رواية جريمة الماضي الفصل الخامس 5 - بقلم سولييه نصار

انت كداب، صرخت اروي وبعدت عنه. بصلي بصدمة وقال: انتي متعمليش كده صح، انتي اختي اللي بحبها وبتحبني ومستحيل تعملي فيا كده. عيطت وانا بحط عيني في الأرض. كنت عايزة أنكر وأخد دور البريئة وأطلعهم هما اللي وحشين، بس مقدرتش. الكلمات وقفت في حلقي ومقدرتش أكدب وهو بيبصلي بالطريقة دي. مسكني وقعد يهزني وقال: انطقي يا اروي، هما أكيد كذا*بين. انتي متعمليش كده. قعدت أبكي جامد. رجع علي لورا ودموعه نزلت. قعد على الأنتريه وقال:

لا لا انتي... مش ممكن... ازاي تد*مري حياتي بالشكل ده. انتي كنتي بتحبيني، إيه اللي حصل مني عشان تكرهيني وتد*مري حياتي بالشكل ده. قربت منه وأنا ببكي وقولت: بالعكس، أنا عشان حبيتك عملت كده. كنت عايزة أخليها تبقي معايا، لكن هي أخدتك مني. -عمرها ما أخدتني. قام وصرخ في وشي. قعد يهز فيا وقال: هي اللي كانت بتلح عليا أكلمك وأزورك. اعتبرتك أختها الكبيرة. كانت بتحبك. كانت ش*رف أخوكي، إزاي تعملي كده. زقني لحد ما وقعت على الأرض.

حطت سارة إيدها على بوقها وفضلت تبكي. بصلها علي وقال وهو بيبكي: أنا ظل*متها. ضر*بتها وطر*دتها. شك*يت فيها بسببك وخسرتها للأبد. بصلي أنا وقال وعيونه مليانة كره:

أنا بكر*هك يا اروي. بكر*هك وعمري ما هسامحك حتى لو شوفتك مي*تة قدامي. هكر*هك لحد آخر يوم في حياتي. هدعي عليكي يتك*سر قلبك زي ما ك*سرتي قلبي. هدعي عليكي تتد*مر حياتك زي ما دمر*تي حياتي. حسبي الله ونعم الوكيل فيكي يا شيخة. عمري ما هسامحك أبداً. من النهاردة انسي إن ليكي أخ، فاهمة. جريت عليه وأنا ببكي وقولت: لا لا يا علي، أبوس إيديك متسبنيش. أبوس إيديك أنا آسفة والله. بس هو زقني بك*ره ومشي.

قعدت على الأرض وفضلت أبكي جامد. كان قلبي مك*سور. حاسة بق*هرة. خسرت أخويا وجوزي، ودلوقتي بس حسيت بإحساس سارة اللي خسرت جوزها وعيلتها بسببي. أخيراً عرفت غلطي، بس بعد فوات الأوان. ودلوقتي ربنا بيعا*قبني. سارة دخلت الأوضة وقفلت على نفسها وفضلت تبكي. بس مروان فضل واقف جمبي وقال:

أنا حذرتك كتير، بس غيرتك على أخوكي عمتك. أنا برضه غلطان إني سكت عن الظ*لم، عشان كده بتعاقب إني اتجوزت واحدة بحبها وهي لأ. أنا شوفت حب سارة لعلي النهاردة، وكله بسببك دمر*تي كل حاجة. وأنا معاكي. بصتله وأنا ببكي فقال فجأة: انتي طالق. الشقة دي هتبقى ملكك لأنك حاضنة، وأنا هاخد سارة وهمشي من هنا. فضلت أبكي أكتر ونمت على الأرض وأنا ببكي. جه أولادي وقعدوا جمبي وهما بيحضنوني. مشي مروان وسارة من الشقة.

مرت الأيام وعلي بيتجاهل مكالماتي. وعرفت إن سارة طلبت من مروان الطلاق، وإنه حاول كتير يرجعها لأنه بيحبها، بس رفضت وقالتله إنها مقدرتش تحبه. بس رغم كده مروان حتى معرضش عليا إننا نرجع. وأنا عيشت وحيدة مع أولادي بحاول أربيهم لوحدي. ومروان كان بيبعتلي النفقة من غير كلام. كان هو كمان متد*مر زيي.

بعد سنة عرفت إن علي حاول بكل ما يملك ورجع سارة ليه واتجوزها. حاولت أروح له وأباركله بس طر*دني وك*سر قلبي. رغم إن سارة حاولت تصلح بينا بس رفض. يااه، سارة اللي دمر*تها سامحتني، وأخويا لسه. بس أنا أستاهل وشكلي هتعا*قب كتير. في يوم كانت سارة وعلي قاعدين على البحر. سارة حاطة راسها على كتف علي وقالت: ما تسامحها، دي أخت. -تعرفي تخرسي. خلاص مروة انتهت من حياتي للأبد. اتنهدت سارة بحزن فباس علي راسها وقال: بحبك.

-وأنا كمان والله بحبك.