل مني !!
ردت لها الابتسامه وهي متجاهله النظر لجهة كنان ...
ماجد ناظر أمه بعتب: كيف قلت بيلسان بالجناح
ام ماجد بتبرير: انا شفتها طلعت
منار قاطعتها: طلعت صلت ورجعت
ماجد بابتسامة : هذي زوجة ولدي السنعه...الله يعطيك العافية
ردت بهدوء: الله يعافيك...خالتي الكيكه
منار ضربت جبهتها: بسرعه بسرعه اكيد احترقت ..تحركت بيلسان معها للمطبخ بسرعه!!
ماجد بأمر: يلا تحركوا للمطبخ ليه واقفات؟!
سلام انتفخت ملامحها من القهر بسبب عمها ماجد!
كنان اكتفى يناظر زولها وما فاته وهي تتحاشى النظر له..يقال زعلانه... المفروض هو الي يزعل على بعض التصرفات الي ترفع ضغطه...دوم لما تصير اي مشكله بينهم هو الي يبادر للصلح بس هذي المرة ما رح يتنازل!
**
**
**
منار بعد وقت بضجر نطقت وهي تشوفهم جالسات شغل سوالف: كل وحده على غرفتها تجهزوا ما بقى وقت على وصولهم!!..اوجعني رأسي من ثرثرتكم!
خذي بيلسان فرغي هذي هنا!!
ناظرت الشغالة وهي تطلب منها تنظف خارج البيت!!
بعد خروج الشغالة تابعت منار كلامها لبيلسان :  كملي تنظيف وترتيب المكان ..ابغى اروح أتجهز قبل وصولهم!!
ناظرت بيلسان زولها لما خرجت وما انتظرت ردها ...حست بالضيق وهالموقف يتكرر يذكرها بخزامى وحياتها عند أهلها!!
بإمكانها ترمي كلامها بعرض الحائط..بس تراجعت اكيد كنان بالجناح ما تبغى تشوفه ولا تلتقي فيه ...بداخلها غليان ما تبغى تتصادم معه ....رح تشغل نفسها هنا لوقت خروجه!!
بعد وقت تصلبت وهي تسمع صوته لما دخل المطبخ: بيلسان!!
ما تبغى تشوفه ولا تكلمه .. جبرت نفسها وردت وهي منشغله بالتنظيف يقال إنها مندمجه:نعم!
رفع حاجب من طريقة ردها ..ما كلفت نفسها تناظره ...نطق بهدوء عكس قهره من تصرفاتها: تعالي
قاطعته بهدوء: ابغى أكمل تنظيف
نقزت لما ضرب على الطاوله بغضب وهو ينطق: لما أكلمك تتركين كل شيء بيدك
هبط قلبها وزدات دقات قلبها من عصبيته ..موقفه ذكرها بأبوها من قبل لما يعصب عليها بموقف مشابه وقتها ضرب الطاوله بقوة وهو يصرخ عليها ..تحس ماسكه دمعتها بصعوبه ... أكره ما عليها أحد يصرخ عليها ...بلعت غصتها وقبل ما ترد قاطعهم دخول ماجد الي وصله صوت كنان الغاضب: وش فيه؟!
كنان كتم ضيقه: ما في شيء
ماجد ناظر بيلسان الي نزلت نظرها ورجعت ترتب ... متأكد متشاجرين!! .. متأكد سبب الشجار انشغالها بالمطبخ عنه...
نطق ماجد بهدوء: بيلسان اتركي الشغل واطلعي مع كنان
قاطعه كنان بملامح عابسه: ما له داعي أنا طالع مواعد زميلي!
استأذن وطلع بهدوء ... ماجد ناظر زوله لما طلع... بعدها التفت على بيلسان منشغله بعملها ..نطق بحنيه: بيلسان!
ناظرته وهي تحاول تحافظ على ملامحها: هلا عمي تبغى اعمل لك شيء
قاطعها بهدوء: ما ادري وش سبب المشكلة بس
قاطعته وهي تجبر نفسها على الابتسامه: ما في بيننا مشاكل
هز رأسه بعدم اقتناع: إن شاء الله دوم تكون حياتكم سعادة!!..وين البنات ليه ما كملوا معك تنظيف
ردت بهدوء: ما هي مشكله خليهم يرتاحوا راجعين من الدوام تعبانين!!
ابتسم لها بمحبه: الله يقويك
استأذن وطلع من المطبخ..حست النار بداخلها مشتعله من كنان فوق ما هو غلطان حضرته زعلان ...ناظرت المطبخ بعجز كم صار لها تشتغل ...زفرت بضجر وهي تفكر بكنان  ما تدري وش يبغى منها كنان ..اكيد رح يفتح لها تحقيق علشان حضرة المديره!!
