رواية جريمة عشق الفصل الحادي والخمسون 51 - بقلم مريم نصار

فيلا العدوي .. آريان واقف في التراس، وحاطط إيده في جيبه وباصص للسما وسرحان في تمارا. موبايله رن وطلعه من جيبه، ابتسم بفرحة ورد عليه: "الوو تيما.." تمارا قعدت على طرف السرير وردت: "الوو.." آريان بحب: "عاملة إيه دلوقتي؟ تمارا بحرج: "الحمد لله كويسة.. وانت؟ آريان: "أنا دلوقتي كويس جدا جدا جدا.." تمارا ابتسمت: "يارب ديما كويس.." آريان: "خلاص يبقى يارب ديما تكوني معايا.." تمارا قلبها بيدق وقالت بتوتر: "آريان.." آريان:

"عيون آريان.." تمارا غمضت عينيها واتوترت: "احم.. أنا اتكلمت مع بابي ومامي.." آريان بسعادة كبيرة: "هاا وافقوا صح؟ اجيب الخاتم بكرة؟ تمارا: "ههههه.. لا مش بالسرعة دي.." آريان: "وحياة الضحكة دي توافقي وأنا اخليها أسبوع واحد والماذون يكون قدامك.. بس انتي وافقي.." تمارا ابتسمت بحب: "لأ مش دلوقتي.. أنا اتكلمت مع بابي وقولتله إني موافقة.. والباقي بقى عليك.." آريان حط إيده على قلبه ورفع راسه للسما وقال:

"آه ياقلبي يا آريان.. تعرفي ياتيما أنا عايز دلوقتي أنزل وآخد العيلة وأجري على خالو محمد وأقوله أبوس إيدك جوزني بنتك اللي مبهدلاني في عشقها من ثانوي ده.." تمارا ههههه وقالت بمكر: "يااه من ثانوي معقول؟ آريان:

"يامحامية مقدماً.. دا آدم مراد قافشني من ثانوي.. وكمان الحاج زين عارف.. وماما.. وماما مريم ونصف العيلة عارفة.. وفوق كل ده انتي عارفة قبل منهم.. عارفة ياتيما.. أنا ديما كنت بحب أبص لعينيكي.. كنت بروح في عالم تاني خالص.. تمارا أنا بحبك أوي.." تمارا قلبها بيدق بسرعة كبيرة واتوترت: "احم.. آريان أنا اتصلت عشان أقولك قراري.. احم.. ممكن أقفل؟ آريان سند إيده على سور التراس:

"طيب ممكن تخليكي معايا شوية.. ومتقلقيش مش هقولك بحبك.. مع إني بعشقك.. بس هحاول.. صدقيني ياتيما أنا نفسي نتكلم شوية.. ممكن؟ تمارا هزت راسها وابتسمت: "ممكن.." -عند فريحة.. صلت القيام وبتقرأ في الورد اليومي وخلصت. رفعت إيديها ودعت كتير لمرادها وآدم وميرو وتوتا وباقي العيلة. قامت، أقلعت الإسدال. موبايلها رن وجريت عليه بلهفة. ضحكت بسعادة وهمست: "مراد حبيبي". وردت بسرعة: "مرادي.." مراد بضحكة:

"قلب مراد يافريحتي.. عاملة إيه يا بت؟ فريحة بضحكة: "يامُراد إحنا كبرنا على بت دي.." مراد: "كبرتي؟ يابت ده انتي واتكة قلبي وطول عمرك جامدة جمدان السنين.. وحشتيني أوي يابنت المستخبي.." فريحة بسعادة كبيرة: "وانت كمان وحشتني أوي يا مراد.. تعرف إن دي أجمل مأمورية انت طلعتها في حياتي.. ياه كل يومين نتكلم.. أيوه اليومين بردو صعب عليا.. بس أهون بكتير جدا من الشهور اللي كنت بموت فيها من الانتظار.." مراد:

"بعد الشر عليكي ياحبيبتي.. يابت بلاش بقى سيرة الموت دي.. أنا من غيرك معرفش أعيش ياعم انت.. اديني واحدة سكر.." فريحة هههههههه: "يلهوي ع قلبي أنا.. ارحم قلبي.. هحبك إيه أكتر من كده.." مراد: "وحياة أمك رانوش الغالية.. إني ملقيش في قلبي مكان من عشقك يابنت الوارمة انتي.. يخربيت كدا.. هاتى سكر يابت انجزي.." فريحة هههههههه: "حاضر يا حبيبي.." وبعتتله بوسة رقيقة بحرج كبير. مراد:

"يسلم.. يلا.. أهي أي حاجة تصبرني.. على ما أجلك يامزة قلبي.." فريحة بسعادة: "مراد.." مراد: "قلبه قبل عيونه يابت.." فريحة بابتسامة: "يسلملي قلبك وعيونك ياحبيبي.. احم.. هو انت مش هترجع بقى.. بجد وحشتني أوي.." مراد بغمزة: "وحياتك ياقلبي كلها أسبوعين إن شاء الله.. وتلاقيني قدامك ياروحي.." فريحة بزعل: "إيه؟ أسبوعين؟ كتير أوي عليا يا مراد.." مراد بتنهيدة: "عشان خاطر مراد مش عايز أسمع صوتك وأنتي زعلانة.."

"أنا عايز على طول أسمع صوت ضحكتك وهي بترن في ودني.. عشان أنتقم بقلب ميت.." فريحة ههههه: "يلهوي بموت في رومانسييتك.." مراد: "لأ خلي بالك أنا في الرومانسية معنديش ياما أرحميني.. ندوس ونعدي على طول.." فريحة هههههههه: "قلبي يا مراد والله.." مراد: "حبيبتي يابت.. قوليلي بقى.. ميرو عاملة إيه؟ وآدم طمنك عليه لما كلمك.. كويس يعني؟ والبت توتا؟ فريحة: "الحمد لله ياحبيبي.. ميرو تمام.. وتوتا بخير وبتدعيلك ديما.."

