رواية جريمة عشق الفصل الحادي والسبعون 71 - بقلم مريم نصار

فيلا السيوفي .. طارق .. صلى القيام . وقعد ع السرير بتعب. "آه يعضمك ياسمير .." رنا : بتقلع الاسدال. "هههههه سمير انت كل يوم بإسم شكل . ارسالك ع اسم ياطارق ." طارق :

"تعرفي يابت يارانوش . انا مبسوط اوى اه والله . ياااه الدنيا دى عجيبه اوى سبحان الله . مين كان يصدق انى اوصل للمكانه دى لأ وكمان اتجوز من بياض التلج رانوش . وكمان اخلف بالتلاته زي اليمين بالظبط هههههههه . وكمان افرح بيهم . واحضر فرح احفادى ميرو أميرة العيله . ع تيم يااااه بجد سبحان الله ." رنا : قعدت جنبه.

"سبحان الله فعلا . لأ والأغرب من ده انى اعقل ع ايد مجنوني طاروق . وكمان ربنا يرزقنى ب رودي الطاقه وسبحان الله ربنا يرزقنا ب چود مكيس منك ومن رودي . متخيل انا بعانى قد ايه؟ ههههههه بس كله يهون عشانك ياطاروق ياقمر انت.." طارق :

"تصدقى يابت يا رنا . هتصدقى إن شاء الله . إنك لما بتعقلى بتكرهينى ف صنف الحريم . قومي قومي اتحزمى كدا وارقصي عشره بلدى . ولا اقولك هشغل مهرجانات شعبي وترقصي عليها . وهجبلك سلاح أبيض تتشقلبى بيه اشطا؟ رنا : تنحت وفتحت بوقها ومش عارفه تعمل ريأكشن معين .. وحست انها جالها تخلف عقلى.. طارق : "اله مالك متنحه كدا ليه؟ بتكلم عبري . ماتقومي يابت . هزى ." رنا : صكت ع أسنانها بغيظ مكبت. "اهز؟ بزمتك انت مش مكسوف من نفسك؟

واحد ف سنك يقول لمراته هزى؟ وسلاح أبيض؟ انت مخك راح فين ياطارق ارحمنى ياراجل جننتنى معاك؟ طارق : قرب من وشها. "خليكى انتى كدا نكدي عليا لما اطفش واروح موالد وافراح واتفرج ع الراقصين . ولا اقولك عيالك هيلمونى من الكباريهات يارنا .عشان ايه ده كله؟ كفرت ولا كفرت؟ هي حرام الست تهز لجوزها؟ قومي يابت" رنا : بنفاذ صبر.

"ياصبر ايوووب يارب . أهدى ياطاروق ياحبيبى ايه هزارك ده . وبعدين دا انا بقيت جده . وانت ماشاءالله عليك سيادة اللوا ماينفعش هيبتك يا اسد ." طارق : كشر عينيه. "بتثبيتى يارانوش؟ طيب انا هوريكى مين الجد يابت . انتى اصلا وحشانى من زمان . وشدها لحضنه وقرب منها بحب ومرح . ورغم كل ده إلا إن رنا بتعشق جنونه ال مالوش حدود وعاشت معاه وقت مميز .." عند فارس . فارس : بينفخ بغيظ. "يااااروووودي كل ده بتلبسي؟ انجزي انا مسافر بكره ."

رودي : من ورا الباب. "ماتهدا ياشبح .ولا اطلعلك بترنج وتقول مراتى منكده عليا حياتى. وساعتها تبص لبره وقتها اقتلكو وامثل بجثتكو .اه وعهد الله بقول كلام حق و حقيق ياشقيق ." فارس : قعد ع الكنبه بيأس. "سعد زغلول قال مفيش فايده . وهو كان عارف إن ف نوع كدا عمره ما هيتغير .." رودي : "بتقوووول حاااجه يابرنس؟ فارس : "بقول لا اله الا الله يارودي ." رودي : "ربنا يقومي ايمانك . سبح كدا عما اخلص ." فارس : بتعجب. "عما؟

لا خدى راحتك . انا هنام ساعتين ع ماتلبسي وتخلصي .." وقام رايح ع السرير بنرفزه.. رودي : خرجت من باب الحمام . ولابسه طقم جنان . وقصه شعرها وعامله نيولوك جديد . "فروستي؟ فارس : بغيظ لف ليها. "نع ..... وتنح وقال ببلاها انتى مين؟ رودي : بهزار. "عفت الشربيني من أمام إحدى بيوتش الد..... هههههه ولا بلاش عشان انتش بتشغير عليا . ولفت حوالين نفسها وغمزت ايه رايك ياقلبى .." فارس : فتح عينيه وقفل بعدم تصديق.

"رودي انتى صغرتي اوى . انتى قمر بجد انتى جميله اوي ." رودي : اتسكفت وقالت بحرج ممزوج بهزار. "يعنى الواحد حاسس انه مقصر بس .." فارس : "مقصره ايه؟ بالجمال ده . وقرب منها وباس ع أيدها. انتى ملكة جمال قلب فارس ." رودي : بحرج. "بجد يعنى عجبتك يافروستى؟ فارس : تاه ف جمالها. "انتى دوبتى قلبى وجننتى عقلى يارودي المجنونه . وقرب منها بحب كبير وشالها وراح بيها لعالمهم الخاص .." عند فهد .

