رواية حامل ليلة الزفاف الفصل الثالث 3 - بقلم فاطمة أبو جلاب

يحيى: ولما أنتي خايفة أهلك يعرفوا، وعارفة إنك غلطتي، ليه من الأول تعملي كده في نفسك؟ ليه تخلي أهلك في الأرض بالشكل ده؟ طيب لو والدك كان عايش، كان ممكن يحصل إيه فيه لما يعرف إن بنته ضيعت شرفها؟ ظلت أميرة صامتة وهي تبكي، ولا تصدر أي صوت غير أنين حزنها. يحيى: أنتي ساكتة ليه؟ ردي عليا، انطقي. ويقاطع حديث يحيى صوت جرس الباب. يحيى: ده أكيد أهلك. أميرة: بترجي وحزن وخوف: ممكن متعرفش أهلي حاجة، لو سمحت يا يحيى. يحيى:

بغضب: ماشي، بس أقسم بالله لو معرفتيني الحقيقة وحكايتك إيه، لأخليكي تندمي باقي عمرك اللي جاي. أميرة: حاضر. يحيى: طيب ادخلي غيري هدومك واطلعي. وذهب يحيى واستقبل أسرة أميرة. أميرة ذهبت للغرفة وبدلت ملابسها. والدة أميرة: هي عروستنا فين؟ يحيى: في الأوضة. أيمن: طيب ما تدخل تناديها يا يحيى. يحيى: طيب. وعندما دخل يحيى لغرفة أميرة، ظل صامتاً مندهشاً عند رؤية أميرة. يحيى: هو انتي لسه ملبستيش؟ أميرة: هلبس دريس وهطلع.

يحيى: طيب خلصي يا هانم عشان أهلك بيسألوا عليكي. وأقتربت أميرة من يحيى وهي لا ترتدي باقي الملابس، وهي تقول: محدش عرف حاجة، صح يا يحيى؟ وأقترب يحيى وهو يتأمل جمال أميرة، وهو يقول: متخفيش، محدش عرف حاجة. بس ليه بنت جميلة زيك تعمل غلطة زي دي؟ أميرة بدموع: بكرة تعرف إني اتظلمت، وحتى انت ظلمتني. يحيى: مش فاهم قصدك إيه. أيمن: يلا يا يحيى، أنت وأميرة. هو انتوا بتعملوا إيه كل ده؟ وخرج يحيى ومن بعده أميرة.

يحيى: مفيش يا أيمن، كنت بجيب أختك. وبعد السلام. أيمن: هو انتي بخير يا أميرة؟ والدة أميرة: هو انتي كنتي بتعيطي يا أميرة؟ أميرة: لأ يا ماما، أنا بس تعبانة شوية. يحيى: متخافوش، أميرة مفهاش حاجة خالص. أيمن: مش عارف ليه مش مرتاح لكم، هو انتوا متخانقين مع بعض؟ أميرة: لأ، مش متخانقين. يحيى: طيب يا أميرة، متقومي تجيبي أي عصير من جوه. أيمن: لأ، ملوش لازمة، إحنا أصلاً هنقوم نمشي. يحيى: وهتمشي بسرعة ليه كده؟

أيمن: مفيش، بس عندنا شغل كتير في الصيدلية أنا وتامر وإسلام. يحيى: ربنا معاكم. وأنا هنزل شغلي الجديد من بكرة. والدة أميرة: شغل بدري كده؟ يحيى: أيوه، يعني لازم أنزل بعد ما اتنقلت لإسكندرية وبقيت الضابط الجديد اللي في القسم، فلازم يشوفوني ويعرفوا طبعي. أيمن: ماشي يا يحيى، يبقى أميرة هتفضل عندنا. يحيى: لأ. والدة أميرة: أومال هتفضل هنا لوحدها؟ يحيى: استحالة أسيبها لوحدها طبعاً. أيمن: يعني هتخدها القسم عندك؟

بعدين أميرة هتشتغل هنا بعد ما اتخرجت من كلية إعلام، قدمت في قناة وهتطلع فيها، ولا إيه يا أميرة؟ يحيى: هي أميرة هتيجي معايا في بيتي الجديد اللي هناك. وعلى فكرة هي مش عايزة تشتغل خلاص، مش كده يا أميرة؟ أميرة: أيوه. والدة أميرة: واهون عليكي يا أميرة تمشي وتسيبيني؟ أميرة بدموع: معلشي يا ماما. أيمن: يعني انتي موافقة على الكلام ده؟ أميرة: أيوه يا أيمن. أيمن: ...