"وكمان آدم طمني عليه وقال إنه بخير.. وقال إنه عايزني أكون فخورة بيه.. زيك بالظبط.." مراد ابتسم بحب: "أنا أكتر من فخور بيه.. آدم ده سندي بعد ربنا.. بس لو يفرك بوزه ده.." فريحة: "ربنا يبارك في عمرك.. ويخليك لينا وتفرح بأولادك وتشوف أحفادهم يارب.." مراد ابتسم: "ويباركلي فيكي يافريحتي.." فريحة: "فهد أخويا عامل إيه يا مرادي؟ مراد: "أهو متلقح في الأوضة التانية بيكلم رينو.." -عند رينو..

خلصت صلاة وقراءة القرآن، وردت على فهد. فهد: "نجمتي.." رينو: "وحشتني.." فهد: "وانتي وحشتيني أوي.." رينو: "مبسوط يافهد؟ فهد: "ومين مايبقاش في حياته رينو وميكونش مبسوط.. بس رينو ملك الفهد وبس.." رينو بسعادة: "ورينو بين إيديك يافهد بس انت ارجع.." فهد: "قريب أوي ياروحي هتكوني في حضني.." رينو بتنهيدة: "تعرف الفرحة النهاردة مكانتش كاملة من غيرك.. وجودك بيفرق.." فهد ابتسم: "إن شاء الله هعوضك انتي وآرين وآركان لما أرجع.."

رينو: "إن شاء الله يا حبيبي.. وعلى فكرة هيلينا بتسلم عليك.. وبتقولك مبروك على نجاح الولاد.." فهد: "امم.. الله يبارك فيها.. وسفيان ابنها وبنتها كويسين؟ رينو: "سفيان سافر عند جدو والد هيلينا يقضي الإجازة.. وهيكمل دراسته في إيطاليا ومش هيرجع دلوقتي.. وبنتها بارى.. في ٢ إعدادي.." فهد: "ربنا معاهم.. بصراحة رعد قبل ما أسافر قابلته في شركة آدم.. وسلمت عليه.. شخص فوق المحترم ومتواضع جدا.." رينو:

"فعلاً.. رغم إن هيلينا دخلت شريكة معاه وكبرت شركتهم.. إلا إنهم متواضعين.." فهد: "ربنا معاهم.. المهم ياروحي آرين وآركان فين؟ رينو: "آرين في أوضة نور نامت من شوية.. لأنها صاحية من بدري وكانت قلقانة بخصوص النتيجة.." "وآركان في أوضة آدم.. وعلى فكرة يا حبيبي أنا عايزة أقولك إننا كلنا بكرة معزومين عند بابا طارق.." فهد: "أيوه عارف.. اتصلت على ماما أبارك ليها على نجاح چود وچواد.. وقالتلي.." رينو:

"تمام.. بس بردو عايزة أك تعرف إن بعد العزومة هنطلع أنا وولادي على شقتنا نقعد فيها.." فهد بخنقة: "تاني يارينو؟ مش قفلنا كلام في الموضوع ده.. قعاد في شقة لوحدكم لأ مش هيحصل.." رينو: "ممكن تهدا شوية.. واسمعني وافهمني لو سمحت.. وعلى فكرة دي مش رغبتي.. دي رغبة آركان ابنك.. وزعلان جدا منك يافهد.." فهد بدهشة: "زعلان مني أنا؟ طيب ليه؟ رينو:

"أيوه زعلان منك.. واتكلم معايا وقالي بابا خايف عليكي انتي وآرين وأنا موجود.. وكمان قالي هو أنا مش راجل وأقدر أحميكي؟ فهد بتنهيدة: "يارينو ياحبيبتي.. أنا خوفي ده مش جديد عليكي.." "وآركان راجل وما شاء الله عليه يعتمد عليه في كل حاجة كمان.." "بس أنا هكون مطمن أكتر وإنتي عند آدم وزين.. وبنتي مع مريم وابني قدام عيون جدو.. ارجوكوا قدروا خوفي عليكم.. الدنيا مبقاش فيها أمان.." رينو بتنهيدة:

"يا حبيبي أنا فاهمة كل ده.. لكن يافهد لازم آركان يحس بالمسؤولية.." "هو عايز يشيل المسؤولية من دلوقتي.. ليه نعاند معاه.. وبعدين اللي نصيبه في حاجة مهمة حصل.. هيشوفها.. عشان خاطري يافهد اسمع كلامي المرة دي بس ارجوك.." "والله آركان زعلان جدا وواخد الموضوع بجدية.." فهد نفخ بضيق حقيقي: "ماشي يا لارين.. اعملي اللي انتي عايزاه.." رينو بزعل: "بقى كدا يافهد.. أوكي شكراً جدا.." فهد: "شكراً على إيه بقى؟ رينو بزعل طفولي:

"عشان انت مسافر بعيد عني.. والمفروض تدلعني.. بس أظاهر بقى الخناقات وحشاك.." فهد غصب عنه ضحك بصمت على طريقتها: "إيه يارينو القمر.. كل شوية تصغري كدا.. حرام عليكي والله.." رينو بمكر: "اممم.. بس مش وحشاك كتير صح؟ فهد هههه: "طيب تعالي نبدأ من الأول وسيبك بقى من كل ده وركزي معايا.. هو أنا مش وحشك ولا إيه؟ رينو ههههه: "انت؟ ده أنا هتجنن وأشوفك قدامي.. نفسي تعملهالي مفاجأة زي زمان وأشوفك حقيقي قدام عيني.." فهد:

"إن شاء الله ياروحي.. كل طلباتك أوامر.." -في جناح آدم.. آدم صلى القيام وقرأ الورد اليومي.. هو ومريم. مريم خلصت، وقامت.. أقلعت الإسدال وعلقته على الشماعة.. ورايحة تنام.. وكل ده في صمت تام. آدم قام وشال المصحف حطه مكانه.. وراح قعد على طرف السرير مكانه.. ومستني يشوف مريم هتعمل إيه. مريم شدت الغطا عليها بنرفزة وقالت: "تصبح على خير يا أبو مراد.." وغمضت عينيها وهي زعلانة. آدم ابتسم وهز راسه: "امم.. أبو مراد؟

طيب.. ماشى.. احم.. وحضرتك بخير.." مريم فتحت عينيها بدهشة وهمست: "إيه؟ حضرتك؟ " وبصت على آدم.. شافته بيبصلها.. واتحرجت.. احم.. وغمضت عينيها بغيظ وسكتت. آدم رفع حاجبه: "اممم.. تمام.. لو سمحتي حضرتك.. ممكن تقربي شوية عليا.. عشان سقعان.." مريم عوجت بوقها وهمست: "سقعة وإحنا في بداية الصيف.. طيب.." وقربت منه شوية صغيرة. آدم: "معلش يا أم مراد.. تقربي شوية كمان.." مريم نفخت بنفاذ صبر: "استغفرك ربي.." وقربت منه شوية صغيرة..

وقالت بنرفزة: "ممكن بقى حضرتك تنام؟ آدم كشر عينيه وقرب من وشها وصك على أسنانه: "بتزعقي لجوزك يامدام؟ مريم غمضت عينيها بتعب: "وبعدين معاك بقى.. أنا عايزة أنام.." آدم بسخرية: "اتفضلي ياباشمهندسة نامي.. نامي وإنتي بتزعقي لجوزك.. خلي الملائكة كلهم بقى يشكروا فيكي.." مريم اتعدلت وقعدت وقالت بنرفزة: "عايز إيه يا آدم من بدري بتلف وتدور ليه؟ آدم غمض عينيه بتريقة:

"الله.. أخيرا أميرتي قالت اسمك يا آدم.. مش مهم حتى لو من غير نفس.. بس أنا راضي.. إنت قلبك كبير أوي يا آدم.. آه والله.." مريم غصب عنها ضحكت.. ولفت وشها بعيد عشان مايشوفهاش. آدم: قرب من ودنها وهمس: من بعد العصر يامفتريه. هرياني يا أبو مراد، يا أبو مراد، ما كانتش برشامة دي. مريم: لفت وشها ليه وكشرت عينيها بزعل. والله كل ده اللي يهمك وبس. آدم: أنا قولت أبو مراد. طيب وأهمالك في صحتك ده ما يزعلنيش؟

لأ أنا بجد زعلانة أوي منك يا آدم. آدم: مسك إيدها. خلاص بقى قلبك أبيض. والله أنا كويس الحمد لله. مريم: حطت إيدها على إيده وبصت في عينيه. وعشان تفضل كويس اهتم بنفسك عشانك انت. انت طول ما انت بخير، أنا هكون بخير يا آدم. مريم: انت ما بتسمحليش أنسى علاجي ساعة واحدة. وكل ده نابع من حبك ليا وخوفك عليا. وأنا كمان واجبي إني أهتم بيك وأشوف طلباتك وأهتم بصحتك.

مريم: آدم انت من سنتين تعبت ورقدت في سريرك أسبوع. وأنا كان ربنا وحده اللي عالم بيا. وكمان ولادك كانوا تايهين وأحفادك كانوا مرعوبين عليك. مريم: وأبو فهد كان ضايع من غيرك. وكل العيلة كمان. مريم: صعب علينا تعبك أوي يا آدم. بجد تعبك مميت لينا كلنا. وعيونها لمعت بدموع. أرجوك حلفتك بالله تهتم بنفسك يا آدم.

آدم: بدهشة. مريم بس بس. ومسح دموعها. أنا آسف يروحي بجد. وأخدها في حضنه. واتضايق من نفسه. مريم خلاص أرجوكي. الموضوع مش مستاهل دموعك دي. مريم: كلبشت فيه بعياط. بتتهيألك يا آدم. أنا من غيرك ولا حاجة. أرجوك خلي بالك من نفسك. حلفتك بالله يا آدم. آدم: بذهول وبعدم فهم. طلعها من حضنه ومسح دموعها. ومسك وشها بإيديه.

آدم: مريم انتي محسساني إني عندي تعب بجد. ده ضغط وأكتر الوقت الحمد لله بيكون مظبوط. والفترة اللي تعبت فيها دي، كانت عادية جدا. آدم: أي حد معرض للتعب يروحي. وبعدين خلاص ليكي عندي يا قلب آدم يوميا هاخد العلاج. بس أرجوكي متعيطيش. والله الموضوع تافه جدا. وباس جبينها بحب كبير. وضمها لقلبه. ومسد على شعرها. مريم: غمضت عينيها بحب في حضنه. واستكانت. آدم: ابتسم على عشق الآل آدم. وهمس: أحسن دلوقتي؟

مريم: هزت راسها. أيوه الحمد لله. آدم: طلعها من حضنه. وبص على وشها وملامحها. والكام شعرة باللون الرمادي فوق جبينها. وابتسم. طول عمرك قمر من أول يوم شوفتك فيه لحد دلوقتي. مريم: رفعت إيدها على شعر آدم. وابتسمت. ونزلت إيدها على دقنه الخفيفة. طول عمري بعشقك في شبابك وبقول إنك كيان مريم. وبعد ما ظهر اللون الرمادي بين شعرك الأسود ودقنك اللي بتخطفني. وكياني زاد في عشقك يا آدم. آدم: مسك إيدها وباس عليها. وقال:

مهما يمر علينا من عمر. لن يسرق أي منافس حبّي المؤكد لكِ. هذا المجد سيكون لشعركِ الرمادي. تاني يوم في فيلا العدوي. الساعة ٩ الصبح. ميرو: نازلة على السلم. وبصت على الليفنج مالقتش حد. وراحت على المطبخ. صباح الخير يا داده زينب. زينب: بتجهز الفطار. وابتسمت. يسعد صباحك يا دكتورتنا. وأنا أقول المطبخ منور ليه؟ أتهيأ ست الكل منوراه. ميرو: ههههه. حبيبتي يا داده ربنا يخليكي ليا يارب. هو محدش نزل من العيلة؟

زينب: لأ لسه محدش نزل. ما انتي عارفة بقى يوم الإجازة سي آدم بيه بيصحى براحته. زينب: تحبي أعملك كوباية اللبن بتاعتك دلوقتي؟ ميرو: بنفي. لأ لأ لأ. أرجوكي مش عاوزة. أنا هطلع أصحّي البنات. ميرو: وخرجت من المطبخ. شافت رينو نازلة على السلم. وابتسمت. صباح الخير على أجمل عمتو. رينو: ابتسمت بحب ونزلت سلمت عليها. صباح القمر على أجمل ميرو في الدنيا. عاملة إيه يا حبيبتي؟ ميرو: بابتسامة. كويسة جدا الحمد لله. آرين لسه نايمة؟

رينو: تعالي نقعد. وقعدوا. لأ آرين صحيت وبتصلي الضحى ونازلة على طول. وآركان كمان. ميرو: خالو فهد كلمك؟ وحشني أوي بجد هو وبابي. رينو: بحب كبير. كلمني يروحي وسأل عليكي امبارح كتير. وقالي إنه هيتصل على فونك عشان يسلم عليكي. ميرو: هزت راسها وابتسمت. أوكي ربنا معاهم ويرجعوا لينا بالسلامة. رينو: يارب يا حبيبتي. ورفعت راسها وشافت ليليان نازلة. ليليان: صباح الخير عليكم. وسلمت عليهم. رينو وميرو: صباح الخير يا لي لي.

ليليان: قعدت بتوتر. احم هي ماما مريم لسه منزلتش؟ رينو: تؤ. النهاردة إجازة بابي. وبينزلوا متأخر كالعادة. ريتال: نزلت. وبتتاوب. صباح الخير يا رينو. صباح الخير يا بنات. وسلمت عليهم. كلهم: صباح الخير. ريتال: قعدت. عاملة إيه يا لي لي؟ ليليان: بلعت ريقها بتوتر. احم كويسة يا مامي. ريتال: وانتي يا ميرو يا حبيبتي. عاملة إيه وفريحة فين؟

فريحة: من وراهم. أنا أهو. ههههه. صباح الخير يا بنات. وسلمت عليهم. واطمنت على ميرو. وقعدت. وتالين سلمت وقعدت. ليليان: بتجمع قوتها. وبتاخد شهيق وزفير. وقالت: اسمعوا وركزوا بقى. أنا عايزة أقولكم على حاجة مهمة جدا وحصلت. قبل ما بابي وبابا آدم ينزلوا. الكل بص لبعضه. ومش فاهم. ريتال: كشرت عينيها. ومسكت إيد ليليان. مالك يا ليليان. وإيه اللي حصل؟

ليليان: غمضت عينيها بقوة. وقالت مرة واحدة. كريم ابن خالو يوسف كلم باباه وجدو أشرف وعايز يطلب إيدي. ونفخت بقوة إنها أخيراً قدرت تتكلم. كلهم بصوا لبعض وفرحوا. رينو: بفرحة. بجد يا لي لي؟ اممم يا نمسة انتي. أحكي وقولي بقى إيه اللي حصل؟ ريتال: بسعادة. وقالت بهمس. كريم ابن أخويا. وضحكت بصمت على الخبر الجميل ده.

فريحة: بجد أخبار جميلة جدا. ويا رب يتمم بخير يا لي لي. كريم محترم جدا. وبصت على ميرو بنتها. وشافت ابتسامة حزينة على وشها. وغمضت عينيها بوجع. لأنها عارفة إن بنتها مغرمة بتيم. واتنهدت ودعت بقلبها ربنا ما يكتب عليكي وجع القلب يا مريم يا بنتي. ويريح قلبك يا روحي. ميرو: ابتسمت بفرحة. لكن للحظة تخيلت إنها مكان ليليان. وبتقول تيم عايز يتقدملي. وضحكتها اختفت وعيونها لمعت. وانتبهت على صوت ليليان.

ليليان: يا رب يا خالتو فريحة. ربنا يخليكي لينا يارب. ميرو: ألف ألف مبروك يا لي لي. بجد فرحتلك جدا. وقامت حضنتها بسعادة كبيرة. ليليان: ضمتها. وفي نفس الوقت زعلانة عشانها. واتمنت إن تيم يحس بيها. رينو: اخلصي بقى احكيلي. يتقدملك عادي ولا فيه إعجاب من الطرفين ولا فيه قصة وكده واحنا مش عارفين؟ ليليان: ضغطت على شفايفها بحرج كبير. احم حاضر يا عمتو. أنا هقولكم على كل حاجة. عند آدم.

مريم: فتحت عينيها وشافت آدم نايم. ورفعت إيدها على دقنه. وابتسمت بحب. وبدأت تصحيه. آدم حبيبي. آدم: مريم: آدم. قوم بقى الساعة ١٠. صباح الخير. آدم: فاق وفتح عينيه. وابتسم. صباح الخير يا روحي. مريم: صباح الورد والياسمين على عيونك. قوم بقى. آدم: اتعدل. حاضر يا ستي. مستعجلة على إيه؟ مريم: الساعة ١٠. ورينو أكيد صحيت ونزلت من بدري.