كملت تنظيف ورجعت للجناح ...غسلت وبدلت ووضعت رأسها ونامت تريح نفسها ...اليوم كان متعب لها!!
**
**
**
دخلت المطبخ وهي تناظره يلمع لمع ...وصلها صوت منار نازله ...ابتسمت بخبث وبدأت تتظاهر بالتنظيف...
دخلت منار ورفعت حاجب بعدم تصديق: سلام
ناظرتها سلام بعبوس: ليه تركتم المطبخ بدون تنظيف
منار باستغراب: بيلسان جلست تنظفه
سلام رفعت حاجب بتمثيل متقن:لقيته مثل ما هو ..يعني حضرتها ما تبغى تنظفه ليه ما قالت ..للصدفه نزلت اشرب مويه ولقيته معفوس ..وجلست أنظفه ما بقى شيء وانتهي من التنظيف!!
منار انتفخ وجهها من تصرف بيلسان ما تبغى تنظف ليه ما قالت لها؟!
وش موقفها لو احد من الضيوف دخل المطبخ وهو مو نظيف وش رح يكون موقفها ...زمت شفتها بضيق: يعطيك العافيه
ابتسمت سلام: الله يعافيك يا خالتي...اتوقع خالتي أم محمد على وصول!!
منار هزت رأسها: خليني اروح استقبلهم وانادي خالتي ام ماجد!!
هزت راسها بابتسامه ..بعد خروجها ألقت اداة التنظيف بقرف!!
رح تكون الشوكه بحلق بيلسان ورح تثبت للجميع إنها الكنة الأفضل!!
**
**
**
مجتمعين بالصالة بعد إصرار أم محمد يجلسون فيها ...مندمجين بالسوالف ... نطقت أم محمد بابتسامة: وكيف كنتك الصغيره؟!
سلام ابتسمت وهي تناظرمنار لما نطقت: ما شاء الله عليها
سلام بمداخله: اليوم نظفت المطبخ بعد الحوسه الي صارت ...تخيلي يا خالتي دخلت المطبخ ولقيته معفوس ..على اساس بيلسان تنظفه ..حضرتها تاركه كل شيء مثل ما هو...لما شفت كذا انقهرت من وساختها
قاطعها ماجد بحده : سلام وش هالكلام؟!
يا ليت توصلين لربع سناعة بيلسان ...ما شاء الله دوم يدها بيد أم هاني
أم ماجد بانتقاد: بس ما هوتصرف تترك الشغل مثل ما هو ...تصرفها ما هو منطقي!!
ماجد استغرب ليه تركت الشغل معقول تضايقت علشان كنان؟! ما دخلت رأسه هالسالفه!!
ميس بمداخله: اهم شيء المطبخ الحين نظيف
رنا بابتسامة: هذا اهم شيء مع اني اشك بكلام سلام!!
خزتها سلام بقوة: وش قصدك؟
رنا هزت كتوفها: ما اقصد شيء!!
ام محمد بتساؤل: وين زوجه كنان غريبه ما نزلت
ماجد بهدوء: يمكن ما تعرف بوصولكم...رنا اطلعي شوفيها
رنا : طرقت عليها وما ردت ..يمكن نايمه!!
ميس ابتسمت بخبث وهي تعرف موقف عمها من هذا الموضوع: كان ودي أشوفها ..البارحه شفت صور زواجها وصور ثانيه اكثر من ٥٠ صورة بجوال عائشة بنت عمها
ام ماجد رفعت حاجب وبملامح عابسه:وليه صورها عند عائشه ؟!
ام محمد بانتقاد: يعني عائشه متزوجه وشهوله تحط صورها عندها ..افرضي زوجها فتح الجوال
ماجد قاطعها وهو ينطق بجمود: انت شفتيهم
ميس ما تدري ليه ارتبكت من نظرات عمها: ايه شفتهم وحتى زميلاتي كلهم شافوا الصور .. أنا خبرت كنان بس ما اعطى ردفعل يعني عادي عنده
قاطعها ماجد بصرامه: لا ماهو عادي ..دوم نكرر عليكم يا ويلكم تعطون اي صورة لكم لأي أحد
ميس هزت رأسها برضا وهي تشوف انفعال عمها: أنا علشان كذا تكلمت لأني اعرف هذا الشيء مرفوض بعائلتنا ويعتبر خط احمر ما نتجاوزه!!
نطق وهو يكتم ضيقه: أنا أحل الموضوع
سلام ابتسمت وهي تشوف ملامح عمها الي تغيرت وواضح فيها الكدر!!
ام ماجد غيرت الموضوع ما تبغى ولدها يتضايق اكثر ..... 
**
**
**
جالسه بالجناح نامت البارحه وما نزلت للحين تحس ظهرها يوجعها من الوقوف ...الظاهر ما رجع كنان البارحه ...
