رواية جريمة عشق الفصل الرابع والخمسون 54 - بقلم مريم نصار

بعد نص ساعه تقريبا. شاهين واقف قدام بوابة الفيلا. شاف واحد شاب نازل من التاكسي، طول بعرض، ولياقته البدنيه عاليه، وداخل الفيلا شايل شنطه ع كتفه. شاهين: وقف قدامه. حضرتك رايح ع فين؟ آدم مراد: رفع طرف عينيه وقال بعدم اهتمام. انت جديد هنا مش كدا؟ شاهين: ابتسم. أيوه فعلا وده اول يوم ليا. وأنا بشوف شغلي، وباقي الحرس جوه بيتغدوا. آدم مراد: طلع كارنيه الكليه ورفعه قدام عين شاهين ومتكلمش.

شاهين: بيقرا الكارنيه. آدم مراد العدوي. كليه حربيه. احم. اتفضل حضرتك. أنا بعتذر. آدم مراد: هز راسه. متعتذرش، انت بتشوف شغلك. ممكن ادخل بقى؟ شاهين: اتحرك. طبعًا يافندم اتفضل. آدم مراد: هز راسه تمام متشكر. واتحرك خطوه وقال بصوت مسموع. انت جاي من طرف كابتن رعد مش كدا؟ شاهين: ابتسم. فعلا ياباشا. أنا من طرفه. آدم مراد: هز راسه. تمام، يا... شاهين. شاهين: بدهشه. إيه ده؟ عرف اسمي إزاي؟

آدم مراد: ماشي في جنينة الفيلا وظهر شبح ابتسامه بسيطة. وقال. متفكرش كتير عشان متتعبش. شاهين: واقف بحيرة. وبعدها افتكر الخاتم اللي هو لابسه وعليه اسمه ومكتوب بحجم صغير جدًا. وابتسم. وقال. ما شاء الله. في ثانية لمح وشاف اسمي ع الخاتم. واضح عليه إنه ذكي جدًا. آدم مراد: داخل الفيلا وجواه حماس متداري. وعيلته وحشاه جدًا. مريم: قامت. أنا هروح أقول لعزيزه تعمل كيكة النوتيلا عشان نور وميرو. وكمان آرين القمر دي وتوتا قلبي.

آرين: باستها ع الهوا. والله انتي أجمل ماما مريم في الدنيا كلها. بحبك أووووي. مريم: ماشيه بتضحك ع آرين. ورفعت عينيها بالصدفة. شهقت وفتحت عينيها ع الآخر. آدم؟ آدم: داخل من باب الفيلا وعيونه جت ع مريم. وابتسم بسعادة. وقلع الشنطه ونزلها ع الأرض. واتحرك عندها. الكل انتبه. وفريحه وميرو قاموا بسرعة وقلبهم دق بفرحة كبيرة. وتالين سقفت بفرحة كبيرة. مريم: ضحكت بدموع. وفتحت ايديها. آدم ابن قلبي وروحي.

آدم مراد: اخدها كلها في حضنه. حبيبتي وحشتيني جدًا. مريم: بتعيط بصمت. انت اللي وحشتني قوي يانور عيني. حمد الله ع سلامتك ياحبيبي. آدم مراد: طلعها من حضنه وباس ع ايديها الاتنين. وباس جبينها. وحشتيني قوي ياماما. عاملة إيه ياحبيبتي. ومسح دموعها. مريم: بتحسس ع دراعاته وكتفه وصدره. أنا بخير ياروحي. قولي انت كويس. حصل معاك لا قدر الله أي مكروه. صحتك كويسة طمنيني يانور عيني.

آدم مراد: والله العظيم أنا زي الفل. وجيتلك جري. قولت يا آدم مش لازم تطلع ع شركة الحج الأول. لأ روح ع البيت وطمن ست الكل. وكمان أمي حبيبتي. فريحه: من ورا بصوت مبحوح ودموعها نازلة. همست. آدم ابني. آدم مراد: لف ليها وابتسم. وقرب منها وباس جبينها. وضمها بحب كبير. أمي وحشتيني قوي. فريحه: عيطت بصوت عالي. حبيبي قلبي وروحي يا آدم. حمد الله ع سلامتك يانور عيني. انت وحشتني قوي قوي يبني.

آدم مراد: طلعها من حضنه وباس ع أيدها. بس بس يا ست الكل بتعيطي ليه دلوقتي؟ أنا قدامك أهو. روّقي كدا عشان أسلم ع البت ميرو. ميرو: جريت عليه بلهفة واتشعلقت في رقبته. آدم أخويا حبيبي. آدم مراد: رفعها من ع الأرض ولف بيها. مريم حبيبتي وحشتيني قوي يابنت اللذين انتي. ميرو: بتعيط بفرحة. انت اللي وحشتني قوي يا آدم بجد أنا فرحانة أوي إنك جيت النهارده.

آدم مراد: نزلها وباس ع راسها. ومسح دموعها. بس ياميرو. بس ياحبيبتي. بطلي عياط انتي وماما ماينفعش كدا. ميرو: ضحكت بدموع الفرح. حاضر ياحبيبي. آدم أنا نجحت النهارده. آدم مراد: ضحك بسعادة كبيرة. بتتكلمي جد؟ ألف مبروك ياروحي. وباسها من خدها وضمها لقلبه. ألف مبروك ياحبيبتي. ميرو: اتنهدت بأريحيه. الله يبارك فيك ياحبيبي. تالين: جريت عليه بفرحة. أبيه آدم. أبيه آدم.

آدم مراد: فتح ايديه وشالها لحضنه ولف بيها كتير. توتا روح قلب آدم انتي. تالين: بتضحك بسعادة كبيرة. أبيه آدم. الحمد لله إنك رجعت بالسلامة. أنا فرحانة أوي يا أبيه. آدم مراد: نزلها وباس ع ايديها الاتنين. وابتسم. وأنا مبسوط عشانك انتي ياقلبي. محمد: من الليفنج. قال. مش كفاية بقى سلامات هناك. تعالى يبني سلم علينا في ناس موجودة هنا والله.

آدم مراد: رفع عينيه وابتسم. لكن عينيه أول ما شافت آرين. قلبه دق بسرعة كبيرة. وقرب عليهم. وسلم ع محمد. محمد: حمد الله ع سلامتك يا بطل. ما شاء الله تبارك الله عليك يا آدم. آدم مراد: ابتسم. إزيك حضرتك يادكتور. عامل إيه؟ محمد: ربت ع كتفه. الحمد لله ياحبيبي. آدم مراد: راح سلم ع تيم. وبيسرق نظرات لل فرضت لعنت عشقها عليه. إزيك يا دكتور تيم.

تيم: بسعادة كبيرة. الحمد لله يا آدم. بجد وحشني جدًا يا وحش. حمد الله ع السلامة نورت بيتك. آدم مراد: هز راسه. الله يسلمك. وأكيد انت كمان نجحت مش كدا؟ تيم: هز راسه. أيوه يسيدي الحمد لله. آدم مراد: رفع طرف عينيه ل آرين. ألف مبروك يا تيم. تيم: ربت ع كتفه. الله يبارك فيك. عقبالك إن شاء الله. آدم مراد: هانت أهي. وراح سلم ع نور. عمتو حبيبتي عاملة إيه؟ نور: ضحكت بدموع. حبيبي آدم ألف حمد الله ع السلامة ياروحي.

