رواية حب عمري الفصل الرابع عشر 14 - بقلم لولا

جدي بعصبية وعيون مدمية: اه يا فاتن، جدك جدك اللي كنتي هتموتيه. جدك. بس أنا باجي من النهارده بنت ولدي فرح وبس. وانتي موتِ. أخذ منها المسدس وزقها على الأرض. نيرة بفرح ودموع: جدي الحمدلله إنك وقفت. ألف مليون مبروك يا غالي. فاتن بخوف وعياط: جدي أنا آسفة، بس صدقني... الجدي بعصبية: هششش، مش عايز أسمع صوتك تاني، انتي فاهمة؟ رفع المسدس ليضربها، لكن نيرة وقفت أمامه. الجدي بعصبية: أوعي يا نيرة، أوعي خليني أقتلها وأخلص منها.

نيرة بحزن: لا يا جدي، مهما كان دي إنسانة، وأنت أصلاً متعملش كده. أنت أبو المبادئ. الجدي بدموع وصدمة: يا ابني، دي كانت هتموتك. نيرة بدموع: وأنا مش زيها. وهنا جاء كريم. كريم بصدمة وفرح: جدي! أنت وقفت. الحمدلله يارب أخيراً. راح حضنه وعيط. كريم: الحمد والشكر ليك يارب. أكمل باستغراب: مالك يا نيرة؟ وانتي يا فاتن؟ الجدي بعصبية: سبت مراتك وروحت فين يا كريم؟

كريم باستغراب: فاتن جات قالتلي إن الأراضي ولعت والناس طالباني، فروحت حليت المشكلة. الجدي بعصبية: طيب يا كريم، ابعد مراتك من وشي عشان أخلص عليها. كريم بعدم فهم: في إيه يا جدي؟ وتخلص على مين وليه؟ نيرة بعياط: مفيش حاجة يا كريم. الجدي بعصبية: لا في، في يا نيرة. كريم: في إيه يا جدي؟

الجدي بعصبية شديدة: في إن فاتن هانم جالتلك كده عشان تمشي، وراحت هي عشان تقتل مراتك، وكانت هتدفنها وتكتبلك ورقة إنها هربت عشان تعيش طول عمرك كارها، وهي تكون الصدر الحنين. مش كده يا بت ولدي؟ ولولا إني قاومت نفسي عشان أقدر أنقذ نيرة، لولا قاومت لو مجاتش، بجي كانت... أكمل بدموع: كانت موتتها. اتفو عليكي. وكمان هي اللي ضربتني بالنار. جلس على الكنبة يبكي بحزن. كريم بصدمة: إيه ده يطلع منك كل ده يا فاتن؟ للدرجة دي؟ راح مسكها

من شعرها وأكمل بعصبية: انتي عملتي كده يا بنت الكلب؟ انتي انطقي!!!! فاتن بعياط: أوعي، سيبني. كريم بعصبية: ده أنا هطلع روح أهلك النهارده. انتي اتجننتي ورايحة تقتلي نيرة؟ ضربها بقلم: انتي مريضة يا بت، انتي بس والله العظيم منتِ قاعدة فيها. ولكون حابسك. مسك موبايله يكلم البوليس. البيت كله صحي من على الأصوات. نيرة بخوف: كريم، اهدي، اهدي أرجوك. هنحلها سوا من غير حكومة.

كريم بعصبية: هششش، اسكتي خالص، مسمعش منك كلمة تانية. كل القرف ده بسببك. كان مرمي في المخزن بيتربي. أنا إيه خلاني سمعت كلامك؟ نيرة بعياط: أنا يا كريم. سليم: في إيه يا كريم؟ فين خير يا ولدي؟ حصل إيه؟ مريم وفهد: مالكم في إيه؟ وكلهم كانوا تحت.

كريم بعصبية: في إن الهانم فاتن هي اللي ضربت جدها بالنار، ومكفاهاش اتفقها مع أحمد اللي أنا عرفته وتشويه سمعة مراتي، وإنها كانت هتقتل ابني. لا، كمان دلوقتي رايحة تقولي إن الأرض ولعت، ولما مشيت راحت لنيرة عايزة تقتلها وتدفنها وتكتبلي ورقة إن نيرة هربت. سمية بصدمة وشهقة: يالهوووي! ورودي بعصبية: انتي بت حيوانة أوي، إيه اللي كنتي هببتيه ده؟ سليم بحزن: كلمت البوليس ولا أكلمهم أنا يا كريم؟ سعاد بصدمة ودموع: سليم، دي أختك.

