رواية حب عمري الفصل التاسع 9 - بقلم لولا

كريم بصدمة ووجع: حامل! مني بفرح: اه حامل! مليون مبروك. عن إذنكم. فاتن من بعيد بغيظ: لطمت بصدمة. نعم يا نهار أسود ومنيل! حامل. الخطّة خربت. الجد: اذنك معاكي يا بتي. بص لكريم بعصبية وأكمل: جدع يا كريم، جدع يا واد يا ولدي. حد يجولك كلمتين على مرتك تصدقهم وتيجي تمد إيدك عليها وتهينها وتتحايل عليك تشرح لك موقفها وأنت لا. إزاي؟ إزاي؟ كريم: أتواضع وأسمع حد حلو أكده اللي هببته ده؟

بعد ما سامحتك أنت اهوه بتبعدها. والمرة دي أنا بريء منك. اخص عليك. نفين بعياط: كلنا صدقنا يا كريم وهي ما فرقش ليها. إحنا هنشوفها كيف؟ وفضلت تحاول تبرر لك يا ولدي. حرام عليك. فرح بعياط: المرة دي يا أخوي مش هعرف أتكلم. كريم بصدمة وعياط: يا جماعة. غصب عني. أنا راجل شفت مراتي في حضن واحد وفي دولابها حبوب منع حمل. عايزني أفكر إزاي؟ وهنا جيه فهد. فهد: في إيه يا كريم؟ كريم: مفيش يا فهد. مريم: في إيه يا فرح؟

فرح بعياط: قصت عليهم كل شيء بالتفصيل من الأول حتى حمل نيرة. فهد بعصبية: أنت اتجننت يا كريم؟ إزاي تشك في مرتك؟ هي دي التربية اللي جدك رباها لنا. أنت فعلاً متستاهلش حب نيرة ودفعها عنك من وراك. كريم بوجع: قصدك إيه؟ فهد بعصبية: قصدي إني فكرت غلط. لما كنت هاجي أحكيلك تجيب لها حقها من أحمد. كريم بعصبية: عملها إيه الزفت ده؟ انطق واخلص يا فهد.

فهد بغضب من أخوه: هسمعك بس عشان ضميرك يوجعك أكتر. وفتح فهد المسجل وسمع كريم كل كلمة فيه. كريم بوجع: والله ما كنت أعرف أو أتخيل كل ده يحصل. مريم: ثانية بس. أحمد مستحيل يعمل كل ده لوحده. في حد قريب منكم بيساعده؟ كريم بوجع: أنا برضه شايف كده. لأن الرسالة اتقالت لي فيها إن نيرة صممت تروح المستشفى برغم تعبها. وده محدش سمعه غير اللي في البيت. وبص لفاتن اللي واقفة في زاوية. فاتن بخوف: إيه؟ أنا مالي أنا؟

كريم بعصبية: راح مسكها من شعرها. أقسم بالله يا فاتن لو طلعتي أنتِ هتشوفي هعمل فيكي إيه. وأنتِ عارفاني. سعاد بعصبية: روح شوف مراتك. مين عمل فيها كده؟ ملكش دعوة بـ... فاتن بوجع: أنا مالي. كريم زق فاتن بعصبية: طب هيبان. ولو ليكي يد هتشوفي هعمل فيكي إيه. نوفين بعياط: يعيني يا بتي على كسرة نفسها لما تعرف إنها حامل. وأنت عاملتها كده. نيرة ابتدت تفوق و بتهلوس باسم كريم. نيرة بدموع وهي نايمة وبهمس: كريم. أنا بحبك أنت والله.

كريم بوجع: لعن نفسه ألف مرة. فهو سبب في حالتها. كريم راح ناحيتها: نيرة. حبيبتي. قومي. نيرة بتعب: آآآه. آآآه. كريم مسك إيدها: قومي يا حبيبتي. وقومها. نيرة بتعب: آآآه. أنا مالي. كريم بعياط: أنا أسف يا نيرة. نيرة بوجع: أنا مش هسامحك يا كريم. كريم وطي ووقف عند مستوى بطنها وباسها وأكمل بدموع: طب سامحيني عشان خاطر ده. نيرة بعدم فهم ودموع: تقصد إيه؟ كريم بدموع: قام حضنها. أقصد إنك حققتي أمنيتي دلوقتي يا نيرة.

