رواية جزيرة الحب و الانتقام الفصل الثالث 3 - بقلم هديل المعداوي

صقر صحي ملقاش شهد. "شهد! شهد! انتي فين؟ "صقر! الحقنييييي! صقر بص حواليه بخوف. "انتي فين؟ "انا هنا عند البحر." صقر راح لها جري وفضل باصص لها بتعجب. "شهد! انتي واقفة عندك ليه؟ السمكة هتهرب." "انت بتعيطي وبتصوتي عشان السمكة هتهرب؟ "انا جعانة. ساعدني اطلعها." صقر وشهد شكل دموعها ضايقته. راح ساعده وفعلاً طلعوا السمكة. شهد فضلت تتنطط بطفولية. "هيهيهيهي. جات كبيرة. هيهيهي." "شهد! انتي طفلة؟ خوفتني عليكي."

"اه. ولما كنت بصحي مش بلاقي أكل كنت بتقول عليا فشلة. صح؟ "لا طبعاً. ازاي؟ يلا يا شهد، ربنا يهديكي. نروح نجيب حطب عشان نشوي السمكة." "انا بحبها مقلية." "اجيبلك زيت منين انا؟ "هوف." "انا شكلي هقضي أيام صعبة." "بتقول حاجة؟ "ها؟ لا. يلا نجيب حطب." *** بعد الأكل. "هم. زمانهم قالوا لأهلنا إن الطيارة وقعت." "ايوه. أكيد هيكونوا بيدوروا علينا وقالوا لأهلنا." "انا خايفة أوي على ماما لما تعرف. يا رب. ما تقولهاش."

"أحمد ده أخوكي؟ "أحمد ده أخويا وأبويا وحبيبي وكل ما ليا. زمانه هو كمان خايف عليا. والبت جني. انا خايفة عليهم أوي." "إن شاء الله هترجعي ليهم بخير. ده وعد مني." "انت مش بتتكلم عن أهلك ليه؟ صقر نظر إلى الأرض وامتلت عيناه بالدموع. "يلا يا شهد عشان نشوف مكان الطيارة." "طب ولو ملقناش مكانها هنرجع هنا ازاي؟ "ونرجع هنا ليه؟ احنا هناخد الحطب اللي جمعناه وهنمشي. وإن شاء الله ربنا يوفقنا." "ماشي. بس يلا نصلي الأول." ***

بعد الصلاة. فضلوا ماشيين على أمل يلاقوا الطيارة. *** في المستشفى عند عيلة شهد. "ماما جالها جلطة ي أحمد. ماما مش هتتكلم ولا هتمشي تاني ي أحمد." "بعد الشر ي جني. أهدي بقى. الدكتور قال لما اللي سبب لها الجلطة يتعالج والعلاج الطبيعي هتخف وترجع زي ما كانت." جني اترمت في حضن أحمد. "انا خايفة على ماما وشهد ي أحمد. اعمل إيه حاجة؟ "متخافيش ي حبيبتي. ماما وشهد هيكونوا بخير إن شاء الله." _بعد وقت _*** في مكان مجهول. "ها؟

إيه الأخبار؟ "كله تمام. الطيارة وقعت ولسه مش لقيت ليها أثر. لا هيا ولا الركاب." "طب والطيار والمساعد؟ "بضحك. الطيار خلص على المساعد واحنا خلصنا على الطيار." "كويس أوي. ولو لقوا الطيارة هنجيب أي جثة ونقول إنها صقر وكل الورث هيبقى لي." "صقر ده إنسان قذر. إزاي يقدر ياكل حق أخوها؟ "بضحكة شر. كله بحسابه اهو. صبرت لحد ما شغل الفلوس." "طب س س سلام دلوقتي." "سلام." وأغلق، ثم قال لنفسه: "كله دوره جاي." *** عند شهد وصقر.

"انا تعبت. احنا كل ده ومش لاقيين الطيارة." "صقر. انا انا عايزة... "في إيه؟ "انا هدومي اتشدت واحنا ماشيين في شوك واتقطعت. ممكن تستنى أروح أظبط هدومي وأجي." "اكيد. بس هتعرفي تيجي تاني؟ "لو معرفتش هنادي عليك. مش تبعد." "تمام." وغادرت شهد. "صقررررر! تعالي بسرعة! صقر بخضة طلع يجري عليها. "في إيه؟ شهد بصت لصقر بصدمة...