سليم: هششش. أكمل بجمود: كلمتهم يا كريم. كريم: آه، وجايين. فاتن بعياط: كريم، لا والله ماهعمل حاجة تاني. راحت عند رجله وفضلت تترجاه. وكريم مسكها من شعرها وقومها. كريم بعصبية: مش هسامحك لو عملتي أي حاجة يا فاتن. ده مش حقي، بس ده حق جدي ومراتي وابني. وانتي زودتيها أوي أوي بجد. فاتن بعياط: أبوس إيدك يا كريم، وحياة نيرة، طب وغلاوة ابنك لتسامحني، والله ما هعمل حاجة تاني.

كريم بعصبية: سيرة مراتي وابني متجيش على لسانك الزبالة. ولا يا فاتن، من لا يرحم لا يرحم، وانتي مرحمتيش حد. فاتن بعياط: أخويا يا سليم، أرجوك قول لكريم يسامحني. سليم بعصبية ضربها بالقلم وأكمل: متنطقيش الكلمة دي. انتي ولا أختي، ولا أعرفك، ولا يشرفني إني أعرفك أصلاً. فاتن بقهر: كده يا سليم؟ دي الأمانة اللي أبوك جالك عليها. سليم بحزن: انتي اللي جنيتي على نفسك يا فاتن. وياما كتير غلطتي، جيه وجت حسابك. ومشى وهو بيعيط.

ودينا بعياط: سليم، استني. وطلعت وراه. فاتن فضلت على الأرض تعيط. وشوية والحكومة جات. الجدي: خدها يا أمير بيه. أمير صاحب كريم وزين المقرب. أمير: متأكد يا كريم؟ كريم بعصبية: آه يا أمير، متأكد. مسكها وزقها عند أمير وأكمل: خدها، وأدي خدت كل التحقيق من مراتي وجدي. أمير بص لفاتن: عايزة تدافعي عن نفسك؟ فاتن بعياط: لا. أمير: كل ده حصل. كده القضية خلصت باعترافك. خدوه. وفعلاً فاتن مشيت.

سعاد بعياط: آه يا جلبي عليكي يا بتي، مستقبلك ضاع. كريم بعصبية: بقولك إيه يا مرات عمي، انتي أصلاً السبب في تربيتها الزفت دي. وسيرة فاتن لو جات في البيت ده تاني، هطردك من هنا، ولا يفرق. سعاد بعياط وعصبية: هي حصلت تطردني من بيتي؟ كريم بعصبية: قصدك بيتي أنا. أنا كبير العيلة بعد جدي، وليا الحق أقرر مين يفضل ومين لأ. سعاد بعصبية: سامع يا عمي؟ الجدي: آه سامع، وهو مغلطش. وقام: أنا داخل أنام. سمية بعياط وفرح: أبوي! انت قمت!

سمية بفرح: مبروك يا حج. فهد حضنه بحب: ألف مبروك يا جدي. مريم بحب: الله بجد الحمدلله. إيه الخبر القمر ده؟ الجدي بحزن: البركة في بتك يا سعاد، شالتني وكانت سبب في إني أقوم. نيرة بتفسير: علشان في حالات زي حالات جدي كده، لو حالته مستقرة وشاف دافع قوي يجبره إنه يقوم، بيقاوم. و90% بتنجح وبيقوم فعلاً، بس لازم سبب حقيقي. كريم: الحمدلله. الجدي: عن إذنكم يا حبايبي، تصبحوا على خير. الجميع: وانت من أهله. -عند سليم.

سليم بدموع: أنا مكسوف منك أوي يا رودينا. رودي بدموع: ليه؟ أنت ذنبك إيه يا حبيبي؟ سليم بدموع: إزاي مش للأسف، أختي حاطة راسي في الأرض بمعاملتها، وكانت هتعمل إيه في أختك وأمي عاجبها الوضع. رودي بدموع: الحمدلله إنهم كلهم دلوقتي بخير. وبعدين أنا مش عايزة غيرك، أنا مش هتجوز أمك وأختك يا سليم. سليم بحزن: حقك عليا. رودي بحب: متعتذرش يا حبيبي. سليم: ربنا يخليكي ليا يا رودي. رودي بحب: ويخليك ليا يا سولي. روّق بقى. -عند مريم.

