رواية حب عمري الفصل الحادي والعشرون 21 - بقلم لولا

نيره بفرح وحماس: جاهزة! وفرقعت الألعاب النارية، هي وكريم، وفي نفس اللحظة الشباب أطلقوا الصواريخ للون الأزرق والبينك سوا، معلنين عن ولد وبنت. نيره بدموع: ولد وبنت. كريم وهو يحتضن نيره: بجد مش مصدق نفسي! إيه القمر ده! ولد وبنت مرة واحدة! بجد أنا مفيش كلام يوصف فرحتي. انتي بجد من يوم ما دخلتي حياتي وانتي حلتيها يا نيره وحققتيلي كل أحلامي. نيره: وأنا بجد مبسوطة أوي.

كريم: الحمد لله ربنا يخليكم ليا وتقومي انتي وهما بالف خير يا رب. نيره: يا رب. فرح: شوفتي بقي إنها مفاجأة قمر. نيره: دول قمرين. ردي: يااه هبقي خالتو. داليا: يااه بجد. مريم: مبروك ألف مليون مبروك يا حبيبي. زين: مبروك يا صاحبي ربنا يقومها لينا بالف خير يارب هي وحبايب عمها. كريم: الله يبارك فيكم يا حبيبي عقبال ما نفرح بعيالكم جميع يارب. الجد: جد مبروك يا بنتي، مبروك يا كريم يا ولدي، فرحتوا جلبي والله.

نيره: ده كله من دعاك يا جدي والله. كريم وهو يغمز: دعاه... هو وبس. نيره بإحراج: كريم بس! كريم بضحك: ماشي ياستي هسكت خالص. الله يبارك فيك يا غالي. *** في المساء. زين اتحدى كريم إنه بيعرف يطبخ أحسن منه، وكانوا بيهزروا في جو من المرح. زين صمم يوري كريم إن طبخه حلو برضه. زين بحب: بصي يابت يا فرحة، طعم الفراخ أنا اللي طابخها وربنا أنا جامد عشان متتحدينيش تاني يا كريم. اديني عملت أحلى فراخ أهو. كريم بضحك: عاش!

بصراحة أبهرتني. فرح بضحك: تسلم إيدك يا حبيبي، بس بقالي كتير أوي من ساعة جوازي كارهة الفراخ ومش طايقاها بجد. نيره: ده ليه كده يا حبيبتي؟ فرح: عادي مش حابها. نيره: انتي ممكن تكوني حامل. زين بفرح: نعم! حامل؟ نيره بحب: أه يا زين، ممكن. أنا كنت بقرف برضه، وعلى كلامك حامل من زمان كمان. زين بفرح: لا ده إحنا نروح نتأكد. فرح بحزن: يا حبيبي متفرحش أوي، ممكن مكنتش حامل.

نيره بحب: لا شكلك حامل، أنا هتصل بـ مني تشوف. قولتيلي من أول جوازك بقالك 3 شهور تعبانة كده؟ فرح: آه، يعتبر من أول أسبوع كده، يعني 3 شهور. زين بتذكر: بت يا فرح. فرح بتعب: اممم. زين بهمس: انتي عمرك ما قولتيلي إنك في أيام عادتك. فرح بإحراج وبصوت عالي نسبياً: متتحترم نفسك يا زين! زين بضحك: يابنت الجزمه، كنت بوسوسلك في ودنك، فضحت نفسك. كريم بضحك: كلنا سمعنا، جتك ستين خيبة مراتك ومتعرفش عنها حاجة.

نيره بإحراج: اتلم يعني انت اللي تعرف؟ كريم بغمز: أنا عارف كل حاجة. نيره زغدته بيدها: اتلم. كريم بضحك: حاضر خلاص. وبعد شوية مني جت وكشفت. مني: إزاي متعرفيش؟ فرح بقلق: خير يا دكتورة؟ مني: انتي حامل في الشهر التالت يا بنتي. فرح بصدمة: نعم؟ التالت؟ زين بفرح: بتتكلمي بجد؟ مني بحب: آه، ألف مليون مبروك وحملك كويس أوي. كريم بفرح: الحمد لله. *** في أوضة نيره وكريم. نيره وهي بتقلع الكوتشي: ده كان يوم متعب بشكلك.

