رواية حب عمري الفصل الثالث 3 - بقلم لولا

كريم بصدمة وهمس: نيرة! نيرة وقد ادمعت عيونها في صمت، ولما تستطيع التحدث فالصدمة كانت قوية عليها. فحقا كانت تتمنى رؤيته ولو لمرة وترتمي في حضنه، ولكن لا والف لا، فهو كسرها. الجد: مالك يابتي مجراش تشيلي شنطتك. نيرة، وهي على وشها علامات الصدمة: لا يا جدي، تعبانة شوية. فهد بحب: هاتيها عنك يا نيرو. كريم بغيرة وعصبية: إيه نيرو دي! اسمها دكتورة، عيب يا فهد.

نيرة بجمود: شكراً حضرتك، بس أنا أعرف فهد كان بيجي مع جدي لما كنت بعالجه، واحنا صحاب. كريم بجمود: تمام. فهد بحب: عنك يا نيرة، يلا بينا. فاتن بهمس: مش مرتحالها يا أما. أم فاتن: البت دي. فاتن: همس. فاتن بقرف: وانتي مالك يا باردة. الجد: يلا يا دكتورة، اطلعي ارتاحي وانزلي اتغدي معانا. نيرة بحزن: لا شكراً، ألف هنا. أنا تعبانة. أم كريم بحب: ميصحش يابتي، انتي ضيفتنا. وبعدين هتزعلي جدي.

نيرة بحب: حاضر يا ماما. قصدي يا طنط. أنا آسفة. عن إذنكم. أم كريم بحب: إذنك معاكي يا قمر. *** في المستشفى. أحمد: مريم فاضية؟ مريم: خير يا أحمد. أحمد: نيرة هتقول في الصعيد ولا راجعة على طول؟ مريم: معرفش يا أحمد. والأحسن تطلع نيرة من دماغك. عشان قلبها مستحيل يكون ملكك. قلبها ومن زمان مع كريم. أحمد بعصبية: كريم! ها! اللي مشي وسابه. مريم بعصبية: يعني هو بمزاجنا؟ أحب يا أحمد، خلاص هي بتحبه وقررت مش هتحب غيره. ممكن تنساها.

أحمد بعصبية: لا مش ممكن يا مريم. ونيرة ليا سوا برضاها أو بالغصب. حتى لو اضطريت أقتلها. الباشا اللي بتحبه. سلام. مريم لنفسها: يا تارا كنت صح لما أقنعتك ترجعي الصعيد يا نيرة. وأنا عارفة إنك هتشوفي كريم. فلاش باك. مريم شافت كريم وهو بيتكلم في التليفون. مريم: إيه ده! مش ده كريم! وابتدت تقرب. أه هو. مريم: بقولك إيه يا عزة. عزة الممرضة: خير يا دكتورة. مريم: الشاب ده جه هنا في إيه.

عزة: أه ده جاي مع جده عند دكتورة نيرة بتعمله تمرين. مريم بتوتر: إيه! أه. ماشي. مريم لنفسها: لازم أروح أطلع نيرة من العيادة قبل ما تشوفه. بعد شوية. مريم: نيرة، عايزينك ضروري. نيرة: طيب يا جدي. أكيد هبقى أكلمك. سلام. وبعدين طلعت. مريم: هو حضرتك جد كريم؟ الجد: أه يابتي، تعرفيهم. مريم: أه معرفة قديمة من أيام الكلية. وأكملت بخبث: صحيح عياله عندهم قد إيه دلوقتي. الجد بضحك: لا يابتي، كريم لسه متجوزش.

مريم بفرحة خبئتها: أه. طيب. عن إذنك. بعد شوية. نيرة: ها، إيه رأيك أروح ولا إيه. مريم: حلو أوي. أنا لو منك أروح بجد. أوعي تضيعي الفرصة دي. مريم بحزن: أنا عارفة إن كريم هيكون هناك. بس بعتك عشان انتي بتحبيه. وواثقة إنه بيحبك. وكمان عشان اتأكدت إنه متجوزش غيرك. أتمنى متزعليش مني لو عرفتي إني كنت أعرف. وتنهدت بحزن وأكملت عملها. *** في أوضة نيرة.

