رواية جيم اوڤر الفصل الثاني عشر 12 - بقلم ديدا الشهاوي

في فيلا الجد شاكر وفي المساء الحال كما هو عليه... الجد في مكتبه... وحسنا في اوضتها... وبين ذكرياتها مع شاكر. وسليم كان مطرود من الفيلا من جده... وراح قعد في بيت والده... اما نانو.. كانت بتخرج مع فادي ورغم ان الجد مكنش موافق علي خروجاتها الكتيره.. بس كان مطمن.. انها مع ابن خال فادي... وقبل ما تخرج نانو دخلت مكتب جدها واللي كان شارد الذهن. _جدو.... جدو.... اي سرحان في اي _هاا...

لا ابدا بس سرحان في اللي احنا فيه.. مش عاجبني حال حسنا بنت خالك.. ولا جوزها اللي طفش من غير ما يبرر هو مشي ليه.. واظاهر انا كنت غلطان.. اني افتكرته راجل يقدر يصونكم ويشيل مسؤلية العيله... وسليم اخوكي.. اللي معرفش هدفه ايه. هنا بتوتر... نانو _جدو متظلمش شاكر... شاكر معاه حق انه يمشي بعد اللي شافه. وهنا الجد قام من علي المكتب... وقعد قصاد نانو. _نانو... انتي تعرفي اي انا معرفوش.... وشاكر شاف اي خلاه يزعل ويمشي.

_نانو.. بتوتر قامت... جدي عشان خاطري... _بت اترزعي عاوزه اعرف كل حاجه بتحصل وحصلت من ورايا والا معتش خروج ليكي نهايء. _كده يا جدي... طايب.... وهنا بدات نانو تحكي كل حاجه حصلت في اليوم اللي مشي فيه شاكر. زي.. ما شاكر قالها. وكان الجد بيسمع باستغراب ودهشه... ازي كل ده حصل وهو نايم علي ودانه... وحكت كمان خطة امها... واخوها عشان يخربوا علي حسنا وشاكر. الجد شاكر.. قام. وقرب من نانو ومسك ودنها بيقرص فيها.

_عارفه لو كنتي محكتيش اللي حصل وفضلتي مخبيه عليا كنت هحطك في اللستة السودا بتاعتي... وانتي عارفة اللستة بتاعتي.. مش بترحم. _اااه خلاص يا جدو... حرمت والله.. وعد مش هخبي عليك حاجة.. سبني بقي عشان اخرج. _ماشي يا نادية اتزفتي. _الله ما انت كنت حلو وبتقول نانو... ليه نادية والغلط لغاية. _لغاية ما تتعدلي. وهنا فادي رن علي نانو انه مستنيها تحت... وهنا استاذنت من جدها وباسته. _بحبك يا جدو ياشرير.

نانو نزلت وخرجت مع فادي وروّحوا لـ شاكر اللي كان بقي في حتة تانية شياكة اي... ولباقة اي... وجسم فتنس.. من الاخر مززز. نانو وفادي خرجوا بعربيتهم وعدوا علي شاكر وهنا فادي رن عليه انهم مستنين تحت وياسر نزل ليهم وكان عينه طول الشهور اللي فاتت علي نانو... وكان معجب بيها وكان بيضايق لما بيشوفها طول الوقت مع فادي.. ياسر نزل وركب العربية. _ازيكم يا شباب وهنا بيبص بعيون كلها حب في مراية العربية لـ نانو.

_ازيك يا دكتور فين شاكر منزلش ليه. _بيتشيك يا ستي... بيقول هنروح مشوار مهم.. مش عارف ايه هو. وهنا نانو بصت لـ فادي. _مشوار اي. _والله يا اختاه ما اعرف.. وفضلوا مستنين اكتر من ساعة... وفجأة نزل من بوابه البيت شاب مفتول العضلات... شيك... وكل اللي في العربية فضلوا متنحين... شاكر. _مالكم... متنحين ليه كده... وهنا نانو. _هنروح فين يا قمر... اقصد يا ابيه. شاكر بثقة. _بت يا نانو يلا انزلي عشان انا اللي هسوق.

