رواية جريمة عشق الفصل الثاني والعشرون 22 - بقلم مريم نصار

فيلا مصطفى عزيز.. مصطفى: في الفون لسعيد.. خلاص بقى ياعم سعيد متزعلش.. سعيد: لأ أزعل طبعاً.. لما ألاقيك منزل أستوري إنك خطبت..!! وفاجأة كدا يبقى أزعل.. مصطفى: منا قولتلك ياسعيد هي حاجة على الضيق كدا.. سعيد: بعتاب.. حاجة ع الضيق؟ أنت بتهزر يامصطفى؟ مصطفى: يابني هو أنت مش عارف إن عندهم حالة وفاة..؟

وجدي وبابا قالوا قراية فاتحة بس.. عشان مشاعر معرفش مين.. بقولك إيه.. أنت بس متزعلش.. وليك عليا في الفرح أنت هتكون أول واحد يعرف.. وهنخربها يازميلي.. سعيد: ماشي ياعم.. وألف مبروك. أنا أفرح إنك هتعقل وتتلم.. مصطفى: بتريقة.. أعقل؟ هو لسه الجنان ظهر.. دا انتوا داخلين على أيام مش واضحة من جنان مصطفى عزيز.. يلا على الله حكايتكم.. سعيد: أبو جنانك يا أخي. فقدت الأمل فيك.. مصطفى: بسخرية.. أمل حياتي هو الجواز فيه عقل؟

ده تكفير ذنوب يبني.. المهم ياعم الزعلان.. كوكي عاملة إيه؟ سعيد: ههههه كوكي؟ لأ كوكي تمام.. لما أروح أقولها بقى.. يا كوثر مصطفى حبيبك ارتبط بواحدة تانية غيرك.. مصطفى: مصمم تكسر قلبها..؟ أنا بحب كوثر برضه لكن چيناتا غير متوافقة.. هي قرده وأنا مصطفى.. ومينفعش..!! لكن هنعمل إيه؟ ما باليد حيلة.. ربنا معاها بقى.. وهي أكيد هتعذرني.. سعيد: بدهشة.. ولا يامصطفى أنا مش عايز جنان بجد.. هو برج واحد إللي فاضل في نفوخي..

مصطفى: طيب سلام أنت بقى عشان معايا مكالمة على الويتنج.. وهنتقابل بكرة.. وقفل ورد.. مصطفى: بنرفزة.. الو نعم..!!! چود: بضحكة.. الو. إزيك يا تيفا..!! مصطفى: بتحذير.. تيفا؟ إيه تيفا دي كمان؟ أسمي مصطفى عزيز. فاهمة.. چود: عوجت بوقها.. أه مصطفى عزيز.. مصطفى: أه يختي مش عاجبك ولا إيه؟ وبعدين إنتي متصلة ليه؟ ليكي عين تكلميني بعد عملتك المهببة..؟

چود: ههههه أهدا بس على نفسك ياوحش الكون.. والله أنت إبن حلال وتستاهل.. ده أنا كنت لسه بفكر إني….!!! مصطفى: بغيظ. بتفكري في إيه؟ عايزة تعملي فيا إيه تاني؟ متجيبي صباره وترشقيها في دماغي. عشان تستريحي. يابت متخلنيش أحطك في دماغي.. چود: بتريقة.. لأ بليز بليز حطني في دماغك.. هتعمل إيه يعني يا سي مصطفى عزيز باشا..؟ مصطفى: بمكر.. إللي بيعمل مابيقولش يابنت رودي.. بس عليا النعمة.. لتشوفي بعد كتب الكتاب أيام عنب..

چود: بتحدي أكبر.. وحياة أمي وأمك ولا تقدر تعمل حاجة.. يبني أنت ناسي شكلك والشطة في بوقك.. هههههههه يلهوي ياجدعان. دانت كنت بتعيط.. والعيلة. فكرت إنك بتعيط من الفرحة. هههههه مصطفى: رفع حاجبه وقال.. وماله اضحكي اضحكي.. أنا عايزك كدا تضحكي ليوم كتب الكتاب.. وتبقى على ذمتي.. دي كوثر هتفرح بيكي أوووي..!! چود: رغم قلقها منه .لكن قالت بغيرة.. كوثر مين دي إن شاء الله؟ دي مش أول مرة تقولي على الاسم ده. أسمع يالا انت..؟

أقسم بالله العظيم.. لو الحوار فيه واحدة ست.. لاخليك تقضي طول عمرك في المستشفى أنت وست كوثر بتاعتك دي.. مصطفى: رقص حواجبه وقال.. الهوي اجودعان.. الهوي عليك يابطل وأنت غيران على حبيبك.. عتلاق ولا حريم الدنيا تساوي رمشة من عينك ياتراب القمر اعسل أنت..!!! چود: غيرتها بدأت تهدأ. وقلبها مبسوط. لكن قالت بتوتر.. وبعدين بقى معاك.. هو أنت كل مانتكلم لازم تقول الكلام ده.؟ مش هينفع كدا..

مصطفى: يابت هو أنا قولت حاجة.. ده أنا مستني لكتب الكتاب.. چود: بتحذير.. ولااا أنت تقصد إيه بالظبط؟ مصطفى: قصدي كل خير يختي.. هو أنتي أصلا بتعرفي تقولي كلمتين حلوين على بعض؟ چود: ولما أنت عارف بقى؟ بتتكلم ليه يعسل؟ مصطفى: نفخ بنفاذ صبر.. ماشي ياسكر.. سيبي كل حاجة لوقتها. أصلاً أنا اتفقت مع بابا يكلم جدو طارق عشان يقرب ميعاد الفرح.. چود: بصدمة.. فرح إيه؟ وفرح مين؟ مصطفى: من بين أسنانه فرح كوثر ياچود.. أنتي هتستهبلي.؟

. فرحنا أنا وأنتي.. هنتجوز قبل الدراسة.. عشان نروح الجامعة مع بعض.. چود: بلعت ريقها بصعوبة وقالت.. لأ مش هينفع.. مصطفى: بسخرية.. ليه. مش هتقدري تجيبي طقم الصيني؟ بقولك إيه كلها يومين وجدو وبابا يتكلموا مع عيلتك.. ولو متكلموش أنا هتكلم. أنا عايز أتوز واخلص بقى..!! چود: هزت راسها يخربيت جنانك يا مصطفى.. أنت طلعت بح مفيش مخ خالص…!! مصطفى: بتريقة.. مخ؟ وانتي تعرفي حاجة عن المخ؟ المهم أخوكي چواد نجح ولا زي كل سنة..

