رواية جريمة عشق الفصل الثاني والسبعون 72 - بقلم مريم نصار

في إسكندرية.. ميرو: غيرانة جداً. ومش عارفة تنام في وجود تيم. وبتتقلب يمين وشمال. وقامت بزهق. قعدت على طرف السرير. وبتستغفر. تيم: داخل مخنوق. وحدف الفون على الكرسي. وقعد على الكنبة. يفكر في عقاب لكاميليا. ميرو: شافت تيم واضح عليه إنه مضايق. وشافت جرح إيده. وفتحت عينيها بدهشة. وقامت بدافع الحب. وجريت عليه. "تيم! إيدك بتنزف؟ إنت انجرحت إزاي؟ تيم: بعدم اهتمام لجرح إيده. "مفيش حاجة، متشغليش دماغك."

ميرو: راحت بسرعة الحمام. وجابت علبة الإسعافات. وقعدت جنبه بقلق واضح. ومحستش بقرب المسافة بينهم. وفتحت العلبة. وقالت بتوتر. "كده غلط على جرح إيدك. وخصوصاً إنها مجروحة قبل كده." ومدت أيدها ليه. تيم: قلبه دق من قربها منه. واخد نفس عميق واتنهد. وحط إيده في إيدها. وعيونه عليها. ميرو: جابت القطن. وبدأت تعقم الجرح. وعيونها لمعت بدموع. وزعلانة عشانه. تيم: شاف دموعها. ورفع دقنها بإيده التانية. وقال. "خايفة عليا؟

ميرو: بحنين ودموع هزت راسها. "أيوه." تيم: ابتسم. وقرب منها وباس جبينها بحب كبير. وف لحظة ضعف نزل على خدها وهمس في اللاوعي. "بحبك." ميرو: جسمها اتشد وقلبها هيطلع من مكانه. وقامت بسرعة. علبة الإسعافات وقعت على الأرض. وجسمها رجف. وجريت على الحمام. وقفلت على نفسها وسندت على الباب وبتنهج بحرج كبير. تيم: ضحك بصمت. وهز راسه ونفخ بحيرة. وعقم جرح إيده. وهي لسه مخرجتش. وقام أخد الغطا. ونام على الكنبة عشان مايحرجهاش.

وغمض عينيه وهو بيضحك. وقلبه بيدق ومشتاق ليها. بعد شوية. ميرو: جمعت شتات نفسها. وحست إن جسمها بيألمها. وخرجت من الحمام. ومثلت الجدية. لكن شافت إن تيم نايم. وقربت منه بشويش. وشافته نام. ونفخت بارتياح. وراحت على السرير وحست بدوار وكحة بسيطة. وحاولت تنام بالحجاب. ومخنوقة. واستغفرت كتير لحد ما نامت بعمق. ووقت أذان الفجر. تيم: صحي. وحس إن إيده بتألمه. وقام عشان يصلي.

وشاف ميرو نايمة. وقرب ووقف قدامها. وشاف قد إيه إنها فعلاً ملاك. وقعد على طرف السرير جمبها بشويش. وقعد يتأملها. وخلاص هيضعف ويقرب منها. ميرو: حركت راسها. تيم: انتبه وقام بسرعة. وضحك على نفسه وقال. "إيه شغل المراهقين ده؟ وقال. "حرام عليكي يا ميرو. سنة كتير جداً. بس مش على تيم عزيز."

"كلها فترة صغيرة جداً وتكوني مراتي قولاً وفعلاً. صدقيني. وده وعد مني ليكي." وسابها ودخل الحمام. واتوضأ. وخرج. وصحاها عشان تصلي. وهو بدأ يصلي. ميرو: صحيت من النوم. وقامت بحرج كبير وحست إنها دايخة وتعبانة وجسمها بيألمها. ودخلت الحمام واتوضأت. وخرجت ولبست الإسدال. وبدأت تصلي. تيم: بعد الصلاة. نام على الكنبة من غير ما يتكلم. ميرو: حست إنها مش عارفة تنام واتخنقت. وحاسة إن جسمها دافي.

وقامت فتحت التراس وكان الهوا في الوقت ده جميل ومنعش. وقعدت على كنبة كبيرة. وقالت الأذكار. وقعدت وقت طويل في التراس. الصبح الساعة ٨ صباحاً. فيلا العدوي. آدم مراد: بيتمرن في الصالة الرياضية الخاصة. ومخنوق جداً من اعتراف عامر والجارسون. وبيتمرن بالبوكس كأنه بينتقم منهم. ووشه وشعره كله مياه. وبيضرب بغضب شديد. ومتغاظ جداً من الجارد اللي جدو طلعهم قبل ما يقتلهم مكانهم. واقسم إنه هيرجع حق أخته مهما حصل.

فيلا الصاوي. الساعة ٩. كلهم. على السفرة بيفطروا. ملك: "إنتي هتتأخري النهاردة في الشركة يا سارة؟ سارة: "لأ يا ماما هاجي في ميعادي إن شاء الله. خير؟ كنتي عايزة حاجة أجبهالك؟ ملك: "لأ يا حبيبتي. بس نسيت أقولك إن زياد وماليكة. معزومين عندنا النهاردة على الغدا. إنتي عارفة زياد مسافر بكرة في شغل وهيقعد أسبوع ويمكن أكتر. ربنا معاه يارب." جاسر: رفع عينيه على آسر. وابتسم.

سارة: ابتسمت. "والله بجد. طيب حلو أوي. خلاص هحاول أجي بدري إن شاء الله." جاسر: بمكر. "برحتك يا سارة يا بنتي. كده كده ماليكة وحياة هيقعدوا معانا كام يوم. إجازة بقى. ولا إيه يا ملك يا حبيبتي." آسر: ابتسم بحماس. وقام بسرعة وقال. "أنا يدوب أروح على الشركة عشان أجي بدري." جاسر: ضحك بصمت. وقال. "وأنا في انتظارك يا حفيدي العزيز." وغمز لآسر.

آسر: فهم إن جدو كاشفه وهرش في قفاه بحرج. "احم. طيب سلام أنا بقى. يلا يا أمي." وسلم على ملك. وباس على إيدها. وراح يسلم على جاسر. جاسر: همس في ودنه. "أطلبهالك من دلوقتي؟ آسر: قلبه دق. وهمس. "ياريت. بس هي لسه صغيرة. وأنا كمان. بس لو ينفع تحجزها أكون شاكر أفضالك. ههههه." جاسر: ربت على كتفه وضحك. "متقلقش. سيب الموضوع ده كله عليا." آسر: بتفاؤل. باس على إيده. "حبيبي يا أجمل جدو في الدنيا كلها. ربنا ما يحرمنيش منك."

مالك: بيراقبهم. "اله جرا إيه؟ طيب ماتفهمونا إيه النظام؟ جاسر: "مالكش دعوة إنت. ده سر بيني وبين حفيدي." مالك: "سر؟ لأ ما أنا لازم أعرف. ده حتى عيب على مستشار زيي." آسر: اتوتر. "احم. بعد إذنكم." وسلم على أبوه. وقال. "يلا يا أمي اتأخرنا." سارة: قامت بابتسامة. "حاضر يا حبيبي. يلا بينا." وسلمت على الكل. ومالك. وخرجت. مالك: "في إيه يا حج؟ جاسر: "هههههه. أنا قولت مالكش دعوة بقى. اخلع يلا على شغلك."

مالك: "هي بقت كده. ماشي. بس الموضوع فيه أنثى ولا أنا غلطان؟ جاسر: ابتسم بحب. "قولتلك اخلع بقى. ومسيرك تعرف." مالك: "تمام يا حج زي ما تحب." وباس على راسه وايده. وسلم على أمه وكارما. وخرج. في نفس الوقت. في إسكندرية. تيم: بدأ يفوق. واتعدل ومسح وشه بإيديه وبيتاوب. واتألم من إيده. وبص على السرير وملقاش ميرو. وقام بخوف. وخبط على الحمام. مرة واتنين ومحدش رد. واتوتر. "مريم؟ مريم إنتي جوه؟ " ومحدش رد.

تيم: مسح على شعره بخوف كبير. وبص حواليه وقال. "معقول تكون نزلت؟ وشاف باب التراس مفتوح من ورا الستارة. وبتتحرك بسرعة من شدة الهوا. وقال. "معقول في التراس على الصبح كده؟ " واتحرك بسرعة. وخرج وفتح عينيه بدهشة. ميرو: نايمة على الكنبة في وضع الجنين وبتترجف من السقعة. تيم: جري عليها بسرعة. ونزل على ركبه قدامها. وبيصحيها. "مريم. مريم." ميرو: بتترجف...

تيم: رفع راسها. ووشها كان أحمر وخاف عليها. وحط إيده على خدها. واتصدم. لأن جسمها سخن جداً. واتعدل بسرعة. وشالها. ودخل بيها. ونزلها على السرير بخوف. ميرو: بتترجف جداً وبتمتم وبتهلوس بكلام مش مفهوم. وماسكة في تيشيرت تيم بإيدها. تيم: قعد جمبها وقلبه بيدق بخوف كبير. ومسح وشها. ومستحملش درجة حرارته. وفك إيدها من تيشرته. وشد عليها الغطا.

وقام بسرعة كبيرة وقفل الشبابيك والتراس. وجابلها كمادات. ومهتمش بجرح إيده. وبدأ يعمل كمادات ليها. وحاول يفوقها. "مريم؟ مريم سمعاني؟ وبلع ريقه بخوف. ووشها أحمر جداً. ومحتار. ورفع ضهرها بحنان عليه. وبدأ يفك ليها الحجاب. ميرو: بتهلوس. "تي... تيم. ضربتني. ا.أنا معملتش حاجة. ااه. أنا بريئة. ا.أنا اتظلمت. تيم. ا.أنا مش اختك. إ.أنا بحب...

تيم: سمع كل كلمة. وقلبه وجعه عليها. وفك ليها الحجاب. وشعرها انسدل على كتفها وضهرها وغطا إيديه. وتيم انبهر بجماله. لكن اللي شاغل تفكيره حالياً ميرو وبس. ورجعها مكانها. وجاب شعرها على جنب. وبدأ يعملها كمادات. ميرو: بتهلوس. وبتكح. تيم: راح بسرعة جاب علاج من الدرج. وعدلها. وقعد خلفها بخوف كبير. وجاب مسكن. ومضاد حيوي. وعطالها العلاج. ورجع راسها على صدره. وكمل ليها الكمادات وهي في حضنه.

بعد شوية. الحرارة بدأت تقل. وتيم. نيم ميرو. واتصل على الروم سيرفز وطلب ليها أكل معين. ميرو: نايمة. وبتنهج بسيط من السخونيه. تيم: قعد جمبها ومسك إيدها بين إيديه. وباسها وحطها تحت دقنه بقلق واضح. وعيونه عليها. وقال. "مريم. سمعاني يا حبيبتي؟ ميرو: بتأن بتعب. "امم." تيم: اتنهد بزعل حقيقي. الباب خبط. وكان الفطار.

تيم: قام. وفتح واخد الفطار. وقفل الباب. ودخل. وحط الأكل. جمبه. وعدلها من ضهرها وقعد خلفها. وسندها. وبدأ ياكلها. ميرو: فتحت عينيها بتعب شديد. وهمست. "تيم." تيم: قلبه دق بإحساس مختلف. وقال. "قلب تيم يا مريم. كده تخوفيني بجد عليكي." ميرو: بتعب شديد. "عايزة أنام." تيم: "طيب ياروحي. كلي دي ونامي." ميرو: بتعب هزت راسها. "لأ. عايزة أنام."

تيم: استسلم. "حاضر." وحط الأكل على الترول. وعدل ميرو على السرير. وسابها تنام وشد عليها الغطا. وحزين جداً عليها. وهينزل يجيب لها علاج مفعوله أقوى من الصيدلية. بعد فترة كبيرة. في تركيا. تمارا: نايمة في حضن آريان. آريان: بدأ يفوق. وفتح عينيه. وشاف الوقت وكانت الساعة ٥. وبص على تمارا. وابتسم. ورجع خصلة ورا ودنها وهمس بحب. "تيما حبيبتي؟ آريان: قرب منها يفوقها بطريقته. تمارا: فتحت عينيها وضحكت بسعادة.

آريان: "إيه بقى كل ده نوم؟ تمارا: "أعمل إيه طيب؟ إحنا صاحيين من الفجر. وجيت على الضهر فصلت." آريان: "طيب يلا بقى قومي خدتي شاور حلو كده. والبسي عشان هنتغدى أنا وإنتي في وسط البحر." تمارا: حضنته بفرحة. "حبييييبي إنت والله." آريان: "ههههه قلبي إنتي يا تيما." وباس جبينها وقال. "ربنا يقدرني وأسعدك ديماً وأخليكي مبسوطة على طول." تمارا: حطت راسها على صدره. "سعادتي في وجودك جنبي وبس يا آريان. ربنا يديمك ليا."

