رواية جريمة عشق الفصل الرابع والثمانون 84 - بقلم مريم نصار

فيلا الصاوي. آسر راجع من الچيم بعد الشغل. ومرهق جدًا. ودخل من باب الفيلا. وسمع صوت كارما بتضحك. وقرب منها. وقلبه دق لحياة الرقيقة اللي قاعدة مع كارما. وابتسم بحب كبير. وقال: مساء الخير يا بنات. كارما: بسعادة.. مساء القمر على أجمل أبيه آسر. حياة: بحرج كبير.. احم مساء الخير يا آسر. آسر: حط شنطة الجيم. وقعد قصادهم. وقال باستغراب: إيه قاعدين لوحدكم ليه؟ وفين العيلة؟ كارما: قامت وجريت قعدت جنبه بسرعة.

وقالت بحماس: عندي لك أخبار حلوة أوي يا أبيه. آسر: رفع عينيه لـ حياة. وابتسم.. ياترى إيه الأخبار دي يا كارما؟ حياة: اتوترت. ونزلت عينيها بسرعة. احم. كارما: بسعادة.. ياسين ابن عمتو القمر. راح انهارده يتقدم لعروسة. وجدو ونانا وبابي ومامي معاهم. آسر: كشر عينيه بتعجب.. ياسين..!!! بيتقدم لعروسة؟ حياة: بتوتر. احم هو الموضوع جه بسرعة. مامي قالت إن أبيه ياسين قالهم امبارح بليل بس. وع فكرة أنت تعرف العروسة..!!!

آسر: رفع حاجبه.. يبقى من العيلة بقى. مش كده ولا إيه؟ كارما: بحماس ونفي.. لأ لأ لأ.. العروسة تبقى همس. اللي كانت موجودة في الفرح. ومامي قالت إنها شغاله معاكم في الشركة. أنت متعرفهاش؟ آسر: بإعجاب.. أوو.. همس المنشاوي.!! لا طبعًا أعرفها. دي بنت كويسة جدًا. حياة: اتنهدت بخنقة. وبان على ملامحها الضيق والغيرة. واحنا عارفين طبعًا إنها غيرة حتى بين الأصدقاء مش الأحباب وبس. آسر: غصب عنه ضحك بصمت. وقال.. مالك يا حياة؟

حياة: بخنقة ونفس التوتر.. ا.. ابدا احم. مفيش حاجة. كارما: حطت ايدها على معدتها. وقالت: آه أنا جوعت أوي. أبيه آسر حضرتك هتتعشى معايا أنا وحياة؟ أقول للدادة تجهز عشا. حياة: برفض.. لا ميرسي يا كارو. أنا ماليش نفس للأكل. آسر: بمكر.. طيب إيه رأيكم يا بنات.. لو نطلب ديلفري. ونقعد إحنا التلاتة نتعشى مع بعض في الجنينة.؟ ها إيه رأيك يا حياة؟ وع فكرة أنا راجع من الجيم وجعان جدًا. حياة: بحرج. احم الـ انت عايزه يا آسر.

آسر: بحنين.. أنا عايزك توافقي..! حياة: بلعت ريقها بتوتر.. احم م.. موافقة. كارما: سقفّت.. وااو يبقى نطلب أكل كتير جدًا لأني جعانة أوي أوي. وعايزة كانز وحلو مع الديلفري يا أبيه. آسر: طلع الفون. وقال: وأنا تحت أمر كارو. و.. وحياة. حياة: قلبها دق بقوة. وحست إنها حرّانة من الإحراج. آسر: حس بيها. وقال بجدية.. ها يا كارو أنتِ وحياة تحبوا تطلبوا إيه؟ كارما: بنهم.. أنا عايزة بيتزا L وعايزة كريب فراخ.

وكانز.. ولو هتجيب حلو يبقى مولتن كيك. آسر: بهزار.. أكلك بقى ضعيف أوي يا كارما. ههههه. كارما: الدايت بقى هههههههه. آسر: وانتي يا حياة..!! حياة: بإحراج.. أي حاجة. آسر: ابتسم.. طيب إيه رأيك أطلب لك على ذوقي زي ما أنا هطلب ليا.؟ حياة: هزت راسها بابتسامة رقيقة.. زي ما تحب. آسر: اتصل. وطلب الأوردر. وقفل. وقام وقف. وقال.