چود: هيهي خفة.. لأ زي كل سنة.. مصطفى: بضحكة.. لأ ده كدا بقى نيجي ونبارك لچواد وحلاوة چواد وجمال چواد وا…… چود: بصوت عالى ما خلاص ياعم المسمسم.. هتقضيها حوارات ومعرفش إيه؟ مصطفى: روحي ياشيخة ربنا يسد نفسك.. چود: آمين.. يلا بقى سلام عشان رايحة أتغدا.. مصطفى: كلي يختي كلي.. أنا عايز فستان الفرح مايدخلش فيكي أشطا؟ چود: ببرود من عونيا.. أنت تؤمر.. يلا سي يو.. وقفلت.. مصطفى: بص للفون.. وقال.. سي يو ليتر.. يا بنت رودي..!!!

فيلا العدوي.. في جناح آدم.. آدم: واقف قدام المرايا بيسرح.. مريم: دخلت في صمت… وشافت آدم.. وقعدت على الكنبة. مخنوقة وبتستغفر.. آدم: كشر عينيه وقال بإستفهام.. مالك ياروحي؟ مريم: بتنهيدة تعب.. آدم حفيدك يا آدم..!! آدم: هز راسه.. أممم.. لأ واضح أنه مضايقك.. واللي يضايق أميرتي.. يبقى في تصرف تاني.. وقعد جمبها.. وقال.. عمل إيه حفيدك؟

مريم: بزعل حقيقي.. حفيدك عصبي جداً.. ولازم يتحكم في تصرفاته.. تخيل يا آدم.. أنه أهان كرامة آرين؟ وفي وجود آريان وكريم..!!! آدم: كشر عينيه وقال بتعجب.. أهان كرامتها؟ لأ احكيلي بقى؟ إلا احفادي البنات.. قوليلي عمل إيه؟ مريم: إللي حصل………………..!!! وحكت كل إللي حصل واللي هي قالته لأدم..

آدم: أبتسم.. وقال.. أنتي علمتي حفيدك درس مش هينساه طول العمر.. أما بقى من ناحية تصرفه.. فهو غلطان أكيد.. بس الغيرة يا أميرتي.. الغيرة والحب والخوف يعملوا أكتر من كدا.. مريم: بتعجب . الحب يهين الكرامة يا آدم؟ يقولها أمشي من قدامي؟ وهي معملتش حاجة كبيرة..!!! آدم: بنفي. لأ طبعاً.. الحب بيرفع من مقام الطرفين.. لكن في بعض التصرفات وقت الغيرة.. بتخلي العاشق أعمى.. لكن لما يهدا هيعرف غلطه.. وأنا ليا حساب مع حفيدي..

مريم: شهقت.. لأ لأ يا آدم. أنت عايز حفيدي يقول إني قولتلك..؟ أنا بفضفض معاك لإن ماليش غيرك. وأنت سري. وأماني.. آدم: ضحك بصمت.. خايفة على زعل حفيدك يا اميرة آدم..!!! مريم: أبتسمت بتنهيدة.. طبعاً ده الغالي إبن الغالي.. آدم: مسد ع ضهرها.. وقال.. متقلقيش حفيدي أخد منك درس هيفوقه أكيد..!! مريم: إن شاء الله.. إنما قولي يا آدم.. أنا سمعتك بتتكلم مع حد الصبح في الموبيل.. وبتقول خليك وراه لحد ما تعرفلي كل حاجة.. مين ده؟

آدم: أبتسم.. وقال.. ده شغل خاص.. وأنا مش عايز أميرتي الجميلة تشغل تفكيرها بأي حاجة.. المهم بقى.. إن حفيدتي تالين نجحت.. نفكر ليها ف هدية تليق بيكي وانتي بتقدميها ياروحي..!! مريم: بضحكة صافية.. أيوه فعلاً تالين تستاهل كل خير.. والحمدلله على نجاحها.. وكمان عايزين نطمن ع باقي أحفاد العيلة ونبارك ليهم..

آدم: أبتسم.. وأمبراطور قلبك هيطمنك.. حياة وچواد نجحوا في آخر سنة.. وكارما نجحت في تانيه. ورعد لسه بقى هتصل عليه أطمن على بنته هي تقريباً في تالته ثانوي..!! مريم: بفرحة.. مبارك علينا وعليهم.. عند رينو.. رينو: بضحكة… أستنى بقى يا آيو ألبس الجاكت ده عشان متبردش.. أنا مصدقت خفيت من البرد.. ويلا بقى عشان ننزل نطمن على ناناه.. وتالين..!! آيان: هز راسه ليها وبيلاغي. ومش عايز يلبس..

رينو: ضحكت.. وقالت اااه لو بابي فهد هنا. كان هو أتصرف معاك.. مش عارفة بيقنعك إزاي.. هو و آرين.. آيان: مش فاهم حاجة وبيلاغي.. رينو: ضحكت.. طيب يلا بقى هات إيدك القمر دي.. آيان: صرخ ومش عايز…! جرس الباب رن.. آيان: سمع الجرس.. وسقف وزحف بسرعة عايز يخرج من الأوضة.. وقعد ورا الباب وبص ل لارين..!! رينو: ضحكت.. وشالته.. وقالت.. تعالي نشوف مين؟

مش معقول يكون آركان لأنه عند بابا طارق.. معرفش بيختفي ليه كتير الفترة دي.. ومش ممكن يكون بابي فهد..!! وفتحت الباب.. آرين: واقفه قدام الباب.. وعينيها حمرا من العياط.. ودخلت. في صمت.. رينو: فتحت عينيها بدهشة.. وهمست آرين؟ وقفل الباب بسرعة.. ونزلت آيان. وقالت. آرين ياحبيبتى أنتي معيطة ليه؟ آرين: بعياط مكتوم.. مفيش حاجة يامامي أنا كويسة.. ودموعها نزلت ومسحتها بسرعة.. آيان: مسك فستان آرين وبيرفع أيد وعايزها تشيله..