آريان: رفع دقنها وباسها برقة. وقال بحبك . تمارا : بحرج كبير . احم وانا كمان بحبك .. آريان : قرب منها بحب كبير واخدها لعالمه الخاص.. ف باريس عند كريم وليليان .. كريم : واخد ليليان . وبيتفسحو . وبيتمشو ف شوارع باريس . ومبسوطين جدااا . ليليان : بدلع . كيمو انا عايزه ايس كريم. كريم : ايس وكريم كمان ؟ طيب ما انا معاكى اهو ياروحي . ليليان : ههههههه . كريم انت ف قلبى . أما الكريم التانى دى ف معدتى . ههههه.

كريم : امممم اقنعتينى . تعالى وشدها من ايدها وجريو ف الشارع . وجاب ليها الآيس كريم . وماشيين ياكلو ف الشارع .. ليليان : بتاكل بنهم . امممم طعمه لذيذ جدا . وقالت ياخبر بص هناك ياكيمو .. كريم : بص الناحيه التانيه .. ليليان : بمرح قربت الآيس كريم ع أنفه . وضحكت ع شكله . كريم : كشر عينيه وقال هو انتى ومصطفى حد مسلطكو عليا صح ؟ . وجري وراها . ليليان : بتجري وبتضحك . وخايفه كريم يحصلها ..

كريم : جري بسرعه . وشالها من الخلف ولف بيها كتير .. وليليان بتضحك بفرحه كبيره جدا. والايس كريم وقع منها . وضحكت .. كريم : نزلها ولفها ليه . ليليان : بتضحك . وبتنهج .. كريم : ضحك وشالها ولف بيها كتير جدا . وقال بصوت عالى بحبببببببك .. ليليان : بحماس اكبر ودقات قلب أعلا . بحباااااااك . ف بيت المزرعه . منصور : البواب . شاف العربيات . جري فتح البوابه الكبيره . ورفع ايدو بتحيه ليهم . يالف نهار ابيض يألف مرحب .

العربيات داخله ورا بعض .. عربية آدم . وعربية مراد . وعربية فهد . وعربية آدم مراد ومعاه تالين . ودخلو المزرعه . ونزلو . والشغالين طلعو استقبلوهم . وشالو الشنط .. منصور : جري عليهم بفرحه . حمدالله ع السلامه يابهوات . والله المزرعه نورت . بيك ياسي آدم بيه. الف حمدالله ع السلامه. كلهم الله يسلمك .. آدم : قلع النضاره . الله يسلمك يا منصور . انت عامل ايه ؟ منصور : بسعاده. هو سيادتك حرمنا من حاجه ؟

نحمد الله ياباشا . ربنا يخليك لينا . مراد : ايه يا منصور . كل حاجه جاهزه ؟ منصور : بتأكيد . طبعا ياسي مراد باشا . اتفضلو . اتفضلو . ف الجنينه . انا ظبط كل حاجه عشان الهوانم يقعدو براحتهم . . والمطرح يرد الروح . وساعة زمن والغدا يكون جاهز .. آدم مراد : لابس بنطلون اسود وتيشرت اسود. وعيونه ع آرين وعايز يتكلم معاها . لكن فهد موجود .. ورفع النضاره ع شعرو . وسابهم وراح الاسطبل .

آرين : مسكت ايد فهد . بابي عايزه اروح الاسطبل . بليز . تالين : انا رايحه اشوف ساهيل وريڤان . ممكن تيجي معايا. ده بعد اذنك ياخالو ؟ فهد : نفخ بحيره . رينو : بهمس فهد ارجوك احنا جايين هنا نفك عن نفسنا شويه. مش لازم كل حاجه لأ. سيب آرين مع تالين . فهد : من بين أسنانه بغيره . آدم راح الاسطبل يا لارين ؟ رينو : حبيبى ليه بتفكر بالطريقه دي ؟ احنا خلصنا من تيم هتقول آدم …

آدم كان قدامك اول امبارح . وعرض عليك يوصلك ف الفرح . ومهتمش. ب آرين خالص . فهد : بصلها . انتى مفكره إن الواد ده سهل ؟ وحياتك مش بعيد يكون هو الل ورا حكاية العصير ده . تالين : ها ياخالو فهد . موافق نروح انا وآرين ؟ ارجوك انا بحب آرين تكون معايا .. آدم العدوي : بتفهم . خدى آرين لكن متدخلوش الاستطبل ياتالين عشان خطر عليكم . وخليكو ف الجنينه افضل. فهد : اتنهد بأريحيه . سمعتو جدك قال ايه يا آرين ؟ متدخليش الاسطبل.

آرين : بتذمر اوكي اوكي .. تعالى ياتوتا نتمشي ف الجنينه مش لازم الاسطبل . اوووف . يلا . رينو : حرام عليك هتعقد البنت . فهد : صك ع أسنانه . والله هعقدها . دي اكتر واحده متدلعه . رينو : ياستار انت هتضربنى ولا ايه هههه. فهد : نفخ بنفاذ صبر . تعرفي انا نفسي اضرب حد . بجد يعنى … مكسرتش حد من زمان. رينو : هههههههههه . يانهارى عليك يافهد انت مش هتتغير .

فهد : بص ف عينيها . وقال عمر غيرتي عليكى ما تقل ابدا . انتى عشق الفهد يارينو. و آرين حته منك . يعنى هي روحك وروحي. وانتى نبضي . انتي نبض فهد يارينو . رينو : مسكت ايد فهد وباست عليها بحب كبير . وهمست ف ودنه . وانت عمري كله. وحشتنى اوى اوى يافهد . آدم العدوي : همس ل مريم . ايه ياروحي مبسوطه ؟ مريم : نزلت النقاب . واخدت نفس عميق . وقالت تعرف الجو والهوا هنا ليه طعم تانى . والمنظر الطبيعي ده يرد الروح . راحه نفسيه بجد .

آدم : ابتسم. عندك حق . انا حسيت براحه نفسيه اول ما قعدت جمبك . ما انتى الطبيعه الجميله بحد ذاتها .. مريم : همست بصوت واطي . تسلم لقلبى يا امبراطور روحي وكيانى . آدم : بمكر . ناويه ع ايه يا اميرتي ؟ مريم : شهقت بحرج . الله يهديك يا آدم .. آدم : هههههههه آمين يقلب آدم .. مراد : بيتمشي مع فريحه . وقال بت يافريحه .. فريحه : نعم ياقلب فريحه .. مراد : اسمها نعم يامرادي يابنت المستخبى انتى ..

فريحه : هههههههه نعم يا اجمل مرادى ف الدنيا . مراد : لأ حيث كدا بقى . تعالى نشوف اوضتنا فوق جاهزه . ونشوف حوار السكر .. فريحه : بحرج. مراد احنا لسه واصلين والغدا ع وصول . مراد : اتحرك. وشدها من ايدها . وقال غدا ايه ياعم ؟ وبعدين دول معاهم ساعتين واكتر . وغمز ولا انتى مش عايزه سكر ؟ فريحه : بصت حواليها بحرج . يامراد ياحبيبى استهدى بالله.

مراد : شدها من أيدها . يلا يابنت كوم الشكاير. تعالى انت وحشنى ياعم . وانت عمال تحلو كدا .. قمر يخربيت ابوكي . فريحه : شهقت بدهشه . وبعدها ههههههههههه . آدم مراد : دخل الإسطبل . ونده ساهيل ؟ الحصان . سمع صوت آدم . وعمل صوت صهيل وخبط برجليه . آدم مراد : ابتسم . وفتح باب الاسطبل . وقرب من ساهيل . ساهيل : لف حوالين آدم. كأنه مشتاقله وبيسلم عليه . آدم مراد : مسد ع ضهرو . وراسه . وابتسم . وحشتنى يصحبى .

ساهيل : عمل صهيل بصوت عالى . آدم مراد : ضحك . وحط السرج ع ضهر الحصان .. وقاله جاهز . وركب الحصان . وقاله يلا ورينى اقصى سرعه عندك . ساهيل : رفع رجليه لفوق بصهيل عالى .وخرج من الاسطبل وجري بسرعه كبيره جدا كأنه اخيرا خرج للحريه .. مراد : طالع ع السلم مع فريحته. وسمعو صوت الحصان . وبصه عليه. وشافو آدم . وابتسمو بفخر كبير .. وفريحه : دعت إن ربنا يحفظه.

فهد : سرحان ف عشق رينو . وسمع صوت الحصان . وحاوط رينو من كتفها. وبصو ع آدم .. مريم : بصت ع آدم وخافت. وقالت حفيدك يا آدم الحصان بيجري بيه بسرعه كبيره جدا . انا خايفه عليه .. آدم : متقلقيش ياروحي. آدم حفيدى عارف هو بيعمل ايه . انتى بس ادعيله. مريم : عينيها عليه. وقالت استودعتك عند الله يا آدم يابن قلبى يارب .. آركان : اخد اكل . وراح يطمن ع الكلاب بتاعته . ريكس وهاسكي .

تالين : ماشيه ف الجنينه . مالك يا آرين شكلك مش مبسوطه ؟ آرين : من جواها مضايقه .هي بقت عايزه آدم وبس. وقالت لأ انا مبسوطه عادي جدا .. تالين : هزت كتفها. مش عارفه حاسه غير كدا . آرين : نفخت بنفاذ صبر . مش عارفه بقى. بقولك ايه تعالى نشوف ريكس وهاسكي . تالين : بخوف . لأ لأ . انا بخاف اوى . كفايه ماكس الله يكرمك .. آرين : بتذمر يووووه . انا عايزه اشوف الحصان وكمان الكلاب . اومال احنا جايين هنا ليه ؟

تالين : ابتسمت بحب وقالت .. بصي الشجر الاخضر يرد الروح . بصي للسما وشوفي الطيور مع شكل الميا والزرع حاجه حلوه اوى كمية راحه نفسيه كبيره . آرين : انا عارفه كل ده . وكمان كان نفسي اوى اركب خيل ف وسط المزرعه . كنت هبقى مبسوطه اوى .. تالين : اقولك ع حاجه ؟ آرين : ايه ؟ تالين : أبيه آدم وعدني انى اركب خيل .. آرين : شهقت بصوت عالى بجد ؟ يعنى آدم موافق انك تركبي خيل ؟ تالين : بضحكه رقيقه . ايوه . لكن الخيل ده . بصي هناك ..

آرين : لفت وشها . وشافت مجموعة خيل صغيره مش كبيره . وقالت بنفاذ صبر . هو ده خيل ؟ ده لسه صغير يا تالين .. تالين : لأ طبعا . لل ف سنى مناسب جدا . انتى عايزه اركب حصان زى دارلي او ساهيل وريڤان ؟ دول كانو وقعونا .. اهدى يا آرين . رحم الله امرئ عرف قدر نفسه . آرين : بزعل طفولى . خلاص مش عايزه حاجه .. تعالى بقي نتمشي شويه .. تالين : احنا كدا بعدنا عن العيله اوى ..

آرين : بغيظ . بصي بقى عشان مش كل حاجه لأ . واحنا بنتفرج ع الزرع مافيهاش حاجه بقى .. تالين : اوكي اوكي متزعليش . بس . احم وكملت بحرج ..ممكن اروح التواليت وارجع تاني ؟ آرين : اوكي روحي وانا هستناكي هنا .. تالين : اوكي . باي . آرين : بتتمشي وبتكلم نفسها . و شافت فراشه جميله اوى وفيها الوان كتير. وقربت بشويش . ومسكتها . ورغم خوفها لكن ابتسمت وقالت بانبهار . واو . ماشاء الله.

. انتى شكلك جميل اوى . سبحان الله الوانك تجنن كأنك لوحه جميله جدا كلها الوان ومنوره اوى. بصي انتى من دلوقتي صحبتى اوكي . وهسميكى ؟ وفكرت بحيره . اسميكى ايه ؟ اسميكى ايه ؟ صوت من وراها . (ضي) . سميها ضي . آرين : اتخضت . ولفت . لكن قلبها دق بقوه . وضحكت بفرح وهمست آدم ؟ آدم مراد : نزل من ع الحصان . ومسك اللجام . وقرب منها. وقال جميله الوان الفراشه..