ما لها نفس تقابل أحد ما نزلت تحت عند أهله ...ارتشفت من القهوة ..رفعت حاجب وهي تسمع صوت الجوال ...زمت شفتها بكسل ما لها حيل تتحرك ..وقفت على مضض وتوجهت لمكانه ..رفعت حاجب وهي تشوف اسم عائشه ...اكيد مصوره كنان وميس ما عندها الا هذي السالفه ...رجعت مكانها وفتحت خط ..وهي تنطق بهدوء:هلا عائشة!!
عائشه بعبوس نطقت: هلا...وينك؟!
ردت بهدوء: بالبيت ليه صاير شيء
قاطعتها بانفجار: حضرة كنان قهرني وربي نفسي أصفقه !!
بيلسان عقدت حواجبها باستغراب: ليه
ردت بقهر: عمل لي مشكله البارحه مع زوجي وما اكتفى تكلم مع بابا وانت تعرفين حضرة الدكتور عبدالله لما يعصب مسح فيني الارض والسبب زوجك!!
بيلسان ما هي فاهمه شيء: ليه
زفرت بقهر: علشان صورك الجوكر الي معي
بيلسان ببرود: ايه
عائشه بغضب: حضرة الزوج الغيور وصلت له أم لسان ميس إنه صورك عندي وحضرته عصب وطلب مني أحذفهم ..انا رفضت وتواصل مع زوجي وأنا تشاجرت مع زوجي لأنها السالفه صارت عناد ورفضت أحذفهم !!
وما اكتفى خبر بابا وانت تعرفين ما اقدر اتكلم قدام بابا...لو شفت كيف عصب بابا علي
قاطعتها بيلسان باستغراب: عمي عبدالله ليه عصب وهو يعرف انه صور البنات كله مع بعض
عائشه مطت شفتها: بابا عنده عادي بس يقول دام زوجها ما يبغى صور زوجته عند احد بتنكتمي وتمسحين الصور
بيلسان تنهدت: وش صار بالاخير؟!
عائشه بقهر: حذفتهم...ما كلمك البارحه عنهم
عقدت حواجبها بيلسان بفهم الحين عرفت ليه جاء للمطبخ اكيد يبغى يكلمها عن الصور .. وبهدوء نطقت: لا ما كلمني
عائشه زفرت بقهر: وربي رفع ضغطي ...يعني ما توقعت كنان كذا .. وأنا طول الوقت اقول عنه رقيق حليم مسالم وربي لو شفت كيف معصب وحالته حاله..عاد من زين هالصور!!
بيلسان ابتسمت: كأنك تتكلمين علي؟!
عائشه ضحكت: أتكلم من قهري
بيلسان بتساؤل: طيب وش عرفه
قاطعتها بقوة: قلت لك ميس أم لسان هي الي وصلت وش فيه عقلك طافي اليوم
نطقت بتوضيح: اقصد ميس كيف عرفت بالصور
تنهدت عائشه: بغيت اقهرها بصورك بس بالنهاية أنا الي انقهرت... اسمعيني أنا قريب من بيتكم ..انزلي خذي مني الدواء...ما لقيت نفس الدواء بس اماني قالت لي اعطتني اسم دواء ثاني ....يلا انزلي ولا تأخريني!!
نطقت بهدوء: دقيقه
قفلت الخط .. لبست بسرعه وطلعت خارج الجناح تأخذ الدواء!!
بعد وقت رجعت وهي تتنهد ما شافت احد ..خبت الدواء بعد ما شربت منه ...رجعت جلست تكمل شرب القهوة...وهي تفكر بموقف عائشه ...ما تدري ليه كنان كبر الموضوع....
احتضنت كوب القهوة بيدينها وهي تناظر للبعيد ...تحس قلبها ميت من كل شيء بهذي اللحظة...... بعد وقت حست بدخوله للجناح ..ما كلفت نفسها تناظره ....اقترب وهو يرد السلام بهدوء
ردت بهمس وهي تناظر كوب القهوة...جلس مقابل لها وهو يناظرها وما هو عاجبه تصرفها ..نطق وهو رافع حاجب: يعني الي افهمه منك اذا ما عملت الي تبغينه تحولين الحياة نكد وزعل ؟! كل هذا علشان خطوبة صديقتك؟!
ناظرته وملامحه متجهمه...نطقت بهدوء: مين جاب سيرة الخطوبه..قبل ما تنتقدني ناظر نفسك وأسلوبك
عقد حواجبه باستنكار: أسلوبي ؟!
هزت راسها بقهر منه: ترى أنا مو بزر تصرخ علي البارحة بالجوال وتقفل الخط بوجهي
ناظرها باستنكار: أنا صرخت عليك؟!