آرين: شالته.. وباسته من خده.. وساكتة.. آيان: ضحك ليها.. وباسها. وسقف.. رينو: بغموض..!! مالك يا آرين؟ آرين: هزت راسها بزعل.. وقالت.. مفيش حاجة صدقيني يامامي.. أنزلي حضرتك.. وسيبي آيان معايا. أنا مش هنزل. رينو: مسكتها من دراعها.. وقالت بهدوء.. تعالي اقعدي. عايزة اتكلم معاكي شوية.. آرين: قعدت.. وآيان في حضنها.. وقالت بحزن.. نعم يا مامي..!! رينو: بجمود في كلامها.. أنا ممكن انزل دلوقتي. وأسأل العيلة إيه إللي حصل؟

عشان بنتي تطلعلي معيطة بالشكل ده؟ ووقتها معرفش إيه إللي ممكن يحصل.. أو أبوكي لو عرف بحاجة زي كدا. هيعمل إيه..!!! آرين: هزت راسها وعيطت بصوت عالي.. لأ يامااامي لأ محدش من العيلة زعلني أو حتى ضايقني.. كل ده بسبب آدم.. أنا مش هتكلم معاه تاني.. أرجوكي يا مامي.. أنا عايزة أرجع شقتنا القديمة.. رينو؛ بقلق.. طيب أهدى ومتعيطيش.. احكيلي حصل إيه من آدم؟ وايه اللي يوصلك للعياط بالشكل ده؟

آرين: بشهقات.. حا…حاضر هقولك على كل حاجة.. إللي حصل إني……………..!!! وحكت كل حاجه… آيان: بيسمع آرين.. وبيلاغي بصوت عالي ومتنرفز عشان آرين بتعيط.. رينو: أبتسمت.. آرين: مسحت دموعها وقالت بتعجب.. حضرتك بتضحكي يامامي؟ رينو: بضحكة رقيقة.. قالت.. طبعاً أضحك.. لأني بتعيطي من غير سبب..!!! آرين: بزهول.. كل ده وبتقولي من غير سبب؟ ده قالي أمشي من قدامي وزعقلي.. ده طردني يامامي؟

رينو: بنفي.. لأ أبداً ياحبيبتي.. آدم مايقصدش أنه يطردك.. أنتي لو فكرتي بهدوء.. فتصرف آدم تجاهك.. هتلاقيه غيران عليكي.. وحبا فيكي أتصرف بالشكل ده.. هي أيوه الطريقة غلط لكن مش مقصودة.. الغيرة في حد ذاتها شيء جميل.. ومعاكي لو زادت عن حدها بتقلب لمشاكل كبيرة. لكن آدم غير فهد.. فهد غيرته محتومة مافيش فيها رجوع.. لكن آدم بيتنرفز.. وبعدها يهدا ويفكر.. آرين ياحبيبتي.. أنا أكتر واحدة مجربة الغيرة من باباكي.. هي حب. وعشق كبير.. وأنا حاولت كتير إني أغير من فهد بخصوص الغيرة لكن فشلت.. لأنه طبع.. وديما يقولي أنا كدا.. ربنا خلقني كدا..

آرين: بدموع.. بس آدم أحرجني اوي يامامي.. وأنا معملتش حاجة غلط.. رينو: بتنهيدة.. طيب أنا هسألك.. أنتي شايفة تصرف آدم تجاهك حب ولا كره؟ آرين: خرجت منها تنهيدة… وساكتة… رينو: أبتسمت.. وقالت.. أنا عارفة إجابتك.. هي حب.. ومش حب وبس.. آدم معندوش حد غالي قدك يا آرين.. ومتأكدة إنك لا يمكن تهوني عليه.. آرين: هزت راسها.. وقالت بحزن.. إن شاء الله..

رينو: طيب أنا عايزة إني أفكي التكشيرة دي. و يلا قومي اغسلي وشك.. عشان ننزل للعيلة.. مامي أكيد منتظرانا.. آرين: هزت راسها برفض.. لأ سوري يا مامي. أنا مش هنزل النهاردة ممكن؟ رينو: مسدت على خدها.. ممكن ياروح قلبي.. تعالي ياسي آيان.. آيان: خبى وشه في حضن آرين.. ومش عايز يسيبها.. آرين: أبتسمت بحب كبير.. وضمت آيان لحضنها.. وقالت.. سيبي آيو معايا يامامي..

رينو: قامت.. طيب امسكي لبسيه الچاكيت ده.. عشان تعبني معاه.. وه يسمع كلامك.. وأنتي روقي ياروحي. عشان بابي لو شافك كدا؟ اليوم مش هيعدي على خير.. آرين: هزت راسها حاضر.. أتفضلي انتي ومتقلقيش عليا.. وارجوكي متقوليش لادم أي حاجة.. رينو: حاضر ياحبيبتى.. و ودعتها.. وخرجت.. آرين: بتلبس آيان الچاكيت.. واتكلمت بدموع.. وقالت.. طيب قولي أنت يا آيان.. أنا عملت إيه لكل ده؟

وليه ديما بيتعصب عليا.. ودلوقتي يقولي أمشي من قدامي ويحرجني قدام العيلة؟ لأ لأ أنا لا يمكن أسامحه المرادي.. أنا مش هتكلم معاه تاني بجد يا آيان.. في الجهاز.. مراد: تمام يافندم.. المدير: تمام ياسيادة العقيد. أنت والعقيد فهد.. تتحركوا للمهمة دي بليل. وهترجعوا خلال يومين تلاتة بالكتير. والعربية الخاصة هتكون موجودة الساعة ٩ مساءاً في المكان المحدد..