نيرة بانهيار: آآآه ياربي. أنا جيت هنا ليه. جيت عشان أوجع قلبي أكتر. جيت أشوفه معاها. أنا التخيل كان بيتعبني. طب هعمل إيه. مش هقدر أشوفه مع فاتن. مش هقدر. يا ربي. آآآه. *** في أوضة كريم. كريم كسر كل حاجة فيها ومكنش طايق نفسه خالص. كريم بعصبية: ضاقت بيك الدنيا يا جدي. رايح تجيب حبيبتي. هشوفها إزاي كل يوم. واحشتني واحشتني أوي. بس بسببك زمان مكنتش معاها. ودلوقتي كمان أنا مش معاها. أنا تعبت أوي يارب. تعبت ومحدش حاسس بيا.

فلاش باك. الجد: هو ده اللي عندي يا كريم. كريم بحزن: يا جدي، أنا بحب واحدة من مصر. مش هقدر أعمل كده. الجد بعصبية: تسيب بنت عمك يا كريم اللي من طوبنا. وتروح تاخد واحدة من مصر. انت اتجننت. وهترفضلي طلبي كمان وأنا تعبان. كريم بحزن: بس يا جدي. الجد: مبقاش. قولتلك بنت عمك. انت أولى بيها. وانت عارف أمها ربتها إزاي وكرهتها فينا. انت الوحيد اللي هتعرف تحكم فاتن وتخليها كويسة. كريم بوجع: حاضر يا جدي. هتجوزها. بااااك.

كريم بدموع: ويا ريتك يا جدي وقفت عند كسرة قلبي زمان. كسرت قلبي دلوقتي برضه. *** في القصر. الجد: روحي يا بتي نادي على كريم. وانتي يا فرح، نادي على الدكتورة. الأكل اتحط. فرح: حاضر يا جدو. فاتن: حاضر. عند نيرة. الباب خبط. نيرة بنبرة حزينة: اتفضل. فرح بابتسامة: يلا يا عسل. الأكل اتحط. نيرة بابتسامة مزيفة: نازلة يا فروحة. فرح بحب: طيب هسبقك. عند كريم. الباب خبط. كريم: اتفضل. فاتن بخبث: إيه يا حبيبي. مش يلا عشان الأكل.

كريم بحزن: مش عايز آكل. واطلعي يا فاتن. فاتن بخبث: لا مينفعش. ده أنا حتى جبتلك عصير زي ما بتحب. أهو عشان تفتح نفسك وتاكل. كريم بعصبية: قولت مش هاكل. مبتفهميش. راح خبط في فاتن. العصير اتدلق على تشيرته. فاتن بخبث: اقلع التيشيرت أغسله. كريم بغضب: لا. أنا هغير برا. لو سمحتي. وطلعها وقفل الباب. فاتن بخبث: لا منا لازم أخلي البت دي تشوفنا سوا. عشان أنا مش مرتحالها. ولمحت إن نيرة جاية ناحية أوضة كريم. راحت فتحت الباب.

كريم بعصبية: انتي مجنونة! مش قولتللك متدخليش. وأنا هغير. فاتن بخبث: بتقرب منه وهو مش لابس التيشيرت. أصل جدي هيزعل لو منزلتش دلوقتي. وعملت نفسها رايحة تقع. فكريم رايح يمسكها. وقعت على السرير وكريم فوقها. في نفس اللحظة كانت نيرة ناحية أوضة كريم وشافته. نيرة بوجع لنفسها: هي وصلت لكده يا كريم! طب أه هي مراتك. بس قولتلي إن جدك أجبرك. مع إن دلوقتي فعلاً مش شايفه كده. أنا مصدومة فيك. وجريت على تحت وهي عينيها حمرا من الدموع.

كريم بعصبية: إيه الهبل ده! أوعي كده. ومتجيش أوضتي تاني. انتي فاااهمة يا فاتن! حسك عينك تيجي أوضتي تاني. وأوعي تفكري تلمسيني تاني. فاتن بتصنع العياط: أنا يا كريم. كريم بعصبية: أه. انتي. بلا قرف. ولبس التيشيرت ونزل عشان الأكل. تحت. في القصر. الجد: اقعدي يا دكتورة. نيرة بتعب واضح: شكراً يا جدي. أم فاتن بخبث: مالك يا بتي. نيرة بوجع: كويسة.