آرين : قلبها بيدق . وقالت بتوتر . ا.ايوه . احم ايوه شكلها جميل اوى وعجبتنى . آدم مراد : بص ف عينيها وقال . بتشبهك كتير . وعشان كدا انا سميتها ضي . آرين : بتوهان . ازاى . ومين ضي دي ؟ آدم مراد : قرب من ودنها وهمس. انتي (ضي آدم) آرين : جسمها رجف . وبلعت ريقها بصعوبه . وقلبها بيدق بسرعه .. وسابت الفراشه ومسكت فستانها بايديها بقوه.. آدم مراد : اتعدل وبيرسم ملامحها وابتسم من توترها .

. وقال انتى واقفه لوحدك ف وسط الجنينه ليه ؟ آرين : بتلم شتات نفسها. وقالت بلخبطه.. ا.الحصان. إء . قصدى تالين . والخيل .وغمضت عينيها وفتحت بتلعثم . قصدى … ؟ اه اسكت يا آدم اصل انا زعلانه خالص جدا اه والله. آدم مراد : عيونه ع حركات شفايفها . وغمض عينيه ونفخ بنفاذ صبر . وبص بعيد . ليه زعلانه ؟ ومين الل زعل ضي آدم ؟ آرين : ابتسمت بحب وفرحه كبيره من لقبها الجديد . . وبعدها كشرت بطفوليه وقالت بابي مش راضي انى اركب خيل .

. تعرف يا آدم بجد بجد نفسي اركب خيل اووووى بجد . بس مش الصغير ده . تؤ انا عايزه ساهيل. بس بابي بقى رفض . آدم مراد : رفع حاجبه . وقال نعم تركبي خيل ؟ وكمان ساهيل ؟ آرين : خبطت برجليها ع الأرض مكانها وعيطت بطفوليه . عاااااااا . والله بجد حرام كدا . آدم مراد: ابتسم. بس يا آرين. آرين: عاااااااااا لاااااااء انا ليه كل حاجه بحبها بتقوله لأ. آدم مراد: ضحك بصمت ع شكلها وبراتها الل بيعشقه.. وقال خلاص أنا موافق..

آرين: عاااااااا باااابي مااااامي.. آدم مراد: هههههههههههه. آرين: سكتت مره واحده وفتحت عينيها ببلاها وقالت آدم انت قولت ايه. آدم مراد: قلبه دق بحب وقال.. قولت موافق ياضي آدم مراد.. آرين: اتكسفت ونزلت وشها ف الارض بحرج كبير. آدم مراد: قرب منها الحصان. وقال ارفعى ايدك ع راس ساهيل بشويش. آرين: قلبها دق بخوف. وقالت بس انا خايفه. آدم مراد: بثقه. طول ما انتى معايه. مش عايز اسمع كلمة خايفه. تمام يا آري.

آرين: بلعت ريقها بتوتر. وجواها خايفه. ورفعت أيدها برجفه. ونزلتها تانى بسرعه. آدم مراد: قرب منها الحصان وقال متخفيش. وقال ساهيل اعرفك. ع ( آرين العدوي) آرين: ببلاها. بس انا آرين السيوفي يا آدم. آدم مراد: بشبح ابتسامه.. وبصلها وقال بتملك وثقه كبيره.. انتى آرين آدم مراد العدوي.. ويلا بقى ارفعي ايدك ل ساهيل.. آرين: قلبها بيدق بسرعه واتوترت. وبلعت ريقها بتوتر ورفعت أيدها برجفه. وحطتها ع راس ساهيل..

سهيل: حرك راسه تحت أيدها. وقرب منها وعمل صهيل خفيف.. آرين: ضحكت بمرح.. وااااو. ده جميل اوى. آدم مراد: بغيره. من بين أسنانه. أولا ف قاموس آدم ممنوع اى وصف شكل لأى مخلوق حتى لو كان حيوان فاهمه. آرين: صكت ع أسنانها بغيظ مكبت. وقالت بتذمر يووووه ده ايه ده بقى. وربعت ايديها ببرود وقالت وبعدين ما انا قولت ع ضي الفراشه جميله اوى. وانت متضايقتش ليه. آدم مراد: كشر عينيه ف نظره خوفها. وقال. انتى جاوبتى ع نفسك.

.فراشه يعنى انثي مش ذكر تمام. وخلى بالك من تصرفاتك بعد كده.. انتى كبرتى ورايحه كليه يعنى مش صغيره.. آرين: ببراه وفتحت عينيها وقفلتها بطفوليه وقالت بعفويه ودلع. انا بحب كتير اوى اكون طفله عندك مانع. آدم مراد: قلبه دق. ومسح وشه بايديه ونفخ بنفاذ صبر.. .وقال اركبي الحصان عشان ١٠ دقايق وهترجعى ع البيت. آرين: بتذمر ١٠ دقايق بس. خليها نص ساعه. آدم مراد: بمكر. خلاص نتصل ع خالو فهد وناخد رائيه.

آرين: بلهفه لأ لأ لأ. حلو اوى ال ١٠ دقايق. ده حتى بيعملو فيها بسكويت. آدم مراد: بعدم فهم ايه. آرين: رفعت حاجبها وقالت ايه ماسمعتش عن بسكوت ال١٠ دقايق. آدم مراد: هز راسه واتنهد. لل تعبت قلبه بطفوليتها. وقال اركبي يا آرين.. آرين: قربت من الحصان بخوف. وقالت بس السرج عالى اوى عليا. .وبصت حواليها مفيش كرسي هنا او اى حاجه. وكشرت بزعل طفولى..

آدم مراد: شاف زعلها. وابتسم. ونزل ع ركبه ونص قدامها. وشاور ليها تطلع ع ركبته وتوصل للسرج.. آرين: حطت ايديها الاتنين ع بوقها. وقلبها بيدق بسعاده كبيره جدا من الموقف ده.. آدم مراد: ابتسم وقال بمكر. ما هو ماينفعش اشيلك دلوقتي. وغمز. آرين: فتحت عينيها بدهشه. واتكسفت ومتكلمتش.. ورفعت رجلها برجفه. ووصلت للسرج. وركبت الحصان بخوف كبير.. آدم مراد: قام ونضف هدومه. وشايف الفرحه والخوف ف عينيها.. آرين: برجفه. آدم انا خايفه اقع..

آدم مراد: بابتسامه. انسي انك. تقعى ف وجودي. امسكى اللجام ده كويس. آرين: مسكت اللجام. وقالت ساهيل هيجري. آدم مراد: رفع عينيه ليها وقال لأ. هيمشي معايا. لانه لو جري وقتها انا مش ضامن بقى. ولو اذاكي. وقتها مش هيكون ف ساهيل ولا حاجه اسمها مزرعه.. آرين: ابتسمت برقه. واتنهدت بحب كبير.

تيم: رايح جاي ف الاوضه بتوتر. الحراره بتروح وتيجي لميرو. واخدت دور برد شديد جدا. مع التوتر النفسي وقلة الاكل تعبت اكتر. وما اكلتش حاجه. وده هيجنن تيم. تيم: قرب منها وشاف درجة الحرارة وكانت عاليه. .وركب ليها كانيولا. وعلق ليها محلول مغذي تعويضا عن قلة الاكل. وقعد جنبها يعملها كمادات. .وسرح ف جمالها. ومسد ع شعرها بحنان. واتنهد وباس جبينها. واتعدل. والمحلول خلص وقفل الكانيولا.

ميرو: حركت راسها. وفتحت عينيها وقفلتها تانى. وهمست بابا آدم. تيم: شاف الوقت. وده ميعاد جرعة مضاد الحيوي..و خبط ع خدها بشويش.مريم انتى كويسه. ميرو: بتأن. اممم. تيم: فتح كبسولة مضاد حيوي. وعدل ميرو. وسندها. خدي يامريم العلاج ده وهتبقى كويسه.. ميرو: ف اللاوعي. تيم انت فين. تيم: عيونه لمعت. ونفخ بتوتر. انا جمبك ياحبيبتي. افتحي بوقك يلا خدى العلاج ده. ميرو: بتعب شديد فتحت بوقها حاجه بسيطه.

تيم: عطالها الكبسوله. وشربها ميا. بالعافيه وساعدها. احسن دلوقتي يامريم. ميرو: بتهلوس. تيم انت فين. متسبنيش. تيم: بخنقه كبيره عشانها. حبيبتي انا جمبك. ميرو: فتحت عينيها بتعب. تيم: بصلها وابتسم. حبيبتى انتى كويسه. مريم انتى سمعانى. ميرو: بهلوسه عايزه انام. تيم: هز راسه ليها. ماشي ياروحي. نامي. ورجع ضهرها ع السرير. ميرو: مش ف وعيها. وهمست خليك جمبي. تيم: بحيره. ومش عارف يعمل ايه.

ميرو: بتترجف. متسبنيش انا سقعانه اوي. مامي انتى فين. تيم: خاف عليها. ونام جمبها. وشد عليها الغطا. واخدها ف حضنه. وضمها لقلبه بحب كبير. ونامت ف حضنه. وقلبه بيدق بسرعه كبيره. وبيتألمها.. ميرو: بتترجف. وبدأت تستكين تماما. وغمضت عينيها ونامت وهي بتهمس بإسم تيم.. تيم: رجع خصلة شعر ورا ودنها وهمس. عيون تيم يامريم. وباس جبينها. وزاد من حضنها وضمها لقلبه بشعور مختلف وبيزيد عشق اكتر من قبل. ونام لأول مره وملاكه ف حضنه..

همس: خبطت ع ساره ودخلت. بضحكه صافيه..صباح الخير يا مدام ساره. ساره: ابتسمت اهلا صباح الخير يا همس ياحبيبتى.اتفضلى اقعدى. وقفلت الملف. همس: قعدت. انا مش عارفه بصراحه اشكر حضرتك ازاى ع معاملتك الجميله دى. ساره: ههههه برضو جملة كل يوم.

.بصي يا همس بصرف النظر عن انك بنت رجل الأعمال المعروف رياض المنشاوى. لكن انا بجد حبيتك زى آسر ابنى بالظبط. وحابه جدا الطموح والشغف ال عندك. فكرتينى بنفسي زمان. مع اختلاف الظروف طبعا. وكمان ال اكتشف فيا الطموح ده عمو آدم. وكان ونعم السند بجد. ف انا بحبك لشخصيتك الجميله والمرحه. ياريت بقى مش كل يوم اسمع منك الموشح ده وشكرا ومعرفش ايه. انتى زى آسر اوكي..

همس: ابتسمت بحب. ميرسي جدا لحضرتك بجد. وده شرف ليا انك تعتبرينى زي الاستاذ آسر. اتفضلى حضرتك ده ملف لفكرة المشروع الجديد ال ف دماغي وقولت لحضرتك هجبلك الفكره بتاعتى. ساره: هاتى يستى. لما نشوف ولو انى متاكده من عبقريتك. واخدت الملف وفتحته. همس: ميرسي جدا بجد.

ساره: بصت ع الأوراق.ف نظره سريعه. اممم برافو.مشروع كمبوند متكامل الخدمات. وف مكان راقي. اممم. بس ده ياهمس مش تخصصات مجموعتى هنا. ده تخصص الشركه الأم للامبراطور. او شركة المهندس زياد جمال. همس: بحرج. بصراحه. بابي عرض عليا يمول المشروع ده لحسابي. لكن انا عايزه ابدء من الصفر. والمشروع ده حلم حياتى وعايزه احققه بمجهودى.

ساره: بتفكير اممم. ال هيساعدك ف المشروع الجديد ده.هو عمو آدم. بصي انا عايزه نسخه متصوره من الملف ده وخلى الاصل معاكي. وانا هتواصل مع عمو آدم. بميل الشركه التجاريه. لانه مسافر حاليا. وكمان الباشمهندش زين وزياد هيسافرو انهردا. ولو مردش انا هتصل عليه بنفسي واتناقش معاه وياخد فكره عن الموضوع. همس: بحماس. يعنى ممكن يوافق. ساره: ابتسمت. اكيد طبعا. طيب تسمعى عن رجل الأعمال الجديد ف مجال الالكترونيات هاشم الشرقاوي.

همس: فتحت عينيها بدهشه ايوه فعلا. ده بيقوله مشروعه عمل ضجه ف اسكوتلندا. رغم أنه سنه صغير.. ساره: ههههه ايوه هو ده. تعرفي بقى إن عمو آدم هو اال مموله المشروع ده. وهو ال وقف جمبه لحد ما وقف ع رجليه. همس: بانبهار. واااووو. تيم: نايم. وبدأ يفوق. وفتح عينيه. وشاف ميرو نايمه ف حضنه وشعرها مغطى وشها. وكان قلقان عليها ورفع ايدو بسرعه يشوف درجة الحراره. وكانت كويسه. واتنهد بأريحيه. وقال الحمدلله.