مراد: تحت أمرك يافندم.. ولكن بعد إذنك هنرجع البيت نجهز لكل حاجة.. وهنتحرك على الميعاد.. المدير: هز راسه وهو كذلك.. فيلا العدوي.. آدم نزل مع اميرته.. والعيلة بدأت تتجمع.. ويباركوا ل تالين.. زينب: جابت شربات ووزعت ع الكل.. آدم: أبتسم.. ألف مبروك نجاح ولادك يازينب.. زينب: بسعادة.. إلهي يبارك ف عمرك ياسي آدم بيه. ياكُبارة ياسيد الناس.. والله.. والله ياسي آدم بيه لولاك أنت وست الكل. ماكنا وصلنا للفرحة الكبيرة دي..

آدم: أستغفر الله.. متقوليش الكلام ده تاني يازينب.. كل ده بفضل الله.. وتعب ومجهود أحمد ابنك.. الولد ده أنا متوقعله مستقبل أفضل في الهندسة.. هي حلم عمره.. وهيحققه إن شاء الله.. ومش عايزك تحملي هم أي مصاريف.. أحمد زي ما قولتلك قبل كدا.. وهقولهالك تاني . أحمد ودعاء.. زي احفادي.. ومسؤولين مني لحد ماجوزهم إن شاء الله.. زينب: عيطت بفرحة وأمتنان.. وقالت....

طيب أدعي ليك واقول إيه ولا إيه.. والله العظيم ياست مريم.. أنا كل صلاة وأنا ساجدة بدعي ليكي أنتي وسي آدم بيه.. يرزقكم بركة في العمر وزيادة في الرزق.. وسعادة الدارين.. بدعي زي ما بسمعك بتدعي ياست الكل يانوارة الدنيا كلها.. مش المملكة وبس.. ربنا يجبر بخاطركم زي ما تجبرو بخاطر ناس كتير أوي.. مريم: عيونها لمعت. وضحكت. وقالت.. وبعدين معاكي يازينب.. هتخليني أبكي ليه؟

يلا هاتي الشربات بقى.. وهدية دعاء عندي.. بس بكرة إن شاء الله.. زينب: بسعادة.. من عينيا أحلا كوباية شربات لست الكل وسيد الناس. اتفضلوا. وحطت الشربات.. واتحركت بسرعة وبتزغرد.. آدم: ضحك بصمت.. وقال برضو مصممة.. مريم: بابتسامة.. زينب كلامها على الفطرة ودي حاجة جميلة فيها.. المهم ياحبيبي.. حفيدك مش موجود؟ ياترى راح فين.؟ آدم: بهدوء.. هنعرف دلوقتي.. وشاور ل تالين.. تالين: قعدت جمبه وقالت بابتسامة رقيقة.. نعم يا جدو..

آدم: ربت ع ضهرها. وقال عيون جدو ياتالين.. ألف مبروك ياروحي. تالين: الله يبارك ف حضرتك.. آدم: قوليلي بقى.. نفسك في إيه؟ تالين: بحرج.. حضرتك وبابا مش حرمني من أي حاجة.. هعوز إيه غير سلامتكم..

آدم: مسد ع حجابها بابتسامة وقال.. وده واجبنا ياحبيبة جدك.. إحنا معملناش أي حاجة زيادة عن حقوقكم.. المهم بقى إنك أصغر حفيدة للعيلة.. وانهردا يوم نجاحك ونجاحنا كلنا.. ولازم يكون ليكي هدية. و تيتة مريم هي بنفسها إللي هتقدمهالك.. ودي فرصة.. اختاري وقولي..

تالين: بابتسامة.. حضرتك بجد أنا مش ناقصني حاجة.. ولا محتاجة لحاجة.. الحمدلله أنا عندي كل حاجة.. الصحة والستر. وأهل مفيش منهم. والعيلة الجميلة. اللي كلها حب ودفا.. هحتاج لايه تاني.. آدم: أبتسم بحب كبير. وباس راسها.. وقال. تعرفي ياتالين.. أنتي بتفكريني بأجمل أيام عمري.. لما قابلت جدتك.. فيكي كتير جدا منها.. ونفس الرضا والقناعة.. تالين: بضحكة صافية.. ياااه ياجدو.. أنا بشبه أميرتك معقول؟

آدم: بمكر.. هو مفيش حد زي أميرة آدم.. لكن نقول فيكي كتير جدا منها. لكن مش كلها… وضحك تالين: ضحكت.. طبعاً.. وربنا يبارك ف عمرها وعمر حضرتك.. آدم: آمين.. اومال أخوكي آدم فين؟ تالين: بإستفهام.. أنا نزلت لأبيه آدم. وبارك ليا.. وراح على صالة التدريب بتاعته.. وقال مش عايز حد يزعجه.. آدم: هز راسه. أممم.. تمام.. تمام.. رينو: ألف مبروك يافريحة.. أنتي تستاهلي كل خير.. فريحة: بسعاده.. الله يبارك فيكي يارينو ياحبيبتي..

رينو: أبيه مراد عرف بنجاح توتا..؟ فريحة: بضحكه.. لأ لسه.. بتصل عليه وكنسل عليا. وبعتلي رسالة أنه داخل على اجتماع مهم.. رينو: ربنا معاهم.. مريم: هي آرين منزلتش معاكي ليه يارينو يابنتي.؟ رينو: بتوتر.. أحم. أبداً يامامي.. قالت إنها هتقعد فوق مع آيان. آدم: أنا هتصل عليها تنزل وهتتغدا معايا. وهتسمع كلام جدها.. رينو: أبتسمت.. أكيد هتسمع كلام حضرتك.. نور: وصلت وباركت للكل..