آدم مراد: الله يسلمك ياحبيبتي. ومسح دموعها وباس جبينها. وراح عند رينو وضمها لقلبه بحب كبير. عمتو لارين حبيبتي. رينو: بدموع. آدم حبيب عمتو ياروحي انت. حمد الله ع سلامتك يقلب عمتك. آدم مراد: مسح دموعها. وباس جبينها. الله يسلمك ياحبيبتي. وبص ع لي لي. وابتسم. إزيك يا لمضة هانم. ليليان: هههه. آدم إزيك ياواد. وانت داخل علينا كدا. قولت أوبااااااا. مين الحتة الأجنبي اللي داخل علينا دا؟

لا يا جماعة أنا هرتبط خلاص. يقوم ألاقييك انت ههههه. إزيك يا بن عمي. ما شاء الله عينى عليك باردة جدًا ههههه. آدم مراد: يابت افصلي خليني أطمن عليكي. ليليان: اختك زي الفل. وكملت بطفولية وقالت. ونفسها تخرج وتتفسح. والحمد لله إنك رجعت بالسلامة. كدا أنا ضمنت خروجة لينا وع حسابك. آدم مراد: ابتسم. وماله عينيا ليكو. وقرب من آرين باشتياق كبير متداري. وقلبه بيدق بسرعة كبيرة. لكن ظاهر ع ملامحه جمود وجدية. إزيك يا آرين؟

آرين: بسعادة كبيرة. الله يسلمك يا آدم. حمد الله ع سلامتك. آدم مراد: الله يسلمك. عاملة إيه؟ آرين: أنا كويسة جدًا الحمد لله. بجد انت كل إجازة بتنزل فيها بتبهرنا عن المرة اللي قبلها. چان بجد. صح يا مامي. رينو: آدم ابن أخويا طول عمره چان وقمر وكل حاجة حلوة. آدم مراد: نفسه يقولها وحشتيني. واكتفى بشبح ابتسامه وهز راسه. متشكر. فريحه: قربت منه بفرحة كبيرة. جعان ياحبيبي؟

آدم مراد: هز راسه. لأ يا ست الكل. أنا بس هطلع آخد شاور وأنزل بسرعة. فريحه: ابتسمت. طيب اطلع معاك. أجهزلك هدومك. آدم مراد: باس ع أيدها. لأ ياحبيبتي متتعبيش نفسك. أنا هطلع بسرعة ومش هتأخر عليكم. بعد إذنك يادكتور. محمد: ابتسم. اتفضل ياحبيبي خد راحتك. آدم مراد: عيونه ع آرين. واتحرك. وابتسم ل مريم ومسد ع حجاب تالين بهزار وباسها ع الهوا. واخد شنطته وطلع ع فوق. فريحه: بلهفة. ماما أنا هقول لزينب تعمل أكل آدم اللي بيحبه.

مريم: ضحكت. وماله ياحبيبتي. وخليها تعمله عصير المانجا وتجهزوه ع ما ينزل. فريحه: بسعادة ولخبطة. أ. أيوه. أيوه صح آدم بيحب عصير المانجا. وجريت ع المطبخ بفرحة كبيرة. في نفس الوقت. فيلا عزيز. كريم: ها يابابا. هنروح نطلب ليليان إمتى؟ يوسف: بنفاذ صبر. استغفر الله العظيم يارب. يبني دي عاشر مرة تسألني السؤال ده وأقولك معادنا بكرة. بكرررره. إيه صعبة إنك تستوعب؟

كريم: نفخ بنفاذ صبر. يابابا ياحبيب قلبي. وهي يعني هتفرق إنها النهاردة من بكرة؟ يوسف: أيوه تفرق كتير كمان. تفرق لأن جدك أشرف ادى كلمة لجدك آدم. وعيب إننا نرجع ف كلامنا. واهدى يبني مجتش من يوم. مريم: جت وجايبة القهوة. وضحكت. معلش ياحبيبي انت عارف كريم عايز كل حاجة تتم بسرعة. كريم: ياست الكل بسرعة فين بس؟

دا أنا بقولكم إني أعجبت بليليان من إعدادي. ده أنا أكتر واحد حاسس إني حياتي أبطأ من السلحفة نفسها. وتقولولي عايز كل حاجة بسرعة. أنا مظلوم والله. مصطفى: بمكر. مش عارف أنا. جواز إيه يبني دلوقتي. ولا انت عشان هتخش الجيش خلاص مستعجل ع الجواز. أهدى كدا يا كيمو. واعتبر نفسك داخل الجيش وقدامك ٣ سنين وتخلص. أنا بقول يا حج يوسف إيه رأيك لو تأجل حوار جواز كريم أخويا ٣ سنين كمان. يوسف ومريم ضحكوا ع شكل كريم.

كريم: صك ع أسنانه بغيظ واضح. وقال بنرفزة. أقسم بالله لو ما الحج قاعد كنت علقتك. مااااشي يامصطفى. مريم: كاتمة الضحكة. احم بس يامصطفى عيب كدا. كريم أخوك الكبير ولازم تخلي بالك من كلامك معاه. مش كل شوية ترخم عليه كدا؟ يوسف: بخبث. اله. هو مصطفى قال حاجة غلط يامريم. الولد بيقول رأيه مش أكتر. مش كدا يا درش.

مصطفى: رقص حواجبه ل كريم. الله ينور عليك يابابا. أنا كنت بقول رأي مش أكتر. ويسلام لو أخدت برأيي يا حج واجلت الجوازة. وضحك وغمز ل كريم. كريم: هز راسه ل مصطفى بتوعد. وقال بحركة من شفايفه بهمس. ماااشي يابتاع چود. أنا هاقول لجدك أشرف. مصطفى: بتوتر. احم. أنا بقول نطلب إيد ليليان النهارده يا حج. وخير البر عاجله. يوسف ومريم بصوا لبعض وضحكوا.

مريم: هههه. خلاص يا ولاد. زي ما جدك أشرف اتفق هايتم. وقوموا يلا اطلعوا البسوا عشان نروح نبارك ل تيم وميرو عند عمو آدم. كريم: قام وقف بسرعة. في ثواني هكون جاهز. يوسف: بدهشة. الواد ده ماله ملهوف كدا ليه؟ مريم: ههههه معلش ياحبيبي سيبه يعيش حياته بسعادة. وبصت ل مصطفى. اطلع يامصطفى ياحبيبي. البس عشان جدك اشرف مايستعجلناش. زمانه نازل هو ونانا هنا. مصطفى: قام. حاضر يامريوم عشان خاطرك بس. وطلع.