مريم: وكمان زين وريتال وفريحة وأحفادك. اللهم بارك يارب. وانت عارف إنهم مش هيفطروا غير بوجودك معاهم. آدم: حاضر يروحي. وللحظة افتكر. وقال: مريم. انتي امبارح طول اليوم مكنتيش على بعضك وفيه حاجة مزعلاكي. وانتي قولتي بعدين. ممكن أعرف؟ مريم: بتنهيدة. مش وقته يا حبيبي. هاقولك بعدين. آدم: شاف ملامحها زعلانة. ورجع خصلة شعر ورا ودنها. طيب ليه مش وقته؟ أنا النهاردة إجازة. وكمان بحب أسمعك. ممكن تقولي إيه اللي مضايق أميرتي كدا؟

وزعلانة ليه؟ مريم: بحزن كبير. انت كان عندك حق يا آدم. آدم: بعدم فهم. عندي حق في إيه؟ مريم: انت من زمان تقولي ميرو بتحب تيم. وأنا أقولك لأ. ميرو بتحترم تيم مش أكتر. وهما أخوات وبس. مريم: لكن امبارح بس اتأكدت إن كلامك كله صح. أنا شفت العشق في عيون ميرو. مش حب وبس لأ ده أكبر من العشق يا آدم.

مريم: أنا دلوقتي فهمت سبب تغيير حفيدتي وسكوتها أكتر الوقت. بتفكرني بالألم اللي عاشته رينو بنتي زمان. وعيونها لمعت بدموع. أنا مش عايزة حفيدتي تعاني يا آدم. آدم: هش هدي ياحبيبتي. وأنا عمري ما هسمح لحفيدتي إنها تعاني. آدم: وأنا بحاول أعوضها وأخرجها من اللي هي فيه. لكن برضه هرجع وأقولك حفيدتي أغلى من عيالي. وأنا لا يمكن أقلل منها أبداً. آدم: لازم راسها تكون مرفوعة ديما زي بناتك وبنات العيلة.

آدم: وكمان يا مريم انتي عارفة إن كل شيء في الدنيا دي قسمة ونصيب. ولو ليها نصيب في تيم. هتاخده غصب عن أي حد. آدم: اللي نقدر نعمله إننا نحتويها أكتر من قبل. آدم: وميرو قوية جدا وكمان عندها إرادة كافية إنها تتعايش مع الواقع. ميرو مش أقل منك في القوة يا مريم. مريم: بصت في عينيه بدموع. وسألته: هو تيم بيحب مين يا آدم؟ تحت في الليفنج. كلهم سمعوا قصة كريم وليليان. ميرو: ههههه حرام عليكي. عذبتي معانا.

رينو: شاطرة يا لي لي. أيوه كدا بنات العدوي مش أي حد. فريحة: ههههه أكتر موقف عذبني. في يوم كريم جه هنا. فريحة: وماشي يدور على حاجة. وبيلف حوالين نفسه. وفجأة خبط في عمود الصالة واتكسف مني. ههههه. سألته بتدور على إيه يا كريم. فريحة: اتلخبط وقال: بدور على الموبايل. ما شوفتيهوش يا عمتو؟ فريحة: قولتله: أيوه في إيدك أهو يا حبيب عمتك. ههههه. دلوقتي بس عرفت هو كان بيدور على مين. ههههه. شاطرة يا لي لي. كلهم ضحكوا.

ريتال: ضحكت بدموع الفرح. وضمت ليليان. ألف ألف مبروك يا قلب مامي. أنا مبسوطة أوي عشانك يا روحي. ليليان: بفرحة كبيرة. ميرسي جدا يا مامي. ربنا يخليكي ليا يارب. آريان: من وراهم. وهتفرحي أكتر يا ست الكل لما تعرفي إن ابنك قرر يخطب خلاص. الكل: بص لبعض بسعادة كبيرة. زين: نازل على السلم. ومين سعيدة الحظ دي يا دكتور آريان؟ آرين: نازلة جري على السلم. وبتضحك. وقالت بمرح: أكيد تمارا صح يا دكتور آريان؟ الكل: بدهشة وسعادة. إيه؟

تماراااا. آريان: هرش في قفاه. واستحلف لآرين. آرين: ههههههه. اعترف يا دكتور آريان. صح ولا أنا غلطانة؟ زين: صباح الخير للجميع الأول. وسلم على رينو. والكل. وقعد جنب ليليان. وسألها: إيه يا حبيبتي وشك أحمر أوي ليه؟ ريتال: استنى بس يا زين. أرجوك. نشوف ابنك هيقول إيه؟ زين: ههههه. طيب ما هي رينو الصغيرة قالتلك أهي.

زين: بتفكريني ب رينو زمان. فاكرة لما اتقدمتلك يا ريتال. والكل مستني موافقتك ومفيش غير رينو اللي خلتك تتكلمي أخيراً. رينو: بسعادة. شاورت لآرين وباستها. حبيبت مامي اللي هتقولي بقى مين عايز يتجوز مين في العيلة؟ آرين: حطت إيدها على بوقها. نو نو يا مامي. دي أسرار دولة. آرين: وبعدين أنا قولت تمارا. لأن خلاص الدكتور آريان قرر على أهم خطوة. وأنا سهلت عليه. صح يا دكتور؟

آريان: صح يا صغيرة. احم. بصراحة يا حج زين. أنا عايز أطلب إيد تمارا. وياريت يعني تفاتح بابا آدم في الموضوع. زين: بسعادة كبيرة. هز راسه. تمام يا حبيبي. وربنا يتمم بخير. لكن قبل كل ده. تمارا رأيها إيه؟ رينو: بخبث. أيوه صح. مش ممكن تكون مش موافقة وابن أخويا يحرج نفسه؟ آريان: بتسرع. لأ لأ. أنا سألت تيما وهي موافقة. احم. آركان: من وراه. صفر بصوت مهموس: أوووه تيماااا، أيوه قولتلي.