نيرة بوجع وصدمة: أنا حامل؟ كريم بحب: مسك وشها بين إيده. آه يا حبيبتي. وابني جه دلوقتي عشان يعرفني قد إيه أنا حيوان وظلمت أمهم. نيرة زقته وأكملت بعصبية: وأنا مش عايزة يا كريم. مش أنت قلت لي كده؟ وأكملت بعياط: وصدقت إني أحب غيرك وأبقى مش عايزة أحمل منك خلاص. بقى ملكش دعوة بيا وسيبني أنا وابني في حالي. كريم بعصبية: مش بمزاجك. اللي في بطنك يخصني زي ما هو يخصك. نيرة بجمود: خلاص. انزله. كريم بعصبية: أنتِ اتجننتِ صح؟

فوقي لنفسك كده. أنا لو ابني حصاله حاجة بسببك هتشوفي مني وش مش هيعجبك. نوفين: اهدي يا بابتي. الجد: تعالي يا نيرة. نيرة بدموع: نعم يا جدي. الجد: أنا طلبت منك إنك تشكي لي. وجت لما كريم يزعلك. ولو غلطان أنا اللي هقفه. ودلوقتي بطلب منك تتطلبي اللي عايزاه. طبعاً إلا إن... نيرة بدموع: إلا إني أسيب بيتي. وأنا مش هعمل كده يا جدي. ومش عايزة حاجة خالص. هو مالوش دعوة بيا. وطلعت على أوضتها وقفلت الباب. في أوضة نيرة.

نيرة بانهيار حاطة إيدها على بطنها وبتعيط. آه يا حبيبي. أنت عارف أنا بحبك أوي. كان نفسي أبوك يصدقني وميظلمنيش. ماما تعبت أوي يا حبيبي واتوجعت من أبوك كتير أوي. بس والله ما في حاجة مصبراني غير إنك هتيجي تحلي دنيتي. وحاوطت بطنها. تعالي بسرعة. بجد نفسي أشوفك. وبعد شوية نيرة نزلت. نيرة: جدي. الجد: نعم يا بتي. نيرة بحزن: أنا قلت لك إني مش هسيب بيتي. بس معلش. ينفع أروح يومين لماما وأرجع لك؟

قاطعها كريم بعصبية: ده على أساس إيه؟ إن ملكيش حد ياخد رأيه؟ نيرة تجاهلته: ها يا جدي؟ عشان خاطرك. كريم بعصبية: مسك إيدها. مفيش طلوع من البيت. لو وقفت على شعر راسك. الجد: بصي يا بتي. طلوع من البيت لا. خدي الأوضة دي. وشاور على أوضة معينة. وريحي أعصابك بعيد عنهم. نيرة بدموع: تمام. كريم بعصبية: هنشتغل شغل استعباط. قال تروح لماما قال. ولكن نيرة لم تهتم لحديثه وراحت الأوضة ونامت وهي بتعيط. كريم: عن إذنكم. الجد: خد يا كريم.

كريم: خير يا جدي. الجد: أنا مش محتاج أقولك إن اللي هببته غلط. لأن أنت عارف. بس استحمل بقى قرارها والموقف ده يعلمك لقدام. كريم بحزن: تمام. عن إذنك يا جدي. وطلع كريم أوضته. كريم لنفسه بدموع: حقك عليا. صدقيني. من حبي ليكي وغيرتي عليكي حصل كده. أنا آسف يا نور عيني. كان نفسي آخدك في حضني فرحاً بالخبر ده أوي يا نيرة. تاني يوم على الفطار. الجد: فين نيرة؟ كريم: هي منزلتش. نوفين: لفرح. هروح أشوفها.

