رواية جيم اوڤر الفصل الأول 1 - بقلم ديدا الشهاوي

_هو انت مش واخد بالك من حاجة؟ _حاجة إيه؟ _إننا عريس وعروسة. _لا يا شيخة، بجد؟ _آه والله، حتى بالأمارة لابسين لبس الفرح. _يا شيخة، تصدقي نسيت. _معلش، مشاغلك كتير أنا عارفة. _آه والله، بتقولي فيها. _مُدوّر أوي وفي دماغي، فيها مليون حاجة. _الله يكون في العون، بس سيبك انت، إيه رأيك في الفرح بتاعنا؟ _فرح بتاعنا فين؟ _اللي كان شغال من شوية. _والله هو دا الفرح اللي لبسنا عشانه الهدوم اللي تخنق دي؟ _آه شوفت.

_فرح تافه ومصاريف على الفاضي راحت على الأرض. _وإيه رأيك في الشقة اللي جدي جابها لنا؟ _مش بطالة، وعفشها حلو وغالي الصراحة، بس مدام جدي اللي دافع يبقى تمام. _طب إيه؟ _إيه؟ _إيه؟ _مش فاهم. _هنفضل بلبس الفرح ده؟ _لا أكيد، قومي غيري لو حابة. _هقوم طبعًا، عشان مرارتي بدأت تتفقع. _ليه بس؟ _من المصاريف اللي راحت على الأرض. _قومي قومي، فكّي عن نفسك، وأنا كمان هقوم. _الصبر يا رب. _بتقولي حاجة؟ _لا أبداً، بقول الشقة حلوة بجد.

_آه. _طب إيه؟ _إيه؟ _عاوزة أغير. _هو أنا ماسكاك؟ _اتفضل من غير مطرود. _آه، طب ثواني، آخد بيجامتي وأغير أنا في الحمام. بعد ساعة _حسنا، انتي نمتي ولا إيه؟ عاوز أنام ومستنيكي تفتحي. _ادخل يا شاكر. _تنام فين؟ _على السرير طبعًا. _وأنا هنام فين؟ _والله مش مشكلتي، الشقة كبيرة وفيها بدل أوضة أربعة. _انت شايف كده؟ _أكيد. _طب في حاجة؟ _هاا. _جدي جاي بكرة يطمن علينا. _آه عارف، ينور البيت بيته أصلًا. _طب إيه؟ _إيه؟

_يعني هيطمن علينا إزاي؟ _مانا مش قادر أفهم ليه كان بيقولي: "هجلكم بكرة أطمن عليكوا"، ويضغط على إيدي ويضحك. _شوف انت بقى قصده إيه. _مان هو لو عارف ما كنتش فكرت وحترت. _لا يا شيخ. _آه والله. بعد ساعة _شاكر.. شاكر، مش عارفة أنام في الأوضة التانية. _إيه يا حسنا؟ فزعتيني. _هو انت جالك نوم؟ _آه طبعًا، اليوم كان مرهق وأنا مش واخد على كده. _طب هتعمل إيه مع جدي؟ _ما تفهميني، هو جدنا علينا ليه فلوس وأنا مش عارف؟

_شاكر، هو انت اتجوزتني ليه؟ _والله بعتولي من أمريكا: "تعالي اتجوز بنت عمك"، فجيت. _لا يا شيخ، وبتقولها وكل سعادة كده؟ _أمال أكدب يعني؟ _هو انت فاهم الجواز إيه من وجهة نظرك؟ _الجواز تكوين أسرة وبيت وزوجة. _حلو أوي، إزاي يحصل ده بقى؟ _البيت أهو، والزوجة انتي، والأسرة أهلنا. _لا يا شيخ، ده الجواز. _شاكر، هو انت بارد كده ولا جاموسة عدت على قفاك؟ _حسنا، ده هزار عشان أضحك ولا شتيمة؟ _آآه ياربي، صبرني. طلوع النهار

