رواية حب عمري الفصل الرابع 4 - بقلم لولا

كريم بعصبية: نيرة، ما تستفزينيش! أنا ما اتجوزتش فاتن أصلاً. نيرة بصدمة: إيه؟ كريم مسك دراعها وأكمل بعصبية: آه، ما اتجوزتهاش. أنا مش بحبها ومغصوب عليها، ولحد النهار ده بقاوح ومش عايز أتجوزها. نيرة بسخرية: والله تصدق عجبتني القصة الحزينة دي. وانت من كتر ما بتكرها سبت الباب مفتوح، وكنت انت وهي... بلاش أكمل أحسن. عن إذنك. كريم مسك إيديها بعصبية: لما أكون بتكلم، ما تمشيش وتسيبيني. انتي فاهمة؟

وبعدين فاتن دخلت تقولي على الأكل إنه جهز، وكانت جايبالي عصير، فدلق عليا. ولما طردتها عشان أغير، فتحت الباب ودخلت، وكانت هتقع. لما مسكتها، وقعت على السرير. وانتِ شفتينا. ولو كنتي وقفتي دقيقة كمان، كنتي شوفتيني وأنا بهزقها. نيرة بوجع: ما وقفتش بقي، وما شفتش. ومش عايزة منك تبرير. *** عند الجد. فهد: نعم يا جدي؟ الجد: خير يا ولدي. أنا مش عايزك. فهد: نعم؟ على إيه؟ الجد: يمكن آه. كنت عايز دوايا. انت عارف مكانه.

فهد: عيني يا جدي. الجد لنفسه: هو كريم قاله كده ليه؟ وقام يبص من البلكونة. شاف نيرة وكريم واقفين وشكلهم ما يبشرش بالخير. الجد وتفكير: لا ده في حكاية. وشكلي هعرفها. *** كريم بعصبية: اسمعيني بقى. أنا بحنيرة... نيرة بمقاطعة: مش عايزة أسمع حاجة. واللي بينا انتهى من زمان. وقرينا عليه الفاتحة كمان. عن إذنك يا بشمهندس. (ومشت) كريم بعصبية مسك

حجر رماه في البيسين وأكمل: يا نيرة، هتسمعيني يعني هتسمعيني. وأنا مش هتجوز فاتن. لا، أنا مش هضيعك تاني. الجد كل ده شايفه من فوق. الجد لنفسه: شكلها الدكتورة هي نفسها البنت اللي كان حفيدي بيحبها. بس هعرف. فهد: امسك يا جدي. الدوا. الجد: شكراً يا ولدي. *** في مصر. مريم: إيه يا حبيبي؟ عامل إيه؟ فهد: بحب قلب حبيبك أنت. أنا بخير، وانتي؟ مريم: بخير. صحيح، إيه أخبار نيرة؟

فهد بتنهيدة: مش كويسة. بتعيط وتسرح ومش راضية تتكلم. بس شكلها تعبانة أوي. مريم بحزن: يا حبيبتي يا نيرة. فهد: انتي تعرفي مالها؟ مريم بتوتر: ها... لا. بس ربنا يقويها أي كان. وبعدين، صح. انت عمرك ما قلتلي إنك قريب كريم الأنصاري. فهد بغيره: وانتي تعرفي كريم منين؟ مريم بتوتر: لا عادي. معرفة قديمة من الكلية. أنا عرفت إنه قريبك لما جه مع جدك. وانت مجتش المرة اللي فاتت يا بيه.

فهد بضحك: والله يا قلب البيه، كنت عايز أجي أنا بس جدي بقي الله يسامحه. وبعدين كريم ده أخويا، مش قريبي. أخويا الكبير. مريم بصدمة: أخوك؟ فهد: آه. أخويا. مريم: وعلى كده هو خاطب؟ فهد: يعتبر. فاتن بنت عمي، بس بيكرها أوي. بس جدي بقي طلب، فمينفعش يكسر كلمته. ربنا يخلصه منها على خير. مريم من قلبها: يااااارب يا فهد. فهد باستغراب: من قلبك أوي؟ مريم بتوتر: طبعاً. ربنا يكفيك شر إنك تعيش مع حد مش عايزه.