زين وريتال.. وصلوا.. وسلموا على العيلة.. وباركوا ل تالين.. زين: ألف مليون مبروك ياقلب عمك.. ومن بكرة أحلى هدية فيكي يامصر هتكون لتالين حبيبتي.. تالين: ميرسي جدا ياعمو.. ربنا يبارك ف حضرتك.. ريتال: زين.. أنا كنت واعدة ليليان بهدية بس انشغلت الفترة دي.. إيه رأيك ناخد توتا وليليان عند الجواهرجي.. ويختاروا اللي هما عايزينه.. زين: ويروحوا ويتعبوا نفسهم ليه؟

بكرة كل حاجة تكون قداهم ويختاروا برحتهم.. وبص لامه.. وقال.. وست الكل كمان تختار أغلى وأجمل حاجة.. مريم: بابتسامة.. ربنا يكرمك بكرمه يازين يابن قلبي وروحي.. آدم: بص ل زين وشاور بعينيه على تمارا.. زين: فهم.. وقال.. وكمان تمارا مرات ابني حبيبتي.. تختار أحسن حاجة.. تمارا: بفرحة.. ميرسي جدا يا بابا.. فرحت جدآ لاهتمامك. لكن ملوش داعي… خير ربنا كتير وعندي..

زين: ابتسم بحب.. وفهم قصد أبوه.. وقال. وأنا عندي كام مرات إبن.. وبعدين ياتيما انتي وليليان بنتي واحد.. وزيك زيها بالظبط.. أنتي أم حفيدي العسل ده.. تعالي لجدو ياواد يا محمد.. تمارا: قامت بفرحة.. وحطت محمد بين ايديه.. زين: بابتسامة.. باس من خده.. وقال.. واد يا مودي.. لما تكبر هتقولي جدو ولا بابا زين؟ ها.. محمد. : فاتح عينيه وباصص لزين.. زين: بضحكة.. أنا لسه صغير.. أنت تقولي يا أبيه زين إيه رأيك؟ الكل ضحك..

زين: قام وقعد جمب آدم.. وبيلاعب محمد.. وقال بهمس.. شكراً يا حج.. آدم: بنفس الهمس.. أوعى في يوم تفرق بين بنتك ومرات ابنك.. أوعى تفتح باب للشيطان إسمه التفرقة يازين يابني.. زين: بنفي.. لأ والله مش كدا خالص ياحج.. وأنا مش مقصر خالص.. ومش قصدي.. وتمارا بنتي وبنت أختي قبل ما تكون مرات ابني آريان..

آدم: حتى لو غربية.. خلي بالك من النقطة دي كويس جدا. حتى لو مش معاك ومش مقتدر… وقدرتها وجبرت بخاطرها.. مش هتنسى ليك الموقف ده.. وديما هتحس أنها زيها زي أي حد موجود.. انت عايش معانا وشايف معاملتنا مع فريحة وريتال. زيهم زي نور و لارين مفيش فرق بينهم.. جنس حوا حساس جداً يابني وأي كلمة وموقف يأثر فيهم.. هتجيب لليليان؟

يبقى تجيب لتمارا.. ولو مش مقتدر.. تجيب أن شاء الله هدية بسيطة.. المهم إنك تعدل.. العدل أساس الملك.. وطول مافي عدل.. استحالة هتلاقي ضغينة أو فتنة.. فهمت يابن العدوي..؟ زين: أبتسم بحب وقال . فهمت.. فهمت يا أمبراطور..!! في صالة التدريب.. آدم مراد: بيضرب كيس الملاكمة كأنه عدو واقف قدامه.. ومتنرفز جداً. عشان آرين.. وقال لنفسه بغضب.. مكنش ينفع تجرحها وتحرجها قدام أي حد يا آدم.. مكنش ينفع..!!! أنت اييييه؟

نسيت كلام الإمبراطور بالسرعة دي؟ ومسك كيس الملاكمة وبينهج.. وقال بخنقة. أنا مش عارف أنا بيكي رايح فين يا آرين يا عدوي..!!! بعد شويه.. مراد وفهد رجعوا البيت.. مراد: بفرحة.. ضمها لحضنه . ألف مبروك ياتوتا.. ألف مليون مبروك ياحبيبتى.. تالين: بفرحة.. الله يبارك ف عمر حضرتك يابابا.. فهد: مبروك يا تالين.. فرحتلك اوي ياحبيبتى. تالين: ميرسي جدا ياخالو.. فهد: بص حواليه.. وقال فين آرين و آركان و آيان؟

رينو؛ بإبتسامة.. آرين نازلة حالا ياحبيبي.. ليليان وتمارا راحوا يجيبوها هي و آيان.. أما آركان بقى قال إنه هيقضي اليوم عند جدو طارق.. وبتصل عليه مردش.. آدم: بهدوء.. أنا إللي طلبت من آركان أنه يقضي اليوم مع جدو.. وكمان طلبت منه كذا حاجة كدا.. متقلقوش عليه..!!! فهد: هز راسه وقعد. وبص ل مراد ف إشارة معناها اتكلم أنت..!! مراد: مسح ع شعرو بتوتر وهز راسه ليه.. تمام.. وقال. أحم.. فريحة .. فريحة: بابتسامة.. نعم يا مراد..

مراد: عايزك تجهزي شنطة سفر صغيرة كدا ليومين.. هنتحرك انهاردا الساعة تسعه..!! فريحة: فتحت عينيها بصدمة.. وقالت ايييه؟ هتسافر؟ والكل انتبه.. مراد: ضحك.. وقال. لأ مش هسافر في أي مكان.. لكن طالع مهمة هنا في مصر يومين تلاتة بالكتير أنا وفهد.. وقبل ما حد يقول حاجة.. هي مهمة خفيفة عادية يعني.. وهتصل وهتكلم معاكم عادي في أي وقت.. يعني حاجة خفيفة وحلوة.. آدم: بص ل مراد بقلق..