يوسف: ههههه العيال زي ما تقول لي مولودين من فوق روس بعض. ياستار إيه ده. مريم: هههه بصراحة مصطفى ابنك بيعاند كريم كتير. وانت طبعاً على قلبك زي العسل. يوسف: ابتسم بتنهيدة. وبص قدامه. مصطفى عزيز. مهما يعمل هيكون على قلبي زي العسل. فيلا زياد جمال. ماليكه: لبست وجاهزة. واتصلت على زياد. ورد. زياد: الو. حبيبتي. ماليكه: الو. أيوه يازيزو انت اتأخرت ليه؟

زياد: حبيبتي غصب عني. أنا لسه خارج من المينا مافيش ساعة. بصي كلها نص ساعة وأكون عندك. ماليكه: بصت في الساعة. وقالت توصل بالسلامة إن شاء الله. مع إن ياسين ابنك مستعجل جداً. ولابس ومكهربنا أنا وحياة. زياد: بتفكير. امم طيب بقولك إيه ياروحي. بما إنكم جاهزين. اسبقوني انتوا على فيلا العدوي. وأنا هحصلكم على هناك. ماليكه: إيه ده؟ طيب مش هتتغدى قبل ما نروح؟

زياد: لأ ياروحي. بصي إحنا هنبارك لتيم وميرو. ونخرج أنا وانتي والولاد ونتغدى بره. إيه رأيك؟ ماليكه: أيوه ياحبيبي بس أنا عاملة غدا. زياد: يستي خليه لبكرة إن شاء الله. إحنا من زمان مخرجناش مع بعض. عشان خاطر حياة بنتك حتى. إيه رأيك؟ ماليكه: ابتسمت بحب. خلاص ياحبيبي زي ما تحب. زياد: ماشي ياحبيبتي. يلا انزلي بقى. ونبهي على ياسين يسوق على مهله تمام. ماليكه: ههههه حاضر ياحبيبي. مادام أنا معاه متقلقش. هشيله من ودانه.

زياد: ضحك. تمام ياروحي. نص ساعة إن شاء الله وأكون هناك. مع السلامة. ماليكه: توصل بالسلامة إن شاء الله. مع السلامة ياحبيبي. وقفلوا. ياسين: خبط بنرفزة. ياااامااااما لسه بدرى؟ ماليكه: اتخضت. وقامت فتحت الباب. إيه ياواد يا ياسين. حاضر. انت مستعجل ليه كده؟ ياسين: بتوتر. احم. انتي متعرفيش الجديد ياماكي؟ ماليكه: بتجيب شنطتها. لأ إيه بقى الجديد ياروح ماكي. ياسين: آدم مراد. جه انهارده.

ماليكه: ابتسمت بجد. والله خبر حلو جداً. وعرفت منين؟ هو كلمك؟ ياسين: لأ. أنا اتصلت على الدكتور تيم. وقالي إن آدم لسه راجع مافيش نص ساعة. ماليكه: طيب الحمد لله. يلا بقى بابا قال نسبقه إحنا وهو هيحصلنا على هناك. ياسين: بفرحة كبيرة. تمام أوي أوي. يلا بينا. ماليكه: بحيرة. أنا مش فاهمة انت مستعجل أوي كدا ليه. المهم هتسوق وإحنا معاك على مهلك. عشان متنرفزش عليك. فاهم يا حضرة الظابط؟

ياسين: خطف بوسة من خدها. فاهم يقلب ياسين. بس يلا بقى. ماليكه: ابتسمت بحب. وخرجت وندهت على حياة. وخرجوا على فيلا العدوي. فيلا الصاوي. جاسر: قاعد على طرف السرير. وجاهز من بدري. ملك: لبست وجهزت. حبيبي أخذت علاجك؟ جاسر: أيوه ياحبيبتي متقلقيش. ملك: ربنا يشفيك إن شاء الله ياحبيبي. يلا أنا جاهزة. جاسر: قام. وقفل جاكيت البدلة. وأنا جاهز. يلا بينا. ملك: هنستنى مالك وسارة. ولا هنمشي إحنا؟

جاسر: لأ أنا هاخد كارما معايا. وهما حريين يحصلونا براحتهم. ملك: ابتسمت. تمام. يلا بينا. واتحركوا. عند مالك. سارة: خارجة من الحمام. وبصت على مالك وقالت. إيه ده. انت لسه مالبستش؟ مالك: بص من الشباك. وشاف جاسر أخد كارما وخرجوا. وقال. هو أسر فين؟ سارة: آسر مع أركان في الجيم. ليه؟ مالك: بمكر. يعني إحنا لوحدنا.

سارة: أيوه تخيل. وبعدين يلا بقى ياحبيبي. أنا انهارده سبت الشركة وأخدت نص يوم بس عشان أبارك لعمو آدم على نجاح أحفاده. مالك: قرب منها. وحاوطها من وسطها. طيب ومالك الغلبان ده مالوش ساعة حتى عندك؟ ده حتى حرام. سارة: بحرج. احم. مالك. إحنا متأخرين و... مالك: قرب منها وباسها باشتياق كبير. وبعدها حط جبينه على جبينها وقال. إنتي وحشاني أوي أوي يا سارة. حرام عليكي. إنتي بقالك فترة كبيرة بعيدة عني. أنا مش وحشتك؟

سارة: قلبها بيدق بسرعة. ومحرجة. مالك. إحنا ورانا مشوار ولازم... مالك: قاطع كلامها. وباسها برقة وبشوق كبير. وسارة تايهت في عشقها لمالك. وقرب منها بحب كبير. فيلا العدوي. آدم مراد: في الحمام بياخد شاور وواقف تحت الدش. وسرحان في عيون آرين. وإنها كل ما تكبر بتحلى أكتر. وغمض عينيه. وعايز يعترف بعشقه ليها. لكن شايف إنها لسه صغيرة. غير كدا كان اعترف قدام الناس كلها إنها ملكة قلبه وبس.

وقبض على إيديه بغضب شديد. وكل خوفه من إن تيم وآرين يكونوا بيحبوا بعض. وقتها آدم مش عارف ممكن يعمل إيه. بعد شوية. خرج من الحمام. ولابس بنطلون فقط. ورايح على الدولاب. وطلع تيشيرت وبيلبسه. الباب خبط. ومحدش يقدر يدخل من غير إذن آدم. وده طبع فيه. آدم مراد: ادخل. فريحة: دخلت بابتسامة. آدم حبيبي. أنا كنت طالعة أجهز لك هدومك. آدم مراد: ابتسم. لا ياست الكل. أنا خلاص خلصت.

فريحة: قربت منه وبتعدل ياقة التيشيرت. وقالت بدموع فرح. أنا مش مصدقة إنك رجعت بالسلامة ياروحي. انت كنت وحشني أوي أوي يا آدم يبني. آدم مراد: باس على إيدها. وإنتي كمان ياست الكل كنتي وحشاني جداً. لكن غصب عني سامحيني. فريحة: أسامحك على إيه ياروحي. قلبي راضي عنك ديماً. وبدعيلك انت ومراد ربنا يحفظكم في كل طريق. آدم مراد: ربنا ما يحرمناش منك أبداً ياحبيبتي. فريحة: مسحت دموعها وابتسمت. على فكرة جدك آدم وصل تحت. وعمك زين.

إحنا مقولناش لهم إنك وصلت بالسلامة. خلينا ها مفاجأة لما انت تنزل بنفسك. آدم مراد: بابا آدم ده وحشني بطريقة رهيبة جداً. طيب ياحبيبتي انزلي انتي. وأنا هظبط نفسي ونازل على طول. فريحة: حاضر ياحبيبي. متتأخرش عشان الغدا جاهز. وخرجت. آدم مراد: وقف قدام المراية وسرح شعره. ولبس الساعة ورش برفانه. وشغل فونه. وخرج من الأوضة. آدم: في الليفنج. قاعد وواخد ميرو جنبه في حضنه. ومبسوط وفخور بيها.