مريم بخوف بتتكلم في الفون: أنت اتجننت صح؟ تيجي تعمل إيه؟ الشخص: أجي أشوفك، إيه مش حقي؟ واحشاني. مريم بعصبية: محدش أصلاً يعرف بيك في حياتي كلها. أنت اتمحيت. لسه فاكر إن في واحدة في حياتك اسمها مريم؟ الشخص بعصبية: أنا قولت هاجي وهشوفك، لازم نتكلم. مريم: مفيش بينا كلام. أنت تنساني خالص وتعيش حياتك زي ما أنا نسيتك وعايشة حياتي من غيرك، أنت فاهم؟

الشخص بعصبية: طب هاجي، ولو فضلت تخنقيني كده، شوفي هعمل إيه مع حبيب القلب، وهروح أقوله وهيزعل إنك خبيتي حاجة عليهم. مريم بعصبية: ربنا يسهل. الشخص: سلام. مريم: سلام. وكان سامع كل المكالمة فهد، وده لأن مريم كانت بتتكلم وهي فاتحة السبيكر في البلكونة، معتقدة إن كله نام. ولكن كان جنب أوضتها أوضة فهد. وسمع كل شيء. فهد بصدمة: مين ده؟ وليه بتتكلم بالطريقة دي؟

وكأن كان فيه بينهم حاجة أنا مش هعرفها. هسمع هشوف هتعمل إيه وهتقولي ولا لأ. مش هتسرع، لأ، لازم أهدى. -عند نيرة وكريم. كريم طلع من الحمام لقي نيرة نايمة، ولابسة قميص روز حملات ومدياه ضهرها. كريم بتنهيدة: نيرة. نيرة... كريم راح جمبها على السرير، فهي غمضت عينها بسرعة. كريم بص، شاف إنها معيطة.

كريم بحزن مسح على شعرها: حقك عليا، متعيطيش. عارف إنك زعلانة مني أوي عشان اتعصبت عليكي، بس صدقيني غصب عني. متتكلميش خالص لما أكون متعصب، أنا عصبيتي بتعميني بجد، وخوفي عليكي اتحكم فيا. نيرة فضلت تعيط في صمت. كريم عدلها وهمس: افتحي عينك يا نيرة. نيرة فتحت بقهر: خير؟ كريم بحزن باسها: حقك عليا يا ست البنات. وجاب من ورا ضهره ورد. كريم بحب: بصي، عامل حسابين. نيرة: وأنا المفروض دلوقتي مزعلش منك؟

كريم بحب: آه، لأن أنا بحبك، وانتي عارفة ده، فعدي بقى. أكمل بضحك: ولا هي هرمونات الحمل دي هتطلع عليا؟ نيرة بابتسامة ضربته بخفة: طب احترم نفسك. كريم بضحك: هو أنا قولت حاجة؟ نيرة مسكت الورد وشمته وأكملت: حلو أوي. كريم بحب: مش أحلى منك. نيرة بضحك: كل بعقلي حلاوة. كلك. كريم بضحك: بذمتك، مش بنجح في إني آكل بعقلك حلاوة؟ نيرة: اخص عليك، بدل ما تقول لي الكلام بجد.

كريم بضحك: لا، ماهو بجد، بس الوقت بقي، فاهمة. بقول كده دلوقتي عشان ترضي عني. نيرة بحب: خلاص، صعبت عليا. كريم بحب: خدها في حضنه وباسها وأكمل بخبث: ومش صعبان عليكي في حاجة كمان؟ نيرة: بعد فهد زي إيه؟ كريم وهو بيحضنها: متعرفيش. نيرة بضحك: آه، لا دي مش صعبان عليا. وأكملت بحب: كريم، تعرفي نفسي في إيه؟ كريم بضحك وغمز: والله وأنا نفسي بردوا. نيرة: احترم نفسك، بتكلم جد. كريم بضحك: أؤمري. نيرة: نفسي في جبنة مش. كريم: نعم؟

مش أجيبها منين ده؟ نيرة بدموع: معرفش، اتصرف. كريم بضحك: بس بس، انتي بتعيطي عشان المش؟ أنا ليا الجنة صح؟ زي ما قال زين. ده إيه المرار ده. نيرة بعياط: متتريقش، بجد نفسي فيه أوي. كريم بضحك: مش هتريق، مش هتريق، هجبلك حاضر بكرة جبنة مش. وأكمل بهمس: أبو أم هرمونات الحمل. نيرة بدموع: سمعتك. كريم بضحك: خلاص يا عمري، سكت. نيرة: تعرفي بكرة كام؟ كريم: آه، 28. نيرة: اشمعنى؟ نيرة بحزن: لا عادي، كنت عايزة أعرف. كريم: تمام.