وهنروح الفيلااااا. في الفيلا. الجد شاكر كان مصدوم من اللي سمعه.. وطلع لـ حسنا يشوفها. واللي كانت حبسة نفسها طول الوقت. جدها استأذن عشان يدخل. _حبيبتي القمر قاعدة لوحدها ليه. _هعمل ايه يا جدي الجو ممل.. واهو شوية انزل ازهق واطلع اوضتي.. جدو... وهو ما فيش اخبار عن شاكر. _الجد بخبث.. والله مش عارف هو مشي ليه خلاص انسيه انا خلاص قررت اطلقك منه مدام مش قد المسؤلية ولا راعي انه وراه زوجة. _حسنا.. بخوف...

بس انا مش عاوزة اطلق.. انا قلقانة عليه.. وبعدين هو ليه حق يمشي. _يعني ايه ليه حق هتفضلي تدافعي عنه لغاية امتى.. خلاص عيشتك معاه انتهت. وهنا حسنا جرت علي جدها واترمت في حضنه وفضلت تعيط. _بحبه يا جدي.... بحبه.. وانا اللي غلطانة. وهنا حسنا حكت لجدها علي اللي حصل... وبانهيار. _والله يا جدي... كل ده اللي حصل.. وانا كنت بعامل سليم اخويا وصاحبي... بس عمري ما فكرت فيه انا بحب جوزي...

وهو مشي من غير ما يسمعني يا جدي.. انا بموت من غيره. _باااس... باس.. حبيبتي والجد هنا بدا يطبطب علي حسنا في حضنه... اهدي.... وفجأة سمعوا صوت نانو العالي. _جدووووو.... حسنا..... الحقوا.... شاكر جه.... شاكر جه. وهنا الجد وحسنا اتصدموا من اللي سمعوه والجد وحسنا جروا علي تحت. بس حسنا رجعت عشان تعدل نفسها وهي باصة نفسها في المراية. _شكلي عفشة انا بعمل ايه... هو مش هياخد باله اصلا.. ونزلت تجري علي تحت.

الكل كان بيجري علي صوت نانو... واولهم ام شاكر واللي فضلت تجري علي السلم. _ابني.... حبيبي.... ابني. وهنا شاكر جري علي امه وباس ايدها وحضنته وفجأة وبصدمة وفرحة علي امه. _ايه دا يا شاكر.. انت بقيت شكلك كده ليه... حبيبي يابني قمر حبيبي وفضلت تحضنه وتبوسه. وهنا الجد. _سميرة. افصلي بقي خلينا نشوف الاستاذ ده مين وعاوز ايه. وهنا شاكر قرب من جده. _ايه يا جدي... مش عارفني ولا اي... انا شاكر. _شاكر مين... اصلي مش واخد بالي...

وهنا عيونه جت علي حسنا اللي كانت متلهفة علي يسلم عليها. ولسه هتروحله ولسه هتكلمه .. الجد طلب من الكل يطلعوا علي الجنينة ويسبوهم لوحدهم. وهنا حسنا كانت هتطلع معاهم وهي عيونها علي شاكر اللي نظراته كلها عتاب ليها. الجد. _حسنااااا خليكي معانا. وهنا الكل خرج طلعوا علي الجنينة. في الجنينة وكان الكل قلقان وخايفين ان الجد شاكر يزعل شاكر الحفيد. وهنا ياسر حس بالاحراج... وطلب انه يمشي لكن نانو وفادي رفضوا... نانو.

_انت بقيت منا... وما فيش مرواح لغاية ما نشوف جدو هيعمل اي في شاكر يمكن يروح معاك تاخده في ايدك وانت مروح. وهنا فادي ضحك بصوت عالي والكل انتبه لضحكته. _سووري... اصل شاكر هيبقي منظره نااايس. عند الجد شاااكر. _قولتي بقي انت مين. _ايه يا جدي انت بتتكلم جد... شاكر حفيدك. _لا انت مش شاكر... شاكر حفيدي مسؤول عارف واجباته عمره ما يمشي ويسيب اللي مسؤول منه ويمشي. _يا جدي.... انت متعرفش حاجة... ولا تعرف انا شوفت اي.