كريم: آه، بس بجد حلو. نيره حطت إيدها على بطنها: أكملت حلو طبعاً. كريم: تعالي أساعدك. وقلعها الكوتشي. نيره بحب: تسلملي يا غالي. كريم بحب: حبيبتي عادي ولا أي حاجة، وأكمل: وانتي حلوة أهو، ارضي عني بقى. نيره بضحك: انسى الكلام ده. ودخلت الحمام غيرت هدومها لقميص موف حملات قصير. وكريم غير لبس بنطلون بيتي كعادته، ولبس التيشيرت وقاعد على السرير ماسك الفون. نيره: هتنام؟ كريم رفع عينه ليها وأكمل بإعجاب: إيه الحلاوة دي.

نيره بحب: ميرسي، عايزة أنام بقى. كريم: تعالي نامي. وسعلها فدخلت نيره نامت في حضنه. كريم بضحك: طب نايمة في حضني ليه بقى؟ نيره بحب: مش جوزي وحلالي، براحتي. كريم بحب: اممم. نيره: جوزك في الحضن بس. كريم: اممم. نيره: بس. كريم بضحك: طيب نامي. نامت عليكي حيطة. نيره ضربته بخفة في صدره وضحكت ونامت. *** تاني يوم الصبح على الفطار. الجد بحب: ربنا يديم لمّتكم يا حبايب قلبي. كريم بحب: ويخليك لينا يا حبيبي.

زين: صح يا كريم، مش هتروحوا الشاليه السنة دي؟ كريم بتذكر: آه، نشوف ونروح كام يوم. نيره: شاليه إيه؟ كريم: شاليه في الساحل. البنات في نفس واحد: عااايزين نروح! الجد بضحك: وديهم يا كريم. كريم بحب: عيني حاضر، عايزين إمتى؟ نيره بفرح: دلوقتي. كريم برفع حاجب: دلوقتي؟ زين بضحك: يا عم يلا دلوقتي دلوقتي، ادينا خلصنا فطار. كريم بتنهيدة: طيب هحجز أنا طيارة خاصة وانتوا اطلعوا جهزوا الحاجة. البنات بفرح: في ثانية هنخلص.

وطلعت كل واحدة أوضتها تحضر حاجتها. وبعد ما جهزوا وهيمشوا. نيره بحب: خلي بالك من نفسك ومراتك واخواتك يا كريم. كريم بحب: في عيني، متخافيش. أم نيره: سميه، خلي بالك من نفسك يا نيره، حملك يا بنتي... كريم بمقاطعة: حاضر هتخلي بالها من نفسها يا ماما. حاضر. ومشوا. *** في الطيارة. نيره بوجع: آآآه. كريم بقلق: مالك يا نيره؟ نيره بتعب: لا عادي يا حبيبي، العيال بيضربوني بس باين عليهم أشقيّة بجد. زين بضحك: هيطلعوا لمين يعني؟

ده أبوهم كان خرباها. كريم بضحك: أنا يا حيوان! طب لما ننزل هربيك. فرح بضحك: لا كله إلا جوزك. زين: قلب جوزك انتي. كريم بضحك: استني عليا ده أنا هموتك. نيره بتعب: هنوصل إمتى؟ كريم بحب: خلاص قربنا. *** بعد ساعة في شاليه الساحل. زين: هتنزلوا البحر إمتى؟ كريم: شوف انت عايز إمتى، نرتاح ولا ننزل دلوقتي؟ سليم: ننام وننزل على الضهر كده يكون مفيش حد في البحر، الطيارة تعبتني الصراحة. زين: خلاص تمام. كريم: ماشيين.

نيره: زينو، ابقى قولي طريقة الفراخ عظمة أوي. زين من عيوني يا قمر. كريم بعصبية: متحترم نفسك يا زين. زين بضحك: يا عم إيه ده، أختي. كريم بحدة: حتى لو أختي. زين بضحك: طيب يا عم، أسفين يا باشا. *** في أوضة نيره وكريم. كريم بعصبية: قولتيلي عايزة إيه بقى من زين؟ نيره: حبيبي، زين أخويا، وأنا وهو بنهزر عادي. كريم بعصبية: ولو أخوكي نفسه، أنا مبحبش الطريقة دي يا نيره. نيره بدلع: إيه يا كيمو، مالك متعصب كده ليه؟

كريم: بقولك إيه، الحركات دي أنا فاهمها. نيره: طب خلاص، الحق عليا جايه أصالحه. كريم شدها وقربها ليه وحط إيده على وسطها: رايحة فين؟ نيره بتوتر: ها، هغير. كريم بهيام فيها: مش انتي بدأتي يا حلوة؟ انقلب السحر على الساحر. نيره بحب: أوعى يا كريم. كريم وهو باصص في عنيها: تؤتؤ، بذمتك عايزاني أوعى؟ نيره بحب: أه. كريم: اومال مش شايف كده ليه؟ نيره بحب: طب أوعى. وبزقه بخفة. كريم باسها: أنا آسف يا نيره، آسف بجد.