طيب يا بنات.. أنا هطلع آخد شاور. انتو بقى اطلعوا اقعدوا في الجنينة من دلوقتي. وانتي يا كارو انتي وحياة ظبطوا لينا المكان كده. أوك. آسر طلب منهم يخرجوا علشان ماينفعش يقعد مع حياة لوحدهم جوه الفيلا. لأن كارما أخته لسه صغيرة. وكمان شاف إن حياة متوترة. وشاف من الأفضل يخرجوا في الجنينة. حياة: قامت بسرعة. وقالت بارتياحية.. أيوه كده أفضل. يلا يا كارو. كارما: قامت بحماس.. يلا بينا. وخرجوا. فيلا المنشاوي.

ياسين وهمس قاعدين في الصالون لوحدهم. وباقي العيلة في الليفنج بعيد شوية. بيتناقشوا في باقي التفاصيل وبيتعرفوا على بعض أكتر. همس: بتتنفس بسرعة من السعادة. وضحكتها منورة وشها. وفرحانة ومبسوطة. ونفسها تجري وتتنطط وتعمل كل حاجة طفولية من فرط السعادة اللي هي حاسة بيها وعايشاها. ياسين بالنسبالها كان بداية حلم جميل واتحقق من غير أي مجهود. اتحقق بدعوة صادقة من قلبها. اتحقق بتمني. ياسين: قلبه بيضحك بسعادة طاغية.

ياااه.. البنت المجنونة دي هي كمان بتحبني؟ أخيرًا يا ياسين.. أخيرًا عرفت معنى الحب الحقيقي. وهو إنك مقدرتش حتى تتخيل إنك تخسر همس. مقدرتش تتخيل حياتك بس من غير صوتها. إحساس وشعور المرادي مختلف. همس صدفة يا ياسو. صدفة جميلة ولقاء مميز. لقاء جدير إننا نقول عليه لقاء السعادة الأبدية. إحساس بالخوف الحقيقي بالفقد. خلاك تتحرك بسرعة وتتقدم مليون خطوة على خطوة همس. حبك عدى المدى معاها يا ياسين. هي دي حبك الحقيقي.

لكن اللي قبل كده؟ كان انجذاب وانبهار. إعجاب بشخصية ملائكية. لكن اللي قدامك دي هي جنتك يا ياسو. همس جنة ياسو.!!! همس: بعدم تصديق وسعادة.. قالت.. ياسين بجد أنت جيت وطلبت إيدي صح؟ ياسين: ابتسم بتنهيدة.. انتي حاسة إيه يا همس؟ همس: حاسة إني بحلم. أيوه والله حاسة إني في حلم. أنا أصلًا معرفش إزاي أنت قدامي دلوقتي. ياسين قولي إزاي ده حصل؟ ياسين: ضحك بصمت عليها. وأخد نفس عميق جدًا واتنهد. وقال.

أنا لما كلمتك وعرفت شروط والدك. اللي أنا احترمتها. وزاد إعجابي بوالدك أكتر من الأول. إنه خايف عليكي. وماشي تبع الأصول والعرف. بجد موقفه عجبني جدًا يا همس. همس: بتذمر.. بص أنا عارفة إن بابي صح. وأنا مش معترضة. أنا كل اللي ضايقني شرط الجواز. هو لازم اتجوز غصب عشان أحقق حلمي؟ ياسين: بتفهم.. لأ طبعًا مفيش جواز بالغصب. ولكن والدك معاه حق. ماينفعش تسافري لبلد تانية لوحدك. لازم فعلًا يكون معاكي محرم ليكي.

همس: بهدوء.. طيب ما أنا قولت قبل كده أنا مش معترضة. كل الحكاية إن بابي مشغول وإخواتي مشغولين كمان. يبقى اتجوز إزاي بقى بالطريقة دي.؟ ياسين: بابتسامة.. هو مفيش غير طريقة واحدة للجواز يا همس.!! وهي إن العريس يدخل البيت من بابه. أما حوار نحب في بعض طول الليل والنهار. وخروجات ده ماينفعش. أولاً حرام. ثانيًا مبيدومش. لازم طرف يخل بالطرف التاني. ومش كل الجواز عن حب ناجح. همس: بصتله بعتاب. وعيونها لمعت. وقالت.

هو ده اللي أنت فهمته من كلامي؟ إني عايزة أحب ليل ونهار وأخرج وأسهر. وأعمل حاجة حرام..!!! وقامت وقفت. وقالت. بزعل. أظاهر فعلًا أنت متعرفنيش يا ياسين. بعد إذنك. وسابته وخرجت الجنينة. وحاسة بخيبة أمل جديدة. وراحت قعدت على المرجيحة وحاسة إنها عايزة تعيط. ياسين: خرج وراها. وقرب منها. ووقف قدامها وقال. أنتي أكيد مجنونة. أنا مقصدتش أنتي بالتحديد. أنا بفهمك وجهة النظر عمومًا.