ردت بعبوس: تكلمني وكأني بزر..كل هذا علشان حضرة المديره؟!
وما اسمح لك تقفل الخط بوجهي ... أنا أحترمك وأحترم اهلك بالمقابل مجبور تعاملني باحترام وما اسمح لك تقلل من
قاطعها وهو زام شفته بعبوس: يعني تشوفين تصرفك مضبوط؟!
ردت بنفس الهدوء: ما عملت شيء غلط
استفزته ببرودها وهي تتكلم: كلك على بعضك غلط ...وفوق هذا ما شاء الله صورك عند عائشه
قاطعته بنفس الهدوء: وش فيها؟!
قاطعها والشرار يطلع من عيونه: فيها ألف غلط...ما أبغى أي صورة لك عند أحد تفهمين!!
ناظرته وهو منفعل ..تنهدت والضيق بداخلها استقر ... ما تحب أحد يتأمر عليهاويتحكم فيها .... وبنبرة فيها قهر من تسلطه ما تدري وش قلبه عليها كل هذا لانها طلبت تحضر الخطوبه:صوري شيء خاص فيني وما لك حق تتدخل فيه ..منعتني احضر الخطوبه بس ما لك حق بصوري وخاصه الصور قبل الزواج هذا شيء خاص فيني وانا راضيه فيه!!
استفزته بكلامها ...مسك نفسه بصعوبه ...وقف وهو يهز رأسه بتوعد: يصير خير...حمل نفسه وتوجه لغرفة النوم....نقزت لما ضرب الباب خلفه بقوة!!
تنهدت وهي تحس بشيء كاتم على صدرها ... أرخت رأسها للكنبه والصداع بدأ يضرب برأسها ... تتمنى لو انها ما شربت من الدواء حتى تنام وتهرب من هذا العالم!!!
**
**
**
منار باستغراب نطقت: ما صار شيء بيننا ..البارحه كله ما شفناها واليوم ما نزلت ولما راحت لها رنا قالت مصدعه وتبغى تنام!!
ليان وهي تناظر ولدها على الارض يلعب: غريبه ...اتصلت عليها وجوالها مغلق ..اطلعي ديما شوفيها!!
ديما بضجر وهي تتحرك: يا كرهي لذي المهمه!!
ليان ابتسمت على ضجرها بعدها التفتت لأمها: عمي ماجد وين؟!
منار ابتسمت على دخوله:الطيب عند ذكره!!
وهذا كنان معه!!
ليان ابتسمت له وهي توقف تسلم عليه ...سلم عليها ماجد وهو يرحب فيها ..نزل لمستوى الصغير وهو يلاعبه!!
ليان ناظرت كنان: كيف حالك ؟!
هز رأسه بهدوء: الحمد لله..وش اخبارك
ردت بابتسامة: الحمد لله بخير!!
ماجد جلس وهو يسأل باستغراب؛وين رنا وديما ؟!
منار بهدوء: رنا بالمطبخ وديما طلعت تنادي بيلسان!!
ماجد رفع حاجب: بيلسان زمان عنها والبارحه اتصلت عليها حتى تنزل تجلس معي بس ما ردت علي
منار قاطعته وهي تناظر كنان: البارحه كله ما نزلت ولا اليوم ..حتى ارسلت لها الاكل للجناح وارجعته..صاير شيء وزعلت منا؟!
كنان للحين ما يكلمها ..ما عجبه هالتصرف نطق بهدوء: لا ما في شيء!! ..هي تعبانه شوي !!
منار باستفسار: وش فيها
كنان هز رأسه بهدوء: تعب بسيط
سكت وهو يشوفها نازله مع ديما...صرف نظره عنها واشغل نفسه بالجوال!!
وقفت للحظة لما شافته بالصالة ...لو تدري إنه هنا ما نزلت ...من لما تزوجت اول مرة يزعلون من بعض هالمدة ..دوم ما يمر ساعة او ساعتين الا تصالحوا ....اقتربت وسلمت على ليان بابتسامه باهته: كيفك وش اخبارك؟!
ليان بابتسامه واسعه لشوفتها: الحمد لله بخير!!
نزلت لمستوى الصغير وحملته وهي تلاعبه....ماجد طار قلبه لليوم الي يشوف فيه عيال كنان..نطق بشغف: عقبال ما نشوف عيالكم!!
انطفت الابتسامه من ملامحها وما علقت وهي ترجع الصغير للأرض وجلست جنب ديما بهدوء!
ماجد عقد حواجبه باستنكار: قولوا آمين علامكم سكتم ؟!
كنان استرق النظر لها ..بعدها نطق بهدوء: ربك كريم!!