الكل ضحك على شكل آريان وهو متلخبط ومتغاظ من آركان. آريان: ضربه في جنبه. اتلم. آركان: آاه. إيه يا عم أنت؟ هو أنا قدك؟ وكمل بمكر: وبعدين عندك قصة غرام ومخبّي علينا كل ده؟ لأ لأ أنا زعلان. حقيقي زعلان. قول لي بقى حبتها من إمتى ها؟ ها؟ وغمز. آريان: صك على أسنانه بغيظ. اتلم عشان معلمش على وشك الصبح. آركان: تعلم على وشي ليه؟ أنت مفكرني مصطفى عزيز؟

قول قول. متخافش والله مش هسيح لك وسط الشلة. هههههههههههه. آريان بيحب تمارا. هههههه. الكل ضحك عليهم. آريان: بص لهم واتغاظ وقال لزين: بعد إذنك يا حج. جري ورا آركان بسرعة. آركان: جري بسرعة وخرج من باب الفيلا. كلهم بيضحكوا من قلبهم على آريان وآركان. آرين: بصت فوق وضحكت بسعادة. بابا آدم وماما مريم نازلين أهم. فريحة: ندهت. يا زينب لو سمحتي حطي الفطار. زينب: حاضر يا دكتورة.

آدم ومريم نزلوا وسلموا على الكل، وقعدوا على السفرة يفطروا. آدم قاعد وع يمينه أميرته وواضح عليها الزعل على ميرو. وع شماله زين وريتال جنبه. ورينو جنب مريم. وفريحة جنبها وتالين. وميرو جنب ليليان وآرين. وآريان وآركان جنب بعض. آدم: ابتسم. عاملة إيه يا ميرو يا حبيبتي. ميرو: ابتسمت بحب. الحمد لله يا بابا. آركان: بابا هو إحنا هنروح عند بابا طارق إزاي؟ مين هيوصل مين؟ آدم: أنت هتركب مع آريان العربية بتاعته.

وخالك زين هياخد ريتال. وتيم جاي شوية كدا وهياخد رينو وفريحة وتوتا معاه. آرين: كشرت عينيها. طيب وإحنا يا بابا؟ آدم: ابتسم. أنتِ ولي لي وميرو، معايا يا روحي. إيه رأيك؟ آرين: واو جميل أوي. مريم: اتفضل يا حبيبي. العلاج بتاعك. آدم: ابتسم. حاضر يا روحي. تسلم إيدك. وبعد الفطار، زين طلب من آدم إنهم يتكلموا في المكتب، وأخده آريان معاه. واتكلموا، وآريان شرح لآدم كل حاجة بخصوص تمارا.

وآدم هز راسه بدهشة ومثل إنه مش عارف حاجة، مع إنه عارف إن آريان وتمارا بيحبوا بعض. وابتسم. وقاله: سيب كل حاجة لحد ما عمك مراد وفهد يرجعوا بالسلامة. وبعد فترة، الكل لبس وجهز نفسه. وتيم جه وسلم على الكل. وأخد رينو وفريحة وتالين على فيلا طارق. زين: أخد ريتال ومشوا. وآريان أخد آركان ومشوا. بعد شوية. آرين: لابسة فستان زهري جميل جداً عليها.

وميرو لابسة فستان أسود رقيق وتحفة عليها. ليليان لابسة فستان هافان لأن كريم بيحب اللون ده جداً عليها. وقاعدين في الليفنج من فترة. آرين: قامت بزهق. أوف بقى. إحنا اتأخرنا جدا. هو بابا آدم بيعمل إيه كل ده؟ ميرو: هههههه يا بنتي اهدى. أنتِ عارفة طقوس بابا آدم. لازم يروح آخر واحد مع أميرته. آرين: صكت على أسنانها بغيظ. أيوه أنا كنت ناسيه. طيب وبعدين؟ دي مامي وصلت من نص ساعة واتصلت عليا، ونص العيلة وصلت هناك.

ميرو: متستعجليش. تعالي بس اقعدي جنبي. وكلها ساعتين تلاتة وبابا وماما هتلاقيهم نازلين. هههههههه. آرين: خبطت برجليها على الأرض مكانها. وعيطت بتمثيل براءة الأطفال. ساعتين تلاتة. أعااااا. ميرو: هههههه طفولية أنتِ أوي يا آرين. هي ليليان فين؟ آرين: قعدت جنبها بغيظ. بتتكلم في الفون مع سي كريم. ليليان: أيوه يا كريم. طيب أعمل إيه؟ هو بمزاجي؟ كريم: بغيظ مكبوت. يعني أنا من الضهر واقف في الجنينة ومستني وصولك في أي وقت.

وأول ما شوفت عربية أخوكي آريان قلبي فرح وقولت أخيراً هشوفك. ومكنتيش موجودة معاه. وعربية عمي زين برضه نفس الإحساس. وعربية تيم. والله حرام شد الأعصاب اللي أنا فيه ده. ده أنتِ لو بتنتقمي مني مش هتعملي فيا كدا. ليليان: ضحكت بسعادة كبيرة وقلبها بيدق من حب كريم ولهفته عليها. احم معلش يا كريم. بابا آدم قال إنه هياخدنا معاه. ولسه منزلش لحد دلوقتي.