آرين : اخدت شاور ولبست بيجامه عليها رسوم كرتونيه مضحكه . .وواقفه قدام المرايا تسرح شعرها . ومبسوطه. "كان نفسي أغنى اوى ف الفرح . امممم محدش مقدر موهبتى والله . غنى يا آري وسمعيهم موهبتك . احم احم ." .ومسكت فرشة الشعر ع اساس انها مايك . ووقفت تغنى بمرح . ل سبونج بوب . انجليزى وعربي . Are you ready, kids? Aye -aye, Captain! I can’t hear you! Aye aye, Captain! Ooooooooooooooooooooooh…

Who lives in a pineapple under the sea? SpongeBob SquarePants! Absorbent and yellow and porous is he SpongeBob SquarePants! If nautical nonsense be something you wish SpongeBob SquarePants! Then drop on the deck and flop like a fish SpongeBob SquarePants! Ready? SpongeBob SquarePants! SpongeBob SquarePants! SpongeBob SquarePants! SpongeBob SquarePants!! جاهزون يا اطفال آي آي كابتن .. لا اسمعكم آي آي كابتن

اوووووووووووووووووووو من يسكن البحر ويحبه الناس . سبونج بوب سكوير بانتز . لونه اصفر مربع حساس .سبونج بوب سكوير بانتز . لو كنت تبحث عن مرح البحار . سبونج بوب سكوير بانتز . فهيا للسطح وكن كالمحار . سبونج بوب سكوير بانتز سبونج بوب … سكوير بانتز سبونج بوب … سكوير بانتز سبونج بوب … سكوير بانتز سبووووووووووووونج بوووووووووووب سكوووووووووووير باااااااااااانتز .وبعدها ضحكت ع نفسها .

"هههههههههههههه قمر بجد يا آري قمرررر . وبعتت لنفسها بوسه ع الهوا .." .وبتكلم نفسها . "اممم اليوم انهردا كان جنان . واو والعرايس قمرات اوووى . ومفجأة تيمو ل ميرو كانت تجنن واو رومانتك اوى ." .وبعدها كشرت بطفوليه. "بس آدم ده نكد عليا ف الفرح .. ومش كفايه لبست فستان اسود؟ . انا مش قادره أفهمه شخص غريب جدا . وبتقلدو . متقوميش من مكانك ياتقعدى ع التربيزه بتاعتى . يا اما مع عمتو ."

.لأ ويقولى انتى قمر ويسبنى ويمشي . اوووف وكمان بيبصلى كتير اوى . وقلبى بيدق . وقعدت ع طرف السرير .. ". تؤ معقول بجد يكون آدم بيحبنى انا … لأ وانا كمان ممكن؟ يوووه." ". انا مش فاهمه حاجه . آدم مابيهتمش بحد كدا . اوووف ." ". بس ليه انا بحب طريقته وأسلوبه وكل حاجه فيه بتشدنى ." ".وابتسمت ياخرابي لما بيغمزلى قمر قمر ." ". وبعدها كشرت . إيه ده بقى؟ ايه الل انا بفكر فيه ده؟ انا لسه صغيره ع الحجات دي . آرين اعقلى اوكي ."

.وبعدها ابتسمت . "امممم لما بيضحك بكون فرحانه اوى ضحكته قمر خطفتنى ولا البدله عليه ياااربنا ع الجمال ." .وبعدها كشرت تانى . "لأ لأ . آرين وبعدين احنا قولنا انك لسه صغيره اوكى . ايوه اعقلى ." .وبعدها مسكت السلسله وضمتها لقلبها وابتسمت. "آدم مراد جميل اوى اوى يلهوى ع شخصيته القمر." .وبعدها فاقت . "لااا . والله كدا ماينفع . انا بالطريقه دي اكيد جعانه . هيييي كنزى حبيبى هو فين؟

.وقامت بسرعه . جابت الكيس من ع المكتب . وقعدت ع السرير وربعت رجليها . وجابت كوكيز وحاجه ساقعه . وبدأت تاكل . (ليه اديتني كل حاجه وف لحظه اخدت مني كل حاجه يا بسيوني) انا اتغيرت علشانك اهيء اهيء." "امممم الكوكيز وجماله . السؤال؟ . لما افتح نت اشوف السؤال .واكيد الفانز كله جاوب اعااااااا" . . انا نسيت خالص . وجابت الفون وفتحت نت وبتاكل . . ووصلت رسالة آدم . وشافتها . وفتحت عينيها بدهشه وكحت .

