رواية حامل ليلة الزفاف الفصل الحادي والعشرون 21 - بقلم فاطمة أبو جلاب

ظل يحيى جالسًا على الشاطئ طول الليل. حتى أتى الصباح، وقرر أن يستمع لأميرة ويغير من معاملته لها. ذهب مسرعًا إلى المستشفى ووقف أمام غرفة أميرة وهو يتنهد ويقول: "يا رب ساعدني." ودخل يحيى عند أميرة وكانت نائمة. جلس بجانبها على سريرها وهو يقول: "العصافير والورد بيصحوا من بدري والشمس لسه مغيمة عشان انتي لسه مصحتيش." بدأت أميرة تستيقظ وهي تحاول فهم ما يحدث، ووجدت يحيى جالسًا بالقرب منها وهو يقول:

"صباح الورد على وردتي، أميرتي القمر." أميرة: "هو أنا بحلم؟ يحيى: "بعد الشر عليكي، لا مش حلم." أميرة: "هو أنت تعبان أو سخن يا يحيى؟ يحيى: "مالك يا أميرة؟ فيه إيه؟ أميرة: "لا مفيش حاجة." يحيى: "طيب، كلها دقايق والدكتور يطمّنا عليكي ونخرج. تحبي نروح نفطر بره؟ أميرة: "هو أنت مالك يا يحيى؟ يحيى: "مالي يا أميرة." أميرة: "ممكن تسيبني هنا شوية كمان؟ أنا مش عايزة أروح." يحيى:

"أول مرة أشوف حد في حياتي كلها عايز يفضل في مستشفى ورافض يرجع بيته. ممكن أفهم فيه إيه يا أميرة؟ أميرة: "انت هتنتقم مني يا يحيى على كلامي إمبارح اللي قلته صح؟ يحيى: "لأ يا أميرة. وأنتقم منك إيه؟ هو أنا لدرجة دي إنسان وحش؟ أميرة: "لأ، بس أنا... يحيى: "انتي إيه؟ أميرة: "أنا خايفة منك يا يحيى." يحيى: "خايفة مني؟ قاطعهما بدخول الطبيب. يحيى: "طمني يا دكتور، هنخرج إمتى؟ الدكتور:

"هي حالتها مستقرة، بس بلاش المدام تاخد أدوية كتير تاني، ويا ريت ترتاحي وبلاش حركة كتير عشان الجنين. دلوقتي تقدروا تخرجوا، وألف سلامة عليكي يا مدام أميرة." يحيى: "أنا هخلص باقي حساب المستشفى ونطلع مع بعض، اتفقنا؟ أميرة: "اتفقنا." وبعدما أنهى يحيى باقي الإجراءات، أخذ أميرة وذهبا لمنزلهما. دخلت أميرة غرفتها ونامت على سريرها لدقائق، لتقف خائفة عندما سمعت يحيى يتحدث قائلاً:

"اسمع يا جلال، أنا مش هجي غير لما مراتي تكون بخير. وأنا أصلًا كنت هستقيل، فخليه يفصلني أحسن. وأبقى عارف إنه ابنه مش شبهه، وإني مش هسيب مراتي لأي سبب." وأغلق يحيى هاتفه ليرن جرس المنزل، وكان وصول الطعام الذي طلبه يحيى. وحينها سمعت أميرة صوت يحيى ينادي عليها ويطرق باب غرفتها. فتحت أميرة باب الغرفة. يحيى: "يلا عشان نفطر." أميرة: "هي دي ريحة بيتزا؟ يحيى: "أيوه، منا مش هعرف أعمل فطار. وبعدين أنا عارف إنك بتحبي البيتزا."

أميرة: "ماشي يا يحيى، بس كان ممكن تقولي وأنا هعمل فطاري." يحيى: "يلا، بس نقعد على السفرة. وبعدين أنا مش عايزك تعملي أي حاجة عشان متعبيش." أميرة: "هو أنت متأكد إنك مش تعبان؟