ميرو: نايمه ف آمان وعمق كبير. كأنها مانمتش من شهور. وحركت راسها ورفعت أيدها ع صدر تيم.. تيم: ابتسم بحب. ورفع ايدها وحطها ع خدو. وباس كف أيدها. وهمس صباح الورد. ميرو: كحت بسيط. تيم: فتح عينيه بدهشه. وقال لو فاقت وشافتني بالمنظر دا. ممكن تزود فترة العقوبه. ونتخطب سنه واربع شهور. . ورفع راسها من ع صدرو بشويش. ونزلها ع المخده. وعدل أيدها. واتعدل ببطء شديد لانها بتفوق.

ميرو: كحت تاني. وفتحت عينيها بتعب وغمضت تانى. وبتتألم. تيم: قال جواه ربنا يستر. بشعرها ال جنني ده. احم. وقعد ع طرف السرير.. صباح الخير. ميرو: سمعت صوت تيم. وبتتألم من البرد. ورجعت شعرها بتعب. وهمست صباح الخير. تيم: ابتسم بحب. كدا ياميرو توقعى قلبى عليكي بالطريقه دي. ميرو: بتفكر بتعب وعايزه تفتكر ايه الل حصل وايه الل بيقوله ده. ومش قادره تتكلم. حاولت تتعدل.. تيم: بسرعه حط مخده ورا ضهرها. ع مهلك ياحبيبتي.

ميرو: سحبت أيدها بسرعه منه. واتعدلت. وماسكه راسها من الصداع. تيم: شاف وشها الجميل مع شعرها ال جننه. واكتمل جمالها مع لعنة العشق وقلبه دق. واتنهد ومسح ع شعره. وقال عامله ايه دلوقتى. ميرو: بتعب هو ايه الل حصل. انا مش فاكره حاجه. وايه الل جابنى هنا.

تيم: انتى امبارح الفجر نمتى ف التراس. والهوا ع البحر كان شديد عليكى. واخدتى برد. وحرارتك كان معديه ال٣٧. كان حتة يوم شوفت فيه النجوم ف عز الضهر. لكن الحمدلله اهم حاجه انك كويسه. ميرو: بصت ع أيدها وشافت الكانيولا. وبصت ع الكمود شافت العلاج. وقالت بحرج ميرسي جدا.تعبتك معايا.. تيم: بمكر ياريت كل التعب تبقى نهايته حلوه كدا. ميرو: كشرت عينيها بعدم فهم. ورفعت أيدها ع الحجاب. وفتحت عينيها بصدمه كبيره. وهمست شعري.

تيم: كتم الضحكه. وسكت. ميرو: اضايقت جدا. وشافت الحجاب ع التربيزه. وقامت بسرعه. وداخت جدا وكانت هتقع. وقعدت ع السرير تانى. تيم: شافها. وقام بسرعه لف ليها. ونزل ع ركبه قدامها وقال بقلق مريم انتى كويسه. حاسه بايه قوليلى. ميرو: بزعل حقيقي. سكتت وبصت بعيد.وعيونها لمعت بدموع.. تيم: فهم. واتخنق. وقام جاب ليها الحجاب. وقال اتفضلى. أنا ماشيلتش الحجاب بمزاجي.

أنتي كنتي تعبانة جداً، ودرجة حرارتك عالية، وده سبب إني فكيت الحجاب. آسف. كمان افتكري إني جوزك، يعني ما أجرمتش. وياريت تقومي تاخدي شاور عشان تفوقي، لأني هطلب فطار ونفطر ع البحر. وسابها بخنقة ودخل الحمام. ميرو: مسحت وشها بتعب. وشمّت ريحة برفان تيم خارج من فستانها، وقلبها دق. وشافت الكمادات والعلاج، وكلمة "جوزك" اللي بتعشقها. وابتسمت بحب كبير ع خوفه عليها واهتمامه. بعد شوية...

تيم خرج من الحمام وشافها قاعدة ع السرير زي ما هي. وحطت الحجاب ع شعرها. وقال: "اتفضلي عشان البس وهننزل". ميرو: قامت بتعب، وأخدت هدومها ودخلت الحمام وأخدت شاور. تيم: صلى الضحى وغير هدومه. ولبس بنطلون وتيشرت. وواقف قدام المرايا ورش برفان. وسرح في شكل ميرو وهي نايمة ف حضنه. وافتكر وقت الفجر لما صحى يصلي وهي ضمته أكتر وقالت: "متسبنيش، مبعرفش أنام من غيرك". واتنهد بابتسامة.

وقال: "أنا مش قادر أبعد عنك أكتر من كده، كلها كام يوم... ولو مرجعتيش عن الشرط ده، أنا هتصرف معاكي بطريقتي". وابتسم بمكر. وقال: "أيوه، مفيش غير الطريقة دي". وسرح شعره وبيصفر بمرح. ميرو: خرجت من الحمام ولابسة إسدال. وصلت الصبح والضحى. ودخلت أوضة اللبس. ولبست فستان رقيق سماوي في ورد ألوان هادية وجميل جداً عليها. وسرحت بتفكر. وقالت: "أنا ليه حاسة إن تيم كان قريب أوي مني؟ "وليه حاسة إني نمت كويس جداً؟

" ونفخت بحيرة. "طيب، واخرتها؟ يومين وحاساهم سنة". وابتسمت بحب. وقالت: "تيم قال أنا جوزك. اممم، الكلمة دي بتنعش قلبي بجد". "بس فيه حاجات كتير جداً عايزة أعرفها، زي كاميليا؟ وكمان أنتِ أختي إزاي؟ وهو بيقولي بحبك من زمان؟ وإزاي عرف إني بحبه؟ تؤ، أنا لازم أعرف كل حاجة". "وكمان عايزة أديله درس ع وجع قلبي اللي عشته ٨ سنين عذاب. وكمان هو في يوم وليلة كدا عايزني أبقى مراته؟ طيب إزاي؟

"وأنا أصلاً مش مستوعبة اللي حصل لحد دلوقتي؟ فجأة كل حاجة حصلت بسرعة، والإنسان اللي تعبت في حبه، ألاقيه هو كمان بيحبني؟ " وحست بدوار ومسكت راسها وغمضت عينيها. وقالت: "الدوخة دي مزعجة جداً". ولبست الحجاب وخرجت. تيم: واقف في نص الأوضة بيلبس الساعة. ورفع عينيه شاف ميرو خارجة من الأوضة. وبص ليها في نظرة عشق.

ميرو: وقفت مكانها وبصت ليه في نفس النظرة. والقلب لو كان بيتكلم، كان اعترف بميراث العشق اللي بينهم. ولكن اكتفى بسرعة دقاته ليهم. وبعد شوية قطع سحر اللحظة كاميليا اللي اتصلت ع تيم. ميرو: انتبهت وبصت ع الفون اللي ع التربيزة قدامها. واتخنقت جداً وصكت ع أسنانها بغيرة مكبوتة. تيم: انتبه وقرب منها يشوف مين اللي بيتصل. ولكن تعابير وشه قلبت ١٨٠ درجة. وقبض ع ايديه. ميرو: بتكابر دموعها.

وقالت بجدية: "أنا نازلة بعد إذنك". وسابته ونزلت بسرعة وبتنهج من الغيرة وعايزة تضرب كاميليا. تيم: مسح وشه بإيديه ونفخ بضيق حقيقي. ورد عليها بجمود: "الو". كامليا: بمكر: "الو تيم حبيبي. ليه ديماً بتقلقني عليك؟ تيم: عيونه بتطلع شرار. وقال من بين أسنانه: "عايزة إيه يا كاميليا؟ كامليا: كشرت عينيها بعدم فهم: "عايزة إيه؟ تيم: انتبه وبعد الفون عن ودنه. واخد نفس عميق. وقال: "أهدى ياتيم. لسه منتقمتش منها". وابتسم بتمثيل.

وحط الفون ع ودنه وقال: "معلش يا كامي، أنا لسه صاحي ومش مركز". كامليا: ابتسمت: "ولا يهمك يابيبى. أنا بس كنت عايزة أطمن". وكملت بخبث كبير: "ياترى الفرح كان عامل إيه؟ وميرو اتجوزت خلاص؟ تيم: ابتسم ع غبائها وفهم إنها شمتانة. وقال: "طبعاً اتجوزت. وجوزها مكانش مصدق إن ميرو من نصيبه. أصل انتي مش هتصدقي إنه كمان شايف إن ميرو كتير جداً عليه". كامليا: صكت ع أسنانها بغيظ كبير وغيره. وقالت: "والله؟ وانت إيه اللي عرفك بقى؟

تيم: ابتسم بمكر. "أصله غنى ليها قدام الكل. وكمان نزل ع ركبه قدامها وقدم عشقه ليها. واعترف بحبه الكبير ليها. طيب تعرفي إنه لقبها إنها ملاكه. ومش هتصدقي بقى إنه رقص وهي ف حضنه وشالها ولف بيها كتير. وقالها انتي أساس حكايتي. بصي الفرح كان خيال بجد. وميرو كانت مبسوطة جداً جداً جدا". كامليا: بتتنفس غيرة. وقالت بصوت جهوري: "خلااااص مش عايزة أسمع حاجة". تيم: مثل الحيرة وقال: "ليه يا كامي؟ ليه مش عايزة تسمعي؟

مش انتي اللي عايزة تطمني ع ميرو والفرح؟ أنا اهو بحكيهولك كأنه حصري". كامليا: بتتنفس غيظ. وقالت: "أيوه خلاص المهم إنها اتجوزت وف حالها دلوقتي". تيم: بمكر: "مين قالك إنها ف حالها؟ دي اتجوزت ف نفس العمارة بتاعتي وشقتي جمب شقتها بالظبط. يعني ميرو هتكون معانا ليل ونهار". كامليا: بتنهج بغيرة وغل كبير. وقالت: "تيم أنا لازم أقفل دلوقتي". تيم: ابتسم بمكر: "استني بس طمنيني ع صحة والدك". كامليا:

بنرفزة: "كويس. كويس. وكلها كام شهر ونرجع ع مصر". تيم: قبض ع ايده وبص قدامه وقال بشر كبير: "وأنا مستني اليوم ده بفارغ الصبر". كامليا: مركزتش. وقفلت. وحدفت الفون بغل كبير في المراية وكسرتها وصرخت بغيظ. وقالت: "لااااااااء لااااااااء. مريم هتبعد عنك ومش هتعيش جمبك. مفيش حد من عيلتك هيقرب منك. انت ملكي أنا وبس. انت بتاعي أنا وبس. ومحدش ليه حق فيك غيري أنا وبس فااااااااهم يا تييييييم؟ تيم: قفل الفون. وصك ع أسنانه بغضب.

وقال: "أقسم بالله العظيم لأدفعك كل كلمة قولتيها لي ع مريم يا كاميليا. بس الصبرررر". ع البحر... ميرو: بعد ما نزلت كانت مخنوقة جداً. وخرجت من الفندق وراحت عند البحر. وقعدت ع تربيزة. وقالت بغيظ: "طيب إزاي بقى بيحبني؟ وكاميليا كل يوم تتصل عليه؟ "لأ، وكمان دلوقتي أكيد رد عليها وبيكلمها بما إنه منزلش لحد دلوقتي؟ " اممم، ماشي ياتيم اوووكي. وبتهز رجليها بتوتر واضح. وبصت ع البحر تتأمل فيه. جت بنت شافت ميرو. وشهقت بفرحة.

وقالت: "مريم العدوي؟ مش معقول". ميرو: رفعت عينيها وشافت هبة صحبتها. وضحكت بفرحة كبيرة: "مش معقول هبة محمود؟ " وقامت وسلموا ع بعض. هبة: حضنتها بفرحة كبيرة: "مريم وحشتيني أوي أوي يا مريومة". وطلعوا من حضن بعض. ميرو: بضحكة: "هبة انتي وحشاني جداً والله. عاملة إيه ياحبيبتي؟ وإيه المفاجأة الجميلة دي؟ هبة: بعتاب: "كدا برضه يامريومة؟ أنا لو وحشاكي بجد هتتصلي وتطمني عليا. بس انتي بقى من فترة كبيرة قطعتي عني أخبارك".