"كح كح . هيييي آدم بعتلى رساله . احم . هو بيسالك عادى وصلتى؟ .ردي عليه وقوليله ايوه فيهاش حاجه يعنى . وبلعت ريقها بتوتر . "ايوه وصلت .." آدم مراد : سمع صوت الرساله . وفتح واتس . وابتسم. "كل ده؟ آرين : سابت الاكل . ورجعت بضهرها ع السرير . "سورى لسه شايفه المسج دلوقتي ." آدم مراد : رجع بضهرو ع السرير. "عامله ايه دلوقتى؟ آرين : ابتسمت. "كويسه جدا . انت بقى عامل ايه؟ آدم مراد : "انا كويس يا آري ." آرين : اتوترت وسكتت …

آدم مراد : "كنتى حلوه اوي انهردا ." آرين : قلبها بيدق. "ميرسي.." آدم مراد : "بتعملى ايه؟ آرين : ببرأه. "باكل كوكيز وبشرب حاجه ساقعه . وانت؟ آدم مراد : ابتسم. "انا قاعد مستنيكى تردي عليا واطمن عليكى ." آرين : بعفويه. "طيب ليه متصلتش ع اي حد تطمن؟ آدم مراد : "بس انا عايز اطمن عليكى انتى وبس ." آرين : قلبها بيدق . ومحتاره .. وسكتت… آدم مراد : "يلا نامي بقى الوقت أتأخر .." آرين : "آدم ممكن أسألك سؤال؟

آدم مراد : اتنهد بحب. "اسألى ." آرين : "انت ليه … … … لأ لأ خلاص مفيش حاجه ." آدم مراد : فهم هي عايزه ايه. "هتعرفي انا بعمل كل ده ليه؟ ومهتم بيكى انتى الوحيده ليه؟ آرين : شهقت وحطت ايدها ع بوقها . "ايوه ازاى عرفت انى عايزه أسألك كدا؟ آدم مراد : بابتسامه. "المفروض تكوني عرفتى الاجابه لانى شوفتها ف عينيكى قبل كده ." بس أنا بحب كل حاجة تيجي في وقتها. آرين: وشها بقى أحمر جداً، وفهمت وضغطت على شفايفها بحرج، "احم." وسكتت.

آدم مراد: تصبحي على خير يا آري. آرين: بإحساس مختلف. وأنت بخير يا آدم. *** عند تيم. تيم: نفخ بنفاذ صبر. وخبط عليها: "طيب ماينفعش أنام على الكنبة عندك؟ حرام كده والله العظيم." ميرو: من ورا الباب. قالت بغيظ: "أنت زي أخويا وماينفعش تنام هناااااا." تيم: صك على أسنانه بغيرة كبيرة. وزعق بغيظ: "أنا مش أخووووكي، ولااااا أنتِ أختي." ميرو: قفلت الباب بالمفتاح. ودخلت الحمام. تيم: صك على أسنانه بغيظ واضح.

ونفخ بضيق: "مااااشي يامريم. مااااشي." وأخذ هدومه بنرفزة ودخل الحمام ياخذ شاور. بعد شوية. ميرو لبست بيجامة ولبست الإسدال. صلت ركعتين شكر لله. وسجدت وعيطت بصوت عالي من الفرحة الكبيرة وأنها محدش لمسها. وشكرت ربنا كتير جداً. وحمدت ربها إنها بخير. وعيطت في السجود فترة كبيرة. تيم: خرج من الحمام. وسمع صوت شهقات بسيطة. وقرب من الباب بقلق وخوف واضح. ولسه هيخبط.

سمعها وهي بتعيط وبتقول: "شكراً يارب. ألف حمد وشكر ليك يارب. أنا مش مصدقة نفسي إن محدش لمسني. بجد خبر عمري كله. أنا محدش فرحان قدي. وتيم. تيم." "سبحانك ربي بعد كل السنين دي وحبي لتيم في قلبي. تجبر بخاطري بفرحة كبيرة ماكنتش أحلم بيها. أنا مبسوطة أوي يارب. أنا مش قادرة أوصف إحساسي. ألف حمد وشكر ليك يارب. ألف حمد وشكر ليك." تيم: زعل لصوت عياطها. ولكن ابتسم. إنها مبسوطة.

وتنهد وقال: "وعد مني ليكي ياميرو إني هقدم لك السعادة بين إيديكي. وهاخد حقك من كل حد فكر بس إنه يجرح ملاكي." وأخذ سجادة الصلاة وراح يصلي هو كمان ركعتين شكر لله. ميرو: خلصت صلاة. وقامت ومسحت دموعها. وحست بدوخة بسيطة لأنها ما أكلتش من بدري. ميرو بصت حواليها. وشافت ديكور الأوضة وعجبها جداً. وقعدت على طرف السرير. وبتكلم نفسها في اللاوعي: "هو بجد تيم اتجوزني؟

وابتسمت: "يعني أنا دلوقتي مراته. أنا حقيقي مش مصدقة كمية فرحة كبيرة جداً. وكمان محدش لمسني. أيوه تيم قال لي إنها مؤامرة." وبعدها كشرت عينيها بتعجب!!! "طيب هي مؤامرة من مين؟ "مين اللي جواه كره كبير ليا أوي كده إنه يأذيني في أهم حاجة؟ "مين اللي فكر بشيطانية كده عشان يهدم سمعتي؟

"معقول يكون أعداء لبابي أو بابا آدم. لأ مش قادرة أتخيل إن فيه ناس بالشر والحقد ده. مش هقول غير حسبي الله ونعم الوكيل مهما كان مين ربنا إن شاء الله هيجيب لي حقي." تيم: خلص صلاة. وقعد على كنبة الليفنج. وبص للمخدة والغطا بغيظ كبير. وشد الغطا بنرفزة. ونام على ظهره. وباصص للسقف وبينفخ بغيظ. وقال: "معقول؟ مريم تبقى معايا وبعيدة عني؟ والله حرام كده. أوووف." وبص للوقت.