مراد: بضحكة.. متقلقش ياحج.. ده جمع شوية معلومات ع السريع كدا.. زي مهمة الصيف اللي فات… آدم: هز راسه.. تمام ربنا معاكم.. رينو: بصت لفهد.. بخوف.. فهد: هز راسه ليها.. وقال.. مهمة سهلة جدا.. وكل شوية هتصل عليكي.. متقلقيش..!! رينو: اتنهدت بإستسلام.. وقالت ربنا معاكم.. فريحة: هزت راسها بحزن . وقالت.. ربنا يحفظكم.. بس آدم أبني مش هيطلع معاكم صح؟ مراد: هز راسه لأ… آدم أجازة.. فهد: نفخ بخنقة ومسح وشه وشعرو بايدو..

آدم مراد: واقف ع السلم.. وسمع كل حاجة. وأبتسم بخبث..!!! ورجع على اوضته تاني.. مريم: دعت لأولادها من قلبها. واتمنت ليهم السلامة.. آرين: داخلة البيت ومحرجة.. وعينيها في الأرض. ومدورتتش ع المرعب كالعادة.. فهد: أبتسم.. آيان حبيب فهد.. تعالي. آيان: نزل وزحف بسرعة لفهد.. فهد: شاله.. وباسه. وقال بضحكة.. عامل إيه دلوقتي.. أخيرا البرد اختفى. رينو: الحمدلله.. بقى أحسن بكتير.. فهد؛ شاور ل آرين.. تعالي ياقلب بابي..

آرين: قعدت جمب فهد.. وقالت.. حمد الله على سلامتك يا بابي فهد: باس جبينها.. الله يسلمك يا روحي.. عاملة إيه النهاردة.. آرين: بتمثيل.. أنا كويسة أوي أوي.. وغصب عنها رفعت عينيها لكن مكنش موجود.. وأول مرة تستريح لعدم وجوده.. وقت الغدا. الكل أتجمع.. وآدم مراد بيتغدا في صمت تام.. وبيفكر إزاي يصالح ضيه.. بعد فتره.. فهد: نازل الاسانسير مع رينو.. وقال بغيره.. أنا عايزك انتي و آركان و آرين.. ترجعوا على شقتنا القديمة..

رينو: بتعجب.. غريبة..!! أنت طول عمرك تقولي أفضل هنا عشان خوفك علينا.. دلوقتي بتطلب العكس؟ ممكن أفهم..؟ فهد: بخنقة.. هو أنا كل حاجة هقولها هقدم ليها تفسير.. هو مش ده طلب آركان ولا أنا غلطان؟ رينو: بزعل.. لأ مش غلطان يافهد. ومش لازم تقدم تفسير.. أنا أسفة. هعمل إللي أنت عايزو.. فهد: مسح وشه وشعرو بنرفزة.. ومسك ايديها وقال.. اسف.. مش قصدي.. لكن صدقيني أنا بعمل كدا لمصلحة آرين..!!

وغمض عينيه.. وافتكر حريق الشقة.. ونفخ بخنقة كبيرة وقال.. لكن مش هينفع برضه ترجعوا الشقة القديمة.. رينو: بعدم فهم.. إيه التناقض ده؟ مالك يافهد.. أنت بقالك فترة مش عاجبني.. الاسانسير فتح وخرجوا.. فهد: وقف قدامها.. وقال.. مش تناقض ولا حاجة يا لارين.. أنا فعلاً عايزكم تروحوا الشقة.. لكن افتكرت الخطر إللي ممكن تكونوا فيه. وخصوصاً إننا لسه منعرفش مين إللي حرقها او اتحرقت إزاي؟

وأنا مقدرش أجازف بأي حد من عيلتي.. وبرضه. هنا أنا…!!!! رينو: بتنهيدة.. هنا آدم مراد مش كدا يافهد؟ فهد؛ بص بعيد ومردش. رينو: لفت وشه ليها وقالت.. مشكلتك إنك بتحب آدم جداً.. وشايف فيه نفسك.. وكمان آدم إبن أخويا عمره ما اتعدى حدوده مع أي حد موجود في العيلة سواء بنات أو شباب. إبن أخويا بيتصرف بعقلانية يافهد.. والمفروض تبقى واثق فيه أكتر من كدا.. وكمان تبقى واثق فيا.. لأني مش هتهاون مع بنتي يا فهد..!!!

فهد: بنفي.. لأ.. أنا مقولتش إنك بتتهاوني يا لارين ارجوكي افهمي كلامي كويس.. وأنتي عارفة طبعي. وكل تصرفاتي دي بعيدة عن الثقة.. أنا مليون مرة بقولك إن ثقتي فيكي أكبر من العالم.. لكن…!!! واتنهد وسكت.. ومش عايز يقولها إن آدم اتقدم لبنته.. رينو: بتكشيرة.. لكن ايه يا فهد..؟ فهد: أخد نفس عميق.. وحط ايدو ع خدها. وقال بتمني.. مفيش حاجة يالارين.. وأنا واثق فيكي وف بنتي.. ارجوكي خلي بالك منها.. وشهادتها بكره.. ياريت تطمنيني..

رينو: حطت ايدها ع أيدو.. وقالت بابتسامة.. حاضر ياحبيبي.. أول ما تيم يجيب النتيجة.. هأتصل عليك فوراً.. المهم انت خلي بالك من نفسك.. ارجعلي.. فهد: باس جبينها وغمض عينيه بتنهيدة.. وبعد عنها.. وأبتسم. وقال.. لا اله إلا الله يانجمتي.. رينو: بدموع مكبوتة.. سيدنا محمد رسول الله.. مراد. وفهد سلموا على الكل.. وخرجوا.. آدم مراد: من غير ما يبص ل آرين.. قال.. أنا هوصلكم.. وشغل العربية.. فهد ومراد ركبوا.. وودعوا العيلة..