منار ابتسمت له: إن شاء الله الشهر الجاي نوزع حلوان بمناسبة الحفيد الجديد
ليان ابتسمت: إن شاء الله..وربي إني متحمسه لليوم الي اشوف فيه عيال كنان وبيلسان احيانا قبل النوم اجلس وانا افكر كيف رح يطلع شكلهم!!
ديما بمداخله: اكيد لعمتهم الحلوة!!
بلعت ضيقها من هالموضوع الي بدأ يؤرقها ...ما تدري وش سبب تأخر حملها ...معقول تغير كنان وعصبيته هاليومين لهذا السبب..يبغى عيال؟!
رفعت نظرها لمنار الي تتكلم بهدوء: وش رايكم نشوف ميس بما إنها دكتورة نسائية ..احيانا يكون في مشاكل بسيطه وبإذن الله يتم الحمل..باكر نروح لها
بيلسان عقدت حواجبها باستنكار ما بقى الا ميس تتعالج عندها ...نطقت برفض فيه حده: ما ابغى اراجع عند أحد
قاطعها كنان بتنبيه وهو يشوف ملامحها وهي تتكلم بحده وعبوس: بيلسان!
ماجد يلطف الجو: أنا قلت اتركوا هالموضوع وما ينفتح ...متى ما ربنا اراد رح يرزقهم!!
حست الصدمه اعتلتها من كلامه يعني كانوا يتباحثون بالموضوع من قبل .... وش يضمن لها ما يلعبون بعقل كنان حتى يتزوج الثانيه...
رفعت نظرها لكنان الي يناظرها بعدم رضا... التفتت على سلام الي تقدمت ومعها الضيافه وخلفها رنا!
سلام نطقت بابتسامه: وهذي احلى ضيافه لاحلى ليان!!
ابتسمت لها ليان: يا عمري تسلمين غلبتك معي!
سلام بابتسامة واسعه: غلبتك راحه!!
جالسه تناظر سلام وهي توزع الضيافه ...رفضت تأخذ منها ... ناظرت ليان الي تمدح مذاق الحلا!!
رنا وهي تجلس جنب بيلسان: انت يا دبه وينك ما نشوفك؟!
بيلسان ما لها خلق لها ..اكتفت تناظرها بدون ما تنطق اي حرف!!
ديما وهي تأكل من الحلا: اكيد ما تنزل تهرب من الشغل..مثل يوم زيارة بيت عمي تركت المطبخ وهربت
بيلسان عقدت حواجبها من كلامها ..اي هروب وهي للحين ظهرها يوجعها من الوقوف... بتساؤل نطقت: تكلميني؟!
ديما هزت رأسها: ايه أكلمك ...سلام نظفته وخلته يلمع لمع
زمت شفتها بيلسان بسخريه: سلام نظفته؟!
منار بعتب: ما تبغين تشتغلين ليه ما قلت من البداية ؟!
ليان رفعت حاجب: حالكم غريب دام الشغاله موجودة ليه تتعبون أنفسكم!!
منار بهدوء: انت تعرفين المطبخ ما احب الشغاله تمسك فيه شيء ... وأنا مبسوطه واستمتع بشغلي بس أنا تضايقت ليه ما قالت إنها ما تبغى تنظفه
بيلسان ناظرت سلام الي تناظرها بثقه وقوه ..أوقح من كذا ما شافت .. فوق كذبها تناظرها بقوة عين ..
زمت شفتها بسخريه تشوف نهاية كذبها ...ما كلفت نفسها تبرر او تكذب سلام ... تركتها بوحل الكذب ما لها خلق تتجادل مع ناس بدون ضمير!!
منار استغربت سكوتها وما علقت على شيء ... نطق ماجد يقفل الموضوع: كيف حال زوجك
ليان ابتسمت: الحمد لله بخير ويسلم عليكم!!
رنا خزتها: البارحه اتصلت عليك وكنت مشغوله وما رجعت اتصلت فيني
ليان برقه: يا قلبي نسيت أتصل عليك .. كان بابا متصل فيني وانشغلت معه ...
سلام بتساؤل: كل اسبوع تتصلين فيهم
ليان بعفوية: اسبوع ؟!
بابا أقل شيء يتصل فيني ٣ مرات باليوم..احيانا انشغل وما اتصل ألقاه يتصل وكأنه صار له شهر ما كلمني من لهفته ...ندمان على سفره ...
سلام بابتسامة: واضح إنه يحبك كثير ومتعلق فيك
هزت راسها ليان: أكثر مما تتصورين ومتعلق بزيادة بولدي!!
سلام هزت رأسها: الله يخليه لكم
قاطعتها ليان: امين!!
واضعه يدها تحت خدها وتسمع لكلامهم ..للحين أبوها يفرق بينهم ... تحس نفسها. غرقت بعالم أحزانها...تخلصت من ذي الاحزان ليه الحين بدأت تستفيق بداخلها وتغرق فيها من جديد؟!