كريم: مسح وشه بإيده بخنقة. صبرني يا رب. ماشي يا لي لي. واعملي حسابك إني هطلب إيدك النهارده. لما أشوف أنا ولا أنتِ. ليليان: ههههههه. معلش يا كريم متزعلش. قلبك أبيض بقى. وكتمت الضحكة. كريم: اتنهد بحب. أنا بموت فيكي يا ليليان. مصطفى: جه عليه. أنت بتكلم مين يا كريم؟ كريم: بغيظ. وأنت مالك أنت؟ امشي روح العب مع چواد. أجرى. ليليان: بتسمع وبتضحك على نرفزة كريم. مصطفى: العب مع چواد؟ ليه؟ وأنا عيل صغير؟

أنا رايح أولى جامعة يا كابتن. وعلا صوته. ولا إيه يا ليليان يا بنت عمتي أحببتي. هههههههه. كريم: مسكه من قفاه. أنت يااض رخيم ومشاكس ليه؟ يااض أنا أخوك الكبير وممكن أعمل منك كفتة. امشي يلا من هنا. ليليان: بتضحك بصمت. مصطفى: طيب نزل إيدك. القميص هايتكرمش. وأنا غلطان إني ساكت عليك أصلاً. كريم: بدهشة. ساكت عليا أنا؟ يااض متخلنيش أتهابى عليك. مصطفى: رقص حواجبه. طيب هات أسلم على لي لي بنت عمتو حبيبتي. ليليان: هههههه.

كريم: بغيرة. اقفلي يا ليليان. وقفل وعلق مصطفى من ياقة القميص. إيه لي لي دي يااض؟ وإيه حبيبتي دي كمان؟ أنت بقى هتعملي فيها إنك ماسك عليا حاجة؟ ها؟ لأ أحب أقولك إني هطلب إيد ليليان النهارده. بس أنت بقى من هنا ورايح هتنفذ أي طلب أطلبه منك ومن سكات. عشان بس تحترم نفسك وأنت بتتكلم مع مرات أخوك المستقبلية.

مصطفى: بغرور. هأ. حبيبي يا كريم باشا. أحب أقولك إني لا يمكن أنفذ أي طلب تحت ضغط من أي حد. وبعدين يا نجم انفذلك من سكات ليه؟ ماسك عليا ذلة ولا قافشني؟ هههههه. العبد لله واد مخلص ومفيش عليه أي جمارك. كريم: بخبث. قرب من ودنه. طيب قول وحياة چود كدا. مصطفى: فتح عينيه بدهشة. وقال بلخبطة. چوا... احم چواد؟ ماله چواد؟ مش فاهم؟

كريم: هههههههه. لأ حلوة. بس أحب أعرفك إني عارف إنك بتحب چواد يا درش. ولم نفسك معايا عشان ماعملهاش معاك وأخليك حديث العيلة. إشطا يا نجم؟ وعدل ياقة قميص مصطفى. وخبط على خده براحة. اتلم ماشي يا قلب چواد. هههههههه. وسابه ومشي. مصطفى: كشر عينيه بغيظ كبير. أممم. طلعت مش ساهل يابن يوسف عزيز. وحياة چود وكوثر. لأردهالك. مااااشي. بعد شوية. تيم: في الجنينة. بيتكلم مع شباب العيلة.

وقال: ثواني وراجع يا شباب. واتحرك خطوتين. وطلع الفون واتصل على آرين. فيلا العدوي. آرين: قامت وقفت. بصوا بقى يا بنات أنا هطلع أخبط عليهم. ليليان: ههههههه. والله لو عملتي إيه حتى. بابا آدم مش هينزل غير بمزاجه. ميرو: ههههههه. بابا آدم بيجنن بابا طارق أكيد. بيحب ينرفزه ديما. وأكيد بابا قاصد يتأخر عشان بيحب يشوف رد فعل بابا طارق. ليليان: هههههه. وأنا قولت كدا والله. اقعدي بقى يا آرين. لسه بدري.

آرين: أعاااااا. الساعة 3 وبتقولوا لسه بدري. أهو تيم بيتصل عليا أهو. ميرو: قلبها دق. وابتسمت بوجع متداري. ليليان: تلقائياً بصت على ميرو. واتنهدت بزعل عشانها. آرين: قعدت جنب ميرو. وردت. ألو. تيم: بخنقة. أيوه يا آرين أنتوا فين؟ آرين: لسه في الفيلا ياتيمو. تيم: طيب لو بابا آدم هيتأخر أكتر من كدا. أجي آخدكم. ميرو: سامعة صوت تيم من الفون. وغمضت عينيها بزعل على حالها. واللي وصلت نفسها ليه.

آرين: ببراة. ياريت بجد ياتيمو. لكن أنت عارف قرار بابا آدم. تيم: طيب يا حبيبتي متزعليش نفسك. أنا هتصل على بابا آدم. لأن الكل موجود وعمي طارق متغاظ جدا. آرين: اوكي ياتيمو. ميرسي جدا. تيم: ابتسم. ماشي يا حبيبتي يلا مع السلامة. آرين: باي. وقفت. وبصت ليهم. تيم هيتصل على بابا آدم. ميرو: .... ليليان: احم. والله طيب تمام. ميرو: قامت وقفت. أنا هطلع أستناهم في الجنينة. بعد إذنكم. وسابتهم ومشيت.