وقال: "مريم ما أكلتش من بدري. وأكيد هتتكسف تخرج." وابتسم بخبث. وقام بسرعة. وراح على المطبخ. وجاب صينية. وعليها أطباق. وحط الأكل في الأطباق بطريقة ظريفة. وكوباية عصير فريش. وأخذ الصينية وخرج ووقف قدام باب الأوضة. ونده عليها: "ميرو." ميرو: اتخضت وشهقت. ووقفت مكانها. وردت بتلعثم: "ن..نعم. احم. أ.أيوه." تيم: ابتسم. "حبيبتي أنا عارف إنك ما أكلتيش حاجة. أنا جبت لك العشا. ممكن تفتحي؟ ميرو: وقفت ورا الباب. وابتسمت بحب.

وقالت برقة: "لأ ميرسي مش جعانة." تيم: قلبه بيدق. "احم. مش جعانة إزاي؟ أنتِ في الفرح من بدري وما أكلتيش حاجة. ممكن عقابك ليا ما يكونش له علاقة بالأكل." ميرو: حطت خدها على الباب وقلبها بيدق. وقالت: "بس أنا مش جعانة. وأنا مش بعاقبك. دي فترة خطوبة." تيم: سند على الباب. وقال: "وأنا موافق على أي حاجة. المهم إنك معايا. وبما إني جوزك. قصدي خطيبك. افتحي خدي الأكل." وكمل بمكر: "ولا أتصل على بابا آدم؟

ميرو: فتحت عينيها بدهشة. "إيه؟ بابا آدم؟ لأ. احم ثواني." ولبست حجاب الإسدال. ونفخت بتوتر. وفتحت الباب برجفة. تيم: شافها بالإسدال. وابتسم. وقال: "طيب بما إنك ما شاء الله محجبة قدامي. ممكن نتعشى مع بعض. ياريت بجد." ميرو: أخذت منه الصينية. وقالت بتوتر: "تصبح على خير." ودخلت بسرعة وقفلت الباب. وبتنهج. تيم: حط إيده في جنبه. ومط شفايفه: "امممم. شكلك هتتعبيني يابنت مراد. لكن ماشي. لما نشوف مين فينا نفسه أطول من التاني." ***

فيلا زياد جمال. في أوضة حياة. واقفة قدام المرايا بالفستان اللي جابه ليها آسر. وبتتفرج على الفستان وعجبها تصميمه جداً. وأعجبت جداً بموقفه الرجولي. وقالت: "أنا لازم أبعت له مسج شكر على اللي عمله معايا. بجد آسر ابن خالو عمل موقف جميل جداً." ومسكت الفون. وفتحت الشات. وكان فاتح. وقفلت بسرعة واتكسفت وقالت: "آسر أونلاين. لأ عيب إني أبعت له مسج دلوقتي." وقالت: "عيب ليه بس؟

هو معايا موقف جميل. الفستان اتقطع وهو خبى جسمي. بجد آسر عظيم جداً." وفتحت الشات. وبلعت ريقها بتوتر. وكتبت: "آسر. أنا بجد بشكرك على اللي أنت عملته معايا." وبتضغط إرسال. وفي نفس الوقت آسر بعتلها: "حياة عاملة إيه دلوقتي؟ والاتنين ابتسموا. حياة: الحمد لله أنا كويسة. وأنت؟ آسر: أنا مش عايز أسمع منك كلمة شكراً دي تاني. أنتِ بنت عمتو. وحتى غير كده. ده واجبي تجاهك يا حياة. حياة: بفرحة. "ميرسي جداً يا آسر. والفستان يجنن بجد."

آسر: "برضه؟ مفيش فايدة فيكي. واضح إنك مفهمتيش كلامي كويس. ده واجبي تجاهك يا حياة. تمام. وبعدين أنتِ اللي خليتي الفستان جميل." حياة: اتوترت. "أنا مش عارفة أقول لك إيه." آسر: كان هيندفع ويقول لها بحبك. لكن شاف إنها لسه صغيرة. وكتب: "متقوليش حاجة. كل اللي أنا عايزه منك. لو حصل معاكي أي حاجة حتى لو صغيرة كلميني على طول من غير تردد." حياة: ابتسمت. "حاضر يا آسر." آسر: في لحظة ضعف. كتب: "حياة انتي غالية أوي. وبخاف عليكي."

حياة: وشها بقى أحمر جداً. ومردتش. آسر: لعن نفسه. "أنا قصدي إنك بنت عمتو وغالية زيها بالظبط." حياة: ضحكت بسعادة. وقالت: "تصبح على خير يا آسر." آسر: ابتسم. "وإنتي بخير يا حياة." *** عند ياسين.