كريم: خليكي. رايح أنا. وقام واتجه لغرفتها ودخل. لقي نيرة نايمة وباين في عينها الدموع ولابسة شورت وكات وسايبة شعرها مفرود. كريم بحزن قرب منها وباسها وهمس: حبيبتي. قومي عشان تفطري. نيرة صحت بخضة: أنت إيه دخلك هنا؟ كريم: في إيه يا نيرة؟ مش معنى إنك مش في أوضتي تبقي مش مراتي؟ أدخل وأطلع براحتي. مالك؟ نيرة بعصبية: لا متدخلش. كريم بعصبية أكبر: صوتك ميعلاش تاني. يلا عشان تفطري. نيرة بعناد: مش هفطر.

كريم: ده مش عشانك. وحط إيده على بطنها. ده عشان ابننا. نيرة زقت إيده. أكملت: ملكش دعوة بيا ولا بيه. وقامت دخلت الحمام. كريم بصوت مسموع: طب ابقي متنزليش. أنا بقى عايز كلمتي تتكسر. شوفي هعمل فيكي إيه. واتنهد بحزن ونزل. وبعد شوية نيرة جهزت ونزلت. قعدوا يفطروا. نيرة وهي قايمة: مريم. اسنديني. مش قادرة. كريم بخوف: مالك؟ فيكي إيه؟ نيرة بجمود: بخير. شكراً. ودخلت رجعت كتير. كريم بخوف: أنتِ كويسة؟ نيرة: قولت آه.

فرح ومريم سندوها وطلعوها أوضتها. زين بحزن: معلش. سامحها يا كريم. هي من حقها. أنت شكيت فيها ومش سهل تسامحك. كريم بتنهيدة: عارف يا زين. وأنا أستاهل. بعد 3 أيام. كريم: جدي. أنا عايز أ صالحها بجد. مبقتش قادر. واحشتني أوي والله. اتربيت بما فيه الكفاية. الجد بضحك: تستاهل. كريم: يا جدي. عشان خاطري. مش وقته هزار. صالحنا. الجد بحب: اطلع يا ولدي. ولو مرضيتش. ناديني. عند نيرة في الأوضة.

نيرة بحزن قاعدة بتتفرج على صورها هي وكريم. نيرة بدموع: ما كانش نفسي تعمل كده فيا يا كريم. كريم من وراها بعياط: أنا آسف يا قلب كريم. نيرة بعياط: لفت له. أنت إيه دخلك هنا؟ كريم بدموع: عشان خاطري. كفاية. أنا تعبت. نيرة بدموع: أنت عارف أنا لما بكون مقهورة من الدنيا بستخبى فين؟ وأكملت بعياط: في حضنك يا كريم. بس لما تكون أنت اللي قاهرني وواجعني.

كريم بعصبية وعياط: ياريتني كنت مت يا نيرة قبل ما أضايقك كده أو أمد إيدي عليكي. الموت أهون لي من إني أوجعك. نيرة بعياط: بعد الشر عليك يا كريم. أنت مهما تعمل فانت حبيبي وأبو ابني. بس وجعي منك أنت بتزوده. كريم فتح إيده وأكمل بدموع: تعالي مكانك يا نيرة. حتى لو أنا السبب. نيرة بانهيار جريت حضنته وحاوطها بإيده كويس وفضلت تعيط وهو بيمسح على شعرها.

كريم: وغلاوتك يا نيرة. لأندم اللي عملوا فينا كده وكانوا سبب في دموعك وبعدك 3 أيام عن حضني. وأكمل بضحك: اتربيت بجد وعرفت قيمتك. نيرة بعياط: أنا برغم كده فرحانة أوي يا كريم. أوي بجد. كريم بدموع: اشمعنى؟ نيرة بدموع: عشان أنا أخيرا شلت جوايا حتة منك. بس كان نفسي استقبالك لابنك يكون مش بالشكل ده. كريم باسها وهمس: حقك عليا. ونزل باس بطنها. وحقك عليا يا حبيب بابا. نيرة بابتسامة وجع: والله.