ومفهومك عن الجواز من غير حب بيبقى فاشل. وده مش صح. فكلتا الحالتين. سواء الجواز بالحب أو الجواز التقليدي ف منهم جواز ناجح وف لأ.!! لكن لو بصينا للواقع اللي احنا عايشينه دلوقتي. إن أغلب الجواز الفاشل بيكون البداية حب. لازم يكون قبل الحب ده راجل يشيل المسؤلية الكاملة ويكون قد كلمته. وقد كلمة إنك أمانة في رقبته ويصونك ويخاف عليكي ويتشرف إنك تكوني حلاله.

وست تكون ناضجة وعارفة الغلط من الصح والحلال من الحرام. وتتحمل معاه وتكمل طريقها للنهاية. لكن مش أي حد يقول لوحده بحبك تصدقه ويتجوزوا وهي تدفع التمن لعدم تحمل المسؤولية.!! لا فيه أساسيات الدين حطها لينا عشان حياتنا تمشي صح. وسيدنا محمد قال. عن أبي هريرة قال قال رسول الله صلى الله عليه وسلم : (إذا أتاكم من ترضون خلقه ودينه فزوجوه إلا تفعلوا تكن فتنة في الأرض وفساد عريض) صدق رسول الله.

ياسين: كمل. وقال يا همس أنا أكتر واحد فاهمك. وصدقيني أنا مقصديش أنتي بالنية. أنا مقصديش أضايقك بكلامي. همس: بزعل.. أنا كل اللي مضايقني. إن بابي وانت دلوقتي فكرتوا بنفس الطريقة. أنا مقصديش خالص إني أحب وأتحب بالطريقة دي. لأني عارفة إن مش كل الشباب بيكونوا صادقين في مشاعرهم. وبيضحكوا على البنت بكلمتين. وبيتجاوزوا في حبهم وده حرام. لأنه لو بيحبها هيحافظ عليها وياخدها حلاله فعلًا. وقامت وقفت. واتحركت خطوتين. وقالت.

أنا لما كنت في الفرح. وشوفت قد إيه حب العيلة لبعضها. كل اتنين تحس فعلًا إنهم لايقين مع بعض. ماينفعش بديل لحد منهم للتاني. شوفت قد إيه عمق العشق من الإمبراطور لزوجته. وال عرفته بعد كده إن جوازهم مكنش عن حب. أنا عارفة إن الجواز التقليدي هو الصح. .لكن ما يمنعش إني أكون حابة الشخص ده. يعني انت مثلًا أنا معرفش إنك بتحبني وجيت اتقدمتلي وأنا وافقت باقتناع لأني بحبك. أيوه يا ياسين أنا حبيتك.

وأنا معترفتش لحد بحبي ليك. متعدتش حدود ديني في حبك. غصب عني. هو إحساس مبيبقاش في أيدينا. تحس كأنه سحر واتملك منك. هو ده مقصدي عن الجواز عن حب. مش إني أجري وأحب أي حد وخلاص. لأ طبعًا. لأن الزمن اتغير. الوعود اتغيرت. أكتر الشباب دلوقتي. واخدين البنت كأنها وقت محدد بالنسباله أحبها يومين. وأخليها تخسر حاجات كتير. وأدمرها. وأشوف غيرها.

أنا كل قصدي إن جوازي ما يدمرش لو مش موجود بينا حب وتفاهم. أنا عايزاه يستمر بسعادة أبدية. والأهم من كل ده. الدين. لأن اللي بيخاف ربنا. هيصون الأمانة اللي معاه. فهمتني يا ياسين..!! ياسين: ابتسم بإعجاب. وقال بغمزة عارفة أحسن حاجة أنتِ قولتيها دلوقتي إيه؟ همس: وشها بقى أحمر جدًا واتكسفت. ومردتش. ياسين: بحب.. إنك اعترفتي بحبك ليا. وصدقيني يا همس. إن شاء الله. هكون قد الأمانة. وهحاول أسعدك على قد ما أقدر. همس: قلبها دق.

وبصت بعيد.. وبتتنفس برجفة. ياسين: كشر عينيه وقال. همس، أوعي تكوني لسه زعلانه من كلامي..!!! والله بجد أنا مقصدقكيش انتي خالص.. وعموما أنا آسف.. مش عايزين نبتديها زعل وخصام. همس: هزت راسها. احم، لأ مفيش حاجه.. وبتفرك في أيدها بحرج. ياسين: ابتسم. طيب تعالى بقى اقعدي واحكيلك إيه اللي حصل. وإزاي جيت أتقدم لحضرتك. همس: بفضول. أيوه بليز، عايزه أعرف.. بليييز. ياسين: ههههه حاضر، اتفضلي بقى اقعدي.