ليليان: بغيره. وبعدين بقى في قلة العدل والمساواة دي. أشمعنى ميرو يعني؟ كلهم ضحكوا. آدم: بضحكة. يابت ياغلباوية انتي. دا انتي أكتر واحدة واخدة الدلع كله. انتي معايا من الصبح في الشركة وكمان في مكتبي. ومهتم بيكي لحد ما بنروح. وبتتكلمي عن المساواة والعدل.؟ ليليان: بصراحة يا بابا انت ما يتشبعش منك أبداً. وبصراحة أكتر أنا متغاظة وعايزة أقعد جنبك. آرين: بطفولية. يا سلام. وليه أنا بقى اللي مقعدش جنبه؟

أشمعنى انتي تقعدي جنبه في الشركة وهنا كمان وأنا لأ؟ لأ أنا مش هسمح بكدا أبداً. ولا إيه يا تيم؟ تمارا: بغيظ. بصراحة البت ليليان دي مكوشة على بابا آدم. ولو مالمتش نفسها وبعدت عن حقنا في بابا أنا مش عارفة ممكن أعمل فيها إيه. كلهم بيضحكوا وبيهمسوا لبعض. آدم: همس ل ميرو. إيه رأيك مش المفروض أتغر بزمتك. ٣ بنات زي القمر بيتخانقوا عليا.

ميرو: كشرت عينيها وقالت بغيره. خلي بالك هما ٤ بنات. لكن اللي هتقرب منك أكتر مني صدقني هقتلها. انت بابايا وحبيبي أنا وبس. آدم: بتمثيل الدهشة. ليه كدا بس يا بنتي. بتقطعي عليا ليه؟ ميرو: ابتسمت. تحب نشوف رأي ماما مريم في الموضوع ده؟ آدم: ضحك. لأ. خلينا كدا عايشين بناكل عيش في أمان الله. مش عايزين نعد الجثث دلوقتي. ههههه. ميرو: هههههه مسيطر يابابا. آدم: هههههههه جداً.

آرين: بغيره كبيرة وقفت قدام آدم. بابا آدم. ممكن أعرف انتوا بتهمسوا وبتضحكوا على إيه؟ مريم: ابتسمت بحب كبير. على أحفادها اللي بيعشقوا جدهم. وغضب آرين الطفولي. وقامت من جمب آدم. وقالت. أنا هطلع ألبس إسدال عشان العيلة زمانها على وصول. وغمزت ل آدم على آرين. آدم: شاور ل آرين. تعالي ياحبيبة جدك اقعدي جمبي هنا. آرين: صقفت. يس يس. يعيش بابا آدم. البقاء للأقوى. وقعدت جنب جدها. آدم: ضحك عليها. وحاوطها من كتفها. ها مبسوطة كدا؟

آرين: جداً يابابا. حضرتك متعرفش أنا بحبك أوي قد إيه. ليليان: بغيره. بس يابت. محدش بيحب بابا قدى أنا. تمارا: بغيظ. لأ بقى. مش عشان أنا ساكتة. حقي في عشق ال آدم يضيع. أنا أحتج وأعترض. كلهم ضحكوا. آدم: ههههه والله جه اليوم اللي أحفادك يتخانقوا عليك فيه يا آدم يا عدوي. وكمل وقال. طيب خلاص أنا هقسمها. ميرو وآرين القمر دي هيقعدوا جمبي ساعة تمام. وبعدها ليليان اللمضة وتيما حبيبتي هيقعدوا جمبي ساعة بردو.

أما توتا قلبي تقعد جنبي براحتها. أها. عرض منصف لجميع الأطراف. رينو: كشرت عينيها بغيره. طيب وبناتك بقى يا سي بابي. انت نسيتنا ولا إيه؟ نور: بغيره أكبر. على فكرة بقى. العيال دي أخduك مننا. وشكلي كدا هتجه لطرق غير مشروعة. وأخطفك يا حج آدم. الكل ضحك بصوت عالي. آدم مراد: نازل من على السلم ومبتسم. آدم: بكبرياء. فعلاً الإمبراطور اسم على مسمى. العيال بتتخانق عليا. ولسه أميرتي لما تنزل.

آرين: مدام فيها أميرتك يبقى الله يرحمنا برحمته بقى. آدم مراد: السلام عليكم. آدم: سمع صوت حفيده. ورفع عينيه بدهشة. وابتسم بسعادة. آدم حفيدي. آدم مراد: قرب من جده. ازيك يا بابا. وحشني جداً. آدم: قام وقف. وشاف آدم حفيده بهيبة كبيرة. وابتسم وأخده في حضنه. فترة كبيرة. كأنه بيحضن مراد ابنه. وغمض عينيه وقال. حمد الله على سلامتك يا حبيب جدك. آدم مراد: ابتسم وضم جده بحب كبير. الله يسلمك يا بابا.

آدم: طلع حفيده من حضنه. وربت على كفته بفخر كبير. ما شاء الله تبارك الرحمن عليك يا آدم. ربنا يحفظك يبني. ها قول لي وصلت إمتى؟ وليه مجتش على الشركة زي كل مرة. آدم مراد: ابتسم. وقال. اعذرني بقى المرادي. أنا حبيت أطمئن أمي. وست الكل عليا. آدم: زين ما عملت. حمد الله على سلامتك يا حبيبي. آدم مراد: الله يسلمك. وقرب من عمه زين وسلم عليه. وسأله. فين آريان؟

زين: آريان في أوضته بياخد شاور ونازل لأنه كان في المينا انهارده. تعالى اقعد جمبي. وحشني أوي يابن أخويا. آدم مراد: وانت أكتر ياعمي. وقعد جنبه. آرين: بهمس. بابا آدم. بابا آدم. آدم: نعم ياروحي. آرين: بهمس. عايزة أووشوشك. آدم: ابتسم. توشوشيني؟ طيب وماله. وقرب منها. عايزة تقولي إيه؟ آرين: هو آدم ابن خالو مراد. على طول مكشر كدا؟ آدم: أبتسم. لأ هو بس جد شوية.

آرين: بهمس. جد إيه يا بابا بس. أنا ساعات بحس إنه فجأة هيطلع مسدس ويقتلنا كلنا. ويدفنا في الجنينة. ده مش آدم العدوي ده آدم المرعب. آدم: هههههههه. كلهم انتبهوا. آرين: بغيظ. يبااااابا كدا إيه. أخدوا بالهم مننا أهو. ولو آدم شم خبر إني بتكلم عليه. هكون أنا أول ضحية. آدم: ضحك بصمت. لأ متخافيش آدم مش كدا أبداً. وأنتي عارفة إنه طيب جداً. ولا إيه؟ آرين: مطت شفايفها. اممم، ع الله حكايته. آدم: نعم؟ مين ده؟ قولتي إيه؟

آرين: لأ يابابا مفيش حاجة. بس عندي سؤال مهم جداً. بجد محيرني. آدم: عارفة لو سؤال تافه من بتوعك أنا هسلط عليكي حفيدي آدم. إيه رأيك؟ آرين: باست كتفه بتمثل الخوف. نو نو، خلاص مش هسأل. آدم: ضحك. شاطرة ياحبيبتي. آرين: بطفولية أكبر. بلييييز سؤال واحد بس. آدم: اسألي ولما نشوف آخرتها. آرين: بهمس. ليه السبت بعيد عن الخميس مع إن الخميس قريب جداً من السبت؟ آدم: كشر عينيه وبصلها. وقال. عشان البعيد عنك قريب والقريب منك بعيد صح؟

آرين: هههههههههههه. آدم مراد: رفع طرف عينيه. وبصلها بغيره. آدم: شوفتي بجاوب صح مش كدا؟ آرين: بصراحة أقنعتني. هههه. زينب: جت سي آدم بيه الغدا جاهز. آدم: قام وقف. يلا بينا ياشباب. الكل قام، ومريم نزلت. والكل قاعد بيتغدى. آدم ومريم وأولاده على سفرة. والأحفاد كلهم على سفرة. فيلا السيوفي. عند طارق. طارق: لابس وقاعد في نص السرير. وبينفخ بغيظ كبير. يااااارب تنجزي يارنا. ياااارب تخلصي في يوم.

