رواية جريمة عشق الفصل الثالث والخمسون 53 - بقلم مريم نصار

فيلا العدوي . بعد الظهر فريحه: رجعت من العيادة بدري وطلعت تطمن على ميرو. ونازلة متوترة جداً. مريم: قاعدة في الليفنج بتسبح ومغمضة عينيها وبتدعي لأحفادها بالنجاح. وتالين قاعدة جنبها. فريحه: بقلق. ماما. ميرو فين؟ أنا طلعت أشوفها مش موجودة. مراد اتصل وعايز يطمن على النتيجة. مريم: تعالي اقعدي واهدي يا حبيبتي. ميرو راحت على الجامعة تشوف النتيجة. فريحه: بدهشة. إيه؟ راحت على الجامعة؟ طيب ليه؟ ومن غير ما تقولي؟

وراحت إزاي ومع مين؟ مريم: ابتسمت. اهدي يا فريحه مش كدا يا بنتي. ومريم مش صغيرة. هي كانت قلقانة جداً وموترة كلنا على الفطار. وبعدها مقدرتش تصبر أكتر. استأذنت من آدم اتصلت عليه وهو رايح على الشركة. وبعت معاها السواق الخاص اللي تبع شركة رعد بعته جديد مخصوص للبنات حراسة. اسمه شاهين. يعني بنتك في حفظ الله ومش لوحدها. فريحه: قعدت وقالت. أيوه يا ماما ونعم بالله. بس تيم هو اللي بيجيبها كل سنة ليه هي تروح؟

مريم: بتنهيدة. معلش سيبها على راحتها. ربنا يريح قلبها وترتاح يارب. فريحه: غمضت عينيها بأمل. يارب. *** في الجامعة. ميرو: نازلة من العربية. شاهين: نزل. اتفضلي يا هانم. ميرو: بحرج. احم ميرسي جداً. واتحركت كام خطوة. شاهين: ماشي جنبها مع حفظ المسافة. ماشاء الله طول وعرض. وميرو جنبه مش باينة. ميرو: وقفت باستغراب. خير حضرتك؟ ماشي جنبي ليه؟

شاهين: باحترام. يا فندم أنا حراسة. وجاي من طرف رعد باشا. وموصيني جداً على عيلة آدم باشا ومنبه عليا إني لازم أفتح عيني على كل فرد من أفراد الأسرة. وآدم باشا بنفسه مشدد عليا إني لازم أكون زي ضل حضرتك. اتفضلي. ميرو: بصت قدامها وابتسمت بحب كبير على جدها اللي بتعشقه. وأخدت نفس عميق بتفاؤل. واتحركت. وشاهين جنبها مع حفظ المسافة.

تيم: راح يجيب نتيجة مريم من غير ما يقولها. وأتصدم أول ما شاف مريم مع واحد غريب. وصك على أسنانه بغيظ. واتحرك بغضب واضح.

ميرو: ماشية وعيونها بتدور على تيم في كل مكان. ومشتاقة له. بجنون. وندمت إنها سمعت لكلام چود. وكل يوم عايزة تتصل عليه لكن بتتوتر وتسكت. وهي عارفة إنه دلوقتي في الجامعة بيجيب شهادتها. ووقفت مرة واحدة وقلبها هيطلع من مكانه أول ما شافت تيم وجاي عليها. كأنها ما شافتهوش من سنين. ووشها كتلة طماطم. وقلبها بيدق بسرعة. شاهين: واقف وراها على يمينها. وعيونه بتلف في كل مكان. حماية للخطفت قلبه.

تيم: قرب منها بغضب وقال بصوت جهوري. مريم؟ ميرو: لسه هترد. شاهين: وقف قدام تيم. حضرتك تعرفها؟ تيم: قبض على إيديه. ومردش. ميرو: بخوف كبير. احم لو سمحت حضرتك إيه اللي أنت بتعمله ده؟ شاهين: أنا... تيم: مهتمش بشاهين. وراح وقف قدامها. وقال بصوت جهوري غضبان. ممكن أعرف إيه اللي بيحصل ده؟ وإنتي إزاي ماشية وواحد ماشي جنبك. وزعق. مين ده يا دكتورة؟

ميرو: المرة دي. قلبها دق بطريقة تانية خالص. عشق أكبر وحب أعمق. إحساس جديد. حسّت إنه تيم غيران. أيوه دي غيرة يا مريم. تيم غيران علي... وفاق على كلمة. تيم: بص لشاهين بغضب. إنت مين؟ وإزاي ماشي جنب أختي؟ مريم: غمضت عينيها بإحباط كبير. ويأس أكبر. شاهين: أنا آسف يا فندم. ده أول يوم شغل ليا. وأنا لسه معرفش أفراد العيلة كلها. أنا اسمي شاهين حراسة خاصة من شركة رعد باشا. وأنا كنت بشوف شغلي.

تيم: نفخ بارتياح. تمام حصل خير. بس ياريت وانت ماشي تكون في مسافة أكبر من كده. شاهين: كشر عينيه بعدم فهم لأنه محافظ على المسافة. لكن هز رأسه تحت أمرك يا فندم. ميرو: بغصة في قلبها وزعلت. احم بعد إذنكم أنا هروح أشوف الشهادة. وحضرتك يا أستاذ شاهين ماتجيش ورايا. وسابتهم ومشيت بسرعة. تيم: بغيظ مكبوت. لكن بص لشاهين. روح أنت يا شاهين والدكتورة هتروح معايا.

شاهين: عيونه كانت على الملاك. وبص لتيم. احم أستأذنك يا فندم هبلغ آدم باشا. لأنه شدد عليا وأي تهاون مع حفيدته قالي فيها رقبتي. تيم: بعدم اهتمام. بلغه وقوله تيم عزيز هيوصل الدكتورة لحد البيت. وسابه ومشي. شاهين: فتح عينيه بدهشة. تيم عزيز؟ وهي مريم العدوي؟ طيب إزاي؟ واتصل على آدم بسرعة. بتوتر. احم الو أيوه يا باشا. آدم: خير يا شاهين؟

شاهين: احم أنا وصلت الهانم الصغيرة للجامعة. وحصل بعد كده. وقاللي أبلغ حضرتك إن تيم عزيز هيوصلها بنفسه. آدم: مط شفايفه. اممم. تمام يا شاهين. تعالي بقى أنت على الشركة عشان توصل حفيدتي التانية على الفيلا. شاهين: باحترام. تحت أمرك يا باشا. وقفلو.