ياسين: واقف تحت الدش. ودماغه هتنفجر من التفكير. وكل ما يغمض عينيه يشوف صورة تيم وهو بيعترف بحبه لميرو. ويشوف تيم شايلها وبيلف بيها. وهي بتاكله قطعة التورتة وتيم مسك إيدها. وصورة تيم وهو شايلها بتملك بين إيديه. وقبض على إيديه بغيرة كبيرة. وفجأة ظهرت قدامه صورة همس. وعيونها اللي تشبه عيون القطط. وافتكر وهي بتمتم قدام العربية. وظهر منه شبح ابتسامة بسيطة. ***

وعدت الليلة على خير. وتمت نقل ملكية ليليان العدوي. لليليان عزيز. وتمت نقل ملكية تمارا عزيز. لتمارا العدوي. *** تاني يوم الصبح. فيلا الجبالي. رؤوف: نايم وعرقان. وبيهلوس بكلام مش مفهوم. وشايف كابوس مزعج. إن آدم العدوي بيقطع راسه. وقام مفزوع.

وصرخ: "لااااااااااااااء. لااااااااااااااء. مش عايز أمووووت. مش عايز أمووووت." وبينهج بسرعة كبيرة ومرعوب. وعطشان جداً. وبص حواليه كويس وشاف نفسه في جناحه. وإنه كان كابوس مش أكتر. وقلبه بيدق. واتنهد. ومسح وشه بإيديه برجفة. وجاب كوباية المية من على الكمود برجفة وبيشرب والمية بتقع منه من رعشة إيده. وبينهج. ومتغاظ وحدف الكوباية بعيد واتكسرت. ومسح بوقه بشر كبير وتوعد وقال: "أقسم بالله ما هسيبك يابن العدوي."

فيلا آريان العدوي. الساعة ١١. آريان: بيصلي الضحى. تمارا: بتتكلم مع نور في الفون. تمارا: بسعادة. "أيوه يا مامي. أنا فعلاً مبسوطة أوي. آريان كل شوية يصحى ويقول أنا مش مصدق نفسي إنك معايا ههههه." نور: بسعادة. "يارب ديماً يا روحي تكوني مبسوطة." تمارا: بدموع. "بابي فين؟ وحشني جداً." نور: "بابي جنبي أهو. وما نامش طول الليل. عشانك أنتِ وتيم. معاكي أهو." محمد: بصوت مبحوح. "صباح الخير يا روحي."

تمارا: مسحت دموعها وابتسمت. "صباح الورد على أجمل بابي في الدنيا. وحشتني جداً." محمد: ابتسم بحب. "وإنتي كمان وحشتيني جداً. عاملة إيه يا حبيبتي؟ آريان: خلص صلاة. وقعد خلفها وضمها لقلبه وهي بتتكلم. تمارا: ابتسمت. "أنا كويسة جداً يا بابي. ومش عايزة تقلق عليا اوكي." آريان: دفن وشه في شعرها. وهمس: "بحبك يا تيما." محمد: ابتسم. "وأنا مش قلقان عليكي يا حبيبتي. ربنا يوفقك في حياتك." تمارا: قلبها بيدق. وقالت بتلعثم: "اوكي."

محمد: كشر عينيه. "اوكي؟ آريان: ضحك بصمت. تمارا: خبطته بالمخدة. وقالت: "احم قصدي اللهم آمين يا حبيبي. حضرتك كلمت تيم؟ محمد: "شويه كده هتصل عليه. إنتو مسافرين إمتى؟ تمارا: "بعد الضهر إن شاء الله." محمد: ابتسم. "بالسلامة إن شاء الله. وخلي بالك من نفسك يا تيما." آريان: شدها لحضنه وبيغلس عليها. وقال: "متقلقش عليها يادكتور. تيما في عيني." محمد: ابتسم. "تمام يا حبيبي. ربنا معاكم يا أحباء قلبي." وقفلو. تمارا: كشرت عينيها.

وقالت: "كده يا آريان توترني كده وأنا بتكلم مع بابي؟ آريان: شدها لحضنه أكتر. "أعمل لك إيه بس. من الصبح اتصلتي على العيلة كلها. ماما مريم. وعمتو لارين. وعمتو نور. وبعيدة عني." تمارا: ضحكت. "اله عيلتي وحشاني وبطمن عليهم." آريان: باسها برقة. "طيب وأنا؟ ماوحشتكش؟ تمارا: اتكسفت وبصت في الأرض بحرج. "احم. وحشتني أكيد." آريان: قلبه دق. وقرب منها بحب كبير وأخذها لعالمه الخاص. *** عند كريم عزيز.

ليليان: نايمة وشبه الملايكه. وكريم صاحي جنبها وبيتأملها. وبدأ يصحيها بطريقة رومانسية. وجاب وردة من الفازة وحطها على خدها. وهمس: "ليلياني روح قلبي." ليليان: حطت إيدها على خدها وهرشت خدها ونفخت. كريم: ابتسم بحب. "لي لي حبيبتي قومي بقى هنتاخر على السفر." وباسها من خدها. ليليان: فتحت عينيها بصدمة. وصرخت: "عاااااااااا. أنتتتت مييييين؟

يامااامااعع." ورجعت بضهرها وشدت عليها الغطا. "حراااامي. لااااااااء ارجووووك ابعد عنننننني. عاااااااا. باااابي." كريم: اتخض منها. وحط إيده على بوقها بسرعة. "هش بس ياليليان أنا كريم. كرررييييم. جوزك." ليليان: فتحت عينيها على الآخر. وهزت راسها له. ف نظر: "شيل إيدك من على بوقي." كريم: شال إيده. وقعد جنبها. "إيه يا لي لي. حد يخض حد كده؟ وحرامي إيه بس؟ ليليان: بعدم فهم. "كريم؟ إيه اللي جابك هنا؟