رنا: بتلبس. حاضر. اصبر شوية. ياستار عليك راجل. طارق: بغيظ. أصبر عليكي. تصدقي بالله؟ هتصدقي إن شاء الله. إن أمنية حياتي أشوفك لابسة ومجهزة نفسك قبلي. روحي يابعيدة الهي تنجزي وتلبسي قبلي. رنا: ههههه. يا حبيبي خلاص أهو. فاضل الحجاب. طارق: رفع إيده لفوق. يااارب أنا مش طالب كتير. غير الولية دي تنجز. وتبطل الروح الطويلة دي. رنا: كشرت عينيها بغيظ. ولفت ليه. جرا إيه يا طارق. ماتهدي بقى شوية. أييييه؟

ساعة عمال تتكلم في نفس الحوار. بلبس هو أنا يعني بتدلع. أووف. طارق: آه. ده اللي بناخده منك. صوت وخلاص. رنا: شهقت بصوت عالي. شوفوا الراجل. هتخليني أحلف منا رايحة في حتة. إيه رأيك بقى؟ طارق: بغيظ مكبوت. ورفع راسه لفوق وقال بهمس. كلما زاد "نكد" الست زاد معه "استغفار" الرجل لربه. فيكون هنا "نكد" الست رزق لجوزها. رنا: كشرت عينيها. امممم. بتقول حاجة يا طارق؟ طارق: ها؟

احم. أيوه بقول. ياروحي إنتي تلبسي براحتك. وخذي وقتك. ده أنا بكون منشكح كدا وإنتي بتلبسي في 5 ساعات. يسلام. جاية على نفسك والله. رنا: كاتمة الضحكة. احم. أيوه كدا اتعدل. ولولا مريم حفيدتي نجحت أنا ممشيش معاك في طريق. بتفضل تتخانق مع دبان وشك. أهدى شوية. الباب خبط. ودخلت چود. مسا مسا عليكووو. رنا: رفعت راسها للسما. كتير عليا والله يارب. أهلاً بحفيدتي اللي جايالي من المدبح. چود: يالهوز. إنتي لسه بتلبسي ياماما؟

الله يكون في عونك يابابا. وراحت قعدت جنبه. طارق: بهمس. هشش. اسكتي عشان كلمة زيادة. هتعلني علينا الحرب. چود: أوووف. وبعدين يابابا. ده الحاج فارس ورودي هانم لابسين وجاهزين. والواد چواد أخويا لابس وقاعد في العربة. طارق: في العربة؟ اسكتي يابت إنتي عشان أنا على آخري من الولية دي. چود: إلا. قولي يابابا صح. هي ماما رنا شخصيتها جد كدا على طول؟ طارق: جد إيه يابت؟ دي زمان أول ما شفتها كانت مهيبرة ودماغها طاقة بعيد عنك.

بس بعد الجواز عملت حادثة بسيطة كدا. قلبت معاها شخصية رخمة. عارفة إنتي فيلم اللمبي اللي بالي بالك؟ چود: ههههه. آه بتاع فيحاء. وأنا رميو. ههههه. طارق: الله ينور على أمك. هو ده. شوفتي اللمبي لما عمل حادثة. ودخل في بوقه واحد وتقمص دور الظابط رياض. چود: ههههه. شت. أنا رياض البنطلوني. أصغر مدير سجن في تاريخ البني آدمين. ههههه. طارق: أيوه شاطرة يابت. اهو ستي عملت حادثة زمان. دخل في بوقها واحدة نكد. ومن ساعتها وهي كدا.

چود: هههههههههههه. رنا: سامعة الحوار. ولبست الحجاب. وقربت منهم. وقالت بغيظ. ماهو ده اللي إنت وهي فالحين فيه. تريقة وحوارات فاضية. أنا هسيب لكم البيت ده ومحدش فيكو هيعرفلي طريق. إيه رأيك بقى؟ طارق: قام بسرعة. ومسك إيدها وباس عليها. أخيراً لبستي ياقلب طارق. إنجاز والله إنجاز. رنا: شدت إيدها بنفاذ صبر. طارق: بغمزة. وأهوّن عليكي تسيبيني لوحدي يارانوش؟ ده أنا طارق يابت. العشق يانوسة. رنا: غصب عنها ضحكت. ياخرابي عليك راجل.

طارق: همس في ودنها. إنما إيه الحلاوة دي يابت. يابياض التلج إنت ياقشطة. چود: وقفت على السرير. وقالت بمرح. تلاتة بالله العظيم ماهو تمثيل. واهو بحق وحقيق. ما تيلا بقى يا أجودعان اتأخرنا. رنا: شهقت وحطت إيدها على قلبها. يلهوي شفت البت يا طارق. وبصت على طارق شافته بيغمز لچود بهزار. رنا قالت. وأنا هشتكي لمين؟ أمها هبلة وجدها حالته متأخرة. الله يكون في عونك يا فارس يبني. فون چود رن. وكانت رنة فونها شعبي.

(مع السلامة للي عايز يمشي. المركب اللي تودي مترجعشي وعادي وعادي وعادي.) رنا: فتحت عينيها بدهشة. إيه الرنة دي يا چود؟ چود: بكبرياء. دي كارما بتستعجلني. وده مهرجان للمطرب العالمي أوشا الصغير وعمر حفظي ياماما. وبتغني وتقول كلمات المهرجان. رنا: بصت ل طارق. طارق: هز راسه ليها. معلش يارانوش عيال صغيرة.

رنا: قعدت على طرف السرير بغضب. أنا مش رايحة في حتة يا طارق. اتفضل خد چود وروحوا إنتوا. بجد كدا كتير. إنت هتفضل لحد إمتى كدا؟ طارق: إيه بس يا رنا ف إيه يا حبيبتي؟ رنا: ف إن كدا غلط. وتصرفات چود كلها غلط. ماينفعش. وإيه الرنة الزفت اللي هي حطاها دي؟ وإنت بدل ما تعقلها بتقول صغيرة؟ چود: إيه بس ياست الكل أنا مش فاهمة زعلتك في إيه؟ ده أنا حبيبتك والله.

رنا: بغضب واضح. بت يا چود. نغمة الفون دي تتغير. يا إما والله العظيم. أنا هاخد منك الفون ده وهكسره قدام عينيكي. إنتي فاهمة؟ چود: تنحت من طريقة جدتها. طارق: بغمزة ل چود. أيوه صح. إنتي كلامك صح جداً يا رنا. احم. چود غيري الرنة دي. وحطي دعاء ولا أي حاجة غير الأغاني دي. من إمتى وإحنا بنحط أغاني ها؟ چود: كشرت عينيها وقربت من طارق وهمست في ودنه. والله يابابا طارق. أومال مين اللي طلب مني أبعتله مهرجانات على الواتس آب ها؟

طارق: بهمس. هشش. اسكتي عشان كلمة زيادة مننا ستي هتطين عيشتنا. ومشي حالك وعيشي. اشطا. چود: رفعت حاجبها. ماشي عشان خاطرك إنت بس. احم. وبصت ل رنا. حاضر ياماما. إنتي تؤمري ياست الكل يا قمر. أنا هغير الرنة دي. بس والله ماتزعلي نفسك. وهو إحنا عندنا كام رانوش في العيلة يعني؟ هي واحدة بس. وچود حضنت رنا بمرح. يلا بقى فوكيها يامااااامااا. رنا: بشبه ابتسامة. احم. غيري النغمة دي قدامي حالا. يا إما...