شاهين: افتكر أول ما نزل قدام الفيلا. وشاف مريم خارجة. وفرد الأمن بيقولها عليه. وماشية باحترام كبير. كأنها حورية مش إنسان أبداً. ورفعت عينيها بخجل. وأول ما سمع صوتها وشاف لون عيونها. وقع رهينة الحب. وفاق من أفكاره. احم فوق يا شاهين. دي حفيدة العدوي. وابتسم على تفكيره. وركب العربية واتحرك. *** ميرو: ماشية بسرعة. تيم: أووف. مريم وبعدين معاكي أنا ماشي وراكي وبكلمك مبترديش. ف إيه؟

ميرو: وقفت بتعب. ولفت ليه. نعم يا دكتور تيم؟ تيم: بحرج. أولاً أنا بعتذر عن سوء التفاهم ده. أنا عارفك وحافظك كويس جداً. وأول ما شوفت واحد ماشي جنبك استغربت جداً. وبصراحة اتضايقت. مين ده؟ وكمان عاملي فيها فندام. هو فاهم العضلات غلط على فكرة. هههههه. ميرو: غصب عنها ابتسمت. وسكتت. تيم: ها لسه زعلانة مني؟ ميرو: بشبح ابتسامة. هزت راسها. لأ مش زعلانة. تيم: بعدها كشر عينيه بغيظ. إنتي إيه اللي جابك انهارده؟

إنتي مش عارفة إن أنا كل سنة أنا اللي بجيبلك الشهادة؟ ميرو: كانت هتتكلم باندفاع وتقوله ليه؟ ليه اهتمامك ده؟ ليه اتضايقت لما شفت واحد ماشي جمبي لييييه يا تيم لييييه؟ لكن افتكرت الرد المعتاد. إنتي أختي. تيم: الووو إنتي يابنتي. أنا مش عارف إنتي بتروحي مني فين؟ ميرو: بتنهيدة. ابدا أنا كنت متوترة بسبب النتيجة. وكملت بحرج. إنت كل سنة تتصل عليا قبل ما تنزل تجيبها. احم لكن المرة دي إنت متصلتش. فا...

تيم: قاطعها. متصلتش عشان زعلان منك يا مريم. بجد زعلت منك جداً من آخر موقف. ميرو: عينيها لمعت بدموع. احم تيم. أنا... تيم: ابتسم. طيب والله حرام عليكي عيونك دي. بجد ماشاء الله عليكي يا مريم. يعني عينيكي مش ناقصة جمال عشان تنزلي بيها لعنة على الغلابة اللي هنا ههههه. وطلع منديل ورقي. اتفضلي امسحي دموعك دي. ومش عايز أشوفك بتدمعي تاني تمام.

ميرو: قلبها دق. وجواها صراع كبير جداً من معاملة تيم. وأخدت المنديل. احم ميرسي. ومسحت دموعها. تيم: يلا تعالي اقعدي واستريحي هنا في الكافتيريا. وأنا هفرحك بنفسي. ميرو: هزت راسها. حاضر. وراحت قعدت بسرعة لأنها حاسة إن رجليها مش شايلها. *** تيم: باهتمام. أطلبلك حاجة تشربيها؟ ميرو: ابتسمت بتكليف. لأ ميرسي. تيم: أوكي ثواني وجاي. ميرو: هزت راسها. تيم: اتحرك كام خطوة. ميرو: بسرعة. تيم. تيم: لف ليها. نعم يا مريم.

ميرو: بلهفة. إنت نجحت مش كدا؟ تيم: بابتسامة خطفتها. يس. وامتياز مع مرتبة الشرف. وغمز بعفوية. أنا الدكتور تيم يا ميرو. ميرو: خلاص دقات قلبها مسموعة للجميع. من طريقة احتواء تيم ليها. وضحكت بسعادة كبيرة. ألف ألف مبروك يا تيم. تيم: ههههه الله يبارك فيكي يا ميرو. ثواني وراجعلك متتحركيش من هنا أوكي. وسابها ومشي. ميرو: غمضت عينيها بحب وأخدت نفس عميق واتنهدت. حاضر يا تيم. *** في مكتب آدم.

آدم: قاعد على كرسي المكتب وباصص قدامه وماسك القلم تحت دقنه وسرحان بعمق. امم بقى كده يا هيكل. ماشي بتراوغني في المناقصة وبتقولي على أسعار وهمية. وكمان أسماء وهمية. طيب يا هيكل باشا. أنا هسيبك بمزاجي وإن ما خليتك تشيل أنت المناقصة دي وبأعلى سعر مابقاش اسمي آدم العدوي. وبعد شوية. الباب خبط. وزين دخل. مساء الخير يا حج. آدم: أهلاً مساء الخير يا زين. تعالي. زين: دخل. عامل إيه يا حج؟ آدم: هز راسه تمام. ها قول لي فيه جديد.

زين: اتفضل ده ملف المناقصة اللي زكي هيكل قال عليه. آدم: بتنهيدة. أخد الملف. تعالي اقعد يا زين. زين: باستغراب. مالك يا بابا. شكلك مضايق. فيه حاجة حصلت. أمي كويسة؟ آدم: ابتسم بحب. طبعاً كويسة وزي الفل. اسمع يا زين أنا عايز أقولك كلمتين هينفعوك في المستقبل. زين: احم اتفضل يا حج سامعك. آدم: قام من مكانه وقفل الستار وقفل الإضاءة كاملة. زين: كشر عينيه بعدم فهم. آدم: زين إحنا دلوقتي في العتمة بس إنت مطمن إني جنبك مش كدا؟

زين: طبعاً يا بابا. آدم: طيب مفكرتش إني ممكن أغدر بيك في وقت زي ده؟ زين: قام وقف. كلام إيه ده يا بابا وغدر إيه اللي حضرتك بتتكلم عنه؟ آدم: شغل الإضاءة وفتح الستار. ووقف قدام زين. وقال. وكده إنت مطمن برضو إني جنبك؟ زين: بقلق. بابا أنا مش فاهم حاجة. آدم: ابتسم وحط إيده على كتف زين. اللي عايز أقولهولك يا ابني إنك مهما تشتغل وتعدي عليك الأيام أوعى تثق في أي مخلوق على وجه الأرض. زين: بابا أنا بجد مش فاهم حاجة.

آدم: إنت بتثق في ذكي هيكل صاحبك صح؟ زين: بصراحة يا بابا أنا اتعاملت معاه سنتين ومعاملته كلها كويسة. لكن سؤال حضرتك أكيد وراه سر مش كدا؟ آدم: هز راسه. امم فعلاً وسر لو عرفته ممكن يضايقك. زين: كشر عينيه بشك. حج انت عرفت حاجة عن هيكل ده؟ آدم: الأول قول لي إيه مدى صداقتك معاه؟ ده اللي يفرق عندي. زين: مط شفايفه. امم، لأ عادي، إحنا بينا بيزنس مش أكتر.