ميرو: "غصب عني ياحبيبتي أنا بجد آسفة. لكن أكيد ظروفي كانت أكبر مني. متزعليش. لكن قوليلي إيه اللي جابك إسكندرية؟ هبة: ابتسمت بحرج: "أنا اتخطبت يامريومة. ههههه". ميرو: بفرحة: "واو بجد ألف مبروك ياحبيبتي". هبة: "الله يبارك فيكي ياقلبي. وجيت هنا إسكندرية لأن عيلة العريس عايشين هنا. وعزمونا نقضي يومين هنا. وخطيبى جاي هناك اهو. واسمه فادي. وانتي بقى جاية هنا بتقضي الإجازة؟ ميرو: بحرج: "احم. لأ أنا اتجوزت وا... هبة:

صرخت بفرحة كبيرة: "بجد بجد يامريومة اتجوزتي؟ ألف مبروك ياروحي". وكملت بزعل حقيقي: "يعني اتجوزتي كمان ومقولتيش؟ لا أنا زعلانة بجد". ميرو: "سوري بجد يا هبة كل حاجة حصلت بسرعة كبيرة جدا". فادي: جه عليهم وشاف هبة. وقال: "إيه ياهبة بتعملي إيه؟ وشاف ميرو وبصلها بإعجاب: "هاي". ميرو: اتحرجت واكتفت وهزت راسها ليه. هبة: "فادي حبيبي أحب أعرفك بصديقة الجامعة. دكتورة مريم. وده فادي خطيبي يامريم".

فادي: مد إيده ليها يسلم عليها. "أهلاً وسهلاً اتشرفت بحضرتك يادكتورة". ميرو: اتكسفت لأنها مبتسلمش ع رجالة. تيم: قرب من ميرو. وحط إيده في إيد فادي بغضب واضح. وقال: "مراتي مبتسلمش ع حد غريب". وضغط ع إيده بتحذير. وبص ل ميرو في نظرة غيرة واضحة. فادي: بيداري الألم. "هههههه بجد عموماً أنا بعتذر جداً أنا معرفش حاجة زي كده. بس ليه مبتسلمش فيها إيه يعني؟ هبة: بخنقة: "فادي لو سمحت".

وابتسمت: "دكتور تيم أنا بعتذر. بس بجد مفاجأة جميلة جداً. يعني حضرتك اتجوزت مريم؟ بجد أنا فرحت جداً علشانكم". ميرو: رغم فرحتها بغيرته عليها. لكن موقف كاميليا مضايقها. تيم: اكتفى بابتسامة. ميرو: "وأنا كمان مبسوطة أوي عشانك ياهبة. واعملي حسابك إنك هتتغدي معايا انهاردا ع البحر". تيم: قبض ع ايديه بغيرة وسكت. عشان مايحرجهاش. فادي: "هههههه بجد كلك ذوق وأنا موافق ولا إيه رأيك ياهوبا".

تيم: مسك إيد مريم بغضب واضح. "بعد إذنك يادكتورة هبة. لأننا متأخرين". وشدها ومشيو. هبة: بتعجب. بصت ل فادي وقالت: "على فكرة مريم كانت بتتكلم معايا أنا". فادي: مط شفايفه ببرود: "وفيها إيه يعني؟ كنتي هتتغدي لوحدك معاهم؟ واضيع فرصة زي دي؟ و مش عارف ليه حاسس إن جوزها ده متخلف وراجعي. تخيلي بيقول مراته مبتسلمش؟ قمة الجهل هي ف ناس لسه بتفكر كدا. هبة: بصتله بدهشة وقالت: "جهل؟ يعني أنا أسلم ع أي راجل غريب عادي مفيش عندك مانع؟

فادي: بتأكيد: "نيڤر ياحبيبتي. دي شيء عادي جدا". هبة: هزت راسها بتنهيدة. وقالت: "ماما بتنده عليا بعد إذنك". وسابته ومشيت. تيم: راح عند التربيزة. ووقف قدام مريم. واتكلم بغيرة كبيرة من بين أسنانه بغيظ: "ممكن أعرف إيه اللي إنتي عملتيه ده؟ ميرو: قلبها فرحان لغيرته. وقالت برقة عن عمد: "أنا عملت إيه بس؟ دي صحبتي وجاية ضيفة ف فندق صاحب بابا آدم. وأنا عزمتها ع الغدا. هو أنا كدا غلطت ياتيم؟ تيم: غمض عينيه.

وقال جواه: "هي سنة سو... أنا مش هستحمل". احم. وفتح عينيه. وقال بغيظ: "لأ معملتيش حاجة غلط. والواد الملزق اللي معاها ده. اللي فارض نفسه ف كل حاجة. وبيقلدو بغيظ. ليه مبتسلمش فيها إيه يعني؟ يابنتي ده مش راجل ده العيل بيفهم أحسن منه. آه والله". ميرو: غصب عنها ضحكت: "ههههههه. ههههه". تيم: قلبه دق لضحكتها. لكن

قرب منها وهمس في ودنها: "أقسم بالله لو ضحكتك صوتها طلع تاني بره الجناح بتاعنا. لأ تشوفي وش أتمنى بجد إنك في حياتك متشيفهوش. ماشي يامريم هانم؟ "واقعدي بقى عشان انتي تعبانة. وما أكلتيش من امبارح". ميرو: ضغطت ع شفايفها بحرج كبير وفرحت أوي. وحاسة إنها مالكة الدنيا كلها بين ايديها. وبعدها كشرت تاني. لأنها افتكرت كاميليا. وقعدت بصمت. ومتغاظة. تيم: قعد قدامها. وبص ع فادي بغيظ: "عيل طري". ميرو: "ههههههه اوبس آسفة". تيم:

مسح وشه بإيديه: "آه شكلك كده عايزة تنتقمي صح". وابتسم بغيرة وقال: "أنا هطلب فطار. عشان هنخرج تمام". ميرو: هزت راسها تمام وكاتمة الضحكة. فهد ورينو وآركان خارجين. وكلهم سلموا على بعض وقعدوا على السفرة. مريم: فين آرين يا رينو يا حبيبتي؟ رينو: ابتسمت، نايمة يا ماما. بصحيها وقالت: سيبيني يا ماما أرجوكي، أنا سهرانه طول الليل بقرا قصص. قلت: انتي حرة. وسبتها. مريم: نوم الهنا إن شاء الله. بس كانت تصحى تفطر معانا.

فهد: بغيرة، آدم ابنك فين يا فريحة؟ فريحة: آدم بيجري في الجنينة من بدري يا فهد. مراد: هههههههه، قوم اجري انت كمان يا فهد. فهد: وماله نجري. بس ماتنساش انهارده سباق الخيل أنا وانت وآدم، بعد ما نرجع من الجهاز. آركان: حضرتك على طول ناسيني كده؟ فهد: وأنا أقدر أنساك؟ أنا كمان جهزت لك دارلي أرابيان ليك مخصوص. آركان: بانبهار، بجد حصان دكتور تيم؟ ده كده أنا اللي هكسب. فهد: قول إن شاء الله، يا حبيب أبوك.

آركان: طبعًا إن شاء الله. آدم: طيب يلا بقى الكل يفطر. فريحة: طيب وآدم يا بابا مش هيفطر؟ أنا بعت له عم منصور يقول له الفطار جهز. آدم: بص في الساعة وقال: سيبوا حفيدي يفطر براحته. يلا الكل يبدأ. بسم الله. كلهم بيفطروا، والجو والفطار كان جميل جدًا وسط الزرع والهوا النقي. آدم مراد: منصور قاله على الفطار، ورجع على البيت عشان ياخد شاور.

آرين: بتتقلب بغيظ، أوووف بقى. عاااااااا لازم ماما تصحيني. أهو من وقتها مش عارفة أنام. وقامت بغيظ، ولابسة بيجامة طفولية وشعرها مفرود. وقالت: يا ترى البطل هيقتل البطلة إمتى؟ يوووه إيه اللي أنا بقوله ده. أوووف. وقامت. آدم مراد: دخل البيت من الباب الخلفي وطالع على السلم، وحط الفوطة على كتفه.

آرين: خارجة من الأوضة ورايحة الحمام، وماتأكدة إن الكل بره في الجنينة. وماشية كسلانة. وفجأة شهقت بصوت عالي لأن آدم حط إيده على بوقها وشدها للأوضة. وفتحت عينيها بصدمة كبيرة. آدم مراد: بينهج بصوت عالي، وحاطط إيده على بوقها ومحاوطها من وسطها وقربيين جدًا من بعض. آرين: عينيها مفتوحة على الآخر بصدمة، وهزت راسها لآدم بخوف.

آدم مراد: شاف شعرها الدهبي في بني لأول مرة، ولعنة العشق زادت الضعف. وده جننه حرفيًا. وصك على أسنانه بغضب واضح. آرين: خافت من شكل آدم وقربه منها، وعيونها لمعت بدموع. آدم مراد: بفحيح أفعى، أنا هشيل إيدي. ولو صرختي هتندمي، فاهمة؟ آرين: دموعها نزلت على إيده، وهزت راسها. فاهمة. آدم مراد: شال إيده بغضب. آرين: عيطت بشهقات. آدم مراد: نفخ بغيظ كبير، وزعق: بتعيطي ليه دلوقتي؟ آرين: بشهقات، عشان...

عشان انت خطفتني يا آدم. عاااااااا. آدم مراد: غمض عينيه واتنهد بنفاد صبر، وقال: خطفتك؟ وزعق: انتي إزاي خارجة من أوضتك بالشكل ده؟ وصك على أسنانه بغضب واضح وقرب من وشها. آرين: خافت ورجعت لورا. آدم مراد: قال بغضب: تعرفي إن ابن منصور كان خارج من أوضة بابا وهيشوف حضرتك بالشكل ده؟ انتي عايزة تعملي فيا إيه أكتر من كده؟ اسمعي يا آرين. قسما بالله لو شوفتك بالشكل ده تاني. أنا هزعلك مني جامد. انتي فاهمة؟

آرين: اتكسفت جدًا منه، وكمان بتعيط من أسلوبه. وقالت بدموع وكلام متقطع بطفولية: أ. أنا. أ. أنا والله ماما... ماما قالتلي قومي. ما... مفيش حد في البيت. كله في... في الجنينة. وعشان... كدا أ. أنا خرجت من الأوضة. ل. لكن. لكن أنا لو كنت أعرف... ما... ماكنتش خرجت بالشكل ده أبدًا. وعيطت. آدم مراد: غمض عينيه بتعب لدموعها، وقرب منها ومسح دموعها مع دقات قلبه اللي بتزيد. خلاص بطلي عياط خلاص. آرين: بصت له بزعل ورجعت خطوة لورا،

وقالت: أنا زعلانة منك ومش هكلمك تاني. وجريت من قدامه بسرعة وهي بتعيط. آدم مراد: حدف الفوطة على الأرض مكانها بغضب واضح. ومبيحبش يشوفها زعلانة. لكن كمان غيرته عليها قاتلة، وإزاي حد يشوفها بالشكل ده. دي مجرد بيجامة وفاردة شعرها بس. جمالها عدى المدى وجننه. ودخل الحمام مخنوق، واخد شاور. وهيخرج بسرعة عشان فهد مايفكرش حاجة. عند آرين: قافلة على نفسها بالمفتاح وقاعدة على السرير بتعيط بحزن حقيقي. وقالت: تيم. انت فين؟

مبقتش بتسأل عليا ليه؟ انت عمرك مزعلتني. عمرك ما هددتني زي آدم. وجابت فونها واتصلت على تيم. في إسكندرية، على البحر. تيم بيفطر، وعينيه على ميرو ومهتم بيها على الفطار. وقال: اشربي العصير ده. ميرو: بحرج، لأ ميرسي أنا شبعت. تيم: ياريت تسمعي كلامي. اتفضلي العصير، لأنك بتاخدي أنتي بيوتك ولسه تعبانة. ميرو: أخدت العصير بحرج، احم ميرسي. تيم: طلع العلاج من جيبه. اتفضلي يا حبيبتي، بعد العصير خدي الكبسولة دي.

ميرو: ابتسمت لاهتمامه، ميرسي جدًا. تيم: لا ميرسي جدًا على واجب. ويا رب تقللي مدة العقوبة. أنا ممكن أعمل استئناف على فكرة، وأطلب منك الرحمة. ميرو: هههههههه. وكانت ضحكة رقيقة جدًا وصافية. تيم: بحب، تعرفي يا مريم، لما بتضحكي برقة كده. قلبي بيبقى رهن الضحكة دي. ميرو: وشها بقى أحمر جدًا، ودقات قلبها زادت عن حدها. تيم: شاف وشها الأحمر، وقلبه دق ليها. وقال: اشربي العصير. ربنا يعدي السنة دي على خير. آه والله.