وبابي سمحلك إنك تدخل عليا أوضتي؟ لااا مش معنى إننا كتبنا الكتاب تدخل في أي وقت. بابا آدم لو عرف هيعمل منك بطاطس محمرة." كريم: ههههههه. "ليليان يا حبيبتي. أنتِ في عشّنا." انتي ناسيه فرحنا ولا ايه؟ وغمز ليها. ليليان: شهقت بصوت عالٍ، أيوه صح. وكملت بتوتر: احم، سوري يا كريم. أصل كنت بحلم بالبيت هناك. كريم: باس كف إيدها وقال: ولا يهمك يا حبيبتي. صباح الورد على أجمل ليليان، قلب كريم. ليليان: قلبها دق.

وكملت بتوتر: صباح الخير يا كريم. كريم: حس توترها. وقال: يلا يا روحي، قومي خدي شاور عشان نفطر ونلبس ونطلع على المطار. ليليان: بدموع. ممكن طلب؟ كريم: بقلق. إيه يا لي؟ وبتعيطي ليه؟ ليليان: ممكن قبل ما نسافر نروح عند بابا آدم؟ بجد وحشوني أوي وعايزة أشوف بابي. كريم: ابتسم. بس كده، عيون كريم. انتي تطلبي وكريم ينفذ وبس. ليليان: فرحت جداً. وباسته من خده كتعبير عن شكرها ليه. كريم: بص في الساعة.

وقال: لسه بدري على الطيارة. وغمز. وقرب منها بحب كبير وأخدها لعالمه الخاص. عند تيم عزيز. ميرو: صحيت من شوية. وصلت الضحى. وبتقرا في الورد اليومي. ومش عايزة تخرج من الأوضة. وصدقت وحطت المصحف على رف الكتب. وقلعت الإسدال. ولابسة بيجامة. وجدها وحشها جداً. وأخدت الفون. واتصلت عليه. عند آدم العدوي. آدم ومريم، وزين وريتال، وآدم مراد. قاعدين على السفرة بيفطروا.

مريم: تمارا بتسلم عليكم كلكم. وقبل ما يسافروا هييجوا هنا يسلموا علينا. وليليان أكيد لسه نايمة. ربنا يسعدكم يا أحفادي يا رب. كلهم: آمين. آدم: فونه رن. وابتسم بحب. ورد. وقال: كنت عارف إنك هتكلميني أول واحد. ميرو: ابتسمت بحب. أكيد. أنا ملهوفة إني أكلمك وأسمع صوتك. آدم: ابتسم. صباح الخير يا حبيبتي. ميرو: صباح الخير يا بابا. حضرتك عامل إيه؟ آدم: أنا زي الفل. وبفطر مع أميرتي.

ميرو: ابتسمت. ماما وحشاني أوي. حضرتك شربت قهوتك؟ آدم: أيوه طبعاً. لكن من إيدك ليها طعم تاني. ميرو: ضحكت بدموع. وحشتني أوي يا بابا. آدم: بتنهيدة. وانتِ كمان يا قلب جدك. ميرو: بصوت مبحوح. لأ، انت مش جدو، انت بابا آدم وبس. ودموعها نزلت. آدم: بيكابر دموعه. وقال: عندك حق، أنا بابا آدم وبس. ههههه. مريم: حست من نبرة صوته إنه مخنوق عشان أحفاده بعيد عنه. وقالت: آدم يا حبيبي، افتح الاسبيكر نكلمها كلنا مع بعض. ميرو وحشاني أوي.

ميرو: مسحت دموعها وابتسمت. آدم: فتح الاسبيكر. مريم: بحب. صباح الخير يا نور عيني. ميرو: ابتسمت بدموع. صباح الخير يا ماما. حضرتك وحشاني أوي. مريم: بدموع. وانتي كمان يا قلب ماما. قولولي تيم ابن قلبي عامل إيه؟ ميرو: قامت وقفت بتوتر. وقالت بتلعثم. تي... احم، نايم. تيم نايم. مريم: نوم الهنا إن شاء الله. آدم مراد: صباح الخير يا ميرو. ميرو: قعدت ونفخت بتوتر. صباح الخير يا آدم. عامل إيه يا حبيبي.

آدم مراد: أنا تمام. قولولي هتسافروا إسكندرية إمتى؟ ميرو: بحيرة. مش عارفة. احم، لما تيم يصحى أكيد. آدم مراد: هز رأسه. مبروك يا حبيبتي. ميرو: الله يبارك فيك. آدم: اسمعي يا ميرو. لما تيم يصحى خليه يكلمني. أنا حجزت لكم وظبطت لكم كل حاجة يا روحي. وعايزك تتبسطي، اوكي. ميرو: ابتسمت. حاضر يا حبيبي. ربنا يديمكم في حياتي كلها يا رب. وبعد كده زين وريتال كلموها. وزينب. وقفت.