فهد بضحك: ما لناش احنا دعوة بالناس دي. مريم بحب: آه طبعاً. *** في مصر. سليم: همشي بقى عشان اتأخر. ترودينا: هتوحشني. سليم: يا روح قلبي. بقي مش لازم كل مرة تزعليني. بعدين أنا بفوت يومين وبجيلك. ترودينا: خلي بالك من نفسك. سليم: عيوني. *** في القصر. أم كريم: وهي نفين. اتفضل يا ولدي. زين بحب: يزيد فضلك يا أمي. فين كريم؟ سعاد: أم فاتن فوق يا ولدي. اطلع له. زين بحب: طب عن إذنكم. (وعلى السلم شاف فرح) زين بحب: فرح! ازيك؟

فرح بابتسامة: الحمد لله يا زين. انت إيه أخبارك؟ زين بفرح: بقيت كويس لما شوفتك. حمدلله على السلامة يا دكتورة. فرح بحب: الله يسلمك يا زين. زين بحب: عن إذنك هشوف كريم. فرح بحب: اتفضل. *** في أوضة كريم. كان كل شيء مش في مكانه. الأوضة متبهدلة خالص. الباب خبط. كريم بعصبية: ادخل! زين بخوف: إيه يا كريم؟ إيه البهدلة دي؟ كريم جري على زين وحضنه وعيط. زين بخضة: إيه يا كريم؟ مالك؟

كريم بعياط: جرح قلبي عمره ما اتقفل يا زين. ورجع اتفتح تاني لما شوفتها. زين بدهشة: شوفتها؟ فين؟ كريم بعياط: في البيت. نيرة. دكتورة جدي يا زين. زين بدموع: ياااه يا كريم. إيه الصدف دي؟ بس أهو انت قلت جدك بيحب دكتوره. يمكن لما يعرف إن هي نيرة، يرضى يجوزهالك. كريم بوجع: هي مش هترضي. أنا كسرتها. زين: بص يا صاحبي. نيرة محبتش غيرك ولا هتعملها. حقها تزعل، بس هي بتحبك. كريم بوجع: يمكن بطلت تحبني.

(ثم سكت وتذكر السلسلة وأكمل بفرح) السلسلة! زين باستغراب: سلسلة إيه؟ كريم: أنا قلت لها لو بطلت تحبني تشيل السلسلة. هأكد بنفسي. شكراً يا زين. زين بحب: أنا جمبك طول الوقت يا صاحبي. بس من غير حاجة، هي بتحبك. *** في أوضة فاتن. فاتن: يا ما، والله بقولك شفته ماسك دراعها وبيتخانق معاها. سعاد: يا موري، معقولة تكون هي يا بت؟ فاتن بحقد: هي ولا مش هي، أنا هتجوز كريم وبأي طريقة كانت. ولازم في أسرع وقت.

سعاد بخبث: عندي طريقة تخلصك منها. فاتن: إيه هي؟ *** تاني يوم الصبح. على الفطار. كلهم قاعدين. حتى نيرة. وكانت لابسة دريس أبيض وجاكت جينز وحجاب لون الجاكت وميكاب هادي. الجد بحب: اقعدي يا ملاك. نيرة بحب: باست إيده. ملاك مرة واحدة. فاتن بغيظ: معلش، راجل كبير ونظره ضعيف. كريم بعصبية: فاتن! سعاد: إيه يا ابني؟ هي غلطتك؟ كريم بعصبية: ما تفتحيش بوقك طول ما كبير العيلة بيتكلم.

نيرة بثقة: بس هو مقالش عليكي انتي اللي ملاك يا فاتن. علشان بعد الشر يبقى صح، نظره ضعيف. كريم مسك نفسه من الضحك: طب اتفضلي كلي يا دكتورة. فاتن بغيظ: شبعت. عن إذنكم. سعاد بخبث: بقولك يا فهد. فهد: نعم يا مرت عمي. سعاد: دوا جدك خلص. روح انت والدكتورة هاتوا. الجد: بس الصيدلية اللي بنتعامل معاها بعيدة. يا مرت ابني، الدكتورة مينفعش تروح كل ده. نيرة بحب: لا عادي يا جدي. الجد بحب: تسلمي يابتي.