وفونه رن وابتسم وقال: آرين بتتصل. ميرو: ابتسمت بحرج، وقالت بعفوية: امم كلهم في بيت المزرعة. تيم: رد عليها وهو مبتسم، وشاور لميرو بهمس: خدي علاجك يا روحي. وقال: الو آرين الجميلة عاملة إيه؟ ميرو: اتكسفت، وأخدت العلاج. آرين: بدموع، أذيك يا تيم. تيم: كشر عينيه، آرين انتي بتعيطي؟ ميرو: انتبهت وسابت الماية وقلقت. آرين: ابتسمت بتمثيل، لأ أنا مش بعيط. أنا... احم أنا بس زعلانة عشان انت مبقتش تسأل عليا. تيم: ابتسم، أنا أنساكي؟

انتي أختي الصغيرة يا آرين. وبعدين أنا اتصلت امبارح وسألت عليكي ورينو قالت إنك مع تالين في الجنينة. وكمان أنا مظبط الواد آركان عشان يجبلك الشوكولاتة بتاعتك كالعادة لحد ما أرجع. بس أنا حاسس إنك مخنوقة في حاجة حصلت بجد. قولي أنا تيمو. آرين: بدموع، أبدًا أنا كويسة كتير. بس حبيت أطمن عليك. ميرو عاملة إيه؟ تيم: بشك، قال لميرو: ثواني. وقام واتحرك خطوتين. وقال: ميرو كويسة. لكن هو آدم مراد ضايقك في حاجة؟

آرين: عيطت بصوت مهموس، وقالت: أنا مش هتكلم معاه تاني يا تيمو. أنا زعلانة منه أوي. وكمان زعلانة منك. تيم: بقلق، آرين قولي في إيه؟ آرين: كانت هتقوله لكن اتكسفت. وقالت: مفيش حاجة. هو... هو مش موافق إني أركب خيل ودارلي أرابيان.

تيم: اتنهد بارتياح وابتسم. يا مجنونة قلقتيني عليكي. بس آدم عنده حق. انتي عارفة إن قبل آدم فهد هيرفض. وبعدين هو أكيد خايف عليكي. ركوب الخيل صعب جدًا عليكي لأنك مش متدربة كويس عليه، وخصوصًا دارلي وسهيل وكمان ريفان. آرين: بس آدم مبيخافش عليا. آدم بيخوفني منه. تيم: رفع عينيه لميرو، وقال: صدقيني كل حاجة بنعملها بتبقى خوف عليكم.

آرين: طيب هسألك سؤال. لو ميرو نازلة ببيجامة وكانت بشعرها في الفيلا غصب عنها ومفكرة إن مفيش حد في الفيلا. وكان مثلا آريان هيشوفها. انت كنت عملت إيه؟ تيم: فهم إن آدم شافها بشعرها،

وقال: أنا كنت كسرت الدنيا. اسمعي يا آرين. الحب الحقيقي هتلاقيه عبارة عن مواقف. مش معنى إني بخاف عليكي وعايز مصلحتك تزعلي مني. لا. أنا لو شفت ميرو نازلة بشعرها وبجد مش هزار. أنا ممكن أزعل ناس كتير أوي مني. لكن لو فكرتي في تصرفي هتلاقيه غيرة وحب. ومش عايز البنت اللي بحبها حد يشوف طرف توبها. الغيرة وحشة أوي يا آرين وخصوصًا عند الراجل. والراجل اللي بيحب بجد. والتصرف ده يبقى خوف عليها مش قلة ثقة أو قلة تقدير. أنا لو مش

بحب ميرو. مش هأهتم وأقول خلاص عادي موقف وعدى. لكن عشان ميرو عندي حالة خاصة ومكانتها في قلبي كبيرة جدًا. غيرتي عليها من عشقي ليها. آرين اللي بيحب بجد لازم يحافظ على اللي بيحبه. الحب مش كلمة وخلاص. الحب أفعال لا أقوال يا آرين، فاهماني؟

آرين: بتسمع تيم، وافتكرت مواقف آدم معاها. وخصوصًا امبارح كان ممكن أوي يشيلها ويركبها الحصان وكانوا لوحدهم. لكن هو معلش كده. كانت معاه في العربية لوحدهم. وسرح في جمالها ومتعداش حدوده ولا لمس أيدها حتى. وافتكرت كلامها معاه دلوقتي إنها مش هتكلمه تاني. وكمان كان ابن منصور هيشوف شعرها. ولو فهد كان طربق الدنيا. وضغطت على شفايفها بحرج كبير من نفسها على الموقف ده. تيم: تفهم سكوتها.

وقال بمكر: انتي بقيتي تعيطي بدموع أهو. أنا لما بزعلك مني زي السنتر وكده وصحباتك. كنتي بتزني وتصدعيني. عشان زعلك مني بيبقى عادي. شكل كده آدم مراد له مكانة خاصة إن دموعك تنزل من زعلك منه؟ امممم. لأ أنا كده أزعل وأجيب ناس تزعل. آرين: مسحت دموعها وابتسمت بحرج. وقالت بمرح: نو نو نو. آدم مراد أخويا زيك بالظبط يا تيمو. تيم: بخبث، اممم أخوكي الكبير. آه طيب تمام. كويس جدًا إنك قولتيلي.

آرين: كشرت عينيها بعدم فهم، ليه بقى كويس؟ ها؟ تيم: لأ عادي. أصل الواد آدم بصراحة حاجة كده مفيش منها اتنين. يعني بشوفه فهد على بابا آدم على خالو مراد على عمي طارق. أيقونة متنوعة. واللي زي ده أكيد البنات هتخطفه. هههههههه. آرين: صكت على أسنانها بغيظ كبير وقالت: آه بنات تخطفه آه. عاااااااا أنا مش هكلمك تاني انت كمان. اقفل بقى عشان أنزل. تيم: هههههههه تمام يا آرين. وخلي بالك منه، ماشي؟

آرين: بحرج، احم أنا ماليش دعوة بآدم. اوكي؟ تيم: بخبث، ومين جاب سيرة آدم. أنا قصدي على دارلي أرابيان. هههههههه. آرين: ابتسمت بمرح، هيهيهي. اوكي اوكي. امشي بقى وبوسلي ميرو. اوكي؟ تيم: بص للسما وقال: مش لما أعملها أنا. آرين: بتقول إيه يا تيمو؟ تيم: نفخ بغيظ وقال: مبقولش. مبقولش يا آرين. يلا انزلي. وسلميلي على كل العيلة. وخلي بالك من نفسك تمام. آرين: اممم. اوكي. باي. تيم: باي. بعد فترة. منصور:

بيجري بخوف لآدم مراد وقال: الحق يا سي آدم بيه. الست آرين ركبت حصان الدكتور تيم. وجري بيها وبتصرخ. فادي: هههههههه. طبعًا حضرتك مش هتقتنع بسهولة. طيب عايز أقولك على حاجة. يعني مرات حضرتك جميلة جدًا ولو فردت شع... اااااااه. اااااااه. تيم: اتحول لهلاك، ومسك فادي. بوكسات في وشه بغضب كبير. فادي: اااااه. الحقوني. اااااه. تيم: مسك شعره بإيده الشمال ورفع إيده اليمين بقوة أكبر ونزل ضرب بين عينيه. لحد ما فادي وشه نزف.

هبه: سمعت صوت فادي وطلعت تجري. وشافت تيم بيقتله حرفيًا. واتصدمت. حتى فادي مش قادر يدافع ولا يصد ضربة واحدة من تيم اللي أصغر منه. وهبة أخدت القرار الصح. ميرو: في الجناح سمعت صوت هرج قدام الفندق وخرجت التراس. وفتحت عينيها بذهول. وصرخت تييييم. ونزلت تجري. كل الناس اتلمت. وبتحاول تبعد تيم. تيم: مكلبش في قميص فادي وبيضرب بانتقام السنين. أمن الفندق اتحرك بسرعة. وحاولوا يبعدوا تيم.

ميرو: جريت على تيم. وشافت شكله وقت غضبه. وخافت عليه منه في نفس الوقت. وشافت فادي وشه مش باين من الدم. وشافت تيم بيرفع إيده بقوة وهيضربه بين عينيه واتصدمت. وجريت عليه بسرعة. وصرخت بعياط. تيم. لأ ابعد عنه سيبه أرجوك هيموت في إيدك. تيم: بيضرب وافتكر عامر وكاميليا. ميرو: بتشد تيم وبتعيط بشهقات. أرجوووك سيبه هيموووت في إيدك. وصرخت تييييم.

تيم: في حركة سريعة زق فادي بعيد. وشاف صورة كاميليا في وش ميرو. وفي لحظة غضب رفع إيده عشان يضربها بالقلم. لكن شاف خوفها آخر لحظة. ميرو: حطت إيديها على وشها بخوف يضربها تاني. تيم: فاق وبص حواليه شاف ناس وميرو خايفة. وشاف دم على إيديه. وبلخبطة. ميرو. لأ مريم. مريم. أنا آسف. وشال إيدها من على وشها بلهفة. وشاف دموعها. ميرو: رجعت لورا وبصت ليه بخوف. وجريت من قدامه بسرعة. تيم: جري وراها. بسرعة.

هبة: قربت عند فادي وبصت ليه بسخرية ودموعها نازلة. فادي: بيستغيث. وفتح عينيه نص فتحة وقال هبة شفتي المتخلف ده عمل فيا إيه. اااه بس أنا مش هسيبه ااااه. هبة: ضحكت بسخرية. وقالت أنا بحمد ربنا إني قابلت صحبتي عشان يكشفك ليا. وقلعت الدبلة ورمتها في وشه وقالت أنا مايشرفنيش ارتبط بواحد عديم النخوة والرجولة زيك. وسابته ومشيت.

فادي: اااه اثتني ياهبه. ياهبه. طيب في فستان أنا جبتهولك مع الدبلة هو فين. ااااه مش هسيبك ااااه. بس أنا مش رحمته بردك. اااه. ساعدني يا أخ. في بيت المزرعة. آدم مراد: ماشي مبسوط ومبتسم من ردود أفعال آرين. منصور: سي آدم بيه. سيادتك هتروح الاسطبل دلوقتي ولا العامل ينضف عند حصان سي الدكتور تيم؟ آدم مراد: خليه ينضف الاسطبل بالكامل. وأنا هروح بعدين. منصور: تحت أمرك يابيه. واتحرك.

آدم مراد: دخل البيت. وفونه رن. وشاف الرقم. وخرج تاني. ورد الو. هارون: الو آدم باشا. آدم مراد: خير ياهارون؟ في جديد؟ هارون: تمام ياباشا وزي ما سيادتك أمرت حصل. والرجالة جابوا تاريخ حياتها كله ياباشا. آدم مراد: بيسمع بتركيز. وقال ميادة وراها حد؟

هارون: لا ياباشا. زي ما هي قالت. كانت عايزة فلوس. والملف فيه إنها من عيلة فقيرة. وأبوها وأمها مشغلينها هي وإخواتها عشان يحسنوا من ظروفهم. لكن ميادة معروفة في منطقتها إنها جريئة وعايزة توصل لفوق بأي طريقة. واختارت إنها تشتغل خدامة في بيوت العائلات الكبيرة. آدم مراد: هز راسه تمام. هارون: بتوتر. احم بس في حاجة حصلت ياباشا من شوية وده سبب إني أتصل على سيادتك. آدم مراد: خير ياهارون؟

هارون: والدة ميادة جت وسألت عليها. لأنها متواصلتش معاهم من أسبوعين وأكتر. آدم مراد: بجمود. قولها بنتك قابليها في القسم. اسمع ياهارون. أنت تاخد ميادة وتطلع بيها على القسم حالا مع تسجيل الاعتراف. لكن مش عايز اسم آريان العدوي يتذكر في الموضوع. ده دكتور جامعي ورجل أعمال وليه مكانه. ومش حتة حيوانة زي دي. تعمل شوشرة لعيلتي. أنت خدها على قسم العنوان ده (......

. وسلمها لظابط هناك اسمه أمير. وأنا هتصل عليه وأفهمه كل حاجة. فاهم؟ هارون: تحت أمرك ياباشا. آدم مراد: هز راسه بغضب تمام. وقفل واتصل على أمير وشرحله الموقف. بالظبط. والمهم عنده سمعة العيلة. وقفل. ودخل البيت. وشاف رينو وفريحة. وقال بابا وماما مريم فين؟ فريحة: بيرتاحوا فوق شوية. لأنهم بيصحوا من الفجر. أنت عارف الجو هنا جميل وصحي جدا. آدم مراد: هز راسه تمام. ونده على الشغالة تعمله قهوة. وهمس وقال هي آرين مجتش ليه؟

أكيد راحت لـ تالين. آرين: ماشية بتقلدو. لو تقدري اعمليها يا آرين؟ لأ ده أنا بنت فهد السيوفي حوت المخابرات. يعني بنته قوية جدا زيه. امممم أنتِ لازم تثبتي نفسك لـ آدم المرعب ده. أيوه أنتِ كنتي عايزة تدخلي حربية.