تيم: نايم على الكنبة. وفونه رن. وفتح عينيه بكسل. وغمض تاني. ومردش. ورن تاني. وزق الغطا بنرفزة. أوف، مين بيتصل ع الصبح. ومسك الفون. وكان محمد. واتعدل ومسح وشه بإيديه. ورد وابتسم. الو. محمد: ابتسم. صباح الخير يا عريس. تيم: هز رأسه بتريقة. عريس؟ وقال: صباح الخير يا بابا. محمد: كشر عينيه. صباح الخير يا بابا؟ ومالك بتقولها كدا؟ مالك ع الصبح. تيم: بيتاوب. أبداً يا دكتور. أنا زي الفل. حضرتك عامل إيه؟ ونور عاملة إيه؟

أوعى تكون نامت زعلانة. محمد: ضم نور لحضنه. وقال: لأ، ما تشغلش بالك بينا. ركز أنت بس في حياتك. وعايزك تعيش مبسوط وخلي بالك من ميرو. تيم: بتذمر. همس. أخلي بالي منها؟ المفروض تقولها هي الكلمتين دول. محمد: باستغراب. بتقول إيه يا تيم. تيم: انتبه. أبداً يا دكتور. احم، ماما فين؟ نور: بابتسامة. صباح الخير يا قلب ماما. مبروك يا حبيبي. تيم: بص على أوضة ميرو بغيظ. وقال: مبروك؟ الله يبارك في حضرتك. نور: قولي ميرو صحيت ولا لسه؟

تيم: بيمسح على شعره. نايمة. ميرو نايمة. نور: طيب يا روحي، سلميلي عليها أول ما تصحى. هتسافروا إمتى إن شاء الله. تيم: بص في الساعة بغيظ. وقال: بعد الضهر إن شاء الله. نور: ابتسمت. بالسلامة يا حبيبي. ربنا يحفظك أنت وميرو يا رب. مع السلامة. تيم: مع السلامة يا حبيبتي. وقفل. وحط الفون. وبص على الليفنج والمخدة والغطا. واتنهد ومسح وشه بإيديه ونفخ بحيرة. وقام. وفونه رن. وكانت كاميليا. وقبض على إيديه بغضب واضح. وبص قدامه بتوعد.

وقال: حسابك معايا كبير أوي يا كاميليا. وكنسل عليها بغيظ. واتصل على آدم مراد. ورد. آدم مراد: الو. تيم: بكره واضح. اسمع يا آدم. أنا عايزك تطلع على المخزن القديم عند الكلاب دول. وعايز منك فيديو اعتراف منهم بكل حاجة حصلت. وتبعتهولي. آدم مراد: حط إيده في جيبه. وقال: سهلة جداً. بس أنت ناوي على إيه؟ تيم: من بين أسنانه. ناوي على كل خير. آدم مراد: هز رأسه. تمام. بعد الشغل هطلع على المخزن. واعتبر الفيديو عندك.

تيم: تمام. مع السلامة. وقفلو. ودخل الحمام ياخد شاور واتوضى وصلى. واستغرب كل ده مريم ما خرجتش من الأوضة. وخبط عليها. مريم. ميرو: قلبها دق لصوته. وراحت وقفت ورا الباب وقالت بصوت مبحوح. نعم. تيم: ابتسم بحب. صباح الخير. ميرو: ابتسمت. صباح الخير. تيم: عاملة إيه دلوقتي؟ ميرو: برقة. الحمد لله. تيم: هرش في قفاه. طيب أنا جعان. ميرو: ضغطت على شفايفها بحيرة كبيرة. ومش عارفة تعمل إيه.

تيم: بمكر. هما المخطوبين. ما بياكلوش ولا إيه؟ وع فكرة أنا ما أكلتش من امبارح. ميرو: زعلت عليه. وقالت بتوتر. طيب. احم، أنا هخرج أعملك فطار. تيم: ابتسم بمكر. تمام يا قلبي. ميرو: اتكسفت. وكانت بالبيجامة. ولبست فستان رقيق. وحجاب. وخرجت بحرج كبير. وراحت على المطبخ على طول. تيم: راح وقف عند باب المطبخ. وسند كتفه على الباب. وقال: صباح الورد.

ميرو: غمضت عينيها بحرج وقلبها بيدق. وحاولت تكون ثابتة. ولفّت ليه وتجاهلته تماماً. وردت بجدية. صباح الخير. حضرتك هتشرب حاجة قبل الفطار؟ تيم: قرب منها ووقف قدامها. وحط إيديه في جيبه. وابتسم. وحشتيني. ميرو: بتتنفس بسيط. وقالت. تيم لو سمحت. تيم: مسك إيدها بترجي. طيب قوليلي أعمل إيه؟ حبيبتي قدام عيني ومراتي كمان ومش عايزاني حتى أقولها وحشتيني؟ ميرو: سحبت إيدها بسرعة. ورجعت خطوة لورا. وقالت. فيه شرط بينا. ياريت تلتزم بيه.

تيم: بمكر. طيب وبعد الشرط ده هتسامحيني؟ ميرو: قلبها بيدق. وقالت جواها. أنا مسامحاك من زمان يا تيم. بس معرفش، فيه جرح كبير ومش عارفة أتخطى اللي حصل. تيم: شافها سرحانة. وقرب منها. ميرو: انتبهت. ورجعت خطوة. وقالت. لو سمحت. يلا عشان تفطر. تيم: تمام. أنا هلتزم بالشرط. ولكن بشرط هنعيش مع بعض السنة دي. نفطر ونتغدى ونتعشى مع بعض. وهنخرج مع بعض. ووقت النوم أنتِ نامي في أوضتك مفيش مشكلة. المهم إنك معايا. غير كده آسف.