همس: قعدت على المرجيحة.. ومركزة معاه. وياسين واقف قدامها ومربع إيديه.. وقال. أنا طول الوقت بعد آخر مكالمة كنت بفكر في رد فعلك.. عايزة الحقيقة.. أنا وقتها حسيت إني مخنوق.. وفكرة إن في عريس يتقدملك دي جننتني بجد.. عايز أقولك إن بابا ده.. مش مجرد أب وبس لأ.. ده صديقي المقرب ليا جدا.. ويفهمني من نظرة.. وسألني واتكلم معايا. أنا شرحتله كل حاجة جوايا.. وطلبت منه إني عايز أتقدملك في أقرب وقت.

بابا قالي سيب الموضوع ده عليا.. وراح امبارح لوالدك في الشركة.. واتعرف عليه واتكلموا مع بعض.. وأخد منه ميعاد. وأنا بقى قولت أعملها مفاجأة ليكي وقفلّت فوني.. لأني كنت متأكد إنك لما تعرفي إن في عريس جايلك فجأة.. أكيد هتتصلي عليا. وكمل بغيظ ومكر… وجينا نتقدم لهمس هانم.. اللي شربت من تحت إيديها أجمل فنجان قهوة.. ووعد مني إني هشربك من نفس الكاس يا مفترية.

همس: ههههه ههههه اسكت يا ياسين متفكرنيش.. يلهوي مش قادرة أنسى رياكشن وشك.. ههههه.. فكرتني بمحمد هنيدي وهو بياكل الصرصار.. لما قال ده عندنا بنضربه بالشبشب ههههه ااااه يا بطني.. هههه. ياسين: كاتم الضحكة.. لكن بصّلها.. بشرز.. وقال بتوعد. يوماً لك ويوماً عليك يا.. همس. اصبري عليا اوكي.!!! همس: بلعت ريقها بتوتر.. وحبت تغير الموضوع.. وقالت احم.

بس تعرف ناناه ملك كيوت أوي وجميلة.. وكمان طنط ماليكه بجد جميلة جدا وزوقها في اللبس يجنن.. احم. وبصت ليه وقالت بحنين. هو إحنا بجد اتخطبنا لبعض يا ياسين. ياسين: بدقة قلب… مبروك يا همس. همس: بعشق كبير. مبروك عليا أنت يا ياسين.!! عند كامليا. كامليا: نايمة بتهلوس. ماجدة: قاعدة جنبها على السرير.. وزعلانة عليها. محسن اتصل على ماجدة يطمن على كامليا. ماجدة: ردت بحزن. الوو. محسن: الو أيوه يا مرات أخويا.. عاملين إيه.

ماجدة: بتنهيدة. بخير يا محسن.. بخير. محسن: طيب كامليا عاملة إيه دلوقتي. وجبتي ليها دكتور ولا لسه. ماجدة: بحيرة ومش عارفة تقوله ولا.. بس هي عارفة إن محسن الوحيد الكويس في العيلة.. وقالت باستسلام. أيوه جبت ليها اتنين دكاترة.. واحد مخ وأعصاب وده كان وقت العصر.. ودكتور نفسية وعصبية ولسه خارج من شوية. محسن: همس بدهشة. نفسية..!!! وقال بلهفة. طيب قالك إيه. ماجدة: بزعل.

دكتور المخ والأعصاب.. كل ما يقرب منها يكشف عليها تصرخ في وشه.. وتزقه.. لدرجة إنها حدفته بالفظة.. بس الحمد لله مجتش فيه. ومعرفش يكشف عليها من صريخها.. وقال بنتك لازم تتعرض على دكتور نفسية. وجبت ليها الدكتور.. وبرضه كامليا تزعق وتصرخ.. بكلام مش مفهوم.. وجريت استخبت. والدكتور كتفها.. وعطاها حقنة مهدئ.. وطلب مني ننقلها لمستشفى نفسية لكن أنا رفضت.

وقالي خلاص هنتابع معاها هنا.. وقالي كامليا شكلها اتعرضت لصدمة كبيرة جدا.. وأنا قولت للدكتور على الحادثة قالى ممكن يكون ده سبب إنها خايفة من الموت.. ولما واجهته اتصدمت.. وكتبلها علاج.. وممرضة هتيجي بكرة الصبح. محسن: بزعل حقيقي.