آدم: امم، تمام. وفتح درج المكتب وطلع ملف مع ظرف. اتفضل يازين، شوف الملف ده. زين: مسك الملف وفتحه وبيقرأ فيه تقرير مفصل عن زكي هيكل. وفتح الظرف واندهش. إيه ده يا بابا؟ زكي هيكل في فيلا رؤوف الجبالي؟ ده مستحيل. دول أعداء من زمان، طيب إزاي؟ وبص على تاريخ الصورة من شهر تقريبًا. وبص لآدم. بابا، معقول إن هيكل والجبالي...

آدم: ابتسم إن زين بدأ يفكر بطريقة آدم. وهز راسه. أيوه يا سيدي. وعندك ملف كامل بالصفقات اللي تمت ما بين هيكل والجبالي في الـ 7 سنين اللي فاتت. هيكل يازين داخل الشركة هنا عشان يوقعك إنت مش أنا. لأنك يعتبر أصغر أكبر رجل أعمال في مصر. وداخل بمسرحية سخيفة وحوار مكشوف. إنه هو والجبالي أعداء.

وعايز يشاركك. ولما إنت قلت له إنك مبتشاركش حد عشان كل حاجة تحت إيدي أنا، فكر في طريقة تانية يسحب منك فلوس وهو مستريح. وحاليًا قدملك ملف المناقصة بأسعار وهمية. يعني الضعف مرتين. وإنت المسؤول وهتدفع يعني هتدفع. وساعتها بقى هو يطلع له التلتين من المبلغ من غير أي مجهود. وده طبعًا بالاتفاق مع الجبالي. اللي هو أصلًا بيكره أبوك. عيال غبية جدًا. ومفكرين إنها هتدخل على آدم العدوي.

زين: قعد. بغيظ مكبوت. الحيوان. وبص لآدم. طيب وحضرتك عرفت إزاي إن هيكل عدو لينا؟ آدم: ههههههه. يبني إنت لازم تفكر في كل حاجة. زين، أنا عايزك تكون حافظ عدد الأوراق اللي على مكتبك. عايز تشغل مخك. يعني بزمتك. الجبالي ده بيكرهني من زمان من وقت خسارة عمك طارق في أسهم الشركة. وشايف إن أنا واكل السوق. وقالها لرجال أعمال صريحة. آدم العدوي عامل زي المنشار. وحاول يوقعني من سنتين بالظبط في صفقة خيبانة وطردته من مكتبي.

وبعدها مفيش شهر ييجي هيكل ويعرض عليك إنت خدماته. ويقولك إنه اتشاكل مع الجبالي. تؤ، مش غريبة دي؟ طيب جايلك مخصوص إنت ليه؟ وكمان وضح شكل العلاقة بينه وبين الجبالي؟ يعني كأنه بيقولنا أنا جاي من طرف الجبالي. ههههه.

وأنا راقبته في الأول. وكان كل شغله سليم معاك. وده طبعًا عشان يديك الأمان. لكن الغبي مايعرفش إني ليا عيون في كل مكان. وجبت الملف الأصلي للمناقصة وعملت مقارنة بين أسعار هيكل للمناقصة. والأسعار الأصلية. ده غير ترتيب ربنا سبحانه وتعالى والحفلة دي كان موجود فيها أشرف عزيز. ههههه. وصور لي الجبالي مع هيكل. وبعتهالي. وكمان سمع هيكل والجبالي بيتكلموا مع بعض عليا وعليك. الجبالي عايزني أنا. وهيكل غيران منك. يعني الحوار ده كله عشان يوقعونا في السوق. وبص قدامه بس على مين؟

هما شكلهم نفسهم يجربوا قرصة آدم العدوي. وقريبًا جدًا هنسمع نغمات الاستغاثة بالرحمة. زين: صك على أسنانه بغيظ مكبوت. لأ يا حج، ارتاح إنت. واقعد واتفرج وشوف ابنك زين آدم العدوي هيعمل إيه. وبص قدامه بغل. صوت استغاثة هيكل هتسمعه وإنت قاعد في مكتبك يا حج آدم. في الجامعة. ميرو: قاعدة متوترة. وفونها رن. وفرحت جدًا لأنه مراد. وردت بسرعة. الو، بابي وحشتني أوي. مراد: ابتسم. قلبي يا روحي. طمنيني عليكي يا قلبي. عاملة إيه؟

ميرو: بدموع واحتياج. محتاجالك أوي يا بابي. مراد: بقلق. قام وقف. مريم، إنتي كويسة؟ حصل معاكي حاجة؟ ميرو: مسحت دموعها بسرعة. وضحكت بتمثيل. أبدًا يا بابي، أنا كويسة جدًا. بس حضرتك وحشتنا جدًا. إنت وآدم مش موجودين معانا. ده كفيل إنه يحسسني بالوحدة من غيركم. مراد: نفخ بارتياح. وضحك. كفيل سعودي ولا خليجي؟ هههههههه. ميرو: ههههه. أي حاجة مش هتفرق. المهم إنه هيسافر وخلاص. ههههه.

مراد: ههههه. حبيبة قلب أبوها اللي ماشية على العهد. وحشتيني يا بت يا مريم. ميرو: ههههه. وحضرتك جدًا. مراد: أنا اتصلت على الحج آدم. وقالي إنك معاكي حراسة. ساعتها اطمنت. أوعي في يوم تخرجي لوحدك يا قلب أبوكي. ميرو: ابتسمت بحب. حاضر يا بابي. ومتقلقش عليا. أصلًا بابا آدم محاوطنا من جميع الاتجاهات. ربنا يبارك فيه يا رب.

مراد: بتنهيدة. يا رب. وإحنا ماعندناش أغلى من بناتنا عشان نحافظ عليها. والدنيا مبقاش فيها أمان يا بنتي. عشان كده بقولك أوعي تخرجي في يوم لوحدك. ميرو: بابي، أرجوك. أنا حفظت الكلام ده كتير. من بابا آدم وماما مريم وحضرتك وعمو زين وآدم أخويا ومامي وتي... احم. وأنا بروح فين يعني؟ متقلقش واللي مكتوب لنا أكيد هنشوفه. مراد: ابتسم. عارفة يامريم. إنتي وتوتا نسخة مصغرة من مريومة. ودي بقى أحسن حاجة حصلت لي بجد.