عيونه عليها وهو مستغرب عيونها تلمع بالدموع وكأنها رح تبكي ..ما يحب يشوفها كذا ..وبنفس الوقت يبغى يعطيها درس كيف تحترم قراراته!!
يحسها مستعده تتخلى عنه علشان وحده من صديقاتها ولا كأنه له قيمه عندها أو يهمها أمره!!
سلام بلقافه: وش صار على سالفه الصور؟!
رفعت حاجب بيلسان ما شاء الله الكل يعرف بالموضوع...ناظرت ليان الي نطقت بمداخله: يعني وش فيها ...حنا متعودات بنات العم صورنا مع بعض
قاطعها ماجد بحزم: بس عندنا هذا الموضوع حساس وما نقبل فيه !!
يعني المفروض ابنة عمك تحترم قرارنا
ليان بتوضيح: يعني حنا نحافظ على صور بعض بحافظه خاصه ...ولنا صور جماعيه مع بعض لاننا نثق ببعض...صوري موجوده عند بنات عمي كلهم وبنات عمي نفس الشيء كل صورنا مع بع
قاطعها كنان وهو رافع حاجب: صور بيلسان مع بنات اخوالي؟!
ليان الي حست نفسها تورطت بالكلام:ءء أنا اتكلم عن نفسي
قاطعها ماجد وهو يعيد نفس السؤال على ليان : صور بيلسان مع بنات عمك؟!
سلام بمداخله وهي توجه الكلام لبيلسان بانتقاد: ما تسمعينهم يسألون ؟! جاوبي صورك  مع
قاطعها ماجد بحده: انت لا تتدخلين بشيء ما يخصك...
حاست بوزها سلام بعد ما فشلها عمها!!
تابع كلامه ماجد وهو يوزع نظره بين ليان وبيلسان: الصور
قاطعته بيلسان بهدوء : لو بحثت بالمتحف الوطني يمكن تلقى لي صور هناك ...وش يبغون بصوري بنات عمي؟!
ماجد ابتسم على تعليقها ..حس الجو متكهرب بينها وبين كنان..نطق  بابتسامة واسعه: يبغون يحتفظون بصورة أجمل بنت بالعالم!
ابتسمت بدون نفس على كلام عمها واعتبرته جالس يتريق عليها ..وما انتبهت على منار الي انتفخت ملامحها من هالمديح وكأنه جالس يمدح فاطمه!!
ليان تحس نفسها ورطت بيلسان بذي السالفه: يا عمي ما في صور لبيلسان اصلا قليل كانت تجلس مع البنات وما تشوفهم كثير !!
نزلت نظرها بيلسان لولد ليان لما تمسك فيها يبغاها تحمله ..حملته وقبلته على خده وهي تمسح على شعره بحنيه: يا قلبي يجنن
ورجعت تقبله مره ثانيه...ارخى الطفل راسه بحضنها باستكانه وراحه!!
بدأت تمسح على شعره وكأنها بعالم ثاني ما تسمع الكلام الي حولها ..تتمنى اللحظة الي يكون طفلها بحضنها ...تاق قلبها لذيك اللحظة... ما أجمل شعور الأمومه!!
رنا توزع نظرها بين بيلسان وكنان ...تحسها بعالم اخر وهي محتضنه الطفل..وكنان واضع يده تحت خده ويتأملها وواضح من ملامحه كيف متلهف لطفل!!
خرجت بيلسان من عالمها بدخول هاني بعد ما نبهتها رنا ..عدلت جلستها وناظرت سلام الي نطقت: الحين أجهز لك الأكل

منار مطت شفتها: يا عيني على الزوجه السنعه
هاني بابتسامة: انا ما اختار زوجتي عبث!!
منار بتذكر سألت: بيلسان وين قالب الكيك
بيلسان مطت شفتها بسخرية..وبهدوء نطقت: إسألي سلام هي الي نظفت المطبخ!
ختمت كلامها وهي تعطي نظرات سخريه لسلام!
سلام عقدت حواجبها باستنكار: قالب الكيك
منار هزت رأسها: ايه مو تقولين نظفت المطبخ كان على الطاوله؟!
سلام توهقت ما تدري عن شيء : لحظة اشوفه!!
تنهدت بيلسان وهي تشوف سلام الي توهقت لو تلف المطبخ ما رح تلقاه ...رح تعطيها درس حتى ما تكذب مرة ثانية... وخاصه هالقالب منار ما تبدله بكل ادوات العالم!!
ماجد وقف وهو ينطق: أنا طالع اجهز نفسي ساعه وراجع للقرية
قاطعه كنان بهدوء: اذا ما في غلبه تأخذ معك بيلسان للقرية؟!