لا حول ولا قوة إلا بالله.. ربنا يستر على اللي جاي.. وأنا روحت الفندق وحاولت أوصل للبنت اللي كانت معاها.. لكن معرفتش.. أنا لا أعرف شكلها ولا حتى اسمها.. ولا كامليا راضية تساعدنا وتقولنا إيه اللي حصل.. لكن خير إن شاء الله.. انتي خلي بالك عليها. ماجدة: بصت على كامليا بحزن حقيقي.. وهزت راسها. إن شاء الله. المالديف. تيم وميرو.. بيزينوا قدام البحر بطريقة شيك ورومانسية.. وبيكتبوا قلب كبير جدا مع بعض.

ميرو: لابسة فستان سهرة باللون الأحمر.. وكتبت في قلب القلب. I love you for ever.. Tim ™ Miro. تيم: عمل دايرة كبيرة شوية.. وحط حواليها شمع.. وكتب جواها. My angel (ملاكي) وساب ميرو وراح يجيب باقي الزينة من الكوخ.. ورجع.. لكن وقف مكانه.. وبيسمع ميرو بإعجاب كبير وعشق أكبر. ميرو: بتولع الشموع.. وبتغني.. لجنات. أنا دنيته بحالها وحياته كلها أنا أهله وأنا ناسه وروح قلبه وحبيبته أنا اللي لو يغلط مسامحة في حقها

وأنا اللي لما يغيب عليها ترد غيبته (أنا الحضن اللي من تعبه بيهرب ليه (بيهرب ليه أنا القلب اللي من خوفه بيتحاما بيه أنا مش واحدة بتحبه بتموت فيه أنا بموت في التراب اللي بيمشي عليه أنا عمري ما اتغيرت يوم من ناحيته وأنا اللي راضية تـنـصفه لو كان ظالمها وأنا اللي لما بيشتكي من وحدته يبقى معاه قلبي وروحي صحابه يومها أنا الحضن اللي من تعبه بيهرب ليه (أنا القلب اللي من خوفه بيتحاما بيه (بيتحاما بيه

أنا مش واحدة بتحبه بتموت فيه ده أنا بموت في التراب اللي بيمشي عليه.. تيم: حط الزينة على الأرض.. وقرب منها ومسك إيدها.. وقومها. ميرو: انتبهت وقامت معاه. والضحكة الصافية على ملامحها.. ووشها منور من كم السعادة اللي هي عايشاه. تيم: معلق نظره عليها.. وساكت تماماً.. وبيحفر تفاصيلها في قلبه.. وبياخد سكرين لكل حركة وضحكة من ملاكه.. وبيرجع خصلات شعرها اللي بتطير من الهوا. ميرو: بصت ليه.. وابتسمت بحيرة.. وقالت.

إيه ياتيمو.. مالك بتبصلي كدا ليه ياحبيبي. تيم: مسد إيده على خدها بحنان.. وقال بغرام. أنا مش بس بعشق التراب اللي بتمشي عليه.. أنا بعشق خيالك بعشق كل حاجة فيكي وأي حاجة تخصك. بحب ضلك اللي بيتعكس على قلبي وإنتي ماشية. بعشق روحك اللي بتحييني.. أنا قلبي جواكي. أنا روحي فيكي أنا عايش بيكي ياميرو. وقرب منها وباس جبينها.. وحط خده على خدها بحنان وقال. (و إني أحبك إمتلاكا وتملكا و كمالا، وأغار عليك تعصبا وتجننا وحنانا)

ميرو: مغمضة عينيها.. وحاسة إنها طايرة في السما.. ولا إرادياً.. رفعت إيديها حوالين رقبته.. وحطت راسها على صدره.. وهمست بحب كبير وقالت. أنت الفؤاد وما يحتويه.. تيم أنا بعشقك!! فيلا المنشاوي. بعد ما ياسين وعيلته مشيوا. همس: داخلة من باب الفيلا.. وقابلت ربيع. همس: بسعادة مسكت إيد ربيع وبتلف بيه.. بفرحة.. وقالت. عموووو ربيع أنا مبسوووطة أوي.. يا عمو ربيع. ربيع: بضحكة. يا بنتي اقفي واعقلي بقى أنا مش قدك ولا حمل المرمطة دي.

همس: وقفت.. وحطت إيدها على قلبها بتاخد نفسها.. ونفخت براحة كبيرة.. وقالت. مرمطة إيه بس يا عمو ربيع. انت لسه شفت مرمطة. واعمل حسابك كل مشوار هعمله انت معايا.. واو عندي حاجات كتير جدا لسه عايزة أعملها. ربيع: بضحكة. ربنا يفرحك ديما يا همس يا بنتي.. ألف مبروك يا حبيبتي.. والله فرحت من قلبي.. والاستاذ ياسين زينة شباب مصر كلها.. ربنا يهنيكي يا همس يا بنتي. همس: بسعادة.