ميرو: بلعت ريقها بتوتر من قرب تيم منها. وهزت راسها موافقة. تيم: ابتسم. تمام. يلا هساعدك في تجهيز الفطار. عشان السفر. ميرو: بصت بعيد بحرج. هو لازم نسافر؟ تيم: ابتسم. ده لازم نسافر. أنا هاخد خطيبتي ونتفسح يومياً. أومااااااال إيه؟ ميرو: غصب عنها ابتسمت. تيم: ضحك بصمت. وقال: يلا بينا. ميرو: هزت راسها. وبدأت تجهز الفطار. ومتوترة من وجود تيم عشقها في مكان واحد لوحدهم. ومتلخبطة.

تيم: بيساعدها. وعينيه عليها. وقلبه مبسوط من وجودها معاه. بعد شوية. خلصوا الفطار. وقعدوا على السفرة بيفطروا. وميرو طبعاً مكسوفة جداً. وتيم كل شوية يضحك على كسوفها اللي بيحبه. بعد شوية. مراد اتصل واطمئن عليهم هو وفريحة وتوتا. وتيم دخل يلبس وجهز نفسه. وميرو قاعدة تفكر في كلام چود. وإن الراجل بيحب البنت اللي تطلع عينيه. وضحكت بمكر.

وقالت: ماشي ياتيمو. وقامت تلبس. وخبت مدونة ميراث العشق في شنطة السفر بتاعتها. وتيم بعت الشنط مع البواب. وخبط على ميرو. وقال: يلا يا مريم. ميرو: خرجت من الأوضة لابسة فستان جنزاري رقيق جداً عليها وحجاب وحزام وسط من نفس لون الحجاب. وتعمدت تحط لمسات خفيفة. تيم: وقف مكانه وقلبه هيطلع من مكانه. وقال بتوهان: يخربيت جمالك. وانتبه. وصك على أسنانه بغيره. وقال: إيه اللي في وشك ده يا مريم؟

ميرو: بعدم اهتمام. دي لمسات خفيفة. وقبل ما تتكلم بتتهيأ لي إني هركب في العربية ومتفيمة. يعني محدش هيشوفني. وسابته ومشيت بسرعة وقلبها بيرتجف من الرهبة. وحاسة إنها عملت مصيبة. تيم: قبض على إيديه بغضب شديد. وقال بغيظ: هي سنة س... باين عليها. وهتشوفي. وخرج بغضب وقفل الباب. وركبوا الأسانسير. وبصلها بغيظ. ميرو: متوترة وبصت بعيد بتهرب من نظراته. تيم: رفع إيده ليها بغيظ. امسحي اللي في وشك ده عشان اليوم يعدي على خير.

ميرو: بصت في عينيه بعند. مش همسح. وبعدين دي لمسات خفيفة جداً كمان. ومش باين منها حاجة. تيم: ضغط على شفايفه بغيظ. ميرو: لوهلة خافت. وباب الأسانسير فتح. وانقذها وخرجت بسرعة. تيم: غمض عينيه بغيره. وقال: ماااااااشي يا بنت مراد. وخرج وبص قدام العمارة بغيره عليها ومش عايز حد يشوفها. واتحرك بسرعة وفتح باب العربية بنرفزة. اركبي. ميرو: قلبها بيرقص ومبسوطة من غيرته اللي اتحرمت منها. وعايزة تعيش كل المشاعر والحب معاه من جديد.

تيم: قفل الباب بنرفزة. وركب جنبها. وبصلها بغيظ. ميرو: بلعت ريقها بتوتر وبصت بعيد. تيم: شغل العربية. وقال بتحذير. نوصل إسكندرية. وقبل ما تنزلي من العربية. اللي في وشك ده يتشال. وساق بنرفزة. ميرو: بصتله. بس أنا... تيم: رفع إيده ليها. تسكت. وقال بحده. مريم، فيه حاجات ماينفعش تتخطيها حتى لو بتعاقبيني. النظام ده ممنوع معايا. وكمان أنتِ عمرك ما خالفتي دينك ولا اتربيتي على كده.

ميرو: ضغطت على شفايفها بحرج. ونزلت وشها في الأرض. وقالت بزعل. آسفة. تيم: اتنهد. وابتسم. متتأسفيش يا حبيبتي. أنا عارف إنك عروسة وعايزة تفرحي. ههههه. قصدي مخطوبة جديد يعني. ههههه. على الله حكايتي معاكي والله. شكلك ناوية تعذبي قلبي معاكي. ميرو: غصب عنها ابتسمت بفرحة وبصت من الإزاز. تيم: شغل ميوزك. وقال: اسمعي دي ليكي يا روحي. وكانت أغنية لوائل جسار: بحبك مش هقول تاني. وساق العربية وجواه مبسوط.

ميرو: ساندت راسها على الإزاز وسرحانة في كلمات الأغنية. والابتسامة الصافية على وشها.