ميرو: بسعادة. فعلًا وأنا بجد مبسوطة إني بشبهها. وكملت بمكر. اممم، بس ياترى آدم بقى طالع لمين؟ مراد: ههههه. ده بقى اللي مش فاهم لخلّفوه كتالوج. عيل ملبوس زي خالك فهد. ميرو: هههه. آدم أخويا قمر. وخالو فهد عامل إيه؟ بجد مصر وحشة جدًا من غيركم. مراد: فهد بيغسل المواعين جوه. ههههه. أبوكي مسيطر يا بت يا أميرو. ميرو: ههههه. اااه لو آرين سمعتك دلوقتي. كانت اتنرفزت جدًا. ههههه.

مراد: ههههه. إحنا بالصلاة على النبي لا يفرق معانا آرين ولا لورين. سيبك إنت بس وقولي لي النتيجة إيه النظام؟ ميرو: احم. لسه شوية. تيم بيجيبها. مراد: اممم، تمام. خلاص يا حبيبتي. نص ساعة كمان وهتصل عليكي تطمنيني. مع إني واثق إنك ناجحة إن شاء الله وبتقدير كويس جدًا كمان. ميرو: بتفاؤل. إن شاء الله يا بابي. مراد: ماشي يا روحي. خلي بالك من نفسك يا مريم. ميرو: بدموع. وإنت كمان خلي بالك من نفسك. وار جوك ارجع لنا بقى.

مراد: بتنهيدة. حاضر يا حبيبتي. إن شاء الله. في الجيم. كريم: بيتمرن بهمة عالية. ياسين: ههههه. أيوه بقى. العريس المنتظر لازم يظبط الفورمة. ههههه. كريم: ولا. بقولك إيه. أنا مش هخلص من مصطفى تطلع لي إنت. حل عني وركز في تمرينك. ياسين: ههههه. ماشي يا عم. هحل عنك. وكمل بتوتر. احم. إنت هتروح انهارده عند آريان؟ كريم: بينهج بسيط. مش عارف. ممكن العيلة كلها تروح بليل. لأن نتيجة الدكتورة مريم انهارده. وكمان تيم.

ياسين: بحيرة. احم. طيب ماتعرفش تطمن على الدكتور تيم وتعرف إيه آخر الأخبار؟ كريم: على فكرة إنت معاك فون ورقم تيم. ممكن تعرف وتطمن بنفسك. ياسين: بتوتر. احم. أيوه منا عارف يا ابني. بس إنتوا قرايب وكده. ههههه. كريم: وإنت إيه شبح في العيلة؟ ما إنت متنيل من العيلة إنت كمان. قول لي يااض يا ياسو. إنت مفيش حد في حياتك؟ قلبك ما اختارش واحدة كده ولا أي حاجة؟

ياسين: اتنهد بزعل. وافتكر عيون مريم اللي اكتشف مؤخرًا إنها مش حاسة بعشقه ليها. وكان فاكر معاملتها له حب. ولكن رغم إنه أصغر منها بسنتين قلبه دق ليها هي وبس. والفترة الأخيرة. كلامها معاه بقى رسمي جدًا في حدود القرابة وبس. وغمض عينيه بتعب. وقال. لأ، مفيش حد. كريم: ههههه. كل ده عشان تقول لأ. أنا فكرتك نمت. أومال لو كنت هتقول أيوه بحب ههههه كنت هترد بكرة.

ياسين: ابتسم بتمثيل. ما أنا كنت بفكر بشوف أي بنت ملقتش. ههههه. أعمل لك إيه بقى. وبعدين يا نجم لسه بدري على الكلام ده. أركز في شغلي أحسن. احم. هو آركان وأسر فين؟ كريم: آركان كلمني وقالي إنه هيروح العيادة للدكتورة لارين وبعدها هيطلع على الجيم. أما أسر بيجري في التراك. ياسين: بيتمرن وهز راسه. واتنهد. وقال جواه. ياترى عملتي إيه يامريم؟ في الجامعة. تيم: دخل الكافتيريا. وشد الكرسي وقعد قدام مريم.

ميرو: بتوتر. وقلبها بيدق عشان النتيجة. ها يا تيم. وبالله عليك. ماتلعبش بأعصابي زي آرين. أرجوك. تيم: ابتسم. حاضر يا ستي. وليه متوترة كده؟ ما إنتي عارفة إنك ناجحة. ههههه. مبروك يا ميرو. ألف مبروك. ناجحة وبتقدير امتياز. بس من غير مرتبة. بهزر طبعًا. مريم. إنتي الأولى على الجامعة. أنا مبسوط جدًا. ميرو: قامت وقفت بسرعة بفرحة. وضحكت بدموع. بجد يا تيمو. بجد؟

تيم: قام وقف قدامها. آه بجد. وبقالى 7 سنين ماسمعتش تيمو دي. ههههه. الفرحة حلوة مفيش كلام. ههههه. ميرو: ضغطت على شفايفها بحرج كبير. احم. ا. أنا آسفة جدًا. ا. أنا قلت. تيم: بس بس. اهدى. مريم بجد إنتي غريبة جدًا. ومعاملتك معايا برسمية كبيرة. إيه يا بنتي ده؟ إنتي أختي. بتعتذري ليه؟ فيه إيه بقى؟ ميرو: ابتسمت بوجع. احم. أبدًا. ولا رسمية ولا حاجة. كل الحكاية إني عارفة إنك مبتحبش حد يقولك تيمو من زمان جدًا. عشان كده مقلتش.

تيم: ههههه. فعلًا عندك حق. بس البت آرين دي عنيدة ومابتسمعش الكلام. هي الوحيدة اللي مسموح لها تقولي تيمو. بنت لذين. ميرو: بإحباط. احم. طيب يا تيم. بجد متشكرة جدًا على تعبك معايا. احم. بابي ومامي اتصلوا ولازم أطمئنهم وبابا آدم كمان. ا. أنا همشي عشان متأخرش على السواق أكتر من كده. بعد إذنك. تيم: مالك يا مريم؟

ميرو: من سؤال تيم في اللحظة دي نفسها تترمي في حضنه وتعياط وتقوله أنا محتاجالك أوي يا تيم. وابتسمت بوجع متداري. أبدًا. أنا كويسة جدًا. ههههه. ده أنا حتى ناجحة وبتقدير امتياز وكمان الأولى. ههههه. تيم: هز راسه تمام. عمومًا. يلا تعالي أنا هوصلك. ميرو: بحرج. احم. لأ سوري يا تيم. أصل السواق. تيم: السواق مشي من بدري يا مريم. أنا قولته يمشي لأني هوصلك. اتفضلي.