ناظرته بيلسان باستنكار للحظة ظنت ما يبغاها...ارتخت ملامحها لما كمل كلامه: نهاية الأسبوع خطوبة صديقتها تبغى تحضرها .. أنا نهاية الأسبوع رح أنزل وارجعك معي!!
حست نفسها ما سمعت مضبوط ...كيف وافق على نزولها!!
ابتسم على ملامحها المصدومه ...بإمكانه يصلب على رأيه ويمنعها ...بس قلبه ما طاوعه وهو يشوف الحزن بعيونها والذبول ...تابع كلامه وهو يحثها تتحرك: يلا جهزي اغراضك !!
نزلت طفل ليان بشويش وعقلها ما هو مصدق ..ابتسمت له  ابتسامه عريضه والدموع تتراقص بعيونها...
نطقت بفرحه: انتظرني يا عمي ما رح أتأخر..تحركت مباشره للجناح تجهز نفسها
ماجد ابتسم: هذي الي دوبها كانت بائسه وحالتها حاله!
ليان بابتسامه: بيلسان حياتها بالقرية احسها بدون القرية مثل السمك تموت بدون مويه
**
**
**

بالطريق ماجد يتكلم وعيونه على الطريق: يمكن تشوفين هالشيء عادي ..بس البنت لزوم تكون حريصه من ذي الناحيه ..يمكن ينسرق الجوال وبعض ناس تستعمله لغايات ما هي شريفه وحصلت كثير بمجتعنا ..انا اتكلم لك من واقع خبرتي
هزت راسها بتفهم: صحيح كلامك يا عمي ..بس أنا
قاطعها وهو يكمل عنها: ادري اخر همك التصوير وهذي الخرابيط!
هزت راسها بابتسامة بائسه:بالضبط ..يعني جوالي ما رح تلقى فيه أي صورة!!!
نطق بابتسامة: بس انت اوفر!!
ارخت راسها على القزاز: كذا أريح لرأسي!!
عبست ملامحها وهي تحس بالغثيان والصداع يضرب برأسها!!
ناظرت ماجد الي نطق بضحكه ساخره: الحين تلقين سلام متوهقه مع منار بقالب الكيك...خليها تتعلم هالدرس وما تأخذ تعب غيرها
عقدت حواجبها باستغراب: كيف عرفت؟!
نطق وعيونه على الطريق: أنا شايفك بعيوني تشتغلين ...وبعدين سلام لو اشوفها بعيوني ما صدقت إنها سنعه ..يمكن مع الايام تتغير ...مشكلتها فاهمه الحياة غلط !!
تبغى تثبت انها الكنه المثاليه بأي طريقه!!
مشكلتنا اذا عشنا علشان نكسب رضا الي حولنا وننسى نعيش علشان أنفسنا!
تدرين أنا كنت معارض لزواجك بكنان
رفعت حاجب لما استرق النظر لها وهو يكمل كلامه: كنت خايف ما تتفقين مع منار ويعيش كنان حياته وهو يفصل بينكم!!
وخاصه يوم  الصباحيه لما ما نزلتم خفت تشتغلين شغل الكنة الي تقطع الزوج عن اهله!!
زمت شفتها بعبوس وهي تتذكر ذاك اليوم...وبتبرير نطقت: أحياناً نحكم على الاشخاص بدون ما نعرف ظروفهم ...بذاك اليوم أنا قفلت الباب بالمفتاح ونمت بدون وعي من التعب والارهاق ...وكنان كان مكبل ما هو قادر يفتح الباب ولا قدر ينزل بملابس الزواج ...يعني السالفه ما هي مثل ما ظنيتم..
هز رأسه بتفهم ما كان عنده علم بذي السالفة....نطق بهدوء: يعني ظنينا فيك ظن السوء!! سامحينا!
مطت شفتها بروح خاويه: مسموح يا عمي يا ليت كل الاباء مثلك!!
ابتسم ماجد : التربيه ما هي سهلة باكر لما ربنا يرزقكم اطفال رح تشوفين بعيونك ...الحزم لزوم يكون موجود وبنفس الوقت ما هو طول الوقت عصبيه وجديه يعني لزوم يتنفس العيال شوي ...بس بعض العيال يحتاجون لحزم اكبر وصرامه ... مثل رنا لسانها طويل!!
تابعت كلامه بيلسان بابتسامه: ورافعه خشومها على قلة سنع
ضحك بخفه: بالضبط...دوم اقولها يا بنت نهايتك جيفه تحت التراب ليه التكبر والتفاخر
بيلسان هزت رأسها: بس أحسها صارت أخف من قبل؟!
زم شفته: إن شاء الله ربنا يهديها!!