نيرة بحزن لنفسها: أكيد نسي حقه، 5 سنين بعيد عنه. وأخذها في حضنه وناموا. -تاني يوم صحيت نيرة. نيرة وهي بتقوم كريم، وبصت جمبها ملقيتهوش. نيرة: راح فين ده؟ ولقت تليفونها بيتصل. نيرة: إزيك يا منمن؟ عاملة إيه؟ مني: الحمدلله بخير يا حبيبتي. اتصلت بس أعرفك حاجة نسيت أقولك عليها خالص لما كشفت. نيرة: خير يا حبيبتي. مني بحب: لا، ده خبر حلو. انتي حامل في توأم. نيرة بفرح: والله العظيم؟

مني: آه، توأم. بس لسه شوية بقى لحد ما نعرف إيه نوعهم. نيرة بفرح: بجد؟ شكراً يا مني، فرحتيني أوي. دي أحلى هدية جاتلي أصلاً. مني بفرح: عقبال ما تقومي بالسلامة، وبلغي كريم مبروك. نيرة بحب: يوصل. وقفت معاها. نيرة وهي هتطير من الفرح، وراحت لبست دريس لبني سماوي، وله أكمام شكلها رائع ومنفوش نفشة بسيطة من تحت، وحجاب من نفس اللون، وحطت ميك آب رقيق. وكان الفستان مبين شكل بطنها. نيرة بفرح حطت

إيدها على بطنها وأكملت: ده بابا هيفرح بيكم أوي أوي. ثم تنهدت بحزن: بس أنا بجد زعلانة إنه نسي عيد ميلادي، بس يلا مش مشكلة. نزلت تفرحه. وفتحت نيرة الباب ونزلت جري وهي فرحانة، ولقيت الدنيا ضلمة. نيرة باستغراب: إيه ده؟ الدنيا ضلمة ليه؟ كريم، كريم. ثم فجأة النور ولع وكل اللي موجودين قالوا في نفس واحد: سبراااايس، هابي بيرث داي. وانطلقت الصواريخ. وكان كريم واقف قدامها ماسك بوكيه ورد كبير وهدية لنيرة.

نيرة بدموع من الفرح حضنته. نيرة بحب: أنت منسيتش يا كريم؟ كريم بحب شدد من حضنها: مقدرش أنسى، ده يوم ميلاد حبيبة قلبي. نيرة بحب: بحبك، بحبك أوي يا كريم بجد. كريم بحب: وأنا أكتر. ودلها البوكيه، وفتحت العلبة. لقيت اسمها هي وكريم في سلسلة دهب متداخل مع بعض بشكل حلو أوي. نيرة بإعجاب: واو، بجد تحفة أوي. تسلملي يا حبيبي. بس باين عليها تقيلة أوي. كريم بحب: مفيش حاجة تغلى عليكي يا ست البنات.

نيرة بحب: ربنا ما يحرمني منك يا روحي. سمية: كل سنة وانتي طيبة يا قلب ماما. نيرة بحب: وانتي طيبة يا ست الكل. زين: عيد سعيد يا قمرايا. نيرة بحب: تسلميلي يا غالية. رودي ومريم وفرح حضنوها وقالوا مع بعض: كل سنة وانتي طيبة يا نيرو. نيرة بحب: حضنتهم، وانتو طيبين وعقبال ما أفرح بيكم. الجدي بحب: كل سنة وانتي طيبة يا بتي، والسنة الجاية تجيبلنا كريم الصغير. نيرة بحب: وانت طيب يا جدي، ربنا يخليك لينا يارب.

فهد بحب: كل سنة وانتي طيبة يا مرات أخويا. نيرة بحب: وانت طيب يا صديقي. كريم: صديقك؟ فهد بضحك: يا ابني، إحنا صحاب أوي، لعلمك. نيرة بضحك: قول له. سليم بضحك: كل سنة وانتي طيبة يا مدام الأنصاري، عشان مضربش مع فهد النهارده. نيرة بضحك: وانت طيب. كريم بضحك: جدع يا سليم، كده أحبك. يعجبني فيك إنك فاهم اللي هيحصل. زين بضحك: كل سنة وانتي طيبة يا نيرو. كريم: ماشي، ماشي. نيرة بضحك: وانت طيب يا زين.