ميرو: بتوتر. هزت راسها. وماشيه جنب تيم. وشايفة قد إيه إن البنات هتتجنن عليه. وغيرتها عليه كتمتها في قلبها. تيم: ماشي جنبها. ثواني يا ميرو. أنا هتصل على نور أطمنها. إنتي عارفة أكيد دلوقتي اتمشّت في المستشفى كلها. ههههه. ميرو: وقفت قدامه ورفعت عينيها بالصدفة وجت في. عيون تيم الخضرا مع ضوء الشمس. كفيلة تخلي مريم تعترف بعشقها له من غير تردد. وقلبها بيدق بعشق كبير جدًا.

تيم: بيكلم نور في الفون قدام مريم. وبيضحك. وبيتكلم مع محمد وتمارا. وملامحه الجميلة كلها مريم بتاخدها سكرين وخلاص. بجد هتتجنن من فرط العشق. تيم: خلص المكالمة. ورفع عينيه ليها وشافها واقفة وسرحانه بعمق كبير. ونده مريم. مريم: . تيم: هااااي ميررو إنتي يابت. ميرو: انتبهت. ها. احم. ا. أنا. تيم: مريم بجد إنتي مش طبيعية. بتسرحي مني كتير جدًا.

ميرو: لعنت نفسها. وقالت بلخبطة. ا. أبدًا. ا. أنا. ا. أنا كنت بفكر. احم. بفكر. أيوه بفكر إني المفروض في السنة الجاية واللي بعدها الماجستير. وكنت عايزة أتدرب جنب الرسالة في أي مستشفى. تيم: بعفوية. يا حبيبتي. مستشفى النور تحت أمرك. ميرو: بصدمة وحطت إيدها على قلبها. إيه؟ تيم: أسف بجد. لأني متعود أقول لزفتة آرين دي ديما ياحبيبتي. جت فيكي المرة دي بقى. المهم تعالي أوصلك ونتكلم في الطريق على حوار المستشفى ده.

ميرو: بخيبة أمل. هزت راسها تمام. تيم: فتح باب العربية. اتفضلي. ميرو: ركبت جنبه. تيم: ركب. ومبسوط جدًا بالنتيجة بتاعة هو ومريم. واتحرك بالعربية. بقولك ياميرو. ميرو: نعم. تيم: افتحي الدرج اللي قدامك ده. خدى العلبه اللى موجوده فيه. ميرو : بعدم فهم. فتحت الدرج، وشافت علبة شوكولاتة كاملة. وميرو جواها حيرة كبيرة. وقالت: "إيه ده يا تيم؟

تيم: بصراحة، أنا زعلت منك جدًا من رد فعلك وأنا بقدملك الشوكولاتة بتاعتك زي كل يوم. مكنتش أتوقع إنك تحرجيني كده وتسبيني وتجري. ميرو: قالت جواها: "مريم اعترفي لنفسك إنك بتعشقيه، ومكتفية بوجوده في حياتك. ولو تيم زعل منك عشان حاجة تافهة زي دي، يبقى أنتِ عقلك صغير. اعترفي إنك من غيره مش كاملة." وأخدت نفس عميق.

وضحكت بتمثيل: "هههههه، سوري بجد يا تيم. أنا بس يومها كنت آكلة كتير جدًا، ومكنتش قادرة آكل أي حاجة تاني. احم، بس تعرف بعد ما رجعت البيت حسيت إني جوعت، وقولت يا ريتني خدتها من تيم. آكل إيه أنا دلوقتي؟ سوري بقى متزعلش." تيم: مط شفايفه: "امممم، خايبة حتى وأنتِ بتكذبي. بس أنتِ الوحيدة اللي متعرفيش تكذبي عليا." وبص لها بس بيداري حاجات كتير. ميرو: بصت له: "إنتِ إزاي عرفت؟ تيم:

ابتسم: "أنتِ بريئة أوي يا مريم. لا بتعرفي تكذبي، ولا تجرحي حد." ميرو: ابتسمت: "ميرسي جدًا يا تيم. احم، المهم متزعلش، موقف وعدى. وعشان متزعليش مني، أنا هاخد علبة الشوكولاتة دي كلها لوحدي، أوكي؟ ههههه." تيم: أصلًا أنا جايبها ليكي، تعويضًا عن الأسبوع اللي عدي من غير ما أشوفك فيه. ميرو: ها.... تيم: احم، المهم بقى، نسيت أقولك إن حفلة التخرج بتاعتك كمان أسبوع، أوكي. ميرو: هزت راسها: "أوكي." *** في العيادة.

رينو: خلصت كشف. اتفضلي حضرتك. دي روشتة بالعلاج بعد ما شوفت التحاليل. وكمان هكتب لك على أشعة ولازم تعمليها في أسرع وقت، لأن أنا شاكة يكون عندك غضروف. المريضة: بتعب: "حاضر يا دكتورة. وربنا يستر." رينو: ابتسمت: "إن شاء الله خير. ومش عايزةِ تقلقي. لكل داء دواء. اتفضلي." المريضة: قامت وأخدت الروشتة: "ربنا يكرمك يارب. شكرًا لحضرتك." رينو: الشكر لله. والف سلامة على حضرتك. بالشفا إن شاء الله. المريضة: خرجت.

رينو: قامت بسرعة، وقلعت البالطو، ودخلت تغسل إيديها. وقالت: "أنا متصلتش على تيم، وهيبهدلني." وخرجت من الحمام. وقالت: "يارب تنجح تيم ومريم ياااارب. أعمل إيه؟ غصب عني متصلتش على حد. العيادة زحمة أوي النهاردة. أوووف، مش هخلص من تيم وهيِعَادِ منّي وهيطلع عيني." آرين: خبطت ودخلت بغيظ: "مااامي، أنتِ منزلتش ليه؟ أنا وآركان منتظرينك من زمان في العربية." رينو:

بلخبطة: "حاضر يا آرين، غصب عني اتأخرت. هو يعني بإيدي يا بنتي. ثواني هلبس النقاب." آرين: رايحة جاية بتوتر: "ياترى تيمو عمل إيه؟ أنا قلقانة أوي أوي يا مامى. وكمان نتيجة ميرو. بجد أعصابي باظت خالص." رينو: "اطمني يا حبيبتي، إن شاء الله ناجحين. قوليلي بس أنتِ اتصلتي على تيم، أو مريم؟ آرين: هزت راسها: "لأ، أنا عايزة أشوف تيمو وهو بيقول الخبر قدامي." رينو:

فونها رن: "يوووه، أهو آركان بيتصل بيستعجلني. وكنسلت عليه. يلا بينا يا آرين." آرين: "يلا بسرعة، بجد هتجنن وأشوف تيمو وميرو." رينو: أخدت فونها وشنطتها، وخرجت. وقالت للممرضة: "تقفل العيادة." ونزلوا. آركان: بيبص في الساعة ومتنرفز. وشاف رينو وآرين خارجين من العمارة: "أخيررررا." رينو: "متزعلش يا آركان يا حبيبي، أنا اتأخرت غصب عني." آركان: "ولا يهمك يا أجمل أم في الدنيا. المهم خليني أنا اللي أسوق، اشطا." رينو: بدهشة: "اشطا؟