سعاد بخبث: ربنا يحميكي يابتي. عن إذنكم. هشوف فاتن. كريم بغيره: جدي، هروح أنا معاها. فهد باستغراب: عادي يا كريم، هروح أنا. كريم بعصبية: قولت هروح. يا فهد، انت روح الشغل. عليك شغل كتير. نيرة بعناد: بس أنا هروح مع فهد. كريم بعصبية: نيرة! الجد: والله حلو اللي بتعملوه ده. وخلاص يا فهد، روح انت الشركة. وانت يا كريم مع نيرة. معلش يابتي. نيرة بزعل: عادي يا جدي، ولا يهمك. يلا علشان العلاج. الجد: يلا يابتي. *** في أوضة الجد.

الجد بخبث: إلا صحيح، يابتي. نيرة بحب: نعم يا جدي؟ الجد: انتي تعرفي كريم من قبل كده؟ نيرة بصدمة واتخضت من السؤال: إيه؟ لا لا يا جدي، معرفوش. الجد لنفسه: تبقي انتي هي يابتي. خلاص أنا عرفت. مش بتعرفي تكدبي. بعد شوية. نيرة بحب: خلصنا يا جدي. إن شاء الله شكلي مش هطول وهتبقي زي الفل. الجد بتعب: إن شاء الله يابتي. وأكمل: حلوة السلسلة دي أوي. نيرة بتوتر: إيه؟ آه. السلسلة دي جاتلي هدية من حد غالي عليا.

الجد بخبث: آه. ماشي يابتي. يلا روحي مع كريم عشان تلحقي ترجعي. نيرة: حاضر يا جدي. *** في العربية. كريم: هتفضلي ساكتة؟ نيرة بجمود: المفروض أقوم أرقص؟ كريم بعصبية بيخفيها: لا. بس تتكلمي معايا. مش شفاف أنا. نيرة بحدة: كريم، أنا جايه معاك عشان جدي طلب، مش أكتر. لو سمحت، سوق بسرعة. عايزين نلحق نيجي. *** في أوضة فاتن.

فاتن بحقد: آه يا ما. عملت اللي قولتيلي عليه. والعربية هتعطل ومش هيلحقوا يرجعوا. وهما في مكان بعيد عن البلد ومقطوع ومش هيلاقوا عربيات. وهتتأخر. ولما ترجع، هفضحها في كل البلد. سامحني يا فهد، بس هلبسهالك عشان أرتاح أنا. سعاد بضحك: جدعة. وصحيح، أنا اتأكدت. كنت معدية من جنب أوضة جدك وسمعته بيكلمها على سلسلة هي لابساها. ولما ركزت، لقيتها سلسلة نيفين الباشا. كريم شكله كان مديها لها.

فاتن بعصبية: أنا هوريها إزاي تمد إيديها على حاجة مش بتاعتها. هندمها. *** بعد مرور 3 ساعات. كريم: بس كده. هنعوز حاجة تاني؟ الدكتور: لا. الكمية دي تكفي شهر. وتعالي الشهر الجاي. نيرة بابتسامة: شكراً يا دكتور. الدكتور بإعجاب: العفو يا قمر. كريم بعصبية: احترم نفسك يا جدع انت بتقول إيه؟ وانتي غوري استنيني بره. نيرة بعصبية: إيه؟ أغوري برا؟ كريم بعصبية: نيرررره! قولت براااا. وفعلاً طلعت. وكريم مسك الدكتور من قميصه.

