رواية حافية القدمين الفصل الثاني عشر 12 - بقلم ياسمين علاء

المدرب كلم صبا عشان بطولة الملاكمة في فرنسا. جاسم وأدهم كانوا بيلعبوا كورة مع بعض. وصبا نزلت لهم. صبا: أنا هسافر بعد بكرة. عشان البطولة. أدهم فرح: بجد يا مامي؟ هاجي معاك. صبا: هفكر. أدهم: نفسي أشوفك وانتي بتلعبي. صبا: أوكي. جاسم: ادهم اطلع غير هدومك عشان نخرج نتغدى بره. أدهم: ومامي معانا؟ جاسم: أكيد طبعًا. أدهم دخل الفيلا. صبا كانت هتدخل بس جاسم مسك إيديها. جاسم: صبا استني. صبا: نعم؟

جاسم: بلاش موضوع البطولة دي. أنا خايف عليكي. صبا: متخافش. جاسم: هتكون أصعب من هنا. صبا: أنا قدها. جاسم: عايزة تثبتي إيه ولمين؟ أنا مصدق إنك قوية وتقدر تقفي قدامي. وكمان بتخليني صغير قدام نفسي وضعيف. كفاية. انتي بتأذي نفسك وبتعذبيها. صبا: أنا مش عايزة أثبت حاجة لحد. لأني فعلاً قوية وأقوى منك ومن أي حاجة كانت بتضعفني. أنا هكمل اللي ابتديته للنهاية. جاسم: بلاش يا صبا. عشان خاطر ابنك. مش عشاني.

صبا: ابني نفسه يشوفني وأنا قوية. جاسم: انتي بتدمري نفسك. صبا: بالعكس. جاسم: أنا محتاجك معايا. حتى لو انتي مش بتسمحيلي إني أقرب منك. بس وجودك قصادي ومعايا في نفس المكان بيفرق. أنا بحس بأمان معاكي. صبا: جاسم حب واتجوز. أنا مبقتش أحس إني أقدر أكون زوجة. أنا ممكن أكون أم بس. لكن زوجة وحبيبة مش هينفع.

جاسم: أنا لو عايز أحب غيرك وأتجوز كنت عملتها من بدري من ٨ سنين. الفترة اللي مكنتيش فيها جنبي. كنت اتجوزت غيرك. بس أنا بحبك انتي. وعايزك انتي. وعارف إن جواكي حب وكل حاجة حلوة. بس للأسف أنا اللي قتلتهم جواكي. اديني فرصة واحدة أقرب منك. صبا: انت مصمم تعذب نفسك معايا. أنا منفعة.

جاسم بصلها بحب: انتي متنفعيش. انتي أحلى واحدة شفتها عيوني. قلبي أما بيشوفك بيزقطط. كفاية أما بتمشي كده من غير حاجة في رجلك. وانتي حافية. قلبي بينهار. صبا واقفة بتسمعه وهو مع كل كلامه عيونه بتلمع بحبها. أدهم نزل: مامي انتي لسه ملبستيش؟ صبا: هو أنا لازم أجي معاكم؟ جاسم: طبعًا لازم. أدهم: طبعًا لازم. صبا ضحكت وطلعت غيرت هدومها وخرجوا مع بعض اتغدوا. رجعوا البيت.

يوم السفر. جاسم حجز ليه ولابنه وسافر مع صبا والمدرب والبعثة للبطولة. وصلوا لفرنسا وكان منظمين البطولة منتظرين صبا لاستقبال بطلة الملاكمة المصرية. أدهم كان فرحان جدًا بمامته وده كان بيديها دافعة للأمام إنها تكمل. جاسم خايف عليها. نزلوا في الفندق تبع البطولة. ارتاحت شوية من السفر. وبعدين جاسم خبط عليها فتحت كان شايل فستان وهايلز. صبا: إيه ده؟ جاسم: فيه حفلة بليل للترحيب بالرياضيين. عشان كده فكرت أجيبلك الفستان ده.

صبا: أنا عندي لبس. جاسم: حابب أشوفه عليكي. متأكد إنه هيطلع روعة. صبا: امممم. جاسم: اتفضلي الفستان واجهزي. وساعتين وأجيلك. صبا: أوك. جاسم: متتأخريش. صبا: ادهم فين؟ جاسم: معايا. متخافيش. هنجهز احنا كمان. صبا: ماشي. خرج جاسم. وصبا دخلت أخدت دش واستعدت مع لمسات من الميكاب. وجاسم لبس بدلة وأدهم كمان. راحوا لأوضة صبا. فتحت الباب. أدهم: مامي انتي حلوة أوي. صبا حضنته: انت أحلى يا قلبي. جاسم: طالعة زي القمر. صبا: شكراً.

جاسم: مليش حضن أنا كمان؟ صبا: تؤ. جاسم: بوسة؟ صبا: تؤ تؤ. جاسم: تمام. اتفضلي. أدهم: مامي. امسكي إيد بابي. جاسم: حبيب بابي. صبا: والله؟ جاسم: إيدك. مسك إيديها وباسها وخدها ونزل وجنبهم أدهم. وصلوا على حفلة الاستقبال. وتم التعريف بالمتسابقين. واتعشوا ورجعوا على أوضهم. أدهم نام وصبا وجاسم دخلوا أوضته. صبا قلعت الشوز ومسكتها في إيديها. جاسم بيحب الحركة دي منها. جاسم راح مع صبا أوضتها. صبا: تصبح على خير. جاسم: انتي هتنامي؟