كنتي هتكوني أقوى من كدا. وبعدين آدم امبارح علمني إزاي أتحكم في الحصان من اللجام. امممم ولمحت العامل خارج من الاسطبل. ومعاه حصان تيم. وقالت اممم دارلي أرابيان اممم بس جاتلي فكرة. وشافت العامل بيربط الحصان في مكان فيه زرع. وسابه ومشي.

آرين: قربت بسرعة. وأخدت السرج ومش طايلة الحصان. ونفخت بنرفزة. وشافت كرسي. وابتسمت بمكر. اممم على مين. ده أنا آرين السيوفي. وجريت وجابت الكرسي. ووقفت جمب الحصان وقالت هششش بس اهدا يا دارلي أنا آرين اخت تيم صحبك. ومسحت على ضهره بحنان. وقالت برافو دارلي برافو. ودلوقتي هنحط السرج ده. ونتمشى شوية أنا وانت اوكي. وحطت السرج وظبطت كل حاجة. وقالت اوف أنا مش عارفة أربط السرج كويس. اممم مش مهم. يلا ونزلت فكت رباط الحصان. وطلعت على الكرسي وجواها رهبة. لكن قالت أنا لازم أتغلب على خوفي. امم بسم الله. وركبت على الحصان. وبلعت ريقها بتوتر.

دارلي: رفع رجليه لفوق بصهيل وجري بيها. العامل: خارج بسهيل. وشاف آرين والحصان بيجري بيها. وقال بخوف ينهار أسو... يادي المصيبة السو... وربط ساهيل ومحتار يعمل إيه. لكن سمع صوتها بتصرخ بسيط وجري بسرعة يقول لـ منصور. آدم مراد: قاعد في الليفنج. وقام. أخد القهوة وقال أنا طالع أشربها في الجنينة بعد إذنكم. وخرج. ماشي قدام البيت. وشاف منصور جاي يجري عليه. ورفع حاجبه بتعجب.

منصور: بيجري بخوف. لـ آدم مراد وقال. الحق ياسي آدم بيه. الست آرين ركبت حصان الدكتور تيم. وجري بيها وبتصرخ. آدم مراد: فتح عينيه بصدمة والفنجان وقع من إيده. وجري بسرعة كبيرة. وقال بصوت عالي جدا ساااااااهيييل. ساهيل: عمل صهيل. آدم مراد: اتجه جري ناحية الصوت. وركب الحصان بسرعة. وشد اللجام بقوة. وضغط على السرج بغضب والحصان جري بسرعة كبيرة جدا.

آدم مراد: بيدور بعينيه وبيركز بسمعه. وقلبه حرفياً وقع في رجليه. وأول مرة في حياته يخاف كدا ويعرف يعني إيه معنى كلمة خوف. آرين: الحصان بيجري بيها بسرعة كبيرة جدا. والسرج مش مربوط كويس. وبتصرخ بخوف كبير. وبتعيط. ومش عارفة تتحكم فيه. وصرخت آداااااام. آدم مراد: سمع صوتها. وشد اللجام. ومشي في اتجاه الصوت. وشد لجام الحصان بقوة عشان يجري أكتر. وآدم مش عايز ينده عليها عشان مايشتتش انتباهها وتسيب اللجام.

آرين: بتصرخ بصوت عالي باسم آدم وأبوها وبتعيط وقالت يارب. يارب. وقلبها بيدق بسرعة كبيرة وداخت من سرعة الحصان. آدم مراد: شاف الحصان. وخبط السرج برجله. وجري بأقصى سرعة. آرين: بتعيط وسمعت صوت ساهيل. ولسه هتبص وراها. آدم مراد: بصوته كله. ما تبصيش وراكي يا اريييين ركزي وامسكي اللجام كويس. بصي قدااااامك. آرين: بتعيط واطمنت لوجود آدم. ومسكت اللجام أكتر. وشهقت لأن السرج اتحرك.

آدم مراد: فتح عينيه بصدمة كبيرة. وشاف السرج بيتفك. ولو ملحقش آرين. هتقع. وممكن تنتهي. آدم قلبه دق برعب حقيقي. وضغط على السرج بغضب كبير. وقرب من الحصان. دارلي أرابيان: حسبها مسابقة مع ساهيل وجري بسرعة أكبر. السرج اتفك خالص. آرين: غمضت عينيها وصرخت بصوتها كله. آداااااااااام لااااااااء. ومالت مع السرج. ووقعت من على الحصان.

آدم مراد: في أقل من الثانية لحقها ومسكها من دراعها بقوته كلها. وساب اللجام. وبيرفع آرين ليه. وفقد توازنه. ورفع آرين لحضنه ووقع بيها وخباها في حضنه بخوف كبير وحط إيده على راسها عشان متتأذيش. ولف دوران في الأرض أكتر من مرة. وكل خوفه على آرين. وأخيرا جه على ضهره وآرين على صدره.

آرين: طبعاً في موقف لا تحسد عليه. شافت الموت بعينيها. وغمضت عينيها وهي بتصرخ واستسلمت للقدر. ولكن قدامها أنقذها كالعادة. ولكن رهبة الموقف أكبر من أي رد فعل. آدم مراد: نايم على ضهره بينهج بصوت عالي. وحاضن آرين بخوف كبير جدا. وغمض عينيه وبيحاول يهدا. آرين: في حضنه. وصمت تماماً. آدم مراد: أخد نفس عميق ونفخ بتوتر لأول مرة. وحس بـ آرين مبتتحركش وهمس بقلق. آرين؟

آدم مراد: بلع ريقه بخوف حقيقي. وقلبه دق واتعدل وهي في حضنه. ونده بتحذير. اريييين؟ آدم مراد: فكر للحظة إنها خايفة منه ترد عشان ميغضبش عليها. ورفع راسها من حضنه. ورجعت لورا بسرعة. ولحقها وشدها عليه. آرين: كانت أغمى عليها. آدم مراد: قلبه دق بخفقان وخوف. وأول مرة إيده يكون فيها رعشة. ورفع إيده على خدها وهمس آرين. حبيبتي. ردي عليا.

آدم مراد: مسح وشها بإيديه. وشاف دموعها نازلة من أثر الخوف. وضمه لأول مرة لقلبه بخوف كبير. وزاد من حضنها بخوف غريب لاول مرة يسيطر عليه. وصاكك على أسنانه وجواه غضب وإعصار ممزوج برعب. ومغمض عينيه لفترة كبيرة. وبعدها قام وشالها بين إيديه. ورجع على البيت. وجواه شعور غريب ومختلف. آركان وتالين. بيجروا. وفريحة ورينو بيجروا بخوف كبير.

آركان: بيجري بسرعة كبيرة وشاف آدم شايل آرين وجري عليه بخوف كبير. آدم. آدم اختي مالها. الحصان إذاها؟ قولي اختي مالهااا. آدم مراد: ماشي ساكت ومش قادر يتكلم. تالين: بتعيط. وقالت استنى يا آركان أكيد آرين مغمى عليها. ياحبيبتي أكيد كانت خايفة. آركان: بحيرة ودموع. آدم رد عليا. وهات أنا هشيلها. آدم مراد: بنبرة تخوف. مش عايز أسمع كلمة واحدة. ومشي. في إسكندرية.

ميرو: طلعت الجناح بسرعة. وافتكرت القلم على وشها. وهجوم تيم عليها دلوقتي. وخافت. وبتترجف. تيم: دخل الجناح بسرعة وجري عليها. مريم مريم. ومسك إيدها بقلق. مريم اسمعيني بس. ميرو: سحبت إيدها بسرعة وبعدت عنه. ووقفت جمب الحيطة. وقالت ابعد عني متقربش مني. أنا عايزة أرجع مصر حالا. تيم: قرب منها بسرعة ومسك إيدها. مريم استنى بس أنا هفهمك أنا مكنش قصدي أرفع إيدي عليكي.

ميرو: بوجع وانهيار. صرخت فيه وزقته. وضربته في صدره جامد أكتر من مرة. واتكلمت بوجع كبير. كبير جدا. وقالت بعياط وهستيريا وصوت عالي. أنت ماكنتش تقصد أي حاجة. ماكنتش تقصد تفهم صورتي غلط. ماكنتش تقصد تشك فيا للحظة. ماكنتش تقصد تضربني. ماكنتش تقصد تصدمني فيك وتجرحني بكلامك. ماكنتش تقصد توجعني بنظراتك ليا. ماكنتش تقصد تهرب مني كأني عار عليك. ماكنتش تقصد؟ ماكنتش تقصد تعذبني في حبي ليك ٩سنين. ماكنتش تقصد كل كلمة أنتِ أختي.

انتي اختي وانتي متعرفيش كنت بحرق في قلبي قد إيه. مكنتش تقصدي لما قدمتيلي حبيبتك كاميليا. مكنتش تقصدي أي حاجة. صرخت بهستيريا: أنا مش عايزاك، أنا بكرهك! بكرهك يا تيم! طلقني... تيم: واقف زي الجبل قدامها، وسايبها تخبطه في صدره وتخرج كل شحنة الغضب اللي جواها. سمعها للآخر وصعبت جداً عليه.

"آه، دموعك بتوجعني، بتنزل على قلبي تكويه. صوت صرختك، صداها بيفضل في سمعي على المدى البعيد. انهيارك قدامي بيكسر كل حاجة جوايا. لكن كل حاجة ظلم يا ميرو. أنا تيم حبيبك. أنا تيم يا مريم... لكن مستناش تكمل كلمة "طلقني". وحط إيده على بوقها بسرعة. وهز راسه ليها: "لأ لأ... أو عى تقوليها أبداً." ومسكها من دراعها بغضب شديد وزعق: "أنا مش كدا أبداً!

انتي فاهمة كل حاجة غلط. كاميليا دي عمري ما حبيتها. أنا ماكرهتش حد في حياتي قدها يا مريم." "كل حاجة كانت بتحصل وحصلت فيها غموض كبير." "أنا بحبك يا مريم. بحبك من زمان جدا." وزعق: "بس أنا كنت فاكر إني حبي ليكي من طرف واحد. وصرخ فيها: أنا كنت ساكت كل ده عشان فاكر إنك بتحبي يا ياسين!

ميرو: اتخضت من صوته العالي وبتنهج. فتحت عينيها بصدمة كبيرة ودموعها متحجرة في عينيها. عينيها تايهة يمين وشمال بصدمة. إزاي يفكر إنها تعشق غيره حتى عن طريق الغلط؟ وهمست بتوهان: "يا... يا ياسين؟ وغمضت عينيها بتعب كبير وأغمي عليها بين إيديه. تيم: برعب كبير، "مريييييييم! *** في بيت المزرعة. آدم مراد: دخل البيت، والكل داخل وراه. رينو بتعيط وحرفياً مرعوبة على بنتها وخايفة من فهد.

فريحة: بدموع خوف، "هاتها هنا على كنبة الليفنج يا آدم." آدم مراد: مش سامع حد. طلع على السلم وأخد آرين على أوضته. الكل طالع وراه. آدم مراد: نيم آرين في سريره وشد عليها الغطا. شاف إيديها مجروحة. أكيد من اللجام. وصك على أسنانه بغضب واضح، لكن بهدوء ما قبل العاصفة. خبط على خدها وهمس: "آرين." رينو: دخلت بسرعة وبتعيط وقعدت جنبها بشهقات. "آرين بنتي، إيه اللي حصلك يا حبيبتي؟ آدم مراد: مش سامع أي حد. وقال: "اررييين، ردي عليا."

آرين: ... فريحة: جريت عليها وشافت النبض كان سريع جداً. آدم ومريم دخلو بسرعة. مريم: شهقت بصوت مهموس وحطت إيدها على قلبها وقالت: "يا الله! آرين، إسم الله عليكي يا نور عيني. مالها يا آدم؟ آدم مراد: ... آدم العدوي: شاف حفيده مش طبيعي من الصبح. واتصرف. جاب برفان حفيده من ع التسريحة وحطه على إيده وقرب من آرين. وهمس: "آرين حبيبت جدك. فوقي يا روحي." آرين: بدأت تئن بتعب. مريم: بدموع، "إيه اللي حصل؟ حد يفهمنا؟

تالين: بدموع وخوف، اترمت في حضن مريم وحكتلهم اللي حصل. وكملت: "سمعنا صوت الحصان وصريخ آرين وزعيق أبيه آدم وكان خايف عليها أوي. وجرينا أنا وآركان وقابلنا أبيه آدم معاه آرين ومغمي عليها." مريم: ضمت تالين ومسحت على ضهرها واتصدمت وقالت: "يا الله! ركبت الحصان؟ فريحة: "آركان يا حبيبي بسرعة انزل هات علبة الإسعافات." آركان: بخوف هز راسه وقال: "حاضر." ونزل بسرعة.