لأ مش هتسوق طبعًا. أنت لسه صغير." آركان: "يا رينو يا حبيبتي، أنا بعرف أسوق والله. ويمكن أحسن واحد في العيلة بعرف أسوق." آرين: بتريقة: "نو نو نو، فوق لنفسك يا سي آركان باشا. مفيش حد بيعرف يسوق زي بابي فهد حبيبي، وكمان خالو مراد القمر. وبجد بقى مفيش زي سواقة آدم مراد، يخراااابي حاجة رهيبة وهو سايق الريس. أنا بخاف منه." رينو: اتحركت: "طيب بلاش غلبة أنتِ وهو. ويلا اركبوا بقى عشان نلحق نطمن على تيم." آركان:

بغيظ عشان مش هيسوق: "طيب." وركب جنب رينو. آرين: ركبت في الكرسي الخلفي. وقالت: "مامي، هنروح عند بابا آدم؟ ولا عند خالتو نور؟ رينو: شغلت العربية واتحركت: "لأ يا روحي، هنروح عند بابي. عشان تيم أول حاجة بيعملها بيروح هناك يطمن مامي أول واحدة." *** فيلا العدوي. فريحة: قلبها مشغول على نتيجة بنتها. ورايحة جاية في الليفنج. ومشابكة إيديها في بعض وبتدعي بقلبها. مريم: بصت في الساعة.

واتنهدت: "لأ، أنا بدأت أقلق. ميرو خارجة بقالها 3 ساعات." ليليان: "متقلقيش يا ماما مريم. تيم قال للسواق اللي اسمه شاهين ده إنه هيوصلها. وأكيد زمانهم على وصول." مريم: "أستغفرك ربي وأتوب إليك." ليليان: "طيب أنا هتصل على ميرو وهطمنك." وطلعت الفون. فريحة: سمعت صوت عربية تيم. وقالت: "مريم جت." وجرت على الباب. ميرو: نزلت بسرعة من العربية. وطلعت على السلم. وبتضحك لفريحة: "مااامي حبيبتي، أنا نجحت يا مااامى."

فريحة: ضمتها لحضنها بسعادة كبيرة جدًا. ودموعها نازلة من الفرحة. تيم: واقف بيضحك. فريحة: مسحت على ضهرها: "ألف مبروك يا روحي، ألف مليون مبروك يا قلب فريحة." ميرو: بدموع: "الله يبارك في حضرتك. وارجيِكي بلاش دموعك دي يا مامى. أنتِ بتعيطي كتير جدًا. عشان سفر بابي وآدم أخويا. ارجيِكي مش عايزةِ تعيطي." فريحة: ابتسمت بسعادة ومسحت دموعها: "حاضر يا حبيبتي. ألف مبروك. أنا بجد مبسوطة أوي." تيم:

قرب منهم: "طيب سيب شوية لتيم ابن خالك. ولا فرحتك بـ ميرو نستك تيم؟ فريحة: ضحكت: "عمري ما أنساك يا حبيبي. ها، طمني، ولو إني عارفة طبعًا." ميرو: بفخر كبير: "تيم نجح يا مامى. امتياز مع مرتبة الشرف، زي بنتك ميرو بالظبط. وكمان الأول على الجامعة. وأنا كمان." فريحة: "اللهم بارك. ماشاء الله. ألف مبروك يا تيم." تيم: "الله يبارك فيكي. أدخل بقى تطمن مريوم. أوكي." مريم: شافت تيم داخل. قامت بسرعة. وقربت منه.

وابتسمت بحب: "نجحت، مش كدا يا حبيبي؟ تيم: قرب منها وباس على إيديها الاتنين: "ودي عايزة كلام يعني؟ أنا تربيتك. باركيلي يا ست الكل. ابن ابن قلبك نجح بتقدير امتياز والأول على الجامعة." مريم: ضمته بحنان كبير. ومبسوطة جدًا جدًا. واتمنت تيم يكون من نصيب مريم: "ألف مبروك يا روحي. ألف مبروك." تيم: طلع من حضنها وباس جبينها: "الله يبارك فيكي يا ماما." مريم: بصت في عينيه: "ومريم... مريم عملت إيه يا تيم؟ تيم:

ابتسم: "امتياز طبعًا. وزي كمان. دي مريم العدوي مش أي حد." مريم: ضحكت بسعادة كبيرة. وفتحت إيديها: "تعالى يا روحي. ألف مليون مبروك." ميرو: اترمت في حضنها. اللي كله أمان وحنان. وغمضت عينيها. مريم: زادت من حضنها كأنها بتقولها: "أنا حاسة بيكي. وحضني ده عشان يطمنك، ويريح قلبك شوية. من عذاب العشق." ليليان:

بجنون: "الللله. أيوه بقى. خلينا نفرح. ألف مبروك يا تيم باشا. ألف مبروك يا مريم هانم. عليا النعمة. اللي ما هيجبلي هدية منك ليها. لا يزعل مني. زعل. أنتو حرين. وقد أعذر من أنذر." كلهم ضحكوا. تيم: "يا بنتي أنتِ حوله. على فكرة أنا وميرو اللي ناجحين. يعني فكي الكيس كدا وظبطينا هدايا." ليليان: تحضن ميرو: "وقالت: يا عم روح، هو أنا لسه قبضت؟ أنا شكل أبويا زينى بيضحك عليا."

ميرو: "هههههه، عينيا ليكي يا لي لي. أول ما بابا آدم يحدد خطوبتك ليكي عندي هدية حلوة." تيم: "اوباااا. أنا ناسي إن البت دي عروسة. خلاص تمام. هنزل أنا وأنتِ يا مريم نختار للبت دي هدية. بدل ما تفضحنا." ليليان: بغمزة: "أيوه بقى. هو ده الدكتور تيم. تسلم يا كبير." تالين: بفرحة: "مبروك يا أبلة مريم." ميرو: لفت ليها. وضحكت: "أهلاً روح قلبي اللي دعيتيلي كتير. تعالي هاتِ بوسة لأختك حبيبتك." تالين: جريت عليها بسعادة. وحضنتها.

