رواية جريمة عشق الفصل 109 - بقلم مريم نصار

في الفرح. مصطفى نزل وساعد چود ودخلوا القاعه. على أغنية "طلي بالابيض". محمد نزل من العربيه ومعاه نور، وماسك كف أيدها، وداخل بيها كأن الحفله ليها هي وبس. و زين وريتال ومالك وساره داخلين القاعه، وليهم دخول مهيب كرجال وسيدات أعمال. فارس جه ووقف قدام چود وباس جبينها، وأبتسم بحب كبير، وماشي جمبها. چود أبتسمت ومبسوطه، وبصت ع الاستديج والتربيزات، وشافت شباب كتير جدا، ولابسين ينيفورم واحد، كلهم قمصان بيضا على بناطيل سودا.

وكلهم صفرو لمصطفى بترحيب كبير جدا، وكشرت عينيها بعدم فهم. وهمست وقالت لنفسها: "هما دول صحاب مصطفى في الجامعه؟ مصطفى شاور ليهم. والمفاجأة إللي چود متعرفهاش إن مصطفى حاجز قاعتين أفراح. قاعه للشباب وقاعه للبنات، واخدها على قاعة البنات وقال: "تعالي ياچودي." چود بصدمه: "أنت بتقول ايه يامصطفى؟

مصطفى: "يابنتي افهمي، أنا حجزت دي علشانك، لأن كل صحابي إللي ف الجامعه جايين علشاني، وزي ما انتي عارفه مش هيقعدوا يشربوا قهوه. لأ دول جايين يخربوها. ساعتين زمن بس وهتطلعي انتي وبنات العيله، ونكمل فرحتنا. ساعتين وهيمشوا لأنهم من مناطق بعيدة عن هنا." چود صكت ع أسنانها بغيظ واضح وقالت: "هو فرح أسو أصلا؟

وأنا برضه بقول مصطفى إزاي يكون عاقل من غير حوارات. أسمع أنا ماليش دعوه، إحنا حجزنا قاعه لينا كلنا شباب وبنات العيله، وعيلتي كلها تقوم دلوقتي تحطني هنا، مكنت خدتني دار مناسبات أحسن يامصطفى." مصطفى: "هش وطي صوتك علشان ملعبش في وشك البخت. يابت افهمي، أنا بغير عليكي يا حماره انتي. إزاي عايزاني اخليكي تقفي وتتمايلي وترقصي قدام صحابي؟ ها؟ قولتلك قبل كدا أنا مش شاهنده ياچود. واعقلي وعدي الليلة على خير."

چود بتتنفس غيظ: "انا عايزه أروح، روحنااااي." مصطفى ضغط ع شفايفه بغيظ واضح: "أقسم بالله لو معديتي يومك انتي حره." ميرو جت: "إيه ياجماعه صوتكم عالي ليه؟ وانت يامصطفى، تيم بيقولك أنت هتنام هنا؟ يلا بقى اتفضل من غير مطرود." مصطفى مسح وشه بأيديه ونفخ وقال: "طيب عقليها يامريم، بقولها ساعتين وهنتجمع كلنا، مش معقول اطلعها قدام صحابي الشباب. متتكلموا ياجدعان." مريم بضحكه: "اطلع انت بس ياعريس وملكش دعوه، وأحنا هنظبطهالك."

مصطفى برفض: "لأ مش هطلع غير لما أشوفها مبسوطه." چود مبوزه ولفت وشها بعيد وبتهز رجلها بنرفزه. ميرو قربت من ودنها وشوشتها. مصطفى نفخ بخنقه وقال: "هي بتقرالها المصحف في ودنها؟ متنجزو ياجدعان." چود ضحكت بمكر: "طيب يامصطفى ياحبيبي، أطلع أنت لاصحابك." مصطفى تنح: "حبيبك؟ انتي قولتيلها ايه يابركه؟ ههههه." ميرو: "ههههه قولتلها كل خير. يلا بقى اتكل على الله." مصطفى: "ها ياجودي؟ أنا مش مطمنلك." چود زقته بهزار: "يلا بقى امشي."

مصطفى بحماس باسها من خدها وقال: "عتلاق موزة حياتي ياجدعان، ساعتين وراجعلك ياجميل." ومشي بسرعه. چود ضحكت وقالت بخبث: "وحياة أمك لاوريك مين هي چود السيوفي." وضحكت وقالت لمريم: "والله أحسن ع رايك ياميرو، إحنا هنرقص برحتنا ونعيش الفرحه الكبيره." "أصل كلهم هرمون الرجوله عندهم عالي." ميرو بضحكه: "مش عايزين جنان ياچود." چود رفعت حاجبها وقالت بتوعد: "هو في أحلى من الجنان يابنت عمي." في قاعة الشباب.

مصطفى داخل عليهم والبهجه حضرت، وصحاب مصطفى وسعيد قابلوا مصطفى بالتصفير والترحيب. وفجأة الميوزك ابتدا، والشباب اخدوا مصطفى على الاستديج وبدأوا هيبره. يوسف بيضحك وقال بتعجب: "كل دول صحابك يامصطفى؟ دول اكتر من العيله مرتين يبني." فارس بضحكه: "بجد اتفاجأت، وأحلا حاجه عملها مصطفى أنه أخد رائيي في أنه عايز يحجز قاعتين."

يوسف بتأكيد: "فعلا، هو قالي أنه عازم كل أصحابه من أيام الثانوي لحد الجامعه والجيران كمان، وقولتله ناخد رأي عمك فارس علشان محدش يتفاجيء." فارس بسعاده: "الفرح حلو يا يوسف، وربنا يفرح الجميع." يوسف: "أمين يارب، تعالى بقى نستقبل المعازيم." على الاستديج. مصطفى مسك المايك وبيقلع الچاكيت وحدفه لچواد، وقال ف المايك بصوت عالى:

"مساء الانوار، والكل يقفل على اي حوار. انهردا فرحي، يعني الفرحه الكبيره، يعني الفرحه المنتظره. يعني حفيد أشرف مصطفى عزيز بيتجوز، أهم من أنجبت مصر. فرحه انهردا، وعايز الكل يفرح ويرقص. إللي مش هيفرح، لما يشوف فرحتنا غصب عنه هيفرح. العزول لأ، ونقووول تااااني العزووول لأ. الصاحب الجدع اه، ويلا فرحه." صحابه بصوت عالى: "يلاااا فرحه." وشاور للميوزك، وبدأ يغني لحكيم: "على الواحده كله يرقص." والكل هيبر معاه.

كل الشباب عملوا دايره كبيره وبيرقصوا بحركات متفقين عليها. چودا طلع جمب مصطفى، وشاور ل آركان و آسر. آركان لفهد: "بعد إذنك ياحج أنا غير متاح دلوقتي لأي طلبات، سلام." وطلع يجري ع الاستديج. فهد ضحك بصمت. مراد بيسلم على رجال الأعمال، وشاور لفهد، وفهد شافه وراح يستقبل معاه. مصطفى غنى وقال: "واو واو واو واو واو واو عل الواحده كله يرقص، عل الطبله كله يرقص عل الصفقه كله يرقص اوووووه هلا هلا كله يرقص، ماتيلا كله يرقص

عل البركه كله يرقص اوووووه دلعنا ياعمي يلا بالعقل وبالاصول وان لامو علينا يلا خلي اللي يقول يقول خليه عمال على الله ويلا نكيد العزول عل الواحده كله يرقص، عل الطبله كله يرقص عل الصفقه كله يرقص اوووووه هلا هلا كله يرقص، ماتيلا كله يرقص عل البركه كله يرقص اوووووه اوووووه واو واو واو، اوووووه واو واو واو اوووووه واو واو واو، اوووووه طير بينا ياقلبي يلا على الحب وعلى الغرام نحضن ايامنا يلا ننسى الآه والخصام

خايفين من بكره ليه، في ايه نخاف عليه هما اللي قبل منا من الدنيا اخده ايه ونجحنا كله يرقص، وفلحنا كله يرقص وارتحنا كله يرقص اوووووه وسهرنا كله يرقص، وذاكرنا كله يرقص ونجحنا كله يرقص اوووووه اوووووه واو واو واو، اوووووه واو واو واو اوووووه واو واو واو، اوووووه الله على الحب لما بيجمع دول ودول الدنيا بتبقى احلى واللي بيصبر بينول سلمها للي فوق وانسى الاوهام وفووق دي مصيرها تروق وتحلى دوق طعم الفرحه دوق

عل الواحده كله يرقص، عل الطبله كله يرقص عل الصفقه كله يرقص اوووووه هلا هلا كله يرقص، ماتيلا كله يرقص عل البركه كله يرقص اوووووه وسهرنا كله يرقص، وذاكرنا كله يرقص ونجحنا كله يرقص، وفلحنا كله يرقص، وارتحنا كله يرقص عل الواحده كله يرقص، عل الطبله كله يرقص هلا هلا كله يرقص." لما آركان وچواد و آسر طلعوا على الاستديج وانضموا للفريق، الفرحه بقت فرحتين. زين بيقابل رجال الأعمال صحابه،

وبيعرفهم على العيله: مراد وفهد والدكتور محمد. زين شاف زياد، وشاور ليه. زياد قام وقفل چاكت البدله، وأستأذن الضيوف، وراح ل زين. مالك قام بسرعه وقال: "ثواني يابابا، هروح أسلم على سيادة المستشار وراجعلك." چاسر: "اتفضل يبني، وأنا هروح لعمك طارق وعمك أشرف." تيم و آريان وكريم بيضحكوا ع جنون مصطفى و آركان والفرحة اللي طالعه من قلبهم. آدم مراد قاعد على تربيزه لوحدو، وباصص قدامه بشرود. في قاعة البنات. چود طلعت ع الاستديج،

وقالت للبنت بتاعة الدي جي: "بقولك ايه ياقمر." البنت: "yes." چود بعدم إهتمام: "وماله يس ميضرش، بصي بقى شغليلي كدا حاجه تفرفشني، عارفه اغنية أمينه.. وأخيرا اتجوزت؟ البنت: "yes." چود: "برضه مصممه؟ ماشي شغليها بقى." البنت: "okay." وشغلت اغنية أمينه، والميوزك ابتدا. چود شاورت لبنات العيله، حياة وكارما وكمااان ( آرين) ، وكانوا بيرقصوا على حريتهم من غير قلق.

ميرو بتسقف بهدوء، وبتضحك من قلبها هي وتمارا ونور ورينو وفريحه، على چود وحياة وكارما و آرين. آرين أول مرة تحس بالفرحه اللي بجد ورقصت مع البنات بحريتها، لأن مفيش حد من الشباب موجود. وچود ندمت أنها اضايقت في الأول، لكن دلوقتي مبسوطه، وشافت رودي بتغني مع الاغنيه وبتسقف. چود نزلت بسرعه، وشدت رودي على الاستديج، ورقصت معاها.

ورودي رغم الحزن إللي جواها، لكن فرحة بنتها وهي بالفستان الابيض محت أي زعل جواها، وعاشت الفرحه إللي بجد في وسط الناس إللي بيحبوها. البنات نزلوا علشان ياخدوا فريحه ونور ورينو يرقصوا. لكن كل واحده رفضت بشده، علشان أولا سنهم ومركزهم وازواجهم، وكانوا قاعدين مبسوطين. حياة نزلت أخدت همس ترقص معاها. وهمس سابت محمود وحمزه مع مليكة وساره. مريم قاعده ومعاها رنا بيتكلموا عن طارق وزعله ع حفيدته. وهنا وملك بيهونوا عليها.

ريتال قامت بسرعه وضحكت: "أهلا أهلا، مدام أحلام، نورتيني." أحلام بإبتسامة: "أهلا بيكي يا ريتال، الف مبروك ياحبيبتى." ريتال بإبتسامة: "الله يبارك ف حضرتك." اتفضلي تعالي أعرفك على العيله. ريتال: راحت عند مريم وقالت: ماما أحب أعرفك على مدام أحلام. من أنجح سيدات الأعمال. وزوجها رجل أعمال. وابنها الباشمهندس يسري. وفترة تعليمه كلها كانت في فرنسا. ودلوقتي رئيس مجلس إدارة شركتهم. ضيوف زين!!! مريم:

بابتسامة: أهلا وسهلا بيكي ياحبيبتي. نورتيني. أحلام: أهلا بحضرتك. أنا بجد فرحانة أوي إني أخيرا اتعرفت على والدة الباشمهندس زين. بجد قمة الأخلاق والرقي. وريتال كمان عمري ما شوفت سيدة أعمال بالجمال والأخلاق دي. بجد أنا اتشرفت بحضراتكم. مريم: بفخر: تسلمي ربنا يعزك. ريتال: بابتسامة: ميرسي جدا. اتفضلي أعرفك على مامتي وباقي العيله. في قاعة الشباب.

الشباب شايلين مصطفى وبيرقصوا. والدخان يتصاعد بألوان مختلفة. والأغاني كلها مهيبره زي مصطفى بالظبط. بيتر وصل. وسلم على آدم وطارق وباقي الشباب. بيتر: بهمس: ماله طارق يا آدم مش على طبيعته. آدم: لا ده كدا أحسن بكتير. من الصبح وهو متعصب. مانت عارف. أنه مربي چود. والبيت هيفضى عليه. ده تفكيره. بيتر: طيب أنا هتكلم معاه. آدم: ياريت. أنا حاولت معاه. وفك شوية. أنت بقى دماغك طقه زيه. أقولك على حاجة. قوم خده واطلعوا على الاستديو.

بيتر: هههههههه انت بتقول فيها. والله الموسيقى بتغسلني من جوه كدا. هههههههه ماتيجي معانا. آدم: بسخرية: على آخر الزمن. راعي طيب شيبتك دي يامراهق انت وهو. بيتر: طيب اركن أنت. وقال: أحم. مالك كدا ياض ياطاروق. شايل طاجن ستك ليه. طارق: بتنهيدة: ولا طاجن ستي. ولا طاجن لحمة. اتفرج وأنت ساكت. بيتر: كتم الضحكة. وقال: تعرف القعدة دي عايزة سجارتين. هههههههه. طارق: بسخرية: دمك يلطش. أنت واللي قاعد جنبي هيطرشق ويضحك.

آدم: ضحك بصمت. وقال: وأنا كلمتك دلوقتي يا أسد. بيتر: هههههههه والله العظيم كلمة أسد دي بتهلكني ضحك. طارق: بغيظ: مش أحسن من حمار السوق. آدم: ضحك. بيتر: بغيظ: صدق أنا غلطان إني بهون عليك. أنت ضربة البوز ليك حلال. يا. يا أسد الغابة هههههههه. طارق: بغيظ: طيب ياظريف. الجاتوه هينزل كمان ساعة. تاكله وتتكل على الله. بيتر: ببرود: في ميل. طارق: بغيظ: لأ في زفت. أجيبلك. بيتر: ياريت مع الزفت شوية قطران. بيفتح النفس.

آدم: كاتم الضحكة. طارق: صدق ياض يا بيتر. هتصدق إن شاء الله. أنت واللي قاعد جنبي ده. مطمر فيكوا أي حاجة. آدم وبيتر: هههههههههههه. بعد فترة. الشباب عملوا الواجب مع مصطفى. وسلموا عليه وباركوا له وخارجين. سعيد: ماشي ومعاه أزايز مياه بيوزع على الشباب. وشاف بنت داخلة الفندق وواضح أنها تايهة أو متوترة وماشية. وكانت هتخبط فيه لكن انتبهت ووقفت. سعيد: قال: آسف. دعاء:

بتوتر: اء. أنا اللي آسفة مخدتش بالي. أصلي مش عارفة باب قاعة البنات منين. سعيد: ابتسم تلقائيا. وقال: طيب تعالي أنا هوصلك. متخافيش. أنا صاحب مصطفى العريس. دعاء: هزت راسها بحرج: أهلا بحضرتك. سعيد: ماشي جنبها. وقال: أنا اسمي سعيد وأنتي. دعاء: بتوتر: د. دعاء. ومعلش الله يخليك متتكلمش تاني. علشان كده عيب وحرام. الله يخليك وديني عند القاعة ويبقى كتر خيرك أوي. سعيد:

ابتسم بإعجاب: دعاء. اسمك جميل جدا. وأنا آسف مكنش قصدي أضايقك. اتفضلي باب القاعة من هنا. دعاء: بتوتر: شكرا جدا لحضرتك. وجريت من قدامه. سعيد: هرش في قفاه. وقال: ماشاء الله. بنوته جميلة وزي العسل. بس ياترى بنت مين. إيه ياسعيد. أنت هتبص لفوق ولا إيه. اعقل أنت أبوك موظف حكومي. يلا على الله حكايتي. بعد شويه. چود: مهيبره على الآخر وبترقص والكل بيسقف ليها. والبنات عملوا جو حلو أوي. كارما جريت على البنات.

وقالت: مصطفى جااااي يابناااات. كل البنات نزلوا من على الاستديج. وچود قعدت مكانها بتنهج من الرقص. مصطفى: دخل بضحكة. وماسك المايك وغنى على طول. حتة من قلبي. لحسين الجسمي. وقال. وش من غير كاني وماني. طبعي بدخل في الموضوع. إنت صورتك مستلماني. كل أيام الإسبوع. يا حتة. يا حتة. يا حتة من قلبي. لقيت نصي. ولقيت جوي. وعندي إنت في حتة وليه أخبي. تعالي بصي. بتحلوي. يا حتة. يا حتة. يا حتة من قلبي. الكل انتبه لمصطفى وضحكوا بفرحة.

مصطفى بيغني وماشي لحد ما وصل لچود. وفتح كف إيده ليها. چود: ضحكت بسعادة. وحطت إيدها في إيده. مصطفى: اخدها وماشي بيها وبيغني. وخارج بيها للقاعة التانية. ووصل للاستديو. ومسك إيدها وباصص في عينيها. وكمل وقال. وش من غير كاني وماني. طبعي بدخل في الموضوع. إنت صورتك مستلماني. كل أيام الإسبوع. يا حتة. يا حتة. يا حتة من قلبي. وإحنا سوى لو مين ينساني. أتشغل عنك ممنوع. وإنت جنبي إنت مافيش تاني. رقمي من الخدمة أهو مرفوع.

يا حتة. يا حتة. يا حتة من قلبي. آه لقيت نصي. ولقيت جوي. وعندي إنت في حتة وليه أخبي. تعالي بصي. بتحلوي. آه وليه أخبي. تعالي بصي. بتحلوي. وش من غير كاني وماني. طبعي بدخل في الموضوع. إنت صورتك مستلماني. كل أيام الإسبوع. يا حتة. يا حتة. يا حتة من قلبي. مصطفى محاوط چود من وسطها وبيغني ليها. چود بتتمايل مع مصطفى وضحكتها نورت وشها أكتر واكتر. كل الستات والبنات خرجوا من القاعة. وكل واحدة قعدت مكانها.

آسر عيونه على حياة قلبه إللي ماشية كأنها أميرة. وقلبه دق وأتمنى إن يكون اليوم ده. هو فرحته بحياته. چواد: شاف كارما ووقف مكانه ونفسه يروح يكلمها. لكن مالك شاور ليها من بعيد. كارما ماشية مع البنات. ومتعرفش ليه شايفه إن چواد مميز عن كل الموجودين. يس: شال حمزه. وماسك إيد همس وراح يقعد معاها. محمد: قعد وقال لنور بضحكة. طبعاً خربتوها جوه. نور: بضحكة. أبداً والله أنا مقومتش من مكاني. مراد: شد فريحه. وقال بتحذير.

بت يا فريحه. أوعي يابت تكوني عملتيها جوه ورقصتي. أقسم بالله أبيتك في حضن أبوكي. فريحه: بضحكة. ياخرابي لسه بتغير عليا يامرادي. مراد: بغمزة. ليا مين أنا يابنت المستخبي علشان أغير عليه. انطقي يابت. رقصتي جوه. فريحه: هزت راسها بضحكة. للأسف لأ. ههه. مراد: رفع حاجبه بمكر وقال. خلاص ياموزتي تتعوض. انهردا. فريحه: بضحكة. لأ أنت بتغير عليا وماينفعش أرقص هنا. مراد: بمكر. وحيات أمك. أنتي هتتغابي يابنت كوم الشكاير.

بس قوليلي يافريحتي أنتي حلوة أوي انهردا ليه. فريحه: بسعادة. علشان أنت معايا ياقلب فريحه. مراد: هرش في دقنه. وقال. بقولك إيه. ماتيجي نخلع إحنا. فريحه: ضحكت من قلبها. وقالت. وبعدين معاك يامراد. آرين: خارجة وبتضحك. وماشيه ومعاها حياة وكارما وتالين. لكن عينيها بتدور على المرعب. الأغنية خلصت. والكل سقف والشباب بتصفر. آدم مراد: واقف مع مجموعة شباب بيتكلم معاهم.

شاف آرين. ورغم جمالها المسيطر عليه. لكن الغيرة بتاكل في قلبه. وعايز بأي طريقة يتكلم معاها. وبص على إيديها. وملقاش الفون معاها. وقبض على إيده بخنقة. وسابهم وراح واقف في مكان لوحده وبيفكر إزاي يقابلها. تيم: قام وقابل ميرو وقعدوا على ترابيزة. وبيضحك وقال. بقولك إيه ياحبيبتي. ميرو: نعم يا حبيبي. تيم: بمكر. ماتروحي كدا تتكلمي مع أخوكي. وقوليلوا يندمج معانا. أو يطلع يغني. أو يرقص.

ميرو: ضحكت. وقالت. أنت بتحلم. طيب دانا نفسي أشوف آدم بيضحك كدا ومندمج معانا. مش تقولي يغني ويرقص. يامامي. لأ روح أنت وقوله. ولا أقولك لأ بلاش أنت. أنا معنديش استعداد أضحي بيك. تيم: ههههه. للدرجادي آدم شراني. ميرو: بتنهيدة. أبداً والله ده آدم أخويا مفيش أحن منه. لكن هو طبعه حاد شوية. وبيحب الجد. وإنسان عملي. هو أنا برضه إللي هقولك يادكتور. تيم: هز راسه. فعلاً. هو كدا بالظبط.

ميرو: بصت على آدم. وقالت. آدم شكله مخنوق. وأكيد أنا عارفه سبب خنقته دي إيه. تيم: بتفهم. أكيد نفس السبب. ميرو: بدهشة. إيه ده استنى أستنى. دي چود شكلها هتغني. بص هناك. چود: أخدت المايك. وغنت. بالعربي لاصاله. وقالت. وهي بتشاور على مصطفى برقة. لما يهل الورد البلدي كل الورد يخاف. بالعربي اللي مشافش العربي يبقى لا عاش ولا شاف. إبن بلادي يا مالك قلبي يا محلي الأيام. وشامتك تتكلم عنك مش محتاجة كلام.

الله. غيرتك على حياة إحساس جميل عايشاه. من غير حبيبي أنا هلقى الأمان وياه. طب لما يهل الورد البلدي كل الورد يخاف. بالعربي اللي مشافش العربي يبقى لا عاش ولا شاف. خوفك طول الوقت عليا بيطمني كثير. وناهيك عن طبع الحنية بفرح لما تغير. الأصل الطيب يا حبيبى باين من العنوان. حقك طبعاً تدخل قلبي من غير إستئذان. الله. غيرتك على حياة. الله. غيرتك على حياة إحساس جميل عايشاه. من غير حبيبي أنا هلقى الأمان وياه.

لما يهل الورد البلدي كل الورد يخاف. بالعربي اللي مشافش العربي يبقى لا عاش ولا شاف. چود كلمات الأغنية زودت الحماس عندها. وغنتها لمصطفى من قلبها. وزاد جنونها. وقالت في المايك بصوت عالي جدا. بحبااااااك يامصطفى. الكل سقف وصفر. مصطفى: فتح عينيه بزهول وقلبه بيدق. وشالها ولف بيها كتير. چود: اتشعلقت في رقبته وبتضحك. مصطفى: نزلها. وباس راسها. وقال. أنا إللي بموت فيكي. چود: ضحكت بدموع وسكتت.

مصطفى: بهزار. إيه ياتراب القمر. رجعتي في كلامك ولا إيه. چود: هزت راسها لأ. بس بابا طارق. صعبان عليا أوي يامصطفى. مصطفى: بص على طارق. وشاف آدم وبيتر بيتكلموا معاه. بس هو دبلان وعيونه فيها لمعه وخنقة. وباصص عليها. مصطفى: مسك المايك. وقال. جد العروسة. اللواء طارق باشا السيوفي. حفيدتك مش عايزة ترقص معايا سلو. وقالت يا جدو يابلاش.. طب ده اسمه كلام..!!! الكل صفق، وجود هزت راسها بالموافقة لجدها. طارق ابتسم.

فارس مسك إيد أبوه وساعده يطلع لچود. آدم وبيتر صفقوا. طارق مسك إيد حفيدته وباس جبينها. الميوزك بدأ على أغنية هادية ورقص معاها. مصطفى قال: وأنا هفضل واقف كدا؟ أنا هروح أجيب مرمر. ونزل واخد أمه وسط ضحك من الكل ورقص معاها. ميرو خرجت منها تنهيدة وقالت: واو جميل أوي. تعرف ياتيمو، بجد بتمنى أرقص معاك، الميوزك يجنن. تيم ابتسم وقال: أمنية مرة واحدة ياميرو. وفتح كف إيده وقال: وأنا وعدتك إني أحققلك كل أمنياتك. ميرو بدقة

قلب وكسوف وقالت بتوتر: بس…!!! تيم بابتسامة: من غير بس، يلا هاتي إيدك في إيديا. ميرو حطت إيدها في إيده وقام واخدها على الاستيدج ورقص معاها. وميرو غمضت عينيها وبترجع بالذكريات. ليليان خبطت كريم في كتفه وقالت: إيه بقى، مش هتقولي تسمحيلي بالرقصة دي؟ كريم ضحك وقال: وأنا أطول ياباشا أرقص مع ليليانو حبيبة قلبي. استنى هسيب عمري لأي حد وجايلك.

همس: مرة واحدة، ياسين أنا عايزة أرقص معاك، يا أما أقسم بالله الوردية عليك انهارده تسهر وتربي عيالك. ياسين بضحكة: لأ وع إيه الطيب أحسن، قومي معايا. همس بكبرياء: أيوه كدا، الحمشنة حلوة مفيش كلام. بس استنى لما أقلع الجزمة. ياسين من بين أسنانه: طيب اعمليها علشان يومك يقفل معايا.

همس: صدق برضو الحمشنة حلوة عليك، مالها الجزمة يعني، دي جميلة جميلة. تعرف أنا بموت في الكعب العالي، يلهوي على السعادة اللي أنا فيها. يلا يا حظابط يلا. آرين قاعدة ومهتمة بآيان وبتسرق نظرات لآدمها. ونفسها تسأله إيه رأيه في الفستان. (ولو علمت ما بداخل معشوقها ومدمنها من نار تتأجج، لهربت مختبئة في كهف أبدي.) فهد قاعد مع رينو ومراقب تصرفات آدم وشايف أنه مضايق.

رينو بسعادة: يارب عقبالك يا آرين يابنتي. تعرف يافهد، أنا مستنية اليوم اللي أشوف فيه بنتنا في الكوشة. فهد هز راسه بصمت. رينو بتكشيرة: فهد أنا بكلمك. فهد: أمم سامعك. وإن شاء الله. رينو بتعجب: إن شاء الله. ومالك بتقولها من غير نفس ليه بقى؟ اوعى يافهد تكون لسه عند تفكيرك وإن آرين صغيرة والكلام ده. وابتسمت بتنهيدة وقالت: شايف آرين جميلة إزاي يافهد. بنتك كبرت وشايفاها بقلبي قبل عيوني إن مفيش زيها. فهد غصب

عنه ابتسم بحب وقال بشرود: آرين فعلاً مفيش زيها يا رينو. آرين بنتي وحبيبتي وفراشة الدنيا كلها. بشوف فيها امبارح وانهرده وبكره. بشوف فيها الشقاوة والبراءة والطفولة والنضج. آرين ميكس جميل من كل حاجة. آه يا رينو لما تشوفي تصرفاتها وتعمل إنها غيرانة من إنك نجمتي وحبيبتي، بتاخد قلبي. شايف فيها رينو، نوتيلا آدم العدوي. شايف فيها كل حاجة حلوة. آرين مش بس بنتي، آرين هي انتي يا رينو.

انتي وآرين لما بتخيل إنكم ممكن تبعدوا عني، بحس إن روحي بتتسحب مني. وضحك بصمت وكمل وقال: وآركان، آركان اللي واخد شطر كبير جدا من قلبي. شايف فيه أخويا وصحبي وعشرة سنيني مراد. شايف فيه ذكاء جدو آدم. شايف فيه قلب فهد السيوفي. شايف فيه حاجات كتير جدا. أما بقى آيان!!! ده في منتصف قلبي وشايف فيه أنا وأكتر. رينو قلبها بيبكي من فرحتها إن زوجها بيحب عيلته بعد العشق. وضحكت بدموع وسعادة.

وحطت إيدها على إيده وقالت: وأنا شايفه كل الدنيا فهد السيوفي وبس!! فهد انتبه وفاق من شروده وابتسم لرينو وباس على إيدها وربت عليها. الرقصة خلصت والكل نزل. وميرو معدتها قلبت وعايزة تروح الحمام بسرعة. تيم بسرعة شاور لآرين. آرين بصوت عالي علشان الميوزك: باااابي. فهد بص ليها: نعم ياحبيبتي. آرين: ميرو شكلها تعبانة وتيم بينادي عليا علشان أروح معاها التواليت. اوكي.

فهد بص على ميرو وقال: طيب بسرعة. وماتسيبيهاش. ولو تعبانة أوي نرجع على البيت. آرين هزت راسها: اوكي. اتفضل بقى حضرتك آيو. وسابتهم ومشيت. چود: رايحة تقعد… مصطفى شدها من إيدها وخبطت في صدره وقال: يلا ميكس. الميوزك اشتغل على أغنية شادية وفريد الأطرش. وچود ابتسمت بمكر وقالت: چود: ياسلام على حبى وحبك. وعد ومكتوب لي احبك. ولا انامش الليل من حبك. ياسلام على حبى وحبك.

مصطفى: ده ما كان على بالي احبك. ولا انامش الليل من حبك. ياسلام على حبى وحبك. چود: ياحبيبي هواك جنني. والشوق ملاني جراح. وحياتك تبعد عني. وتسبني علشان ارتاح. مصطفى زقها بمرح وقال: وانا يعني ماسك فيكي. ماهو قلبي مشغول بيكي. چود بغيظ: حبك حيرني. مصطفى بغرور: وانا زيك برضه. چود خبطته في كتفه وقالت: ربي يصبرني. مصطفى رفع إيديه للسما وقال: أيوه انا في عرضه.

چود بغمزة: اعذرني لاني بحبك. مابنامش الليل من حبك. ياسلام على حبي وحبك. مصطفى بغمزة: مش ممكن اعيش من بعدك. ده خيالك جنبي ليلاتي. واقول لو ربنا يخدك كنت اعمل ايه ياحياتي. چود زقته: ان شا الله انت ياحبيبي. ياهنيا وكل نصيبي. هولع في روحي ياقلبي وعنيا. مصطفى بمكر: لا اوعى ياروحي ده واجب عليا.

چود من بين أسنانها: من ساعة قلبي ماحبك. مابنمش الليل من حبك. ياسلام على حبي وحبك. وعد ومكتوب لي أحبك. يا سلام على حبي وحبك. حبتني صحيح. آمال… . ياسلام على حبي وحبك. وعد ومكتوب لي احبك. يا سلام على حبي وحبك. الكل شايف وسامع مصطفى وچود كأنه عرض مسرحي وبيصفقوا ومندمجين جداااااا. وفهد ورينو بيضحكوا عليهم ومركزين معاهم. في الدور اللي فوق. ميرو بترجع في الحمام وفكت الحجاب ولسه هتظبطه.

آرين واقفة وقالت بقلق: ميرو انتي كويسة ياحبيبتي؟ ميرو من جوه: أيوه يا آرين بس استني شوية لسه هلف الحجاب. آرين: اوكي خدي راحتك أنا مش همشي غير بيكي. هستناكي بره اوكي. ميرو: اوكي يا حبيبتي. آرين خرجت من الحمام الخارجي وشهقت من الخضة: عااااا.. بسم الله الرحمن الرحيم. آدم مراد صاكك على أسنانه وباصص ليها بغيرة كبيرة. آرين بتاخد نفسها بالعافية وحطت إيدها على قلبها وقالت: إيه يا آدم حرام عليك. آدم مراد: ……….!!

آرين نزلت إيدها وبصت عليه وشافته على نفس الوتيرة وقالت جواها: هو بيبص عليا كأني مجرمة ليييه؟ انت ياعم انت. والله دراكولا مظلوم جنبك، يخربيتك هتطلعني من الدنيا قبل ما أفرح بشبابي. بصي بصي يا آرين، عينيه بتقلب نور ياماااامااا. ايتها الروح الشريرة انصرفي، انصرفي. آدم مراد شاف جمالها عن قرب ورغم عشقه لتفاصيلها، لكن مش عارف ما يغيرش عليها. وفكرة إن حد يتفتن بيها مجننة عقله. آرين كشرت عينيها

للصمت ده وقالت بغباء: يمكن بتخيل. أيوه ماهو المرعب شبح لازم أتخيله. ورفعت إيدها وشاورت قدام عينيه وقالت: انت جوه..اء.. قصدي انت هنا. ولا مشيت وسبت الرعب ليا. واتخضت من نبرته: يامااااامي. ورجعت بضهرها وخبطت في الحيطة. آدم مراد بنبرة حادة وشر قال من بين أسنانه بغيرة كبيرة: أنتي إيه اللي انتي لابساه ده؟ وأنتي إزاي كدا…!؟ آرين فتحت عينيها بصت على فستانها