وهنا حسنا بصت لـ شاكر. _انت مشيت ومسمعتنيش ... مشيت ولا سألت فيا غبت عني وانا كل يوم مقهورة انك ظلمتني. وهنا الجد. _دكتور شااكر... انت كنت زمان بتقولي اني غصبتك علي زواج.. ودلوقتي... انا بحلك من اي حاجة. _يعني ايه يا جدي. _يعني ارمي الطلاق علي مراتك. روح سافر... وشوف دراستك وابحاثك... ولا غيرتهم هما كمان. هنا شاكر اتصدم من طلب جده... وهنا بعصبية. _انت مفكرنا ايه تعالوا اتجوزا .... نجي نتجوز.... وتعالوا اطلقوا فنطلق.

احنا مش تحت رحمتك. وهنا الجد بعصبية. _ولد يا شاكر انت نسيت نفسك ولا اي. _لا يا جدي... منستش بس انت نسيت اننا بشر مش عرايس ماريونت بتتحركها بخيوط.. انا اه اتغصبت في الجوازة.. بس حبيتها... واتصدمت لما لقيتها بتروح لحد تاني عشان المظهر. وهنا حسنا قربت من شاكر. _انت غلطان... انا حبيتك من وانا صغيرة وحبيتك ببساطتك وطيبتك حتي قلة حيلتك في حاجات كنت بحبها... انا عمري ما حبيت غيرك...

وسليم كنت بعامله انه اخويا وصاحبي وابن عمتي.. مكنتش مفكرة انه بيشوفني غير كده.... انت مشيت وسبتني من غير ما اقولك عملت ايه. هنا شاكر. _وانا اتغيرت عشان انا عاوز اتغير.. عشان محدش يتنمر ويتريق عليا.. يمكن اتغيرت من بره بس انا شاكر وهفضل شاكر. وهنا قرب شاكر من جده. _اسف يا جدي.... مش هطلق مراتي... ومن النهارده انا هعمل علي مزاجي واللي اشوفه انا محدش هيخطط ليا حاجة.. ولا يشوف مصلحتي غيري.

وهنا حسنا كان قلبها بيدق من الفرحة.. وهنا شاكر قرب من جده. وبص لـ حسنا. _جهزي حاجتك هنرجع علي شقتنا..... هستناكي بره. ولسه هيتحركوا..... وبصوت الجد العالي. _واللعبة اللي بتلعبوها عليا.... خلصت ودي لعبة تانية. هنا الاتنين بصوا لبعض وهنا شاكر وشوش وبصوت توتر. _ينهر اسود.... اتفضحنا. حسنا. _ربنا يستر. وهنا التفوا لجدهم شاكر... وبتوتر وقلق واتحولوا لتلاميذ مذنبين عيونهم في الارض... وهنا الجد شاكر. _اي يا دكتور...

اتخرست يعني.... مطلعش ليك صوت. وهنا شاكر. _هاا لعبه اي اللي بتقول عليها. وهنا الجد كان بيتمشي بينهم وبيزيد من توترهم. _والله اللعبة اللي اتفقت عليها انت والمحروسة مراتك. انكم متجوزين. شاكر بخبث عشان يتهرب من الموقف ده. _طب احنا متجوزين.... صح يا حسنا. حسنا... بخوف. _هااا.. ااه متجوزين. الجد.... متجوزين... وقرب من شاكر. _بزمتك متجوزين. وهنا الجد بص لـ حسنا اطلعي علي اوضتك. وهنا شاكر... حسنا متسبنيش.

وهنا حسنا طلعت علي اوضتها. وهنا الجد قرب من شاكر ومسك ودنه وهو بيقرص فيها. _هااا اللعبة وجيم اوفر... تحب اقولكم كلامكم كله... شاكر وهو يتصنع الغضب عشان يهرب من مواجهة جده. _ايه دا يا شاكر انت بتسجلنا كمان... لا رئيس عصابة حقيقي. وهنا الجد ساب شاكر. _انا بجد زعلت منك لما سبتنا ومشيت... ولما عرفت السبب وعذرتك... بس مش معناها اني هسمحلك انك تهرب من غير ما تواجه المشكلة.... وبنظرة حب... اطلع لمراتك يلا.