كريم بحب جاب الحجاب ولفه على شعرها. آه والله. هعتذرلك قدام كل الناس كمان. وشاله. نيرة بكسوف: كريم. عيب. نزلني. كريم بص لها بطرف عينه. بس يا بت. ونزل. ولما شافته فاتن اتصدمت وكانت هتولع من الغيظ هي وأمها. نيرة: كريم. بجد. نزلني. كريم بحب: أهو يا ست البنات. وأكمل بصوت مسموع: أنا جبتك هنا عشان أعتذرلك قدامهم. أنا آسف يا نيرة. آسف أوي أوي بجد. وقابل بأي عقاب تقوليه. نيرة بابتسامة: أي عقاب؟ كريم: آه. أي عقاب.

نيرة جريت حضنته واتعلقت في رقبته وقالت: متخرجنيش من حضنك. ومتصدقش حاجة غير لما تكلمني بهدوء. بوس. كريم بحب وفرح: دي كده مكافأة مش عقاب. حضنك ده لما بكون فيه بحس إني في الجنة. مش في الدنيا يا نيرة. سليم بضحك: ياسيدي يا سيد. فرح بضحك: اخص عليك يا سليم. قطعت اللحظة. فهد بضحك: طب كفياكم أحضان. كبيركم موجود. الجد بضحك: براحتك يا ولدي. حلالك. كريم بضحك شدد من حضنها: أنتوا إيه غايزكم أنتوا؟ سليم: وأنا هتغاظ ليه؟

6 شهور وأحضن أنا كمان. فهد بضحك: وأنا معاك. قال نتغاظ؟ قال مريم. فهد: عيون مريم. مريم: اتلم. ها. أنت بتتكلم عليا؟ فهد بحب: أومال أحضن مين طيب؟ مريم بكسوف: متحضنش خالص. وقعد كريم وهو واخد نيرة في حضنه وفضل يطبطب عليها لحد ما نامت. الجد بضحك: دي نامت. كريم بحب: آه. هي طول عمرها بتنام في حضني. ما صدقت بقى. بقالها 3 أيام. الجد: ربنا يخليكم لبعض يا ولدي. وألف مليون مبروك. 9 شهور وييجي ولي العهد.

كريم بفرح: ربنا يجريهم يا رب. فاتن بغيظ: عن إذنكم. وطلعت أوضتها. في أوضة فاتن. فاتن حكت كل حاجة لأحمد. أحمد بصدمة: أنتِ بتخرفي؟ بتقولي إيه؟ نيرة حامل؟ فاتن بعصبية: آه حامل. حامل يا بيه. وحامل من كام يوم بس. مكنتش عارفة أوصلك أحكيلك. أحمد بعصبية: إزاي ده يحصل؟ فاتن بعصبية: أنت حاسسني إن كل واحد في أوضة؟ ما هما متجوزين وبيتنيلوا بيحبوا بعض. أحمد بعصبية: أنا هنزله يعني هنزله. فاتن بشر: أنا فكرت. وقلت هدلق زيت وتقع تسقط.

أحمد بشر: آه. اعملي كده. ولو منفعتش. أنا ليا طريقة. فاتن: إيه هي؟ أحمد بخبث: هتعرفي بعدين. في أوضة كريم. بعد ما حط نيرة في السرير وغطاها دخل يتكلم. الو. إيه يا مني؟ ها. إيه أخبار نتيجة التحليل؟ كريم بحزن: يعني هتعوز أدوية كتير. طيب يا مني. شكراً. حاضر. هخلي بالي منها. كريم باسها وخدها في حضنه ونام جنبها. تاني يوم الصبح. تليفون نيرة بيرن. كريم بنوم: الو. سمية بفرح: مبروك. يابني. مبروك يا حبيبي. لسه عارفة دلوقتي.

كريم بحب: الله يبارك فيكي يا أمي. سمية: هات نيرة أبـارك لها. كريم بهمس: نيرة. إنتي يابتي. نيرة: اممم. كريم: قومي. أمك عايزكي فون. نيرة همس: لو مقومتيش هبوسك وأنتي حرانة. نيرة قامت بسرعة: هات ماما. هاتها. واحشتني. كريم بضحك: أيوه كده. نيرة: الو يا ماما. سمية بفرح: مبروك يا قلب أمي. عقبال ما تقومى بألف خير. نيرة بحب: الله يبارك فيكي يا روحي. رودي: مبروك يا نيروووو. لوووولي. أخيرا هبقى خالة.