وعملوا عيد الميلاد وجابو تورته كبيرة عليها صورة نيرة واحتفلوا، ونيرة قطعت منها وأكلت كريم، وبعدين أكلتهم كلهم، وكانت هتطير من الفرح. كريم بحب: أفاجئك أكتر؟ نيرة بحب: وريني. كريم بضحك: طلع من وراه علبة فيها الجبنة المش. وأكمل: عشان تعرفي بس إني بهتم بأدق التفاصيل. نيرة بفرح: إيه ده؟ جبتلي مش؟ يس يس. وفضلت تاكل منه. زين: هي كانت نفسها فيه. كريم بضحك: دي عيطت لما قولتلها أجيب لك منين.

فهد: لا يا زين، أنت طلع عندك حق. أنا أخويا له الجنة على الوضع ده. مريم بضحك: ده انتي نكتة يا نيرة. وفضلوا يضحكوا. نيرة بتمثيل حزن: كيمو. كريم: قلب كيمو. نيرة: يرضيك بيتريقوا عليا؟ كريم بضحك: بس لحسن تعيطي تاني. وبصلها: محدش يقدر يتريق عليكي يا عمري، دي عيال حقودة. فهد بضحك جداً: بنحقد جداً. وبعد شوية من الضحك والهزار. نيرة بضحك: بس اخص عليك يا كريم، تجيب ليا هدية ومتجبش للبيبي؟

كريم بحب: وطي، باس بطنها. هو يجي بس الأول ونجيب كل اللي عايزه. نيرة بحب: بس اعمل حسابك، أصل هتجيب هديتين مش هدية. كريم بحب: من عيوني. ثم أكمل بصدمة: إيه؟ هديتين؟ وبصلها وهو فرحان: نيرة، انتي؟ نيرة وهي بتهز راسها بحب: آه يا كريم، حلمك اتحقق. أنا حامل في توأم. كريم بفرح: بتهزري؟ وشالها ولف بيها وهو فرحان أوي. بعدين نزلها وحضنها والزغاريط شغالة في البيت.

وأكمل بحب: انتي كل حاجة حلوة في حياتي بجد يا نيرة. من يوم ما دخلتي حياتي وانتي نورتيها. ربنا يقومك ليا بخير انتي وحبايب بابا. واهتمي بقى يا حبيبتي وكلي كتير، دول اتنين مش واحد. الجدي بفرح: حضن نيرة وكريم وأكمل: مبروك يا ولاد، ألف مليون مبروك. عايزين تملولنا البيت عيال كده. سمية بفرح: مبروك يا حبايبي. وكلهم فضلوا يباركولهم في جو مفرح. لكن عين فهد كانت على مريم، وإنها بتسرح كتير. مريم: عن إذنكم، هدخل الحمام.

مسك موبايلها فهد. ولقى فيه باسورد. فكر وجرب يكتب تاريخ ميلاده، ففتح. وشاف مسدج بتقول: تعالي لي النهارده في البيت الساعة 7 وتيجي، يعني هتيجي، لاما هجيلك النهارده، وانتي حرة. وادي العنوان اهو. فهد بصدمة: نعم؟ مين ده؟ ولقي مريم طالعة، فسابلها الفون وقرر إنه هيروح وراها. نيرة بصوت مسموع: مالك يا مريم؟ مش طبيعية. مريم بتوتر: ها، لا كويسة، تعبانة بس شوية. فهد بحدة: على فين؟ مريم بخوف: أجيب حاجات بنات. فهد: طيب، هاجي معاكي.

مريم: بقولك حاجات بنات. فهد: انتي بتقولي كده عشان مروحش معاكي ولا إيه؟ مريم بخوف: لا، بس عادي، مش هتأخر. مريم وقفت قدام العمارة واتنهدت وطلعت وخبطت. فارس فتح بدموع: واحشاني أوي يا مريم. وحضنها. مريم بدموع: برغم قهري منك، بس أنت أكتر يا فارس. فهد واقف غير مصدق اللي شافه وسمعه. ومش عايز يشك فيها ولا يكرر غلطة أخوه، لكنه سمعها وشافها، فمش معقول هيتخطى كل ده. فهد بعصبية وعيون مدمية من شدة حمرتهم: مرررررريم.

مريم بعدت عن حضن فارس بسرعة وبصت بصدمة وخوف: فهد؟!!!