آرين: شاورت لابوها.. وبتمسح دموعها.. ودعت ليه من قلبها.. آدم مراد: ساق بسرعة.. وخرج من الفيلا.. آرين: بعياط. أنا هطلع بعد إذنكم.. آدم: حاوطها من كتفها وضمها لقلبه وقال.. مفيش طلوع وحفيدتي بتعيط.. حفيدتي هتطلع تنام وهي في قمة سعادتها.. تمام.؟ آرين: بحزن.. أنا زعلانة جدا يابابا آدم..!! آدم: أبتسم بحب.. الزعل مسيره يختفي ياحبيبة جدك. في مستشفى النور..

تيم: دخل مكتب مريم.. وقال ميرو.. الساعة تسعة.. يلا ياحبيبتي عشان نرجع ع البيت.. عايزين نبارك لتالين.. ميرو: قامت بتعب.. وقالت يلا يا حبيبي.. لو تعرف أنا النهاردة اشتغلت كتير جدا.. تيم: أبتسم.. قولتلك وقت الغدا.. أروحك بس أنتي صممتي تكملي.. ميرو: حبيبي أنا مبسوطة.. وخصوصاً إني بشتغل وأنت جمبي.. المهم طمني اخبار كامليا إيه؟

تيم: ضحكته اختفت.. وقال بخنقة.. زي ما هي الحروق من الدرجة التانية.. وخلايا في وشها ادمرت حرفياً.. ولازم ليها عملية.. بعد أسبوعين.. هبدأ فيها.. ميرو: أبتسمت.. ربنا يجازيك كل خير.. وأنك ترجع ابتسامة إنسان من جديد.. ثوابها عظيم عند ربنا.. تيم: مسح ع شعرو.. وأبتسم بغيظ.. وقال نروح؟ ميرو: ضحكت من قلبها.. وقالت نروح يادكتور عصبي.. تيم: ضحك.. طيب هاتي شنطتك ويلا بينا.. ميرو: بفرحة.. أكيد.. يلا بينا.. في مكتب الدكتور محمد..

ماجده خبطت ودخلت.. وقالت بتعجرف.. خير يا دكتور.. الممرض قالي أنك طلبتني.. محمد: هز راسه ليها بهدوء.. وقال أيوه.. اتفضلي استريحي..!! ماجده: قعدت وحطت رجل على رجل.. وقالت اتفضل سمعاك..!!! محمد: بص ليها.. ولطريقتها المتعجرفة.. لكن قال بهدوء.. زمان جدا. كان في حادثة حصلت.. لحد يخصني من عيلتي.. شخص خطف أعز الناس لقلبي.. تعرفي أنا عملت إيه؟ ماجده: بعدم اهتمام.. وحضرتك جايبني هنا عشان تحكيلي قصة حياتك؟

محمد: أبتسم بسخرية.. وقال لأ طبعاً.. أنا كنت هقولك نبذة مختصرة عن نهاية إللي يمس حد من حريمنا.. لكن واضح إني هضيع وقت معاكي.. وطلع أوراق.. حطها قدامها وقال اتفضلي أمضي.!! ماجده: بغيظ دفين.. أمضي على إيه؟ محمد: بجدية.. دي تكاليف خسارة الأوضة إللي اتحرقت.. وكمان مصاريف علاج بنت حضرتك.. ولا هي هتتعالج ببلاش..!!! ماجده: بتعجرف.. أنا ما يهمنيش الفلوس.. قد ما يهمني سلامة بنتي..

محمد: مط شفايفه اممم تمام اتفضلي الورق.. وامضي.. ماجده: بسخرية.. أمضي كدا من غير ما أعرف همضي على إيه؟ محمد: ابتسم بتمثيل.. الورق معاكي.. اقريه على مهلك.. وامضيه.. ويومين ويكون عندي.. ووقتك خلص اتفضلي.. ماجده: بصوت جهوري.. إيه ده يا استاذ أنت.. أنت بتطردني.. مفيش ذوق خالص..!! محمد: خبط ع المكتب بغضب واضح.. وقال بتوعد.. كلمة زيادة أقسم بالله.. هحولك للمسألة القانونية.. وأوعي تكوني فاكرة إن كنت ساكت ده ضعف مني؟

لأ… أنا ساكت بس عشان خاطر ولادي.. لكن غير كدا.. أنا عندي استعداد أدنك انتي وبنتك بالحيا يوم ماتفكري إنكوا تقربوا لأي حد من عيلتي.. ومش هاخد فيكوا يوم واحد.. وأعملي حسابك إنك هتدفعي تمن كل حاجة عملتها بنتك.. انتي فاااهمه.. وزعق.. اتفضلي بررره..!!! ماجده: صكت ع أسنانها بغيظ وخافت من تهديد محمد.. وأخدت الأوراق وخرجت… محمد: قعد بنرفزة.. وقال. إيه ده؟ هو في ناس كدا؟ فيلا العدوي.

آدم مراد: داخل الفيلا بالعربية.. ولمح آرين واقفه عند البيسين.. وركن العربية ونزل منها..!! آرين: واقفه قدام البيسين.. وبتكلم مع نفسها. وقالت بلوم.. شوفتي يا آرين.. شوفتي آدم النهاردة لما زعلني ماهنش عليه حتى يكلمني ويعتذر.. بس هيعتذر إزاي؟ ده مصاص دماء.. ومرعب يعني معندوش قلب يحس بيه. إيه يعني يحرجني ويحرجني.. ولا همه زعلي.. إنسان بارد جدا بجد.. أنا خلاص فكرت وأخدت قراري إن آدم المرعب ده مش هتكلم معاه تاني..!!