نيرة بفرح: حبيبة قلبي. عقبالك أنتِ وسولير. رودي بحب: يا رب. نيرة: مستعجليش يا ختي. رودي: على رأيك. خدي ماما. نيرة: إيه يا ماما. وكريم كان حاضنها وبيـبوسها. سمية: خلي بالك من نفسك يا نيرة. نيرة بهمس: بس يا كريم. اسكت. قولي يا ماما. سمية: يا بنتي. بقول خلي بالك من نفسك. وكريم برضه بيبوسها. نيرة بصوت مسموع: كريم. عيب كده. سمية بضحك: كريم. عيب كده. شكلي جيت في وقت غلط.

نيرة بإحراج: طيب هقفل معاكي يا حبيبتي. وابقي طمنيني عليكي. سمية: ماشي يا قلب ماما. سلام. نيرة: يعني ينفع كده؟ كريم بحب: آه ينفع. مراتي. فكل حاجة تنفع. وبعدين بقالي 3 أيام بعيد عنك. وغمز. فواحشتيني بقين. نيرة بضحك: لأ. أنسي. مش كل حاجة. كريم بيقرب منها. إزاي يعني؟ نيرة بضحك: تؤ تؤ. بتكلم جد. المرة دي مينفعش يا حبيبي. أنت فاهم. كريم وقد تذكر. آه. تصدقي صح. وأكمل بضحك: يعني جات على دماغي دلوقتي.

نيرة بضحك: مش أنت عايز تبقى بابا؟ استحمل بقى. كريم باس بطنها: نستحمل عشان الباشا الصغير. نيرة: أنت حاسس إنه ولد؟ كريم بضحك: لا. هو أي حمل بيعتبروا في الكلام ولد. بس أنا نفسي في توأم ولد وبنت. نيرة: ياآآآه. ياريت. كريم باسها: لو مجتش المرة دي توأم. تيجي المرة الجاية. نيرة: ليه؟ أرنبة؟ هخلف كتير؟ كريم بضحك: لا طبعاً. بس أنا لو عليا عايز عيال كتير. وغمز. أنتِ بس اللي بتهبطي ومش بتستحملي.

نيرة: تصدق إنك قليل الأدب. وأكملت وهي قاصدة تضايقه. نيرة بدلع حطت إيدها على رقبته وقالت بصوت رقيق: مين قالك إني بهبط ولا الكلام ده يا كيمو؟ كريم بضحك: يابت. بلاش السهوكة دي. متنفعش دلوقتي. وبعدين بترجعي تندمي. نيرة بدلع: وأنا إيه اللي يندمني وأنت معايا يا عمري؟ كريم: حبيبتي. اهدي على نفسك. أنا مش قادر لوحدي. أقولك أنا هقوم أحسن. نيرة بدلع: أهون عليك تقوم من حضني يا كريم؟ كريم بضحك: عشان أكتر من كده خطر يا قلب كريم.

نيرة بضحك: خلاص. روح. ده أنت بارد. نيرة بضحك: أحسن. تستاهل. برا. كانت فاتن بتتسحب ودلقت الزيت على السلم. فاتن: يخش تجيب رجلك تتكسر يا حرباية. وبعد شوية نيرة طلعت في الأوضة. كريم: الو. إيه يا أم محمد؟ بتتكلمي من هنا ليه؟ ما كنتي تطلعي. أم محمد (الخادمة) : يا بيه. أنا براقب الست فاتن زي ما قلت لي في البيت. وهي خدت إزازة زيت ودلقت على السلم. معرفش ليه. بس يمكن قاصدة توجع الهانم. كريم بصدمة: إيه؟ وقلبه وجعه

وجري بسرعة وقال بكل صوته: نيييييييييرة. نيرة وهي بتحط رجلها على السلم: إيه يا حبيبي. وبالفعل حطت رجلها على الزيت وخلاص هتقع.