نيره بدموع: طيب خلاص، أنا سامحتك. كريم بحب: طب والعقاب؟ نيره وهي باصة في عينه: ماله العقاب؟ كريم فضل يقرب منها لحد ما وقعت على السرير وقرب منها وبص في عنيها وأكمل: العقاب يا نيره اللي قولتي عليه. في أوضة فهد. فهد: مالك يا مريم؟ فيه إيه؟ مريم: تعبانة أوي يا فهد، بجد بطني هتتقطع. فهد بخوف: طب تعالي نشوف نيره، يمكن معاها مسكن ولا حاجة، أكيد جابت يعني. مريم بوجع: تلاقيهم نايمين. فهد بخوف: يلا بس تعالي نشوف. عند كريم.

نيره وهي باصة في عينه: هكمل عقابي. كريم وهو شايف في عينها الكذب وابتسم: همس: متأكدة؟ نيره وهي باصة في عينه: أه. والباب خبط فاتخضت نيره. نيره: إيه ده، قوم افتح. كريم بحب: سيبك منهم، خليكي معايا، هيفكرونا نمنا، هيمشوا. ده أنا ما صدقت بترضي عني. وسمعوا صوت فهد ومريم تعبانة. نيره بخوف: لا لا، أوعى أقوم أشوفها، مريم تعبانة. كريم بنفاذ صبر: طب قوم. كريم: حاضر حاضر، جاي. ولبس التيشيرت وفتح. نيره بخضة: مالها يا فهد؟ مريم؟

فهد بخوف: معرفش يا نيره، معرفش. كريم بقلق: طب حاسة بإيه؟ مريم: بطني بتتقطع، مش قادرة. نيره سندتها: طب تعالي معايا، اسمك إيه، هعملك ده. ودخلت بيها الحمام. وبعد شوية طلعت. نيره بحب: مبروك يا فهد، مريم حامل. بس عشان لسه في الأول. فهد بفرح: بتهزري؟ مريم جريت حضنته: لا بجد يا حبيبي، بجد. كريم بفرح: حضن فهد. مبروك يا أخويا. فهد بقلق: طب بطنها وجعاها ليه كده؟ كريم: عادي عادي، في الأول كده. نيره بحب: اه، متقلقش.

فهد بفرح: معلش قلقتكم، يلا يا مريم. كريم بضحك: ولا يهمك، بس لو بنت لابني على طول. فهد بحب: إحنا نطول ناخد ولد كريم الأنصاري مرة واحدة. كريم حضنه: وانت أخو كريم مش أي حد برضه، مبروك يا حبيبي. فهد بحب: يبارك فيك يا غالي، ونشوف عيالك يارب. ومشوا. كريم وهو بيقرب من نيره: كنا بنقول إيه؟ نيره بضحك: كنا بنقول إني مش هتنازل عن العقاب، وإني نعست، يلا يا روحي ننام. كريم بصدمة: ننام؟

نيره بضحك: أه يا روحي، يلا تعالي عشان أنام في حضنك، شوف بحبك إزاي. كريم بغيظ: أوووي. بتحبيني أوووي؟ وخدها في حضنه وابتسم على جنانها ونام. في أوضة سليم. سليم: بتعيطي؟ إيه يا رودي؟ رودي وهي بتسمح دموعها: إيه، لا كويسة يا حبيبي. سليم باصص في عينيها: مش قولنا لما ربنا يريد هيحصل. رودي بعياط: كلهم اتجوزوا زينا وهما حملوا، وأنا لأ. سليم: يا حبيبتي، ده نصيب ودي إرادة ربنا، هنعترض؟ قولي بس يا رب كده، حرام.

رودي بحزن: والله أنا فرحتلهم، بس نفسي أبقى زيهم. سليم بحب: هتبقي والله، وهتشوفي وهيجننوكي وهتقولي ياريتني ماخلفت. رودي بابتسامة: تفتكر يا سليم؟ سليم بحب: افتكر يا قلب سليم. بعد ما صحيوا وهينزلوا البحر. في أوضة كريم ونيره. كريم: إيه ده؟ نيره: ماله؟ كريم: مش حكاية ماله، هو أصلاً مايوه إسلامي مش مبين جسمك، بس لبستي ليه مايوه بحر؟ نيره: عشان أنزل، هو ده سؤال؟ كريم: اممم، لا يا حبيبتي، مفيش نزول.