في كل عائلة تلقى واحد من العيال مختلف عن إخوانه ويتعب اهله معه بالتربية ..في بيتكم مين اكثر شخص اتعب أهله بالتربية ؟!
مطت شفتها بسخرية: أنا ما ادري لأني انتقلت عندهم بعد الثانويه
قاطعها : طيب ما كنت تقضين وقت عندهم
ناظرته بابتسامة متعبه..ما تدري ليه هذا الانسان تحب تتكلم معه بكل اريحيه...نطقت ونبرة الحزن واضحه في صوتها: ما كنت ازورهم كثير يعني ينعدوا على الاصابع واجلس كم ساعه وارجع مع ابوي سلطان..
عقد حواجبه باستغراب: طيب وليد كيف رضي
قاطعته بابتسامة ألم : عادي اصلا ما كنت ألتقي فيه كثير!
هز رأسه بتفهم: طيب بعد الانتقال!
ضحكت بخفه: أنا اكثر وحده غلبته كل حياتي معهم مشاكل ....حياتهم وطريقة تفكيرهم مختلفه عني تماماً...هو زعل كثير لأني رفضت أعيد الثانوية
عقد حواجبه: وش فيها لو عدت الثانويه ؟!
كنان اخبرني إنك ذكيه بس ما تبغين تدرسين
تنهدت وكابوس الثانويه للحين ما نسيته: يا عمي لما تكون  حافظ المواد عن ظهر قلب وتشرح للطلاب المسائل بكل سهوله ...حتى نموذج الاسئلة المقترحه الي ارسلها ابوي وليد كله حليته بدون اي غلط ...ما ادري وش اصابني بالامتحانات...كل تعبي وارهاقي طار بالهواء!!
كرهت الثانويه وهذي المرحلة بعد ما انكسرت أحلامي بلمح البصر!!
هز رأسه وهو يحس بالغصه بحلقها: ما تدري وين الخير ..دوم الانسان يقول لعله خير ...والاباء دوم يبغون لعيالهم الأفضل!!
ابتسمت له: اكيد !!
نطق ماجد وهو يناظر ساعته: تأخرت والسبب السيد كنان!
ضحكت بيلسان بخفه وهي تتذكر كنان اكثر من ربع ساعة وهو يعيد ويزيد بكلامه ويوصيها!!

**
**
**
قضت اسبوع بالقرية انبسطت كثير كل يوم البنات عندها في بيت جدها ...تحسنت نفسيتها كثير وغيرت جوها ..بس  متضايقه من الصداع واحيانا الغثيان من لما بدأت تشرب الدواء الي اعطتها إياه عائشة وهذي الاعراض ما فكت عنها!!
ناظرت سلام الي توجه لها الكلام: قومي جيبي لجدتي مويه
رفعت بيلسان حاجب: تكلميني؟!
سلام هزت رأسها: ايه أكلمك... يكفي اسبوع حضرتك لا شغل ولا مشغله وكل الشغل برقبتنا .. قومي تحركي أشوف!!
ام ماجد وزعت نظرها بينهم:ما ابغى مويه
سلام قاطعتها وهي توجه الكلام لبيلسان: شفت جدتي زعلت ..تحركي
ضحكت بيلسان بسخريه: انت من جدك تتكلمين؟!
سلام اشرت عليها بفوقيه: لا من عمي..وش هاللطاعه إلي فيك؟! تحركي
قاطعتها بيلسان وهي تهز رأسها بأسف ..الظاهر اخذت بنفسها مقلب ...وبهدوء نطقت: والله جدتك وانت أولى بخدمتها
ام ماجد نطقت بزعل: جعلني للسم اذا شربت شيء... الله أكبر كوب مويه
قاطعتهم منار وهي تقترب بتساؤل: وش صاير؟!
سلام نطقت بسرعه: طلبت جدتي منها كوب مويه قامت تقول هذي جدتك وانت أولى بخدمتها!!
منار عقدت حواجبها باستنكار وهي تناظر بيلسان : وش هالكلام ؟!
وش ينقصك لو أحضرت المويه ؟! ما عندك إنسانية ؟!
بيلسان ما انتبهت على وجود كنان .. نطقت بقوة: قولي هذا الكلام لسلام ...لأنها
سكتت لما نطق كنان بعتب: بيلسان؟!
ناظرته ما تبغاه يفهمها غلط..حركت شفتها تبرر موقفها
قاطعتها منار وهي تنطق بأمر: أحضري المويه لخالتي...تراها بحسبة جدتك
قاطعتها بيلسان وهي تشوف نظرات سلام تشع بالانتصار: ما رح أحضر شيء ... أنا مو
قاطعتها أم ماجد بزعل من بيلسان وسلام: الله يغنينا عن عباده!!
اقترب كنان بملامح جامده ...ناظرهم وبعدها نطق: