رواية جريمة عشق الفصل الحادي والعشرون 21 - بقلم مريم نصار

ياسين: شايل محمود.. إللي عمال يعيط. همس: شايله حمزه.. وبيعيط هو كمان. ياسين: بحيره.. بس يامحمود.. بس ياحبيبي الله يهديك.. نام شويه. همس: بتعب.. أنا خلاص ماشيه أنام على نفسي.. محمود وحمزه لو مناموش دلوقتي.. أنا هتبرى منهم. ياسين: بتكشيره.. تتبرّي منهم عشان مش عايزين يناموا.؟ وإحنا الضهر.. هو النوم بالعافيه؟ همس: بنفاذ صبر.. آه بالعافية.. الولاد أكلين ولبسهم نضيف.. والبيت هادي.. ناقصهم إيه بقى عشان ميناموش؟

دول مبيناموش ساعة متواصلة.. أنا وماما مليكه طول الليل رايحين جايين عليهم.. وهما مفيش دم خالص.. بجد زعلانه منهم جداً. ياسين: كتم الضحكه.. أحم.. معلش يا حبيبتي.. دول زي ولادك برضه.. وبيدلعوا عليكي. همس: اها.. أنت بتتريق ياسي ياسين؟ طيب إيه رأيك.. لو أنا أنام.. وأنت تاخد مكاني.. ولما يجي الليل تسهر بقى مع ولادك..؟

ياسين: بضحكه.. ياحبيبتي أنا بهزر معاكي.. وبعدين ما أنا معنديش شغل انهارده.. وقاعد معاكي أهو.. وشوفتي.. محمود أول ما بيسمع صوت همستي بيسكت. همس: يخلاثي أنا ياناس حبيب مامي ياروحي.. وشوفت حمزه.. مركز معانا في الحوار.. إيه يابسبوسة أنت.. يخلاثي ع القمر.. تتاكلي يابيضة أنتي. ياسين: كشر عينيه بعدم فهم. وقال.. بيضة انتي؟ الكلام ده لحمزة ابني؟

همس: أمم وابني عشان متنساش بس.. وبليز بقى حاول مع محمود ينام.. هموت وأشرب قهوتي.. مبقتش قادرة.. هنام وأنا واقفه. ياسين: ههههه. ماشي ياحبيبتي. أنا هسيب محمود جمبك هنا.. وهنزل جري. أعملك أجمل فنجان قهوة.. وحط محمود جمبها ع السرير.. وخرج بسرعة. همس: بغيظ.. ياسسسين… ياسين خد هنا أنت بتتهرب ع فكرة.. ودي مش أخلاق ظباط أبداً. ياسسسيين.. ياسين: نازل ع السلم.. بيضحك.. وقال.. الجري نص الجدعنة.. بجد الله يكون في عون الستات.

ودخل المطبخ وقال.. لو سمحتي ياداده.. قهوة همس بسرعة. الدادة: حالا هعملها. ياسين: متشكر.. هي ماما مشيت مع بابا ولا لسه؟ الدادة: أيوه مشيوا من شوية.. تحب أعمل لحضرتك أي حاجة؟ ياسين: لأ متشكر. وبعد لحظات.. ياسين أخد القهوة.. وطالع بيها.. وقال بتعجب.. مفيش صوت لهمس والولاد ليه لتكون حدفتهم من البلكونه. مجنونة وتعملها؟ ودخل الجناح.. وأبتسم على شكل همس.. اللي نايمة جمب محمود وحمزه.. وكأنها نايمة ف ثبات عميق.

ياسين: حط القهوة ع الكمود.. وشد عليها الغطا.. وباس جبينها.. وبص ع ولاده.. وحمد ربنا على أجمل همس وذرية في الدنيا. في المستشفى.. تيم: قاطعها بزهول وفرحه.. وقال.. حامل..!!! ميرو: انتبهت للكلمة.. وبصت لتيم.!! تيم: باصص لورقة التحليل وقال بفرحه. حامل.. مريم أنتي حامل..!!! ميرو: فتحت عينيها بزهول.. وقلبها دق بقوة كبيرة.. وقالت برجفة وفرحه ولخبطه.. ت… تيم أنت بتقول ايه؟

نرمين: ضحكت… وقالت.. وده اللي خلاني أجيب ليكم التحليل بنفسي.. ألف مبروك ياميرو.. ألف مبروك ياتيم. تيم: افتكر كامليا.. لكن قال لنفسه.. مش حتة حيوانة زي دي هتأثر على فرحتي.. هي أكيد هتتعاقب. أنا لازم أعيش مريم الفرحة الكبيرة دي.!!! وبص ل ميرو. ميرو: هزت راسها بعدم تصديق. تيم: ضحك بسعادة.. وقال مريم أنتي حامل..!! وحضنها بفرحة كبيرة. ميرو: همست في حضنه.. حامل..!! واستوعبت الخبر.. وقالت.. أنا بجد حامل؟

وحضنت تيم.. وعيطت.. وفضلت تقول بهمس حامل.. أنا حامل. نرمين: شافت فرحتهم.. وابتسمت.. وانسحبت بهدوء.. وخرجت وقفتلت الباب. تيم: بفرحة كبيرة ولخبطه.. اسمعي.. أنتي متعمليش أي حاجة.. هجبلك شغالة خاصة.. ولا أقولك أنا. أنا اللي هعمل كل حاجة.. بصي أنتي بس استريحي.. وا… ميرو: حسّت بإحساس جميل جداً.. وفرحة مضاعفة.. وقالت.. بابا آدم.. وماما مريم.. ومامي وماما نور. والعيلة.

تيم: بلخبطه.. اء.. أيوه. ورينو.. رينو هتفرح أوي. وتيما. بصي لازم نبلغهم الخبر ده. ميرو: ضحكت بدموع.. لازم أشوف رد فعل. ماما نور.. وكمان بابا آدم. أنا عايزة أرجع على البيت دلوقتي.. ممكن؟ تيم: بفرحه.. طيب ثواني أشوف ماما فين دلوقتي؟ وضحك بسعادة.. وباسها من خدها.. ألف مبروك ياروحي. ميرو: غمضت عينيها وبتحمد ربنا في قلبها.. وقالت لتيم.. الله يبارك فيك ياحبيبي.

بعد لحظات. تيم أتصل على نور وطلب منها تروح على الفيلا مع أبوه.. لأمر مهم.. وطلب دكتورة متخصصة.. وكشفت على ميرو.. وحامل في شهر ونص.!!! وبعد كدا ساعد ميرو.. وخارجين من المستشفى.. ممرض لمح تيم.. وجري عليه.. دكتور تيم.. لحظة لو سمحت. تيم: شافه.. ونفخ بخنقة.. وقال لمريم.. خليكي هنا ثواني وراجعلك. وقابل الممرض.. وشده على جمب.. وقال بخنقة. في إيه؟ الممرض: أنا آسف يادكتور.. لكن الحالة إللي حضرتك حولتها لقسم الحروق..

تيم: ياريت تقولي أنها ماتت..!!! الممرض: بتوتر.. لأ هي عايشة. لكن وشها محروق بطريقة بشعة.. وحروق في جسمها في مناطق متفرقة.. ورجليها وأيديها.. والدكتور زوهير.. زي ما حضرتك عارف.. سافر انهاردة الصبح..!! تيم: بعدم اهتمام.. ابعتوا لأهلها.. وهما هيتصرفوا معاها.. واسمع مش عايز حد يسألني عن الحالة دي . انت فاهم.. وأول ما عيلتها تيجي هنا.. يستلموا الحالة ويعالجوها في أي مكان غير هنا.. الحالة دي مرفوضة في المستشفى كلها.

وسابه ومشي.. ومخنوق جداً.. لكن لما قرب عند ميرو.. ابتسم بحب كبير.. ومسك إيدها. وخرج بيها من المستشفى. ميرو: بإبتسامة. الممرض كان عايز حاجة مهمة ياحبيبي؟ تيم: بضحكه.. أبداً ياروحي.. متشغليش نفسك بحاجات تافهة.. المهم بس أنا عايزك تهتمي بنفسك. اوكي.. وفتح ليها باب العربية.. اتفضلي ياحبيبتي. ميرو: ركبت.. ووشها نور من تاني.. ومبسوطة جداً.

تيم: ركب العربية.. وساق.. وطول الطريق. يضحك معاها.. لكن جواه خنقة كل ما يفتكر أنه كان ممكن يخسرها.!!! في المستشفى.. كامليا: بتصرخ بأستغاثة ومش قادرة تتحمل كمية الألم اللي حصل بسببها عن عمد.. لكن الدكاترة بيحاولوا معاها..!! في نفس الوقت.. في شركة العدوي.. زين: ها ياباشمهندس صالح.. وصلتوا لإيه أنت والمهندسين والعمال.. في تصنيع الأجهزة الطبية.؟

صالح: ابتسم.. وقال.. إحنا شغالين ليل نهار يافندم.. والحمد لله لحد دلوقتي.. تلات أجهزة طبية حديثة اشتغلوا بعد معاناة.. لكن مايأسناش.. والحمد لله.. ربنا واقف معانا لحد آخر لحظة.. ودلوقتي شغالين على الجهاز الرابع.. هو صعب شوية.. وواخد مننا كل تركيزنا.. على مدار تلات شهور.. لكن أنا واثق أننا هنجح إن شاء الله.

زين: هز راسه.. وقال.. إن شاء الله.. وأنا واثق فيكم.. ولسه قدامك مهلة كبيرة.. على مدار التلات سنين اللي جاية.. لكن لو احتجت لأي معدات اطلب ومتتراجعش. صالح: إحنا بالفعل طلبنا أنواع معينة من صيانة الأجهزة.. ودي مش موجودة غير في ألمانيا.. والدكتور آريان.. بعت فاكس بالمتطلبات.. والرد خلال أسبوع تقريباً. زين: تمام على بركة الله.. بالتوفيق للجميع. فيلا العدوي.. نور: بحيره.. الله.. ماتتكلم بقى ياتيم يابني..!!!

تيم: بضحكه.. لأ يانوري.. استني لما الباقي يتجمع.. وفين رينو؟ نور: بنفاذ صبر.. اخ ياني منك.. بقيت متعب جداً. ميرو: بضحكه.. خلاص قول بقى ياتيم.. حرام عليك. تيم: ايوه.. اهي رينو شرفت.. رينو: أيوه حد بينادي عليها هههه.. أنا اهو. نور: بلهفة.. ها قول بقى .كلنا موجودين أهو. محمد: بضحكه.. ياحبيبتي استهدي بالله.. تيم هيتكلم أهو. تيم: لأ أنا مش هتكلم.. أنا هسلم الورقة دي للدكتورة نور.. تقرأها وتقولنا إيه اللي مكتوب فيها.

كلهم بصوا لبعض بعدم فهم.!!! ميرو: وشها بقى أحمر جداً.. فريحه: يلا يانور اقري وسمعينا.. يمكن لغز جديد. نور: هات ياسيدي. وعارف بقى لو كنت بتلعب بأعصابي.. أنا هتصرف بجدية معاك.. ومسكت الورقة. تيم: ضحك. نور: فتحت الورقة.. وبتقرا بعينيها.. والكل مترقب. رينو: ها يانور.. في إيه؟ نور: شهقت بصوت عالى.. وقالت.. ميرووو حاااامل..!!! الكل اندهش بفرحة.. وقالوا ماشاء الله. مريم: ضحكت بدموع الفرح وقالت.. ألف حمد وشكر ليك يارب.

آدم: ابتسم بحب كبير.. وبص ع بنت قلبه.. وكأنه بيقولها صدقتيني لما قولتلك هتفرحي أكيد.!!! فريحه: فتحت عينيها وبوقها بزهول.. وقلبها بيدق بفرحة كبيرة.. وقالت.. بنتي حامل..!!! وحضنتها بفرحة كبيرة وقلب أم مليان بالامنيات الجميلة لولادها.. وباركت ليها. ميرو: ضحكت بدموع.. الله يبارك فيكي يامامي. نور: ضحكت بدموع الفرح.. وجريت ع ميرو.. وحضنتها. وقالت.. ألف ألف مبروك ياميرووو.. ده أحلى خبر في حياتي كلها.

ميرو: ابتسمت بحرج.. وقالت.. الله يبارك في حضرتك. محمد: قلبه دق بسعادة.. وقال.. وسعي بقى يانوري.. خليني أبارك لحبيبة قلبي. اللي عيلتي هتكبر بيها. رينو: جريت على تيم . وحضنته.. ألف مبروك ياروحي.. ألف مليون مبروك ياحبيب قلبي.. أنا مبسوطة اوى اوى ياتيمو.. هشيل ولادك؟ بجد مش مصدقة. تيم: بضحكه.. الله يبارك فيكي ياحبيبتي.. وهتشيلي ولادي . وهيقرفوكي.. لينو حبيبي.. ههههه. رينو: ضحكت بدموع.. وأنا موافقة. بس أشوفهم.

مريم: بسعادة.. إن شاء الله. هتشوفيهم.. وتفرحي.. تعالي في حضني يانور عيني.. ألف مليون مبروك.. ربنا يجعل السعد والفرح في طريقك منين ما تروح ياتيم يابن حوا وآدم. تيم: حضنها وباس ع راسها وايديها.. وقال.. الله يباركلنا فيكي ياست الكل.. والفرح والسعادة هي وجود حضرتك وبابا آدم في حياتنا.. ربنا يديمكم لينا. آدم: أخد تيم في حضنه.. ألف مبروك ياحبيب جدك. محمد: مسد ع حجاب ميرو بابتسامة وقال.. ألف مبروك ياحبيبتي.

ميرو: بسعادة كبيرة.. الله يبارك ف حضرتك. وسلمت ع رينو ومريم.. ورفعت عينيها لجدها. آدم: فتح إيديه.. ليها.. وقال . تعالي في حضن جدك. ميرو: أترمت حرفياً في حضنه.. وعيطت.. وقالت.. لأ أنت مش جدو. أنت بابا آدم وبس.!!! وعيطت أكتر.. كأنها افتكرت كل الوجع اللي شافته في حياتها.. وآخر حاجة موقف كامليا.. وكأنها بترمي كل وجعها في حضن أمانها وسند العيلة. الكل اتأثر لعياطها واتوقعوا أنها بتعيط عشان الحمل.

مريم: ربتت ع ضهر ميرو وهي في حضن آدم.. وقالت بقلق.. إسم الله عليكي يانور عيني.. بس ياحبيبتي بتعيطي ليه كدا. تيم: غمض عينيه وواقف ثابت. ومن جواه مخنوق عشانها. آدم: ضمها لقلبه بحنان أكتر.. وقال بقلق.. مالك ياميرو.!!! ميرو: استوعبت.. وحاولت تهدا.. وخرجت من حضن جدها.. وحاولت تبتسم.. وقالت بتمثيل.. أبداً يابابا.. أنا بس فرحانه.. فرحانة اوي.. أنا آسفة.. اء…..!!!

آدم: مسح دموعها.. وقال.. طيب خلاص كفاية كلام.. أنتي حامل ومش عايز أي حاجة تأثر عليكي.. فاهمه. ميرو: بتحاول تبتسم.. وهزت راسها.. أيوه فاهمه. آدم: كشر عينيه بإستفهام.. لعياطها المفاجئ بالطريقة دي.. وبص لتيم.. في نظرة غامضة.!!!

تيم: هرب من نظرة آدم. وضحك لفريحة وهي بتبارك ليه.. بعد كدا.. آرين وتالين وتمارا وليليان.. باركوا ليهم.. ومراد وزين وفهد وآدم و آريان وريتال رجعوا من الشغل.. وعرفوا بحمل ميرو وباركوا ليها.. ومراد كان فرحان جداً.!!! عدا الوقت.. الساعة ١ صباحاً. والكل نايم.. في فيلا تيم عزيز.!! ميرو: نايمة ف حضن تيم.. وفاجأة.. فتحت عينيها واتعدلت بسرعة.. بتتنفس بالعافية.!!

تيم: اتعدل بسرعة.. وشغل النور.. وقال بخوف.. مالك يا مريم.. في إيه؟ ميرو: بتتنفس بسرعة.. وقالت.. مش عارفة ياتيم.. كنت نايمة.. وحسيت إني في نفس الأوضة مع كامليا والنار في كل مكان. تيم: بيدلك أيديها الاتنين.. وقال بقلق.. متقلقيش ياحبيبتي.. ده طبيعي جدا. لانك مش قادرة تنسي الموقف.. وكان يوم وموقف صعب عليكي.. وأكيد عقلك الباطن صور ليكي المشهد.. من تاني.

ميرو: بلعت ريقها بصعوبة وقالت.. فعلاً الموقف مش راضي يروح من عقلي.. كل شوية أتخيل نفسي لو النار…!!! تيم: قاطعها.. بس خلاص أهدي.. أنتي كويسة.. ومعايا مفيش أي حاجة.. وجاب كوباية الميا.. وقال اشربي وحاولي تهدي. ميرو: شربت برجفة.. وقالت.. شكراً. تيم: أخد منها الكوباية.. وقال.. تحبي نقف في التراس شوية؟ ميرو: ياريت بجد.. حاسة إني محتاجة لهوا طبيعي. تيم: طيب تعالي معايا. ميرو: قامت..

تيم: جاب ليها روب تقيل وساعدها.. وخرجوا في التراس. ميرو: حطت حجاب على شعرها.. وسندت ع السور بإيديها.. وأخدت نفس عميق جداً.. بتحاول تقدر تتنفس. تيم: وقف جمبها.. ومسد ع ضهرها.. أحسن دلوقتي. ميرو: هزت راسها.. أيوه.. أحسن بكتير. تيم: سند على السور.. ورفع راسه لفوق.. وساكت.!! ميرو: مسكت دراعه.. وقالت.. إيه اللي حصل مع كامليا ياتيم؟ تيم: نزل راسه ليها بدهشة.. وقال أنتي بتسألي عليها؟

ميرو: بتنهيدة.. اعتبريه فضول مني.. عايزة أعرف إيه اللي حصل ليها..!! والدكتورة نرمين مكملتش كلامها. بسبب فرحتنا بالحمل.!! تيم: صك ع أسنانه بغيظ مكبوت.. وقال انسي يامريم. انسي عشان تقدري تعيشي.. إللي زي كامليا دي عامل زي الأخطبوط.. أول ما تقربي منه يلف إيدو حوالين رقبتك.. ومهما تحاولي تبعدي.. تلاقي إيد تانية خنقتك.. وتفضل تلاحقك لحد ما تخنقك.. انسيها وكأنك متقابلتيش معاها في يوم.!!!

ميرو: بترجي.. أرجوك ياتيم.. ريح قلبي وقولي..!! تيم: بخنقة.. لحقوها يامريم. لحقوها وانقذوها.. لكن النار كانت وصلت ليها.. بس قدروا يطفوها بطفايات الحريق.. ونقلوها لقسم الحروق.. وطلبت من الممرضين إنهم يبلغوا أهلها.. وياخدوها أي مستشفى ولا يولعوا فيها هما حرين بقى. ميرو: بحزن حقيقي.. لا حول ولا قوة إلا بالله.. أتحرقت؟

تيم: خبط كف على كف.. وقال.. أنا مش قادر أتخيل بجد.. أنتي كنتي المقصودة.. وكانت عايزة تقتلك بإرادتها.. ومصعبتيش عليها.. وأنتي هنا بتفكري فيها؟ ميرو: بتنهيدة.. منا قولتلك على أسبابي ياتيم. تيم: مسح وشه بإيديه ونفخ بخنقة وقال. مريم أبوس إيدك قفلي على الموضوع ده.. أنا أصلاً مش عارف بابا هيعمل إيه لما يعرف بموضوع الحريق ده.. دي عمرها ما حصلت.!!! ميرو: مسكت إيده وقالت.. إن شاء الله هتتحل..!!

بس أنت ليه منعتني إني أقول لبابا محمد على اللي حصل؟ تيم: بتحذير.. ومش لازم أي حد يعرف حاجة عن الموضوع ده تحديداً.. أنتي مراتي أنا.. وأنا المسؤول عنك.. وأنا اللي أقدر أحميكي وأرجعلك حقك.. ولو بجد بتحبيني يامريم. تقفلي على الموضوع ده نهائي..!! ميرو: هزت راسها بصمت.. وقالت بغموض.. إن شاء الله. تاني يوم الصبح في المستشفى..!! في مكتب الدكتور محمد..

محمد: خبط ع المكتب بنرفزة. وزعق وقال.. يعني إيه يحصل في المستشفى حريق امبارح ومحدش يكلمني. ولا يبلغني؟ .!!! صبحي العامل مشرف الدور: اتكلم بتوتر.. ما.. ماهو.. ماهو.. اصل..!!! محمد: بغضب.. ماهو إيه ياصبحي، ماتنطق.. وكمان دي عمرها ما حصلت من ٢٨ سنة.. إزاااي حريق في الدور التالت وفي غرفة كشف..!!! وتقول أهمال. لأ وكمان قضاء وقدر؟ من غير ما نعرف السبب؟ أنا عايز أعرف إيه سبب الإهمال ده. ولا هي سايبة؟

اتفضل ابعتلي مدير غرفة التحكم. وزعق.. اتفضل..!!! صبحي خرج بسرعة. محمد: قعد بنرفزة.. ومسح وشه بإيديه..!! واتصل بالريسبشن.. وقال بحده. أيوه الدكتور تيم وصل ولا لسه؟ البنت: وصل من نص ساعة يادكتور ومعاه الدكتورة مريم..!! محمد: هز راسه تمام.. وقفل.. وقال بعصبية.. يعني تيم جه ومعداش عليا زي كل يوم..!! وازاي تيم مقاليش على حاجة زي دي؟ وغمض عينيه وقال.. أهدا يا محمد أكيد كل حاجة هتبان.. بس إزاي حصل الحريق ده؟ دي كارثة..!!!

حياة المرضى ممكن تكون في خطر.. أكيد في سبب لكل ده..؟ الباب خبط ودخلت ممرضة.. وقالت بلهفة.. دكتور محمد.. ألحق الدكتور تيم بيتخانق في قسم الحروق..!!! محمد: فتح عينيه بدهشة.. وقام وخرج بسرعة.!!! قسم الحروق.. ماجدة: بصريخ.. أنا عارفة أنا بقول إيه كويس أوي،، أنت السبب. بنتي اتحرقت بسببك،، وأنا مش هسكت،، أنا هوديك في ستين داهية،، تيم: بتحذير.. الزمي حدودك ياست انتي.. أنا ساكت لحد دلوقتي علشان مقدر موقفك.

ماجدة: بعصبية.. مقدر إيه؟ بنتي كامليا اتشوهت.. واتحرقت في المستشفى بتاعتكم.. وكمان رافض تقبل الحالة.. ومش عايزين تعالجوها.. ده أنا أقاتل يامقتول انهارده. تيم: بثبات.. بنتك مش هتتعالج هنا.. ووالله لو عايزة تمشيها بالقانون.. ف أنا بتمنى.. اتفضلي شوفي شغلك. ماجدة: بصوت عالى.. طبعاً هماشيها بالقانون.. وهخلي سمعة المستشفى في الأرض.. أظاهر أنها اسم وسمعة على مفيش. تيم: خلصتي،،؟ اتفضلي خدي بنتك واطلعي بره المستشفى..!!

وحالا..!! ماجدة: بصريخ.. انت مفكر نفسك مييين علشان تتكلم معايا كدا؟ أنت قتلت بنتي كامليا.. أنا هوديك في ستين داهية.. أنت قتلت جمالها وبرائتها.. بنتي اتشوهت بسببك.. وأنت هتدفع تمن كل ده.. وهقتلك وده وعد مني ليك. تيم: وصل لقمة غضبه.. وزعق بصوته كله.. وقال.. قتلت برائتها؟ هي بنتك دي تعرف حاجة عن البراءة..؟ أقسم بالله أنا لو فعلاً ليا في القتل كنت قتلتها من زمان. بنتك دي شيطان ماشي على الأرض. ماجدة: اخررررس.

تيم: بتحذير.. صوتك ما يعلاش هنا.. أنتي جاية ومش فاهمة حاجة.. أو فاهمة بس واضح كدا إن مش كامليا بس اللي خبيثة.. لأ ده أظاهر كدا إن دي وراثة عندكم.. محمد من وراه بحزم.. تيييم..!!! تيم: غمض عينيه وصك على أسنانه بغضب.. ومش عايز حد يعرف حاجة..!! وخصوصاً العيلة..!! محمد: وقف قدام تيم.. وقال بجمود.. ده اللي أنا ربيتك عليه؟ تقف وتزعق لست وكمان في سن والدتك؟ أنت أثبت إني……!!!

ميرو: جت بسرعة.. وقاطعت محمد.. وقالت.. أسفة يابابا لمقاطعة كلامك.. لكن لحظة لو سمحت..!! ماجدة: شهقت بصدمة.. وقالت كامليا…!!! محمد: بص ل مريم.. وقال بحده. حتى لو هي غلطانة ماينفعش إن ابني الدكتور تيم المحترم يهين ست كبيرة بالشكل ده.. أنتي عارفة ده معناه إيه.. وبص لتيم وقال.. إني غلطت في تربيتي ليه..!!! تيم: اتخنق.. ومردش. وبص بعيد. ميرو: اضايقت جداً عشان تيم.. وقربت من محمد.. وقالت.. حتى لو كانت بنتها دي….!!!

تيم: بصوت جهوري وتحذير.. مرييييم..!!! ماجدة: دقت النظر في مريم.. وشافت حجم الشبه.. لكن لأ دي مش كامليا.!! ميرو: بتصميم.. أسفة ياتيم.. أنت اتحملت كتير جداً.. ودلوقتي لازم بابا يعرف سبب اللي حصل.. وأنا واثقة أنه هيقدر يسيطر على الموضوع.. لأن واضح جداً زي ما أنت قولت.. إن كامليا مش لوحدها عندها نفس التفكير.. والقتل عندهم رقم واحد.. دي بتهددك بالقتل..!!!

وأنا معنديش استعداد أسمع أكتر من كدا.. وبصت لمحمد . وقالت.. بابا.. امبارح بنت الست دي كانت هتقتلني أنا وحفيدك اللي لسه مجاش للدنيا..!!! محمد: فتح عينيه بصدمة أكبر من أي وقت.. وهمس أنتي بتقولي إيه؟ تيم: ضرب قبضة إيدو بغضب شديد.. واضايق من مريم..!!! لأن كدا الكل هيعرف بقصة الاغتصاب التمثيلي ليها..!!! وبيفكر يعمل إيه؟ ميرو: بدموع.. بقول الحقيقة يابابا.. ودي قصة طويلة.. بنتها مريضة بحب الذات والتملك.. وا…..!!!

ماجدة: وصلت لقمة نرفزتها.. وقالت.. أنتي مجنونة.. أنتي متفقة معاهم عشان تلفقوا لبنتي تهمة وانتوا تطلعوا منها؟ محمد: بتنبه وتحذير.. صوت حضرتك ما يعلاش . أنتي في مستشفى مش في شارع.. ولو فعلاً ده حصل.. وبنتك أذت بنتي. أقسم بالله. أنا اللي هوديكي ورا الشمس.!!! ماجدة: لااااااااء ده أنا هطلب الشرطة. انتوا لازم تقفوا عند حدكوا.. والله ماهسيب حق بنتي..!!! أنا ليا كتير أوي في الحكومة.. وهشمع ليك المستشفى دي في غمضة عين..!!

وفضيحتكوا هتبقى على الملأ. وهتشوفوا دلوقتي.. ماجدة عبد الباري هتعمل إيه؟ ولسه بتفتح الفون.. تيم: بكل ثبات.. رفع فونه قدام وشها.. تقرأ الرسايل. ماجدة: انتبهت لتيم وبصت.. وشافت رسايل حب وغرام. وكمان رسايل فيها تملك وغيره.. ورفعت عينيها للرقم. وتنحت رقم كامليا..!!! تيم: سحب الشاشة لباقي الرسايل.. وكانت تهديد بقتل مريم..!!! ماجدة: هزت راسها لأ انتوا أكيد عاملين خطة عشان تدمروا بنتي..!!!

تيم: بسخرية.. أنا بجد عايزك تتصلي على الشرطة.. وعايز أشوف تهديدك بتنفيذ تشميع المستشفى..!!

أحب أقولك.. إن بنتك سمعتها هتكون تحت الأرض. مش على الأرض وبس.. تخيلي كدا بقى لما أقف قدام القاضي.. وأقوله اتفضل.. رسايل الحب والغرام دي من مدام كامليا الست المتجوزة.. وكمان رسايل بتهددني فيها أنها هتقتل مراتي لو رفضت أروح لها شرم.. بس ياترى بنت حضرتك المصون والبريئة.. اللي متجوزة.. كانت عايزة إيه من راجل متجوز يسافر معاها شرم..!!!

واللي انتي متعرفيهوش.. إن في كاميرات مراقبة هنا في كل مكان. ورصدت بنت حضرتك.. من أول ما دخلت المستشفى.. لحد ما راحت لعند مراتي.. وحرقت الأوضة بالكامل.. وإحنا اللي أنقذناها.. ودي غلطة عمري.. لكن فينا نكشفها بقى على حقيقتها.. بعد ما متعرفي كل خبايا بنتك.. والجرايم اللي عملتها. ومتسجلة صوت وصورة.. وبالشهود..!!! محمد: بدهشة.. أنا مش فاهم حاجة.. بنت إيه اللي حاولت تعمل كل ده؟ وايه غرضها.. وليه عايزة تأذي مراتك؟

تيم: صك ع أسنانه… وقال.. دي حكاية طويلة أوي.. بنتها فرضت نفسها علينا. بس صدقني يابابا.. ابنك عارف حدوده كويس.. لكن هي تستاهل أكتر من كدا.. حضرتك واثق في ابنك.. أنه لا يمكن يغير مبدأه لمجرد ست كبيرة قالت كلمتين.. لأ أكيد في سبب قوي إني أتصرف بالشكل ده..!!! محمد: ربت ع كتفه.. وهز راسه ليه.. وقال.. وأنا واثق إنك مستحيل تغلط.!!! ماجدة: بغضب واضح.. أنا مش هسكت.. أنا هوديك ورا الشمس. أنا……..!!!!

محسن: وصل في الوقت المناسب مع عامر. وقال بجدية.. كفاية بقى ياماجدة.. كفاية فضايح وجنان لحد كدا. تيم بص لعامر… عامر: أنا قولت كل حاجة لمحسن بيه. تيم: هز راسه تمام… ميرو: مسكت إيد تيم.. تيم: معملش أي رد فعل.. وساكت. ماجدة: زعقت.. فضاااايح.. هما لسه شافوا فضايح يامحسن؟ دول حرقوا بنتي.. كامليا الجميلة بقت مشوه يامحسن.. وكل ده بسبب اللي اسمه تيم.. ودلوقتي عرفت هي ليه كانت بتقول اسمه ديما..

محسن: بغلظة.. أنا عرفت كل حاجة.. وعرفت مين السبب الرئيسي للي كامليا وصلت ليه دلوقتي.. بنتك ظلمت ياماجدة.. بنتك عملت حاجات لو عرفتيها.. هتتصدمي.. وكل ده كان واضح من تصرفاتها الفترة الأخيرة.. ونهاية كل ده محتومة أكيد.. بنتك عايزة تاخد حق مش حقها.. بنتك عايزة تقتل مرات واحد عشان تمتلكه ليها. أنتي عارفة كويس طبع بنتك لما تعجبها حاجة.. وده إللي كان متوقع من بنتك وتربيتك ليها. ربيتيها على الطمع وإن أي حاجة تعجبها تمتلكها..

وأي حاجة تبهرها تثبتلها أنها ملكها. من غير مجهود.. دلعتيها.. وحسستيها إن مفيش حد يقدر ياخد حاجة منها.. وإن كل اللي تختاره يبقى ملك ليها. وفي إيديها.. حتى لو ع حساب أي حد.. بنتك للأسف ضحية.. ضحية تربيتك ليها.. ودلعك. وكأن مفيش حد خلف غيرك.

ماجدة: بصوت عالى.. اااه.. قول كدا بقى.. قلبت على بنت أخوك بعد ما مات عشان قولتلك مفيش ورث.. عشان ده تعبي أنا وجوزي.. ظهرت على حقيقتك دلوقتي يامحسن. محسن: بخيبة أمل.. يا خسارة. وخسارة ليه..؟ ما دا المتوقع منك.. ولو على الورث في ده شرع ربنا. وهيبقى في بينا محاكم.. لكن دلوقتي حاولي تهتمي ببنتك.. سيبي الفلوس والنوادي على جنب شوية.. وشوفي بنتك محتاجة لايه.؟

ماجدة: بشر.. محتاجة إنك تخرج من حياتنا. اللي كان بيربطك بينا خلاص مات.. يبقى أنت من اللحظة دي.. غريب عنا.

محسن: بسخرية.. مش مستغرب.. بس أنا همشي.. وضميري مستريح كمان.. أنا مقصرتش مع أخويا.. رغم أنه شريكك في مأساة بنتك.. بس اشربي آخرة دلعك وطمعك.. وعايز أقولك قبل ما أمشي. الناس دي أنتي مش قدها ولو حطوكي أنتي وبنتك في دماغهم هتخسروا كتير أوي… وكمان معاهم أدلة تجيب لبنتك إعدام من أول جلسة.. ولو مش مصدقاني.. جربي اعملي بلاغ واحد بس.!! ده غير شروع في قتل.. وغير مصايب تانية كتير. أنا ماشي. وسابها ومشي. ماجدة: أتصدمت.. إعدام؟

عامر: لماجدة.. لو سمحتي ممكن نتكلم أنا وانتي على جمب.. في حاجة مهمة جداً لازم تعرفيها.. قبل ما تاخدي أي خطوة مع بنتك..!!! وعامر قرر أنه يقول لماجدة عن مصايب كامليا.. عشان خايف أنه يتسجن معاها.!! محمد: حاول يمتص غضبه.. وقال بهدوء.. فين الحالة دي ياتيم.!!! تيم: بجمود.. غرفة ١٥. محمد: بحزم.. تعالي معايا.. وسابه وراح عند كامليا. تيم: ساب إيد مريم.. واتحرك ورا محمد. ميرو: راحت وراهم.

محمد: فتح الباب ودخل. وشاف كامليا. ووشها محروق وايديها.. وبتصرخ.. واخد أوراق الكشف. وشاف حالتها. تيم: واقف ومصعبتش عليه.. وكان بيتمنى أكتر من كدا ليها. ميرو: أتصدمت من شكلها ووشها المتشوه. وشهقت.. وخبت وشها بإيديها.. وعيطت. محمد: هز راسه.. وقال حصلوني على مكتبي.. وسابهم وخرج. تيم: سند مريم.. واخدها وخرجوا.!!!

ماجدة: سمعت من عامر.. وواقفة مصدومة من اللي عامر قاله ليها.. وزعقت ليه.. لكن هو خلاها تشوف فيديو مسجل لكامليا.. وهي جايبة المسدس ليه عشان يقتل مريم. ماجدة: هزت راسها بعدم تصديق.. لكن نزلت راسها في الأرض.. وعيطت.. لأن مستقبل بنتها انتهى.. ومش هتقدر تتكلم لأن بنتها عاملة كوارث.!!!

عامر: بتنهيدة.. انتوا مش قد العيلة دي. أنا شوفت الموت بعينيا على إيد الدكتور تيم وأخوها.. وعندهم اللي يمس كرامة بناتهم.. يبقى حكم على نفسه بالموت.. الناس دي مابتهابش الموت.. وعندهم استعداد يموتوا مليون مرة.. ولا إن حد من حريمهم يتخدش خدش واحد.. وأنا قولت اللي يخلص ضميري من ربنا.. الدكتور تيم.. مأذاش بنتك. بالعكس كل ما هو يبعد. كامليا تدور عليه عشان تقتل مراته.. وده غير التهديدات..!!!

وبص ع كامليا من الإزاز.. وقال بحزن.. أنا جيت لكامليا امبارح.. وحاولت معاها إني هساعدها وهقف جمبها وتبدأ من جديد.. لكن طردتني من الأوضة واتعاملت معايا أسوأ من الأول… لأنها عمرها ما هتتغير.. ورافضة تسمع لأي حد.. ورقة طلاق بنتك هتوصلك في أقرب وقت.. لكن لو احتاجتي لأي حاجة. كلميني فوراً.. بعد إذنك.. وسابها ومشي.!! في المكتب.. محمد: بأمر.. أنا عايز أعرف كل اللي حصل..!!! وازاي بنت زي دي تتجرأ وتقرب من مريم..!!

وأنت كنت فين ياتيم؟ ميرو: مسحت دموعها.. وقالت.. بوجع.. في الحقيقة يابابا….!!!!

تيم قاطعها.. وقال.. أنا اتقابلت مع كامليا في الجامعة عن طريق الصدفة.. وكانت محتاجة لمساعدة.. وأنا ساعدتها.. ومن وقتها هي شافت إن مساعدتي ليها اهتمام.. وقررت تبني معايا صداقة.. لكن بعد كده لما شافت مريم في الجامعة والشبه الكبير اللي بينهم. وان مريم أجمل ببراءتها. هي محبتش مريم.. ولأن مريم من عيلتي. و آرين وأي بنت من العيلة هي محبتهاش.. وبدأت في انتقادات لبنات العيلة. وده طبعاً مرفوض بالنسبالي.. وا….

وبص لمريم.. أحم.. وكمل وقال.. ولما عرفت إني اتقدمت لمريم. واتخطبنا.. بدأت كامليا تظهر على حقيقتها.. وأنها هددتني لو مبعدتش عن مريم هتقتلها.. وأنا طبعاً حاولت أحمي مريم بكل الطرق.. وسافرنا.. ولما رجعنا حصل اللي حصل امبارح.. هي دي كل حاجة يابابا.. وارجوك أرجوك يابابا أنا مش عايز حد من العيلة يعرف حاجة. لو سمحت.. أنت عارف إيه اللي ممكن يحصل لو بابا آدم عرف أو خالو مراد وآدم..!!!

وكمان مريم حامل.. وده ممكن يأثر عليها أرجوك.. أنا عايز الموضوع ده ينتهي..!!! بجد مش عايز أتكلم فيه تاني..!!! محمد: بيسمع تيم.. لكن في حلقة مفقودة في حكايته.!!! مريم: بتوتر.. أكدت على كلام تيم.. وقالت.. اء.. أيوه فعلاً. ده اللي حصل.. ويا ريت يابابا. تقف جمبنا والموضوع ده ينتهي.. أنا خايفة على ماما مريم وكمان ماما نور.. هتقلق جداً على تيم..!!! والعيلة هتتوتر.. والحمد لله أنا وتيم بخير..!!

محمد: مط شفايفه اممم.. وقال بتنهيدة.. ماشي.. بس في حاجة أنت ناسيها يادكتور تيم..!!! تيم: كشر عينيه وقال.. حاجة إيه؟ محمد: إنك دكتور تجميل.. والبنت دي اتحرقت في مستشفى الدكتور محمد عزيز..!!! تيم: قام وقف بغضب.. وقال آسف يا بابا.. أنا يستحيل. أقبل بحالة زي دي..!!! ميرو: اتحركت بسرعة وقالت.. تيم أرجوك اهدى واسمع بابا للآخر.. تيم: من بين أسنانه بغيظ قال. أنا عارف بابا يقصد إيه؟ حضرتك تقصد اني أعالج كامليا مش كدا؟

محمد: بهدوء.. أكيد..!!! البنت مشوهة في وشها.. وجروحها من الدرجة التانية.. ولازم ليها علاج وعملية تجميل..!!! تيم: برفض.. حتى لو من الدرجة التالتة.. استحالة أعالجها.... إزاي حضرتك عايزني أعالج اللي كانت السبب في حرق أعصابي.. أنا مبكرهش في حياتي كلها قدها..!!! محمد: الموضوع مالوش علاقة بالمحبة.. تحبها أو تكرهها.. ده شيء يخصك.. لكن واجبك المهني يجبرك أنك تعالجها..!!! تيم: قبض ع إيديه..

ميرو: بترجي.. تيم.. تيم أرجوك اهدا.. أولاً أنت حالف قسم.. وثانياً أنت سمعت عم كامليا قال إيه؟ . قال إن كامليا ضحية أم أنانية.. وا….. تيم: بص لها بصدمة.. أنتي عايزاني أوافق على أيييييه يامريييم…!!! دي كانت هتقتلك.. أنتي مدركة اللي حصل.. فاهمة ومستوعبة إنك أنتي لا قدر الله كان ممكن تكوني مكانها.. وزعق فيها. أنتي بتطلبي مني أييييه؟ ميرو: اتخضت.. ومردتش.

محمد: وقف قدامه.. وقال.. أنا مقدر اللي أنت فيه.. لكن حاول ديما إنك تفصل بين شغلك.. ومشاكلك الشخصية. تيم: بخنقة.. بس دي سبب مشاكلي.. وكمان مطلوب مني إني أعالجها وده في شغلي.. يعني كامليا عاملة زي الفيروس اللي بيدخل الجسم ويدمروا.. بابا حضرتك بتطلب مني المستحيل.

محمد: ضميرك المهني.. وواجبك.. وأنت ملزم تعالجها.. ومتنساش إن الحادثة تمت في المستشفى هنا.. ودي في حد ذاتها.. مؤذية لسمعة المستشفى.. أنا مش هجبرك على حاجة.. والقرار في إيدك أنت.. أنا عندي عملية مهمة.. وسابهم وخرج. تيم: قعد مكانه على الكنبة بيأس.. ومسك راسه بإيديه… ميرو: قعدت جمبه.. وشالت إيديه.. تيم: مغمض عينيه…

ميرو: ابتسمت بتمثيل.. وقالت.. أنا عارفة إني مش هاهون عليك تزعل مني.. لكن صدقني ده أفضل حل.. عشان يكون ضميرك مستريح. تيم: بجمود.. ضميري مستريح جداً.. أنا مأذيتهاش ولا جيت جمبها. هي أذت نفسها بشرها.. دي واحدة قلبها مات.. دي حاولت تفضح وتقتل وتدمر.. وفي الآخر برضه عايزين مني إني أساعدها.؟ ميرو: أيوه.. لأن ده واجبك. ولأنك تيم عزيز.. حفيد العدوي وعزيز.. الجدر الأصيل اللي نادراً تلاقي جدر يشبهه...

وكمان إيه ذنب بابا محمد يتأذى بسببنا.. أنت عارف إن المستشفى ليها إسمها وسمعتها. وبابا تعب فيها جداً لحد ماوصلت للمكانة دي.. ولو حالة كامليا اترفضت تتعالج هنا.؟ الصحافة والإعلام مابيصدقوا يسمعوا أي خبر.. ووقتها المستشفى تبقى حديث المدينة.. ومش كل الناس هتصدق.. لأ في اللي هيقول ممكن!!! وزي ما أنت عارف.. العيار اللي مايصبش يدوش.. وبابا محمد ميستاهلش أنه يتأذى بسبي..!!! تيم: بإستفهام.. بسببك..!!!

ميرو: بحزن.. أيوه بسببي. لأن أنا السبب في كل ده..!! لو مكنتش اشتغلت في المستشفى هنا. كانت كل حاجة هنا زي ما هي.. وبابا محمد مضايقش كدا..!!! أنا مخنوقة اوي عشان بابا محمد. ميستاهلش مننا كدا أبداً..!! تيم: ربت ع إيدها.. وبص قدامه بتفكير.. وسكت…!!! فيلا العدوي.. مريم: قولتي إيه يارودي يابنتي..!! رودي: بتنهيدة.. والله ياطنط مريم أنا مش عارفة.. من وقت وفاة بابي. وأنا ماليش نفس لأي حاجة.

مريم: بتنهيدة وجع.. رحمة الله عليه.. ربنا يتغمده بواسع رحمته.. ووالدك راجل ونعم.. السيرة اللهم بارك حسن.. وطلب أنه يعمل عمرة هو ومراته.. ورجع مفيش يومين تعب وتوفى الله.. يعني حاجة كلنا بنتمناها.. وربنا يرزقنا جميعاً حسن الخاتمة. وهو عند رب رحيم.. أنتي بقى المفروض تفوقي لنفسك.. ولبيتك.. چواد زعلان عشانك.. وكمان چود؟ مش عايزة كدا تفرحي بيها.. ده أنتي اللي بتسعدي قلبنا ديما يارودي ياحبيبتي.

رودي: ربنا يبارك فيكي ياطنط.. والله حضرتك وماما رنا وكل العيلة مهونين عليا كتير.. وأنا طبعاً نفسي أفرح بولادي.. وأشوفهم أحسن الناس.. هو أنا ليا مين غيرهم أفرح لفرحهم. مريم: ربتت ع ضهرها بحنان وقالت.. عين العقل يا نور عيني.. يبقى نسمع منك قرارك الأخير.. وأنتي كمان إللي تحددي الوقت المناسب.. عشان العريس يطلب إيد بنتنا چود.. قولتي إيه؟ رودي: بابتسامة هادية.. قولت لا اله الا الله.

مريم: بإبتسامة حب.. سيدنا محمد رسول الله. رودي: خلاص يومين إن شاء الله.. مصطفى وعيلته يشرفونا.. إيه رأيك؟ مريم: بسعادة.. ودي عايزة كلام.. يومين إن شاء الله.. ونكون عندك يانور عيني.. ربنا يفرحك.. ويفرح أمة سيدنا محمد يارب. رودي: اللهم امين يارب العالمين. مساءاً في فيلا تيم عزيز.. تيم: واقف في التراس وساند على السور.. وسرحان ومخنوق. ميرو: دخلت.. وحطت الشاي.. وقالت اتفضل ياحبيبى.!! تيم: انتبه.. وهز راسه ليها متشكر.

ميرو: وقفت جمبه.. وشافت شروده.. وبتفكر إزاي تهون عليه.. وقالت.. نسيت أقولك إن عمتو رينو.. صممت إني أتابع مع الدكتورة نسرين.. قالت إنها دكتورة ممتازة. تيم: ………….!!! ميرو: أحم. وتعرف كمان.. إن ماما نور قالت نفس كلامها. وأكدت عليه. تيم: ……!!! وخرجت منه تنهيدة تعب. ميرو: لفت وشه ليها.. وقالت بعتاب.. أنت زعلان مني.؟ تيم: بص لعينيها.. وقال بوجع.. أنا تعبان..!!

ميرو: قلبها وجعها للكلمة.. وقالت بدموع.. خلاص ياتيم.. لو مش عايز تعالجها خلاص. فيه دكاترة كتير تتكفل بالحالة.. بس بالله عليك بلاش اليأس ده. تيم: سند على السور وبص قدامه.. وقال.. للأسف مش هينفع.. أنا فكرت في كلامك.. وبابا مايستاهلش مني إني آخذه في أول مشواري المهني. وللأسف الشديد ضميري مش متحمل فكرة إن شخص محتاج مساعدة.. وأنا أقف أتفرج عليه.. متربيناش ولا اتعودنا على كدا يامريم.

ميرو: بدهشة.. يعني أنت تقصد إنك موافق تعالج كامليا صح..؟!! تيم: بخنقة.. هز راسه للأسف أيوه..!! ميرو: بفرحة.. يااااه ياتيم.. بجد فرحت قلبي.. أنت متعرفش جزائك إيه عند ربنا.. إنك تقابل السيئة بالحسنة.. أكيد ربنا هيكرمك ويعوضك خير.. أنا متأكدة من ده. تيم: ابتسم بسخرية. أنا شايفك فرحانة أوي؟ عندك تفسير؟

ميرو: مسكت إيديه.. وقالت بسعادة.. طبعاً في مليون تفسير كمان.. وأولهم إن جوزي حبيبي قلبه تقيل بالالماس.. وكمان الخير اللي جواه انتصر على الشر اللي حواليه.. وضميره المهني أكبر من أي عداء موجود.. وإنه قدر يفصل بين الشغل والمعاملات الشخصية.. بجد أنا مبسوطة اوي.. أنت عظيم أوي ياتيم.. أنت أجمل وأحسن واشطر دكتور تيم في العالم كله. تيم: ابتسم بحب.. وقال.. أنا كل ده؟

ميرو: هزت راسها لأ طبعاً.. أنت أكتر من كدا.. أنت جوزي حبيبي وروحي ونبض قلبي.. ودنيتي وكل حاجة حلوة في الدنيا. تيم: بضحكه.. يخربيت التثبيت.. وشدها لحضنه.. بحبك اوى يامريم.!! ميرو: غمضت عينيها وقالت بتنهيدة راحة. وأنا بعشقك حد الانهيار..!!! بعد يومين.. فيلا العدوي.. تمارا: قاعدة شايلة محمد.. بتلاعبه. مريم: نازلة.. ولابسة للخروج.. وقالت.. فين آريان ياتيما ياحبيبتي.

تمارا: بمعاكسة.. آريان مع بابا آدم في الجنينة ياقمر. بس إيه الجمال ده يامريومه ياقمر. الله أكبر عليكي. مريم: بضحكة صافية.. ربنا يصلح حالك ياتمارا يابنت قلبي.. جمال إيه بس يابنتي.. أنا كبرت خلاص. تمارا: شهقت بهزار.. وقالت.. سامع يامودي ياحبيب مامي؟ ناناه مريم بتقول أنها كبرت.. طيب قولنا أنت رأيك في الكلام ده؟ محمد: حاطط صباعه في بوقه.. وبيضحك لمريم.

مريم: بسعادة.. الضحكة اللي بموت فيها.. هات بوسة بقى يامحمد قبل ما نخرج.. وباسته من خده.. وقالت يحفظ محمد واسمه. تمارا: اللهم امين يارب ياحبيبتي. مريم: بتعجب.. إله.. أنتي لسه مالبستيش ياتمارا؟ كدا هنتأخر يابنتي على الميعاد.. وعمك طارق انتي عارفاه.. هيشبط مع جدك آدم. تمارا: ههههه بجد كان نفسي أشوفهم.. لكن مش هينفع.. لأن آريان.. عازمنا على الغدا أنا ومودي.. لكن هنحصلكم على ميعاد تلبيس الدبل إن شاء الله.. ونبارك ليهم.

مريم: ااه.. أيوه صح.. ده آريان قالي من امبارح كمان. يلا ربنا يسعد أوقاتكم بكل خير. دعاء دخلت وقالت.. ست مريم.. سيدي آدم بيه بيقول لحضرتك لو جهزتي.. هو موجود في الجنينة. مريم: بابتسامة.. أيوه ياحبيبتي.. جاهزة. وودعت تمارا وخرجت.. لأدمها… آدم: شافها.. ونفس ابتسامة الإحتواء والحب. متغيرتش على ملامح الآدم. آريان: سلم عليها.. وفتح ليها باب العربية.. وركبت.. وآدم ركب جمبها.. وهارون ركب وساق. فيلا السيوفي..

طارق: قاعد مع أشرف ويوسف ومحمد ومراد وفهد وفارس .. بيتكلموا في أحوال الدنيا.. وفي الجنينة.. تيم وآدم وكريم ومصطفى.. بيتكلموا. مصطفى: واقف.. وعايز يتكلم ويخلص.. لكن لسه الامبراطور موصلش..!! وكل شوية يبص على بلكونة چود لكن مفيش أمل. في أوضة چود.. البنات بتساعدها في اختيار لون الفستان. آرين: بحماس.. البسي الفستان الهاڤان ده.. بجد تحفة عليكي. ميرو: لأ لأ.. البسي الفستان الأبيض ده.. رقيق وجميل.

ليليان: لاااا ماتسمعيش كلامهم يابت يا چود.. البسي الفستان الدهبي ده.. حاجة تفرح بلا هاڤان بلا أبيض. آرين: حطت إيدها ف جمبها وقالت.. يسلم.. بلا هاڤان؟ ع فكرة بقى اللون الهاڤان على چود وبشرتها الخمري يجنن.. وبعدين دي مقابلة وتلبيس دبل. ميرو: لأ لأ.. الأبيض تحفة اسمعي مني أنا. چود: بااااااااس.. إيه يما أنتي وهي. سيبولي فرصة أختار وأفكر.. أنا أصلاً عايزة ألبس ترنج. كلهم: ايييييييه؟ تررررنج ياچووووود..!!!!؟

چود: عوجت بوقها.. آه يختي.. ترنج.. مالكوا اتصدمتوا ليه؟ تالين: ضحكت من قلبها.. وقالت. الله يهديكي ياچود يابنت خالو.. تخيلي كدا شكلك وأنتي نازلة قدام كل العيلة.. بترنج.. ونقدمك ليهم.. چود فارس السيوفي. بنت السفير فارس السيوفي.. والدكتورة رودي السيوفي.. لأ لأ بجد. مش قادرة أتخيل… كلهم ضحكوا. آرين: هههههههه أيوه ونكهرب شعرها.. وتلبس سلبر الحمام.. وتنزل. واو ياسمين عبد العزيز أوي هههههه. الكل ضحك.

چود: خلصتوا هري.. اطلعوا بره بقى.. أنا هلبس وأوريكو مين هي چود السيوفي.. يلا بقى بره عشان قفلت خلاص. الكل بيضحك من قلبه ع چود وخرجوا.. والفضول مجننهم.. عشان يشوفوا چود هتلبس إيه؟ بعد لحظات.. وصل أخيراً الامبراطور وأميرته. الكل سلم ع آدم ومريم. آدم: قعد جمب طارق.. وقال مبروك ياطاروق. طارق: مبروك على إيه؟ هو حد لسه اتكلم.. ماتلحح إبن أخت مراتك.. عشان بنام بدري. آدم: بإبتسامة.. طول عمرك صاحب واجب.

طارق: بتعلم منك ياخويا. آدم: بدأ يتكلم.. ها يا جماعة.. جينا على الميعاد ولا فاتنا كتير؟ أشرف: بضحكه.. لأ إحنا نقدر نقول حاجة وأنت مش موجود؟ آدم: حبيبي يا أبو يوسف.. طيب إيه يادرش.. حابب تقول حاجة؟ مصطفى: لابس كراڤت ومخنوق منها. لكن جه يتكلم.. بس مش عارف يقول إيه.؟ كريم: ضربه بكوعه في جمبه.. وقال من بين أسنانه.. ماتتكلم يارويتر.. راح فين لسانك المترين..!! مصطفى: بتوتر.. مش عارف ياكرملة.. كل الكلام اتبخر.

طارق: كشر عينيه.. وقال. إله إيه يامصطفى؟ أنت هاتستخير هنا يابني؟ الشباب كاتمين الضحكة. مصطفى::ها…!! آه أحم.. لأ ما أنا هتكلم أهو..! وهمس لتيم.. وقال المفروض أقول إيه يادكتور.. انجدني ابوس إيدك.. شكلي بقى زفت. تيم: بضحكه.. قال. وجه كلامك لوالد العروسة.. وقول بصراحة ياعمي أنا طالب القرب منك.. وا…. مصطفى: قاطعه.. وقال بصوت عالى مرة واحدة.. بصراحة ياعمي فارس أنا طالب القرب منك. الكل ضحك.

فارس: بدهشة.. القرب مني.. ما أنت قريب أهو يابني ولا تيجي تقعد على حجري. الكل ضحك من قلبه. مصطفى: بلع ريقه بتوتر.. بص لتيم. بغيظ. تيم: بيضحك.. وقال غبي أنا لسه مكملتش كلامي. مصطفى: بغيظ.. مش عايز من حد مساعدة.. أنا هتكلم.. شكراً أنت وكرملة. كريم: صك ع أسنانه بغيظ.. وتيم مسك إيد كريم يهدا عليه. آدم مراد: جه قعد جمبه.. وقال بهمس.. قول ورايا.

مصطفى: فتح عينيه بدهشة.. وقال نعم… أقول وراك أنت.. أنت عايزني أرمي عليها اليمين قبل ما تكون على ذمتي. آدم مراد: بص له بتحذير.. وقال بحده.. قول ورايا شكلك بقى تحت الأنقاض.. أخلص. مصطفى: بص حواليه.. وشاف الشباب الصغيرين بيضحكوا عليه. آدم مراد: قال بهمس. قول. جدو طارق . وعمي فارس طبعاً.. وباقي العيلة يشرفني إني أكون جزء من العيلة دي.

مصطفى: رفع حاجبه بتعجب وقال . صدق حلوة الجملة دي.. لأ عجبتني.. استنى. هاقول أهو. وقال.. أحم.. جدو طارق . وعمي فارس طبعاً.. وباقي العيلة يشرفني إني أكون جزء من العيلة دي. آدم مراد: وبطلب من حضرتك أيد الانسة چود.. وبتمنى إني أنول الشرف ده.. وربنا يقدرني وأسعدها. مصطفى: بدهشة.. إيه؟ أنول الشرف؟ ليه هي عيلة عزيز شوية ولا إيه؟ آدم مراد: هز راسه تمام.. أنت حر.. وقام وقف. مصطفى: شده بسرعة يقعد.. وقال.. خلاص خلاص.. هقول أهو.

آدم مراد: قعد. مصطفى: بغيظ مكبوت.. وبطلب من حضرتك أيد الانسة چود.. وبتمنى إني أنول الشرف ده.. وربنا يقدرني وأسعدها. آدم مراد: وأي طلبات أنا تحت أمركم فيها. مصطفى: بتوعد.. وأي طلبات أنا تحت أمركم فيها. طارق: بإعجاب.. أنا قولت الواد مصطفى ده الوحيد اللي شبهي.. شوفت يا آدم.. شوفت الكلام طالع منسق إزاي. واد بيفهم بصحيح. آدم: ضحك بصمت.. طبعاً اومال.

أشرف: بابتسامة.. وطبعاً يا طارق أنت عارف إن چود بنتنا قبل ما هتكون حرم حفيدي إن شاء الله. يوسف: بتنهيدة.. فارس أنا معنديش غير كريم ومصطفى.. وكريم ربنا تممله بخير.. وباقي مصطفى.. يعني فرحة قلبي الكبيرة لما أشوف مصطفى عزيز عريس.. وبالنسبالي ده حلم.. وبتمنى منك الموافقة. وتحقق حلمي يصحبي.. وشوف طلباتك كلها لجود هتبقى أوامر.

فارس: بابتسامة.. كلام إيه ده يايوسف وطلبات إيه يابني.. چود أنا أوصلهالك لحد بيتك. هي مش هتروح لحد غريب.. ده بيت جدها أشرف.. يعني الأمان والاستقرار. أشرف ويوسف. الله يكرمك يافارس. مصطفى: بلهفة.. نقرأ الفاتحة بقى.. وأنا جايب الخاتم. الكل ضحك. آدم: بضحكه.. طيب نعرف رأي عروستنا الأول. طارق: بتنهيدة.. أطلع نادي لأختك يا چواد. چواد: حاضر يا جدو.. وطلع بسرعة. ميرو وآرين واقفين عند السلم فوق.. وعيونهم على تيم وآدم.

زياد: قاعد وقال.. عقبالك يا آدم يابني.. فرحتك الفرحة الكبيرة لجدك آدم.. ولا إيه يا عمي.!!! آدم: ابتسم بهدوء.. طبعاً. ده الإمبراطور الصغير. مراد: بمكر.. أيوه ادعيله يازياد ياخويا.. أصل ابني آدم قافل باب الجواز ده خالص. فهد: بتكشيرة… وقال جواه.. يخربيت التمثيل يا أخي. زين: بدهشة.. نعم.. قافل بابا الجواز؟ ليه يا آدم يابني.. ده أنت تشاور بس.. تشاور كدا بإيدك.. تلاقي ميت واحدة . أنوي أنت بس وهتشوف عمك زين هيعمل إيه؟

آدم مراد: بشبح ابتسامة.. أنا ناوي فعلاً إن شاء الله.. لكن قدامي سنة.. أصلي وعدت أبوها.. وأنا عند وعدي.. وباقي من الوعد سبع شهور وبس.!!! فهد: صك ع أسنانه بغيظ مكبوت. آدم: ابتسم بصمت. زين: بدهشة.. والله.. ده خبر حلو جداً.. وياترى مين هي بقى.. نعرفها؟ مراد: بمكر بص ل فهد. فهد: بص له بتوعد وتحذير… مراد: رجع بص ل آدم إبنه.. آدم مراد: ضحك بصمت.. وقال.. هتعرفها بعد سبع شهور ياعمي.. وده وعد.!!!

طارق: ل آدم.. لأ حفيدك واثق من نفسه. آدم: بضحكه.. طبعاً طالع لك يا أسد.!! طارق: بفخر.. طبعاً.. بس الجامد مابيحكيش عن جمدانه. آدم: ضحك من قلبه. فهد: ضغط على دراع مراد. وقال بغيظ.. إيه البجاحة اللي انتوا فيها دي؟ مراد: بمكر.. الله يسامحك.. أنا مش عارف أنت مالك؟ حد كلمك ولا جه جمبك؟ فهد: بغيظ… ابنك ده أنا هفرمه ماشي؟

مراد: بأستفزاز.. تبقى استأذن أمه.. أصلها بتخاف عليه.. و وحياة الموافقة اللي شايفها في عينيك دي براحة على الديزل يافهودي.!!! فهد: يغيظ.. منك لله يامراد. مراد: رفع حاجبه وقال .. ومنك لله يافهودي. رودي عينيها لمعت بدموع.. وقالت تعالي.. انزلي يا چود. الكل رفع عينيه على السلم. مصطفى: بدقة قلب وانبهار.. قال دي چود…!!! چود: نازلة على السلم.. ولابسة فستان أحمر مطرز وليه ديل. وحجاب.. وكانت جميلة جداً. البنات انبهروا بيها…

فارس: قام وقف ومبتسم.. وراح قابلها.. وسلم عليها.. وقال چود إيه الجمال ده..؟ چود: بتوتر.. ميرسي يا بابي. فارس: تعالي سلمي على العيلة. رودي: استنى طيب يافارس.. هجيب القهوة لجود تقدمها. چود: بخبث.. خليكي انتي يامامي.. متتعبيش نفسك.. أنا هروح أجيبها.. بعد إذنكم. طارق: منورين والله يا جماعة. كلهم: الله يكرمك بنورك يا حج طارق. مصطفى: نفخ بخنقة.. هي راحت فين دي؟ ع طول تعباني معاها.

چود: جت وشايلة صينية القهوة.. وقالت برقة.. مساء الخير. الكل: مساء الخير يابنتي. طارق: ابتسم بحب وقال.. تعالي ياحبيبت جدك. قدمي القهوة واقعدي جمبي هنا. چود: بمكر.. حاضر يا بابا. وقدمت القهوة لكبار العيلة الأول.. وراحت عند مصطفى.. ولفت الصينية.. وقالت برقة مصطنعة.. اتفضل..!! مصطفى: بتكشيرة.. صوت مين ده؟ چود: بغيظ.. اتفضل القهوة. مصطفى: رقص حواجبه.. وقال أيوه كده.. مرحب يامعلم. واخد منها القهوة.

چود: حطت الصنية وقعدت جمب طارق. طارق: مسد ع حجابها وقال.. ما شاء الله تبارك الرحمن عليكي يا چود. چود: بحب حقيقي.. ميرسي جداً يابابا. طارق: بلمعة في عينيه.. قال.. إحنا اتفقنا.. إن انهاردة هتلبسي خاتم الخطوبة زي ما قولتلك قبل كدا.. حاجة كدا عائلية.. وكتب الكتاب ع دخول المدارس.. والفرح إن شاء الله.. في الإجازة. چود: بدقة قلب.. هزت راسها وسكتت. آركان: يلا بقى يامصطفى.. اشرب قهوتك ولبس عروستك الخاتم.. خلينا نفرح.

الكل ضحك وأكد على كلام آركان. آدم مراد: بيشرب القهوة ورفع طرف عينيه.. وشاف ضيه.. وهي واقفة بتسقف بفرحة كبيرة.. ووشها منور من الفرحة.. والحب الكبير اللي مالي قلبها لكل اللي حواليها. فهد: بص ل آدم.. وشافه باصص لفوق.. وقال بغيره.. في حاجة يا آدم.. باصص لفوق يعني؟ آدم مراد: انتبه.. وقال بهدوء.. أيوه… ياريت تقول لميرو وآرين يدخلوا جوه.. مش حلوة وقفتهم كدا.!!! فهد: بغيره.. اسمع يالا.. اء….

مراد: قعد بينهم. وقال.. يا سبحان الله.. سايبين اللحظات المهمة.. وبتتفقوا على جواز ابني آدم.. يبني لسه بدري متستعجلش.. عارف ياض آدم.. خالك فهد ده.. كان نمس.. آه والله.. خطب عمتك لارين في ألمانيا.. وأنا وزين اللي وصلناه للمطار.. وبص لفهد بتوعد وقال.. مش كدا ولا إيه ياحوت.!!! فهد: رفع عينيه ل آرين.. وافتكر رينو.. واتخنق. لأن السنة قربت.!!! وقام خرج بسرعة على الجنينة!! وواقف يفكر.

آدم مراد: مط شفايفه.. أنا شايف رفض من خالي فهد. مراد: هز راسه لأ.. فهد موافق وبالثلث.. بس دي مشاعر مش هتفهمها دلوقتي.. فهد ده صاحب عمري. وعشت معاه أكتر من أمك فريحة نفسها.. صدقني مفيش أحن من قلب فهد.. مشكلته أنه لما بيحب..!!! بيحب بجد..!!! مصطفى: طلع الخاتم.. وسط الزغاريد.. ورفع فنجان القهوة.. وشرب منه.. وحطه في الطبق. وتنح بصدمة كبيرة.. ومش عارف يبلع القهوة…

چود: رفعت حاجبها.. وقالت جواها.. أحسن عشان تحترم نفسك معايا. وتبطل تشتم فيا. يوسف: بتعجب.. إله.. يلا يامصطفي أنت واقف متنح كدا ليه؟ مش ده اليوم اللي نازل علينا زن فيه. اتفضل عروستك اهي.. لبسها الخاتم علشان نقرأ الفاتحة.. ههههه. مصطفى: واقف والنار هتطلع من ودانه.. ومش عارف يبلع القهوة. وقال جواه.. شطة…!!! يابنت ال….. عايزة تضحكيهم عليا؟

طيب أقسم بالله يا چود لأسود عيشتك.. اااه نااار.. ناااار.. أعمل إيه دلوقتي.. شكلي بقى وحش. أشرف: بص ل مصطفى.. بجمود وقال يلا بقى يامصطفى.. في إيه؟ مصطفى: بلع القهوة غصب عنه.. وفاتح بوقه.. وعينيه دمعت من الشطة.. وقال.. اء.. حاضر ياجدو.. ونفخ وحاول الثبات.. وراح قدام چود. چود: وقفت وضحكت الشماتة على وشها. مصطفى: حاول يبتسم.. قال بغيظ دفين.. إيدك ياعروسة. چود: رفعت إيدها. مصطفى: لبس ليها الخاتم.

چود: لبست ليه الدبلة.. والكل قرأ الفاتحة.. وباركوا وهنوا. مصطفى: ل آركان.. عايز ميا.. هاتلي جردل مياااا بسرعة.. نااااار. آركان: بتعجب.. يخربيتك بوقك أحمر ليه كدا.. وكشر عينيه وقال ااااه يانمس…؛؛ لأ لأ بس لأ مستحيل.. هو قاعد قدامنا معملش حاجة. مصطفى: ضغط على رجل آركان بجزمته.. وقال.. هات إزازة ميا يابني آدم انجززز.. هقلبلكو تنين مجنح دلوقتي. آركان: ينهار أسود.. طيب استنى.. وجري جاب الميا ورجع. مصطفى: بدهشة. أنت لحقت.

آركان: بثقة.. الفهد الأسود.. يعني السرعة القصوى. والأداء المبهر.. أشرب يصحبي.. أشرب وانسى همومك. مصطفى: فتح الإزازة.. وشربها كلها.. ومسح بوقه.. وقال بتوعد.. وحياة أمك يا چود لأشوف بعد كتب الكتاب هعمل إيه؟ وجنت على نفسها براكش..!!! بعد يومين كمان.. فيلا العدوي.. مريم وآريان وكريم وتمارا. وفريحه. وآرين.. قاعدين. سمعوا صوت زغاريد زينب من الجنينة. مريم: بتعجب.. يارب خيرا.. ياترى زينب بتزغرد ليه؟

تمارا: بقلق.. شهادة الثانوية العامة انهارده.. و أكيد شهادة أحمد ابنها ظهرت.. وكمان دعاء في تانية ثانوي.. يارب خير إن شاء الله. آريان: أنا واثق إن أحمد ابنها جاب مجموع كويس.. الولد ده شاطر وعندو طموح. مريم: يارب يارب نجح الجميع.. أنا بقيت أنسى كتير.. طيب بسرعة اتصلي على مليكة وطمنينا على حياة. هي كمان شهادة… و كارما بنت مالك. وتالين حد راح يجيب شهادتها. آرين: بحماس. أيوه ياماما المرعب. اء.. قصدي آدم راح يجيبها.

مريم: طيب يا آرين الله يكرمك طمنينا على ابن زينب. هي مدخلتش ليه؟ آرين: حاضر ياحبيبتي.. جري أهو.. وجريت ع باب الفيلا.. وخبطت في حيطة سد.!!! آرين: رجعت خطوة بسرعة.. ورفعت عينيها.. وشقت بدهشة. آدم..!!! آدم مراد: شاف آريان وكريم موجودين.. وصاكك ع أسنانه بغيره عشان بتجري قدامهم.. وقال كنتي بتجري بسرعة ليه؟ آرين: بلعت ريقها بتوتر.. وقالت.. اء.. أصل داده. داده زينب.. كانت…!!! آدم مراد: بحده.. هو