وكريم نزل ولاحظ شكلها المتغير وعينيها اللي مليانة دموع. فصحيح، عدى 5 سنين منذ آخر مرة رآها. ولكنها هي نفس البنت اللي حبها ولم تتغير في طبعها. فهد كان قاعد جمبها: لا فيكي يا نيرة. أنا هاخدك ونتمشى ونحكي. بعد إذنك يا جدي. نيرة بحب: لو جدي موافق. يبقى ماشية. الجد بابتسامة: مفيش مشاكل يا حبايبي. كلوا واتمشوا. كريم بعصبية: بس أنا عندي مشكلة. الجد بحده: ويبقى عندك مشكلة ليه يعني يا كريم.

كريم بعصبية: عشان ده أخويا. ودي واحدة مش من العيلة. وإحنا في الصعيد مش في جنينة. ولو حد شافهم هيطلع عليها وعلى أخويا كلام. الجد بتفهم: معاك حق في ده. نيرة بعناد: طب هنقعد في الجنينة بتاعت القصر يا جدي. الجد بحب: ماشي يابتي. وكده أبقى مطمئن كمان. كريم بص لها بغضب وهي تجاهلته. وأكملت: أم فاتن: كريم، أومال فين سليم. سليم نزل مصر يقابل صحابه وراجع تاني. أم كريم: يرجع بالسلامة. فاتن: متأكليش يا كريم. مالك.

كريم ببعض من الغضب: أظن أنا مش صغير يا فاتن. وهاكل. مش مستني منك تقوليلي. فاتن بغيظ في نفسها: الموضوع في أنه كريم متغير وبيتعصب كتير من ساعة ما الهانم شرفت. *** في مصر. سليم: الو. فينك يا بنتي. قلبت عليكي الدنيا. البنت بفرح: أهو أنا وراكس. سليم لف: واحشتيني. البنت جريت عليه حضنته: كل ده كل ده مسافر. واحشتني أوي يا سولي. سليم: يا رودينا. رودينا بفرح: حقيقي بجد مبسوطة إنك رجعت. سليم: مش بس كده. هخطبك قريب كمان.

رودينا بفرح: ياآآه يا سليم. بقالي سنين بتمنى اليوم ده. من أول يوم شوفتك فيه. سليم بحب: هانت يا عمري. هانت. *** في الجنينة في الصعيد. فهد: هتفضلي ساكتة كتير. نيرة بوجع: مش عايزة أتكلم يا فهد. فهد بحب: نيرة، انتي عارفة إنك أختي. وإني بحكيلك كل حاجة. وآخرهم إن بحب مريم صاحبتك. وانتي كنتي سبب إني اعترفتلها بحبي. ووقفتي جمبي. مش هنسالك ده. فقوليلي. يمكن أساعدك في مشكلتك. نيرة بدموع: صعب. صدقني صعب أوي.

فهد بحب: وأنا هستناكي لحد ما تتكلمي براحتك. كان بيراقبهم من فوق كريم. وهو هيطق من الغيظ وغيران جداً. وقرر إنه ينزل. كريم بصوت عالي: فهد! فهد: فهد! إيه يا كيمو. كريم: جدك عايزك. فهد: طب يا نيرو. هقعد معاكي تاني. نيرة بحب: تمام. كريم: عايز أتكلم معاكي. نيرة: مفيش بينا كلام يا بشمهندس. كريم بعصبية: شد إيديها جامد. انتي إيه! مش بقولك عايز أتكلم معاكي.

نيرة بعصبية أكتر: مفيش بينا كلام. الكلام خلص ومن زمان. يا كريم. وانت اللي خلصته. كريم بعصبية: قولتلك أنا غصب عني. نيرة: بس يا كريم. كريم بعصبية: قولتلك أنا غصب عني. نيرة: بسخرية: غصب! أه. قولتلي. وأكملت بوجع ودموع: طب اقفل أوضتك عليك انت ومراتك لما تكونوا سوا. عشان مش لازم كل الناس تشوف انت مغصوب عليها. عن إذنك. كريم بعصبية: استني هنااا. اقفل أوضة إيه وكلام فارغ إيه. ومراتي مين.

نيرة بعصبية ودموع: أه يا كريم. فاتن. شوفتها وانت معاها. وعموماً أنا ميخصنيش. ربنا يخليكم لبعض. كريم بعصبية: نيرة، متستفزنيش. أنا متجوزتش فاتن أصلاً. نيرة بصدمة: إيييه!!!!!