آرين: بعدم فهم. هي ميرو مالها يا لي لي؟ شكلها زعلانة. وكانت بتضحك من شوية. ليليان: بتنهيدة. إبداً يا حبيبتي مفيش حاجة. أكيد متوترة لأن النتيجة قربت. بعد لحظات آدم نازل ومريم جنبه. آرين: قامت بفرحة. يس. أخيراً. وجريت على أول السلم. إيه يا بابا كل ده؟ ساعتين؟ آدم: هههههه. أعمل إيه بس يا حبيبتي. كله من مريومة. هي ديما تأخرني. مريم: بصتله بدهشة وكشرت عينيها. أنا؟ وبصت لآرين. طيب تصدقي إني أنا أعمل كدا؟

آرين: بصت لآدم. اممم. ينفع مجاوبش؟ هههه. آدم: ههههههه. حبيبت جدها. ديما واقفة معايا. مريم: اممم. مبروك عليك. كفاية عليا حفيدي آدم الغالي ديما منصف ليا. ليليان: أوبا بقى. وأنا روحت فين يا مريومة قلبي؟ آدم: ههههههه. أهي اتفضلي ليليان اتحولت أهي. آرين: اوكي اوكي حصل خير يا جماعة. ممكن بقى بليز. بليز نمشي. مريم: بصت حواليها. هي ميرو فين؟ آرين: مستنية في الجنينة. آدم: طيب يلا بينا. واتحركوا وخرجوا.

ميرو: شافت جدها آدم. وقربت منه بحب كبير. إيه الشياكة والجمال ده يا حبيبي؟ آدم: حط إيدها في دراعه التاني. إيه رأيك عجبتك؟ ميرو: هههههه. قمر بجد يا بابا. طول عمرك جينتل مان وجميل جدا. آدم: بص لأميرته. وغمز. حفيدتك ماشية على العهد. مريم: بسعادة. طبعاً دي بنت الغالي. آدم: فتح باب العربية لمريم وركبت جنبه. والبنات ركبوا في الكرسي الخلفي. وآدم اتحرك. وطول الطريق يتكلم مع مريم وأحفاده. فيلا السيوفي.

طارق: بفرحة. منورين يا جماعة بجد. جاسر: بنورك يا حبيب أخوك. أشرف: كلفت نفسك يا طارق. طارق: بعتاب. يا راجل عيب عليك الكلام ده. زياد: طول عمرك صاحب واجب يا سيادة اللوا. طارق: الله يخليك يا زياد. والله أنا مبسوط بلمتكو دي. بس اللي هيشلني قريب ابن العدوي. الساعة 3 ونص ولسه مشرفش. وبتصل عليه دلوقتي كنسل عليا. زين: هههههه. أكيد الحج في الطريق. ومردش عليك عشان عارف أنت بتحبه قد إيه. هههههه.

طارق: كشر عينيه. بحبه أوي. أنت متعرفش نفسي أشوفه قد إيه. محمد: هههههههه. والله يا طارق. أنا بحب علاقة الصداقة بينك وبين آدم. ميكس جميل جدا. طارق: ابتسم بحب. آدم؟ آدم ده كدا حاجة ملهاش وصف. عارف يا محمد على قد ما بينرفزني. على قد إنه مايستحملش عليا الهوا. تيم: ابتسم. إيه أكتر موقف حصل بينك وبين بابا آدم. وساب أثر جواك؟ طارق: يااااه يا تيم يبني. مواقف كتير. كتير جدا ملهاش عدد.

لكن الموقف اللي مش قادر أنساه. حصل قريب. واللي محدش يعرفه غير زين وزياد. وأنا معرفتش غير بالصدفة. إن أسهم الشركة بتاعتي وقعت خالص. وخسرت مناقصة كبيرة بسبب واحد اسمه رؤوف الجبالي. وأنا كنت مشغول بإجراءات المعاش. وكنت في اليوم ده راجع تعبان والجو كان حر أوي. قولت أعدي على آدم قبل ما أروح البيت. طلعت الشركة. وقربت من مكتبه. سمعته بيتكلم بأسلوب تهديد لزين وزياد. إن لو طارق عرف باللي حصل ده هيطربق الشركة على دماغهم.

وقال كمان إنه دفع تمن الأسهم. وهيعوض المناقصة. وهيرفع الشركة ويوقفها على رجليها زي الأول وأحسن. وأنه مش عايزني أعرف عشان ما أتعبش أو أضايق. خاف عليا لا يحصلي حاجة. ساعتها حسيت إحساس غريب جداً. بسأل نفسي... هو في كدا؟

بيني وبينك يا تيم. أنا مادخلتش المكتب. لأ أنا نزلت وركبت العربية ومحستش بحرارة الجو. ورغم الخسارة اللي حصلت إلا إن طول الطريق كانت ضحكتي على وشي وابتسامة رضا عجيب. وكله يتعوض إلا صاحب وأخ وفي زي آدم العدوي. آدم أي موقف ليه يسيب أثر جوايا. تيم: بيسمع. وابتسم بفخر. وقال جواه: مش جديد على آدم العدوي. زين: قاعد بيسمع وكان مبسوط جداً. وحاسس إنه ربنا راضي عنه عشان رزقه بأب وأم زي آدم ومريم.

أشرف: آدم ده بجد حاجة جميلة جداً. ربنا يبارك في عمره. ويديم عليكوا نعمة الصداقة يا طارق يا أخويا. زياد: بامتنان. لولا آدم بعد ربنا أنا ما كنتش وصلت للي أنا فيه دلوقتي. محمد: ابتسم. في أشخاص ربنا بيخلقها ويكون راضي عنها وينعم عليها بنعم كبيرة جداً. ومنهم حب الناس للشخص ده. وآدم إن شاء الله نحسبه من الناس دي. كلهم: آمين. چواد: دخل يجري. جدو آدم جه. جدو آدم جه. *** في أوضة فريحة.

ميرو: قاعدة. إيه يا ليليان جبتيني على أوضة ماما ليه؟ ليليان: قعدت قدامها. علشان نتكلم بجد شوية. لإنني مبقتش قادرة أشوفك كدا وأسكت. ميرو: احم مش فاهمة نتكلم بجد في إيه يعني. تقصدي إنتي وكريم؟ ليليان: بصت في عينيها. لأ أقصد إنتي وتيم.