كريم بعصبية: بعد كده، ما تبصش على حاجة ما تخصكش. الدكتور بخوف: آسف يا باشا. كريم: زقه. جتكم الارف. وطلع. *** بعد شوية. في العربية. كريم بعصبية: بعد كده، لما أقول كلمة، تتمسمع من أول مرة. نيرة بسخرية: واسمع كلامك ليه؟ انت مين أصلاً؟ تكونش سي السيد؟ كريم: آه. سي السيد. نيرة: وأنا أمة مين؟ كريم بعصبية: نيرررره! كلمتي تتسمع وخلاص. عاجبك اللي بيعاكسك ده؟ (وفجأة العربية وقفت) كريم باستغراب: إيه ده؟ مالها؟

نيرة بخوف: في إيه؟ وقفت ليه؟ وجاية تقف في مكان ضلمة كده ومقطوع؟ كريم: ممكن تهدي عشان أشوفها ونتحرك. نيرة: طيب. بعد شوية. نيرة: ها يا كريم؟ كريم: مش راضية تشتغل خالص. ومفيش شبكة حتى أكلم الميكانيكي. والدنيا ليل. مفيش عربيات بتعدي هنا أصلاً. نيرة بخوف: يعني إيه؟ كريم: معرفش يا نيرة. بجد. تعالي نتمشى لحد ما نلاقي أي حد ونركب معاه وخلاص. *** في القصر. سعاد بخبث: اتأخرت أوي. الدكتور. بتعمل إيه كل ده؟ وهي مع شاب لوحدها.

فاتن بخبث: مش مطمنلها. لتجرجر ولد عمي عشان تدخل عيلتنا. ما هي شحاتة، وهتصدق ما تلاقي عزال. الجد بعصبية: فاااااتن! احترمي نفسك. وانتي بنت، إزاي تتكلمي على شرف بنت كده؟ فرح: انتي إزاي مقرفة كده؟ فاتن بخبث: لا يا جدي. البت دي مش كويسة. وأكيد بيعملوا حاجة. فينهم كل ده؟ ورن عليهم كده، مش هيرضوا. الجد: ده كلام فاضي. هتصل أهو. (والجد جرب يرن عليهم وفعلاً غير متاح) فاتن بضحكة خبيثة: شوفت بقى إيه؟ كل ده فينهم؟

بيذاكروا وقافلين تليفونهم كمان. الجد بعصبية: اسكتي خالص. مش عايز أسمع حسك. *** عند نيرة وكريم. نيرة: أنا همشي لوحدي. كريم: امشي يا نيرة واسكتي. نيرة بعصبية: لا مش عايزة أمشي معاك. كريم بعصبية: بطلي استهبال بقى. نيرة: قولتلك همشي لوحدي. (وفعلاً مدت قدام أوووي وابتدت ما تشوفش كريم) نيرة بحزن: أحسن. مش عايزة أمشي معاه. لقيت اتنين قطاع طرق. الأول: مالك يا حلوة؟ ماشية لوحدك ليه؟ التاني: إيه الجمال ده كله؟

نيرة بخوف بترجع لورا: امشي انتوا. عايزين مني إيه؟ الأول بضحك: عايزين إيه يعني؟ انتي مش صغيرة يا حلوة. (وبيقرب منها) نيرة بخوف: ابعدوا عني. التاني بضحك: متخافيش. متخافيش. هو شوية وأنا شوية. هنسليكي يعنى. نيرة بصراخ وعيااااط: كررررريم! كريم سمع صوتها وجرى. الأول بضحك: مين كريم ده كمان؟ التالت يعني؟ كريم: من رواه. لا قدرك الأسود يا روح أمك. (وراح كريم ضربهم بكل قوته. فخافوا وجروا) كريم بعصبية: حلوووو كده؟ انتي كده صح؟

لو كانوا أذوكي دلوقتي، كنتي هتتبسطي يا نيرررره. (ومسك دراعها) امشي قدامي ومسمعش حسك تاني. وإياكي تفتحي بوقك. نيرة فضلت تعيط. بس كريم بوجع على دموعها: طب خلاص، بلاش عياط. نيرة انهارت أكتر. هنا كريم اتجرأ وخدها في حضنه وبدأ يطبطب عليها. كريم بدموع وحب: خلاص. بس بس. أهدي. أنا هنا ومستحيل طول ما أنا عايش حد يقرب منك يا نيرة. وبعدين حط وشها بين إيده ومسح دموعها: خلاص بقي. نيرة سكتت. كريم: يلا.

