رواية جريمة الماضي الفصل الرابع 4 - بقلم سولييه نصار

مستحيل ... انتي مجنونة أكيد صح ... قولتها وأنا بهز راسي بخوف. مستحيل أخسر علي ... ده أخويا روحي ... ولو قولته أكيد هيكرهني للأبد ومش هيسامحني. هزت سارة كتفها وقالت: يبقي خلاص مش هسيبك في حالك. ولسه هتمشي من قدامي مسكتها من شعرها وكنت هضربها ... لكن هي مسكت إيدي ولوتها وقالت: إياكي! أنا مش سارة الضعيفة ... أنا دلوقتي ممكن أدمر حياتك .... ممكن أقتلك ... هعمل أي حاجة عشان أشفي غليلي ... بلاش تختبري صبري يا أروي.

وبعدين زقتني وبصتلي بغضب ومشيت. كنت هموت من القهر ... إزاي بقت بالتجبر ده؟ سارة كانت طيبة وهبلة ... إزاي بقت كده بجد!!! كنت مصدومة ... بس لا مش هستسلم. ... أهون أموت ولا أخسر علي. لا جوزي ... كلها فترة وهطردها طر*دة الكلاب وهتشوف ......... بعد شوية طلع مروان من الحمام فابتسمت بخبث وقربت منه وأنا بلعب في زراير قميصه وقولت: تعرف أنك وحشتني. وانتي لا ... بالعكس ارتحت منك امبارح ...

كان نفسي أضربه على وشه بس استحملت. أنا مش هخسر ... قربت أكتر وحضنته وقولت: تعرف إني بحبك أووي ... أنا بحبك يا مروان. انت في قلبي وفي عقلي ... إزاي تعمل فيا كده ... تأذيني بالطريقة دي؟ أنا بحبك ... معقول تأذي أروي حبيبتك.. مش كنت بتقول إنها هتكون دايما في قلبي وإنك مش هتحب غيري؟ ابتسم بطريقة وهو بيزقني وقال: أفعالك كرهتني ... عدم احترامك ليا قدام الناس خلي حبك يختفي من قلبي ...

معاملتك السيئة ليا وإنك تخرجي أسرار بيتك لأصحابك خلاني أقرف منك وأبطل أحبك ... ساعتها لقيت سارة اللي عوضتني عن قر*فك ... ودلوقتي أنا بعشقها بطريقة معشقتهاش لحد قبل كده ولا حتى انتي. دموعي نزلت ... كنت خلاص بموت ... مروان كان بيبعد عني كنت بخسره. بصلي بقرف ومشي من قدامي فقولت بصوت مخنوق: على فكرة هي مش بتحبك ... انت مجرد أداة عشان هي تنتقم مني. عارف ... بصتله بصدمة فابتسم بحزن وقال:

للأسف عيبي إني ضعيف قدام اللي بحبه ... سكت عن أفعالك القذرة ومعاملتك لأني بحبك ... وساكت ليها حاليًا عشان بحبها. عرفت إني خسرت قدامها ... هي قدرت تاخد قلب جوزي ... قدرت تقلب حياتي وأنا دلوقتي مفيش في إيدي حاجة أعملها إلا إني أمشي وأسيب لهم البيت .......... على العصر كده ... جه أخويا البيت وضرب مروان ... حاولت أبعدهم عن بعض بس فشلت. كنت أنا وسارة بنبكي بخوف ... علي كان بيخ*نق مروان ... كان مخنوق منه ومقهور ...

لأنه كسر قلبي واتجوز طليقته ... كنت عارفة إني رغم كل حاجة علي لسه بيحب سارة ... ده حتى لحد دلوقتي مقدرش يتجوز ولا يحب حد غيرها ... كنت بشوفه منطفي بس قولت وقت وهينسي. اه يا واطي يا حقير ... أنا هقتلك ... جايب واحدة رخي*صة ضرة على أختي والله لأقتلك ... بهتت سارة ... مسكت علي وحاولت أبعده بس علي كان بيخ*نق مروان. ملقيتش إلا دي تتجوزها يا غبي ... ضحك مروان وقال بصوت مخنوق: أيوه لإن دي أنضف من اختك. اخرس. لا مش هخرس ...

سارة عمرها ما خانتك يا غبي .... دي أختك الش*يطانة اللي دبرت ده كله !!!!