رواية جزيرة الحب و الانتقام الفصل الحادي عشر 11 - بقلم هديل المعداوي

حمدالله على سلامتك ي لولي صقر بعصبية: انت ايه اللي جابك هنا؟ ايمن: جاي لأختي. صقر: امال انت فاكر أن ليلي دي اختك لوحدك. صقر قام ضربه بوكس: اه ليلي اختي لوحدي و غوري برا. ايمن بزعيق: مش هخرج، ولا مش اختك لوحدك، ليلي بس من حقها تقولي كده. صقر رفع أيده و لسه هيضربه. ليلي: استني ي صقر. صقر بإستغراب: استني إيه؟ لو هو فضل أنا همشي. ليلي: لا انت ولا هو هتمشوا غير لما أقول اللي عندي. احمد: احم، طب نستأذن.

ليلي: لا ي احمد، استني. أنا عايزاك. احمد: حاضر. ليلي: عملت كده ليه ي ايمن؟ ايمن: عملت إيه؟ أنا معملتش حاجة. ليلي: لا عملت، و عملت و عملت كتير أوي ي ايمن. ليه كل ده؟ عشان الفلوس؟ عشان بتكرهنا؟ ليه تحاول تقتل أخوك، سندك و دمك؟ ليه أجبرتني أسافر و أبعد و أنا محتاجة ليكم جنبي؟ كل الكره ده ليه؟ عشان ماما كانت بتفرق بينا؟

هي فعلاً كانت بتفرق بس مكنتش بتحبنا أكتر، كانت بتحبك انت أكتر و بتعملك كل حاجة. أنا هقول حاجة أول مرة هتسمعها انت و صقر. صقر: حاجة إيه ي ليلي؟ ليلي بدموع: أنا و صقر مش إخواتك. ايمن: م م مش إخواتي إزاي؟ ي ي يعني.

ليلي: هقولك، إحنا اخوات من الأب بس، لأن أنا و صقر من أم تانية اتجوزها بابا قبل والدتك، و لما ماتت اتجوز اختها اللي هي والدتك. والدتك ي ايمن كانت بتحرمنا من الأكل ساعات و بتضربنا و تحبسنا و حاجات صعبة لا يمكن لأطفال تستحملها، بس كل ده كان من وراك عشان متخافش منها أو تكرهها، و كانت بتعملنا حلو قدامك. بس هي كانت بتكرهني و بتكره صقر عشان أمي اتجوزته و هي كانت بتحبه. مقدرتش تنسى ده و تفتكر أن إحنا ولاد أختها و زي أولادها.

عرفت بقي إنك غلط و غلط أوي، و إن كل الفلوس اللي انت عامل عليها كده بتاعتك. والدتك قبل ما تموت سابت وصية أن صقر اللي يدير شغلك عشان مضيعش تعبها كل السنين دي. الفلوس كلها بتاعتك. و استني قبل ما تقول حاجة، صقر مكنش يعرف إنها مش أمه ولا إن كل حاجة باسمك. أنا بس كنت أعرف و كنت بعمل أي حاجة عشان محدش فيكم يعرف. ياريت تكون ندمت ي ايمن.

ايمن بدموع: أ أ ا أنا… و لم يكمل و غادر. صقر: انتي إزاي متقوليش ليا كل ده؟ ليلي: أقولك؟ أقولك إيه؟ إن تعبك طول السنين دي ملكش فيه أي حاجة؟ حرام عليكوا! كفاية بقي، تولع الفلوس اللي تعمل في الأخوات كده. صقر بزعيق: و انتي فاكرة إني كنت ممكن أعمل كده عشان الفلوس؟ ده أخويا! انتي اتجننتي؟

ليلي: متزعقش، أنا آخر واحدة تتعاتب. أنا طول عمري باجي على نفسي عشانكم. أنا فضلت مخبية عشانكم. اتجوزت من واحد كل يوم يخوني مع واحدة عشانكم. سافرت و سبت أصحابي و حياتي عشانكم. بعد كل ده و تعاتبني؟ لا مش هسمح بكده. انت كنت فين انت ولا أخوك لما كان بيصبحني بعلقة و يمسني بعلقة؟ أنا اللي من حقي أعاتب مش أتعاتب. صقر: انتي عمرك ما قولتيلي إنه مد إيده عليكي أو خانك. ليلي: عشان عمرك ما سألت. عمرك ما قولتلي أخبارك إيه؟

عاملة إيه مع جوزك؟ عمرك ما قولتلي الراجل اللي قد أبوكي اللي اتجوزتيه غصب عن عينك ده طلع حلو و لا. عمرك ما كنت الأخ بجد. صقر: ا.ا ا أنا آسف. و تركها و غادر. و مالت ليلي برأسها تبكي بألم. احمد: شاور لشهد يلا نخرج. و شهد وافقت و اجوا يخرجوا. ليلي: احمد شهد، استنوا. شهد: نعم ي حبيبتي؟ أنا معاكي أه. ليلي: ممكن لو مش هتضايقكم، أبات عندكم النهارده. شهد راحت جنبها: تضايقنا؟ ده انتي تنوري. ليلي: تسلميلي ي شهد. **في بيت شهد**

شهد: اتفضلي ي ليلي، دي بقي أوضة بابا و ماما مش بيدخلها غير الغاليين، و انتي غالية أوي ي ليلي. ليلي: متحرمش منك ي حبيبتي. شهد: يلا بقي خدي شاور و نامي، و لو احتاجتي حاجة البيت بيتك و أنا في الأوضة اللي جنبك. ليلي: حاضر ي حبيبتي، تسلمي. احمد: نام. شهد: هتاخد شاور و تنام. احمد: طب أنا هروح أبات عند حد من أصحابي عشان تبقوا براحتكم. شهد: ماشي ي حبيبي، يديمك نعمة في حياتي. **عند ايمن** كان بيكسر كل حاجة و بيزعق.

ايمن: إزاي كده؟ إزاي كل ده؟ أززززززاي؟ جني بصويت: في إيه؟ ايمن: ظلمتهم! كل ده ظلم! ظلمت أخواتي! جني: هههه، أخواتك؟ هما مين دول اللي أخواتك؟ انت لسه فاكر؟ انت تروح ترميهم برا البيت مش تقعد تكسر في الدنيا و تندب حظك. ايمن: انتي إيه؟ شيطانة! جني: شيطانة؟ اه شيطانة! ولا تبقي معايا لمعاهم؟ تختار مين؟ ايمن بص ليها بقرف: أخواتي ي رخيصة. جني: يبقي حكمت على نفسك بالموت. و أخدت السكينة من على الفاكهة و ضربته بيها.

جني: بشر اللي يحب أعدائهم يبقي عدوي…