رينو: بتعيط بحزن حقيقي وماسكة إيد آرين. شافت علامات في كف إيدها من أثر اللجام وباست على إيدها عيطت بوجع. "ليه بس كدا يا آرين؟ ليه يا بنتي؟ لو كان جرالك حاجة لا قدر الله. ولا أبوكي لما يعرف." فريحة: ربتت على كتفها. "الحمد لله يا رينو إنها جت على قد كدا. وآدم لحقها. الحمد لله إنها بخير." آرين: بتأن بهلوسة، "اممم الحصان. بابي. آدم. أنا خايفة أوي... بابا آدم... " اممم ودموعها نزلت.

آدم مراد: عيونه مفتوحة عليها وساكت تماماً. آدم العدوي: بتنهيدة، "آرين فوقي يا حبيبتي، انتي بخير." آرين: فتحت عينيها بتعب ودايخة. افتكرت الحصان. وخافت. شهقت بخوف شديد وعيطت بصوت عالٍ. رينو: بقلق، "آرين بنتي حبيبتي اهدى يا بنتي." آرين: اتعدلت بتعب وبتعيط بشهقات. اترمت في

حضن رينو وقالت بصوت ندم: "ماااامي. أنا خوفت أوي. أنا شوفت الموت بعيني. أنا آسفة جداً. والله عملت كدا عشان كنت عايزة أبقى زي بااابي. اااااه، أنا كنت همووووت. أنا آسفة أرجوكي سامحيني." وعيطت بصوت عالٍ. آدم مراد: غمض عينيه بصمت وقام ومتكلمش مع حد وخرج من الأوضة بسرعة. آدم العدوي: هز راسه واتنهد بزعل وقعد جنب آرين. ابتسم عكس اللي جواه وأخد آرين في حضنه وقال: "آرين بس متعيطيش كدا." آرين: حضنت جدها

أوي وقالت بعياط وهستيريا: "آسفة جداً يا بابا آدم. أنا عارفة إنكم هتزعلوا مني. بس والله مش هعمل كده تاني. بااابي هيزعل مني وهايخاصمني. أنا خوفت أوي يا بابا." وعيطت بندم كبير. مريم: بصت لتالين وقالت: "انزلي يا حبيبتي وقولي للبنت تعمل عصير لآرين." تالين: هزت راسها بدموع وقالت: "حاضر يا تيتة." ونزلت بسرعة. آدم: ضمها لقلبه وسابها تعيط في حضنه. بيفكر في حفيده اللي واضح من ملامحه إنه جواه مابعد العشق.

مريم: قعدت على طرف السرير وربتت على ضهرها بحنان. "بس يا حبيبتي، بس يا نور عيني. اللي حصل حصل والحمد لله إنه نجاكي من خطر معلوم. لكن لازم تتعلمي من غلطك ده ومتعمليش كدا تاني. ونحمد ربنا إنه سخرلك آدم ولحقك يا حبيبتي. هوني عليكِ يا قلب ماما. وحدي الله وبطلي عياط." *** في شركة الجبالي. عاشور: "تحت أمرك يا باشا، شاهين جه زي ما حضرتك أمرت." رؤوف: "خليه يدخل بسرعة."

عاشور: "تحت أمرك يا باشا." وراح فتح باب المكتب. "اتفضل يا كابتن شاهين." شاهين: دخل. "مساء الخير يا رؤوف باشا." رؤوف: بغيظ، "أهلاً وسهلاً. ها، إيه الجديد؟ شاهين: "جديد إيه يا باشا؟ رؤوف: قام وقف بغضب. "انت هتستهبل ياروح أمك؟ اومال أنا دافعلي 3 مليون جنيه ليه؟ مش عشان تجيبلي كل جديد؟ شاهين:

هرش تحت دقنه وقال: "روح أمي آه. امم. والله يا باشا المفروض إن سيادتك تراقبني وده الطبيعي عشان مش معقول هتثق فيا من أول جولة. فـ أكيد سيادتك عارف الجديد." رؤوف: بدهشة، "انت عرفت إزاي إني كنت مراقبك؟ شاهين: "يا باشا أنا حرس خاص يعني متدرب كويس جداً. وأعرف إن كنت متراقب ولا لأ." وبص لعاشور وكمل: "ولو حتى عـ بعد 20 متر يا باشا." رؤوف: خبط على المكتب. "ولو حتى مراقبينك، المفروض الجديد كله عندك. انت فاهم؟

شاهين: "تحت أمرك طبعاً يا باشا. اسألني سيادتك وأنا أجاوبك على كل حاجة." رؤوف: بنفاذ صبر. "آدم ناوي عـ إيه؟ شاهين: "حالياً مقالش أي حاجة. لأنهم كلهم مسافرين. فيلا العدوي دلوقتي فاضية. مفيش غير الجارد والخدم بس سيادتك." رؤوف: بغيظ، "مسافر؟ مسافرين فين وليه؟ شاهين: "مسافر المزرعة. أما مسافر ليه؟ فـ دي مش عارفها بس أكيد فسحة ياباشا." رؤوف: كشر عينيه بعدم فهم. "مزرعة؟ وفين المزرعة دي؟ شاهين: "للأسف يا باشا معرفش هي فين."

رؤوف: بصوت عالي جداً، "ازااااى يعني متعرفش يبني آدم انت؟ اومال إيه؟ انت شغال معاه من زمااااااان. انت بتشتغلني ولا أييييييه؟ دا أنا أدمنك هنا." شاهين: "يا باشا أنا شغال مع آدم العدوي من سنتين وأكتر كمان. ومأمني عـ شغله. لكن طول فترة شغلي مسافرش المزرعة دي خالص. ممكن يكون اشتراها قريب. أو ممكن تكون مزرعة حد من معارفه. لكن سيادتك لو عايز تعرف مكانها يومين بالكتير وجايبلك عنوانها بالظبط ياباشا."

رؤوف: صك على أسنانه بغيظ مكبوت. "جوز أحفاده ومسافر يغير جو. اممم. وباقي العيلة فين؟ شاهين: "ابنه زين وحرمه مسافرين بره مصر. لكن أنا معنديش علم مسافرين فين. لأن شغلي زي ما قولت لحضرتك. مع آدم العدوي. والعرسان طبعاً في شهر العسل. الدكتور آريان مسافر تركيا. والباشمهندس كريم مسافر باريس. والدكتور تيم مسافر اسكندرية." رؤوف: بغضب مكبوت وخبث كبير. "وفريحة مسافرة فين؟ شاهين: تنح بصدمة كبيرة. "إيه؟ رؤوف: بغضب. "إيه؟ ماسمعتش؟

فريحة مسافرة ولا لا؟ شاهين: "آه ياباشا مسافرة معاهم وجوزها معاها." رؤوف: بص لشاهين في عينيه وقال بخبث كبير. "أنا عايزك تثبت ولاءك ليا ولو نفذت اللي هقولك عليه. وقتها هصدقك وهثق فيك. وكمان ليك مكافأة كبيرة جداً. ها؟ مستعد؟ شاهين: بلهفة، "تحت أمرك ياباشا. أنا رهن إشارتك." رؤوف: ابتسم بمكر. "حلو أوي. أنا عايزك تخطف فريحة وتجبهالي لحد الفيلا عندي." شاهين: "حالياً صعب جداً علينا ياباشا."

رؤوف: زعق بغضب. "انت هتعملهم عليا ولا إيييه؟ إزاي صعب وانت شغال معاهم؟

شاهين: "طيب حضرتك ممكن تسمعني للآخر. وأكيد هتنقتع بكلامي. دلوقتي سيادتك أنا أقصد صعب جداً لأن الدكتورة فريحة واخده إجازة من شغلها. لأن جوزها مراد العدوي إجازة من شغله. وهي بتاخد إجازة معاه. وكمان حضرتك هي لو خرجت. استحالة تخرج لوحدها. معاها الجارد الخاص وكمان جوزها. وأوقات ابنها آدم مراد. وحالياً أنا شغلي مع آدم العدوي. وهي مسافرة ومش عارفين هترجع إمتى."

"فـ أنا بقترح عـ سيادتك بعد إذنك يعني. إننا نأجل الخطف شوية لحد ما مراد يسافر في مأمورية وهي ترجع شغلها. وقتها أنا ممكن أوصلها في يوم من الأيام. وساعتها أجيبها لحد عندك ومن غير شوشرة ياباشا." رؤوف: قعد ع الكرسي وابتسم بمكر ورفع حاجبه بثقة وقال: "وماله نصبر شوية. مدام في الآخر رأس آدم العدوي هتكون تحت رحمتي." *** في اسكندرية. تيم: شالها وراح بيها ع السرير بسرعة وقلبه بيدق بخوف. خبط ع خدها. "مريييم. مرييم." مريم: ...

تيم: بحيرة ومش عارف يفكر. شاف الدم ع إيديه. وجري بسرعة ع الحمام. وغسل إيديه وبينهج بخوف. وقال بتوهان: "لأ لأ أنا معنديش استعداد إني أخسرك. لأ يا مريييييم، لاااء." وخرج من الحمام بسرعة وراح جمبها. خلعها الحجاب بسرعة ورجفة. "مريم. مريم، ردي عليا." وقام جري جاب البرفان بسرعة وحطه ع إيده وقرب من وشها. ميرو: حركت عينيها بتعب. تيم: غمض عينيه ونفخ بتعب كبير وقال: "يا رب." ميرو: حركت راسها وفتحت عينيها بتعب.

تيم: مسك إيدها بلهفة. "مريم حبيبتي انتي كويسة؟ ميرو: دموعها نازلة وغمضت عينيها وبصت بعيد ومردتش. قلبها وجعها من الظلم. لأنها محبتش ياسين أبداً. وإيه اللي وصلك الفكرة دي يا تيم؟ "أنا عمري ما حبيت غيرك. عمري ما أدمنت غيرك. انت ميراث العشق ليا. انت وبس." وعيطت بوجع كبير. تيم: بقلق رفع ضهرها وشدها لحضنه وضمها بتملك وعشق كبير. "هش هش بس أنا آسف جداً. انسي كل حاجة. انسي كل اللي حصل." ميرو: حست بالاحتياج الكبير.

وعطيت بشهقات وجع وصوت عالي ورفعت ايديها ع ضهرو وكلبشت فيه. وعياطها كان عباره عن لوم وعتاب ليه. تيم: لما رفعت ايديها وضمته، غمض عينيه وزاد من حضنها وضمها لقلبه اكتر. ومسد ع شعرها وضهرها بحنان: هششش بس اهدى. حقك عليا انا والله العظيم مكنتش اقصد كل ده فعلا. ميرو لازم اتكلم وتسمعينى. تيم: همس ف ودنها بحنان. ميرو عشان خاطري عايزك تهدى. انا تيم حبيبك.. وانا بحبك اوى. وقال بضعف: انا محتاجلك. ميرو: جسمها اتشد من همسه ليها.

تيم: رفع راسه واتعدل. واتنهد. وفهم انها مكسوفه تتكلم. وطلعها من حضنه وباس جبينها بحب وابتسم ليها. وقال: قومي خدى شاور وفوقي. عشان تعقمى لتيمو جرح ايدو ال كل شويه يتجرح ظلم ده. ميرو: بصت ل عينيه ف نظرة عتااااب كبيررررره اوووووى كأنها بتقوله. انت ياتيم تفكر انى بعشق غيرك. دا انا كنت بموت ف اليوم ١٠٠ مره بسبب لعنة عشقك ال صابتنى. وغمضت عينيها بوجع.

تيم: اتوجع من نظرتها. حتى لو غصب عنه. لكن عاطفة الست غير الراجل. وهي بتحب الاحتواء ديما ف اى وقت. حتى لو مش فاهمه حاجه. ميرو: ماهتمتش ل شعرها. وقامت وقفت بتعب وإحباط. ودخلت الحمام من غير ما تتكلم. تيم: مسح وشه بايديه. وقام فتح الدولاب بتاعها يطلع ليها فستان. ومدونة ميرو وقعت ع الأرض. تيم: كشر عينيه بعدم فهم. ونزل جاب المدونه. وبيقرا العنوان بفضول. وقال بتعجب. (ميراث العشق)