الله يبارك فيك يا عمو ربيع يا قمر.. وعقبالك.. كدا يا راجل يا طيب. ربيع: ضحك من قلبه.. وقال. اسكتي.. لو فضيلة سمعتك دلوقتي.. يبقى مش هلحق أروح معاكي أي مشوار.. ههههه. رياض من وراهم. مبروك يا همس.!! ربيع: طيب يا جماعة.. استأذن أنا.. وكلميني يا همس يا بنتي أول ما تحبي تخرجي.. سلام عليكم.. وخرج. همس: بصوت هادي. وعليكم السلام يا عمو ربيع. وبصت ل رياض بتوتر. احم.. الله يبارك في حضرتك يا بابي. رياض: رفع حاجبه بتعجب.. وقال.

غريبة وافقتي يعني على العريس على طول ومن غير فلسفة ولا اعتراض. همس: بلعت ريقها بتوتر. اء.. احم غريبة إزاي. حضرتك دي رغبتك.. و.. احم.. وأنا نفذتها. رياض: بمكر. اممم يعني لو كان جه علي كنتي وافقتي. همس: نزلت وشها في الأرض بحرج. وهزت راسها. لأ. رياض: ابتسم بحب.. وقرب منها ومسك كتفها.. وقال. ياسين شاب كويس جدا.. وعلى أخلاق عالية.. وعائلته في قمة التواضع والرقي.. وأنا مش عايز حاجة في الدنيا غير سعادتك يا همس يا بنتي.

همس: عيونها لمعت.. وضحكت بسعادة.. واترمت في حضنه. حبيبي يا بابي.. أنا آسفة إني زعلت حضرتك مني. رياض: ضمها لقلبه بحنان كبير.. وربت على ضهرها.. وقال. عمري ما أزعل منك يا حبيبتي.. وألف مبروك. همس: غمضت عينيها براحة كبيرة.. وقالت. الله يبارك في حضرتك. فيلا الصاوي. آسر وحياة وكارما.. قاعدين في الجنينة.. وآسر استلم الأوردر.. وبيتعشوا. كارما: بتاكل بسرعة. اممم ها ياحياة.. عمتو ماكي قالتلك إيه.

حياة: قفلت الفون.. وقالت بسعادة. هما جايين في الطريق.. ومامي قالت إن العروسة وافقت وقروا الفاتحة كمان.. والخطوبة آخر الأسبوع.. وكتب الكتاب الشهر الجاي.. والفرح بعد شهرين ونص من دلوقتي.!! كارما: بفرحة كبيرة. الله هنفرح قريب جدا.. واو ياسين هيكون أحلى عريس. آسر: ابتسم.. وقال بدقة قلب. عقبالك يا حياة. حياة: بخجل. ميرسي يا آسر. كارما: كشرت عينيها.. وقالت بتذمر.

اله طيب وأنا يا أبيه مفيش واحدة عقبالك يا كارو.. ولا هو كل حاجة حياة حياة. حياة: اتوترت وبلعت ريقها بتوتر. وحاسة إن مشاعرها مكشوفة لأي حد. آسر: بضحكة. يا غلباوية انتي لسه صغيرة.!! ورفع عينيه لحياة.. وقال بحب. نفرح بس ب حياة.. وبعد كده ربنا يسهل. بعد يومين. عند شاهين. الساعة ٣ العصر. شاهين: نايم ومستكين تماماً. والدته: دخلت تصحيه.. واسمها عفاف. وقالت. شاهين.. شاهين يبني رد عليا قوم كفاياك نوم.

شاهين: فتح عينيه.. واتعدل. إيه يا أمي بتصحيني ليه بس. عفاف: بتعجب. إيه بصحيك ليه. مش عندك شغل. وبعدين اختك قالتلي من بدري موبايلك بينور ويطفي.. شكل كان حد بيتصل عليك.. وانت عامله صامت. شاهين: مسح وشه بإيديه.. وبيتاوب. وقال. آه صامت.. بس أنا ظابط المنبه على الساعة ٢.. ومسك الفون. عفاف: إحنا لا سمعنا منبه ولا أي حاجة.. وبعدين الساعة ٣ إيه.. اتأخرت. شاهين: بدهشة. ينهار أبيض.. ميعاد عاشور.!!!