صبا: آه. جاسم: خليكي معايا شوية. صبا سندت على الباب: جاسم. جاسم قرب عليها: قلبي. صبا: انت مش بتيأس؟ جاسم: لا. صبا: عايز إيه؟ جاسم: إيه رأيك نرجع مصر. وبلاش من المسابقة دي. صبا: انت لو بتحبني زي ما بتقول هتدعمني. جاسم: هدعمك في أي حاجة تاني. بلاش الرياضة دي. بجد خايف عليكي. صبا: متخافش. جاسم: بالسهولة دي. بكرة أول ماتش ليكي. صبا: أها. وعشان كده لازم أنام. جاسم: طيب ممكن أنام جنبك؟ صبا: لا. جاسم: ليه؟

ما إحنا كنا في ألمانيا بنام جنب بعض. صبا: جاسم انت عايز إيه؟ جاسم: مش عايز. تصبحي على خير. صبا: وانت من أهله. دخلت صبا غيرت وافتكرت جاسم وضحكت. صحيت بدري نزلت تتمرن مع المدرب. وبعدين طلعت غيرت ودخلت لأدهم وجاسم وخدتهم ونزلت فطرت معاهم. أدهم: مامي مستعدة؟ صبا: آه. جاسم: ربنا معاكي. صبا: يارب. أدهم: بابي هنصور مامي انهارده وهي بتكسب. جاسم: أكيد. صبا: هسيبكم أنا عشان أكمل تمارين. أشوفكم بالليل بعد الماتش. جاسم وقف: صبا.

صبا رجعت ليه: نعم. شدها لحضنه وضَمها: خلي بالك من نفسك. صبا: انت كمان خلي بالك من ادهم. جاسم: حاضر. رجعت صبا للتدريب. والمدرب بيمرنها. المدرب: الماتش ده مهم. لو كسبتيه هتوصلي لنصف النهائي وبعدين النهائي. يعني هتلعبي ٣ ماتشات. ركزي يا صبا. صبا: حاضر. المدرب فتح الشاشة على المتسابقة وكانت من الصين. وحركتها سريعة جدًا. وفضل يقولها تتعامل معاها إزاي.

صبا جهزت ولبست القفازات. نزلت حلبة الملاكمة. وجاسم وأدهم كانوا واقفين بيشجعوها. وابتدا اللعب. البنت الصينية كانت سريعة أوي. وضربت صبا كذا مرة. جاسم كان هيتجنن عليها وأدهم كمان. صبا في الآخر ضربتها جامد الضربة القاضية وقعت في الأرض. وصبا كسبت. ووصلت لنصف النهائي. جاسم وأدهم جريوا عليها. أدهم كان فرحان وحضنها. جاسم كمان. وهي طبعًا وشها بايظ من الكدمات. الجمهور كان بيشجعها وفرحانين بفوزها.

رجعت الفندق. وجاسم كان معاها. ملا البانيو مياه دافية وكان بيساعدها. صبا: مفيش فايدة. جاسم: مفيش. صبا: مش هتَيأس؟ جاسم: مش هييأس. ابتسمت صبا دخلت خدت دش ونامت. جاسم اطمن على ادهم إنه نام ودخل نام جنب صبا. تاني يوم. صبا صحيت بدري كان جاسم جنبها وحضنها. ابتسمت وقامت خدت دش ونزلت. تعمل تمارين لحد ميعاد الفطار. طلعت صحتهم ونزلت معاهم. فطروا مع بعض. ورجعت تتمرن عشان النصف النهائي.

جه ميعاد الماتش بتاعها للنصف النهائي. وكان مع بنت من روسيا. وكانت قوية جدًا. ولحد آخر الماتش الاتنين قوتهم متساوية بس صبا كسبتها في آخر لحظة. الجمهور ابتدا يشجعوها والإعلام كان بيتكلم عليها والكل طالب يعمل معاها لقاء. بس هي مكانش همها كل ده. هي بتثبت لنفسها إنها أقوى من كل الظروف. الإصابات كانت عندها قوية لدرجة إن عندها ضلع اتكسر. خدوها على المستشفى. أدهم: مامي انتي كويسة؟ صبا: الحمد لله. أدهم: كنتي ممتازة انهارده.

صبا: عجبتك؟ أدهم: طبعًا. أنا عايز أبقى قوي زيك. صبا عينيها دمعت. هي دي الكلمة اللي منتظرها. النظرة اللي في عين ابنها خلتها تنسى كل التعب. جاسم كان واقف وباصصلها وساكت وهي نايمة على السرير في المستشفى. الدكتور قالهم إنهم لازم متحركش عشان الضلع المكسور. خطر عليها تشارك في المباراة اللي جاية. أدهم نام من التعب. وجاسم قاعد على الكرسي. صبا: ها. عايز تقول إيه؟ جاسم: مفيش داعي للكلام. لأنك في الآخر هتعملي اللي على مزاجك.

صبا: اممم. صح. جاسم: الدكتور قال إن خطر عليكي تلعبي الماتش الجاي لأن الكسر مش هيكون التحام. صبا: مبحبش كلام الدكاترة. جاسم: يعني إيه؟ صبا: يعني طز. جاسم: لو انتي مستغنية عن نفسك. أنا مش مستغني عنك. مش هتلعبي يا صبا. صبا: وانت بقي اللي هتمنعني؟ جاسم: آه. أنا جوزك ومن حقي أمنعك. مش هسيبك تأذي نفسك. صبا بلا مبالاة: أها. جاسم: انتي فاكرة إني ضعيف. أنا خدت عهد على نفسي مش هعملك بعنف تاني. أنا بحبك. افهمي بقي.

صبا: لسه مياستش. جاسم: لا ومش هييأس. أنا عايزك مراتي. صبا اتنهدت. غمضت عينيها بتعب ونامت. وهو قاعد قدامها. حزين على شكلها.