وقالت: "أنا كلمت ربي كتير. وحلمت بيكي وقت الفجر." ميرو: طلعتها من حضنها بابتسامة. ومسحت على حجابها: "حلمتي بيا؟ تالين: "أيوه. بس خوفت في الأول. لكن نهاية الحلم كانت جميلة. أنا قولته لـ تيتة مريم." ميرو: بعدم فهم: "حلم إيه ده اللي تخافي منه؟ وبعدين دي أضغاث أحلام. متقلقيش من حاجة." ليليان: بفضول: "بتقولك وقت الفجر. أكيد رؤية. قولي يا بت يا توتا. حلمتي بإيه؟ فضولي هيقتلني." تالين: رفعت راسها لـ ميرو: "أقول يا أبلة؟

ميرو: بابتسامة صافية: "قولي يا قلب الأبلة."

تالين: "أنا حلمت. خير إن شاء الله. إنك ماشية في طريق عادي، وكان معاكي كتب الجامعة. وطول الطريق ده يطلع مطبات قدامك. وبعد كده فجأة أنتِ سمعتي صوت حد بينادي عليكي. بس أنا معرفش صوت مين، لأنه مكنش واضح أوي، وكان صوت واحدة ست. وأنتِ خوفتي من صوتها. وجريتي منها. جريتي بسرعة كبيرة أوي. وفجأة ظهر حفرة كبيرة قدامك ووقعتي في الحفرة دي. وكنتي بتصرخي بصوت عالى ومحدش سامع صوتك. بس بعد كده لقيتك مرة واحدة بعيدة عن الحفرة دي.

وجه حد وقالك: 'أنتِ لو مكنتيش وقعتي في الحفرة دي، كنتي هتقعي في حفرة أكبر منها ومفيش منها خروج أبدًا'. وف رسالة ليكي وقالك قولى ورايا: 'اللهم وإن إستحالت.. بأمرك تكون'. وأنتِ قولتيها كتير. وبعد كده نزلت من السما وردة بيضا جميلة أوي بين إيديكي. وبعد كده بدأت السما تمطر. وأنتِ ضحكتي وكنتي فرحانة أوي. وقمتِ من النوم على صوت أذان الفجر." ميرو: كشرت عينيها: "حلم غريب." ليليان: "اوبا. أنا عرفت تفسيره." تيم:

ربع إيديه: "وقال: قولى يا فصيحة يا مفسرة الأحلام." ليليان: رفعت ياقة الفستان بكبرياء: "وقالت: طبعًا يا ابني. هو أنا أي حد؟

بصي يا ستي التفسير. أنتِ رايحة الجامعة عادي وشايلة الكتب. وصوت الست دي هو صوت دادة زينب ندهت عليكي عشان تشربي كوب اللبن. وأنتِ جريتي منها. هههههه. وظهر قدامك عوض جوزها في الجنينة ههههه. ووقعتي لما شفتي الكلب ماكس اللي مخوفنا بيه سي آركان. وبعدين أنا بقلبي الكبير هاجي وأساعدك وأنقذك وأجبلك وردة من الجنينة وأقولك احمدي ربنا لو مكنتش اتخضتي من عوض، كان ماكس هيشلوحك ههههههههه. الله عليكي يا ليليان وأنتِ مفسرة أحلام وهبلة كدا هههههههه."

كلهم ضحكوا عليها. ميرو: "هههههه، أنتِ تتجوزي بسرعة عشان كده خطر على مخك." ليليان: "هههههه، حاسة بأختك. أنا بقول كده بردو." مريم: "ربنا يجعله خير إن شاء الله. المهم خلونا نفرح بنجاح أحفادي." فريحة: أخدت ميرو في حضنها بفخر كبير. وهمست: "أبوكي هيفرح جدًا يا ميرو." ميرو: خرجت من حضنها بسرعة: "يا خبر. أنا مقولتش لبابا آدم." وطلعت فونها بسرعة. واتصلت على آدم. ورد على طول. آدم: بابتسامة: "روح جدها ناجحة، مش كدا؟

ميرو: قعدت على الكرسي. بابتسامة هادية: "أيوه فعلاً نجحت. وأنت مش جدو، أنت بابا وبس." آدم: عيونه لمعت بدموع: "ألف ألف مبروك يا روحي." ميرو: بحب: "امتياز مع مرتبة الشرف، والأولى على الجامعة يا بابا." آدم: بفخر وسعادة: "كنت متأكد. إن أول حفيدة لعيلة العدوي هترفع راسي. وعشان كده، شاوري. على أحسن برج في القاهرة كلها. وقوليلي عايزة العيادة بتاعتي هنا. ولو عايزة مستشفى. من بكرة أجهزلك فيها. أنتِ بس شاوري يا مريم." ميرو:

بسعادة كبيرة: "لسه بدري. لما أحضر الماجستير والدكتوراه قدامي. على الأقل 3 سنين." كفايه عليا فرحتك دي وبس يابابا. أنا مش عايزة غير إنكم تكونوا مبسوطين. آدم: وهو حد يكون عنده مريم وميكونش مبسوط؟ دي أنتِ بنت قلبي وبنت الغالي. ميرو: مسحت دموعها. تسلم لي قلبي يا حبيبي يا رب. ها هتيجي بدري عشاني انهارده؟ آدم: من عيوني. ساعة بالكتير. وأجيب عمك زين وأكون عندك. ميرو: بابتسامة. خلاص هستناك إن شاء الله. بعد شوية.

رينو: داخلة بلهفة. تيم حبيبي عملت إيه؟ تيم: كشر عينيه. وهز راسه. تمام يا دكتورة. رينو: حبيبي أنا آسفة. أنا عارفة إنك زعلان مني. بس والله العظيم. العيادة انهارده كانت زحمة جدا. تيم: حط إيده في جيبه. أتمنى إن اللي حصل ده ما يتكررش. تمام يا رينو؟ رينو: ضحكت. حاضر. أول وآخر مرة. المهم طمني. تيم: بيعدل ياقة القميص. امتياز طبعًا يا رينو.

رينو: عيطت بسعادة. وأخدته في حضنها. ألف مبروك يا حبيبي قلبي. ألف مبروك. أنا بجد مبسوطة أوي. تيم: بص على رأسها. حبيبتي الله يبارك فيكي. رينو: وأنتِ يا ميرو. طمنيني عليكي يا روح عمتك. ميرو: بسعادة. نجحت الحمد لله يا عمتو. رينو: باركت ليها. وسلمت على الكل. آرين: سابت آركان يقفل العربية. ودخلت تجري. تيموووو. تيموووو. ووقفت قدامه بطفولية وبتنهج. تيم: بس بس. حاولي تهدّي. خدي نفسك يا مجنونة أنتِ.