چود: والله ما إنتِ مكملة. حاضر أهو. غيرتها عشان خاطر عيونك. نمشي بقى؟ طارق: رانوش حبيبتي. يلا بقى. العيلة كلها زمانها هناك دلوقتي. رنا: قامت بنفاذ صبر. يلا يا خوي. ديما مستعجل كدا؟ طارق: إبدا ياروحي. فين الاستعجال ده. تحبي تريحيلك ساعتين كمان؟ خلاص الساعة ٤ ريحي واصحيكي ع ٦ لو عايزة. رنا: نفخت بنفاذ صبر. استغفر الله العظيم يارب. واتحركت. طارق: متهورة بس قمر. ااه يابنت عزيز عسل قشطة في نفسك كدا.

بعد فترة. في فيلا العدوي. كل العيلة وصلت وسلموا على آدم مراد. وانبهرو بيه. وفرحانين لوجوده. ومتجمعين مع بعض. والأحفاد كلهم في جنينة الفيلا. تيم: ماشي مع الشباب. وقال. نازل إجازة قد إيه يا آدم؟ آدم مراد: حط إيده في جيبه وقال. ١٥ يوم إن شاء الله. يادكتور. آريان: أحسن حاجة بجد. هيبقى أحلى ١٥ يوم. إنت اللي بتشجعني على التمرين في النادي.

آدم مراد: ليه بس يادكتور. وإنت ما شاء الله عليك. أنا شايف إن لياقتك البدنية عالية. ولا أنا بتهيألي؟ آريان: لا عندك حق. أنا في الدراسة كنت بروح الجيم بالعافية ومش ديما كمان. يعني جامعة الصبح. وبعد الظهر بروح الشركة. مكنش فيه وقت. لكن وقت الإجازة بروح يومياً. لكن وإنت معايا هتشجع أكتر. تيم: فونه رن وأستأذن الشباب وراح يتكلم. آدم مراد: بص ل آريان وقال. ألف مبروك يا ضنى يا آريان عرفت إنك اتشجعت وهتخطب تمارا أخيراً.

آريان: ابتسم. الله يبارك فيك يا اتش. وبعدها كشر عينيه. مين اللي قالك؟ آرين مش كدا؟ آدم مراد: لأ مش هي. اللي قالي عمتو ريتال حبيبتي اللي مبتبخليش عليا بحاجة. آريان: هرش في قفاه بحرج. والله كنت هقولك بس على رواق يصاحبي. إنت عارف إني مبخبيش عليك حاجة. آدم مراد: ابتسم. ولا يهمك. ألف مبروك يصاحبي. آريان: الله يبارك فيك. وشاف تمارا واقفة لوحدها. احم. طيب بقولك إيه يا آدم ثواني وجاي. اشطا.

آدم مراد: ضحك بصمت وهز راسه. تمام. روح بس خلي بالك. آريان: كله على الله. ومشي. كريم: إيه يا دفعة. عامل إيه يا نجم. آدم مراد: أهلاً بالعريس المنتظر. مبروك يا كيمو. كريم: الله يبارك فيك. وعقبالك كدا أفرح فيك قريب. آدم مراد: لا أنا لسه مشواري طويل. كريم: ع الله حكايتك يا نجم. ويعلم. كل شيء بأوانه. آدم مراد: شاط حجر برجله. وهز راسه. ونعم بالله يا كريم.

ليليان: بقولك إيه ياميرو. أنا عايزة أخرج. وبابا آدم مبيأمنش علينا غير في وجود آدم أخوكي. ميرو: أيوه وأنا كمان بجد نفسي أفسح أوي. بس إنتي عارفة إن العيلة كلها موجودة. ومش هينفع نخرج. ليليان: تؤ. لأ هينفع. وأنا بجيب فوني من جوه دلوقتي. سمعت جدو جاسر إنه هيستأذن وماشي عشان عنده زيارة لأصدقاء ليه. وكمان عمو زياد. وباقي العيلة مش هتقعد كتير. إحنا نخرج ع الساعة ٨. إيه رأيك؟

ميرو: هزت كتفها. موش عارفة. الرأي هيرجع لآدم وتيم في الآخر. ليليان: كشرت عينيها بتفكير. امممم. لأ ماهو أنا لازم أخرج. بدل ما أقلب عليكوا انهاردة. أنا هروح أقنع أخويا دومي حبيبي. سلام يابت. وسابتها وجريت بسرعة على آدم. ميرو: ههههه. مجنونة رسمي ياليليان. ولو سمعك وإنتي بتقولي يادومي دي هيقتلك. ياسين: من وراها. قال بحرج. مساء الخير يا مريم. ميرو: لفت وابتسمت بعفوية. أهلاً مساء الخير. إزيك يا ياسين عامل إيه؟

ياسين: قلبه بيدق. وبيحب لون عيونها الصافي. وقال. ألف مبروك يا دكتورة. ميرو: الله يبارك فيك. وعقبالك كدا إن شاء الله. وتشرف العيلة كلها. وتكون أحسن ظابط شرطة في مصر كلها. ياسين: احم. إن شاء الله. ع فكرة. ا. أنا.. أنا فرحت جداً لنجاحك يا مريم. ميرو: حسّت بنبرة صوته. ولمعة عينيه. لأنها أكتر واحدة عشقانة. ولكن اتصرفت بنضج. وقالت. ميرسي جداً لحضرتك. إحنا أخوات ولازم نفرح لفرح بعض. وخصوصاً. أفرح لأخويا الصغير.

أنا بفرحلك زي آدم أخويا بالظبط. احم اومال حياة فين انا مش شايفاها. ياسين: اتنهد بتعب. وهمس اخواتي وهز راسه ليها تمام. احم حياة مع كارما وتالين بعد اذنك لأن بابا رن عليا. لاننا خارجين. ميرو: ابتسمت. اتفضل. ياسين: اتحرك بإحباط ومشي. ميرو: عيونها لمعت بدموع. وبصت ع ياسين. وقالت انا أسفه ي ياسين. حاولت أخطي خطوه معاك لكن قلبي مقفول ع تيم. انا عايشه ع امل واحد بس. وهو تيم. اسفه بجد سامحني. ورفعت راسها للسما. وقالت.

اللهم وإن إستحالت بأمرك تكون. ليليان: بتجري ووقفت قدام آدم. وقالت بعفويه. واد يا آدم يادوم. احم انت يعسل هتخرجنا مش كدا. آدم مراد: ع فكره يالمضه كريم كان واقف جمبي. وشوفتك جايه تجرى زي الهبله. قولت بس اكيد هتعك الدنيا. وكريم هيشوف شغله معاكي ساعتها. فخليته يخلع بالطريقه. ليليان: بكبرياء. يشوف شغله مع مين يايبنى انت. وكملت بتمثيل الزعل. وبعدين يا آدم انت هتسمح ل كريم انه يجي ع اختك ليليان.