وكمان اتصل عليا ٤ مرات.. ونفخ بخنقة. أستغفر الله العظيم. عفاف: ربتت على رجله. طيب أهدى كدا.. وإن شاء الله خير.. أنا هقوم أجهزلك الغدا قبل ما تنزل. شاهين: قام بسرعة.. وقال. لأ يا ست الكل.. أنا يدوبك آخد شاور والبس وأنزل.. بس بالله عليكي خلي زهره تجهزلي البدلة الرصاصي.. عشان الوردية.. وجري بسرعة على الحمام. عفاف: فتحت الدولاب.. وطلعت ليه البدلة. والقميص.. جهزت ليه كل حاجة.. وخرجت من الأوضة. بعد شوية.

شاهين: خرج من الحمام.. و بيلبس البدلة.. و بيتصل على عاشور و كان غير متاح. شاهين لنفسه: إيه يا عم عاشور ياترى قافل موبايلك.. ولا روحت المستشفى لوحدك ودي الشبكة.. استغفر الله العظيم يارب.. طول الليل بحاول أنام ومش عارف. وبعدها ابتسم.. وافتكر شكل هبة وهي بتضرب أحمد بالمنفضة.. وهز راسه بضحكة.. وقال: شقية انتي ياهبة.. وطايرتي النوم من عيني. في شركة الصاوي. سارة: في المكتب.. والباب خبط و دخل مالك.

مالك: مساء الورد على آيسو حبيبة قلبي. سارة: قامت بابتسامة.. واتحركت تقابله.. وسلمت عليه.. وقالت: أهلاً مساء الورد على مالك عمري.. إيه المفاجأة القمر دي. مالك: تعالي بس اقعدي جنبي هنا.. وهقولك. ومسك إيدها.. وقعد على الكنبة.. وقعدها جنبه.. وحط شنطة على الترابيزة. سارة: وادي قاعدة يا قلبي.. إيه بقى معندكش شغل النهاردة؟ مالك: ههههه وهو الشغل بيخلص يا آيسو؟ أنا بس كنت قاعد لقيت فاجأة قلبي بيدق وقولت إيه ده؟

معقول سارة بتنادي عليا.. قومت جيت جري عشان أشوف أجمل عيون. سارة: هههههه والله بجد؟ بس تعرف أنا فعلاً ناديت عليك من شوية. مالك: شوفتي بقى.. عشان تصدقيني.. وسمعتك ولبّيت النداء يا روح قلب مالك. سارة: بسعادة: تسلم لقلبي يا حبيبي.. بجد أنا النهاردة اشتغلت كتير جداً.. وقولت ياربي لو مالك معايا النهاردة كان هيساعدني كتير. مالك: كشر عينيه بعدم فهم: طيب وآسر فين؟ مطلبتيش منه يشتغل مكانك ليه؟ سارة:

ابتسمت بفخر: آسر ابني.. نزل يستلم بضاعة من المينا. بجد يا مالك أنا فخورة بآسر ابني جداً.. بجد يشرف أي حد. مالك: بثقة: طبعاً ده ابن مالك الصاوي.. وحفيد جاسر الصاوي.. وأمه تبقى سيدة الأعمال المعروفة سارة الصاوي.. وكمل كأنه بيغني: يبقى يشرف أي حد عشان راجل بجد.. ههههه. سارة: ضحكت.. وقالت: ربنا يسعد أوقاتك يا حبيب قلبي.. بجد بحبك وإنت مبسوط كده. مالك: فتح الشنطة..

وقال: ولسه هتحبيني أكتر.. لما نتغدى مع بعض.. وطلع أوردر.. غدا جاهز. سارة: رفعت حاجبها بإعجاب: امممم.. حلو جداً.. أنا كنت جعانة فعلاً.. حبيبي يا مالك ربنا يباركلي فيك. مالك: فتح علبة الأكل.. وأخد مكرونة بالشوكة.. وأكل سارة.. وقال: ويباركلي فيكي يا عمر مالك. بعد شوية.. عند هبة. هبة: قاعدة لوحدها في البيت.. والباب خبط.. وقامت فتحت الباب. وشهقت بذهول.. وقلبها دق بخوف. وقالت: إنت..!!!! فادي: رفع إيده على الباب..

وقال بضحكة: أيوه أنا يا هوبا.. بجد زعلان منك.. بقى تغيري رقم فونك مني؟ لأ أنا زعلان منك أوي يا هوبا. هبة: بتعدل طرحة الإسدال.. وقالت بغيظ: إنت إزاي تجيلي لحد باب البيت؟ إنت أكيد مش طبيعي.. وبعدين أغير رقمي براحتي أنا حرة. فادي: هز راسه ببرود: تؤ.. لأ انتي مش حرة يا هبة.. أنا اخترتك تكوني بتاعتي.. وهاخدك.. انتي خطيبتي يا هوبا. هبة: صكت على أسنانها بغيظ مكبوت.. وقالت: يا أخي خطيبتك عقربة.. ماتعرف تحل من حوالين رقبتك.