آرين: بتنظم أنفاسها. قول لي. قول لي نجحت مش كده؟ تيم: يا حبيبتي عندك شك؟ آرين: ولا صفر في المية. ههههه. تيم: ههههه. خلاص يبقى نجحت. آرين: اتنططت على الأرض. وااااو. بجد ألف مبروك يا تيممووو. وغمضت عينيها وفتحت ببراءة الأطفال. هتجيبي لي هدية نجاحك مش كده؟ تيم: هههههههه. كده. عيوني ليكي يا حبيبتي. ميرو: قاعدة. والدموع متجمعة في عينيها. وحاولت تفكر بإيجابية.

آرين: أوكي. وجريت على ميرو بمرح وقالت. ميرووو القمر. نجحتي صح صح؟ ميرو: ضحكت بحب. رغم إنها بتغير غصب عنها. لكنها بتحب آرين جدًا. وحطت إيدها على خد آرين. وضحكت. أيوه يا حبيبتي نجحت الحمد لله. آرين: بسعادة. وااااو. بجد بجد أحلى يوم. هاتي حضن كبير بقى. وحضنوا بعض بسعادة. آركان: دخل وسلم على الكل. وبارك لتيم وميرو. وهيقعد شوية وبعدها هيطلع على الجيم.

فريحة: قلبها مبسوط. وماسكة الفون في إيدها. يلا بقى اتصل يا مراد. اتصل عشان أفرحك ببنتك يا حبيبي. محمد: وصل فيلا العدوي. ونور نزلت بسرعة. وكمان تمارا. ودخلوا الفيلا. نور: جريت بفرحة وندهت تيم. تيم: قام بسرعة. وقابلها. على مهلك يا نوري. وأخدها في حضنه. نور: بعياط. ألف مبروك يا روحي. ألف مبروك يا حبيبي قلبي. تيم: اتخنق. وطلعها من حضنه. ومسح دموعها. وبعدين بقى. بتعيطي ليه دلوقتي؟

نور: ضحكت بدموع. ومسكت وشه بإيديها. أنا بعيط من فرحتي. تعب أبوك مراحش على الفاضي. سهرك وتعبك مراحش على الفاضي يا حبيبي. تيم: بص على إيدها. وتعبك أنتِ كمان يا ست الكل. أنتِ ناسيه أنتِ عملتي إيه عشاني؟ واللي أنا فيه دلوقتي ده بفضل الله ثم أنتِ وبابا. ربنا يبارك لي فيكم يا رب. تمارا: مامامي بليزز سيبى تيم بقى أسلم عليه. نور: بصت على جبينه بحب كبير. وابتسمت بحب. ألف ألف مبروك يا روحي. تيم: الله يبارك فيكي يا ست الكل.

تمارا: اتشعلقت في رقبته. ألف مبروك يا قلبي. تيم: رفعها من على الأرض. وضحك. الله يبارك فيكي يا روحي. تمارا: في حضنه. هتجيبي هدية لأختك حبيبتك مش كده؟ تيم: همس في ودنها. جبتهالك أصلًا يا حبيبتي. وأنا عندي كام تيما. وطلعها من حضنه. بابتسامة. تمارا: بفرحة. واااو بجد. طيب قول لي بالله عليك جبت لي إيه؟ تيم: حرك إيده على أنفها بمرح وقال. جبت لك السلسلة الفضة اللي أنتِ كنتِ نفسك تجيبيها أونلاين.

تمارا: شهقت بسعادة. بجد بجد يا تيم؟ أنت أحسن أخ في العااااالم كله. تيم: وأنتِ أجمل تيما يا قلبي. يلا روحي باركي لميرو. تمارا: بسعادة. حالًا. نور: حضنت ميرو. ألف مبروك يا حبيبة عمتك. ميرو: بسعادة. الله يبارك في حضرتك يا عمتو. نور: مسحت على حجابها. كنت أتمنى مراد حبيبي يكون موجود. وأشوف الفرحة في عينيه. ميرو: عينيها لمعت بدموع. إن شاء الله ربنا يرجعه لينا بالسلامة. تمارا: حضنتها. ألف مبرووووك يا قلب تيما.

ميرو: بسعادة. حبيبتي يا تيما. ميرسي يا قلبي. مريم: تعالي يانور. تعالي اقعدي جمبي. ألف مبروك يا حبايب قلبي. نور: قعدت جنبها وبصت على إيدها. الله يبارك في عمرك يا مامي. أنا مبسوطة أوي أوي بجد. رينو: مش أكتر مني يا نور. بجد أنا فخورة بتيمو أوي. ألف مبروك يا حبيبتي. ويا رب تفرحي ب تيما قريب إن شاء الله. نور: تسلمي يارينو يا حبيبتي. وتفرحي برجوع فهد بالسلامة إن شاء الله. رينو: اتنهدت باشتياق كبير. اللهم آمين يارب.

محمد: من على باب الفيلا. احم احم يا أهل الدار. رينو: نزلت النقاب. آرين: بمرح. اتفضل يا دكتور. الدار دارك. محمد: دخل وشاف الكل متجمع ومبسوطين. تيم: قام وقف واستقبل أبوه. محمد: بيكابر دموعه. وقرب من ابنه. وحضنوا بعض بحب كبير. محمد: بصوت مبحوح. مبروك يا دكتور. تيم: ابتسم بصمت. وقلبه مبسوط جدًا. الله يبارك فيك يا بابا. محمد: ربت على كتفه. طول عمرك رافع راسي. وراجل يعتمد عليه يا تيم يا ابني. تيم: ابتسم. تربيتك يا حج.

محمد: ضحك. وقرب من ميرو. وسلم عليها. مبروك يا حبيبتي. وضمه لقلبه بحب كبير. وزعلان عليها. لأنه أكتر واحد عارف إزاي بتكون نظرة العشق من طرف واحد. ميرو: ابتسمت. الله يبارك في حضرتك يا دكتور. محمد: سلم على مريم الكبيرة. وبص على إيدها. وقعد جمب نور والكل مبسوط. أشرف: اتصل على تيم. وبارك له. وبعدها. رنا اتصلت وباركت له ولميرو. وطارق وكل العائلة عرفت بالخبر الجميل ده. والكل بارك وهنى.

وكل العائلة بتجهز عشان يروحوا يباركوا بنفسهم في فيلا العدوي. وفريحة: قاعدة وماسكة إيد ميرو بنتها بسعادة كبيرة جدًا. وتالين قاعدة مبسوطة. بعد نص ساعة تقريبًا. مريم: قامت. أنا هروح أقول لعزيزة. تعمل كيكة النوتيلا. عشان نور. وميرو. وكمان آرين. القمر دي وتوتا قلبي. آرين: باستها على الهوا. والله أنتِ أجمل ماما مريم في الدنيا كلها. بحبك أووووي.

مريم: ماشية بتضحك على آرين. ورفعت عينيها بالصدفة. شهقت وفتحت عينيها على الآخر. آدم؟