_شاكر.. شاكر، جرس الباب بيرن، أظاهر جدي جه. _يادي النيلة، هو انتي واخدة توكيل بصحّياني؟ _أقوم، جدو بيرن، أقوم أفتحه. _ما تفتحهاله انت، هو غريب. _أوووف، أظاهر وقعت في وقعه سودة. حسنا طلعت تفتح لجدها وهي بتبرطم من برود شاكر. _جدي حبيبي، وحشتيني. _وحشتك يابكاشة، اللي لاقي أحبابه نسي أصحابه. _انت حبيبي وصحبي يا قمر، يا جدو يا عسل. _أظاهر يابنتي ليلتكم كانت حلوة، عشان كده مزاجك حلو. _ليلـتنا؟ آه، كانت حلوة أوي، مقولكش.

_أمال فين العريس؟ _ثواني وهيجيلك يا جدو، هدخل أستعجله. حسنا دخلت لشاكر، لاقته لسه نايم. _أقوم ياشاكر، جدو عاوزك. _أف، قايم أهو، هو مافيش غيري اللي جدو بيعوزه؟ أكيد عاوزني أعمله حاجة. هنا حسنا اتصدمت من كلام شاكر وهبله. شاكر طلع بالبيجامة وكله نوم. _أهلاً يا جدي، نورت ياحبيبي. _أهلاً بالعريس، مالك مدهول كده؟ أظاهر كانت ليلة عسل. _هي إيه اللي ليلة عسل؟ ماكنش في الأكل عسل خالص. _أكل.. أكل إيه يابني، ليلتكم حلوة يعني.

_ليلة إيه بالظبط؟ هنا جات حسنا وقعدت جنب شاكر وهي خايفة ومرعوبة من رد فعل جدها لما يعرف إنه ما حصلش حاجة. _ولااااا، انت شغل بلاد بره، مش عاوزه. _في إيه يا جدي؟ اتعصبت ليه كده؟ أهدى وصلي على النبي. _عليه أفضل الصلاة والسلام، قومي يابنتي هاتيلي كوباية مايه وأسبرين، لحسن صدعت. _حاضر يا جدي. حسنا راحت المطبخ وهي فرحانة في شاكر إنه هيتهزق من جدها.

_أحسن عشان بارد ومعندوش من الأحمر، قال ليلة إيه، ليلة سودة ومنيلة على دماغه يارب. _ولااااا، انت بطل الهبل واسمعني. _مالك يا جدي؟ أفشت كده ليه؟ _عشان اللي بتقوله بتضيع فيها رقاب ياحبيبي. _ليه كده بس يا جدي؟ _انت عاوز تفهمني إن محصلش بينك وبين عروستك حاجة؟ _هيـحصل إيه يعني؟ ما إحنا كويسين ومافيش بينا مشاكل. _ولاااا، أنا عندي السكر والضغط والكلى، بلاش تجبلي نقطة تكمل عليا. _أهدى كده بس وفهمني، عاوز إيه يحصل وأنا انفذه.

_كمان أقولك يا وقعه سودة، ويا فضحتك يابني، كويس إنك مت قبل ما تشوف خيبة ابنك. _ليه كده يا جدي؟ _عشان انت تموت اللي ما متتش أصلًا. _فهمني يا جدي، واحدة واحدة. _هو انت اتجوزت حسنا ليه؟ _عشان انت طلبت. _طب معاك واحدة في شقة لوحدكم والشيطان تالتكم، المفروض تعمل إيه؟ _هو إحنا بنشوف الشيطان مالك يا جدي؟ بس انت بتاع ربنا وعارف إن التحصين بيمنع الشيطان وأذاه. _آآه قلبي.. حد يلحقني.. هموت.

_حسنا، كوباية مايه بسرعة، جدي بيطلع في الروح. _روح إيه ياقليل الأدب يامش متربي، عاوز تموتني؟ _الله، مش انت اللي بتقول. _شاكر، دخلت على مراتك ولا لا؟ _دخلت عليها فين؟ لو عجبتكم هكمل. ده اسكريبت خفيف، يارب تعجبكم.