آدم مراد: وحياتك لا كريم ولا غيره. يقدر يمس شعره واحده من بنات العيله. وخصوصا بنات العدوي. انتي اخت آدم مراد العدوي. يعني صعب جدا اللي يزعلك يا هبله. ليليان: هههه عسل عسل يادومي. احم اسكت يالسانى. آدم مراد: بتحذير. عارفه لو قولتي دومي دي تاني ساعتها انا ممكن اتغابى عليكي وحسابك هيبقى صعب جدا معايا. وانجزى عايزه ايه.

ليليان: بخوف. حاضر حاضر. والله ما اقصد. وكملت ببراه. انا وميرو وتمارا و آرين عايزين نخرج بلييييز بليييييز. آدم مراد: بتفكير. وقال بصمت آرين. امممم وهز راسه ليها تمام يالي لي. لكن هنخرج شويه لما العيله تتحرك من هنا. انا هتكلم مع بابا آدم. ليليان: سقفت بفرحه. حبيبى انا ياناس. آدم مراد: رفع طرف عينيه. وشبح ابتسامه. وقال اوبس. كريم واقف وراكي وشكله سمعك ياليليان هانم.

ليليان: فتحت عينيها بصدمه. وبلعت ريقعا بصعوبه. احم قول والله العظيم كريم سمعني. آدم مراد: والله كريم سمعك. يلا اطير انا بقى. واروح اشوفلى حاجه اشربها. سلام. ومشي وهو بيضحك. ليليان: بهمس ولا يا آدم. انت رايح فين. خد يالا. وبتلف بتوتر. وشافت كريم واقف وراها. ومتغاظ جدا. كريم: قرب منها. انتي قولتي ايه ل آدم ياليليان. ليليان: بتوتر. احم ا.انا ما. ما. كريم: انتي هتمأمأي ياليليان.

ليليان: شهقت بصوت مهموس. ايييه. هامأمأ. قصدك ايه ياكريم. انا معزه ياكريم. كريم: لا مش قصدي كدا. لكن انتي بتنقطينى بالكلام. ليليان: قالت جواها. اثبتي ع موقفك عشان انتي الل غلطانه. وهيسمعك كلمتين ف جنابك. ايوه جتلى فكره. ومثلت انها هتعيط. ميرسي جدا ياكريم. يعني قبل ما تتقدملى بيوم. تشبهنى بالمعزه. اومال بقى لما اوافق عليك.

هتعمل ايه هتمد ايدك عليا. طيب كويس جدا إن حصل كدا واحنا لسه ع البر. ميرسي جدا ياكريم. اهئ اهئ اهئ. كريم: تنح وفتح بوقه. لسه ع البر. انتي يابنتي هتقلبى الموضوع انتي الل غلطانه ع فكره. ازاى تقولى ل آدم حبيبى. انتى ازاى تنطقى كلمه زي دي. دا انا الل بموت فيكى. ممرمطانى عشان اسمع كلمه منك. تقولى لسه ع البر.

ليليان: بحيره. احم ا.انا مش قصدى اقول حبيبى بالمعنى ده. انت عارف ان انا وآدم متربين مع بعض وانا اكبر منه. يعني اخويا الصغير. وا. كريم: مسح وشه بايديه. وقال بتحذير. اول واخر مره يالي لي. اسمع منك كلمة حبيبى دى لغيري انتي فاهمه. ليليان: وشها احمر جدا. وهزت راسها احم اوكي ياكريم ومثلت الزعل.

كريم: بنفاذ صبر. ياليليان انا بحبك اوى وبغير عليكى من نفسي. عشان خاطرى خلى بالك من كلامك مع شباب العيله بعد كدا. عشان خاطرى لانى ممكن اتغابى عليكي ياحبيبتى تمام. ليليان: صكت ع أسنانها بغيظ مكبت. تمام حاجه تانى. كريم: ابتسم لغيظها. ايوه. ليليان: بغيظ. خير. كريم: بحبك يا لي لي. ليليان: قلبها دق جامد وجريت من قدامه بسرعه. كريم: حط ايدو ع قلبه اااه بحبك اوى ياليليان. مصطفى: من وراه وانا بموت فيك ياكيمو ههههه ههههه.

كريم: صك ع أسنانه بغيظ مكبت. وقال تعالالى دا انا هشلفطك انهردا. بقى انت يالا بتقول لابوك يأجل الجوازه. مصطفى: بكبرياء طبعا يبنى. باشاره واحده منى اعطل الدنيا. اومال. كريم: هز راسه هتعطل الدنيا تمام تمام. هوب مره واحده كريم اداله لكمه ف وشه. مصطفى: اااه. اااه ياعينى منك لله ياكريم. كريم: بتحذير. كلمه زياده هخليك متشوفش قدامك. وغور من وشي عيل بارد ورخم. وسابه ومشي. مصطفى: اااه ياوشي. فينك ياكوثر.

بعد شويه. الكل استأذن ومشي. آدم مراد: قال. بعد اذنك طبعا يابابا انت وست الكل. كنت عايز اخد اخواتى ونخرج شويه. آدم: هز راسه تمام مفيش مشكله ياحبيبى. لكن مين الل عايز يخرج. تالين: موش انا. انا هفضل هنا مع تيته وماما. مريم: ربتت ع ايديها حبيبتي ياتوتا ربنا يكملك بعقلك ياروح تيته. ليليان: رفعت أيدها انااااااا آرين: وانا بلييزززز انا كمان عايزه أخرج. تمارا: بحرج عشان آريان قاعد. احم. وانا.

آدم: بص ل ميرو. وانتى ياروحي مش عايزه تخرجي. ميرو: ابتسمت بحرج. زي ما تحب يابابا. آدم: تمام. يبقى كل واحد هياخد أخته وهيخرج. لكن كلكو مع بعض. ومتفارقوش بعض ثانيه واحده. آرين: واااو. انا عايزه اروح السينما بلييييز. كلهم ضحكو. رينو: بتوتر. شدت آرين. اقعدى هنا. انتي ناسيه إن باباكي لو عرف انك هتخرجي. هيبهدل الدنيا. آرين: بزعل مااامي ارجووكي. آركان وتيم وآدم معايا. بليز انا كنت مطحونه ف الامتحانات ارجووووكي.

آدم مراد: عمتو. متقلقش آرين هتكون تحت عيني. واوعدك مش هيحصلها اى حاجه. آرين: بفرحه ميررررسي كتير يا آدم. آدم: خلاص يارينو ياحبيبتي. حفيدي بما أنه وعد. هينفذ. لكن يا آدم انت هتخرج بالعربيه. ممنوع الريس دلوقتي. آدم مراد: تمام ياحج زي ما تحب. كدا كدا الريس مش هينفع واحنا كلنا مع بعض. آدم: تمام. تيم هياخد تمارا. و آرين و آركان معاه ف العربيه. وانت يا آدم خد ميرو وآريان وليليان معاك. ف العربيه.

آدم مراد: بغيره كبيره مكبوته. هز راسه تمام. مريم: يلا يابنات كلكو اطلعو البسو عشان متتاخروش. البنات كلهم طلعوا بسرعه. آدم مراد: بغضب. انا طالع اغير هدومي. وطلع بسرعه. آدم: اتنهد. وبص ل مريم وسكت. محمد: تيم. خلي بالك من تيما اوعى تسيبها لوحدها فاهم. تيم: متقلقش يادكتور. تيما ف عينيا. بعد شويه الكل لبس وجهز.وخارجين من الفيلا.