شاكر طلع لـ حسنا... واللي لقاها قاعدة لا حول ولا قوة قرب عليها. _حسنا سامحيني. لو غلط في حقك. _شاكر سامحني علي كل سوء فهمته غلط او تصرف مني فهمك اني ممكن ابص لغيرك.. انا حبيتك في كل حالاتك. وهنا حسنا قربت منه اكتر وحوطت رقبته بايدها... مع انك مز وبقيت عسل... وشكلي هغير عليكي جامد. وهنا شاكر حوط وسطها وضمها ليه... وانا مش شايف غيرك وهنا قبلها قبلة شغف. وهنا فجأة باب اوضتهم خبط واللي كانت نانو. _ابيه...

ياسر عاوز يمشي... وهنا نانو انتبهت انهم اتحرجوا... اي انا جيت في وقت غير مناسب. شاكر طلعها بره الاوضة نازل وراكي يا خفيفة. حسنا. _رايح فين وسيبني. _متقلقيش مشوار مهم وضروري ولازم منه وبعدين هعدي عليكي نروح وهنا باسها بـوسة بسرعة ونزل. نانو وشاكر نزلوا وركبوا مع ياسر.... وصلوا ياسر وطلعوا علي بيت عمته نادية.. وهنا نانو رنت جرس الباب وهنا سليم فتح الباب وبعصبية فتح الباب. _بترني ليه يا ارخمة مش معاكي مفتاح.

وهنا اتفاجيء بـ شاكر مع نانو اخته. _شاااكر.... _وهنا شاكر استقبل سليم بـ بوكس وقعها علي الارض وهنا نانو صرخت من المفاجأة. _ابيه خلاص ونبي يا ابيه هو ندم وعرف غلطه. وهنا شاكر وطي علي سليم ومد ايده ليه وقومه. _معلش كان لازم اجيب حقي وحق مراتي. _وهنا سليم بندم. _انا اسف يا شاكر... أنا غلطت وحقك عليا، وأنت وحسنا ولاد خلاني وأخواتي من انهارده. وهنا سليم بيحسس على وشه من البوكس. "اتعلمت دا فين؟ "ابهرتني." هنا شاكر.

"عجبك... تحب تدوق تاني؟ "لاااا شكرا." "طب يلا عشان ترجع معانا الفيلا." "بس جدو..... "يلااا اسمع الكلام." سليم رجع مع شاكر ونانو، والعيلة اتجمعت على العشا والكل فرحان ومبسوط. كل واحد طلع على أوضته وفضل شاكر. "جدو... من بكرة هرجع بيتي أنا ومراتي." "ماشي.... بس الدخلة هنا." "دخلة إيه؟ "تااااني... لا أنت شكلك عاوز تتهزء." "حاااضر." وطلع شاكر جري على أوضته. وهنا دخل شاكر لأوضته، واللي كانت حسنا فاتحة نت. "بدر وقمر...

بتعملي إيه؟ "فاتحة نت بقلب لغاية ما نيجي ننام." "ننام إيه بس، إحنا ورانا مهمة." "مهمة إيه مش فاهمة." وهنا شاكر رجع ومشي بشويش وفتح باب أوضته وبص بره. لاقي جده شاكر جايب كرسي وقاعد على طرف الكوريدور. بسرعة قفل الباب. "في إيه يا شاكر؟ "ورانا درس غطس... "مش فاهمة..... وهنا شاكر راح جنب حسنا في السرير. وفجأة سحب منها موبايلها وقرب من شفايفها. "شاااكر بتعمل إيه؟ "ورانا بحث... كيف تحصل على طفلك."

غمز لها وأخدها لعالمهم الخاص. وبعد ساعة وحسنا في حضنه. "شاكر... بحبك أوووي." "وأنا يا قلبي بموت فيكي." وهنا شاكر قام ولبس جاكت بيجامته ومشي بشويش وفتح الباب. ولاقى جده مساند على عصايته مستني الخبر السعيد. لسه قاعد. وهنا شاكر بص له وغمز له وعمله علامة كله تمام 👍. وأقفل الباب ورجع لحسنا. "حسنا مش فاهمة حاجة، هو في إيه؟ "تعالي أفهمك... شكلك غبية وهتتعبيني." وأخدها لعالمهم الخاص يديها دروس هناك. ملناش دعوة بيها.