وبعدين انت مش خايف من إخواتي؟ أنا هنادي عليهم دلوقتي يربوك كويس.. إنت شكلك محرمتش من العلقة اياها.. وعايز تجديد. فادي: بسماجة: ههههههه هتنادي على إخواتك؟ لأ لأ انتي بتكذبي يا هوبا.. لأني شايف مامتك وعاشور وأحمد ركبوا العربية من نص ساعة وأكتر.. وأنا استنيت.. قولت يا واد يا فادي ممكن هوبا تنزل دلوقتي.. وتعرف تتفاهم معاها.. بس انتي بقى منزلتيش.. يبقى أنا أطلع عشان أتكلم معاكي. هبة: رغم إن قلبها بيدق بخوف..

لكن قالت بجمود: وكمان عارف إني لوحدي في البيت؟ وجاي تخبط عليا؟ لأ ونعم الأصول والتربية الزبالة.. اتفضل بقى انزل عشان ماصوتش وألم أهل العمارة عليك. فادي: ببرود: نرفوزة أوي انتي ياهوبا.. وكمل بخبث: طيب مش نتحاسب؟ وأخد اللي ليا؟ هبة: بتنهج بخوف.. وقالت بتلعثم: ا.. ان كان على الفستان أنا هجبهولك حالا.. اس.. استناني هنا.. وجت تقفل الباب في وشه..!!!! فادي: بسرعة.. حط إيده على الباب.. وقال بمكر: هو الفستان وبس ياهوبا..؟

ده الفستان وصاحبته كمان.. ومدام إحنا لوحدنا نقدر نتفاهم حلو أوي أوي.. وغمز. هبة: فتحت عينيها بصدمة.. وجسمها بيرتجف.. وقالت: امشي يا فادي.. امشي عشان ما تندمش.. وقالت بعياط: أنا هصوت وألم عليك الناس.. امشي من هنا.. ربنا ياخدك. فادي: بمكر: إيه؟ باين أوي إنك خايفة مني؟

بصي يا هبة.. أنا قولتها ليكي قبل كده.. انتي بتاعتي.. ولو موافقتيش ترجعيلي بالذوق.. هخليكي انتي اللي تبوسي على إيدي عشان آخدك بالعافية.. وأظن انتي مش صغيرة وفاهمة أنا قصدي إيه؟ هبة: برعب كبير.. جت تقفل الباب بقوتها كلها.. لكن للأسف مفيش أي قوة.. وجسمها كله بيترعش.. وعايزة تجري على البلكون عشان تصوت وتستغيث بالناس والجيران.

فادي: خلاص الشيطان رسم ليه إن هبة لوحدها في الشقة ويقدر ياخد منها اللي هو عايزه.. ولأن دي بنت ودكتورة هتخاف على سمعتها وتسكت.. وفي الآخر هتبقى ملكك يا فادي..!!! أيوه هي دي وسوسة الشيطان لكل شخص زي فادي..

عشان توصل بيها وتكون رجل أعمال مشهور في مقابل استخدامك لجمال البنت اللي انت عايز تتجوزها لسبب واحد وهو إنك تتباهى بجمالها لغيرك.. وأنواع كتير بيفكروا بالطريقة المنحطة دي.. ومفيش غيرة على أهل بيتهم.. عادي جدا تحط ميكب وهي خارجة.. عادي جدا تلبس ضيق ومفاتنها اللي ملكك انت تكون واضحة لغيرك ويشتهي مراتك ويحسدك عليها.. ويتمنى إنه يكون مكانك.. عادي جدا.. إنك تخلي مراتك واجهة للمجتمع والكل ينظر عليها كنظرة الذئاب للفريسة.. وللأسف الشديد.. انت بتكون فخور إنك ديوث وإنك غير أمين على البنت اللي هي المفروض أمانة في إيديك.. في حجة سخيفة.. وهي إحنا بنقلد الغرب.. والحرية..!!!

وعايزين نبقى زي الدول المتقدمة..!!! هبة: بتزق الباب.. ورغم إن قوتها قليلة لكن بتحاول.. وصرخت بعلو صوتها: الحقوووووني. فادي: طبعاً أجبن من الفضيحة.. إلا إن عيونه ساكنها الشيطان.. وزق الباب بقوة. هبة: وقعت على الأرض.. وبتنهج برعب كبير.. وجت تصوت صوتها مش طالع. قدام العمارة.