آدم مراد: من وراها.. قرار غلط يا آرين..!! آرين: فتحت عينيها بدهشة.. وقلبها دق بقوة.. وهمست.. آدم..!!! آدم مراد: وقف قدامها.. وقال بشبح ابتسامه.. لأ المرعب..!!! آرين: بزعل حقيقي وجدية.. لو سمحت متتكلمش معايا.. أنت آدم لنفسك ومرعب لنفسك..!! آدم مراد: بتنهيدة.. زعلانة..!! آرين: عينيها لمعت.. وقالت.. وتفرق؟ بعد إللي أنت عملته معايا بتهيألي زعلي ما يفرقش معاك؟

آدم مراد: ده من وجهة نظرك.. لكن لو زعلك مايفرقش معايا مكنتش واقف قدامك دلوقتي.. آرين: بدموع.. لفت ضهرها ليه.. وقالت بصوت مخنوق.. أنت عايز إيه يا آدم..!!! آدم مراد: بخنقة لصوتها.. أولاً مش عايزك تعيطي وده أنا حذرتك منه قبل كده.. ثانياً.. اقعدي عشان أقولك أنا عايز إيه؟ آرين: هزت راسها برفض.. وقالت.. لأ.. أنا مش هقعد.. ولا هسمعك. أنت ديما تتعصب عليا بسبب ومن غير سبب.

آدم مراد: مسح وشه بأيديه ونفخ بنفاذ صبر.. وشد الكرسي بنرفزة.. وقال بتمثيل الهدوء.. اقعدي يا آرين.. آرين: اتخضت.. وبلعت ريقها بتوتر.. وقعدت من سكات.. آدم مراد: شد الكرسي التاني.. وقعد قدامها.. وقال.. ممكن تهدي بقى ونتكلم جد شوية.. آرين: بنرفزة.. هو أنت عمرك هزرت أصلاً عشان عايز تتكلم جد.؟ وعموماً.. نعم عايز إيه مني بقى؟ آدم مراد: بص ل عينيها.. وقال عايزك تعرفي إني لا يمكن في يوم أقلل منك.. أو إني أهين كرامتك..!!

أنتي مقامك عالي وكرامتك من كرامتي.. آرين: بصت ل آدم وتنحت.. وقالت جواها.. مين اللي بيتكلم ده؟ المرعب؟ لأ لأ أكيد حد خبطة على دماغه.. أو ممكن حد عمله غسيل مخ.. المرعب بيقولي كرامتي من كرامته.. وااااو الواد اتجنن. يال الهول.. آدم مراد: غمض عينيه وهز راسه بيأس.. وقال. آرين أنا بكلمك.. آرين انتبهت.. ها.. اء.. أه أيوه أنا سمعاك.. وبعدها قالت بزعل.. ولما كرامتي من كرامتك.؟ ممكن أعرف إيه اللي أنت عملته معايا ده؟

آدم مراد: بص لـها بغيرة.. وقال. لكل فعل رد فعل.. وأنا منبه عليكي قبل كده ماتجريش في الجنينة أو في أي مكان.. تقومي تجري قدام آريان وكريم؟ آرين: بتذمر.. هو أنا يعني كنت بجري بتنطط.؟ منا بجري عادي.. وبعدين كنت فرحانة لداده زينب.. أنت معندكش أي روح رياضية.. أنت بجد لا تطاق. أنت…..!!! واتخضت.. آدم مراد: خبط ع التربيزة.. وقال بغيظ . أنا إيه؟ آرين: عاااااا.. في إيه بقى.. أنت جاي تصلح ولا تزود الطين بلة.. ماترحمني بقى.

آدم مراد: بدهشة.. طين؟ طيب يا آرين. خلاصة الكلام والحوار ده.. أنا جاي عشان أقولك متزعليش.. لكن…!!! آرين: بتقلدو.. وقالت بهمس.. لكن لو شوفتك بتجري تاني قدام حد أو في الجنينة.. صدقيني هتشوف مرعب تاني خالص غير دراكولا إللي قدامك دلوقتي..!! آدم مراد: مسح وشه وغصب عنه أبتسم.. وبعدها هز راسه وأبتسم أكتر.. وبعدها ضحك.. ضحك بصوت عالي.. ومن قلبه..

آرين: تنحت وفتحت عينيها على الآخر.. وشهقت بعدم تصديق.. معقول آدم بيضحك ومن قلبه كمان..!! وكملت بدقة قلب وتنهيدة حب.. ضحكتك تجنن بجد.. آدم مراد: مسح ع شعرو.. وبصلها.. وشبك أيديه تحت دقنه.. وقال. بابتسامة جميلة.. قولتلك قبل كده أنا مش عارف أنا بيكي رايح ع فين يا آري..!! آرين: غصب عنها أبتسمت بحرج.. وقالت بتوتر.. مش هتزعقلي تاني يا آدم..!! آدم مراد: بحنان.. عمري ما اعملها تاني ياضي آدم..!! آرين: بصت ف الأرض وسكتت….!!

وقلبها بيدق بسرعة.. آدم مراد: أبتسم لبرائتها.. وقال.. عندي ليكي مفاجأة.. آرين: بتكشيرة.. إزاي بقى؟ آدم مراد: بكره أنا وأنتي هنروح الجامعة.. واجيب ليكي النتيجة.. ومتأكد إن تقديرك كويس جدا.. وعشان كده.. هنفذ وعدي ليكي.. آرين: كشرت عينيها بعدم فهم.. وعد إيه يا آدم..!!! آدم مراد: ربع أيديه على التربيزة.. وقال بدقة قلب.. رحلة سفاري لسيوه لكل العيلة أسبوع كامل.. آرين: فتحت بوقها بزهول..

آدم مراد: بضحكه.. ودي هديتي ليكي يا آري.. آرين: بسعادة.. أنت لسه فاكر رحلة السفاري؟ أنت بتتكلم بجد يا آدم؟ آدم مراد: بتنهيدة حب ايوه يا ضي آدم..!!! بعد شويه.. آرين رجعت ليها الضحكة الحلوة من تاني.. ودخلت الفيلا في قمة سعادتها.. وآدم مراد .. دخل بعدها وقعد معاهم وبيضحك.. وآركان رجع من عند جدو طارق.. وزود البهجة للعيلة.. وآدم بص لاميرته.. وشافها مبسوطة.. بسعادة أحفادها..