نيره بدموع: ده ليه إن شاء الله؟ كريم بعصبية: عشان انتي حاااامل، هو أنا هعيد كلامي كتير؟ نيره بدموع: اشمعنى انت تنزل؟ كريم بعصبية: وعلى إيه؟ ولا تزعلي، مش هنزل خالص. وغير هدومه ولبس هدوم خروج عادي. نيره بدموع: بجد؟ اومال أنا جيت ليه؟ كريم بعصبية: تغيري جو مش تنزلي الماية، اتجننتي ولا إيه؟ نيره بعصبية: مش كل حاجة تعلي صوتك وتحكماتك.

كريم بعصبية أكبر: نيرررره، لمي لسانك عشان والله أنا ماسك نفسي بالعافية، عليكي صوتك لو علي، انتي حرة، فااهمة؟ نيره بخوف: فاهمة. كريم: ويلا اخلصي غيري عشان نتزفت ننزل. وفعلا نيره غيرت ولبست دريس أبيض ونزلت مع كريم. زين: إيه مالكم، ملبستش ليه يا كريم؟ كريم: مش نازل، هفضل مع الهانم عشان مصممة تنزل وهي حامل في الخامس، اتجننت؟ فهد: مينفعش يا نيره الكلام ده. زين: أه يا نيره، كريم صح. مريم وفرح مش هينزلوا.

نيره بعصبية ودموع: خلااااااص، أديني سكت، كفياكوا رغي بقى. كريم بعصبية: انتي إزززاي تعلي صوتك وأنا واقف؟ انتي اتجننتي؟ 100 مرة أقولك صوتك ده ميعلااااش، بدل والله ما أحلف ما تتحركي من البيت. نيره دمعت في سكوت ومردتش. سليم نزل: إيه يا جماعة، فيه إيه؟ كريم بعصبية: مفيش كلام فاضي، كله عند وخلاص. سليم: طب اهدوا ويلا. وفعلا كلهم راحوا على البحر ونزلوا ماعدا مريم وفرح ونيره، وكان معاهم كريم.

كريم لاحظ إن نيره عينها فيها دموع وسرحانة. كريم: إيه اللي واخد عقلك؟ نيره: كريم بحدة: طب أنا مش بتكلم. نيره: نعم؟ كريم راح جنبها وعدل وشها ليه: حقك عليا، أنا والله خايف عليكي. نيره بعياط: أي حد بيحمل عادي، بس انت مأفور أوي يا كريم، بعترف بتخاف عليا بس لدرجة تزعقلي على كل غلطة، ده لأ بجد. كريم بوجع: بصي يا نيره، أنا هقولك الحقيقة اللي خبّيتها عليكي كتير أوي خوفاً عليكي وعلى نفسيتك. نيره بخوف: فيه إيه يا كريم؟

كريم بدموع: انتي تعبانة وحملك صعب عليكي، ولو حصل أي إهمال وسقطتي مش هتعيشي بعد الشر عليكي. ولو عيشتي مش هتخلفي تاني. نيره بصدمة وعياط: إيه؟ كريم حضنها: أهدي، أهدي خلاص، إحنا فاضلنا 4 شهور ونخلص وحبايبنا يجوا بالف خير. نيره بعياط: إزاي تخبي عليا؟ إزاي يا كريم؟ طب تعرفني عشان أهتم بنفسي أكتر.

كريم بدموع: حبيبتي، منا عشان كده بزعقلك وبخاف عليكي أوي، وقلبي بيكون هيتخلع لو اتعرضتي لأي حاجة. أنا مخلتكيش تهملي، بس قلت نفسياً بلاش تعرفي. نيره بعياط: بس حقي إني كنت أعرف. كريم باس راسها: خلاص بقى، حقك عليا، اضحكي بقى يابت، ما قولنا هانت وهتجيبي 2 قمرات نسخة منك. نيره بحب وهي بتسمح دموعها: لأ، عايزاهم زي كريم. كريم: عيون كريم. نيره بحب: بقولك إيه، صورني على المصطبة دي اللي وسط البحر.

كريم: بس دي عالية أوي ومنها للبحر، بلاش منه. نيره: معلش يا كريم، هتصور وهمشي على طول. كريم حس إنه لو رفض يبقى بيزودها عليها أوي، وكل طلب يقول لأ. كريم بحب: طب تعالي. كريم حس بنغزة في قلبه. كريم: نيره، يلا يا حبيبتي، أنا قلقت. نيره: حاضر يا حبيبي، جايه. وفي نفس اللحظة الموجه جات عالية ورشت ميه كتير على المصطبة، ونيره اتزحلقت. كريم بخوووف: نيرررره، نيررررره، حاااااسبيلكن. ملحقش يمسك نيره ووقعت في البحر.