وبصت لآدم وقالت جواها: ياحول ده فستان ولونه أزرق وبكم ومحترم ماااله. إيه ده يكون المرعب عنده عمى ألوان؟ أيوه هي ما تجيش غير كدا. أوو يا حرام مسكين يقلبي عليك يا مرعب. آدم مراد قرب منها وخبط بإيده على الحيطة جمب وشها. آرين شهقت وغمضت عينيها. آدم مراد قال بحزم: هو أنا مش بكلمك؟ آرين وهي مغمضة هزت راسها بتوتر: أيوه أيوه. آدم مراد شاف خوفها ونزل إيده بهدوء ومسح وشه وشعره. وقال بتمثيل الهدوء: فتحي عينيكي يا آرين.

آرين هزت راسها: لأ. انت بجد بتخوفني وأنا معرفش أنا عملت إيه لعصبيتك دي. آدم مراد بتنهيدة: طيب فتحي عينيكي. آرين بتذمر: طيب الدار أمان؟ آدم مراد: يابنتي فتحي عينيكي خليني أعرف أكلمك. آرين فتحت نص عين وقالت بهزار: كابتن كابتن. هو المرعب مشي؟ آدم مراد هز راسه وغصب عنه ابتسم وقال: أيوه المرعب مشي. آرين بنفس الشكل قالت: أحسن برضه. أصله بياكل الأطفال الصغيره من سن ١٧ ل ٣٠ وأنت طالع. آدم مراد

ابتسم بصمت وقال بتنهيدة: انتي مجنونة يا آرين. آرين فتحت عينيها بزهول وقالت: ميييين؟ آدم ابن خالو مراد القمر. اذيك؟ الحمد لله جيت في وقتك. كان في مصاص دماء هنا كان مخوفني. وقلبي ده كان بيدق من الخوف. بس ربنا يهديه بقى. آدم مراد اضايق من نفسه أنه خوفها منه وقال بتنهيدة: أنا مش بخوفك مني يا آرين. أنا…!!! وغمض عينيه بتعب وقال: مش هتفهمي احساسي وايه اللي حصلي أول ما شفتك بالفستان ده. آرين بفرحة من غيرته

عليها قالت بطريقة جميلة: انت قولت ممنوع أي لون فاتح وكمان أحمر ممنوع ومستردا. ومسموح بالغوامق. وأنا قولت يابت يا آرين لأ لأ أنا مش بنت أنا ليا اسم اوكي. المهم قولت يادكتورة آرين اللون ده عجبني جداً وأكيد هيعجب المرعب.اء.. قصدي هيعجب آدم. وهيقولي برافو عليكي يا رينو ياصغيرة. وتستاهلي علبة نودلز وكمان علبة شوكليت كبيرة. ويسلام بقى لو برطمان نوتيلا. أممم صدق جوعت أوي!! آدم

مراد بدقة قلب قال جواه: صدقت يا أمبراطور. وإن آرين هي الوحيدة مهديء لغضبي. في القاعة. الكل صفق بعد ما مصطفى وچود رقصوا سلو مع بعض لوحدهم. وشالها ولف بيها. أشرف كان مبسوط جدا. وجاسر مراقب تصرفات ونظرات حفيده. مالك قعد جمب أبوه وقال: أنا دلوقتي عرفت أنت وآسر منمرين على مين من بنات العيلة. جاسر ابتسم: طول عمرك أبو المفهومية. صح النوم يا سيادة المستشار.

مالك بضحكة: ما هو ربنا يبارك لينا فيك يا حج. انت الضلع الثابت لعيلتنا. وآسر وكارو طول الوقت معاك أنت وست الكل. جاسر بحب: وأنا عيني لأحفادي قبل ولادي. وأنت متحملش هم حاجة. مالك بص له بابتسامة وقال: حياة بنت زياد مش كدا؟ جاسر هز راسه بابتسامة وقال: أيوه. وقريباً هنفرح. إن شاء الله. بعد كده، ومصطفى وقف معاهم، وشغلوا فقرة الشعبي. وكلهم رقصوا مع مصطفى. مصطفى فرحته واضحة للكل، والكل بيسقف بفرحة كبيرة.

بعد كده وصلت التورتة سبع أدوار، ودي هدية من فهد ومراد. مصطفى قطع التورتة مع چود وأكلها، وهي أكلته. وخلص الفرح على خير. وطبعًا كالعادة الكل ودع مصطفى وجُود، وداع مؤثر من طارق ورنا وفارس ورودي. مصطفى أخد المفاتيح من آركان وأخد عروسته على فيلا مصطفى عزيز. وكل العيلة ودعت بعض ورجعوا على بيتهم. فيلا مصطفى عزيز.