رواية حب عبر السوشيال ميديا الفصل الرابع عشر 14 - بقلم نورا محمد

يوسف كان ساحب مكه وراه بسرعه وهي كانت هتقع اكتر من مره. مكه بخوف: يا بيه براحه. يوسف ضغط اكتر عليها: اسمي يوسف، صعبه اوي كدا؟ وصل العربيه، ركبها وركب وساق بسرعه جنونيه. ولم يعيرها انتباه وهي منكمشه وخائفه حتى توقف أمام البيت. يوسف ببرود: انزلي. مكه: انت زعلان مني تاني؟ يوسف: لا، وانزلي. مكه: لا، زعلان. يوسف بتنهيده: مكه، ممكن بلاش يا بيه تاني؟ مكه ببراءة: يا بيه. يوسف بحزن: هتقولي اني كبير؟

مكه بسرعه: لا، دا انت قمر وكمان انت سنك ٢٦، يعني في عز شبابك. يوسف بسعاده: بجد، انا قمر يا قمري؟ طيب ممكن بلاش يا بيه خالص وتقولى يوسف؟ مكه بخجل: يوسف. يوسف: احلى يوسف دي ولا ايه؟ علشان كدا هجبلك هديه حلوه اوي، يلا بقي انزلي. مكه بخجل: يا بيه. يوسف: ابعدي. يوسف قبلها في جانب شفايفها ودفن رأسه في رقبتها بتلذذ. مكه: يويو. يوسف: عيب كدا، احنا في العربيه. يوسف بعد: يلا انزلي يا قمري. *** اريج راحت الكافيه.

نوران كانت قاعده مع شاب. نوران بصوت عالى: ااااريج! اريج برسميه: مين دا يا نوران وازاي قاعده معاه كدا؟ نوران: دا صاحبي. اريج بغضب: نوران، انا بكره كدا، ولو حد شافنا يقول ايه؟ انا همشي. نوران بدموع: والله مش زي ما انتي فاهمه، اقعدي بس شويه، هروح الحمام ونمشي سوي. اريج بقلق: تمام، بس متاخريش. الشاب: على فكره اسمك حلو اوي. اريج بقرف: محدش خد رأيك. الشاب: اي على وشك دا؟ وفجأة حط أيده على وشها.

اريج بعصبيه زاحت ايده: انتي عبيط؟ ايدك دي انا ممكن اقطعها لك. ووقفت والشاب مسك أيدها. الشاب: ما لسه بدريه. اريج نفضت أيده.