آدم مراد: ركب عربيه فخمه جدا. وآريان جمبه. وميرو وليليان معاهم. وخارج من بوابة الفيلا وبص ل شاهين ف نظره غامضه. ومشي. تيم: ركب العربيه. و آركان جنبه. وتيما و آرين معاهم. شاهين: واقف بعيد عن باقي الحرس وسرحان. عوض: شايل صينية قهوه. وبيقدم للحرس. وشاف شاهين واقف لوحدو. وراح عندو. اتفضل قهوتك. شاهين: انتبه. ها. اه تسلم ياريس. واخد القهوه. جت ف وقتها. عوض: بألف هنا. انت بس لو احتجت ل ايوتها حاجه. نادي عليا طوالى.

شاهين: تسلم يا. اسم الكريم ايه. عوض: محسوبك الريس عوض. انا هنا الجنانينى وكمان بجيب طلبات البهوات الكبار. وانت اسمك ايه. شاهين: بيشرب القهوه. وقال اسمي شاهين ياريس عوض. وقعد.احم اقعد ياريس عوض لو انت مشغول. عوض: ولا مشغول ولا حاجه. وادي قاعده اني كدا كدا. زهقان العيال عاملين دوشه. شاهين: ماشاء الله عندك اولاد. عوض: ايوه احمد ودعاء. شاهين: ربنا يخليهوملك يارب. إلا قولى ياريس عوض. انت شغال هنا من زمان.

عوض: يااااه انى هنا من سنين طويله. اتجوزت هنا ف الفيلا. وسيدي آدم بيه الله يكرمه بنى ليا البيت الل ورا الفيلا. شاهين: اممم. ع كدا تعرف كل واحد من عيلة العدوي. عوض: كشر عينيه. انت عايز تعرف ايه. وبتسال ليه.

شاهين: اهدا ياريس عوض. انا بسال عادي. انت عارف ان ده اول يوم ليا هنا. وماشاء الله الفيلا كان موجود فيها ناس كتير جدا. وكل واحد اقوله رايح فين. يطلع من العيله. لكن الل محيرني إن اسم العيله العدوي. وسمعت يعنى احم الاحفاد كلهم بيعتبرو بعض اخوات. انا طبعا مقصدش حاجه. لكن انا كنت واقف وبراقب الجنينه من الداخل والخارج. فسمعت غصب عني. رغم إن العائلات مختلفه. وكمان حسيت و آدم باشا الصغير. خارج من شويه بصلى كتير جدا ههههه ساعتها استغربت شخصيته.

عوض: لا انت متستغربش. اني اقولك. الل اني عرفتو زمان إن عيلة العدوي ناسبو عيلة عزيز. وعيلة عزيز ناسبو عيلة الصاوي. وعيلة السيوفي ناسبو عيلة عزيز. وكلهم بقو عيله واحده. والل جمعهم كدا. سيدي آدم بيه. والبهوات ولادهم. كبرو ع أنهم كلهم اخوات برضو. وكل العيله دي ناسبو بعض من تانى. ودلوقتي موجود الاحفاد وكلهم برضو ماشيين ع نفس الطريقه إن كلهم اخوات وعيله واحده.

آركان باشا. متربي هنا. ورغم صغر سنه إلا أنه بيحب تربية الكلاب. والكلب ماكس مدربه كويس اوي. وعندو كلبين ف بيت المزرعه. تحس انهم وحوش مش كلاب. وسي آركان مجدع ورجوله. آريان باشا. طبعه هادي بس وقت غضبه تقول ع نفسك يارحمن يارحيم. بس رجوله ومجدع. أما آدم باشا الصغير. غضبه من نار. وقراره من دماغه. وهو الوحيد الل يقدر يغير قرار سيدي آدم بيه. عشان دماغهم واحده.

هو طيب وقلبه كبير والله. بس عندو شويه حجات كدا مايسامحش فيها أبدا. لو حد مثلا. دخل اوضته من غير ما يسمحله بالدخول. . ومحدش فينا يقدر يهوب ناحية صالة التدريب بتاعته ف الاوضه التانيه الخاصه ليه هو وبس. . ولو حد من الشغالين هوب ناحيتها يبقى نهارو مدوحس. .عندو مكنة الريس بتاعه ده اغلى من اى عربيه موجوده. .وكمان لما بنروح كلنا بيت المزرعه. عندو حصان اسمه سهيل اسرع حصان ف المزرعه. .محدش يعرف يروضه غير آدم باشا الصغير وبس.

. ومبيحبش يكرر كلامه كتير. ولو حصل اى مشكله او حد أتعرض لحد من بنات العيله بيضرب وهو ساكت. . وماشاء الله عليه بيضرب نار من ع بعد أمتار ويصيب الهدف. اومال ايه. اصل انت متعرفش ابوه سي مراد باشا هو الل مدربه ع النيشان وضرب النار. حاجه كدا عظمه. . وسي الدكتور تيم باشا مايتخيرش عنه بس سي تيم باشا. هادي وبيصاحب الكل وبيخاف ع مصلحة الكل. وعندو حصان اسمه صعب كدا مش فاكرو. ومحدش يقدر يهوب جمب منه غيرو هو وبس.

بص هي عيله كدا كلها عظمه والله. الله اكبر عليهم. شاهين: بيسمع. وسرحان بتفكير. وعايز يسأل عن أهم واحده شغلت تفكيرو. احم ماشاء الله ربنا يزيد ويبارك. .وف لحظة غباء منه قال. احم طيب كدا عرفنا الشباب. طيب وال. احم اقصد الدكتوره مريم. يعني اقصد. عوض: قام وقف بخوف. هششش وطي صوتك لحد يسمعك من الحرس وساعتها هيبلغ سيدي آدم بيه وانت تروح ف داهيه. . اسمع انت شكلك طيب وابن حلال. واني هنصحك نصيحة لوجه الله.

اوعاك تسأل أي مخلوق عن بنت من بنات العيلة دي بالذات. سيدي آدم بيه لو عرف إن حد من الحرس أو أي حد جاب سيرة أي واحدة من أحفاده أو الحريم عموماً هيخلص عليه. ومش بهزر معاك. الحريم في العيلة دي كلها خط أحمر.

عوض: إني هقولك الخلاصة. سيدي آدم بيه بيصلي الفجر في الجامع هو وزين باشا والأحفاد، وبيرجعوا من صلاة الفجر يعملوا رياضة. وكلهم يجروا في الجنينة دي كلها ساعة كاملة. وبعدها يدخلوا صالة التدريب الكبيرة كلهم يتدربوا فيها. أما آدم باشا الصغير بيتدرب في أوضته الخاصة. وبعد كدا سيدي آدم بيه يطلع ع جناحه. أما بقى زين باشا وآريان باشا يشربوا عصير وبعدها بينزلوا البيسين. وآدم باشا الصغير بينزل البيسين التاني وده خاص بيه لوحده. وبعد كده الكل يفطر ويروحوا ع شغلهم.

لكن بنات العيلة إني نفسي أخاف أقول أي حرف واحد. دول يقتلوني فيها. فهمت ياشاهين باشا؟ شاهين: بتنهيدة. فهمت.. فهمت ياريس عوض. بعد شوية. آرين: طلعت من حضن آركان وبتعيط بشهقات. أنا عايزة أرجع البيت.. أنا عايزة ماما. وفتحت عينيها بسرعة وصرخت: حاسب يا آدم.