(ولمح وهو ماشي السلسلة في رقبتها. وكان عايز يحضنها تاني ويطير من الفرح) كريم بفرح لنفسه: معقولة يا نيرة؟ معقولة كل ده ما خلعتيهاش؟ مستهلش كل الحب ده منك يا حبيبتي؟ مستهلش تحبيني للدرجة دي؟ وأنا وجعتك، بس وحياتك عندي غصب عني. ربنا يسامحك يا جدي. أنا لو بإيدي آخدك في حضني ومتخرجيش منه أبداً. *** في القصر. فاتن بخبث: لا مبدهاش بقى. وطلعت من القصر وفتحت البوابة ووقفت في نص الشارع. فاتن: يا أهل الصعيد! يا أهل الاحترام!

جدي كبيركم دخل واحدة مصراوية بيتنا بحجة إنها دكتورة. وخدت ولد عمي فهد. ولسه مرجعتش لحد دلوقتي. وتليفونهم مقفول. إيه؟ هيكونوا بيعملوا إيه؟ الجد بعصبية: فاتن! إيه اللي هببتيه ده؟ فاتن: إيه يا جدي؟ مش دي الحقيقة؟ (واناس ابتدت تتكلم. إن إزاي الجد وكبير الصعيد يسمح بكده. وكله قال: تلاقيها عشان فقيرة ضحكت على البيه. وناس قالت: اللي اختشوا ماتوا. وفعلاً سيرتها انتشرت. وهنا جه فهد) فهد: إيه؟ في إيه يا جدي؟ إيه كل الناس دي؟

فاتن بخبث: أكملت: كده يا ولد عمي، تحط راسنا في الطين. فهد بعدم فهم: انتي بتقولي إيه؟ سعاد بخبث: كل ده يا ولدي مع الدكتورة؟ بتعملوا إيه؟ فهد: بس أنا... (وهنا قاطعه كريم) كريم بصوت كله: نيرة كانت معايا أنا. فهد كان مكاني في الشغل. فاتن بصدمة: نعم؟ انت اللي روحت يا كريم؟ كريم بعصبية: آه. أنا. (وراح ضربها قلم وقعت على الأرض) وأكمل: اللي انتي بتشوهي سمعتها دي بنت زيك. عيب أوي كده. فرح: عملت الصح يا خوي. بت متربتش.

سعاد بعصبية: بتمد إيديك على بتي يا كريم عشان المصراوية؟ كريم بعصبية: آه. وهقطع لسانها كمان لو فكرت تتكلم تاني. (وبصوته كله قال: اسمعوا يا أهل البلد. بس قبل ما أتكلم، هتصدقوني؟ الكل: احنا بنحبك وهنصدقك يا كريم بيه. وكام قص عليهم كريم كل شيء. وأكمل بعصبية: بس ده اللي حصل كله. وأنا مسمحش لحد يتكلم نص كلمة عليهااا تاني. فاهمين؟ ولا أعيد كلام؟ أهل البلد: أمرك يا بيه. وكانت نيرة بتعيط ومنهارة. الجد: تعالي يابتي.

(وجريت على الجد حضنته) كريم بعصبية: دي حاجة متخصكيش يا مرت عمي. أنا من امتى حد بيقولي أقف مع مين ومين لأ. (وقاطعه الجد) الجد: كريم، خلاص. الموضوع خلص والأمر منتهي. وأهل البلد فهموا. وكده كده أنا قررت. انت كتب كتابك بكرة. كريم بصدمة ووجع: إيه؟ بس يا جدي. نيرة كانت في صدمة. وبصت لكريم ودموعها نزلت. فاتن بفرح: ماشي يا جدي. موافقة. الجد بضحك: حيلكم. اسمعوا باقي الكلام. فاتن بفرح: كمل يا جدي.

الجد: بما إنكم موجودين يا أهل البلد، بكرة كلكم تيجوا كتب كتاب كريم على الدكتورة نيرة. نيرة بصدمة: إيه!!!!!! كريم بصدمة: نعم!!!!!!